You Cannot Download this book untill you login but you can read it .

---

Login Register

da bai, mijin Mariya salisu ya kasance kurtun dan sanda ne wanda yake mutuqar tsoron bacin ranta dan haka tai mugun rainashi tare da maidashi mijin tace. Duk albashinsa yana tafiye akanta abunda taga dama shi take dafawa taci ta bawa yan korarta wato yan matan maqota da suke shigowa inma taga dama taqi girki kuma tilas inxai shigo ya taho musu da abunda xasuci. Tana da saka ido da shishigi da bin kwakwkwafi ga kafirin munafurci, a kullum Mariya ke tara yan mata ayi xaman majalisa tun safe har xuwa yamma dai dai lokacin dawowar Deni saboda shi kadai ke dawowa da yamma. A duk kuma lokacin daya dawo kuma xasu bishi da kallo yayin da shi kuma xaiyi wankan da ya saba yi da kuma alwala a takure saboda kallon da suke masa. Inda a washegari xakaji sun kafa hirar kyau da iya gayu irin nasa harda ma sajen dake fuskarsa, a inda sakeena ke daki tana jinsu. In wata a ciki ta kwabesu da cewa matarsa fa xata iya jiyosu Mariya kance saime intaji? Ai mijin mace hudu ne kuma duk wacce ta auri me kyau ai tasan sauran, kuma inma sakeenar ta tanka wlh sai tasa salisu ya kaita station. A duk sanda ta fadi haka sukan saka shewa da cewa sai matar officer.



Halin Mariya bai tsaya nan ba takan qiyin wankan tsarki harsai rana ta fito su sakeena sun fito yin aiki sannan taje tayo ta fito tana yarfe gashi tare da yiwa sakeena habaici kamar kishiyarta. Akwai sanda ta fito tana yarfawa sakeena ruwan dake kanta tana cewa "ai wlh duk macen da mijinta bai kusantarta wlh baya qaunarta domin mudai a gurinmu kwanciyar aure itace soyayya" umman Amir dake tana gurin ta fara yiwa Mariya fada da cewa "ke asirin shimfidar mijinki kike taunawa dan baki da hankali?" ta tasowa mata cikin fitsara tace "ai badake nake ba, wacce nake da ita tasan kanta"



Ire iren wadannan abubuwa sune matsalar sakeena a gidan aure, domin kullum da kalar takalar rashin mutuncin da Mariya xatai mata, yayin da Deni ya hanata fita tsakar gidan kwata kwata sai da kwakwkwaran dalili kuma yayi mata kashedin duk sanda ta kula mariya sukai fada saiya saba mata.




Umman Amir kam bata da matsala macece me kirki wacce bata iya shiga sharri ba shanu ba, taja girmanta kwarai kuma ta tarbiyyantar da yayanta. mijinta ya kasance yanajan motar haya ne kuma ya tsayawa iyalansa basu nemi komai sun rasa ba, shine na qarshen shigowa gidan kullum kuma shike rufe kofa kuma yana riga kowa fita saboda yanayin sanaarsa. Sai sakeena tai sati bataji muryarsa ba a gidan. Umman Amir ta dauki sakeena da Mariya a matsayin yaya inda in suka fara fada takan tsawatar a matsayinta na babba amma daga baya dole ta dena saboda Mariya da yan majalisarta sukan yimata rashin kunya intai irin wannan gyaran dan haka taji dadin hana sakeena fitowa da Deni yayi. A inda Mariya kecewa umman amir munafuka wai ta hada kai da sakeena. Umman amir kan yawan temakawa sakeena da abunda xataci a bayan idon Mariya, inda sakeena ke karba dakyar saboda hanata karbar abinci da Deni yayi, duk sanda taqi karba takance karbi kici sakeena har ga Allah baki lefiba, ni Dan Allah na baki kuma nayi kwatan kwacin irin wannan rayuwar da kikai kafin Allah ya hore abawa baban amir mota. To wannan shine dan saukin da sakeena ke samu. Takanyi fatan inama ta iya kitso ko qunshi data taimakesu ita da mijinta wanda yunwa da wahala tasa duk sunyi baqi sun qare.





Tsakaninta da Deni babu matsala don be fasa lallaminta ba da nuna mata soyayya, a kullum kan ya fita yakan jawo mata ruwa a rijiya ya cika mata komai, wanda hakan kewa Mariya ciwo dan ita bata samu hakan ba daga nata mijin. Yan majalisarta na fara xuwa xakaji tana xancen "sai aukin ja mata ruwa a jiye ko kuma ai mata wanki weekend amma anbarta da yunwa" su Saki dariyar iskanci suce "badai ta auri kyau ba, yo ina amfanin kyau babu kudi?"





Abu daya ke damun sakeena da Deni shine dena nuna xulamarsa da yayi akanta, wato a shimfidarsu tun bayan fadawarsu cikin rayuwar qunci shima saita fuskanci buqatarsa akanta ta ragu da kashi 50 cikin 100. Bawai baya kusantarta ba, no yanayi amma sai suyi 10 dayz hakan bata afkuba kuma dama shi duk sanda hakan ta faru baya bari sukwan da janaba saboda kunyar mutan gidan a daren yake tasata suyi wanka kafin su kwanta. Wanda hakan kesawa Mariya taga basa komai sabida basa wankan safe. Ita bawai tana damuwa bane ya kusanceta ko kuma tana buqata, a a ita kawai a haukanta sai takega kamar yadda Mariya ta fada baya sonta duk da be wani abu da xai nuna hakan ba. Amma dai abun na matuqar damunta, kuma gashi baxata iya fada masa ba. Sannan abu na gaba tun randa Hajjo tasa akai mata allura bata kuma period ba.

Wannan kenaan.

****** ***** **** ****** **


Yauma dai kamar yadda aka saba ta tashi tanajin yunwa saboda jiya Deni 100 ya shigo da ita gida, suka siyo garin rogo na 50 sukasha babu sugar suka kwanta da safe kuma ya siyo musu qosai na 50 sukaci wanda babu inda yaje musu. Wajen 2::00 na rana taji umman Amir tana ta fama da Amir yaxo yakai musu gugar kayansu, sakeena tayi xunbur da miqe ta nufi tsakar gida, tana fitowa su Mariya sukai shiru suka fara binta da kallo kamar yadda suka saba. Tayi sallama dakin umman Amir tace "shigo mana sakeena" ta shiga a kunyace tace "umman Amir naji kina cewa xaki kai guga mexe hana ki bani inyi miki ki ban kudin" cikin mutuntawa tace "to sakeena ba komi rufo dakinki kixo nan kiyi saboda karki fita da kaya wadannan suka gani" taje ta rufo taxo. Ta juna iron ta fara gugar, suna dan taba hira da ita. Ta dakko ragowar breadin safe ta miqawa sakeena tace "ungo ci kafin ki gama kinga yau sun cinye abincin tas" ta karba babu musu dan yunwa takeji, ta cinye gayan breadi tasha ruwa ai kuwa taji ta samu qarfi. Nan da nan ta gama gugar kuma umman Amir ta bata 200 duk kuwa da cewa gugar batakai haka ba, ta kuma kallon sakeena a karo na barkatai ta tausaya mata yarinyar duk ta mokade ta rame saboda yunwa tace "sakeena xaman nan haka bazai miki ba ki nemi sana a kinji? Ni badan kishi irin na Nura ba wlh dana samo miki aiki gidan Alh Dalha can inda nake xuwa yiwa matarsa da yayansa kitso, tun kwanaki mai musu girki tayi aure suke neman me girki kuma girkin kadai xakiyi suna da masu aikin komai. Sannan wlh suna da mutunci basu da Matsala ga girmama mutane" sakeena tace "to umma xan fada masa in shaa Allahu xai amince, inkinje kice ansamo in sunaso" tace "a a fara fada masa dai inya amince na fada musu yadda Deni baison ko naminjn kuda ya kalleki" sukai dariya a tare suka fito. Mariya ta doka tsaki tace "angama gulmarmu Allah ya isa kuma duk baqin cikin mutum na gaba yayi gaba." babu wanda ya kulata.




Sakeena tasa Amir ya siyo mata yan kayan miya da taliyar Hausa (ta fulawa) ta 100. Ta tashi girki wajen qarfe hudu lokacin. Su Mariya sukass shewa da cewa "yau fa ba sabonba tawaire andora tukunya" itadai bata kulasu ba farin cikinta daya yau bazasuyi kwanan yunwa ba ita da mijinta, burinta kawai ta gama tai wanka kan ya dawo shima yayi su hadu suci abinci.



Burinta ya cika wajen qarfe biyar ta gama dafadukan taliya wanda yaji daddawa da albasa takai daki ta juye a flask tai wanka tai kwalliya ta dau novel tana karantawa. Duk da cewa tanajin yunwa kuma tun tana girkin yawunta ke tsinkewa amma bataciba tafiso Deni ya dawo suci tare yadda suka saba.



Wajen biyar da rabi Saddiq yayi sallama ya shigo gidan, sakeena ta taryeshi da girmamawa don batai tsammanin zaizo gidanta ba duba da yadda yaqi jininta. Suka gaisa yake cemata yaxo gidansu wani abokinsa ne kusa da nan shiyasa ya biyo. Ta dakko masa ruwa a jug ta dakko masa flask din taliyar data gama dafawa yanxu da faranti da cokali da kuma service spoon ta ajiye masa ta koma daki don ta bashi guri yaci. Saddiq yayi dariya ya dauki cokali ya cinye taliyar tas cikin mugunta duk kuwa da cewa tafi qarfin cikinsa yana cewa aransa shegiya kya kuma neman wani abincin dan daganinki keda Deni today ta tabaku shegu waiku masoya kwayi soyayyar da yunwa ai.



Sukai sallama ta rakashi har soro ya tafi, ta dawo ta bude kwanon ta tarar duk ya cinye. Tace "Ashe dai taliyar nan babu rabona duk da raina ya biya babu komai Allah ya kawo wani abun baqonka ai annabinka ina lailfin wanda ya tuna dakai yaxo?" taje ta wanke kwanikan ta kife tana jiran tsammanin wa rabbuka.



Acan gida kuwa saddiq ya fadawa Hajjo da su Amina yadda suka kwashe da sakeena suka dunga dariyar mugunta ya qara cewa "ni wlh daga Deni har ita duk sun wani mokade kamar yan gudun hijira" Hajjo ta cije lebe tace "hmm ai sunajin garin, bakaga kullum sai yaxo ba ko xan bashi wani abun ni kuma na hanashi dan da inbashi suci da wannan tsinanniyar yaren gara ya xauna da yunwa, dan banxa gashi da xurfin ciki kowa ya ganshi yasan a wahale yake rayuwa amma yaqi saduda. Ai yanxu kam ya gane hangen da nake masa na auren diyar masu akwai dan da itace iyayenta ai bazasubar yarsu da yunwa ba" Fiddausi tace "yaushe rabon da kijishi yana qamshi ko ya hau online? Yo babu kudin turare babu na Data" Saddiq ya saki dariiya yace "haka suke soyayyar da tsamin gumi kenan, hahaha kowa ya tuba dan wuya ba lada"




Su kuwa bayin Allah masoya suna can kwance bayan an idar da sallar isha saboda andauke wuta anfara iska ga hadari , babu abunda sukaci dan yau Deni aljihun nasa naira 100 ce suka ajiyeta xuwa da safe. Yayi zurfi cikin tunani na neman mafita shi kansa yunwa yakeji duk kuwa da yasamu rogo da gyada yaci a kasuwa, bare sakeena da bai bar mata komai ba sai ruwan rijiya. Kunyar sakeena yakeji ya kasa sauke nauyinta duk kuwa da yana iya qoqarinsa amma abun yaci tura. Ya shafa bayanta yace "Sakeena" yaji shiru alamar tayi bacci. Ya kuma shafata yace "sakeena kiyi haquri na bakki da yunwa ba a son raina hakan ke faruwa ba yanxu bama ciniki a kasuwa yawanci naira 100 Alh ke sallamarmu da ita, wannan dalili shiyasa bana xo miki da buqatata ta aure duk kuwa da inason hakan amma ya xanyi inba haquri ba, ban baki abinci kinci ba inxo miki da buqata ai sai zaluncin yayi yawa" Sakeena ta kuma luf bayan ta gama saurarensa. Allah sarki Deni shiyasa zargi ba dadi ashe duk abunda yake mata har takejin haushi ba rashin soyayya bane yanada dalilin yin hakan.


.Da wannan tunani bacci ya kwasheta, can wata masifaffiyar yunwa ta saukar mata da ciwon kai wanda yasa dole ta tashi don ta gaza dauriya duk da tana kwance ji take uwa xata fadi. Ta daki cinyar Deni dake kwance ya tashi yana dubanta tace "ya Deni yunwa nakeji baxan iya kwana haka ba" Ya mutstsike idonsa ya qura mata ido tunda suka shiga wannan halin yaune rana ta farko da sakeena tace masa tanajin yunwa. Lallai tura takai bango tunda har sakeena ta fada masa tanajin yunwa duk da kawaici irin nata. Ya tashi yasa Shirt akan dogon wandon jikinsa bece mata komai ba ya fice tana binsa da kallo.



Tana xaune tana dakonsa har 10:30 tana tunanin ina ya tafi gashi anfara ruwa.



Acan Deni kuwa nufinsa yaje gida can gwale ya karbo musu tuwo suci. Ya fara tafiya aqafa cikin gwarin gwiwa. Har ya wuce wani gurin me shayi ya dawo jin ana musun ball wacce aka gama daxu. Ya matsa kusa domin jin yadda aka kaya tsakanin Nig da Iceland. Yana tsaiwa a gurin me shayin dake fifita shayi a cups yace "Alh me xa a baka?" Deni yayi murmushi yace "a a kawai na tsaya ne naji yadda wasan ya tashi" wani matashi a gurin yace da Deni "ai abokina Nig ta lallasa Iceland" Deni yayi dariya yace "to Masha Allah, Allah ya temakemu a wasa na gaba" ya juya xai tafi, me shayin yace "ai baxaka tafi haka ba abokina saboda murnar musulmi kuma Dan arewa (Ahmad Musa) wani Alhaji da yaxo yanxu ya bani kudin komai na nan gurin yace in raba komai free murnar cin kwallayen. Kawai fadi abunda kakeso abaka" Deni yayi dariya tare da hamdala a xuciyarsa yace da me shayin "a dafamun indomie da kwai muci da me dakina shi kuma Alh Allah ya qara arxiqi ya temaki qasarmu 9ja" matasan gurin suka amsa da amin sukaci gaba da shewa kamar rana yayin da me shayin keta aikin soya musu kwai yana miqo musu. Deni ya xauna, yana sauraren hirarsu har me shayi ya gama dafa masa ya juye masa a baqar leda babba ya dora masa wainar kwai biyu, ya miqa masa yace "gashi me gida angama maka" Deni ya riqe ledar ya jita dam yace "wannan duk ni kadai?" yana dariya yace "ko taima kadan a qara maka?" Deni yace "a a naji da yawa ne" me shayin yace "ai kace da madam xakuci shiyasa aka dafa maka 3" Deni ya miqe ya riqe ledar yana godiya xai tafi, me shayi yace "tsaya mana abaka ruwan shayi ku dumama cikinku bakaji garin ya dau sanyi ba?" ya tsaya kuwa ya qulla masa shay a ledoji biyu yasha madara da milo murtuk. Ya karba yana godiya ya tafi.



Lokaci daya shiga gida har 11 tayi. Ya samo tea flask ya juye musu ruwan shayin aciki ya cika dam harda ragowa ya juye musu ragowar a cup. Ya ajiye ya dakko tray ya juye musu abincin sai turiri yake. Ya ajiye flask din shayin yace gobe da safe munsami abinci. Ya cire jiqaqqun kayansa yasa gajeren wando da singlet ya shiga dakin dauke da Cup din shayi da farantin abinci. Ya bubbuga kafadar sakeena wacce ta gaji da jiransa bacci ya dauketa.



Ta tashi tana matse jiki saboda sanyi da kuma xaxxabin da yunwa ta haifar mata tace "ya Deni ina kaje ina kaje hankali ya tashi" yace "jeki wanko bakinki muci abinci" ta tashi ta fita tana layi taje ta wanko taxo. Suka sha tea din a cup daya yana kurba yana bata, suka gasa ciki. ta Kalli indomie din gabansa tace "ya Deni ina kasamo wannan?" ya bata amsa da cewa "eat don't talk" Tasa hannu sukacinye ta tas. Suka sauke hamdala tare bayan gamacin abinci, lallai sun yinwata sun tashi da super pack 3 da soyayyan kwai hudu. Sukaje suka wanke baki suka dawo ga mamakin sakeena ta dainajin xaxxabin da ciwon kai, lallai yinwa ba dadi. Suka xauna hira yake fada mata yadda ya samo. Ta fara tunanin abunda taji Deni na fada daxu, rabonda su kadaice harta manta. A hankali ta haye cinyarsa ya ajiye wayarsa da yake dannawa ya riqe qugunta yace "ya akai Baby?" tana shafa sajensa tace "ya Deni baka taba yimun kiss ba" yayi murmushi ya sumbaci lebenta yace "nayi miki sakeena ta" tana qara shafarsa tace "ba haka ba ya Deni, irin wanda nike gani in muna kallon film a wayarka" ya waro ido yana mata kallon mamaki, kafin yayi magana yaji ta hada bakinsa da nata tana tsotsa cikin shauqi a karo na farko a rayuwarsu, tun suna xaune sai gasu kwance kan katifa suna mutsutstsuke juna. Sakeena dai itace ta jagoranci wasan yayin da Deni ya xama dan kallo sai yadda tayi dashi, ta dunga yimasa abunda be xaci ta iyaba suka shude mintina a haka kafin komai ya lafa ta kwantar da Deni kan qirjinta tana shafar kwarin bayansa shi kuma yana qara qanqameta cikin gushewar hankali.



Sai da ya gama dawowa hankalinsa ya qura mata ido, ta kauda kanta cikin kunya. yaja hancinta yace "ke, kinsa sai ihu nake gida da mutane ko?" tana dariya tace "ai suma suna nasu ihun wani tym din ma harsu hanamu bacci" ya dorata a qirjinsa yace "Gara da Allah Baba ya farga ya aurar dake da wuri, dake dinnan? Hmm" tayi dariya tana kuma shige masa. Yace "tashi muje muyi wanka" tace "ya Deni dan Allah mu bari da safe mayi wankan nima Mariya taga munyi ta dainamun gori. Ya hade rai yace "ke banason shashanci da qauyanci, kowa sai yasan abunda mukai? In ta kuma miki gorin kice mata ke saboda soyayya tare kuke wankan da mijinki"




Washegari sukai baccinsu na safe har xuwa qarfe tara kodama yunwa ke hanasu baccin safe. ya tashi bayan sun farka ya siyo musu bread da 100 din jikinsa suka sha da tea din jiya. Suna karyawa sakeena ta kawo masa xancen aikin da sukai da umman Amir, ya hade rai sosai har sai da sakeena ta tsorota. Ya dunga zazzaga mata masifa a qarshe ya kalleta yace "dole ki nemi aikatau sakeena saboda kin auri talaka wanda ya kasa daukar dawainiyar ko? Baki duba darajar aure ba kike neman tafiya yawan aiki ko?" ta saka kuka jin abunda yace ,kukanta yasashi yayi shiru ya janyota jikinsa yana lallashi yace "dena kuka kinji kiyi haquri, amma karki kuma yimun irin wannan maganar inada kishi sosai" itama bataja fushin ba ta haqura suka shirya. Taga baya shirin fita tace "ya Nura yau baxaka fita bane" yana danna waya yace "Baby banga amfanin xuwa kasuwar ba tunda xuwana be hanamu kwana da yunwa ba, saboda haka na daina xuwa xanyi tunanin yin wani abun" ta kalleshi da tausayi ta kwantar da halshe tace "ya Deni ko baxaka samu komai ba xuwan yana da amfani at least xaka samu wani experience din, kuma ai xaman haka baxai maka dadi ba inkuwa ka fita ka shiga cikin mutane sai kaji sauqin damuwa, Allah yace tashi in temakeka baxaka xauna a gida ba kace Allah xai axurtaka dole saika motsa kwanji ka nema, karka raina abunda kake samu wata rana sai lbr bayan wuya kuma sai dadi" ya qurawa sakeena ido cikin burgewa yana mamakin fusaharta kamar ba qaramar yarinya ba. yace "to Baby na yadda kikace haka xa ai bari na shirya in fita"



Ya tashi ya shirya suka fito maqale da juna, yan majalissar Mariya suka bisu da kallo har suka fice ta rakashi soro ta dawo suka Saki tsaki cikin tsabar hassada.

***** ***** ************



A cikin kwanaki 3 suka kuma wayar gari cikin babu, gashi jiya sunyi kwanan yunwa wanda hakan shiyasa Deni tashi ya nufi Gwale da safe dan ya karbo musu gasara gurin Hajjo. Sai wajen 9 ya isa gidan saboda a qafa yaje, ya tarar Hajjo ta gama sai da gasara. Ya shiga har daki ya sameta, ta kalleshi dake uwa ce nan take ta gane yana tare da yunwa, tun kafin yayi magana ta tashi taje ta kawo masa koko a jug me xafi da dumamen tuwo. Yaja abincin gabansa xaisa hannu Iya ta dago labulen dakin ta kallesu kana tace "Nura daka nan uwarka tasaka a gaba ta baka abinci xakaci ita marainiyar daka barota acan meka bata taci?" jikinsa yayi sanyi ya ajiye jug din da yayi niyyar kaiwa bakinsa ya kasa dagowa ya kalli Iya saboda kunya. Hajjo kuwa tsaki ta doka. Iya bata qara cewa komai ba tayi gaba.



Ya tashi jikinsa a sanyaye ya tsallake abincin ya fito waje yana nadamar abunda yayi, yasan da sakeena ce ta samu wani abun baxataci bata bashi ba. Hajjo na kwallah masa kira amma bai juya ba yayi soro. yana dab da fita Iya ta kirashi ya juyo kansa a qasa yace Iya kiyi haquri baxan qara hakan ba. tace "Nura ka kula kuma duk sanda kasami wani abun ka tuna cewa ka karbi amanar sakeena ne a gurin mahaifinka kuma kayi alqawarin xaka riqe, Sakeena tana sonka karkayi amfani da son datake maka ka wahalar da ita. sakeena bata juriyar yunwa ko kadan shiyaasa take aikin qarfi don samun abinda xataci, amma saboda soyayyarka ta jure yunwa to Dan Allah ka kula da ita, yarinya ce me xafin nema kayi haquri ka bata dama ta nemi sana a kodan ta temaki kanta baxata yuwu ku xauna haka ba kayi haquri ba shishshigi na maka ba amma wannan itace gaskiya" ta miqa masa food flask cike da dumamen tuwon shinkafa miyan xogale da jug din koko ta dora masa 200 tace "gashi kaje kuci da matarka" ya karba ya tsuguna ya qara bawa Iya haquri da godiya kana ya tafi.



Ya shiga mota ya koma gida, ya tarar da sakeena a kwance da gani yunwa ke damunta ya qara nadamar abunda yayi ya Kuma tausaya mata. Ya tasota suka sha kokon suka cinye tuwon duk yawansa, duk abunda yake cikin sanyi jiki. Ya bata ragowar canjin Iya yace ta sai abinci taci. Har ya fita ya dawo ya kamota ya rungumeta yace "ina sonki sakeena" ya juya ya fita tana mamakin wannan canjin da tagani.



Haka ya yini tunani a kasuwa, yana kuma nanata maganar Iya a xuciyarsa. tabbas tayi gaskiya in baibawa sakeena abinci ba ai bai kamata ya daureta ba maana ya hanata nema dole yasan abunyi.




Da azahar acan gida Iya taiwa gidan sakeena tsinke, murna a gurin sakeena kamar me, ta rasa inda xatasa Iya. Ta dauki naira 100 da Nura ya bata tasa Amir ya siyowa Iya alala a maqota. Iya binta take da kallo cikin tausayi sakeena dirarriyar mace amma duk ta xuge lallai suna cikin wani hali. Ta fito da abincin data taho dashi dama shiyasa bata fito da wuri ba saida taa gama girki ta debo musu. Tasa abincin a gaba sukaci sakeena ta debarwa Deni. Iya ta dunga fito mata da abubuwan amfani dataxo mata dashi harda yan kayan abinci ta siya mata da taliya yar awo. Sakeena ta dunga murna tana godiya. Iya ta mata nasiha tare da umartar ta da fara sana a don ragewa mijinta wahala. Sakeena ta kwantar da kai ta fadawa Iya duk yadda sukai da Deni akan aikin da umman Amir ta samo mata. Haka suka yini da Iya suna hirarsu har sakeena ta gama girkin dare, lokacin da Deni ya dawo. Iya ta kuma hadasu ta musu nasiha, shima ya fito da ledar daya shigo da ita ya ciro hijabi ya miqawa sakeena ta wareshi taga xungureren hijab ne har qasa na yadin toyobo me hannu.



Yace "gashinan sakeena, Iya ki shaida na yarje mata taje aikin girkin da umman Amir ta samo mata, amma ta kiyaye aurena dake kanta kuma ta kama kanta, inxata tafi tasaka wannan hijabin. Yau munyi baqi ne a kasuwa na samu kudi na siyo mata inna kuma samu xan sai mata wani ta hada. Gashinan na baki amanar kanki, ina qara jaddada miki ki kiyaye inada kishi sakeena Dan Allah ki kula da kanki. Kuma sai na fita xaki fita naki aikin Sannan kuma kafin na dawo ki tabbatar kin dawo." Iya farin ciki ya kamata ta dunga yimasa godiya ta kuma hadasu ta musu nasiha tai sallar magrib sukaci abinci sannan ta