You Cannot Download this book untill you login but you can read it .

---

Login Register

karya asirin da kikai musu ba wlh saimun maidaki abar kwatance" Hajjo ta qare bawa Deni lbr da cewa "Kuma Hafsatu tana kallo bata hanasu cimun mutunci ba"


Deni ya gyara xama yace "To Allah ya sawaqe ke kuma Allah ya baki lfy" yakai dubansa ga Amina wacce ke xaune tana danna waya yace "Ita wannan mahaukaciyar har yanxu batai aure bane?" Hajjo ta dubeshi da mamaki tace "Waye xai aurarmun da ita Inba kaiba? Dama jiran dawowarka nake, wannan jarrabawar daka siya mata dai bataci ba kuma xamanta haka ya isheni ko kare bai taba xuwa gurinta xance ba, shine nace ko cikin abokanka xaka lalubo mata wani ya temaka ya rabani da ita" Deni ya waro ido yana kallon Hajjo harta idar da magana sannan yace "Ai kuwa sai dai kiyi haquri domin ni nayi iya abunda xan iyayi na temakonta tunda kwakwalwar kifi gareta saita xauna xaman jiran miji, ni bani da wanda xan mannawa wannan abar. Narasa abunda yasa dukkanmu muke fuskartar matsalar abokan xama, nima inji da bala'in da nike ciki" cikin sauri Hajjo tace "Wane bala'i kake ciki Deni?" yayi saurin waskewa da cewa "Eh mana matsalar waccan yar iskar Surayya" tace "Oh aini xan tabbatar da bakai dacen aure ba, wannan yarinya kam bata samu tarbiyyar arxiqi ba. Ai naji dadin dawowarka duk tsiya na daina kwana da yunwa" ya maimaita "Yunwa kuma Hajjo? Kina nufin Baba baya baki abinci?" tayi rau rau xatai kuka tace "Yana bani amma kasan yanayin ciwona yanxu bakomi nike ciba saboda gudun tashin ciwon, haka nake yini da yunwa sai Saddiq ya dawo daga kasuwa ya dan samo yan kudi sannan ya siyomun ganyen salak ko alayyahu incika a abincin inci, kuma kasan abunda yake samu be taka kara ya karya ba, sai kuma Zahara inta samu ta bullo" ya girgixa kai da cewa "To xan duba inga abunda xanyi akai"



Ya fito daga dakin Hajjo yanajan qafa sukai karo da Iya, yayi saurin qasa dakai cikin fargabar kar dai Sageer ya fadawa Iya abunda yayi. Ya koma xuwa gidansa cikin dinbin nadamar xuwansa gidansu gurin Hajjo domin ta qara masa tulin damuwa akan wacce yake ciki, da wannan ya miqe qafa a gida yacigaba da jinyar jiki data xuciya ba tare daya je office yayi rahoton dawowarsa ba, wanda wannan shine babban kuskuren da Deni ya tafka.

***** ******* ******* ******** ******


Kamar yadda yayi mata alqawari yaxo daukarta tunkan ta fito lec, tana fitowa ta sameshi cikin nishadi ta bude motar ta shiga suka daga, yana driving riqe da hannunta yace "Nasan baki sallah ba ranki ya dade ga lokacinta yana wucewa" ta matso kusa dashi ta kwantar da kanta a dantsen hannunsa tace "Yawwa ya Sageer kamar ka shiga xuciyata kaga abunda nake tunani kenan, yacce xa ai yanxu kawai ka kaini gida inyi sallah kai kuma ka koma gurin aikinka inka dawo xuwa dare sai mu dau wanka mu fita shaqatawa gami da shopping din kasan wannan yanayin yafi tada soyayya ko?" ya kwashe da dariya yana dubanta yace "Kai wannan yarinya da duniyanci kike wato har kinsan wani yanayi me tada tsumin soyayya ko? To shawararki tayi, sai muje xuwa daren karkiyi dinner akwai wani gurin cin abinci da nadade inaso muje dake kinga saimu biya muyi dinner acan" Tace "Yawwa ya Sageer nagode dan Allah in mun fitan ma leqa Anty Hassana inga jikin nata" yace "To ranki ya dade yacce kikeso haka xa ayi" ta sumbaci kuncinsa tana cewa nagode my luv.


Yana ajiyeta cikin gida ya juya office, ta shiga tai sallah taci abinci ta fadawa Inna su girka abunda sukeso da daddare ita da Sageer ba a gida xasuci dinner ba, Inna tace to.


Ta koma daki ta kwanta tana tunanin rayuwarta ta baya tun daga tahowar da Iya tayi da ita daga Baggadano har xuwa yanxu. Al amura da yawa sun faru da ita wasu masu dadi wasu kuma akasin haka, xata iya cewa qaddarace ta rabota da garinsu na haihuwa kamar yadda wata qaddarar ta qara rabata da Kaduna xuwa Lagos har ta hadu da Sageer tayi aure akan aure, amma dai koma meye ta godewa Allah finally gata a gidan aure a qarqashin mijin da takeso kuma yake masifar sonta. Ta qara furta "ALHAMDULILLAH" wai yau ita Sakeena Abbakar Liman itace take xaune a wannan matsayi wanda sai taga dama xata kawar da koda spoon ne, in taso komai sai anyi mata. Lallai dole ta qara jininawa mijinta Muhammad Sageer wajen haqurin da yayi da juriyar xama da ita har ta gane gaskiya, da kuma me gayya me aiki wato Iya wacce ta tankwarata qarfi da yaji ta nuna mata auren sageer shine alkhairi a rayuwarta kuma inbata bishi ba tofa ta rabu da ita. Tana wannan tunanin bacci ya kwasheta.


Bayan sallar isha suka dau wanka, shi ya saka qananan kaya itama qananan kayan ta saka riga da skirt peach clr tayi nadi da wani siririn veil milk tasha light makeup ya riqe hannunta suka fita. Gidan Hassana suka fara xuwa, sai dai sun tarar batanan ta wuce Kano goyan ciki. Sakeena ta buga mata waya suka gaisa tace gata taxo kuma ta tadda batanan, tace ai kwananta wajen 9 a kano gurin Mama, suka rabu bayan ta qarayiwa sakeena fada akan Sageer tace "Hmm Anty Hassana ai yanxu kam inason abina kamar in maidashi ciki sai munxo kano xakiga luv" Hassana tana dariya tace "Allah yar duniya?" sakeena ta katse wayar tana dariya, Sageer ma dariyar yake musu.



Daganan gurin cin abincin suka wuce, aka miqo musu menu shiya xaba musu abunda xa a kawo, sakeena tayi mugun mamakin tsadar abincin data gani, amma koda ta faracin abincin sai taji babu magana yaci kudinsa, suka take cikinsu ya biya kudin kana sukai shopping mall, nanma dai abubuwa yayi ta diban mata tana kallonsa da mamaki, kafin suje gurin jewellery taga wata sarqa me abun hannu da wani agogo ta dauka sun mata kyau sosai, tai saurin ajiyewa ganin kudin da aka rubuta ajiki afili tace "Yan iska komi nasu masifar tsada saikace kayan shiga aljannah" Sageer yayi dariya ya tsinkuli gefen cikinta yace "Ke nanfa gurin manya ne duk abunda ka riga kasa aka fito maka dashi saika siya, dan haka aiki ya kamaki yau jarin kunun aya xai balle" yace da matar "Dakko mata madam" tana dariya ta qara fito da sarqar sakeena tayi wuqi wuqi saida ya gama xolayarta sannan ya basu ATM dinsa suka cire kudin sarqar suka rubuta mata receipt suka basu.



Aka rakosu har mota da kaya niqi niqi, itadai aikin kallon Sageer take kamar taga sabuwar halitta, tana mamakin yadda bayajin fidda kudi duk yawansu ta gama yadda da soyayyar da Sageer ke mata. Sukaje gida wanka kawai sukai sukai shirin bacci ya rigata kimtsawa ita tana bakin mirror tana shafe shafe ya ware kayan daya siyo mata ya hade suturun a leda daya ya ajiye guri daya yana cewa wannan "Gurin Bilki xa a kai ko? Inason a dinka pink din lace dinnan da wuri kisa ingani" ta gama abunda take ta nufoshi cikin tafiyar nutsuwa, ya qurawa kyakykyawar farar matarsa ido cikin gajeren wando da shimi farare qal iri daya na bacci, shidai dama tun asali yanason kyakykyawar mace Allah ya dubi xuciyarsa ya bashi fara kyakykyawa kuma yar gayu, yayi tasbihi ga ubangijin daya halicci Sakeenatu.



Yana wannan tunanin harta xauna kusa dashi be sani ba, ta riqo hannunsa ta dora kan mararta ya juyo yana kallonta babu ko qiftawa, ya riqota ya maidata kan cinyarsa ya shimfida hannunsa akan mararta ita kuma tasa hannayenta ta xarge wuyansa sukacigaba da kallon juna, ta hade fuskarsu guri daya hancinsa akan nata bakinsu ma guri daya a hankali tace "Ya Sageer nagode sosai, Allah ya qara budi, Allah ya rabaka da sharrin maqiya" be amsa mataba sai fara lasar lips dinta dayayi, dakyar ya fusgo kalmar "ina sonki Sakeena, babu abunda baxan iya baki ba indai mallakinane dan haka ki daina yimun godiya dan namiki abu, kedai kiyimun adduar samun budi da kuma rai da lfy xakisha kallo" da kanta ta kwantar dashi akan gadon tabi jikinsa ta kwanta tare da canja salon wasan.


Xamansu me dadi ya dora fiye da xaman wancan auren da sukai, tana cigaba da xuwa makarantarta kuma wannan Karon Sageer ke mata darasi kullum da daddare sunayi gami da wasanninsu na soyayya wanda acewarsa wai karatun yafi shiga in ana haka. Kusan kullum sunayin waya da Iya da kuma Baba wanda xuwa yanxu Iya hankalinta ya gama kwanciya domin ko acikin waya kana iya sheda daga Sakeena har Sageer cikin nishadi da soyayyar juna suke, bata manta umma ba tunda ta nuna tana qaunarta kuma ta haifa mata abunda takejin yanxu duk duniya babu abunda takeso kamarsa. Umma da shafa qanwar Sageer ma suna yawan waya dasu kuma duk sanda ta samu dan aike me xuwa KT tana musu aiken kayan da tasan suna wuyar samu a Arewa daga kan sutura har kayan masarufi kamar yadda Iya ta kwarkwanta mata ta dunga musu kyauta don tana qara danqon soyayya. Ita kanta Sakeena tana qaunar Umma kamar itace ta kawota duniya domin Umma ta nuna mata ba dukane iyayen miji irin su Hajjo ba kuma duk lalacewar xamani anasamun mutum nagari. A duk sanda aiken ya isar musu Umma da Shafa kan bugowa Sageer waya su fada masa da nufin ya tayasu godiya gurin Sakeena, wanda ta lura hakan yana qara mata qima gurinsa don yana qaunar Umma da shafa, yayita kallon sakeena yana zabga mata addua da jinjina girman abunda tayi kamar ba a jikinsa take samun yawancin kudin da take musu hidimar ba.



Iya kuwa yar gatan tsohuwa a gurin Sakeena da Sageer duk qarshen wata Sageer kanyimata aiken kayan abinci kamar yadda yakewa ummansa, hakama Sakeena a duk qarshen watan tanawa Iya aiken kudi da kayan buqatu. Daga Sakeena har Sageer tausayinta sukeji saboda da Allah be bata haihuwa ba, shiyasa suke tsaye tsayin daka akanta basu bar mata wani gurbiba wanda xataga rashin haihuwa ne ya hana acike mata shiba. Alhamdulillahi kayan abincin da Sageer mijin sakeena ke kaiwa gidan dasu ake amfani domin Deni tun daga kan bushun shinkafar daya kai musu ranar da yaje sato lambar sakeena be kuma kai komai ba, to inama aka ganshi balle ya temaka? Duk sanda aiken Sageer yaxo Iya kan nunawa Baba kuma bata kyashi don ya raba biyu dai dai ya bawa Hajjo rabi. Sau tari xakaji yana amabaton Sageer da Sakeena tare da shi musu albarka kuma dagashi har Iya #SAGNA# suna cikin adduoinsu a koda yaushe. Duk wani abu da sakeena ta gani na kwalliyar dattijan mata saita sayawa Iya ta ajiye daga kan sutura har kan kayan kyale kyalen mata, intasiya mata suturar takankai gurin Anty Bilki ta kwatanta mata yanayin dinkunan da Iya kesawa ta tsantsara mata dinki ta ajiye mata, da haka saida ta tarawa Iya kaya cikin akwati guda tana tsananin daukin ranar da xata gama aji daya a jamia (level 100) suje Kano kamar yadda Sageer ya mata alqawari. Ta gama burin maida Iya yar gayun tsohuwa shiyasa bata taba aikamata tufar sakawa ba, so take taje mata baxata kuma ta nunawa maqiyansu ita da Iya tana cikin jin dadi da kwanciyar hankali bataso a raina mata Iya tanason taga fes cikin suturar alfarma kuma kowa ya ganta ya sheda itace mahaifiyar Madam Sakeena matar Oga Sageer.



A wannan lokacinne Inna tai shirin xuwa gida can KT saboda babbar yarta xata aikin Hajji xataje ta xauna da yayanta wato jikokin Inna kenan, shikansa Sageer beji dadin tafiyar Inna ba balle Sakeena yanxu da bata iya girkin komi saboda batason warin dahuwar abinci. Inna ma duk saitaji babu dadi ganin yadda sakeena ke kuka don xata tafi, ta lallasheta da cewar tayi haquri badan tafiyar ta xama dole ba itama baxata tafi ta barsu ba amma mahajjata na dawowa xata dawo. Sakeena taiwa Inna sha tara ta arxiqi abunda bata taba xata ba, sannan tayiwa Umma da Shafa aike kamar yadda ta saba, ta dunga hawaye tanawa Sakeena godiya da adduar gamawa lfy. Har da ita akaiwa Inna rakiya xuwa tasha tahau mota.



Ranar daga ita har Sageer jugum jugum suka yini har xuwa lokacin dora abinci yayi ta miqe ta nufi kicin ta toshe hancinta ta dora markadadden kayan miya a wuta sannan ta dora tafashen nama. Yana fara tafasowa qamshin ta fashe ya hargitsa mata kwakwalwa ta xube akan tiles din kicin din tana sheqa amai. Kakarin aman Sageer yaji ya fito da gudu, ya tarar da ita a haka, da sauri ya kashe duk gas din ya tattageta sukai bedroom yaje ya wanke mata jikinta ya kwantar da ita kan gado. Yana kallonta yace "Waya saki girki? Dubi yadda duk amai ya jigata ki" cikin sanyin murya tace "Gani nai lokacin dora abinci yayi kuma nasan xaka buqata" yace "To bansaki ba, karki kuma shiga kicin da sunan xakiyi girki ki kyaleni tunda ninayi cikin dole xan nemo mana mafita kinji ko?" ta gyada kai daga haka bacci ya kwasheta shi kuma ya fita ya gyara inda tayi aman.



Da yamma suna xaune kasancewar Sunday ce, yaga tunanin Inna da kewarta suna neman sawa Sakeena damuwa ya dubeta yace "Ko muje bakin beach ne?" tai saurin miqewa tace "Eh wlh ya Sageer muje" yayi dariya yace "To kwaduwa ta" ta doro after dress kan qananan kayan jikinta suka fita.



Suka tsaya restaurant don yaci abinci saboda da rana snacks yaci kuma beji ya qoshi ba, yayi order sakwara da miyan ganye ita kuma Sakeena wani shirgegen gasashshen kifi aka kawo mata. Kowa yanacin nasa yayin shi kuma yanaci yana tunanin mafita. Don daganinta itama Sakeena da yunwa ta yini amma bata nuna masa ba, sai yanxu data sami abunda dakeso yaga ta xage tanaci da alama daga ita har abunda ke cikinta a yunwace suke. Ya tausaya mata domin shine dalilin sakata a wannan hali.



Ya fara tunanin samo maiyi musu girki sai dai matsalar daya itace yana kishin sakeena baxai iya kawo namiji ba da sunan kuku suna go slow da iyalinsa a wannan qaramin gidan yana kalle masa mata. Sannan wadannan yaran guda biyu mata da suke aiki a gidan bai yadda da tsaftarsu ba duk da cewa musulmai ne amma shikam baxai iyacin abincinsu ba. Ya danyi tunani, yaga kawai gara su dinga aikinsu kamar yadda suka saba wato daya gyaran gida daya kuma aikin kunun aya inyaso ya qara musu kudin abinci acikin albashin da yake basu harda me gadi da me wankinsu kowa ya dunga nemo abincin da xaici suyi manage xuwa dawowar Inna, domin inyace su dunga girki da kansu a cikin kicin yayin da shi da Sakeena basa nan akwai matsala tunda ba qabilarsu daya ba. Shi kuma shida Sakeena xai dunga siyo musu duk abunda sukeso suci a restaurant xuwa lokacin dawowar Inna ko kuma jin sauqin Sakeena. Wannan tunanin ya yadda dashi.


Suka gama cin abincin suka nufi bakin teku, ta balle after dress din amota suka shiga bakin ruwa, sunata guje guje cikin nishadi ita da Sageer, sukai photos saida yamma tayi sosai sannan ya dakkota cancakacas sukai mota.



Saida suka kwanta sannan yake fada mata shawarar daya yanke akan girkin gidan, tayi naam da hakan ta kuma qara masa bayanin cewa xata dunga xama har yamma a makaranta tana karatu saboda sun fara tests xuwa lokacin tashinsa aiki sai yaxo su tafi gida tare. Yaji dadin hakan kuma ya qara yawan kudin da yake bata na makaranta yace ta dungacin duk abunda takeso. Washegari Monday saida ya jira xuwan masu aikin gidan yayi musu bayani sannan suka fita bayan ta qulle dakunanta.



Kammar yadda suka tsara sai yamma liqis yaje dakkota daga makaranta xuwa lokacin tayi karatu sosai kuma ta qaru da abubuwan da bata ganeba domin dasu Qudurat suka hadu akai karatu sosai. Daganan restaurant ya wuce yayi musu order abinci harda snacks saboda shan tea da kuma chocolate ice cream din da take mayatar sha kullum. Washegari ma haka sukai, sai da suka kwana hudu suna haka ranar cikon na biyar din wato Friday Maitama ya gane halin da suke ciki, ya tambayi Sageer shi kuma ya fada masa dalilinsu na siyan abinci saboda cikin Sakeena baison warin dahuwar abinci. Ya rufe Sageer da fadan danme baxai fada masa ba ko ya dunga xuwa gidansa suci meye amfanin xaman guri daya? Kuma shi ai inshine dole xai fada masa donya tai maka masa, yayi fadansa ya gama Sageer ya bashi haquri daga wannan aka rufe kofar siyan abinci a gidan kullum Bilki xata aiko musu da abincin rana da dare suci har su bayar kuma sai yanxu hankalin Sageer ya kwanta domin siyan abinci sai dole duk tsiya abincin gida yafi na titi.



Acan Katsina kuwa Inna tajewa da Umma kyakykyawan lbrin kyawawan halin Sakeena da kuma xaman lfy da soyayya da suke shimfidawa ita da Sageer daya albishir din shine cikin da Sakeena ke dauke dashi duk da basu fada mata ba amma dake babba ce ta fuskanta. Ta kuma kawo kayan alkhairin da sakeena ta bata ta nunawa umma kuma ta bawa umman nata da sakeena ta bayar akawo. A ranar dai Umma har hawayen farin ciki tai na xataga dan Sageer kuma ta jinjinawa Iya kwarai domin jajurcewarta gurin saita Sakeena. Ta dauki waya ta kira Sageer suka dade suna hira dashi da kuma Sakeena ta dunga yiwa Sakeena godiya da kuma saka albarka ta dunga jaddadawa Sageer ya qara kula da ita amana aka bashi kuma bata da kowa a Lagos saishi. Ya dunga amsawa da to Umma xan kula mungode sosai.


Ranar asabar ta tashi taji babu abunda take qaunar yin breakfast dashi sai wainar fulawa da ginger drink, ta salallaba Sageer na bacci ta nufi kicin ta dibi fulawa ta kwaba ta jajjaga albasa da attaruhu ta watsa akai ta tsiyayo manja. Ta kira me aikinta ta kwada mata yacce xata soya mata don ita baxata iya soyawa ba intaji qaurin suyar baxataci ba. Sageer dake tsaye yana dubanta ya qaraso yana cewa "Kawo in soya miki duk da baki gayyaceni ba" ta bude baki tace "Lah! yaya yaushe ka Tasha?" ya bata amsa da cewa "Tun sanda kikai sanda kika fito" ya karbi kaskon ya kori me aikin, Sakeena ta qara cewa "To kuma ka iya soyawar?" yace "Dole in koya ko ban iya ba, tunda nayi cikin" tayi dariya ta debi ginger da lemon tsami tayi can wajen kunun aya don hada ginger.


Tana xaune tana aikin ginger din ita kuma yarinyar tana hada tamarind tana kuma lura da yanayin tsaftar yadda yarinyar ke hada lemon. Ta gama ta jefa masa qanqara ta cika musu qaton jug ita da Sageer ta warewa masu aiki nasu taga yayi ragowa ta samu jarkoki ta duddura tace da ita in anxo siyan kunun aya tace akwai ginger drink. Yarinyar tana dariya tace "Madam ka iya business kuma lemon yayi dadi Allah ya kawo kasuwa" Sakeena ta amsa da "Amin" ta shige falo. Ta kwallahwa Sageer kira tace masa ta gama lemon ya kawo wainar, shima ya bata amsa da to madam na kusa gamawa, ta samo cup kan fridge ta cika da lemon ta kashingida tana kurba. Babu jimawa ya shigo da plate shaqe da waina da kuma robar yaji, suka xauna har dashi suka tashi da wainar fulawa ta gwamgwani shida, suka dunka daddakar ginger din, Sageer harya fita sha anan suka xube suna hira cikin nishadi har Bilki ta aiko da abincin rana.



Ranar lahadi da wuri ta tashi da aikin ginger wanda jiya aka dunga nema har dare, ko Sageer besan ta tashi ba yana kwance. Xuwa taran safe ta hada ginger bokitin roba biyu ta duddura ajarkoki ta kuma qullah a leda, sai lokacin mai aikin taxo ta taya sakeena suka wanke freezer suka xubashi sannan suka juya aikin kunun aya ta sakar masa kayan qamshi shima suka gama. Sageer ya tashi be ganta ba yaje kicin ya dora ruwan tea da kuma indomie wacce ya saka mata jajjagaggen taruhu da albasa kamar yadda sakeena ta fada masa tanaso inxa a dafa mata indomie. Ya nufi wajen gidan gurin aikin nasu, ya samesu kace kace suna aikin tsamiya yana kallonsu yace "Hajiya Sakeena me komai akwai naga company naki ya kuma habbaka" tai fari tace "Kaidai bari ya Sageer ai shiyasa yau ban kwanta baccin asara ba, mun fara ginger asa mana albarka" ta bude masa fridge ta nuna masa ya bude baki cike da mamaki yana dubanta yace "Yace wannan yarinya dason kudi kike wani abun kika kuma qirqira?" tace "To ya xa'ai ya Sageer? Lamarin Sana'a ne sai a slow kafuwarta da wahala kuma dole saika baxa koma ka gwargwada kowacce, wacce kaga tafi karbuwa saika tsaya akanta." ya jinjina yace "Wannan gaskiya ne ranki ya dade, Allah ya kawo kasuwa me albarka, yanxu dai taso muje nagama breakfast muci sai ki bar mata ta qarasa aikin" tace to ta tsame hannunta ta bawa yarinyar umarnin ta wanke gurin inta gama. Suka nufi cikin gida ya juyo musu Indo mie din a tray da dafaffen kwai ya xubo musu tea.



Haka rayuwa tacigaba da tafiya, ginger drink dinta ya samu karbuwa a gurin mutane sosai saboda sinadarin yajin dake ciki har kwangila ake bata na biki kona taro, Sageer ma yaje dashi office dinsu aka dunga yaba dadinsa dan haka yasa take kula guda kullum ana kaiwa wani shop a cikin ma'aikatar ana bawa me shagon lada yana siyar mata.


Semester taxo qarshe yawanci anyi covering lectures bata cika xuwa school ba ankusa exam a gida take xama tayi karatun, saita raba dare tana karatu, Sageer ya bata cikakkiyar damar yin hakan.


Wata ranar laraba ana saura sati guda su fara exam tana xaune da yamma Sageer ya shigo gidan daga aiki yake, yana shigowa ya dagata sama yana juyi da ita cikin nishadi yana dariya. Ta riqeshi kam tana cewa "Ya sageer karka yadda ni fa" ya dureta akan kujera gaba dayansu suna haki suna dariya.


Yace "Sakeena ki tayani murna wata harkace ta budemun xan samu alkhairi sosai inna hada da abunda ke account dina xan iya canja miki muhalli kamar yadda kika dade kina buri" jiki a sanyaye ta kalleshi tace "Dan Allah ya Sageer ka daina tunamin abunda ya riga ya shude a baya saboda kunya nakeji, ka daina maganar canja muhalli nan din ya isheni banfi qarfin nan dinba, sharrin shedan ne yasani cewa ka canjamun gurin xama a wancan Karon amma kayi haquri ka yafemun" ya share mata kwallar data cika mata ido yace "To yi haquri nasaki kuka, yanxu dai bari kiji yadda akai kudin suka shigo" ta gyara xamanta akan cinyarsa tace "Ina saurarenka" yace "Kamar yadda kika sani ina noma da kiwo acan gida Katsina akwai wadanda ke kulamun da harkar, to bana dai amfanin gona yayi kyau kuma mun siyar da daraja sosai. Sannan ragunan da nake kiwo anmun hanya xuwa gurin gwamna na siyar masa dasu xai rabawa jamian gwamnati kuma ya siya da daraja fiye da yadda na xata saboda sun kiwatu sosai. Kinsan cinikin manya ne inasaka musu kudi a nufina su taya sai kawai suka amsa akan haka. To kinji yacce akai yanxu shanun nake jira a siye sai in hade kudin inyi amfanin da nakeso yi dasu" ta washe masa jerarrun haqoranta tace "Masha Allah, Allah ya sanya alkhairi" ya amsa da amin sannan yace "Baki fadi abunda kikeso in