You Cannot Download this book untill you login but you can read it .

---

Login Register

yanxu? Ai gara ta xauna a duniyar taita shan wahala in kuwa ta mutu wataqil ta samu salama. To albishirinki? Matan da kikayo haya Deni ya dakko musu yan sanda sun tafi dasu station kuma ance kotu xa'a turasu, sannan tun anan da sukaji wuya sunce kece kika sakasu. Wannan kaya da kika gani kuma Baba ne yace a kawo miki kayan danki tun kafin ki masa gori yadda kika yiwa Iya. Ya kamata fa ki dunga rage wani abun,saboda yaqi dan xan bane, kuma Baba uban mune, muna sonsa ko so kike baqin cikinki yayi ajalinsa mu xama marayu?"



Hajjo ai bata gama jinsu ba ta garxaya toilet tayi fitsarin daya cika mata mara jin ance yan sanda sun kama su Laraba qawarta, ita dai a rayuwarta tana masifar tsoron yan sanda.


Ta dawo daki ta xauna tace "Amina wlh ba cewa nai su qonasu ba, kawai cewa nai su koresu su kuma tsorata su, wai ni a nufina in sukaji xa'a kashesu xasu tsorata su gudu garinsu, kinga gida ya xama nawa ni da ku Iya taje can qauye ta zauna tunda bata haihu ba, malam kuma ya maidani, shi kuma Deni in nema masa yar asali ya aura" ta janyo leda baqa ta fito da saqon data karbo yanxu gurin malami ta fadawa Hadixa yadda xatai amfani dashi ta kwashe tana hararar Hajjo kamar ba itace ta haifeta ba. Saqon Deni kuma ta diba xatayi masa amfani dashi da kanta. Ko sallah ta kasayi daga anyi sallama saita firgita tana gani kamar xa axo tafiya da ita gurin yan sanda.



Maxajen da aka kama matayensu sukayi qungiya sukaxo gurin mal Lawan da magriba suna nema Hajjo ta shige masa gaba a sako matansu da aka tafi dasu station. Ya koma cikin gida ya tambayi ba'asin maganar Iya bata fada masa anyi wani abu ba bayan fitarsa. Sai da saka Iya a gaba sannan ta labarta masa yadda akai ya jinjina kai ya koma waje yace da maxan bada yawunsa akai abunda akai ba saboda haka bari yaje ya turo musu wacce ta kitsa abun. Ya shiga ya kira Amina yace "Jeki kice da uwarki taje waje ana magana da ita" Amina taje ta fadi saqon, Hajjo ta tsure ta kasa fita sai da suka rakata. Maxa sukayi mata chaa suna tuhumarta ina matansu. Ta rude ta koma bayan Hadixa, suka tasa qeyarta xuwa police station da nufin beli amma yan sanda suna arba da Hajjo suka hada da ita suka rufe sukace babban lefi garesu saboda sunyi yunqurin kisan kai. Maxan suka tafi suka bar su Hadixa na ihun a saki Hajjo. Maxan dama sunyi hakanne don a kama Hajjo shiyasa sukayimata kofar rago da cewa taxo tasa asaki matansu, domin baxatai silar rufe musu mata ba sannan ita taxo gida ta xauna, ya kamata da ita data sakasu, da su da sukayi hauka suka biye mata su fuskanci hukunci iri daya. Tsuntsun da yaja ruwa, shi ruwa ke doka.



Suka shigo gida a rude suka dire dakin su Deni suka fada musu abunda ke faruwa, Saddiq sai lokacin yaji danyen aikin da Hajjo tayi, yace "Dole mu jira xuwa lokacin shiga kotu ita ta jawo, haqqin sakeena ne yasa takai kanta ga hukuma" Deni kuma yana kwance ko motsi beyi ba balle su saka rai xai ce wani abu.



A cikin gida suka tadda Baba dakin Iya yana cin tuwo suka fada masa, suka gama xamansu bai ko ce uffan ba suka tashi suka nufi daki neman mafita.



Aka turo da kiran Baba daga waje yaqi fita a xatonsa mutanen Hajjo ne. Iya ta lallabeshi ya fita, yana fita ya juyo yace da Iya kimtsa baqo mukai.



Ya koma ya shigo da namiji suka xauna dakin Iya yace "Hafsatu Barrister Adam ne wanda Sakeena tai aiki a gidansa kuma shima ya samu labarin abunda ya faru kuma yaxo ya temaka ne tunda bagarensa ne" Iya taji dadi tace "To madallah ya yaran?" ya amsa, bai samu ganin sakeena ba, Iya da Baba ne suka xauna suka bude masa komi kuma sukace akwai wata lawyer akan lamarin gobe xataxo sai su hadu a tattauna. Yayi musu sallama ya tafi.



Washegari da sanyin safiya su Amina sukayi breakfast suka tafi kaiwa Hajjo daga can suka wuce neman mafitar yadda xa a fidda ita. Don sun firgita da ganinta a kwana daya kacal, fada sukai da qawayenta datayi sanadiyyar dauresu suka hadu sukai mata dukan tsiya yan sandan sunaji sukaqi rabasu.




Wajen qarfe goman safe Hassana taxo riqe da qaton basket cike da nau'o'in abinci ta kawowa sakeena tace inji mama. Sakeena dama da kwantarciyar yunwa da rashin kwanciyar hankali da kuma rashin samun abunda takeso ya Haddasa mata. Tana arba da plantain da chips yawunta ya tsinke taja kwandon ta fito da robobin ta wanko baki ta cika cikinta da soyayar plantain da chips da soyayyan kwai, ta dora da kunun gyada ta kauda kwanikan ta miqe ta kwanta, tana bacci Iya na mata fiffita don dakin da xafi kuma fankar bata bada iska sosai ta tsufa. Hassana tace tana xuwa ta fita, bata jima ba ta dawo da shirgegiyar fanka ta tsaye "OX" sabuwa qal, da kanta ta bareta ta jona iska ta cika dakin cikin yan sakanni. Sakeena ta juya ta bararraje ta gyara kwanciya iskar sabuwar fanka na ratsata, Hassana dai dubanta take da tausayi. Iya ta dunga sakawa Hassana albarka. Iya tana aikinta a tsakar gida Hassana kuma tana danne danne a laptop. Babu jimawa Barrister Adam yaxo aka kira Saddiq suka hadu suka tattauna kana suka fice a motar Hassana. Sakeena dai batasan abunda ake ba tanata biyan bashin baccin da rabonta dayi tun tana gidan Sageer cikin loosing memory.



Bata tashi ba sai bayan la'asar hakan ma Iya ce ta tasheta saboda sallah. Tayo wanka da ruwan xafi rau, tayi sallolinta. Iya ta shigo ta xauna ta qurawa Sakeena ido tace "Kai wannan yarinya Hassana Allah ya saka mata da alkhairi, dubi ayini daya har kinciko da kika samu kikayi baccin. Temakon Allah ya kan riski bawa a ko ina, mutuqar bawan yayi imani da Allah. Lokacin da Hajara takai maganarku kotu ba qaramin raxani da tashin hankali na shiga ba, amma daga jiya xuwa yanxu da muka samu masu tsaya mana, saina godewa Allah data kaimu kotu, saboda in aka xauna a gida akai shari'ar kamar yadda mukeso to wlh ko an wankeki Hajara da xuri'arta baxasu taba dena kiranki karuwa ba. Amma data kai kotu kinga yadda labarin bata sunanki ya gama duniya in shaa Allahu haka labarin wanke ki daga zargi xai game duniyar. Hankalina yanxu kwance yake sosai na fasara hango mana nasara" Sakeena murmushi kawai tayi batace komi ba, ita bataga wani alamar nasara ba koma da nasarar bata murna. Yo murnar me xatayi kata da shege aciki?




Yamma liqis Saddiq da Hassana suka shigo gidan, idonsu jajur da alama sun gaji, bata xauna ba ta miqawa Sakeena ledar burger da ice cream na qatuwar roba tai musu sallama tace sai gobe. Sakeena tanaji Saddiq nayiwa Iya bayanin guraren da suka xaxxaga, Iya ta hado masa abinci da ragowar abunda Hassana ta kawowa sakeena. Ita dai taja ledar burger (🍔) tanaci tana lakatar ice cream tana hadawa 😋. Saida ji cikin ta dam sannan ta miqawa su Iya ragowar. A daddafe tayi sallar Isha ta qara miqewa a gado ta ware sabuwar fanka ta fara bacci.



Ranar laraba ma haka Hassana taxo gidan kamar jiya da kwandon abincinta, bata xauna ba suka fice Sakeena tai wanka taci peper soup din kayan ciki da bread, Iya mamakin wannan ciki na sakeena take da bata iya tabuqa komi daga cin abinci sai bacci duk kuwa da cewa bata da son jiki.



A ranar dai saiga Zahra dasu Hadixa sun shigo gidan. Zahra taxo har daki ta gaida Iya kuma a bakinta su sakeena kejin wai an canjawa su Hajjo guri xuwa state C I D saboda taunan silili da ragowar matan sukai mata har suka fadi inda tai silar batan sakeena kuma daga qarshe ta kaita qara, jin haka yan sanda suka tasa qeyarsu duka suka miqasu state C I D. Daya tashin hankalin shine anhana belinsu ance saboda sunyi yunqurin kisa kar a bada belinsu kafin ranar xuwa kotu su aiwatar da nufinsu. Yanxu ma taxo neman Deni ne da Saddiq suxo aje can din ko xa'a badasu. Iya ta jimantawa Zahra tace "wlh kam Deni rabona da ganinsa tun shekaran jiya. Saddiq kuma sun fita da lawyern sakeena" Zahra tace "Masha Allah ai gara da aka samu lawyern, Allah ya bayyana gaskiya" ta miqe ta koma dakin Hajjo gurinsu Hadixa da duniya tai musu xafi.


Bata jima ba ta fito, taiwa Iya sallama tace xata gida saboda yara sun tafi makaranta karsu dawo bata nan. Iya tace ta gaida gida. Su Amina suka fito suna qullah daki zahra ta kallesu saroro tace "ku dana barku kwance ina kuma xakuje?" Amina tace "Binki xamuyi, bazamu xauna a gidan nan ba ba'a qaunarmu. Baba baya kulamu, Hajjo bata nan, Saddiq kuma ya hada kai da maqiyanmu" zahra ta kife Amina da mari. Tace "Ki jini da yar iskar yarinya, ba'a qaunarku ku wa kuke qauna? Hajjo itace ta jawowa kanta duk abunda ya faru da kuma xugarku, ai duk abunda take kune ke tunxurata, da kuna hanata da dole xata rage wani abun. Baba kuma dole ya dena kulaku saboda kun nuna ku yayan mace ne be isa daku ba. Wlh ku kiyayi duniya gidan wani xakuje ku matane, tarbiyyar Hajjo baxata xaunar daku a gidan aure ba. Kuma ni babu inda xaku bini ba kuje ku girgidemun nawa auren"



Ganin idon zahra yasa suka koma dan suna shayinta, tana fita suka sa qafa suka fice, a tsakar gida suka tsaya suka qaraci futsararsu da cewa sun tafi gidan Fiddausi tunda zahra ba ita kadaice yar uwarsu ba inyaso in mutum ya cika munafiki in sun dawo yasa a kashesu. Iya bata kulasuba bare sakeena dake sharar bacci.


Bincike yaci gaba kullum sai Hassana taxo sun fita da Saddiq da kuma Barrister Adam sannan tana xuwarwa da sakeena irin cimarta kullum, sakeena dai batasan inda suke xuwa ba ta maida hankali gurin bacci. Yayin da Hajjo kecan tanacin gabxa, Deni kuma baya ma gidan gaba daya kwanciyar bacci da wanka kawai ke kawoshi, su Hadixa kuma sun durfafi xuwa gidan Fiddausi su yini sur sai dare su dawo.



Ranar juma'a su Barrister suka hadu dakin Baba sunawa su Iya bayanin abunda ake ciki, wato sunyi iya yinsu ba a samu Sageer ba a katsina xuwa Lagos gashi saura kwana 3 kachal shiga kotu. Iya da Baba hankalinsu yayi mugun tashi, Barrister Adam ya kwantar musu da hankali cewar ai sun sami mafita mijin Hassana dake Babban ma'aikacine kuma me fada aji xa'a turo masa gaba daya list din ma aikantan hukumar customs dake Lagos shi kuma xai turowa Hassana aciki xasu duba Sageer daga nan kuma sai su damqoshi, koda ba'a samu kamoshi kafin ranar Monday da xa a xauna kotu ba xasu bada uxuri kotu ta sauraresu xuwa sanda xa'a kama sageer a gurfanar dashi.



Hankalin Baba da Iya ya dan kwanta amma kuma tunaninsu iri daya ne na ganin in kuma Sageer qarya yake fa shi ba jami'in hukumar customs bane? Suka rabu akan cewar mijin Hassana yau da daddare sai turawa Hassana, ita kuma da safe xataxo ta kawo su hadu su duba tunda su sukasan sageer.


A wannan dare Iya da Baba basu runtsaba sun kwana akan sallaya suna ibada yayin da sakeena ke baccinta hankali kwance dan tayi loosing hope kuma ita da sunanta ya gama baci me kuma xai dameta yanxu?


Da safe wato wayewar garin asabar suka tashi xuciya babu dadi, su Hadixa sun fice kamar yadda suka saba Deni ma haka akabar Baba da saddiq suna jiran xuwan Hassana da kuma Barrister Adam.


Iya ta tashi sakeena daga baccin da bata gajiya da yinsa ta Kai mata ruwan wanka tayi. Tana uwar daka tana shiryawa suka farajin sallamar mutane lokacin ko taran safe batayi ba. Baqin sukace da Maxa suke a waje Baba yaje ya shigo da maxan sukai masauki a dakinsa daga Iya har Baba bakinsu har kunne ganin SAGEER ne tafe da mutane.




Iya, Baba da Saddiq suka xauna aka gaisa, Sakeena na can daki tunda taji ance sageer ne da mutanensa ta miqe ta kwanta ta rasa abunda ke mata dadi.



Aka bude taro da addua Sageer ya fara magana "Iya kuyi haquri kunjini shiru tunda na tafi. Kamar yadda na fada miki aure nayi babu wanda ya sani hakan yasa da najewa da iyayena maganar na fuskanci turjiya saboda lefin da nayi musu na aure babu saninsu. Kwanana biyar a Katsina ina fuskantar hukunci daga magabatana kafin daga baya su haqura su rungumi qaddara ganin harda rabo tsakaninmu. To daga katsina kuma na tafi Lagos tattaro Hujjojin da xasu tabbatar da aurena da sakeena, kasancewar abun ya hada da harkar asibiti na karbar records din ciwonta shiyasa na jima a Lagos din, sai jiya aka kammala komai na karba muka wuce Katsina muka taho da su Ummata. Gata nan, sai abokina Maimata wanda ya sheda aurena da sakeena gashi, wannan kuma Dr sani ne shine likitan daya karbi sakeena randa tai hatsari, sai yayan Mahaifina gashi (Baffa Ado) sai kuma wakilin oganmu na office wanda shi yaxama waliyin sakeena a waccen ranar, baisamu xuwa ba saboda aiki shine ya turo Ibrahim matemakinsa ya wakilceshi."



Hassana da Barrister suka shigo a tare hannunta dauke da kwandon abincin sakeena, sukai branching a dakin Baba, suka riski abunda ke faruwa. Farincikinsu baxai misaltu ba, suka xauna akaiwa Sageer duk bayanin abunda ya faru bayan tafiyarsa har qarar da Hajjo ta shigar. Hankalinsu ya tashi Sageer ya fito da duk takaddun asibitin sakeena ya miqa musu har da receipt din xoben daya siyawa sakeena da kudin sadakinta da kuma xoben axurfar daya tsinceta dashi da abun hannu. Maitama ya miqa musu vedio din daurin auren suka sauke Hamdala tare kowa hankalinsa ya kwanta. Iya ta debo yan canjinta ta bawa Saddiq tace "maxa jeka kayimun sadaka wannan abun farin ciki haka? Allah maji roqon Bawa." Hassana ta miqe tace "Bari in kaiwa sakeena abincinta" Sageer dai
toxali kawai yakeson yi da sakeena cikin matsananciyar kishirwar ganinta yake.



Umma kuwa mahaifiyar Sageer itama so take kawai taga sakeena yarinyar data hargitsa mata Da har yayi aure bata sani ba, har cikin ranta haushin sakeena keji so take ta ganta taga meya rudi sageer haka? Iya kamar tasan abunda ke xukatan Sageer da Umma tace "Hassana turo sakeena mana ta gaida baqi ta qule daki taqi fitowa"



Acan daki ma sai da Hassana tayi da gaske sannan ta tasa sakeena gaba suka fito xuwa dakin Baba, Idon Sageer akanta baya ko qiftawa ko kuma jin kunyar mutanen dake dakin, kowa ya lura da kallon da yake bin sakeena dashi. Ta xube gaban Umma dan ita kadaice mace acikinsu, Maitama ya dan xunguri Sageer yace "ka dauke idonka akanta malam"


Ta fara gaida Umma cikin girmamawa wanda hakan yayiwa Sageer dadi ya kuma nitsewa cikin tafkin soyayyar sakeena. Umma ta amsa gaisuwar sakeena tana kallon ta, ta nemi jin haushin sakeena da takeyi ta rasa tafar daya taji yarinyar ta shiga ranta kuma ta kwanta mata, ko ita Sakeena mace sakeena ta shiga ranta balle namiji irin sageer. Bataga lefinsa ba dan ya mace a soyayyar kyakykyawa kuma sassanya sakeena. Ta shafa kanta tace "Sannu diyata, Allah ya yi miki albarka, Allah ya baki ikon cin jarrabawar da yayi miki. wannan abu daya faru gareki MUQADDARI NE Allah ya rubuta miki qaddarar aure kan aure." Sakeena ta share kwalla ta amsa adduar umma, ta matsa ta gaida ragowar mutanen ta miqe ta fita. Iya farincikin da bata taba xatoba a wannan lokacin ya xiyarceta ganin Umman Sageer nason Sakeena ta fara tunanin wani abu aranta.



Suma basu wani dade ba suka tafi masaukinsu gidan wani abokin aikin Sageer dake nan Kano, ko tsayawa su karya basuyi ba. Sakeena ta shige uwar daki ta kwanta xuciyarta babu dadi yayin da su Iya da Saddiq suka dasa hira harda Hassana cikin farin ciki. Ita dai da xuwan Sageer da rashin xuwansa duk daya a gurinta abunda kawai takeso kuma take buri ta koma gidan ya Deni sucigaba da xamansu na soyayya. Da wannan tunani tai bacci cike da mafarkin ya Deni as usual. (Dan anace sunan wata waqa 🤣)


Sai azahar Iya ta tasheta sukaci Dan waken da iya tayi ita da Hassana.

****** ***** ****** ****

Ranar Monday wato ranar shiga kotu da karsashi yan jam'iyar Sakeena suka shirya ita kuma a salube take komi saboda tasan yaune ranar da hukunci xai tabbata kodai xamanta da Deni ko kuma rabuwarsu. Hassana taxo da shiegegiyar mota xata debi su Iya da sakeena, ta tarar sakeena bata shirya ba ta daiyi wanka tana xaune. Da azama Hassana ta binciko mata wata doguwar riga ruwan makuba (marun) tasa tana fadawa sakeena wannan rigace me daraja saqar qasar Turkey ce kudinta suna da yawa. Tasata ta saka harda saka powder tayi mata nadi da dankwalin rigar irin na larabawa ta bata cover shoe ta saka ta dakko medical glasses dinta ta bata ta saka tace "Wow haka nakeson ganinki mutuniyar" taja hannun sakeena su Iya na tsaye suna jira Iya ta saki baki tace "ikon Allah yau kunga sakeena ta komamun mahaifiyarta sak, haka Aisha tayi wannan kyan lokacin tana da cikinki kuma a lokacin batafi shekarunki ba"suka fita, Iya na qara kallon sakeena, aka qulle gidan, Su Hadixa sun fice tun sassafe xuwa court.




Lokacin da sukaje kotu ta gama cika har anfara wasu shari'oin . Sageer da Deni suka xubawa sakeena ido lokaci daya tayi kyau harta gaji, Sageer har lumshe ido yake inyana kallonta, sai yanxu ya lura ta danyi rama kadan saboda rashin kwanciyar hankali amma ramar ta yimata kyau farinta ya qara fitowa saboda cikin jikinta. Deni ma idonsa akanta tar yaji wani irin mugun santa da kewarta, amma daya tuna abunda tayi harda ciki a jikinta saiya kauda soyayyar ya galla mata harara anyi sa a lokacin ta dago kanta tana kallonsa ganin ya harereta ta sunkuyar da kai. Umman sageer ta jata ta xaunarta kusa da ita. Ana gama shariar da suka tarar anayi aka kirawo tasu, yan sanda suka shigo dasu Hajjo wadanda sukayi walmukalafatu (sassabawar kamanni 🤣) jikinta baqinqirin duk wani abu ya fito kamar tau tau.


Dan sanda suka yiwa Al qalin bayanin su Hajjo da fada masa shariar da aka kirowo yanxu tana da nasaba da wannan tasu Hajjo, magatakadda ya lalubo qarar su Hajjo da aka shigar ya tashi ya karanta.

Su Hadixa harda Zahra kuka suke ganin yadda Hajjo ta koma cikin kwanakin da basufi 5 ba.


Bar Hassana da Bar Adam suka tashi suka gabatar da kansu a matsayin lauyoyi masu kare sakeena.


Babu musu su Laraba suka amsa lefinsu ganin hakanne kawai xata kwacesu, sukace kuma Hajjo ce ta basu 500 tace suje suyi hakan. Aka juya kan Hajjo tace eh gaskiyane, amma ba cewa tai su qonasu ba tsoratu kawai tace suyi.


Bar Adam ya dakko hirar da Hajjo tayi a gidajen radio wacce yayi recording da kuma kwafin Newspaper din datasa aka bubbuga labarin ya miqawa Al qali yayi bayanin duk yadda Hajjo tai wajen batawa sakeena suna kuma ya bayyana hakan da cin zarafin bil adam.


Yan jaridar da Hajjo ta gayyata farkon shariar batasan reshe xe juye da mujiya ba, harda ma sababbi sun hallara suna ta aikinsu.


Br Hassana ta tashi tayi qarin bayani, Al qali ya nemi Hajjo ta kare kanta ko kuma ta amsa tuhumar da ake mata. Ta kasa cewa komai saboda baxata iya karo da masu ilimi ba kamarsu su Barristers sannan ga qarin shedu muraran dole ta amsa lefinta.


Aka dakko speaker akasa muryar Hajjo kowa yaji qazamar hirar da tayi. Al qali ya gyara xaman glasses din idonsa bayan gama nazari yace "Bisa kwararan Hujjoji da kuma amsa lefi da kuma shedun baki, kotu tana tuhumar Hajjo da lefuka guda 3.

Na farko cin zarafin dan Adam ta hanyar bata masa suna ga wacce take qara wato surukarta sakeena, da kuma yada labarin qarya.

Na biyu. Raina kotu ma'ana magana tana gaban kotu ba'ayi hukunci ba taje tana hira da yan jaridu. Wanda wannan rainine ga famnin sharia.

Na uku. Daukar nauyin ta addanci da tunxura mutane xuwa aikata farmaki ga rayuwar dan adam.


Wannan kotu me adalci ta daure Hajara wato Hajjo na tsawon wata 9 kowanne laifi a ciki wata uku kenan ko xabin biyan tara ta dubu 50 a kowanne lefi jimallar kudi 150k amma dubu hamsin din farko sakeena xata bawa bisa hukuncin bata mata suna da tayi. Su kuma abokan aikinta kowacce xatayi xaman gidan kaso na tsawon wata daya ko xabin biyan tarar 5000 (dubu biyar kowacce su laraba qilu tajawo bau 500 ta jawo musu 5000🤣) Wannan shine hukuncin su" Hajjo ta dora hannu aka ta durqusa (Hmmm rayuwa kenan harshenka xakinka inka sakeshi saiya cinyeka)


Amina ta yanke jiki ta fadi ta fara ihu tana xagin yan sanda wai ita tahau iska, kamar yadda suka shirya ita da Hadixa da Fiddausi a gida tayi hakan dan asaki Hajjo. Mutane xasu fara yimata karatu wani kurtun dan sanda yace su kyaleta yana da maganin korar shedanu yanxu xata tashi. Ya daga wani kulki na hannunsa ya saukwa Amina shi a gadon baya, ta shanye ta juya tacigaba da haukanta tana dura masa xagi, ya Kuma dagawa iya qarfinsa ya shirga mata. Ana ukun saiga Amina a tsaye kyam tana cewa "Nice wlh babu wata iska a kaina sani su Hadixa sukai nayi haka dan a saki Hajjo"

Kotu tadau dariya gaba daya hardasu Labara da suke a tasko saida suka dara.


Aka fara shariar sakeena me maxajen aure biyu, Sageer ya fito ya fadi duk yacce akai har xuwa auren sakeena dashi ya kuma gabatar da shedunsa aka miqa records din sakeena na hospital gurin alqali harda receipt din xoben hannun sakeena na sadaki, wanda ita sai lokacinma ta kula da xoben. Hajjo tashin hankalin da take ciki be hanata bude bakiba jin har xoben 176k ne a jikin sakeena a matsayin sadaki. Dr sani ya fito yayi qarin bayani kan duk yacce akai. Maitama ma ya fito yayi, haka wakilin oga Abdulfatah wato Ibrahim. Bayan gamawa Hassana ta bude laptop dinta aka bude vedio din daurin auren sakeena kowa yagani.


Kotu ta rude da tafi da kuma yabon Sageer bisa aikin alkhairin da yayi wanda ba kowa zai iyaba a wannan xamanin aka kuma fara tsinewa Hajjo data dora qara akan xargi har tana rantsewa akan abunda bata gani ba, sannan aka shiga tausayin sakeena ana fadar rashin dacewarta da auren Deni.


Alqali ya buga guduma akai shiru ya juya ga Sageer yace "Menene dalilinka na auren mace daga ganinta kuma bakai tunanin matar aure bace sannan baka fadada binkice ba?" Sageer cikin nutsuwa yace "Na aureta ne saboda gudun fadawa halaka saboda xama ni da ita amatsayin wadanda ba muharramai ba shedan kan iya shiga tsakaninmu, Sannan na biyu likita ne yace kar a tursasa mata tuna rayuwarta ta baya harsai ta tuna dan kanta saboda yin hakan na iya baraxa ga lfyarta. Na uku kuma, a yadda naganta yarinya qarama banyi xaton matar aure bace duba da qarancin shekarunta shiyasa na aure. Allah shine shedata"


Kotu ta kuma rudewa da kalaman yabon Sageer wani dattijo fadi yake "Wannan yaro