You Cannot Download this book untill you login but you can read it .

---

Login Register

fishi komi na rayuwa rainashi yakeyi? To ita dai yau taga tabbas a gurin Deni, amma meyasa tun abaya batai wannan tunanin ba sai yanxu da lokaci ya qure mata?




Ta laluba xuciyarta ta samu soyayyar Deni danqam aciki ko gixau bataiba balle tayi tunanin xata raba kanta da ita. Meyasa Deni yayi mata haka? Meyasa ya yaudareta sai data gama aminta dashi sannan ya barta da soyayyarsa ya juya mata baya? Kodan bata da gata ne? Kodan ya aureta a arha ne bai wahala kafin auren ba? Wannan dare a haka sakeena tai bacci cike da kewa da kuma soyayyar mijinta Deni wanda yayi mata nisa yanxu.


***** ***** *************


Sun dauki yan satittika a haka cikin wannan xama marar fasali, babu duka, babu zagi, babu cin mutunci ko wulaqanci babu rashin abinci ko wahala amma fa akwai dan karen halin ko inkula qiri qiri Deni yace mata Dan Allah ta rage damunsa inda hali yafiso tayi rayuwarta yayi tasa. Hakan kuwa akai ta tattarashi ta ajiye ta rungumi tashi tsakiyar dare tayi adduointa ta kaiwa Allah kukanta.




Daga qarshe ma dai saiya koma kwanan falo ya bar mata bedroom din, wannan abu yayi mutuqar daga mata hankali duniya kenan wai yau Deni da kansa ya raba musu makwanci? Ya samu chance sosai a kasancewarsa shi kadai inda yake raba dare yana hira da yan matan da basusan ciwon kansu ba ko kuma ince wadanda kamun kai yayi musu qaranci, domin duk macen daxata xauna tana chatting da mijin daba nata ba har tsakiyar dare tofa wlh tayiwa kanta illah kuma tabbas ba kamun kai a gurinta don daga raba daren nan hirar batsa xata fara shiga tsakaninku wanda daga haka kin barar da mutuncinki a gurinsa ko aure xaiyi tofa baxai aureki ba ko jiyayi wani xai aureki shine xai fara bada shedar cewa baki da kamun kai. Kuma in kinada hankali ai xakiga kin shiga rayuwar auren wata kina cuxguna mata domin shi dare Allah ya kebanceshi ga iyalai. Dadin da dawa kemafa watarana matar aure ne sai ki auna inke wata tasamu mijinki a waje tana masa haka ta hanashi lokacinki xakiji dadi? Tofa kisani abunda kayi wlh sai anyi maka duk wayonka duk dabararka. (qalubalenku yan mata masu irin haka, domin yanxu ta wannan hanya kuna bada muguwar gudummawar tarwatsa gidajen aure. Allah ya shiryemu amin)



To shima dai Nura yabi sahun takwarorinsa maxa masu irin wannan dabia, ya fara hirar banxa da yan matan banxa duk kuwa da cewa ba halinsa bane hakan a wasu lokutan yan matan da suka fishi wayewa a wannan fanni har pics suke dauka na nuna tsaraici kona shigar banxa su tura masa. Yayin da ya hana tasa matar riqe waya saboda yana gudun kar tayi abunda yake. Ita dai baiwar Allah ta miqa lamarinta ga Allah kuma tayi imanin xai mata magani tunda yace "ku roqeni xan amsa muku"



Ranar Sunday yana xaune falo yana sanaar wato chatting ta fito ta tsuguna gefe tai masa sannu da gida. Ya dubeta a gajarce ya amsa kafin ya maida dubansa kan wayarsa. Ta qara qasa da murya tace "ya Deni Dan Allah waya xaka aramun xan kira Iya kwana biyu bata nemeni ba" a kaikaice ya dubeta yace "tunda bata nemeki ba ke meye naki na nemanta, qarata xaki kai kenan?" hankali kwance ta dubeshi tace "kwanayin wani abune wanda ba dai dai ba har kake ganin xankai qararka saboda shi?" yadan diririce jin ta yarfa masa magana cikin sauri yace "ke! xaki fara wannan xancen naki na xarwance ungo nakira miki ita tsaya anan ku gama wayar ki bani wayata" ya fada yana miqa mata wayar.





Sallamar Iya cikin kunnuwanta ya hanata bashi amsa tace "Wls Iya kin manta dani wajen sati biyu baki nemeni ba" tace "wayyo sakeena yi haquri kinji yar albarka kina raina wlh nadanyi jinya ne saboda kar indaga miki hankali shiyasa ban fada muku ba amma yanxu na warke" sakeena tace "Allah sarki Iya ta Allah ya qara sauki ai na kusa xuwa Kano in shaa Allah, wajen wata 5 ban ganki ba ai nayi kokari ko?" tace "kinyi diyata Allah ya kawoki nima inaso in kangi, ga Baba a kusa ku gaisa" ya karba sukai hira cikin farin ciki. Ta samu kanta cikin nishadi sosai wajen 19 minutes suna hira sai da taji Deni ya fara tsaki sannan ta katse hirar da tambayar Iya da cewa me takeso ta siyo mata inxataxo? Iya ta bata amsa dacewa "Duk abunda kikawomun sakeena inaso amma fa ganinki ya fiyemun duk abunda xaki kawo" tace "to ki fara share hanya inanan qarshen watannan in Allah ya yadda" sukai sallama ta miqa masa wayar ta koma kicin.




Tana girki tana tunani da kuma farin cikin jin muryar Iya da Baba. In banda abun Deni meye nasa na tunanin xatakai qararsa? Intakai qarar maganin me hakan xatai mata? Amsar itace babu sai dai ma ta dagawa Iya da Baba hankali, Hajjo kuma da tawagarta suyi murnar cinta da yaqi. Ta daura aniyar cigaba da ruqe sirrin aurenta da juriya da kuma addua har randa Allah xai yaye mata.




Ranar laraba ta tashi da wani irin matsanancin ciwon mara wanda tun ran Monday yake damunta tana daurewa amma yau yaci qarfinta, kasancewar bata taba ciwon mara ba a rayuwarta sai wannan karon yasa ta jigata dakyar tai wanka ta dawo ta kwanta da daurin qirji. Ya kamata ace Deni yasan bata da lfy tun jiya saboda ko girkin dare batai ba haka ma na safe amma dan tsabar rashin kulawa be gane ba ko kuma ya gane bashi da lokacin kulawa da itane oho.



da wuri ya dawo ana idar da sallah laasar. Yaga falon a yadda ya fita ya barshi tun jiya ba a share ba bare gogeshi. Ya shiga bedroom din da nufin tambayarta baasi ya taddata tana ta murqususu a kan gado cikin azabar ciwo. Tausayinta ya kamashi dan betaba gani tayi ciwon data jigata haka ba. Ya kamota yana tambayarta meke damunta cikin dauriya tace mararta ke ciwo tun jiya.


Da sauri ya debo mata kaya ya ajiye mata yace "daure kisa bari inje insamo napep muje asibiti" ya fice da sauri. Itama tai qarfin halin tashi ta xura kayan tasa hijab ta koma ta kwanta tana jiransa.




Wajen 5:00 pm sai gashi da sauri ya kamota ta miqe yana riqe da ita suka fito yana cewa "kinga ma bansamu napep dinba sunqi biyoni ciki sai motar abokin aikina na aro, Allah ya hore insai mota kodan irin wannan." tace "amin" taji tasamu sauki a dabiance saboda kulawar daya nuna mata, yaushe rabon da taga haka daga Deni? Yaushe rabon da hannunsa ya taba fatar jikinta?




Wani private hospital sukaje nawani consultant a fannin mata. Babu wani layi saboda yawanci yafi xama da daddare to sudai sun taki sa a xuwansa kenan sukaje kuma sune na 3 a layi. Yana riqe da ita har akaxo kansu suka shiga.




Yana xaune Dr din ya fara manyanta suka xauna kan kujerun da suke gaban table din guda biyu. Suka gaisa ya tambayeta meke damunta a taqaice tace masa ciwon mara. Ya kuma tambayanta yaushe rabonta da period tace anjima sosai. Ya qura mata ido yace "kina da aure?" Deni yace "eh matatace" likitan ya kuma kallon ta cikin xargi yace "inda wani abun ki fada bayan wannan saboda musan maganin da xamu baki da kuma shawara" cikin hardewar baki da tsoro tace babu.





Ya danna bell wata likita ta shigo sanye da lapcoat ya fada mata wasu kalmomi da tests ta yarensu na likitoci yace aje aiwa sakeena su. Ta amsa suka tafi da sakeena ya bawa Deni takaddar biyan kudi yace yaje ya biya charges din su jira a waje result ya fito.




Aka gama yiwa sakeena kwajin ta fito tanabin bango Deni ya tarota suka xauna jiran result yayin da gabanta ke wata faduwa, azabar ciwo bata hanata adduar Allah ya rufa mata asiri ba.




Kimanin rabin awa likitan taxo ta kirasu office din likitan farko. Suka xauna tai qasa da kanta gabanta na dukan tara tara.



Ya gama naxarin result din ya dubi sakeena kana yace "sakamakon yin allurar family planning da kikai ba bisa qa'ida ba hakan ya haifar miki da daukewar al ada na tsawon lokaci wanda hakan ya farune saboda rufe kofar mahaifarki da wannan sinadaran allura sukai. Dan haka yanxu xa ai miki allurai guda biyu da kuma wannan maganin wanda xaki shanyeshi duka inkinci kin qoshi sosai. In sun karbi jikinki xaki iya samun dawowar al adarki nan da dan lokaci kadan inkuma bata dawo ba xaki dawo muga abunyi" gumi ya shiga yankowa sakeena jin yaufa abunda ta boyewa Deni asiri ya tonu. Shi kuwa Deni kallon ta yake cikin matuqar kidima da gigita anya kuwa likitan nan result din sakeena yake karantawa? Sakeena ce tai allurar planning ba bisa qaida ba? Koda yake da qamshin gaskiya tunda bata musa ba kuma alamun rashin gaskiya ya bayyana qarara gareta.




Maganar likita ta katse masa tunani inda yake musu nasiha da jan kunne akan yin tsarin iyali ba bisa qaida ba ko neman shawarar masana. Deni ne yayi qarfin halin yi masa godiya suka tashi ya kira nurse taje da sakeena tai mata allurai biyu da wani magani guda daya tal a kwali.





Suna tafiya a hanya yanajan mota yana tunani yayin da sakeena tasa kuka don batasan irin hukuncin da Nura xai mata ba. Kukanta shi ya tabbatar masa da maganar likita gaskiya ce. Ya fada kogin tunani, to wai yaushe sakeena tayi wayewar da xata xage taje ai mata planning bada saninsa ba? Yaushe akai mata planning din kuma a ina waya bata shawarar? Lallai ta raina masa hankali ashe duk wannan abunda ake tasan abunda ta qullah shi ta maida sakarai. Ashe shine wawa sakarai ba sakeena ba tunda harta iya haintarsa yananan uwarsa tana mata gorin haihuwa yana tare mata ashe itace ta yaqi haihuwar da kanta. A fili ya furta "sannu sakeena kura da fatar akuya" ta qara fashe da kuka. Ya tsaki yace "ki adana hawayenki muje gida munafuka yau Allah ya toni asirinki maha inciya me haintar mijinta. Yau xaki fadamun wanda ya nuna miki inda ake xuwa yin planning dan wannan ba idea dinki bace saki akai a hanya"




Ya tsaya a hanya ya sayi gasashshan nama da L&Z milk suka nufi gida. Ta rigashi shiga gidan saboda ya tsaya maida motar daya aro.




Tasamu guri kan kujera ta xauna tana kukanta tuni ta daina jin ciwon saboda tashin hankali. Ya shigo ya ajiye ledar a gabanta yace "ci kisha magani" tasa gwiwarta qasa ta fara bashi haquri yayi saurin katseta yace "a a karki soma abinci kawai nace kici, badai har kinsan kiyi abu bansani ba? Yaushe kikai wannan wayewar" xata qara magana ya daka mata tsawa tayi shiru ta fara tusa naman tana kurbar madarar, shi kuma ya xauna kujerar dake kallon ta yayi tagumi yana mata kallon mamaki. Ta katse masa tunani da cewa "naqoshi" ya miqa mata kwalin maganin ta ballah ta hadiye.




Ya dawo kan center table ya xauna gwiwarsu na taba juna ya matseta sosai cikin nutsuwa yace "Sakeena waye ya sakaki kiyi planning?" tana hawaye tace "babu kowa" ya qara maimaita tambayar tai shirue
tana shashsheqa. Ya qura mata ido yace "Hassana da Usainane yayan Alh Dalhatu ko?" da sauri ta girgixa kai ya daka mata wata irin tsawa yace "to uban waye inba suba?" ta fara ja da baya dan taga ya xuciya.





Ya kamota ya qara dangwarar da ita a gabansa yace "wlh inkinason kanki da lfy ki fadamun gaskiya" cikin qinqina tace "Hajjo ce ranar xuwana gida na farko da aurenmu tasa Hadixa ta rakani gurin wata qawarta me aikin asibiti taimun, tace inna haihu a lokacin baka da halin daukar dawainiyar mu ni da Dan" cikin Al ajabi Deni ke kallon ta har tagama fada masa.




Ya riqe kansa da hannu biyu yana maimaita "Innaillahi wainna ilaihi rajuun" ya dade a haka kafin ya tashi ya fita waje lokacin har an idar da sallar magrib.




Itama ta dade a xaune kafin taje tai alwala tayi sallah tare da roqon sauki gurin Allah.


Tana gurin har akai isha tayi hadi da shafai wal wutir. wajen 8:30pm ya shigo kamar be ganta ba ya shige bedroom. Ta dan jima a xaune kafin xuciyarta ta bata shawarar taje ta bashi haquri. Ta miqe tana rabe rabe ta shiga bedroom din. Ta sameshi kwance kan gado ko takalmi be cireba yana kallon silin da alama yayi xurfi cikin tunani. Ta hau gadon a hankali ta kamo hannunsa daya dafe goshinsa dashi, ya tashi a xabure ya fusge hannunsa ya nunata yana cewa "a a sakeena karki kuskura ki qara kai hannunki jikina tunda kin isa da kanki har asakaki abu kiyi ba tare da kin fadamun ba duk da cewar abun ni da ke ya shafa." ta hade hannyenta biyu ta fara bashi haquri, ya katseta da cewa "a a bakimun komi ba kanki kikaiwa ni ko yanxu naga dama xan iya aure kuma in haihu da ikon Allah kefa? Kin bata mahaifarki"






Ta fashe da kuka mecin xuciya tace "wlh yaya Deni nace xan fada maka ka kaini asibiti da kanka tace ai bataso kasani shiyasa bata tareka da xancen ba kuma tace indai nabari wani yaji xancen bayanni da ita sai tasa ka sakeni" ya juyo da sauri yana kallon sakeena wacce ta kifa kai tana kuka bayan ta gama fadar haka.




Lallai Hajjo ta cika azzaluma mayaudariya meyin zamba cikin aminci. Tai amfani da qarancin shekarun sakeena da kuma makauniyar soyayyar da sakeena ke masa ta rabata da haihuwa da danta,(Deni)sannan ta tsoratar da ita ta hanyar hanata fada kana daga baya abu mafi ciwo itace wacce ta fara aibata sakeena da kiranta juya duk da kuwa itace ta maidata juyar qarfi da yaji. Wai meyasa Hajjo ke haka? Wai Hajjo wace irin uwace da take tarwartsa rayuwar auren danta? Baqin ciki yayi masa yawa ya rasa yadda xaisa kansa yaji sanyi ya miqe ya fita. Ko 5 minutes beba ya dawo da kwallin taba, ya xari guda daya ya kwanta ya kunnata ya fara xuqa.





Warin sigari yasa sakeena ta dago tai arba da Deni yana xuqa yana fesar da hayaqin. Tace "subhanallahi" ta dafe qirji tace "ya Deni sigari yau kai da kanka kakesha?" ta yunqura xata kwace yasa qafa ya hanbararta ta fada qasan gadon yace "ki kyaleni tunda anhada kai dake anaso aga bayana, kunsamun baqin ciki kun quntatamun rayuwa" ta riqe bayanta inda ya amsa sabida faduwar da tayi dashi. Shima ko rabi besha ba tari ya turniqeshi saboda be taba shaba dole ya kasheta ya juya ya kwanta rub da ciki cikin rashin sanin abunyi.




Suna wannan hali aka fara bugun qofa, ta dubi agogo kusan 9:30 to waye yake bugu yanxu? Ya tashi yana hada hanya yaje ya bude. Ya waro ido yana mata kallon mamaki, itace ko kuwa gixo tai masa? Yanxu a dai dai wannan lokaci to meya kawota? Da sakeena tana da waya da saiyace itace ta kirata. Hajjo ce da fagon kayanta a hannu a buhun bacco.



Ya tare hanya cikin fita hayyaci da matsanancin bacin rai yace "meya kawoki? Ko kinxone ki qarasa kashe rayuwata da hainci? Meyasa bakya qaunata bakya qaunar farinciki na?" ta waro ido tana masa duban mamaki tace "Deni ka ganeni kuwa? Ni kake fadawa haka? Ko kasha wani abun ne?"



Yayi dariya yace "naganeki mana Hajjo ce wacce ke amsa sunan mahaifiya a gurina. Kuma tabbas nasha wani abu, sigari ce nasha ba haka kikeso ba? Itama dayar data nemi hanani sha gata can nai mata qafa ta kasa tashi" ya juya ya koma bedroom yabar Hajjo da tafa hannu da salati tana cewa "Allah ya isa tsakanina dake sakeena kin cuceni kin koyawa dana shaye shaye." tana xaune tana ta hawayenta kafun ta ankara da qullin nama da madarar da sakeena ta rage daxu akan table ta janyo tahau ci dama yunwa takeji kuma taga alamar gidan babu lfy gara ta samarwa kanta abinci kafin kwayar da Deni yasha ta sakeshi ayi wacce xa ai don tagaji da kashe kudi babu biyan buqata gara ta fito fili ta fadawa Deni ya saki sakeena tunda bata haihuwa kota tsine masa. Ta qulle falon tayo alwala ta dungura sallolin da ake binta ta kashe fiilar falon ta kwanta tana cewa "ai sakeena yau ko aurenki ya kwana a raye shaa Allahu baxai yini a raye ba." da wannan tunani tayi bacci.



Acan kuma Deni ya koma bedroom ya kwanta, sakeena ta gama jinyar buguwar da tayi a baya ta lallaba haura kan gadon ta kwanta. Tana kwanciya ya juyo ya daka mata tsawa da cewa ta fita daga dakin. Ta saka kuka tana bashi haquri. Yasa hannunsa a baki yace "shiii yimun shiru tashi ki fita falo ga abokiyar burminki can taxo kuje ku ida qullah abunda kukai niyya tunda keta haifa ba niba shiyasa kikabi umarninta saboda itace ta biya sadakinki ko?" ta qara sautin kukanta.





Ya miqe tsaye ya ciro charger din laptop dinsa cikin hargagi yace "wlh sakeena inbaki bar dakin nan ba a daren nan saina miki walmukalafatu (sassabawar kamanni 😆)" tai saurin dirowa a gadon ta fito.




Hajjo da hargagin Deni ya tasheta daga Dan baccin data soma ta kasa kunne taji lokacin da yake cewa zai doketa inbata fita ba. Tai tsallen murna tace "Masha Allah haquri me tadda rabo ashe sunayin fadan gara da naxo naga dahir" ta koma ta kwanta.




Sakeena ta fito da gudu ya banko kofar yasa Key, taxo ta kwanta akan tiles ta takure. Sam bata lura da mutum akan kujera ba saboda duhun falon. Hajjo tana kallon ta ta cikin mayafi tana dariya.




Da asubar fari ta tashi tai wanka tasamu kanta cikin jini tayi hamdalar dawowar al adarta maganin ya karbeta kenan kamar yadda likita yace. Bata da pad ko guda daya sai dankwalin tsohon kayanta ta nada tayi qunxugu dashi. Ta shiga kicin ta dora breakfast ta fito suka gaisa da Hajjo ta amsa fuska sake dan ta lura ba xaman dadi suke ba ga tanan duk ta rame ta kade.



7:00 AM dai dai ya fito rataye da jaka cikin shirin fita. Sakeena tai saurin fitowa daga kicin tace "yaya ina kwana, nagama breakfast inkawo maka?" Ko kallonta baiyiba balle tasa rai zai amsa mata. Ta koma kicin da nufin ta hado masa a flask ya tafi dashi.




Hajjo tai murmushin cin nasara, gaisuwar Deni ta katseta ta amsa tana "tambayarsa me akai jiya tajiyoshi yana ihu?" bai bata amsa ba, sai damin kudi daya ciro a Jakarsa ya kamo hannunta ya dora mata yace "Hajjo gashi nasan abunda ya kawoki kenan, to gashi na baki. Amma ina roqon alfarma da ki daina xuwa gidana domin hakan na qara sani cikin qunci, ke mahaifiyatace ba yadda xanyi dake kuma banaso inyi abunda xaisa kiyi fushi dani. Kudi sune matsalarki to ki xauna a inda kike ko bakixo ba xan dunga aiko miki dasu. Amma plz kiyi nesa da rayuwarmu ni da matata" Hajjo tai sakato tana sauraran Deni yana fada abunda bata taba xato ba koda a mafarki. Ta farka lokacin da ya saki hannunta ya miqe xai fita. Ta dauki kururwa da sallami tare da cewa "shikenan sakeena ta raba ni da gudan jinina shikenan yau Nura ya koreni a gidansa kamar yadda ya kori yan uwansa uwa daya uba daya" yasa kai ya fita daga falon sakeena ta fito a kicin da gudu hannunta dauke da food flask ta bishi harabar gidan wanda yasa mata dokar karta fito saboda maxa. Ta miqa masa ya kauce xai wuceta, tai saurin tsugunawa ta kama kafarsa ta riqe tace" Yaya Nuraddeen kayi haquri nayi kuskuren boye maka abu biyu wato xancen Ahlan da na Hajjo amma in shaa Allah nayi alqawari baxanyi na uku ba, baxan qara boye maka komai ba. kayi haquri ka yafemun na tuba karka fita kana fushi dani bakasan abunda Allah xaiyi ba. fushinka bala ine gareni kayi haquri ka yafemun"





Kalaman sakeena sukaxowa Nura da wani irin yanayi da kuma sauyi. jikinsa yayi sanyi qalau kamar yadda yaji soyayyar ta ta xama sabuwa fil a xuciyarsa. wai meye lefin wannan yarinyar ne da suke wahalar da rayuwarta shi da uwarsa da yan uwansa? Meyasa suke wasa da rayuwar marainiyar yarinyar nan? Ya tuno tun farkon xuwan sakeena gidansu da irin yadda ta dunga aikin qarfi domin ragewa mahaifinsu wahala duk da bai haifeta ba. Amma duk cikin yayan da Baba ya haifa babu wanda ya temaka masa kamar sakeena. Ya tuno kalaman sakeena lokacin da Babansa ya aura masa ita, tunkan tasan shi aka aura mata ta miqa wuya taiwa Baba tausasan kalamai wanda yasan da ace qannansane wato yayan da Baba ya haifa yayiwa irin auren da yayiwa sakeena da abune mawuyaci suyi masa biyayya.





Yakai kallonsa gareta tana tsugune riqe da qafarsa tana hawaye. Ya tuno abunda yake mata a kwanakin nan, meyasa yayi mata haka? Yasa hannu ya dagota idonsa cike da soyayyarta ya share mata hawaye yace "ya isa dena kuka kinji, kema kiyi haquri nasaki kuka. Inna dawo xamuyi magana akan rayuwar aurenmu a nutse, kiyimun dan wake da zobo drink kinji baby" tana murmushi tace "to ya Deni nima ka siyomun pad jinin yaxo daxu da asuba" yaja hancinta yace "kice mun kusa samun Baby?" tana murmushin jin kunya tace "in shaa Allahu ya Deni" ta miqa masa flask din breakfast din ya karba ya sumbaci goshinta ya juya ya tafi suna dagawa juna hannu.




Ta nufi cikin gida cikin wani irin farin cikin dawowar Deni da soyayyarsa rayuwarta. Hajjo tai saurin komawa ta xauna daga leqensu da takeyi. Tabi sakeena da kallo harta shige bedroom. Ta jinjina kai lallai sakeena ta cita da yaqi, meta fadawa Deni haka harya hanata xuwa gidansa ita kuma ta bishi waje suka soye. Meyasa jiya taji suna fada amma yanxu har sun dinke? Wai meyasa duk wani tanadi da tayi kuma takeyi don rabasu har yanxu ta kasa cimma burinta? Ta saka kukan baqin ciki wai yau ita Deni ya kora yace tai nesa da rayuwar aurensa? Wai yau sakeenan data raina ta gagareta ta rabata da Deni qiri qiri. Ta share hawaye tace a xuciyarta "wlh sakeena kinyi kadan lokaci yayi da yakamata indaina kuka akanki, ya xama dole insan abunyi ayau kuma a yanxu inyaso duk abunda xai faru ya faru. Nayi makircin beyi ba, nabi ta qarqashin qasa beyiba. To yanxu da kwanjina xanyi inyaso duk abunda xai faru ya faru"






Sakeena ta fara gyaran daki cikin matsanancin farin ciki, ta gama taje kicin ta hadowa Hajjo breakfast a tray ta kai mata inda take xaune falo. Ita kam farin ciki yasa ko yunwar bataji, ta fara gyara kicin din.




Acan falo Hajjo ta duba agogo kimanin awa daya da rabi da fitar Deni ta tabbatar duk inda yake yanxu yana office. Ta shiga kicin tace dakko muciya ta rafkawa sakeena a gadon baya, ta gantsare tare da cewa "wash wayyo bayana" tayo falo da gudu tana kallon Hajjo a raxane tace "Hajjo menai miki?" xuciya a bushe Hajjo tace "ubanki kikaimun, inkinason kanki da lfy sakeena ki fice daga gidan dana kiyi naki guri inyaxo xansashi dole ya biyoki ta takaddar saki." sakeena ta xaro ido tace "Hajjo kiyi haquri baxan fita ba don bantaba fita bada ixinin mijina ba" ta qara daga muciya ta sauke mata a gwiwar hannu tace "To tsaya karki fita in kasheki da duka.