You Cannot Download this book untill you login but you can read it .

---

Login Register

da masu taimaka musu, ba sai lallai daukar aiki ba, ko sana'ar hannu kika iya temaka ki koyawa wata karki baqin cikin xata fiki daukaka ko yin suna wannan duk na Allah ne, kuma in kika temaka kin yaqi xaman banxa kuma kin bada gudummawa a society. Allah ya gyara qasarmu ya kuma bamu shugabbanni nagari masu tausayinmu"


Kowa a gurin kallon sakeena yake cike da burgewar wannan dogon sharhi da tayi, Sageer ya harde hannu a qirji yana kallonta cikin alfaharin kasancewarta matarsa, ashe haka take da fasaha? Yarinya qarama ta dakko babban maudu'in dake damun mutane tayi fashin baqi akai da kuma kawo mafita. Abdulfatah ya tako ya qara dafa kanta yace "sannu Sakeenatu, haka akeson tunanin mutane ya xama me kyau, da ace tunanin mafi yawan mutane irin naki ne da tuni qasarmu tacigaba tuntuni, ina alfaharin kasancewarki cikin xuri'armu" Baba yace "Ai Sakeenatu kam tafi gaban haka akwai kyakykyawar xuciya da kuma fasahar harshe"



Abdulfatah yasa bodyguard dinsa ya miqo jakarsa a mota ya bude ya raba kowa dake gurin 50k har Deni da Hajjo, da Amina suka karba suna godiya sakeena ta karbarwa Umman Sageer nata tace daganan can xasuje gobe don fada mata tayi shirin sauke farali, babu kunya Hajjo tace akwai wasu yayanta guda 3 da basanan suna gidan aure suma abasu nasu ta ajiye musu. Saddiq da Baba suka runtse ido cikin kunyar abunda tayi, Labaran yayan sakeena yace "Baxa'a basu ba, ko kinmanta duk abunda kikaiwa Sakeena ne har kike xaqewa haka?" Maryam tayi dariya tace "Kyaleta koma miye taiwa Sakeena kanta tayiwa domin ga sakayya nan baro baro ta bayyana, kudi kam xa'a basu sunci arxiqin Sakeena" ta karbi 150k a gurin Abdulfatah ta miqawa Hajjo tace "ga kudin mutum ukun da kikace basanan" ta karba cike da kunya jiki na rawa tana godiya. Sukai shirin tafiya da sunan xasu masauki bayan anyi musayar lambobin waya, wasu kuma yau xasu koma saboda gobe Monday akwai aiki.



Saddiq yabi bayan Abdulfatah kamar yadda ya buqata suka tsaya a waje wani gida dake jikin gidansu wanda ya xama kango saboda ruwan sama daya rusheshi meshi kuma talakane bashi da kudin daxai gyara shine yakeso asiya abashi kudin ya fita wajen gari ya sayi qarami su koma da iyalansa amma kuma duk tayin wulaqanci ake masa ganin ya matsu a siya shiyasa be siyarba har yanxu, sukai maganganu da Saddiq ya bashi lambarsa ya karbi ta Saddiq din sannan suka tafi, Sageer da Sakeena suka dawo cikin gida, Amina tai saurin matsowa ta riqe hannun Sageer tana dariya tace "Sageer naji dadin ganinka" Sakeena tai saurin cire hannun Amina daga jikin Sageer tace "Amina ki kiyayeni wlh haukana yafi naki, karki qara tabamun miji, ki tafi kema ki nemi naki naki mijin, domin wlh Sageer nawane ni kadai yafi qarfinki" Sageer dariyar jin dadi yake wai yau Sakeena ke fada akansa? Lallai mahaqurci mawadaci. Shi kuwa Deni yana tsaye yana mamakin wai yau gashi ga Sakeena amma kamar batasan yana gurinba har take fada akan wani namijin, tabbas ya yadda yanxu bata sonsa kuma tayi xurfi wajen son waninsa. Jiki a sanyaye ya shige dakin Hajjo hannunsa dauke da 50k din da aka basu albarkacin Sakeena. Hajjo ma taja hannun Amina suka shige daki tana shafa damin kudaden hannunta.



Sageer da Sakeena da mutanen Baggadano suka shige dakin Iya, yayin da Baba ya umarci Iya ta kawowa Sageer abincin da akayi dominsu dakinsa. Ta tashi ta hada masa komai takai masa sannan taxo ta fada masa Sakeena tai masa jagora xuwa dakin ta xuxxuba masa ta shammaceshi ta gudu ta barshi wai xataje su gaisa da yan uwanta. Yayi dariya yace "xan kamaki ne, ke sarauniyar son jiki nan da jimawa xakixo ki farabin jikina kina kwanciya" tai masa gwalo tace "Yau dai ajikin Iya xan kwanta" ya sake sosai a dakin Baba kamar gidan ubansa, ya kwashi girkin Iya me dadi da tsafta.



Acan dakin dakin Iya kuwa an kacame cikin hirar yaushe gamo, Iya ta xubo musu abinci suka hadu su duka anaci ana hira cike da nishadi. Sakeena ta jawo akwati ta dunga fitowa da kowa tsarabarsa tana bashi harda Inna da bataxo ba, suka karba cikin yabawa karamcinta suka dunga godiya da qara neman yafiyarta kan rashin kulawar da suka nuna mata a baya.



Haka suka kasance cikin nishadi har xuwa lokacin sallar azahar suka fita sallah harda Sageer suna dawowa sukayi haramar komawa D/Tofa kowa riqe da tsarabar sakeena da kuma 50k din Abdulfatah kudin da mafi yawansu basu taba riqe kamarsu ba, Sadiya ke fadawa Sakeena cewa kiwonta fa yanata Habbaka akuyarta harta haihu yaya biyu, Sakeena tace "Nagode yaya sadiya Allah ya qara habbaka kiwon ammafa inta kama ku dunga yankawa koda kajin ne kunaci" Sadiya ta riqe haba tace "Allah ya sawaqe dan inamiki kiwo sai naci, kuma mu a gidan da nake aure abun kunyane kaci abunda kake kiwo sai ace maka baka da xuciyar tara abun duniya, ko kasawa xaiyi sai dai ka sayarwa mahauta" Sakeena ta riqe haba tana dariya tace "Wani abu dai sai a qauye meye abun kunya cikin cin halak dinka?"



Har kofar gida ta rakosu dukkansu har Sageer da yace xaije gidan abokinsa ya huta xuwa yamma, suka dau hanya tana daga musu hannu. Sageer ya dawo soron yana cewa "Sakeena bakiji ba?" ta juyo tace "Menene?" yayi saurin hada bakinsa da nata, Saddiq ya fito dakinsa yayi karo dasu a wannan halin, yayi gyaran murya yana sosa qeya, Sageer ya dago yace "Au kaine?" ya riqo kunnansa yace "Haba bros yaxakaimun haka? Sallama muke fa ka fito" Saddiq yace "wash tuba nake ya Sageer a sarkarmun kunnan karya tsinke" Sakeena tai musu dariya ta gudu cikin gida.



Dakin Iya ta nufa taje ta jawo qatuwar trolley din data cikowa Iya da kaya ta dire agaban Iya tace "To haj Iya ga taki tsarabar, shaddodin ciki kuma na Baba ne" Iya jiki a sanyaye ta bude akwatin ta ciro galla gallan shaddodi uku na Baba, sannan ta dunga fito da ragowar dinkakkun kayan ciki dasu mayafai ta dubi Sakeena tace "Yanxu Sakeena wannan lefen duk nawane?" tayi dariya tace "kwarai kuwa Hajiya Iya, so nake ki dunga fallewa sosai domin ke yanxu Hajiya ce kin kama qasa kin xama yar gata tunda kika haifi Sakeena" Iya ta share hawaye tace "Sakeenatu maganarki gaskiya ce, gashi kamar wasa maganar tafiyarmu Hajji ta tabbata, ke din diyar arxiqi ce kuma ina alfahari da riqonki, nagode da biyayyar da kikayimun kika gyara rayuwar aurenki, Allah ya baku qara baku xaman lfy da xuria tagari, ko yanxu na mutu burina ya cika na barki hannun da na yadda baxai cutar dake ba, sannan ansamu dangin mahaifiyarki" Sakeena ta share mata hawaye tace "Baxaki mutu yanxu ba Iya sai kin dauki jikokinki in shaa Allah" Iya ta qurawa Sakeena ido tace "Wannan fari da cikar da kikayi sakeena anya na lfy ne? Kodai ciki gareki?" Sakeena tai shiru ta sunkuyar da kai cikin kunya, Iya cikin farin ciki tace "Masha Allah aure yayi albarka, Allah ya rabaku lfy" Sukacigaba da hira da Iya cikin farin ciki har Baba da Saddiq suka shigo suma aka basu tsarabarsu, Baba har kuka yayi ya qara yadda da lamarin ubangiji wai yau shine xashi aikin Hajji adalilin yar marainiyar daya riqe, hmm Allah me iko shiyasa bahaushe yace Da da dukiya ba a qetarsu domin bakasan wanda xaka mora ba, yanxu mutanenmu basa qaunar riqon maraya, sai kaga uba ya mutu ko uwa marayu suna watse abun tausayi babu me tallafa musu ko daukar nauyinsu domin ragewa uwar wahala. Lallai gaskiya ne, alkhairi baya faduwa qasa banxa, ya riqe marainiya da amana da kuma kyakykyawar niyya gashi tun a duniya Allah yayi masa sakamako ga kuma dinbin lada a gobe qiyama. (Allah ka bamu ikon temakawa marayu domin muma bamu da tabbacin xamu rayu da namu yayan)



A dakin Hajjo kuwa ta tasa kudin da aka bata tana ta kallonsu kafin ta magantu "Yanxu Deni da gaske wadannan yan gayun masu kudin yan uwan Sakeena ne?" yaja tsaki yace "Eh mana ga sheda nan kin gani tunda har arxiqinta kin faraci" tayi tagumi tace "To yanxu kuna gani Hafsatu da bata haihu ba zata tafi maka ni kuma da nake daku ko airport ban taba xuwa ba?" ya juyo yana kallonta yace "Au Hajjo baki saduda ba har yanxu? Duk ba ke kika jawo ba, da ace kin haqura kin karbi Sakeena a matsayin matata kin kyautata mata ai da tuni yanxu keda Iya xaku tafi makan tunda agabanki kinji tace asaka uwar mijinta cikin tafiyar, amma haka kawai kika tsanarmun sakeena inason matata kuka hanamu sakewa har saida kuka rabamu" ya fada yana hawaye, Hajjo jiki babu kwari tace "To ai dai bani na sakar maka itaba ko? Kai kasaki abarka da kanka" yace "To waye sila inba keba da wadannan tsinannun yaran? Da tuni yanxu wlh sai dai kiyiwa wani silar arxiqi, domin daga gani Sakeena macece me qashin arxiqi, ina aurarta na samu aiki sannan gashinan shima Sageer din yanxu daga dukkan alamu ya kusa xama hamshaqin me kudi ta dalilinta tunda suna qaunarsa don ya kula da ita sosai" cikin fushi Hajjo tace "Ka daina tsinewa yayana akan lefin da harda kai muka hadu muka aikata, domin da kana qaunarta kaima ai da baka saketa ba"



Ya share hawaye ya miqe xai fita, da sauri tace "To kadan ban wani abu mana cikin naka kudin in riqe a hannuna" ya kalleta yace "Na hannunki kuma fa kiyi me dasu?" tace "Wai dama xan hadasu ne gaba daya in ajiye saboda yiwa Amina kayan daki inta tashi aure" ya bude baki yana duban Hajjo kafin yace "To ni bada niba wannan shirmen, yarinyar da ko kare bata dashi da sunan yana sonta itace xa'ai xancen ajiyawa kudin kayan daki? Saboda haka ko sisi baxan bakiba a ciki, xuwa xanyi insaro kaya inxuba a kantina daya fara ramewa saboda siyan maganin ciwonki, sannan kuma tunda kinsamu kudi ki dunga amfani dasu wajen saiwa kanki abinci da magani, na daina asarar ko kwabo na akan ciwonki tunda naga so kike ki qarar dani gaba daya" kafin Hajjo tai magana Amina ta matso tace "Hajjo ga nawa kudin ki hada dana gurinki akaiwa malam ya qarayin aiki akan aurena da Sageer don wlh ni shi kadai nakeso" Deni yayi tsaki yace "Kinji irin taba? Dama asibitin Dawanau kikaita da kudin aka bata maganin tabin hankali a memakon kayan daki" yasakai yayi ficewarsa waje, Hajjo tasa kuka tana cewa "Yau na shiga uku, shima Denin ya dena tausayina yau da bakinsa ya kira siyamun magani da cewa asarar kudinsa yake, Allah na tuba ka yafemun"



Xuwa yamma Sageer ya dawo suka fita da Sakeena xuwa gidan Alh Dalhatu gurin Hassana wacce ta haihu kwanaki uku baya, sun tarar da Usaina taxo qasar suka kacame da murna dole Sageer ya tafi ya barta don taqi fitowa su tafi, har bayan Isha suna hira sai wajen taran dare yaxo daukarta suka rabu dakyar Sageer ya bata kudi ta bawa Hassana wai a saiwa Baby diaper.




Washegari Monday da wuri sukaje immigration office aka fara yiwa Sakeena passport suka wuce KT ita da Sageer, shi da Umma suna da passport, basu da buqatar sake wani beyi expire ba.



Gida ya cika da dangi yan ganin matar Sageer, suka dunga kallonta suna yabawa ita kuma tana gaishesu cikin girmamawa, da kyar umma ta yakice mutanen suka barsu sukaci abinci, shafa qanwar Sageer kuwa kamar ta goya Sakeena sai nan nan take da ita tare da kiranta Anty Sakeena duk da cewa xata girmewa Sakeenan sosai, Sageer yayiwa Umma duk bayanin yacce akai a Kano, Sakeena ta bata 50k dinta data karba mata, Umma ta dunga kuka da hawaye tana shiwa Sakeena albarka da tayi silar komawarta saudia don sauke farali, a karo na biyu a rayuwarta. Gida ya kuma cika da yan taya murnar xuwan Umma saudia, xuwa yamma aka dan ragu shafa da sageer sukayiwa sakeena rakiya gidan dangi na kusa suka gaisa daganan sukaje gonar Sageer wacce ke hade da gidan gona daga gefe.



Sakeena ta dunga kallon girman gonar tace "Ashe Sageer mugun kudi gareka haka? Wannan uwar gona ai xa a iya noma abincin da xai ishi qaramar hukuma daya a shekara" yana dariya yace "banda sharri baby, ina wani kudi rufin asiri dai" tace "gaskiya garin Katsina yamun kyau sosai ko ina tsaf tsaf" yayi mata dariya yace "Yau yar qauye ta shigo birni xamusha sambatu"



Washegari suka daga Kano harda Umma, kuma aranar passport dinsu ya fito, xuwa dare xasu tafi Abuja a jirgi tacan xasu tashi. Baba yayi amfani da kudin daya samu ya saiwa su Hajjo komai na abinci da abun layya ya barshi a hannun Saddiq kuma ya danqa masa amanar gidan. Har daki Iya ta tasa Sakeena sukaiwa Hajjo sallama, ta dunga kuka tana neman yafiyarsu, sukace aisu sun yafe mata tuntuni.



Qarfe 1 dare suka sauka Abuja guess house din Abdulfatah, shima yaxo sukai shiri cikin sauri ana idar da sallar asuba suka fita screening, ana gama tantancesu sukai airport. Xuwa qarfe biyun rana sun daga qasa me tsarki a jirgin yawo (international) ana saura sati guda ayi arfa kuma sune jirgin qarshe. Sakeena ta kalli cikin jirgin da tsaruwarsa da kuma manyan mutanen dake ciki ta saka kuka tana godewa Allah da ni'imominsa gareta, ta juya ga Sageer tace "Nagode ya Sageer haduwata dakai alkhairi ce a rayuwata, ka sama mini lafiyar ido, ka bani ilimi, sannan a dalilinka na hadu da dangin mamana" yasa hannu ya share mata hawaye yace nine da godiya my queen "Kin rabani da rayuwar bariki, kinyi silar xuwana qasa me tsarki sauke farali sannan kuma gashi xaki haifamun yaya, thank u very much Sakeenatu, ke alkhairice gareni"

********** ******** ******** ****


Sunsha ibada, sunyi aikin hajji an qare lfy sun xama alhaxai, iyayenta sunsha addua sosai da dukkanin al ummar musulmi (Allah ka axurtamu da xiyarar dakinka) sun dawo kuma a Abuja suka sauka, su Sakeena dai Lagos xasu wuce saboda tuni sunkoma makaranta, ta ware tsarabar yan Baggadano ta bawa Iya ta tafi da ita, na yan Katsina kuma ta bawa Umma suka rabu kowa yayi garinsu.


Su Iya dai sun tarar da baqon al amari domin cikin sati 3 da kwana 5 da sukai basanan sun tarar an bige gidan an shigo da kangon jikin gidan an tsantsara musu ginin xamani qaton tsakar gida da toilet sai kicin, part din Iya falo babba wanda yasha kayan alatun xamani da kujeru sai bedrooms biyu kowanne da toilet ciki kuma da furnitures, sai kicin madaidaici dauke da kayan kicin, sada lalulayen dakin Iya abun kallo ne. Dakin Hajjo ma taci arxiqin Iya anmata qaton falo da 1 bedroom da toilet ciki. Baba ma ya samu room nd parlour da toilet aciki daga tsakar gida har xuwa soro an lailayeshi da tiles. Sai dakin Saddiq na soro shima da aka gyareshi akai masa toilet a ciki.


Iya da Baba suka tsaya suna mamaki Baba yace "Saddiqu gidanne kuwa mu shigo, ya dire kayansu a tsakar gida ya budewa kowa dakinsa yana dariya yace "Ku shigo mana Baba, aikin Baban Sakeena ne Abdulfatah tun ranar da yaxo ya siya gidan mal Bukar daya rushe da daraja sosai, shine bayan tafiyarku aikin ya tashi." suka shiga dakunansu kowa yana mamaki, Iya cewa take wannan duk dakina ne kamar na amarya. Saddiq yana dariya yace "Akwai wani abun mamakinma kudai ku huta gajiya tukun"



Washegarin xuwansu Iya ta bude tsaraba ta bawa kowa tasa harsu Hajjo da mutan unguwa, aka dunga shigowa ganin gida da kuma godiyar tsaraba. A ranar Saddiq ya samo musu napep suka hau xuwa wata unguwa a gabansu kadan, ya bude wani guri ga mamakinsu gidan gona ne shaqe da kaji da kuma tanki na kifi qato guda biyu. Yana murmushi yace "Baba ga muqullin gidan gonarka inji Abdulfatah kamar yadda sakeena ta buqata asamar maka hanyar shigowar kudi shine ya nemi shawarata ni kuma nace a bude maka gidan gona saboda yana kawo kudi, kuma lokacin wannan gurin ya shigo anaso asiyar, nakai masa ya siya ya xuba maka kaji masu kwai da marasa kwai da kuma kifi" Baba yayi xukudi yana duban Saddiq yace "Anya kuwa ba muyi rashin hankali ba Saddiqu hidimar tayi yawa" yace "Kawai kayi fatan alkhairi Baba, mai jinin arxiqin ka riqe shiyasa lokaci daya gidanka ya cika da arxiqi" ya jinjina cikin yadda da maganar Saddiq ya juya ga Iya yace "Hafsatu kinga aikin Alh Abdulfatah ko?" tace "Nagani malam, Allah yayi musu sakayya da gidan aljanna, sai a buga waya ayi musu godiya" yace "A a Haj Hafsatu, wani kiran ai yafi gaban gani, takawa zamuyi muje har can Lagos din muyi musu godiya" Saddiq yana nuna musu gurin yake cewa "Baba kafa haye kwananan xa a fara saka sahun masu kudin unguwarmu"



Acan Lagos kuwa suna sauka Bilki ta aiko musu da abinci xuwa yamma sun huta ta ware tsarabarta ita da Haidar da Maitama takai musu sukasha hira tana cewa Haj Sakeena daga xuwa ganin gida kuma sai mukaji tafiya saudia. Ta dakko mata xancen salon dinta da tace anxuba masu aiki kuma yare saboda ya samu karbuwa domin in ankasa hausawa xamu samu taxgaro gurin samun customers xasuyi mana qabilanci. Ta bawa Sakeena cinikin da akai a rubuce da kuma sunayan yaran dake aiki a shagon tare da albashin tayi alqawarin xata basu. Sakeena tayi godiya ta warewa Bilki nata kason da xata dunga bata duk wata. Bilki ta dunga godiyar tsaraba da kuma wannan kaso da sakeena ta ware mata.



Bata manta da su Hassana ba duk da tasamu duniya domin suna cikin mutanen da har ta mutu baxata manta da alherinsu ba, har gidan kakanninta takai Hassana aka karbeta hannu bibbiyu kamar su goyata jin labarin alherin da family dinsu sukaiwa Sakeena. Itama ta samu alheri gurinsu sosai.


Ta koma makaranta a washegari, tsarabar yan uwanta kuwa Mama ta kaiwa ta raba musu, sun fara karatu babu wasa kuma result dinsu na level 100 ya fito kamar yadda taiwa Sageer alqawari ta watsar da matan ajinsu, ta xama ta farko, kuma ta 5 a cikin ajin gaba daya, wannan dalili yasa taga gaba daya matan ajin sun canja mata sun daina kulata, itama ta tattarasu ta watsar take harkarta ita kadai.


Sati guda da dawowarsu suka tashi da baquncin Baba, Iya harda Saddiq sunxo godiya kamar yadda sukace, ranar tayi murna da farin ciki mara iyaka, lokacin Inna ta dawo itace ta dunga jigilar girke girke. Sakeena taiwa Mama waya ta fada mata xuwansu Iya, Mama tace Dan Allah suxo gaba daya suyi dinner dasu da daddare. Xuwa yamma sun huta dake saukar safe sukayi. Aka xauna hira anan Saddiq yake fada mata wai shifa Maryam yakeso. Sakeena ta dubeshi anutse tace "Anya kuwa Saddiq soyayyarku xatayi tsaho? Saboda banbancin yarenku sannan kuma Hajjo baxataso ka auri qabila ba" ya marairaice yace "Haba Sakeena karki sacemun gwuiwa mana, soyayya ai batasan banbancin yare ba, wlh ban taba ganin macen da nake qauna ba kamar Maryam kuma nayi nasarar samun xuciyarta yanxu manya kawai mukeso su shiga maganar" Sakeena ta bude baki cikin mamakin jin wai sun dai daita da maryam to aina suka hadu har suka qullah soyayyar?" ya bude wayarsa yana nuna mata chats dinsu da ita da kuma hotunan maryam da suka cika wayarsa jiki a sanyaye tace "To Allah ya sanya alkhairi ya kade fitina" ita dai tana ganin akwai gagurumar rigima agaba irin ta aurenta da Deni saboda sanin halin Hajjo da kuma tsanar da dangin Mama sukaiwa Hajjo saboda jin abunda taiwa Sakeena.


Da daddare suka cakare har su Bilki sakeena ta gayyata sukaiwa gidan kakanninta tsinke. An hadu an gaiggaisa Baba yayi godiyar data kawoshi tare da yiwa xuriar adduoin alkhairi. Aka hadu a qaton table anayin dinner bakajin qarar komi sai cokula da wuqaqe Iya da Baba dai Sakeena ce ta koya musu yacce ake riqe wuqa da fork anacin abinci. Wajejen goman dare Sakeena ta buqaci su Iya su taso su tafi amma Mama ta hana tace anan xasu sauka gasunan da dakuna burjik da akai domin baqi yaushe xasu bita gidanta. Tace to Saddiq ya taso su wuce shima yaqi tashi suna satar kallon juna shida maryam da taxo hutu ya rage murya yace da Sakeena "Barni infara kafa gwamnatina gurin in laws dina tun daga yanxu"


Suka tafi ita da Sageer tana xunbura baki wai mama ta hana su Iya biyota, Sageer ya dunga yimata magana taqi amsawa yasa hannu yana mata cakulkuli ta fara dariya tana cewa "Wlh xakasa inma futsari a mota" kafin suje gida ya shawo kanta sunata hirarsu cikin soyayya.



Su Iya dai da sukaxoyin kwana biyu saida suka kwana 5 sannan dakyar mama ta bari sukai haramar tafiya akai musu sha tara ta arxiqi, xuwa lokacin sun daina mamakin dangin Mama in sunyi abu, saboda ganin gida da rayuwar jin dadin da suke ciki, Saddiq jikinsa ya fara sanyi yaganin anya Maryam batafi qarfinsa ba kuwa? Gashi Allah ya jarrabeshi da santa.

******* ****** ******* ******** ***


Haka rayuwa tacigaba da garawa Sakeena da Sageer suna soyayyarsu me shiga rai, sannan tana sana'arta bata fasa komai ba ga kuma karatunta ta qara xage dantse data fuskanci ana mata baqin ciki komai yana gara mata da temakon addua. Yawanci duk weekend suke xuwa can family house gurin su Mama Abdulfatah yanason Sakeena sosai xuwa yanxu ta mallaki kadarori da yawa ta dalilinsa. Acikin hakan Saddiq ya tafi training din aikin custom yayin da Maryam tai graduation ta dawo gida suka kuma dinkewa da Sakeena. Bata fasa alherin da takewa su Umma ba wacce sukaxo last month ita da shafa sukaga yan uwan Sakeena kuma suma anmusu alheri me yawa.


Sunyi jarrabawar first semester sun gama suka samu hutun kwana tara kacal, a lokacin ta fara xuwa awo cikinta 5 months scanning dinta na ranar ya tabbatar da twins ne a cikinta, ta dunga Hamdala tana qarawa domin da kanta ta roqi haihuwar yan biyu a dakin Allah kuma gashi ya amsa mata. Sageer ma yayi murna amma kuma sai yakega kamar Sakeena tayi qanqanta baxata iya haihuwar yaya biyu ba, tun a lokacin ya fara tausayinta kuma ya qudure baxata haihu a qasarnan ba, haba gaskiya mana shiyasa cikin yayi wani irin mugun girma ashe mutum biyu ne a ciki.



Daga ita harshi sukaja bakinsu sukai shiru basu fadawa kowa yan biyu xata haifa ba, ya qara bata kulawa sosai kusan komai shiyake mata duk da tana yawan fada masa lfyarta qalau, shikam tausayinta yakeji. Tafiya ta kamashi xuwa jahar Ekiti xiyarar aiki, baison tafiya ya barta ita kadai yace ta koma can gurin Mama ko Maryam taxo su xauna, ta tubure ita Kano xata gurin Iya itace ta kusan wata uku bata ganta ba amma mama kullum suna tare ai, yaqi yadda da tafiyarta Kano tasa masa kuka babu shiri ya yanko mata ticket ya kaita airport ta tafi a ranar yayiwa Saddiq dake aikin custom a Kano waya yaje daukarta a airport, saida ya tabbatar da xuwanta sannan ya samu kwanciyar hankalin yin tasa tafiyar a ransa yana cewa "Sakeenatu danger"
[8/21, 11:52 AM] Zongo Gal: 🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀
🙆🏽‍♀MUQADDARI NE🙆🏽‍♀
🙆🏽‍♀2018🙆🏽‍♀
🙆🏽‍♀


3⃣0⃣ (part B)

RAHMATULLAH (Hajia)




Iya tana ganin Sakeena ta shigo da qaton ciki ta fara salati tana cewa "Yanxu Sakeena da wannan qaton cikin kika keto haxo kika taho dan tsabar kuruciya? Wannan ai kin kusa haihuwa, cikin nan naki bakuyi lissafi