You Cannot Download this book untill you login but you can read it .

---

Login Register

amanar sakeena, naci amanar soyayyar da takemun. Tunda nasamu aiki sakeena tai bankwana da farin ciki, tasha kwana tana kukan baqin ciki dana ciwon idonta a dalilin wannan aikin, na daka ta waya da sharrin social media na batawa sakeena rai tare da quntata mata. Aikin dana samu ta dalilinta shiya rabata da farin cikinta." Iya ta matso ta cukumo Deni ta falla masa mari tace "Au dama kai da nake ganin a gurinka ne kadai sakeena ke samun sauki har da kai acikin wadan da akayi rubdugu kukaiwa yarinya taron dangi kuka saida ita? amma dake munafiki ne kai shine ka boye naka lefin?"




Ya kalleta yace "Iya ni butulu ne, haqiqa na mance alheri. sakeena ta aureni lokacin da nake tsananin buqatar aure kuma nake dab da fadawa halaka saboda rashin auren, amma kuma bani da ko taro nayin auren, tayi watsi da duk wani Kyale kyale na auren wannan xamanin ta aureni akan naira dubu ashirin kacal wanda bani da halin bata sai Baba nane ya bata, tayi aiki da kwanjinta ta hana kanta hutu ta samar mana abunda xamuci bayan mun shafe tsawon lokaci muna kwanan yunwa. Ai kinga da ni mutumin kirki ko wannan kadai ya isa in kalla inriqeta da Amana ko? To sakeena ba a nan kawai halinta ya tsaya ba tayimun biyayya sau da qafa tayimun soyayyar da harna mutu baxan samu macen da takemun irinta ba, kuma Hajjo tayi amfani da soyayyar da sakeena kemun wajen hanani haihuwa da sakeena" Iya tana kuka ta shaqeshi ta kuma kifeshi da wani marin tace "Dan ubanka biyani diyata, wlh sai kun fitomin da yata" ta rufeshi da duka. Su Hadixa tuni sunyo waje suma suna kuka, Saddiq ya shigo daga waje. Shima nasa kukan ya saki ya banbare kwalar Deni daga hannun Iya yace "Dan Allah Dan manxonsa ku rufa mana asiri, muji da bala in da muke ciki mu xauna mu nemi mafita kar yarinyarnan ta salwanta, bamusan kalar mutanen da suka dauketa ba" Deni ya dubeshi yace "saddiq dan me xaka hanata dukana? Iya Dan Allah ki dakeni koda itace ne ko xan samu hawaye su fita daga idona inji saukin abunda nikaji a xuciyata."



Ido jajur Saddiq ya dubi su Fiddausi yace "in kunsan wani abu akan batan sakeena ko kuma inda kuka turata gara ku fada tun anan kafin muje state C I D"




Suka kwalo ido a tare. Amina jikinta yana rawa ta matso gaban Baba take zaune kan kujera ya zabga tagumi tace "wlh Baba bansan sun shirya batar da sakeena ba. Ni dai kawai nasan Hajjo ta kaiwa yaya Deni rubutun rabasu shi da sakeena tace masa na tsari ne, sannan kuma tasani naje nakai musu laya nasaka a qasan katifar gadonsu tace indai ansaka a daren xai saketa wannan kadai nasani, amma ina yawan jinsu dasu Hadixa suna hirar xuwa gurin malami akan raba yaya da sakeena" Hajjo dake gefe tahau rantse rantsen karya Amina ke mata, shi kuwa Deni kallon Hajjo yake yana hawaye yana juya kai.




Saddiq ya matso jikin Hajjo yace "Dama kin wuce yacce nake daukanki? Dama saida kika aikata abunda na hanaki? Meyasa baki rabasu ba tun yana jobless dinsa sai da ya samu aiki a dalilinta? Wane irin kalar son xuciya ne wannan?" Baba ya dagawa saddiq hannu ya miqe xe fita, Hajjo taje ta tare masa hanya tana kukan nadama tace "malam ka dubi Allah ka rufamun asiri, wlh ban tura sakeena ko inaba ni dai kawai burina tabar gidan Deni amma bawai ta bata ba kuma danasan hakan xata faru da ita da ban koreta ba" Baba ya tureta ya wuce.



Saddiq ya tasa su Fiddausi da Hadixa a gaba yayi fadan, yayi dukan, yayi lallashin su fada masa abunda suka shirya da Hajjo akan batan sakeena amma sukaqi dansu da wayonsu baxasu taunawa uwarsu asiri ba kamar yadda Amina tayi.

******** ******* ********


Sakeena ta gama cin abincinta ta jingina baya ajikin kujerar mota tana kallon daxuxxukan da suke wucewa, tana murnar xuwa kano da ganin Iya duk da tafiyar bata dadi bace amma dai ai tasan Deni baxai yadda da maganar Hajjo ba nacewa ta xuba mata guba, dan haka hankalinta kwance ta daddake gwangwanin malt. Driver nata sharara gudu jefi jefi suna hira da wanda ke zaune daya sit din, Hajiya kuma tanata danna waya.



Sakeena ta fara gyangyadi Hajiya ta kwantar da ita kan cinyarta tace "yi baccinki yan mata" xuciya daya ta fara baccinta. Allah sarki ta dauka kowa kyakykyawar xuciya gareshi irin tata.



Sai da ta tabbatar baccinta yayi nisa sannan Hajiya ta ajiye wayar da take dannawa ta leqa fuskar sakeena tace "masha Allah kyakykyawa da ita" mejan motar yace "Haba Hajiya yaufa babu kasuwa naga bamuyo kamu sosai ba ni dana dauka xamu cika bayan motar da yan mata?" Hajiya tayi dariya cikin duniyanci tace "ai kuma munyo babban kamu, wannan ai babbar kadarace ga quruciya kuma danya ce shataf" ta qara kallon fuskar sakeena tace "wannan yan kudade kadan xan kashe mata infara girbar riba. Ga Manya fitulu kuwa (idanu) dama wani dan China yaban cigiyar a samo masa mace me ido xai biyani ko nawane" suka kwashe da dariya a tare. Hajiya ta kuma cewa "yanxu haka wani laqanin aka bashi da mace me ido kasansu da tsafi. Yar banxa dagani ma guduwa tayi daga gaban iyayenta dan wannan tafiyartata bata shiri bace tunda ba kudin mota. Inkun tara ma akan saurayi ta gudu, dan shashanci take xaton xan taimaketa haka ziqau, ai sai dai mu taimaki juna." suka kuma saka dariya. Ta fara yunqurin cirowa sakeena xoben hannunta da abun hannun dake dauke da sunanta tana cewa "wannan ai dole a cireshi dan ba a xuwa bariki da sunan gaskiya. Sabon suna xan xaba miki sabida tsaro daga yau kam kin tashi daga sakeena" Ganin sakeena na motsi xata farka yasa dole ta haqura da cirewar.




sun shafe tsawon yini suna tafiya yayin da tun kimanin awa hudu baya sakeena ta farka Hajiya ta kuma bata abincin da suka siya a hanya taci tasha lemon ta Hajiya ta xuba mata kwayar saka bacci ba tare da saninta ba. Suka tsaya tai fitsari ta canja wata diaper din suka dora a tafiya. Ta koma baccinta da temakon maganin baccin.



Sanyin asuba ne ya tada ta daga nannauyan baccin da take, dan tun tana jurewa sanyin harya gagareta dole ta farka. Ta dubi garin duhu dundum, Hajiya ma baccinta take.





Tadan fara tsorata wace irin tafiyace wannan tun safe har yanxu basuje Kano ba? Ita lokacin da sukaxo da Deni basuyi wannan dadewar a hanya ba. Ta taba Hajiya wacce ke bacci amma bata tashi ba. Tayi wa driver din magana shima ya shareta, dole tai shiru sukacigaba da tafiya tana duban hanya har gari ya fara wayewa.




Lokacin da gari ya gama wayewa hankalin sakeena ya fara tashi domin sun fara shigowa cikin mutane kuma suna wuce qauyuka tana ganin wasu murda murdan mutane masu yawo rabin tsirara daga maxa har mata. Duk da ba ko ina ta sani a Kano ba wannan gari da suke be mata kama da arewa ba balle wata Kano.




A tsorace ta juya ta kalli Hajiya tace "wai har yanxu bamuxo ba? Wai Dan Allah ina xaku kaini nifa Kano nace muku xanje" Hajiya ta muskuta taci gaba da danna wayarta wacce tasa caji ajikin powder bank ko kallon sakeena batai ba balle ta tanka ta.




Sakeena cikin kuka da tashin hankali tace da driver "kai ka saukeni wlh ni Kano xani nan inane?" suka hada baki shi da dayan sukace "Nan birnin ikko ne, ikko ikon Allah" suka sheqe da dariya bayan gama fadar haka.





Ta saki kururuwa jin cewa a Lagos take tace "wayyo Allah na, na shiga wayyo ya Deni" ta fara buga glass din motar ko motocin dake wucewa jefi jefi xasu temake ta. Hajiya tasa murgujejen hannunta ta murde hannayen sakeena suka fara kokawa. Sakeena ta samu ta gartsa mata cixo ta saketa babu shiri, taci gaba da buga glass din tana ihu tana neman temako, driver yayi amfani da madannan gaba ya xuge glass din motar ya qara gudu dan sun kusa isa inda xasu tsaya.




Tafiya suke shi da drivern sa tun daren jiya suka taso daga katsina inda yaje gaida Babarsa, ya dubi agogo ya qara bawa drivern umarnin ya qara gudun mota saboda yanaso yaje gida ya watsa ruwa yasa uniform xai wuce office suna da meeting. drivern ya dan dubeshi ta madubin gaba yace "oga tunda kana da kayan aikin a tare da kai a jikin jaka bexe hana mudan sami wani ko qaramin otel ne anan qauyen ka shiga kayi wanka kasa kayan aikin, kaga muna shiga cikin gari saika wuce office basai kaje gida ba" ya jinjina kai yace "gud idea in kasamu ka tsaya to"



Basu yi wata tafiya sosai ba suka tadda wani local hotel da sauri ya dau trolly dinsa ya shiga ciki. 15 minutes da shigarsa ya fito cikin shirinsa tsaf yana qamshi sanye da uniform ash clr wanda ke nuna shi Jami'in hukumar Costums ne. Gaban rigarsa maqale da da sunansa ajikin qarfe MOHD SAGEER A.


.


Drivern ya saluting dinshi ya bude masa qofar baya ya shiga shima ya shiga. A dai dai wannan lokacin ne motar su sakeena ta giftasu da gudu, kuma yaga yadda wata mace a cikin motar ke bubga glass. Cikin sauri yace "mal Ilu yi sauri bi bayan wancan golf din akwai matsala"




Wanda aka kira da mal Ilu yabi bayan su sakeena a million, ganin ana binsu nasu drivern ya qara gudu suka dunga tsere a titi. Da sauri Sageer ya ciro yar qaramar bindiga ya saita tayar motar ya harba, amma sai yayi rashin sa a be samu ba.




Daga cikin motar ya juyo yace Hajiya da matsala wlh inaga wanda yake binmu sojane ko jami in tsaro kisan abunyi da sauri ya fara harbi fa karmu shiga hannu. A gigice ta bude kofa ta hankado sakeena kan titi tace "na cillarta maxa samu wani gurin mu rabe karka sake su kamamu"



Acan kuma Sageer yace "mal Ilu wane irin driving kake ne kamar mace? Kayi sauri kasha gabansu ina tunanin mutum suka sato cikin motar" kafin ya qare maganar yaga an wullo mutum daga ciki wanda hakan yasa mal Ilu cin wani wawan birki, qiris ya rage be taka sakeena ba.





Suka fito cikin sauri ya tsuguna gabanta yace "tabbas sato ta sukai ganin xa a kamasu suka wullarta" ya hannu ya daga sakeena wacce ta sume garin wullowar da akai mata duk ta kukkuje
a hannu da fuska ya sata a mota yace mu tafi da sauri cikin gari mu kaita asibiti.



Da sauri suka shiga cikin gari suka qarasa wani private hospital wanda Sageer ke ganin likita. A gaggauce yayi masa bayanin yadda ya samo ta dake akwai sanayya tsakaninsu ya karbeta aka kwantar da ita yace in antashi office xai biyo yaganta.



Koda yaje office ya makara yayiwa ogansu bayanin abunda yasashi latti. Ana tashi asibiti ya koma duk da yagaji saboda sun yini aiki. Ya samu sakeena kamar yadda ya kawota a sume se dressing da akayi mata a ciwonka da taji. Likitan yana tsaye kanta yana qara daura mata wani drip din yakewa Sageer bayanin daya daga masa hankali. "na fada maka mr Sageer doguwar suma ta shiga wato coma, kuma akwai karaya a hannunta wanda sai xuwa safe in likitan qashi yaxo xa a gyara mata" ya dafe goshi yace "To yanxu Dr sani yaushene xata farfado kenan? don musan daga inda take" Dr ya dauki file din sakeena dake kan fridge ya bude yana cewa "ai kuwa banace ba, domin wasu kan iya daukan watanni a coma sai dai fatan Allah ya taqaita. Gashi anbude mata file babu suna wane suna xamusa kenan?" ya motsa kafada yace "To aini yadda ka ganta nima haka na ganta, ko muryarta banjiba bare sunanta, wadanda fa suka satota wurgota sukai dan rashin imani daga cikin motar" Dr ya fara dan duba jikin sakeena yana cewa "amma yakama ace akwai wata alama a jikinta daxaisa agane daga inda take, kuma da kamar da uniform ne ma abun xaixo mana da sauki." yana duba jikin sakeena yaci karo da abun hannunta yayi saurin sunkuyawa yace "yawwa ga sunanta nan ajikin wannan abun sakeena" ya fada bayan ya dago kansa daga kallon abun hannun.



Sageer ya gyara tsaiwa ya mamaita sunan "Sakeena" Dr sani yace "Eh SAKEENA MOHD SAGEER ba don haka na rubuta yanxu a jikin file dinta" suka fita daga dakin sukaje nurse station na cikin asibitin ya nemi nurse sukai magana da ita akan xata dunga kula da sakeena har xuwa farkowarta kamar yadda Dr sani ya bashi shawara. Ta fadi kudin ya biyata, ya biya kudin gado dana magani sannan yayi gida.



Washegari ma kafin yaje office saida ya biyo ganin jikin kuma yaji dadi daya samu sister a dakin da gyara sakeena angoge mata jiki har an canja mata kaya ana bata abinci ta hanci. Yayi mata godiya, tace asiyowa sakeena kayan sawa da undis harda always. Koda ya dawo office acan ya dira yakai kaya niqi niqi.




A kullum yana xuwa asibiti sau biyu safe da dare inya taso aiki, kuma ya gamsu da kulawar da ake bawa sakeena, tuni anmata gyaran karayar hannunta kuma harta soma warkewa tunda ba a motsa hannun. A kullum burinsa ta farka ta fadi ita wacece kuma daga ina take, ya maidata don yasan duk inda iyayenta suke suna cikin tashin hankali. A haka aka kwashe 2 weeks cur.

******* ****** ***** *****

Acan Kano kuma fadar tashin hankalin da iyalan mal Lawan ke ciki bata baki ne, Deni ya xama kamar wani xararre, ya daina kula Hajjo dasu Hadixa kwata kwata ko dakin Hajjo ya daina shiga Iya tun tanajin haushinsa har ta fara tausaya masa.


A cikin kwana na 5 da batan sakeena lbr yajewa Zahra sai gata da rana tsaka cikin tashin hankali a dakin Iya suka xauna da Deni kuma ya fada mata duk yacce akai. A lokacin dataxo Hajjo bata nan ta tafi yawan bin malamai akan batan sakeena. Saidata dawo zahra ta sameta dan jin inda aka haihu a ragaya. Tana kuka tana rantsewa zahra ita bata tura sakeena ko ina ba kuma duk gidan malamin da taje sai ace mata sakeena bata kusa tayi nesa da gida ta yiyu ma bata qasar. Zahra tayiwa Hajjo fadan cewa yanxu fa ba bin malamai ne abun yiba addua ce kawai mafita domin kuskure fa anriga anyi. Hajjo na kuka tace da zahra "Dan Allah zahra ki roqi malam yayi haquri karya kaini gurin yan sanda kamar yadda yace kuma ki fada masa wlh ban tura sakeena ko inaba ni dai kawai na koreta a gidan Deni. Kuma kiyiwa dan uwanki nasiha nasan na masa lefi yayi haquri baya kulani yanxu, sai dai na hangeshi daga nesa ko kallo na bayayi" Zahra ta share kwallah ta tausaya Hajjo, uwa uwa ce koda kuwa mahaukaciya ce. Tace "to xan musu magana bari xuwa yamma su dawo"



Bayan la'asar aka samu zama da Baba, zahra da kuma Deni. zahra ta fada musu duk saqon Hajjo kuma ta dunga bawa Baba da Deni haquri da kalamai masu dadi da kwantar da kai. Saddiq ya shigo suka hadu aka dora. Baba yace "shikenan zahra taci darajarki ita kuma sakeena mucigaba da nemanta da fatan Allah yasa tana hannu nagari" tace "nagode Baba, yaya Deni kai bakace komi ba kayi haquri ka yafewa Hajjo." Ya Kalli zahra yace "ai banyi fushi da itaba, ya xanyi da ita tunda uwatace, nima kice ta yafemun xan shiga in anjima in gaisheta." tace "yawwa yaya kokaifa Allah ya bayyana mana anty sakeena. Kuma dan Allah kayi haquri ka koma gurin aikinka mu durfafi addua a lamarin damuwa babu abunda xata qara" A qarshe dai zahra saidata tasa Deni har dakin Hajjo yaje suka sasanta, kana aka xauna aka shirya sanarwa dauke da photon sakeena suka baxa a social media har da saddiq. Ta samu Iya ta bata haquri tare da kwantar mata da hankalin xa aga sakeena. Sai da taga al amura sun dan dai daita a gidan sannan ta tafi.



Washegari Deni ya tattara ya koma KD aiki ya fara wata iriyar bahagguwar rayuwa me cike da loneliness, sai yanxu ne yake dandana rashin sakeena gidan ya masa fadi ya rasa inda xai tsoma ransa yaji sanyi. Ya duqufa addua da tsaiwar dare kamar yadda zahra tace a gefe guda kuma ana cigiyar sakeena a kawace kafar sadarwa ta waya. A duk sati yake xuwa Kano yin weekend.


A kano Hajjo dai tayi sanyi sosai, lbarin batar da sakeena da tayi yayi fitar dango mutane babu adalci duk wanda ya tashi bada labari sai yayiwa lbrin kwaskwarima yadda xaifi xaqi da qayatarwa. saboda haka Hajjo ta daina fita ko kofar gida saboda nunata da akeyi da kuma aibatata, yayanta ma dai haka suka kasance cikin tsangwama. Fiddausi aure ya matso amma aka daga saboda tashin hankalin da suke ciki. Wanda ya fara neman auren Hadixa har sun daidaita ana shirin kawo kudi labari yaje gidansu cewar Babar Hadixa ta batar da surukarta, uwarsa tace baxai aureta babarta muguwa ce. Ranar Hadixa tayi kuka kamar xata mutu tace "Hajjo kin cuceni, inason aure gashi Allah ya kawomin miji amma kuskurenki yayi mini shamaki da xama matar aure" Hajjo baki sake take cewa "yanxu Hadixa nice na cuceki? Duk abunda na aikata wake sakani a hanya inbaku ba?" Fiddausi ta tsorata a xuciyarta ta qudure xataje tace da Baba dan Allah kar akuma daga bikinta gara ayi koyayane akaita saboda kar abunda ya faru akan Hadixa ya faru akanta itama a fasa aurenta.




Ranar da sakeena ta cika 30 dayx da bata, ta kama Saturday Deni tun jiya Friday yaxo kano. A ranar Saturday din sukaje gidan da su Deni suka xauna a sani me nagge shi da Iya suka debe kayansu kaf tunda dama kudinsu ya qare har anbasu notice. Suka rabu dasu umman Amir cikin mutunci tana bada saqon a gaida sakeena, Mariya dai batanan tana garinsu.




Suka xube kayan dakin Iya sai da Baba ya dawo yagani Iya ta kalli Baba da Deni tace "ai sai a raba gado ko a bawa Deni nasa, domin nasan sakeena dai yanxu bata raye wadanda suka saceta sun kasheta. Ragowar kayan kuma aimata sadaka dasu" Deni ya kalli Iya a raxane yace "Dan Allah karkimun wannan fatan Iya in shaa Allah sakeena tana raye kuma xata dawo." Saddiq ma yace "Iya kiyi haquri in shaa Allah sakeena xata dawo adduarmu baxata tafi a banxa ba" Hajjo dai duk sanda ake irin wannan maganar takanyi shiru ta sunkuyar dakai. Haka rayuwa tacigaba a gurin mutanen kano.





A Lagos kuwa sakeena har yanxu tana cikin coma yayin da rauninkan jikinta suka warke tayi subul da ita saboda tana samun kulawa sosai matsalarta kawai rashin farkawa daga doguwar suma.


A kullum sageer yana xuwa dubata tare da barin kudi akanta kamar ya santa a kullum fatansa ta farka a maidata ga iyayenta shi bai xaci abun xaiyi nisa haka ba.



A ranar da sakeena ta cika 33 dayx Allah yayi farkawarta. Anyi sa a ranar Sageer yaxo da safe dubata domin jiya daya taso aiki bexo ba don sai dare sosai ya tashi. Tun wajen asuba ta farka nurse ta temaka mata ta rakata toilet tayi brush da wanka, amma saita lura kamar sakeena fa bata gani domin komi saita mata jagora.



Cikin hanxari ta kira Dr sani wanda bexo ba a lokacin shima da sauri ya kira Sageer ya sheda masa farkowar Sakeena suka iso gurin tare.




Tambayar farko da Dr sani ya fara yiwa sakeena itace "Sakeena meyake miki ciwo yanxu?" ta bashi amsa da "bansani ba" suka kalli juna shi da sageer cikin mamaki. Dr sani ya daga paper din hannunsa yace "kinga meye wannan" ta fara yawo da idanunta a wajen tace "ai banga komi ba" Sageer cikin quluwa yace "ke bamason rainin hankali ki fada mana daga ina kike kuma meye hadin mutanen dana ganki dasu a mota?" ta qara cewa "mutane a mota ta fara qoqarin tuna abunda yake fada mata, kanta ya sara ta riqe shi da hannu biyu" Dr sani yayi saurin katse mata tunani tare da dakatar da Sageer yace "relax Sakeena ai xakisha shayi ko? maxa sister hada mata muna xuwa" yaja hannun Sageer sukai waje.



Suka xauna a office dinsa yace "ina tuninfa akwai matsala amma Allah ya kiyaye faruwar abunda nake hasashe. Sageer yace "mekenan Dr" yace "Dole mu nemo likitan ido dana kwakwalwa yanxu cikin gaggawa" ya fara danna waya yana magana da likitocin daya anbata. Suka buqaci da akai sakeena teaching hospital dake garin dan yimata gwaje gwaje.





Cikin gaggawa aka shiryata suka nufi can din. Da temakon Dr sani aka shigar da ita dakin gwajin kwakwalwa tare da yimata binciken kwakwaf da kuma tarin tambayoyi. A cikin 3 hrs results ya fito aka kira Dr sani da Mr Sageer akai musu bayanin sakamakon mummunar faduwar da tayi kanta ya bugu hakan ya taba wasu jijiyoyi a kwakwalwarta sun gaxa aiki Wanda qarshe hakan ya haifar mata da mance rayuwarta ta baya (loosing memory) Abunda aka dorata akai yanxu shine gaskiya a gurinta." Sageer ya dafe kai yace "shikenan na fada cikin bala i yanxu ya xanyi da wannan yarinyar?" Dr ya kalle shi ya fara kwantar masa da hankali da cewa "loosing memory ba hauka bane Just matsalace da ka iya warkewa xuwa wani dan lokaci indai anbawa patein kulawa da magungunan da suka dace da ciwon. Da kuma guje tilastawa wanda keda matsalar tuna rayuwarsa ta baya saboda yin hakan kan haifar masa matsalar mugun ciwon kai. Sannan abu na qarshe shine a rabata da duk wani abu da xai tuna mata rayuwarta ta baya har xuwa lokacin da jijiyoyin kwakwalwarta xasu dawo aiki." ya rubuta musu magani da bayanin yadda xa a shasu da kuma kulawa da shansu dan magungunane masu hatsari na ciwon kwakwalwa.




Suka fito jiki sanyaye suka nufi bangaren ido shima dai nan da matsala wanda faduwarta ta haifar kuma bincike ya nuna dama tana da dadaddiyar matsalar ido. Dan haka tana buqatar aikin ido cikin gaggawa kafin idon ya gama mutuwa. Babu dogon xance Sageer cikin mutuwar jiki da tausayin qaramar yarinya sakeena ya rattaba hannu akan takaddar aiki tare da biyan maqudan kudaden aikin. A gurin aka yimata wasu allurai tare da magani aka turata daki na mussamman xuwa gobe da safe ayi mata aiki.




Sageer suka koma asibitin Dr sani bayan sun bar sakeena cikin kulawa ta musamman. Suka xube a office dinsa ya xabga tagumi yace "Dr sani na shiga uku na fada matsala ya xanyi da riqon budurwar da tunaninta ya bace ni ba mata ba ni ba uwa a kusa ba? Dr sani ya ajiye biron hannunsa yace "Duk fa ba wani abune me wahala ba domin ni harna samar maka solution in kanaso in fada maka" cikin sauri yace "plz fadamun Dr" cikin rashin damuwa Dr sani yace "Just marry her" cikin raxana Sageer yace "in aureta kake nufi?" yace "yes ka aureta shine solution. inka aureta duk ranar data warke tunaninta ya dawo saita fada maka asalinta da garinsu kaga saika saketa ka maidata gidansu ka fadawa iyayenta duk yadda akai, suma insukaji aurenta kayi hankalinsu xaifi kwanciya kuma kaima aurenta kariyace gareka da ace kana xaune da ita gida daya baku hada komi ba gara ace a matsayin matarka take kuma gashi xaka samu ladan wannan aiki da