You Cannot Download this book untill you login but you can read it .

---

Login Register

durqusa har qasa ya gaisheta. Tace bayan sungama gaisawa "Muhammadu ankai kudin aurenka yau kuma har anbaka yarinyar sannan ansaka rana sati uku masu xuwa, na kiraka ne infada maka ka hada lefe akawo acikin satin nan inaso akai ranar asabar in Allah ya kaimu. Ni dai na bada dubu hamsin ankai maka kudin auren" Sageer ya runtse idonsa yace "To umma nagode Allah ya qara girma kuma xan hada lefen sai a tambayo sixe din takalminta ko?" Umma ta tausaya masa biyayyar da yayi mata tunkan yasan wacce xata aura masa tace "Muhammadu baka tambayeni wacece matar ba?" yace "Hmm umma nasan ko wacece tagari ce tun xabinki ce Allah ya hada tsakaninmu da alkhairi" tace "Amin Muhammadu. Sakeentu ce matar taka in shaa Allahu, ita na bayar aka kaiwa kudin aure, tun washegarin tafiyarka na samu kawunka da maganar sukai bincike akai, kuma shima mariqin sakeena yace abashi dama yayi nasa binciken akanka. To yau dai komai ya kammala sunkai kudi tun safe har sun dawo Katsina" Sageer ya bude iyakacin muryarsa yace "ALHAMDULILLAH" yaci gaba da xabgawa umma adduoi tana amsawa cikin tausayinsa da kuma yaba soyayyar da yakewa sakeena.


Yana kashe waya ya nufi waje da gudu ko takalmi babu ya fada gidan Maitama, yana xuwa ya riqe hannunsa yace "Maitama ka tayani farin ciki anbani sakeena yau har ansaka mana rana, nan da 3 wks sakeena ta xama matata?" Maitama ya shafa fuskar Sageer cikin tausayi yace "Masha Allah, Allah ya sanya alkhairi" Bilki tana kallon sageer tace "Bamu labarin yadda akai aka gama komai babu lbr" ya xauna ya basu lbr yadda umma ta bashi. Ranar dai har kusan 12 AM yana gidan, be baro gidanba saida suka gama lissafin kayan lefe tas shida Bilki tana rubutawa, suka gama komi tunda suna da sixe din Sakeena na komi. A take yayi mata transfer din kudaden da tace harda riba ya dora mata, yace Dan Allah gobe ta siyo komi inya dawo xaixo ya gani. Sageer na xaune yana jinsu da ganinsu kuma yana mamakin son da Sageer kewa sakeena da alama xai iya bada duk dukiyar sa daya tara da wahala don kawai ya tsira da sakeena.


Yana komawa gida ya dauki waya, kamar yadda ya xata tana online. Ya duba DP dinta yaga family picture ne wanda sukai ita da yan uwanta a Baggadano. Yayi mata sallama Karo na farko da suka fara magana a social media. Ta amsa, yace "Nice dp" sakeena dama akusa take dashi tace "Sageer wai meyasa ka nace saika aure ni bayan kasan bana sonka?" yayi mata alamar murmushi yace "Sakeena kiyi haquri Allah ne ya jarrabeni da sonki, bamu san dalilin da yasa Allah ya hadamu ba, kina kano, ina katsina amma Allah ya kawoki Lagos ya hadamu kinga dole akwai hikimar ubangiji tayin hakan. Karki damu xaki sameni me biyayya a gareki xanxame miki irin mijin da kike so, baxan ta kura miki ba, xan baki yancinki, xakiyi irin rayuwar da kike mafarki a qarqashin kulawata kinji my luv mu barwa Allah lamarinsa shiya hadamu kuma dama Allah shike hada dangantaka" sakeena jikinta yayi mugun sanyi ta kasa yimasa rashin mutuncin data shirya yimasa.


Washegarin korar Hajjo da tsakar rana saiga Fiddausi a gida yarkace yarkace da ita kamar amaryar ba da ko haihuwar fari batai ba, fuskarta a kumbure duk kwanciyar hannu. Ta shige daki ba tare data kula su Iya dake aikin kunun aya ba a tsakar gida, suma kuma basu kulata ba, ta shige dakin Hajjo ta tarar da Amina da kuma bad news din ankori Hajjo.


Saida Baba ya dawo cin abincin rana sannan ta fito ta sameshi tana kuka da kuma fada masa cewar mijintane ya siyar mata da kujerunta dontayi masa maganar akan me ya siyar mata yayi mata dukan tsiya tare da korota gida. Baba ya gama saurarenta yace "shi mahaukaci ne daxai kamaki da duka babu dalili? Dacan meyasa be dakeki ba sai yanxu? Dole akwai abunda kikai masa. Sai ki tashi kije dakin uwarki ki xauna tunda haka kuka xaba ta koya muku mugun abu ita tana xawarci kuma gashi kun fara, barewa bata gudu danta yayi rarrafe."

Da daddare mijin Fiddausi ya amsa kiran da Baba yayi masa, Baba cikin kamala ya tambayi gaskiyar abunda Fiddausi taxo ta fada. Ya fadawa Baba yacce akai wato kudi ya ajiye a dakin ta bata sani ba shine da yaxo daukar kudin ya tarar ta ciri 50k aciki. Shi kuma yayi mata ta yan duniya ya turata unguwa gidan abokinsa kafin ta dawo ya kwashe kujerun dakinta ya siyar ya dauki kudinsa ya bata canjin, ta nemi yimasa rashin kunya harda kama kwalarsa shi kuma ya lakadamata duka ya saito ta gida. Baba ya jinjina kai bayan gamajin jawabinsa yace "To tunda ka rama, ina neman alfarma ka maida ita dakinta kuma kayi haquri xan jamata kunne sosai." suka rabu da mijin Fiddausi akan cewa sai yaje ya tambayi uwargidansa intace ya dawo da ita saiya dawo da itan. Wannan shiya haskawa su Baba cewar Fiddausi gidan mijin Hajiya takai kanta a garin kwadayin auren me kudi. Bayan fitarsa Baba ya kira Fiddausi ya fada mata duk yadda sukai da Musa mijinta, ya kuma tamvayeta ina ta kaimasa kudinsa dubu hamsin. Cikin inda inda tace "Hajjo ce tace insamo kudi akaishi gurin malamai a mallakemunshi indunga juyashi yadda daya matar ke juyashi ni kuma bani da kudi shine na daukar masa ban xaci xai gane ba" Iya ta rafka salati ta jinjina wannan qarfin hali na yiwa miji sata. Baba yace "To madallah, yamun dai dai daya dauki kayanki ya siyar kuma yayi miki adalicin baki canji don kije ki qarawa bokan naku. Madallah da aikin Musa. A matsayina na uba na sauke haqqina na bashi haquri nace ya maidake amma yace sai nemi ixinin kishiyarki" Fiddausi ta fashe da kuka tace "Wlh Baba ni nagaji da xama dashi tunda na aureshi banji dadin xama ba kona kwana daya. Sai yadda matarsa tayi dashi ko part dina saita yadda yake shigowa kuma ko kudin cefane itace ke bani sannan innagama girki sai taxo ta raba ta bani." Baba ya murgina kai cikin takaici yace "To ga filin gidanan ki xauna, amma fa xaman gidannan ya canja salo kamar yadda kika sani na kori uwarki saboda mugun halinta da kukayo gado wanda wlh baxaku taba xama lfy ba har sai kun canjashi domin shi mugun hali kamar fasashshiyar tayar motace wacce babu inda xaka da ita harsai ka canja. Sharadin xamanki a gidannan shine, ban yadda ki dagawa matata hankali ba ko muxgunawa sakeena sannan kuma xakiyi duk aikin gidannan don baxaki xaunamun a gida babu aikin komai ba. Hafsatu xata dunga baku abinci keda yar uwarki, abu na qarshe shine ban yadda ki fito ki dungayimun yawo a tsakar gidaba ana shigowa ana ganinki kinqi xaman aure kin dawomun, karya wannan sharuda suna nufin fitarki a gidannan ki koma gidan mijinki da kika xaba ke da uwarki ko kuma ki bita can gidansu kuyi xawarcin tare." Fiddausi ta miqe ta koma daki tana kukan danasanin auren musa wanda Baba yaso ya hana ita da Hajjo suka kafe saboda yana da kudi kuma yanayimata hidima lokacin neman aure. Haka suka kwana kuka ita da Amintako babu mai lallashin wani (🤣)



A daddafe Hajjo tai kwana uku kacal a gidansu Babanta da qaninsa suka tasota suka dawo da ita gidan mal Lawan da nufin bashi haquri ya maisheta dakinta. Sai dai sunyi mamaki da Baba ya murje idonsa da kuma kunyar surukinsa ya xana masa irin wahalar da yasha da Hajjo da kuma mugun halinta har xuwa kan abunda tayi last, yace ya gama aurenta intana buqata ma yana iya qarasa mata ragowar sakinta a rabu gaba daya. Babanta yace "Ai baka kyautamun ba daka tsaya iya sakinta kawai dakasani duka ka nadawa tsinanniya ka karya ta, ai wannan hali nata gado tai gurin gyatuma, amma ita dake ta hadu dani abun baya tasiri ko yanxu taimun nadarta nake kamar Allah ya turoni" qanin uban ya tasata suka tafi bayan uban ya gama baranbarama agaban surukinsa ya kwancewa Hajjo dan ragowar mutuncinta daya rage gurin malam lawan. Ranar Hajjo taga bala'i domin a soro ta kwana akan turbaya,maqotan da take xuwa ta kwana ranar sun mata kora da hali ta hanyar kulle gidansu tun magribar fari. Babu shiri washegari ta nufi Gwale ta dunga bin gidajen dattawan unguwar da mal Lawan ke ganin mutuncinsu tana roqonsu su bashi haquri ya maidata. Daganan Goron dutse ta nufa gidan Deni dakyar taje bayan tasha baqar wahala ta qarasa da kwatance. Sai dai qirmisisi me gadi ya hanata shiga duk nacinta a cewarsa madam tace kar a bari ko tsuntsu ya shiga gidan indai ba daka gidansu yakeba wato rijiyar xaki wai amarci suke. Hajjo ta dunga yimasa bayanin itace ta haifi megidan ita uwar miji ce, megadin ya sheqe da dariya yace "Ai ba gidan Nura bane, me gidan kam yana rijiyar xaki tunda gidan arone, ya qara da cewa da madam kika haifa da tuni kin shige an wuce gurin" Hajjo tai xaman awa biyu a xatonta ko Deni xai fito sallah ya ganta tunda tayi kiran wayarsa tun randa aka koreta yaqi dauka. Me gadin ke fada mata ai tunda Nura ya shiga gidan sau biyu kachal kawai ya fito shima yan uwan madam da qawayenta da sukaxo ya rako bakin mota, ko sallah aciki yakeyi. Ta miqe jiki babu kwari ta dau hanyar Bachirawa.


Acan gida kuma ranar da Fiddausi ta kwan biyu a gidan ta fito xuwa bandaki ta tadda sakeena kofar dakin Iya xaune tana yankan farce, Amina ma dai tana kofar dakin Hajjo xaune xafi ya korota tayi wata irin muguwar rama tayi baqi babu kwanciyar hankalin shafa man bleaching. Fiddausi ta kalli sakeena tayi tsaki ta fadi maganar da Kunnan sakeena be jiyo abunda tace ba. Sakeena data xama muguwar masifaffiya tun bayyanar aurenta da sageer ta dago ta kallesu tace "Fiddausi ko inxone? Naji kina qunquni, hauka maganinka Allah amma ku naga naku haukan maganinsa duka. Wlh baki isa kiyowa mijinki sata ya koroki ba kixo ki takuramun." Fiddausi ta nannado ashariya ta laftawa sakeena, Amina ta kamo hannun fiddausi cikin rada tace "ki kyaleta fa aljanu gareta saida tayiwa Hajjo duka wancan satin." Fiddausi ta hadiye yawun tsoro jin andaki Hajjo tasan sakeena ta riqa, ita kuma dama bata da qarfi sai cika baki. Sakeena ta kuma kallonsu tace "Kinsamawa kanki lfy da kikai shiru domin gidan ubanane nan,ba suruka bace ni yanxu haka kuma ba yar riqo bace in mutum yanason xaman gidan dole ya xauna lfy dani" babu shiri sukai hijira xuwa dakin Hajjo.


A gefe guda kuma mutanen da Hajjo taje gunsu sun sami Baba da maganar amma ya basu haquri. Hajjo fa rayuwa ta fara xafi ta rasa inda xata dole ta nufi gidan Zahra ta xana mata duk yacce akai kuma ta roqeta akan mijinta ya shiga maganar ko Baba xai yadda ta koma. Zahra hankalinta ya tashi tayiwa Hajjo zazzafar nasiha kuma tace sai tayi mata alqawarin ta daina duk abunda take sannan xata shiga maganar ita da mijinta. Hajjo ta wahala kwarai a kwanaki hudun da tayi a gidansu, dan haka da sauri ta dunga xabga rantsuwar ta daina komai. Zahra ta fadawa mijinta iya abunda xata iya fada masa a daren ya goyeta a bayan machine dinsa xuwa gurin surukinsa.


Baba sam beji dadi ba da Awwal mijin Zahra ya shiga maganar don yanason Awwal yaron arziqine wanda ya riqe masa Zahra mafi soyuwar ya a wajensa da amana. Ya dubi zahra tana kuka tana roqonsa ya rufa mata asiri ya maida Hajjo kodan darajarsu baxasuji dadi ba suga uwarsu na garari a titi kuma inya rabu da ita qara lalacewa xatai. Baba ya runtse ido yana tunanin aiko a lahira wani nacin arziqin wani Zahra a cikin yayansa xai iya cewa itace bata taba yimasa komai ba kuma tana binsa sau da qafa kamar badaga jikin Hajjo ta fito ba, Deni ke bin bayanta shi kuma ya bata rawarsa da tsalle akan sakeena. A taqaice yace musu suje xaiyi tunani xuwa gobe.


Washegari sai gasu da yamma hardasu dattawan unguwa da mai unguwar kansa da kuma qanin Baban Hajjo dan Babanta yaqi xuwa. Aka xube aka kwashe bayan dogon dauki ba dadi Baba ya maida auren Hajjo bisa alfarmar Awwal da Zahra amma ya gindaya mata wasu mugayen sharadai da suka hada da, Babu fita koda soro ne, babu xuwan qawaye ko dangi, babu ruwanta da iya da kuma sakeena, duk kuma abunda ya samesu ita keda alhaki sannan kuma a duk sanda ya kuma kamata da lefin xuwa ko kai dansa gurin malami a bakin aurenta, xata dunga girkinta a tsakar gida kicin kuma ya xama na Iya, abu na qarshe kuma bayaso yaji koda muryarta a tsakar gida.Hajjo bakinta na rawa tace ta amince. Baba ya qara jaddada mata duk abunda ya samu su Iya itace tace eh ta yadda. Limamin unguwar yayi mata doguwar nasiha ya sallameta. Zahra ta qara yiwa Baba godiya ta kuma roqeshi ya qara haquri xasu qara jawa Hajjo kunne.


Hajjo na shiga gida ta tari ruwa, taje tai wankan da rabonta dayi tunkan a koreta. Ta fito sukai karo da sakeena ta rakube gefe a tsorace sakeena ta wuce. Hmm duniya me yayi wai yau Hajjo ke tsoron sakeena 🤔 lallai abunda ya baka tsoro watan wata rana xai baka tausayi.


A ranar da Baba ya dawo da Hajjo kamar hadin baki da yamma sai ga Hadixa ragagaf ragagaf kamar tsohuwar rumfar kwano ta xube a tsakar gida kan tabarmar da su Hajjo ke xaune. Duk ta xuge ta qare babu wannan girmar jikin irin na Hajjo da sukayi gado, sai tsahonta daya fito kamar daren baqin ciki, fuskarta babu komi sai kwankwamemen hanci da shacecen baki kamar gate. Bata lura da yanayin su Hajjo ba da suke ciki ita da Amina da fiddausi kowacce damuwarta ta sakota gaba, ta xube gabansu ta fasa abunda yake damunta, kusan in abu na damu mutum neman wanda xai gayawa yake don ya samu sauki. Labari dai babu dadin ji a kunnen su Hajjo, wato Hadixa dai a fadarta wai tunda aka kaita gidan Yusuf a daren ya fara yimata tijarar cewa iyayenta qananan mutanene ya kashe kudinsa ya gina gida na kere sa'a amma ankasa koda yimata kayan daki set daya sai wasu tarkace kuma babu katifa wai to da aka kawota babu katifa a uwarta xai kwanta? Injishi yana tambayar Hadixa. Da gama fadar ya figo Hadixa daga kan kujerar da take xaune qudundune tana kukan gorin da dangin Yusuf din sukai mata. Ya watsarta kan tiles ya fada kanta yayi mata kaca kaca a cewarsa sadakinsa yake murewa dan baxai biyu babu ba.


Da safe kuma suka tashi da baquncin uwar mijin Hadixa wacce tace yan karbar amarya sun kai mata labarin tsiyar da iyayen Hadixa sukai na kawota da kayan wasan yar tsana a maxaunin kayan daki. Ta gallawa Hadixa harara bayan gama kallon kayan dakin tace da Yusuf ya tattaro kayan lefensa ta tafi dashi dominsu basa asara da sunsan baxa a rama musu kashe kudin da sukai ba da ba'a auri Hadixa ba, kuma ya nemi mata a gidan arxiqi me quruciya ya aura, ba irin wannan tsohuwar ba. Yusuf ya kaso akwatinan lefensa kaf daga kan sif ya kaiwa umma mota, Hadixa na kuka na cewa suyi haquri duk ta bada yawancin kayanta na gida dana lefe kawai ta dogara. Uwar Yusuf tace eh dole ki dogara da lefe dake ubanki ne ya siya da kudinsa.


Hajjo ta sauke ajiyar xuciya bayan gama sauraran Hadixa tace "To yanxu meya fito dake tunda kince tun washegarin kaiki akai haka?" Hadixa ta qara fashewa da kuka tace "Hajjo nagaji ne kullum sai ya durkamun kwayar tsarin iyali kuma ya kwana yana takuramun sannan jiya kuma yace in shirya muje gidansu mukaje shine ya kaini dakinsa na samartaka wai incigaba da xama a ciki, wai gidan daya gina be dace dani ba amaryarsa xai saka wacce xa'ayi bikin wani satin yar masu kudi kuma bai cemata yanada mata ba dan haka anan xanyi nawa xaman bani da kwana. Na haqura xan xauna saboda kar indawo gida aimun dariya kwatsam yau sai Ummansa ta shigo dakin tace na fito in shiga cikin rukunin ma'aikatan gidan in dunga aiki baxasu ci dani a banxa ba. Ni kuma shine na gudo wlh nagaji gara xaman gida akan wannan tsinannan auren."


Dariyar sakeena ta hana Hajjo maganar da tayi niyyar yi. Ta gama dariyarta taiwa Hajjo alamar jinjina 👍🏼 tace "Angaisheki uwar xaurawa shinyar Gwale LGA. an tattara an jabe babu dan kida balle dan rawa, Allah me iko inda ranka kasha kallo yanxu buhun shinkafar Baba xaiyi qasa tunda an saitowa iyayen mata hanya daga gidan miji. To wlh kar inji kar ingani domin xa'ayi tashin hankalin idan aka nemi takuramun ni da uwata, a lallaba a xauna lfy dani kafin xuwan lokacin tafiyata gidan masoyina Muhammad Sageer" jin an anbaci sunan Sageer Amina ta tashi daga kwanciya tana kallon sakeena kamar itace sageer din. Hadixa kuma a mamakance take kallon sakeena tace da Hajjo "Yaushe al amarin gidannan ya dame haka?" Hajjo bata bata amsa ba ta miqe ta shige daki.


Koda Baba ya dawo ya samu Hadixa da kuma abunda ke tafe da ita, takaici da baqin ciki yasa bece komai ba. Iya dai a gefe guda ta dage da yiwa Sakeena tanadin taryar me gida ita da Mama babarsu su Hassana wacce take kawo kayan mata irin nasu na manyan mata masu kyau da tsada Iya kuma ta tsaya tsayin daka tana bawa sakeena tana amfani dasu.


Sageer ma dai a gefe guda ya hada lefensa me tsari babu tarkace sai kaya masu tsada da aji da Bilki ta xuba ciki. Ya turasu Katsina gurin umma shi kuma ya maida hankali gurin gyara gidan da kuma canja komai na ciki aka fenteshi tas aka xuba kayan gado masu tsari a 2 bedrooms din gidan da falo sai kicin daya danqara kaya na garari ka rantse iyayen sakeena ne sukai kayan, ya tura tsofafin kayan can Katsina yace Umma ta bayar Iyayen sakeena sun turo anyi mata jere. Yace shi yana tafe wani satin xai taho da IV daga nan zaije Kano gurin sakeena.


Kowa yaga lefen a dangin sageer saiya jinjina Shafa qanwar sageer ta debi komai guda biyu tundaga kan turamen atamfa har xuwa kan takalmi da jaka da kuma cosmetics. Umma mace tagari me dattako ta kwabi shafa tace ta xubawa sakeena kayanta, ita lokacin da akai mata nata ko sanin sakeena ba aiba balle ta diba mata sannan tace batason haka ta kame kanta ta kyale sageer yayi rayuwa me dadi da yanci da matarsa ita batason irin haka abunda bakaso ai maka kada kayiwa wani shine xaman lfyar mutum.

****** **** **** ****** ***


Nuraddeen Lawan mijin Surayya a daren da akai masa abar qaunarsa sunsha soyayyarsu shi da ita, don dagashi har ita suna yunwar abun. Ya sameta a cikakkiyar mace amma fa akwai banbanci mai yawa tsakaninta da sakeena. Bayan komai ya lafa ta fara baccin gajiya shi kuma ya tashi ya jingina da allon gado ya buga tagumi. Tunanin randa ya fara sanin ya mace yake a rayuwarsa da kuma wacce ya fara hakan akanta sakeena. Ya tuno yanayin da yakasance ciki na shauqi da wani irin jin dadin da sai yanxu tabbatar da wuya ya kuma samun irinsa. Ya tuno yar qaramar yarinya sakeena a wancan dare yacce ta dunga yimasa kuka tana tureshi da kuma bashi haquri abun gwanin shaawa da burgewa, sabanin Surayya yanxu da zai iya cewa duk da ya tabbatar da budurcinta taxo amma ta fishi xaqewa a harkar. Tambayar kansa yake me hakan ke nufi wayewa ce ko rashin kamun kai? Ya qara xurfi cikin tunanin yadda ya samu qirjin surayya da qugunta a shafe ba kamar yadda ya gama kwadaitawa kansaba zai taba banxa, yayi mamakin haka ashe duk ciko takeyi. Ya qara tuno surar sakeena wacce tunkan ya aureta itace taja hankalinsa har ya kusa keta mata haddi. Kwanciyar Surrayya kan qirjinsa shiya katse tunaninsa tace "Deen tunanin me kake a cikin wannnan daren da yafi kowane dare mahimmanci a gurinmu? Ko baka sameni yacce kakeso bane?" tausayinta ya dan kamashi yace "Yi haquri Surry na sameki fiye da yacce na xata. Kawai dai banji dadin ganin kinyi ciko a guraren da nafi muradi ba a jikin mace wanda yin hakan kamar kin yaudarenine" ba tare da damuwa ba tace "Kayi haquri nayi hakanne don ina sonka kuma nasan da banyi ba da bamukai ga aure ba" yayi murmushin yaqe yace "Nima ina sonki, amma ai anashan magani su ciko ko?" ta tura baki tace "Nima naso insha Mumy ta hanani tace wai yanada side effects shiyasa na haqura na siyo na roba nake ciko" ta kwantar dashi ta kwanta a jikinsa tana qara fada masa yadda take masifar sonsa.


Da asubar fari yana shiga wanka ta dauki waya taiwa mumy babarta ta fada mata yacce sukai dashi ta kuma ce taga kamar ransa ya baci da hakan yana yimata fuskar shanu. Mumy tace xatayo mata aike ta fada mata yacce xatai amfani dashi a cewarta intayi yadda tace tofa itace mijin Deni matar. Adai ranar wajen 8 din safe Hajjo taiwa Deni waya dan tsabar hauka. Surayya ce a dakin lokacin shi yaje bakin gate. Ta dauka taga sunan Hajjo tai tsaki ta saka no din a black list. Tana da duk labarin Hajjo da kuma yadda ta takurawa sakeena ita dasu Hadixa a gurin wani abokin Deni, ta kafa doka kar abar kowa ya shiga gidan indai ba danginta ba. A cikin kwana uku ta maida Deni mijin tace da taimakon wani maganguna da mumy ta harhado mata kuma ta maida Deni mugun jarababbe da sai su shafe awowi suna abu daya, ita dake yanayin halittarta kenan hakan be dameta ba shine ya gaji sosai gashi babu fuskar yin qorafi. Surayya irin matan nanne yan i don't care, kuma tana mugun son Deni over shiyasa da quduri aniyar rabashi da kowa ya xama nata ita kadai. Bata komai a gidan na aiki komai masu aiki keyi sai dai ta caba kwalliya ta kame a falo suna kallo da kuma soyayya da Deni. Bata da rowa ko kadan kuma akwaita da fadar gaskiya duk dacinta, tana aiki a North West university a matsayin non academic staff.

Wannan kenan


Ranar asabar aka kawo lefen sakeena da safe anmusu tarya me kyau. Baba da su Dahiru yayyin sakeena ne suka amsa, aka shigo dasu gidan aka bude Hajjo dasu Hadixa suna leqe ta window Iya tace suxo sugani, ai kuwa sai gasu babu kunya sun fito. Lefe dai sai sambarka akwati shida har Kit bakwai kayane na garari fadarsu bata bakine. Maqota aka shishshigo ana taya Iya murna da yadawa Hajjo habaicin wannan lefe da gani gidan wadata da mutunci sakeena xata shiga. Aka gama aka watse akabar lefe a dakin Iya. Yayin da Amina kecan halin mutu kwakwai rai kwakwai.



Da yamma saiga Deni da Surayya sunxo gidan gaishe da su Baba kamar yadda Surayya ta umarta, hutunsu na amarci da suka dauka ya qare ranar Monday xasu koma office.


Hajjo taiji dadin ganin Deni wanda kullum da tunanin halin da yake ciki take kwana take tashi. Amma taji dadi data ganshi fes dashi ya qara girma yayi haske. Lokacin da suka shigo sakeena tana tsakar gida tana amsa waya daki babu network. Sukai arba da