You Cannot Download this book untill you login but you can read it .

---

Login Register

soyayya yana cewa "karki takurawa kanki kinji my sakeena saboda lfyarki, karki kuma qoqarin tuna komi sakeena wlh ina sonki inaji kamar soyayyar ma tamun yawa baxan taba cutar dake ba duk abunda kikeso sakeena xanyi miki" tana shafa sumar kansa tace "nima ina sonka sageer ba kai daya ne cikin soyayya ba" sukai murmushi yace "to muyi alqawari mana sakeena tunda mun yarda munason juna" tana binsa da kallon mamaki tace "wane irin alqawari kenan?" ya tashi ya xauna ya riqo hannayenta yace "muyiwa juna alqawarin duk wuya duk dadi duk rintsi baxamu rabu ba, koda buqatar rabamu ta taso anan gaba" ta gyara xama tace "su waye xasu rabamu sageer?" yayi saurin gyara kuskurensa yace "kamar iyayenmu in sunji budurwata ta dake ki" cikin xaquwa tace "su waye iyayen namu a ina suke Dan Allah" ya kamota ya kwantar a qirjinsa yace "suna arewa ne mu kuma kinga nan a kudu muke. Mubar wannan maganar plz bani lbr wace irin kalar mota kikeso?" da haka ya shashantar da maganar a wannan dare.


Bangaren su Deni kuwa al amura suna garawa kamar yadda ya xata se matsalar rashin sakeena daya kasa sabawa da ita. Yana xaune ne a gidansu a dakinsa dake soro wanda ya gyarashi yayi dai dai dana matashin me kudi ba jobless ba kamar yadda yake ada, ya sayi motarsa me dan saukin kudi da ita yake xirga xirga tsakanin xuwa office da makaranta.



Shi da Iya da Baba da duk wani masoyinsu kullum suna adduar Allah ya bayyana sakeena amma Hajjo tunda taga an share maganar ta daina damuwa akan batan sakeena kuma ta dawo da wasu daga cikin halayenta ita da Hadixa da kuma Amina.

******* ******* ***** ****



Sakeena angama makarantar koyon kwalliya an karbi certificate da kuma kit din kayan kwalliya. Ta fara tsantsarawa sageer kwalliyar data koyo da kuma dinkin da anty Bilki ke tsantsara mata tana kashe kala dasu, ta gama siye xuciyar sageer da salonta barin kudi yake mata babu ji babu gani, sutura kamar xata bude fashion design ga golds da yake siya mata. Ta qara cika ta xama mace sosai tayi fari tas shi kansa sageer bai gajiya da kallonta yana kuma tasbihi ga mahallicin kyakykyawar matarsa da adduar sakawa iyayen sakeena da alkhairi duk sanda ya kalleta, yakance wannan mata ta iya haihuwa (babar sakeena)




Wata yaxo qarshe dole ya nufi katsina a jirgi ranar Friday bayan sunyi sallama da sakeena cikin wani irin yanayi na qaunar juna, ya barta a gidan Maitama gurin Bilki. A nufinsa yayi kwana 2 ya dawo ranar Sunday.




Amma koda yaje katsina saiya nemi xaman lfy ya rasa, ya rasa inda xai tsoma kansa yaji dadi tunanin sakeena da kewarta ta addabeshi kamar ya shekara be ganta ba. Ummansa ma ta rasa kansa, sai tana masa hira sai ta lura hankalinsa baya gurin dole ta rabu dashi don ta tambayeshi sai yace babu komi. Ya kwana cikin kewa da wani irin hali da baxai kwatantu ba, ya gane infa yanason xaman lfy kawai ya koma ga sakeena. Babu shiri ya hada karonsa washegari yayiwa umma karya cewar anmasa kiran gaggawa ne daga Lagos, ta hada masa kayan girki rankata kaf kamar yadda ta saba bashi inyaxo.



Qarfe ukun rana ya dira a falon gidan. Maitama da Bilki da dansu Haidar suna falo yayin da sakeena kecan daki a kwance ita cikin kewar Sageer, yana tsaye rataye da jaka ya kwallah kiran "my luv Sakeena" kamar a mafarki ta tsinkayi muryar sageer tayo falon da gudu, ya bude mata hannayensa ta fada ciki ta qanqameshi tana cewa "ina sonka Sageer, ban xaci ganinka yanxu ba" ya cirota daga qirjinsa ya sumbaci lips dinta yace "nima ina sonki sakeena rayuwa babu ke xataimun wahala koda na kwana daya ne" Maitama da Bilki suna kallon su da mamaki.



Maitama yayi gyaran murya, suka farga suka Saki juna ya kalli Sageer yace "kai! Dama ka iya soyayya? Lallai sakeena kinyi qoqari Allah yayi miki albarka" ta sunne kai jikin sageer cikin kunya. Bilki tace "ai dalibata babu lefi akwai kwanyar daukar darasi, danma ta dena xuwa makaranta da tuni ta wuce haka" sageer yana qara riqe sakeena a jikinsa yace "nagode haka Bilki baxata dawo makarantarki ba domin inta iya fiye da abunda ta iya yanxu, xaucewa xanyi akanta" sukai dariya suka dan taba hira yaja matarsa suka wuce gida.



Soyayya ruwan xuma Sageer da Sakeena sun xama tip da taya soyayya suke kamar suje a waldacesu. Babu matsala babu takura yana yawan fita da ita guraren shaqatawa da dadadre da kuma weekend sune cinema, eatry da shopping mall.




Matsalar farko data fara kunno kai a xamansu shine qoqarin da sakeena keyi na tuna rayuwarta ta baya da temakon magungunan da aka bata, sau tari in tana abu ko in Sageer yana mata wasan soyayya sai ta dunga tuno kamar hakan ya taba faruwa da ita, amma kuma image din is not clear a dodon photo yake xuwar mata. Ko kuma ta dunga ganin kamar ta taba rayuwa da wasu mutane a baya amma ta kasa tuna kosu waye. Ana cikin haka ta fara tuna rayuwarta ta qauye ita da Nura qaninta, amma kuma bakomi take tunawa ba dai dai kun abubuwa take tunawa.




Ranar data fara tunawa Sageer na dawowa ta tareshi da tambayar "Sageer ina Nura?" cikin mamaki ya dubeta yace "waye kuma Nura" tayi dariya tace "qanina mana Nura, kasan ai Gwaggonmu mu biyu ta haifa ni da shi" ya danyi dum yace "yana nan mana acan ina xashi"



To wannan shine mafari, duk sanda sakeena ta tuna wani abun saita tambayi Sageer wanda shi kuma hakan yake mutuqar daga masa hankali.




Ranar da hankalinsa yayi mugun tashi itace ranar da sakeena ta tambayeshi tace masa "Sageer wai waya aura maka ni?" a kidime yace "wace irin tambayane wannan sakeena?" ta bashi amsa da cewa "saboda naga Gwaggo da Baba sun mutu kuma Inna bata sonmu ni da Nura shiyasa na tambayeka" ya qura mata ido yana tunanin kenan sakeena marainiyace gaba da baya. Ta shafa fuskarsa tace "kaji?" ya dawo hayyacinsa ya daure fuska ya riqo qugunta da hannayensa biyu yace "sakeena kina qaunata da son xama dani?" bata bashi amsa ba sai kallonsa take yacigaba da cewa "indai kina qaunata sakeena ki daina tuna rayuwarki ta baya kuma ki daina tambayata" jiki a sanyaye tace "to na dena kayi haquri" ya rungumeta tsam yace "yawwa my sakeena I luv u"




Matakin da Sageer ya dauka shine dena bawa sakeena maganinta na kwakwalwa sannan ya hanata yawan kallon TV saboda kar garin kallo taga abunda xai tuna mata rayuwarta ta baya, ya rufe duk wasu channels masu shirye shirye ya bar yan kadan suma kuma sai baya nan take kallon. Ya qara kusanci da ita sosai, kuma shi duk yayi hakanne don ya tsira da ita domin tunda ya fuskanci marainyace kuma ta fara tuna wani shashin na rayuwarta ya quduri aniyar kore mata wancan rayuwar da kuma riqeta muddin ransa tunda bata da iyaye ba shikenan ba sai suyi xamansu. Ya kasance ya saba rayuwa da mata yan gayu kuma yan duniya wadanda suka dauki gayu da gyaran jiki kamar ibada dan haka ya maida sakeena irin kalar wadancan matan yar gayu kuma wacce ta kware wajen iya tsara kwalliya da tsafta. Itama ta dauki darasinsa sosai ta riqe tamau ta saba da gayu da jin dadi bata kaunar xafi ko kadan Sageer ya riga ya sangartata da sanyin AC



Hakance kuwa ta kasance domin sakeena koda ta tuna wani abun bata furtawa saboda taga Sageer yana bacin rai inta fada masa? Ranar suna kwance bayan sun gama soyayyarsu yaja hancinta yace "sakeena yar baiwa ke kam Allah ya hadaki in mutum ya fara tarayya dake da matuqar wahala ya iya rabuwa dake shiyasa nake mamakin yadda wanda ya fara saninki yayi sakaci kika kubuce masa" ta kalleshi tadan fara tunani kadan tayi qoqarin kauda tunanin saboda karta batawa Sageer rai amma abun ya gagara ta dubeshi tace "waye wanda na fara tarayya dashi din? Kuma inane garinmu? Yaushe xamuje? Sai nake ganin wasu mutane wanda ban sansu ba kamar a mafarki kamar kuma gaske" ya tureta daga jikinsa ya juya mata baya, ta bishi da kallo kafin tace "Sageer fushi kayi?" yayi mata shiru bai tanka ba, tasa ka kuka wanda hakan ya saka ya juyo a rikice yana tambayarta "meye kuma na kuka?" tace "bakaine ba kake fushi dani ni kuma ina sonka" wani sanyi ya ratsa masa xuciya ya bita ka kallon burgewa yace "wlh nima ina sonki sakeena fiye da yanda kike sona ina iya aikata komi akanki dan Allah ki dena tambayata akan komi daya faru a baya xan kaiki garinmu amma sai mun haihu yadda iyayenmu baxasu iya rabamu ba kodan albarkacin haihuwar da mukai" wannan magana da yayi ya qara jefa sakeena kogin tunani amma dole ta haqura da tarin tambayoyinta dan karta bata masa rai.




Xamansu me dadi ya dora yayin da Sageer ya fara tunanin hanyar da xai fadawa ummansa yayi aure ba tare da saninta ba, ya dunga tsara kalamai da xai fadawa umma da nufin qarshen wata xai dauki sakeena suje can din yayi mata bayanin yadda ya sameta da kuma aurenta da yayi don taimako daga baya kuma ya fada soyayyarta.



Maitama dai kullum cikin sakawa sakeena albarka yake da cewa "wannan yarinya tayi namijin kokari Allah ya saka mata da alkhairi cikin ruwan sanyi ta rabaka da bariki"


***** ***** ***** ********

A kano dai su Iya sun fidda tsammanin ganin sakeena ganin har anshiga wata na takwas da bacewarta. Deni juriyarsa ta qare yanason sakeena kamar yadda ya ke tsanin buqatar mace kusa dashi don gudun fadawa halaka.



Sakeena ta fara wani irin bacci babu ji babu gani, yayin da shi kuma Sageer ya mugun xama mayenta baya gajiya da kusantarta tun tana jure masa har ta fara gaxawa.




Yau ta kasance talata Sageer tun sassafe ya fita aiki a cewarsa suna da meeting, lokacin da ya fita ko tashi daga bacci sakeena batai ba. Ya gama shirinsa ya bubbga cinyarta da cewa "sakeena xan fita fa" idonta a rufe tace "ka siyomin soyayyen kwai na gurin masu shayi da kosai inxaka dawo" yayi dariya ya more jin abinda tace, ya sumbaci kuncinta ya fita yana cewa "Kai sakeena da quruci take, bayan yarinta harda wauta irinta yayan fari a tattare da ita, inba shirme ba mexatai da wani kwai na gurin masu shayi? Har gara kosai yace abun marmarine a gurinta tunda ba ganinsa take yiba"



Bai dawo ba sai wajen qarfe biyar na yamma. Yana shigowa ya hangi sakeena sanye cikin wata yar ficiciyar English gown dark purple armless yakacin tsahonta rabin cinyoyinta daga sama ta kamata a qirji, kanta babu dankwali sai kama gashin kanta da tayi wanda ya qara tsawo saboda mayuka masu kyau da kuma kwanciyar hankali da ribbon kalar rigar.



Ya kalleta yana tunanin me xataje yi kicin da wannan shigar bayan yasan duk kicin din maxane masu aiki a ciki, yayi taku hudu ya cafkota ta kalleshi a raxane tace "yaushe ka dawo?" ya bata amsa "yanxu na shigo naga xaki shiga kicin haka shiyasa na dakatar dake" ta kalleshi da rashin fahimta tace "menene don na shiga haka?" ya qura mata ido yana mamakinta, au batasan intashiga da wannan shigar kicin lefi ne ba? Lallai indai akace mutum lfyar kwakwalwarsa ta tabu sai a hankali. Ya sassauta murya yace "ina kishinki ne my luv, banaso ko namijin kuda ya kalleki a haka balle mutum namiji in kinyi irin wannan shigar ki dunga tsayawa iyakacin falo kinji? Kuma suma xan hanasu shigo miki falon nan kai tsaye" ta fara aikin nata na tunano wanda ya taba fada mata irin wannan magana domin ta tabbatar antaba fada mata ana kishinta, amma kuma waye ya fada mata? Kuma a ina? Shine tunanin data farayi.




Ya dan xungureta ganin hankalinta baya kusa, ta juyo firgigit tace "naam" yace "no ba magana nayiba, ina sone ince u look take away my queen" tayi dan murmushi tace "Nagode da yabawa"



Ta gyara xamanta akan cinyarsa tace "Ina qosan danace ka siyomin da soyayyen kawai?" ya marairaice yana shafa fararen cinyoyinya yace "sry na manta amma bari insa a soya miki kwan a kicin qosan kuma xansa asiyo yanxu" ta cuno baki yace "nifa banason na gida ba dadi na masu shayi nayi mafarki inaci shi nakeso Inci" yace "to ranki ya dade bari a kawo miki" ya dakko waya ya kira yaron gidan ya bashi sallahu ya kawo.



Ya balle botiran rigar jikinsa ya qara mannata jikinsa, tai saurin janye kanta tana toshe hanci tace "Sageer wane irin turare me warin cabbage?" ya waro ido yana dubanta kafin daga baya ya sheqe da dariya yace "wlh yarinyar nan baki da m, nine ke warin cabbage?" ta xame ta sauka daga kan qafarsa tace "wlh da gaske nake" ya tashi ya bita da gudu suka hau xagaye falon suna dariya, sallamar me kawo kosai ce tasa suka saurara, ta karba cikin sauri tasa a gaba ta cinye wainar kwai fefe biyu da kosai fal takadda tasha ruwa, yana dubanta yana mata dariyar me kwalama.



Ko da dare yayi yasaka turarensa bayan yayi wanka qin kwanciya tayi a dakin ta gudu nata dakin tace wlh turarensa warin cabbage yake. Ala dole ya sake wanka ya haqura da saka turaren tunda yanason kashe arna.



Sun cigaba da soyewa kamar majnun da Laila Yayin da Deni kecan kano ya rungumi azumi domin yakai maqura wajen haquri mace kawai yakeso kusa dashi kuma bayajin xai iya aure sakeena nacan ba asan inda take ba shiyasa ya rungumi axumi.




Yau Saturday kuma tun daren jiya juma a sakeena ta kasa sukuni saboda amai daya sakota gaba, har xuwa wayewar garin asabar da ko ruwa tasha saiya dawo duk ta jigata jikinta yayi laushi. Sageer shima duk ya yamutse saboda shike aikin duk aman da tayi ga kuma wani irin tausayinta da yake ji. Sunyi waya da Dr Sani yace su sameshi asibiti qarfe hudu baya kusa yanxu.




Ana idar da sallar asar ya tattageta suka yiwa asibitin tsinke. Dr yana xuwa ta kansu ya fara duk da basu ne farko ba, Dr sani yana ganinsu ya gane abunda ke tattare da sakeena amma yaja bakinsa ya tsuke yanawa sageer duban mamaki shi da yace ta mishi qanqanta ya kuma akai yayi mata ciki?



Suka samu guri suka xauna kan kujerun dake gaban table, Dr sani da sageer suka gaisa suka fara hira yayin da sakeena ta fara qoqarin tuna irin wannan xama data tabayi a rayuwarta. Sageer yayiwa sani bayanin abunda ke damun sakeena, ya dakko takarda ya fara yimata tambayoyi, sama sama take amsawa yayin da duk wata tambaya da yayi take qara bude mata kofar tuna baya. Yayi rubutu a takadda ya kira wata nurse a waya yace suje da sakeena ai mata gwaje gwajen. Ta riqe sakeena suka fita tana cigaba da tunaninta.




Bayan fitarsu Dr sani ya dubi Sageer yace "kai! Wannan yarinyar fa cikine da ita, shege daga auren taimako kana wani babbata rai kana basarwa har kayiwa yar mutane ciki" Baki bude sageer ke kallonsa, ya tashi ya xagaya ya riqewa Dr sani hannu yace "Dan Allah sani banason wasa inkana qaunar Allah ka fadan gaskiya" yana dubansa da mamaki yace "wlh da gaske nake, yaushe rabonta da period? Ko bakasan ta haihu?" ya juya gabas yayi sujjadar godiya ga Allah.




Ya koma ya xauna yace "lallai sakeena alherice gareni, ta rabani da sabon Allah sannan ina tunanin ta yadda xan sanarwa da umma nayi aure sai gashi ta dau cikina a dai dai lokacin, wanda hakan xaisa umma ta karbi wannan aure nawa hannu biyu albarkacin cikin jikin sakeena kuma ta yafemun laifin aure da nayi bata sani ba" Dr yayi dariya yace "hakan yayi sai kayi qoqarin samun lokaci kuje can gida. Amma itama fa in maganar cikin ta tabbata saita daina shan wannan magungunan nata saboda xai iya taba cikin. Fatanmu yanxu ta dawo hayyacinta musamu iyayenta kaga shikenan aurenku xai tabbata itama iyayenta xasu haqura tunda ga xuri a Allah ya baku." sageer yayi saurin cewa "in shaa Allah sani dan ni yanxu bani da burin da wuce xama da sakeena har qarshen rayuwata ina sonta ina qaunarta"




Suna cikin haka nurse ta shigo da sakeena ta miqa masa result din ta fita. Sageer ya kamo sakeena ya xaunar da ita a daya kujerar, Dr ya duqufa duba result dake hannunsa sakeena kuma hanyar tunani ta qara bude mata tana tuna irin wannan lokaci da wani ke xaune da paper a hannu suna sauraron cewarsa ita da wani data kasa tunawa.




Dr ya dago yace da sageer "congrats matanka nada ciki na 6 wks" ya washe baki yana hamdala. Sakeena kuwa kanta ya fara wani irin ciwo tana kuma tuna wani bangare na rayuwarta da Deni. Sauran surutan da sageer da sani keyi duk bata saurara ba tayi zurfi a tunani.




Suka shiga mota suna tafiya sageer yana juyowa ya kalleta a ransa yana tunanin meyasa yaga duk tayi sanyi tunda akai maganar cikin, ko cikin ne bataso? Ita kuwa sakeena a dai dai lokacin da yake kallonta photon Deni ya kawo tar a cikin kwakwalwarta ta tuna lokacin da suke tafiya dashi a mota ana gobe xasu rabu. A dai dai lokacin kuma ta sume saboda kwakwalwarta tana refreshing tunaninta.




Sageer besan halin da sakeena ke ciki yaga ta langabe a xatonsa bacci takeyi dan haka ya kwantar mata da kujera. Koda sukaje gida ya dauketa ya shiga da ita ciki ya kwantar da ita ya rufeta hadi da sumbatarta.




Ya dawo falo ya cigaba da harkokinsa har xuwa lokacin sallah, ya fita masallaci har aka sallaci isha yana ciki masallaci yana adduar neman nasara domin xai tunkari umma da xancen sakeena nan da yan kwanaki kadan kuma yayiwa sakeena adduar sauka lfy ya dawo gida.





Yaxo ya tarar sakeena har yanxu tana bacci, yayi mamakin wannan wane irin bacci ne? Duk baccinta batayi a dai dai wannan lokacin. Amma dai ya kyaleta xuwa goman dare in bata tashi ba xai tada ita.



Ya koma falo ya dauki waya ya kira ummansa. Ta daga suka gaisa duka fara hira tana fada masa abubuwan da suke faruwa a dangi da wanda xai bada gudummawa. Yace "to umma duk ki hada lissafi xanxo nan da kwana 6 sai inbada kudi duk ki basu" ta amsa da cewa "Yawwa Allah yayi maka albarka Allah ya qara budi ya kuma baka mace ta gari" jikinsa yayi sanyi saboda jin adduar da tayi masa batasan shi tuni yayi aure ba har ansamu albarkar ciki.




Ya amsa adduarta da cewa "Amin umma nagode, xanxo miki da wani babban lamari Inna tashi xuwa Dan Allah umma kiyi qoqari kiyimun kyakykyawar fahimta kuma kiyimun uxuri" itama jikinta yayi sanyi dan tasan tunda Sageer ya fadi haka to babban abu ne, sai dai fatan Allah yasa taji alkhairi. Tace "to Muhammadu Allah ya jishshemu alkhairi sai kaxo" ya amsa suka kashe wayar





Ya koma daki ya tarar sakeena na kwance yadda ya ajiyeta ko hannu bata canjawa guri ba balle tayi juyi, ya kasa sukuni abinci ma ya kasa ci, ya fara tsorata wane irin bacci ne sakeena keyi haka kamar matacciya?




A daddafe ya bari aka kai 11 na dare yagafa abun nayine ya shiga girgixata yana kwallah kiranta. 7 minutes yana girgixata da kiran sunanta, harya fara sarewa yana shirin kiran Dr sani, sai kuma yaji hannunta yana qoqarin riqeshi. Ya damqe hannun qam ya kwallah kiran sunanta "Sakeenatu" wannan kira shiyayi sanadiyyar farkawarta daga dogon suman da tayi.




Ta tashi ta xauna dangwargwar tana bin sageer da kuma daki da kallo. Ya sauke ajiyar xuciya yakai hannu xai rungumeta yana cewa "wane irin baccine kikeyi haka wlh har kin firgitani" ta daka tsalle ta diro daga kan gadon tace "karka taba ni, kai waye? Inane nan? Ina yaya Deni?" Sageer yaji wata irin muguwar fargaba ta xiyarceshi yayi qarfin halin hada kalmar "waye yaya Deni?" cikin firgita tace "mijina ne, mun rabu dashi xai fita aiki yace inmasa Dan wake shine kawai na ganni anan"




Ya dafe qirji kamar mace yace "mijinki? Kina da aure?" tai saurin cewa "Eh inada aure sunan mijina Nuraddeen Lawan" Sageer ya nufeta da sauri xai kamata ta kauce tace "kai na fada maka ni matar aurece wlh, karka tabani ina ya Deni?" ya dafe kai yana cewa a fili "innalillahi wa innah ilaihi raju'un. Matar aure na aura kenan?" ta matso kusa itama tana furta kalmar "innahlillahi me kake cewa?" ya miqa hannu xai riqeta yana cewa "sakeena kinga zauna in miki bayanin yadda akai hakan ta faru" ta lalubi wani abu akan center table ta kwada masa a hannu cikin haki tace "kai wane irine nace ka daina tabani ina da aure" taja baya ta dauki wuqa kan dinning table a cikin fruit tace "wlh in kakuma tabani saina caka maka" yayi baya yana daga hannu alamar surrender.


Yayi hanyar waje gidan Maitama ya nufa, har sun rufe gida ya dunga bugawa yaxo ya bude. Hankali a tashe Sageer ya fada musu abunda ake ciki a gurguje. Maitama da Bilki suka bishi gidan cikin al ajabin wai sakeena ta dawo hayyacinta harta rutsa sageer da wuqa to ina soyayyar da take masa?




Suna shiga suka tadda ta tana riqe da wuqar tana xagaye falon. Ganin sun shigo kuma harda mace a ciki yasa ta danji dadi. Ta qurawa Bilki ido tana tunano inda ta santa kuma tana qulla xaren tunaninta. Bilki ta dafata tace "Bani wuqar sakeena" babu musu ta miqa mata. Bilki ta kamata ta xaunarta kusa da ita akan kujera.




Ta dafa kafadunta tace "Sakeena, wancen da kika gani mijinki ne ya tsinceki ne gurin wasu mutane da suka satoki sukaga asirinsu zai taunu suka wulloki daga mota kinyi wata guda a asibiti a sume kafin ki farko, shi kuma gudun fadawa halaka na xama tsakaninki dashi a matsayin wacce tai batan tunani shine ya aureki wata 8 da rabi a baya, yanxu har kina dauke da cikinsa" sakeena tunda Bilki ta fara magana take kallonta tana kuma tunani har Bilki ta gama.





Ta dafe kanta da hannu biyu ta runtse ido, a xatonsu tana jimamin abunda ya faru a kantane. Bilki ta dafata tace "kinji abunda ya faru kema ki fada mana abunda ya fito dake daga gida har aka sace ki kuma inane garinku" sai dai me? Sakeena ta bingire ta fadi a sume.



Suka kwallah kiran sunanta a tare sukayo kanta suna jijjigata Maitama yaje kicin ya dakko ruwa aka fara yayyafa mata. Tun suna ganin abun qarami ya fara girma lokacin da tayi 47 minutes a sume. Maitama yace sageer ya dakkota suje asibiti. Sageer ya fara yunqurin daukanta a lokacin ne kuma ta farka.




Ta xauna tana hawaye tana cewa "na tuna ,kece Anty Bilki. Ta nuna sageer tace shi kuma mijina wlh na tunaku na gane komi" ta matsa gefen Bilki tace "Ni matar aurece ina gama secondary school Mariqina ya auramun dansa Nura kasancewata marainiya iyayena da qanina sun mutu bani da kowa se yan uban da basu damu dani ba, riqona ya dawo hannun yayar Baba a inda ta kasance kishiyar Babar mijina Nura kuma anan na hadu dashi mukayi auren soyayya, amma uwarsa da yan uwansa basa sona. Ya samu aiki a kaduna muka koma can da xama, mahaifiyarsa ta sakoni a gaba wai bana haihuwa bayan kuma itace tasa akaimun allurar hana daukar ciki Nura besani ba, ranar da ya