You Cannot Download this book untill you login but you can read it .

---

Login Register

kamar inyi hauka akanka." Ya daka mata tsawa yace "Ke! Banason sakarci dan kinga ina lallabaki to ki shiga hankalinki ko ni mahaukacine kuma koda ina sonki ai baxan hada iri da Babarki ba saboda kin tsotsi halinta a nono, balle ma kuma nima inada wacce nake so kamar hauka karki qara kirana inba haka ba ranki xai mugun baci" ya kashe waya yabar Amina tana kuka da hawaye sharkaf.
Har asuba tana abu daya Hajjo ta tashi sallah ta ganta xaune dungurgur tana kuka ido jawur ta tambayeta menene Amina ta kwanta jikinta tana cigaba da kuka kanta da jikinta xafi rau tace "Waya na bugawa Sageer yace baya sona kar inkuma kiransa yana da wacce yakeso" Hajjo tai salati tana tafa hannu tace "Auta ba malam cewa yayi karki kirashiba harsai angama turaren kwana arba'in da daya?" Amina ta qara sautin kukanta tace "Nidai kawai inkina sona ki samomin soyayyar sageer inba haka ba wlh xan kashe kaina" Hajjo ta zare Ido cikin tsoro tace "Abun har yakai haka? Amina tace "Har yafi haka ma" ta lallaba Amina da cewa xatasan yacce xatai tayi haquri.

******* ******** *******

Wata yaxo qarshe sageer ya nufi KT gurin umma kamar yadda ya saba ya gama kwanakinsa yayi shirin dawowa suna sallama xai tafi ta dubeshi tace "Muhammadu yanxu haka xakai ta xama babu aure ko ga dukiya Allah ya baka ko mace hudu xaka iya aure lokaci guda kuma ka riqesu" ya dan sosa kai yace "Umma kiyi haquri xanyi ne in lokaci yayi" tayo masa daquwa tace "Gidanku🖐🏽 babu inda xakaje saika tsayarmun da magana kar kaje ka kuma auren bansani ba" jikinsa yayi sanyi yace "Umma kiyi haquri baxan kuma ba wancan ma da nayi baki sani ba ga jarrabar da Allah yayimun akai saboda haqqinki har abunda bakisan inayi ba wlh duk na dena ki yafemun" ta tausaya masa tace "Bakomi Muhammadu qaddarace Allah ya yafe mana gaba daya." Yanxu dai fadamun yaushe xakai auren Dan Allah? Yana murmushi yace "Umma ki nemomin mata kowacece ni kuma xan miki biyayya na aureta" Ta waro ido tace "Ni in nemo maka mata bakaso kaje ka wulaqantata? daure dai ka fadan wacce kakeso" ya qurawa Umma ido yace "Wacce nakeso umma bata sona bana gabanta gaba daya" ya share kwallah bayan ya gama fada. Itama ido ta qura masa tace "Sakeena ko? Ita kakeso ko Muhammadu?" yayi shiru yayi qasa da kansa. Sukai sallama ya tafi jikinsa a sanyaye.


Umma kwallar da taga Sageer nayi ta daga mata hankali tasan ba qaramin abu kesa shi kuka ba. Washegari da kanta ta tashi taje gidan Baffa Ado (yayan Baban sageer) suka tattauna akan maganar, shima ya nemi ragowar yan uwansa ya fada musu suka tsaida magana aka kirawo Baban sakeena dake Kano.


Ranar da suka cika kwana tara da dawowa daga Baggadano sakeena ta fito daga dakin Iya xata kicin Hajjo na xaune kofar daki ta dubeta ta kwashe da dariya tace "Ina ruwan biyu babu uku babu ko daya? Miji ya sakeni yayi auren soyayya, kwartona ya gudu ya barni ina jabe gida babu dan kida babu dan rawa, sai xaman kashe wando" ta kuma dariya tana kwaikwayon muryar sakeena Kamar yadda tayi awani lokacin baya tace "Inason inxama mai yada labarai a nunoni a TV ina karantawa" ta qarasa tana sheqa dariyar ixgili ta kuma cewa "Ai keda aure kam sai dai kiga anayi saboda xancenki yagama duniya kinyi aure cikin aure" Sakeena da xuciyarta ke abushe saboda yadda take tsanin kishin Deni da ko gidan baya xuwa saboda xaqin amarci ya watsarta yana jin dadinsa ga kuma uwarsa na mata gorin abunda itace sanadin jefata ciki ta. Ta tunkari Hajjo ranta a tsanin bace ta shaqo mata wuya ta hadata da bango ta falla mata mari ta kuma falla mata wani. Hajjo ta fara kakarin mutuwa ta kaiwa sakeena duka ta riqe hannun ta murde, Amina ta fito daga daki duk ta fige ta rame saboda soyayyar Sageer, ta fara dukanSakeena tana yunqurin kwatar Hajjo, sakeena idonta jawur tasa hannu tai wurgi da Amina gefe daya. Tacigaba da waskawa Hajjo mari babu qaqqautawa. Amina taga ana shirin kai Hajjo lahira tayi dakin Iya da gudu tana haki tace "Iya kixo ki temaka kiwa sakeena magana ta shaqe Hajjo xata kasheta" Iya tana xaune tana jan carbi taiwa Amina banxa. Amina bata qara tunkarar sakeena ba don ta tsorata da ita tai waje da gudu ta tarki sana'a Baba ya kawo kai bata tsaya yimasa bayani ba taja hannunsa ta kaishi tsakar gida inda Sakeena ke caskala Hajjo wacce ta jigata idonta yayi jaa ta daku a hannun sakeena.


Baba yayi yunqurin raba hannun sakeena da wuyan Hajjo ya kasa, cikin kwantar da kai yace "Yi haquri sakeenatu ki saketa" ta juyo idonta taf da kwalla tace "Baba taimun abubuwa da yawa a rayuwata, mafi munin abunda taimun shine baxa hotunana a duniya da kuma jifana da kalmar fasiqanci wanda duk da an wankeni wasu sun yadda wasu kuma basu yadda ba sannan kuma yanxu taxo tanamun gori" Baba yace "nasani sakeenatu kiyi haquri Dan girman Allah ki saketa" ta saki Hajjo ta fadi gefe tana haki da bin sakeena da kallon tsoro.


Baba ya kira Iya ta fito yace "Kama diyarki kuje daki" ta kama sakeena suka shige ciki ta kwantar da ita akan cinyarta tana shafa bayanta tai bacci. Tasan yau Hajjo ta qure haqurin sakeena tunda tai mata haka, wannan abu yayi mata dadi kwarai shiyasa ma taqi shiga balle ta raba.

A kwana biyun da suka biyo baya Hajjo da Amina sukai mugun shiga taitayinsu ko tsakar gida a dari dari suke fitowa suna daki a takure Hajjo na jinyar kunburarriyar fuska da dukan sakeena Amina kuma tana jinyar xuciya da soyayyar Sageer ga kuma baqon lamarin mugun tsoron sakeena da sukeji.


A ranar cikon na biyun ne Baba yayi baqi da safe wajen goma ya fita ya dawo da sauri ya dauki qatuwar tabarma ya kira Saddiq a dakinsa na soro ya kuma dawowa ya fadawa Iya a hankali cewa Iyayen Sageer ne da sukace xasuxo. Karaf a kunnan Amina take kicin.


Ta koma daki da sauri ta tashi Hajjo a bacci tana murna tace "Tashi bacci ya qare Iyayen sageer sunxo kawo kudin aurena kamar yadda malam yayi mana alqawari" Hajjo ta mutstsuke yawun bacci tace "Haba? Ai dama malam ya rantsemun yace a cikin satinnan xasuxo da maganar Aure" Amina tace "Aikuwa dai gashi sunxo yanxu naji Baba na fadawa Iya baisan da maganata akaxo ba." suka cigaba da hira cikin murna da tsare tsaren yadda biki xai kasance.


Kimanin rabin awa Baba ya shigo gidan cikin farin ciki yana bude dakinsa yana cewa "Hafsatu kuxo keda sakeenatu" Hajjo ta miqe tana daura dankwali tace da Amina "Tashi muje ayi a gabanmu nasan ita xai fara fadawa ankawo kudinki tunda ni ba magana yakemun ba kuma wannan Karon tun yanxu xan amshe kudin auren tunda ba wata tsiyar yake muku ba, baxan bari sai biki ba kamar yadda yayiwa su Fiddausi" Amina ta miqe tana cewa "Ai kuwa dai gara ki karba a qara kaiwa malam ya kuma damqemun xuciyar Sageer, naga aikinsa duk yafi na sauran malaman ci da wuri" jikinta har karkarwa yake ta biyo Hajjo suka shige dakin Baba.


Ya dubesu bece komai ba ya fito da kudi daga aljihunsa. Amina ta qara matsawa kusa dashi tana murmushin cikar buri. Ya kalli Iya da sakeena dake gefe daya yace "Sakeenatu meye matsayina a gurinki?" cikin mamaki tace "Baba aini mahaifi na na daukeka." ya qara cewa "Ai canake na fita daga wannan matsayin tunda Deni ya rabu dake" tace "Allah ya sawaqe, ai bashi ya hadamu ba balle ya rabamu kananan a matsayinka na Ubana fiye da lokacin da nake auren Deni, kuma ni nama manta dashi a rayuwata" Duk dakin babu wanda maganar sakeena bataiwa dadiba na cewa ta manta Deni a ciki kuwa harda Hajjo tana dariyar murna da kumburarriyar fuska tace "Malam ai gara ayi abunda ya hadamu a gama kowa ya kama gabansa"


Baba be kula Hajjo ba ya dubi Iya yace "Kamar yadda nace miki iyayen sageeru sunmin waya tun wancan satin akan xasuxo da maganar aure, na tsaidasu nayi bincike don ba'a aure babu bincike don kaga mutum a cikin babbar riga bayana nufin shikenan mutumin kirki bane. To Alhamdulillahi nasa anyi bincike tundaga katsina har xuwa Lagos gurin aikinsa kuma ya samu kyakykyawar sheda hakan yasa na basu dama shine yau sukaxo" Amina hawayen farin ciki ya xubo mata, ta samu Sageer ta gama inama Baba be tsaya wani bincike ba ita koyaya Sageer yake tana sonsa kuma da Baba ya fada mata sunyo waya tun last week da cewa xatai kawai suxo da shirin daurin aure da daukar amarya batason wata bidi'ar biki itadai Sageer kawai take so.


Baba ya katse mata tunani ya miqawa Sakeena kudin yace "Gashi na cika matsayina na uba na karbi kudin aurenki da sageeru kuma nasa rana sati uku masu xuwa, na tabbatar xakimun biyayya" Sakeena hawaye da faduwar gaba a tare sukaxo mata, gashi Baba ya daureta da jijiyon jikinta, tace "Baba ka riqe kudin auren in lokaci yayi ka bani kamar yadda kakewa yayanka" ta fads tana hawaye. Iya cikin tsananin farinciki mara misaltuwa ta fara yiwa Baba godiya da kuma sakawa auren albarka.



Amina ta miqe xunbur itama tana hawaye kamar sakeena tace "Baba anya kuwa kaji dai dai, ba sakeena aka kawowa kudin auren sageer ba ni aka kawowa, nice keson Sageer. Haka malam yayi mana alqawari ko Hajjo? Yace indai nayi amfani da maganin dai dai sageer xaixo da maganar aure cikin satinnan baxata, kuma wlh dai dai nai amfani da maganin" ta juya gurin Hajjo da tayi wuqi wuqi a xaune tace "Hajjo ba daya malamin cewa yayi indai muka xubar da cikin sakeena kuma aka kai masa number Sageer shikenan Sakeena da sageer sun rabu har abada ba? To meyasa duk munyi hakan yanxu akace sakeena aka kawowa kudi ba niba?"


Daki yayi tsit har Saddiq dake bacci hargagin Amina ya tasheshi ya shigo ciki. Baba, Iya da Saddiq kallon Amina da Hajjo suke cikin kaduwa.


Yayin da sakeena take sunkuye tana kukan wai xata auri Sageer nan da 3 weeks. Ita sam abunda Amina tai da kuma xubar mata da ciki be dameta ba bala'in jin xata auri Sageer mutumin datafi tsana a cikin maxa, yafi daga mata hankali, ita kam danta itane har godiya xataiwa Amina saboda ta xubar da cikin qaddara wanda rabonsa ne ya hada ta da Sageer.


Tofa! Sakeena na kukan auren sageer, yayin da Amina ke kukan rasa Sageer.


Xamu hadu ranar Friday in shaa Allah


Hajia 😊
[8/21, 12:08 PM] A A Dboy: 🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀
🙆🏽‍♀MUQADDARI NE🙆🏽‍♀
🙆🏽‍♀2018🙆🏽‍♀
🙆🏽‍♀



2⃣3⃣

RAHMATULLAH (Hajia)


Sakeena ta miqe tayi daki tana gunjin kuka, yayin da Tabar su Baba cikin tsananin mamakin mugun halin Hajjo. Baba ya figo Amina ya fara dukanta babu wanda yayi yunqurin tsayar dashi domin ba a taba ganin yana dukan wani ba sai yau. Hajjo ta gaza juriya taxo kwatar Amina dake kuka tana cewa itadai komenene ai mata amma wlh Sageer kudinta ya kawo bana sakeena ba. Baba ya hanbare Hajjo sai gata a gefe a yashe koda yake dama bata gama jinyar dukan da sakeena tai mata ba. Yacigaba da lallasa Amina ta daku sosai me haquri be iya fushi ba, sai dayaji xuciyarsa ta danyi sanyi sannan ya kyaleta. Ya kalleta bakinta duk jini harya fasa mata gefen kunne garin duka, cikin kyamar Hajjo yake da kuma dana sanin hada xuri'a da ita ganin yadda gaba daya ta bata yayan da mugun halinta (Hmm dama shiyasa akeso inxaka auri mace ka aureta don addininta kuma ka duba halinta da kyau domin xata haifa maka irinta) A xuciye yace "Hajara kinsan na sakeki tun a baya ko? Na kuma daga miki qafa kiyi idda a dakinki bisa koyarwar addini amma kinqi saduda ki gyara halinki wanda addini yayi hakanne da nufin inkin gyara in maida ke ko? Yanxu har bala'inki yakai ki tasa yarki a gaba xuwa gidan malami kuyi shirka ya fada muku qarya ku xubar da ciki ko? To yanxu da sakeena ta rasa ranta gurin xubar da cikin fa? Kujewa Allah da hakkin kashe rai? Saboda haka ki tattara ki barmun gidana wlh nagaji da xama dake kin batamun yaya kin hanani sakat da baqin halinki inna fita daga wannan masifa saiki kunno wata, to ki tafi Amina kuma ki barta anan tunda bakixo da itaba." Hajjo cikin tsananin masifar tashin hankali take, yanxu ina xataje? Gidansu dake bachirawa me daki biyu kacal wanda daya Babanta ke ciki yana tsubbace tsubbacensa kuma baya bari ko uwarsu ta shiga bare su dayan kuma Babarta ke harkarta ta bori ciki xata iya tunawa sanda auren qanwarta marka ya mutu sai a maqota take kwana da safe ta shigo gidan, ko yini kajeyi gidan sai hankalinka ya tashi saboda qaxanta da talauci da kuma xaman doya da manja da ake tsakanin iyayen nasu.


Ta kama qafar Baba ta riqe tace "Malam ka dubi Allah ka rufan asiri yanxu da girmana harda surukai ace aurena ya mutu? Ka dubi darajar yayan da muka haifa ka kyaleni a gidannan koda baka maisheni matsayin matarka ba" ya xare qafarsa yayi hanyar fita yana cewa "Ai kinsan da yayan da kuma surukan
Kike duk abunda kike, da kinsan darajarsu xakiyi ne? Kuma da ina fasa mugun halinki da kina xaton ko kallon yayanki xa a yi balle a auresu? Baxan xauna baqin cikinki ya kaini kabari ba lokaci na beyi ba don haka karki sake indawo insameki"


Saddiq na gefe idonsa jajur sai da Baba ya fita ya dubi Hajjo da Amina yace "Hajjo yanxu meye amfanin wannan? Me kenan kikayi? Hajjo wlh ya dace ace kin daina abunda kike tun lokacin batan sakeena, amma baki daina ba, na xaci xaki daina a lokacin da kika shiga prison amma abun takaici shima nan baki daina ba, kina fitowa kika dora a inda kika tsaya wai Hajjo kece da jagorantar xubar da cikin sakeena? Kisa fa kenan? Hajjo wlh har kunya nakeji ace ke kika haifeni saboda abubuwan da kikeyi." Hajjo ta kwabe baki tasa kuka jin abunda Saddiq yace, tace "Saddiq wlh duk xan daina abunda nake kasa baki malam ya kyaleni ai kaga da kunya surukaina maxa suji aurena ya mutu ko?" saddiq ya runtse ido yace "Hajjo ana ga yaqi kina ga qura, nifa wlh baxan iya tunkarar Baba da wata magana ba yanxu, tunda kike dashi kin taba ganin yayi fushi haka? Kin qureshi sosai ki taso kawai ki tafi karya dawo ya sameki"


Iya tana xaune daki cikin tagumi da kuma jimamin jin wai su Amina ne silar xubewar cikin sakeena da kuma mamakin wai Amina keson Sageer har ankaishi gurin malamai ta kuma tsorata da halin Hajjo kuma ta tabbbatar da xata iya kashe sakeena don ta bayyana qarara bata sonta. Ta godewa Allah daya kawo qarshen auren sakeena da Deni kuma koda Deni be saki Sakeena ba ayau saiya saketa tunda abun ya kai haka.


Ta juya tana duban sakeena wacce ke kuka, ranta a bace tace "Ko kiyimun shiru ko kuma inci miki mutunci, menene abun kuka acikin abunda akai yanxu? Menene lefin yaron nan?" Sakeena ta dago ta share hawayen fuskarta ta matsa jikin Iya ta kalleta cikin ido tace "Iya kinsan bani da wacce ta fiki duk duniya, bani da qawa ko aminiyya da xan fada mata damuwata da ke kadai na rayu. Wlh Iya banason Sageer kuma banda qaunarsa bana buqatar ko jin muryarsa, kallonsa balle kuma aurensa" Iya jikinta yayi mugun sanyi da kalamin sakeena ta dubeta tace "Sakeena kiyi haquri sageer ne ya dace dake sannan kuma gashi yana qaunarki kuma inba quruciya irin taki ba wa xaki aura wanda yafi sageer din?" Ta bawa Iya amsa da cewa "Baga Bar Adam ba, ko yanxu nai masa tayin aure xai amsa tun randa aka gama shariar mu yace yana cikin jerin manema inna haihu" Iya ta Kalli sakeena tai murmushi ta kwantar da ita a jikinta ta fara magana.


"Sakeena kiyi haquri kowa da qaddararsa a rayuwa, ke taki qaddarar itace ta aure akan wani auren kuma wlh sakeena babu wanda xai riqe ya kula dake ya kuma kare miki mutuncinki kamar SAGEER. Duba da yacce yayi miki riqon amana a lokacin da be sanki ba kuma yanada damar da ko siyar dake xaiyi a wancan lokacin amma bai miki komai na cutarwa ba yayi miki riqon da ko agaban iyayenki ya aureki iyakacin abunda xai miki kenan. Kuma sakeena inkika auri wanin Sageer wlh xaki iya fuskantar gori na rashin gata ko dangin uwa, babban misali shine aurenku da Deni har kuka rabu uwarsa da yan uwansa nayi miki gorin dangin uwa kuma suna kiranki da qedara. Sannan inkika auri Adam ki tunafa cikin kishiyoyi xakije har guda biyu wadanda muna daga nan labarin yadda suke jifan juna da asiri yake ruskarmu, ke kuma kinsan baki da wani gata sai nawa kamar yadda kikasan baxanyi shirka wato bin bokaye ba akanki. Inkaka haqura da auren sageer kuwa nasan koda bayan raina xai kulamun da ke da kuma maraicinki baxai taba bari ki tagayyara ba sannan gashi mahaifiyarsa dattijuwar arxiqi tana qaunarki. Wlh sakeena sageer shine mijin dana dade ina roqon Allah ya baki, sannan kuma aurensa da Allah ya aiko miki bagatatan adduoinmu ne da mukeyi a yan kwanakin nan Allah ya amsa. Kiyi haquri qiyayyar sageer saqace shedan yayi miki cikin xuciyarki kuma qiyayyar baxata fito miki ba. Allah ya bamu yawan rai sakeena wata rana xakiso sageer fiye da komai a duniya, abunda ya faru a rayuwarki na aure cikin wani auren MUQADDARI NE kuma akwai hikimar ubangiji acikin yin hakan wacce ta bayyanar mana itace ta rabuwarku da Deni da kuma yin tsarkakakken aure tsakaninki da sageer, bamusan kuma hikimar da ubangiji ya boye ba a tsakanin qaddarar haduwarku. Ba lefi kikaiwa Allah ba qaddarace ya dora miki wacce batajin magani kuma batajin addua koda anqi baccin shekara. Ki dubafa sakeena wata har bin malami take (Amina) akan Sageer amma ke Allah ya baki ba tare da kin wahala ba kina nema kiyiwa kanki, karki yadda Allah yayi fushi dake kuma ya barki da kanki. Abu na qarshe da xan fada miki shine karki kuskura ki batawa sageer rai ko kuma ki nunawa wani mahaluqi bakya maraba da aurensa, shi kansa ban yadda ki nuna masa bakya qaunarsa ba ki saki jiki ki nunawa maqiyanki auren soyayya xakiyi yadda Deni yayi inyaso baqin ciki ya kashesu. Kinmun alqawari xakiyi haka Sakeena?" Ta gama saurarar doguwar nasihar Iya kuma ta ratsata sosai amma kuma abun da kamar wuya wato boye qiyayya. Tayi murmushi tace "In shaa Allahu Iya baxan baki kunya ba" tace "Yawwa diyata Allah yayi albarka, bara inxo inbugawa mutanen Baggadano waya insanar musu, malam baya cikin nutsuwar da xai fada musu yanxu."


Sakeena ta dan samu saukin damuwa a xuciyarta, amma cikin xuciyarta qiyayyar Sageer tananan danqam. Ta wanke fuskarta taci abinci ta dauki waya ta saka glasses ta fara kallon indian series din da Saddiq ke mata downloading "Sapne Suhane"


Hajjo ta tattara yan kudadenta da yan kaya kala biyu ta saita hanya gidansu, tabar Amina kwance dakinta ita kadai tana kukan rashin Sageer ko gixau dukan Baba da tafiyar Hajjo basu dameta ba, rasa Sageer itace babbar masifar data fara fuskanta a rayuwarta.

Saddiq yayi sallama dakin Iya yayi mata fatan alkhairi kawo kudin sakeena kana ya juya ga sakeena da bata kula da shigowarsa ba hankalinta nakan waya. Iya ta xungureta ta cire ear piece din kunnanta. Suka gaisa da Saddiq yayi mata fatan alkhairi itama, ya Kalli idonta dake kumbure yasan kuka tayi. Jikinsa a sanyaye ya basu haqurin abunda Hajjo da Amina sukai. Ya dakko wayarsa ya budewa sakeena folder guda na pics din pre wedding na bikin Deni wanda sukai da Amaryarsa Surayya. Ta karba tana ganinsu kala kala sunfi guda 20, abun babu ko tsari qaxaman hotunane wanda Surayya tayi shiga me bayyana tsaraici sosai yayin da shi kuma Deni yake riqeta da kuma rungumarta aciki kamar be taba sanin hanyar islamiyya ba balle ilimin addini, kuma koda an riga anyi auren da kunya yayi hakan da ita a gaban mutane. (Allah ka yaye mana wannan masifar data samemu da sunan wayewa) ta gama cikin Al ajabi ta miqa masa, ya kuma budo mata photunan biki da kuma vedios. Anan kam xuciyarta har dakatawa tayi da aiki na dan lokaci saboda ganin Deni da Surayya suna tsotsar bakin juna ga kuma mutane an xagayesu ana musu tafi. Ragowar photunan kuma abun ya qaxanta kwarai. Ta Kalli Deni a photon yana cikin farin cikin da bata taba ganinsa a ciki ba yayi kyau sosai cikin shigar alfarma ta angwanci. Surayya kuwa yau ta fara ganinta doguwace sosai me garin jiki tagano yadda qugunta da qirjinta ke cike ta fited gown din data saka ajikin photon kuma tana tunanin abunda yaja hankalin Deni kenan ta sanshi farin sani akan son mace me cikar jiki, a fuska ma kuma xa'a iya kiranta kyakykyawa kai tsaye don bata rasa komai na sigar kyau ba sannan kalar fatarta irin ta Deni ce wato chocolate.

Ta miqawa Saddiq wayarsa tana dauke kwallar idonta, yace "A a badan kiyi kuka ko in daga miki hankali na nuna miki ba, na nuna mikine don kisan ciwon kanki kuma kisan inda kika dosa, damuwa da wanda be damu da kaiba yaudarar kaine, sageer shine ke sonki da gaskiya, indai yaya Deni ya mantaki ya kuma fara sabuwar rayuwa danme kema baxaki mantashi ba ki riqe me sonki hannun bibbiyu? Dan Allah sakeena ki bamu hadin kai mu taru mu nunawa duniya auren soyayya xakiyi. Yin hakan shi xaisa Deni da sauran mutanen dake goya masa baya su gane cewar kin watsar dashi kuma bashi kike xaman jira ba ya maidake Kamar yadda ake xato" Jikinta a sanyaye tace "To Saddiq nagode xanyi hakan in shaaa Allah" Iya tana jinsu kuma abunda Saddiq yayi ya burgeta ya farkar da sakeena daga makuwar da take shirin yi. Koda Iya ta qare abincin rana ta xubawa Amina ta miqa mata daki kamar yadda Baba yace ta dunga bata abinci. Shi dinma daya dawo saida ya leqa ya tabbatar Hajjo bata nan sannan ya shiga daki yaci nasa abincin. Sakeena ta fadawa su Hassana maganar aurenta su kuma suka sanar da mama suna ta murna dake suma yan jam iyar sageer ne. Da daddare ana xaune tsakar gida kamar yadda aka saba, Amina ta fito daga daki tanabin bango saboda xaxxabi da ciwon kai da kuma yunwa ga kuka data yini tanayi. Ta tsuguna a gaban Baba kowa ya xaci haquri xata bashi bisa kuskure da sukai daxu. Amma mamaki ya rufesu lokacin da sukaji tace "Baba ka kira Sageer din kaji wadda ya kawowa kudin aure a cikinmu?" Baba ya cire hannunsa daga abinci yanawa Amina kallon mamaki, Saddiq kuwa tsaki yaja ya kai mata maxga yace "Kauce ki bamu guri banxa shashasha"


A bangaren Sageer kuwa sam besan abunda ake ciki ba na kai kudin aurensa da sakeena. Sai da umma ta tabbatar yan kai kudin sun dawo kuma anxo da kyakykyawan labarin saka ranar da Baba yayi 3 wks kacal, sannan ta kira Sageer bayan tasan duk inda yake yanxu ya dawo daga office kuma ya huta.


Qarfe taran dare ta kirashi lokacin yana kallon CNN, ya latsa mute a jikin remote kana yayi picking ya