You Cannot Download this book untill you login but you can read it .

---

Login Register

burum cikin kwancen kayan Bahijja" da wannan magana ta Amina aka rufe hirar.




A hankali Deni daya koma xaman gida yanxu yake lura da duk wani taku na Sakeena, kuma ya tabbatar da Sakeena tayi zurfi cikin soyayyarsa. Yana yawan qarewa haluttun jikinta kallo a sace. A wani dare yana kwance yake qissima yanayinta. Sakeenan a yanda ya lura bata cika tsahoba duk da baxa a kirata gajeriya ba. Tana da dan murjajjen jiki babu rama kuma qiba bata samu maxauni ba ko kadan, a kalar fatar jikinta fara ce duk kuwa da wahala tana dusasar da farar fatar tata amma ga alama intasamu jin dadi farin xai qaru sosai. A fuskarta kyakykyawa ce irin kyan dabai cika gari ba, ma'ana kyawun nata sassanyane komai na fuskarta kamar jikinta matsakaici ne inka dauke idanunta da suke manya sosai wadanda su suke bayyana hadinta da wata qabilar bayan qabilar Fulani. Abunda yafi jan hankalin Deni gareta kuwa shine xubin halittar jikinta duk da qoqarin boye baiwar halittarta da Bahijja keyi hakan be hana Deni da Barrister gano body structure din Sakeena ba. A cike qirjinta yake taf duk kuwa da yarintarta kuma abunda yafi jan hankalin Deni kenan, wannan dalili yasa da wuya ka ganta babu mayafi ko hijabi koda a tsakar gidane. Yanda qirjinta yake haka qugunta yake shima Masha Allah kasancewar tana da zafin nama shiyasa da wuya tayi tafiya qugunta be kada ba. Wannan itace sakeena Abbakar Liman yar shekaru 17.



A gefe guda kuma Barrister ya matsawa Sakeena kwarai da yawan kallo, ko kuma tana aiki ta tsinceshi kawai a kanta yana kallonta. Ita bata iya rashin kunya ba balle tayi masa kuma tasan koda wasa bata isa ta tunkari matarsa ta fada mata ba saboda azabar kishin Anty, bayan hakan kuma Barrister ai ya kusa haifarta a haife domin first born dinsa Alhaji xaikai 15 years. Tagaji kwarai da wannan takura ita a rayuwarta tanason qimarta da mutuncinta ta yarda tasa kowace irin wahala amma ta tsira da mutuncinta bataso ko kallonta namiji yayi balle kai hannu jikinta don iya ta riga ta gama tsoratar da ita akan halayyar maxan wannan xamani da kuma qalubalen da macen data xubar da mutuncinta take fuskanta.



Kamar yadda ya saba sai ganinsa tayi a qofar kicin din a tsaye yana aikin kallonta tana yanka salad, wata irin fargaba ta shigeta cikinta ya kada. Ta nemi hanyar guduwa yasa hannu ya tare, ya kamo habarta ya sunkuyo dai dai fuskarta ya matse mata baki ya daure fuska tamau yace "ke ki kiyayeni, ki kalleni ki fadan abunda ke zuciyarki kina sona?" sun dade a haka idonta a runtse shi kuma yana riqe da fuskarta yana kallonta, daga baya ya saketa ya fice a kicin din. Yana fita ta fito ta nufi gida ba tare da taiwa Anty sallama ba, bata kuma kammala aikinta ba, tana tafiya tana share hawaye dan tasan ta rabu da aikin gidan kenan gara ta haqura tunda abun na Barrister yakai ga haka tunkan abunda takeji a radio na bata yan aiki ta afku a kanta.




Babu kalar tambayar da Iya batai mataba meya dawo da ita yanxu, tace bata da lfy ne. Bacci a daran kam sai dai barawo tana fara baccin xataji muryar Barrister yana tambayarta "kina sona?" washegari ta shirya ta tafi makaranta inda suke practical din jarrabawar WAEC, bayan dawowarta taci abinci ta miqe ta kwanta Iya ta tambayeta baxata gidan aiki bane tace "banajin dadi" ala dole Iya ta kyaleta bayan ta tilasa mata shan paracetamol.




Yan aiken Anty suka dunga zaryar kiran Sakeena amma taqi ko motsi yayin da Iya ke basu amsar sakeena babu lfy fa. Daga baya Anty taxo da kanta dan ta kasa koda dora abinci balle gyaran gida yaran ma sai indomie Alhaji ya dafa musu. Ta tasa sakeena a gaba sukaje asibiti aka aunata aka samu malaria wacce ba a rasa yan Nigeria da ita aka hadota da magani sukai gida. Washegari dole sakeena ta koma aiki bisa tilasawar Iya da nacin Anty.




Da wuri ta tafi saboda basu da jarrabawa, ta dunga aiki cikin sauri a planing dinta ta gama kafin lokacin dawowar Barrister kamar yadda ta dau matakin guje masa. Tayi sa a biyar da rabi ta gama aikinta kaf har girkin dare tayi ta wanke kwanikan ta bawa Anty uxurin cewa xataje gida tayi karatun exam ne.



Wannan matakin shi ta dauka kuma daga lokacin basu kuma haduwa da Barrister ba. Da wannan ta Saki jikinta a ganinta ta tsira.

**** **** ****** **** ****



Nuraddeen Lawan ya kasance dogo namiji irin tsawon maxan hausawa wato ba wani tsahon kuxo ku ganiba. Wankan tarwada, ba wani kyakykyawa bane amma gayun yasa ake ganinsa a matsayin wani handsome. Ya tara saje a fuskarsa wanda shine sirrin kyansa, dan kimanin shekaru 31 da haihuwa. Nura yayi karatu sosai dan ya tallafawa talakan ubansa ya karanta public administration ya samu shedar kammala HND me daraja ta farko wato first calss, amma ga dukkan alamu samun aiki xai masa wahala kamar yadda yakewa diyan takwarorin irinsa talakawa.




Yawanci saurayi me shekaru kamar nasa koban fadaba kunsan yana buqatar abokiyar rayuwa (matar aure). Nura a raayinsa yafison mace yar gayu ma'ana me kyale kyale, be damu da auren diyar me kudi ba kamar yadda uwarsa ke yawan kwadaita masa shidai kawai falleliyar mace kyakykyawa kuma yar gayu wacce ta iya daukan wanka wayayya kamarsa wacce xata iya bayyana masa soyayyarta a ko in kuma a gaban kowa. Wannan kalar mace itace xabin Nura. Amma kuma yana hasashen mafarkinsa baxai xama gaskiya ba duba da cewa shi ba kowa bane sai talaka dan talaka wanda be ajiye ba kuma bai bawa wani ajiya ba, wanda ake bashi abinci sau uku a gidansu. Wace yar gayun macece xata soshi a haka?





Tunda ya lura sakeena na sonsa sai ya shedan ya qissima masa tunda bai samu abunda yakeso ba kuma baya tunanin zai samu anan kusa me xai hana tunda ga me sonshi a gida ya dunga rage xafi a gurinta? Xai yaudareta da soyayyar bugi saita fada saiya bijiro mata da buqatarsa, ya yadda da wannan saqa da shedan yayi masa duk kuwa daba halinsa bane yin hakan. Amma sai wata zuciyar ta raya masa ai babu komai daga baya ka tuba ,ai a masu shekaru irin naka kadanne suke tsallake zina. Da wannan tunani ya kwanta yana shafa fuskarsa yana ayyana qirar sakeena da take boyewa, a wani bangaren kuma yana ganin game din bazai nisa ba sakeena xata sakar masa komai duba da yadda ta mace a kansa.




Sanyi ya kankama, yau antashi dashi sosai kamar snow xata xubo daga sama, sakeena ta kasance mejin sanyi a yanayin halittarta batason sanyi ko Kadan amma ya xama dole ta fita neman halak. Ta dakko robarsu ta man shafawa Habiba da nufin yin daqale ta lakace ragowar man ciki Wanda ko fuskarta be isheta shafawa ba bare jikinta. Ta rufe robar ta xura hijabinta tana murxa idonta daya kwana yana mata qaiqayi har ixuwa yanxu gashi wani dishi dishi take gani ko ta dunga ganin shudi a cikin idon, ta nemi fita daga dakin aranta tana qissima itama da san samune ta qudundune a gado yadda kowane dan gata yakeyi a lokaci irin wannan amma ina! Ita Allah be qaddara mata rayuwa irinta yayan gata ba. Iya tace "ungo" ta waiwaya ganin me iyan ke bata, gwangwanin man gyada Iya ta miqo mata tare da cewa "karbi wannan man gyadan ki dan mutstsuka a hannaye da qafafunki ko wannan waskanan ya ragu tunda man shafawar ya qare" ta karba ta tsiyaya ta shafa kamar yadda Iya ta umarceta sannan ta fita.




A tsakar gida ta tarar da Amina tana brush, Aminan ta kalleta sheqeqe tace "Baiwa xa'a tafi ne?" Sakeena ta bata amsa da cewa "Eh xantafi me xaman banxa" kafin Amina ta qara wata magana Baba dake daki yake jinsu yace "Yawwa da kyau sakeena, yi tafiyarki neman halak tunda baki dorawa kanki girman kaiba duk tsiya kinfi mai xaman banxa" Amina tai qus, sakeena kuwa ta tafi cikin jin kunyar shigar mata fadan da Baba yayi duk kuwa da yarsa takeyi.



Anty da yayanta harda mijinta na qudundune a daki, kasancewar weekend ne. Yayin da sakeena take xaune cikin muku mukun sanyi tana wanke wanke, haqoranta na hadewa saboda sanyi lokaci xuwa lokaci takan sosa idanunta da suka kada sukai jajur hancinta ya toshe saboda iska kanta kuwa kamar xai fashe saboda ciwo.



kamar yadda ya saba yana tsaye a jikin window din dakinsa yana kallonta, ko bata fada ba yasan sanyi takeji. Ya duba uban wanke wanken gabanta ga tulin wanki a gefe wanda ke jiranta intagama wanke wanken, ga wankin bandakuna ga girki. Yayin da Bahijja kecan cikin blanket tana qudundune. Ya qara qurawa sakeena ido ta cikin net din window yaga yadda fatar jikinta ta yamushe ta bushe kamar ta tsohuwar data shekara bataga mai ba, inbe qarya ba sai yace hannayen sakeena har baqi sukai da fashewa saboda tsabar aikin ruwa, kyakykywar fuskarta kuwa duk waskane ya fito babu kyan gani kamar fuskar almajiri bata mace ba, yana iya gano yadda jikinta ke rawar sanyi yayi tsaki tare dajin wani abu a ransa. Ya saki labule ya nufi dakin Bahijja. Ya furta "this is too much" afili.



Kamar yadda ya xata tana cikin bargo tana bacci ga room heater ta dumama dakin. Ya yaye bargon tare da bugun cinyarta yace "ke Bahijja tashi xamuyi magana" ta mutstsuke idonta jin ya ambaci sunanta tace "magana kuma dear? Maganar me kenan?" direct ya dauko topic din "Abunda kike sam bai dace ba Bahijja kiji tsoron Allah, ki Kalli sakeena a matsayin qanwarki ba wai be aikinki ba. Bautar da yarinyar nan take miki tayi yawa, ki tuna marainiyace aka bamu amana, ki dubi Allah ki rangwanta mata ayyukan gidannan ki tuna Bahijja muna da haula kodan haka ya kamata mu gyara dan bamu da tabbacin xamu rayu da namu yayan" kallonsa take ido a qanqance cikin tsabar masifa tace "dakata Adam, da xakaxo ka tasheni ka dirarmun da masifa sakeenar ce takai qararka gurina?" yace "a a kawai na duba yanayinta ne na tausaya mata tulin aikin da kike sakata" ta katseshi da cewa "to malam ka shiga taitayinka, babu ruwanka dani da kuma sakeena, kudi nake biyanta take mun bauta ba kyauta takemun ba, kuma ai bakaine kake nemar mun kudinba ko kuma biyanta. Ka dauke idonka daga sakamun ido kadai burinka kaga gidanka fes da naga baxan iyaba nasamu wacce xatai inbiyata, to kuma meye naka na saka ido???" yace "haka kikace ko? Ke wato bakyason gaskiya? To wlh xan dau mataki, kuma ko wane lokaci daga yanxu xan iya yanta sakeena ta kowacce hanya" ya juya xai fita, ta daka tsalle ta dira gabansa tana haki tace "Adam meye dalilin wannan hayaniya da sanyi safiya? Meye dalilin lullubeni da fada akan wata banxa sakeena yar qauye? Meye dalilinka na cewa tausayinta kakeji?" ya qurawa fuskar matar tasa ido kamar anan xai karanto amsar. Bahijja tai murmushi da tafa hannu tace "son sakeena kake ko Barrister Adam?" ya xaro ido cikin wata irin faduwar gaba ya maimaita "son sakeena kuma???" ya juya yabar dakin har yana tuntube Bahijja tana cewa "Ba fita xakaiba tsayawa xakai kaban amsa munafuki, itama daya munafukar bari infita in taddata"




Hajia ☺
[7/31, 2:02 PM] Reine Ghana: 🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀
🙆🏽‍♀MUQADDARI NE🙆🏽‍♀
🙆🏽‍♀2018🙆🏽‍♀
🙆🏽‍♀



6⃣

RAHMATULLAH (Hajia)


Tayi zarya yafi sau shurin masaqi da nufin fita ta katsawa sakeena rashin mutunci amma xuciyarta na kwabarta da cewa dakyar ne in sakeena nada masaniyar abunda Barrister yayi don, kuma inta yadda ta bata rawarta da tsalle ta hanyar yiwa sakeena rashin mutunci wazai cigaba da yi mata wannan bautar da sakeena ke mata? Da wannan shawara ta danni zuciyarta amma ta qudure xata kafawa sakeena tsatstsauran mataki domin daqile baraxanar cin amanarta da Barrister ke shirin yi.


Koda sakeena ta kammala duk aikinta taje yiwa Anty sallama ta fuskanci canjin fuska a gurin Anty ta dade a duqe a gabanta tana maimaita kalmar "Anty nagama aikin xan iya tafiya ko xa ayi miki wani abun?" amma Bahijja tai mata banxa tayi kicin kicin da rai tanawa sakeena wani irin kallon qasqanci. In banda namiji dan iskane kuma kwadayayye meya gani a jikin wannan kucakar yarinyar sakeena da bata rabo da tsamin dauda har yake sha'awa? Wannan shine tunanin da Bahijja keyi lokacin da sakeena ke gabanta tsamo tsamo a jiqe kamar yadda take yini aikin ruwa.



Anty ta karkada qafa ta murxa yatsunta biyu suka bada sautin "das" abunda yasa sakeena dago kanta xuwa kallon Anty tana nuna sakeena cikin tsoratar ta fara magana "Sakeena na daukeki a matsayin qanwata uwa daya uba daya shiyasa ban miki shamaki da ko ina a cikin gidana ba, to ina mai jan kunnanki karki sake inkamaki da lefin cin amanata, inma kin qudure wani abun ko xa a hada kai dake a shatalemun qafa gara tun wuri ki fadamun dan wlh duk randa na kamaki da lefin cin amanata sai qona wannan farar fuskar taki da ruwan batir "



Tunda ta fara magana cikin sakeena ke bada sautin qulululu, tana tunanin kardai Anty ta gano mijinta na binta kicin ko yana kallonta? Kodai ta fadawa Anty gaskiyar Barrister yana tare ta har yana riqe mata hannu? A a bazata fada mata ba dan xancen ruwan batir din da Anty tace xata qona mata fuska dashi ya tsoratata kwarai. Tsawar Anty ta katseta inda tace mata "tashi ki ban guri" ta miqe tayi waje da azama tana hardewa.



Yana ganin fitowarta shima ya fito daga cikin mota ya rufa mata baya, yana bayanta yayin da ita kuma take xabga sauri kamar yadda ta saba. Saida suka shiga layinsu sakeena inda ba mutane sosai sannan ya matsa gefenta tare da cewa "wannan sauri haka Sakeenatu kamar xaki tashi sama? Ke ko irin yangarnan ta mata baki iya ba?" ta juyo a razane jin kamar muryar Barrister, tayi mugun gani domin shidinne mutumin da yanxu aka gama yimata warning a kansa. Da qarfi ta furta "Innalillahi Wa'inna ilaihi raju'un" ta xura da gudu bata tsaya ba Saida ta shiga soron gidansu.



Barrister ya saki baki yanabin sahun sakeena da kallo bayan ta gudu, ya juya ya koma cikin motarsa ya xauna tare da dora kansa akan sitiyari yana tunanin sakeena. Ada can ya dauka tausayin sakeena yakeji har yake tunanin zai aureta ya bata ingantacciyar rayuwa duk da sunan tausayi. Amma kuma abunda ya faru daxu da safe tsakaninsa da Bahijja akan sakeena maganar Bahijja ta haska masa abunda ya manta wato kalmar so, Bahijja ta tunasar dashi tausayi fa saida soyayya yake samun gurbi, kuma shima daya nutsu bayan taqaddamar saiya tsinci sassanyar soyayyar sakeena a qasan zuciyarsa. Ya shafa sumar kansa ya furta "tanxz thank u vry much Bahijja domin haukan kishinki ayau yayimun rana tunda ya fassaramun karatun zuciyata"




Sakeena xaune a dakin Iya a tsorace, kimanin mintina 17 kenan da shigowarta. Iya ta dubeta cikin tausayawa tace "Sakeenatu" tai firgigit ta dubi Iya da cewa "mexan miqo miki Iya?" tai tsaki tace "ba cewa nai ki miqon komai ba kawai kiranki nayi, kinzo kinsamau guri kin takure ki tashi mana ki cire wannan jiqaqqun kayan jikinki." Iya taci gaba da mitar cewa "ni wannan aiki naki wlh bana sonsa dandai ba yadda xanyi ne, yarinya qarama dake kullum kina cikin ruwa kullum jikinki da danshi Allah ya kawo miki miji kije dakinki ki huta sakeenatu"




Bayan gama tuwon dare Iya ta dora mata ruwa cikin tukunya akan garwashin yayi xafi rau, Iya tace "sakeenatu fito kixo ki wanke jikinki ko kya daina jin sanyin, tunda da safe ba samu kike kiyi ba" sakeena da har yanxu take a tsorace ta sabe kayanta ta fito da daurin qirji ba tare data rufo komai a kafadunta ba kamar yadda ta saba saboda da taga magrib tayi duhu ya fara xuwa. Deni dake tsugune a bakin famfo yana alwala ya bita da wani mayataccen kallo, kamar yadda ya xata idanunta shi suke kallo ya sakar mata murmushi. Tayi mamaki karo na farko Deni ya sake mata fuska harda murmushi, tai saurin janye nata idon cikin kunya saboda ganin kallon da Nura ke mata babu ko qiftawa, ta dauki ruwan xafin ta shige bandaki tana bitar murmushin da Nura yayi mata.




Washegari haka sakeena tayi aikinta gidan Anty cikin kyara da hantara ga qarin wasu ayukan da Anty ta qirqira kamar xubar da yawu akan tiles din daki ko yin amai a dalilin qaramin cikin da take dashi. Duk wannan bai damu sakeena ba don hantara da tsawa tafi damunta dan ita a rayuwarta taqi jinin hantara ko tsawa hakan na tsikar da xuciyarta sosai. Wajen kwana 3 kenan anayin hakan, Barrister kuma rabonta dashi tun randa ya biyota hanya ta gudu.




A ranar kwana na 4 ne bayan gama aikinta tayi gida da kwanon abincinta tuwon shinkafa miyar zogale, tasa kanta a soron gidan sukai kacibiz da Deni yana rufe kofar dakinsa. Yayi mata murmushi kamar yadda ya tsira a yan kwankin nan, itama ta mayar masa ya matso gefenta yana leqen kwanan hannunta yace "haj sakeena me aka samo manane?" tai saurin miqa masa kwanon tana cewa "tuwon shinkafa ne yaya Deni karbi kaci" yayi dariya yace "a a ni na qoshi jeki kici abinki. Yanxu xanje kallon ball ne inna dawo da wuri xakixo dakina tayani hira?" tayi murmushi cike da jin kunya ta shige cikin gida. Shima muemushin yayi amma na samun nasara ya furta "first stage" ya fita yana tunani, inbanda hauka da shirme irin na baqauyiya sakeena inashi ina ita? Shi dan gayu wanda duk talaucinsa be taba yarda kudin turare ya gagareshi ba, meyin wanka 3 ko 2 arana. Yayin da ita takan yini a tsaye tana bauta wankan ma ba kullum take samuba, yanxu haka data shigo saida yaji tsamin gumi a tare da ita, fatar jikinsa a matsayinsa na namiji tafi tata kyau nesa ba kusa, amma wai danta rainawa kanta hankali shi take tunanin xai dating dinta koma ya aureta dan tsabar yaudarar kai.



Iya tana gama tuwo sakeena bata bari ta dora mata ruwan wanka ba kamar yadda ta saba, ta fito ta dora da kanta. Yanayin dumi ba tare da yayi zafi ba tayo shirin wanka ta fito hannunta dauke da brush. Iya ta bita da kallo saroro tace "sakeena yau kene haka da axamar wanka harda wanke baki?" ta danyi turus ganin Iya na shirin ramfo jirginta tace "um ai sanyi nakeji ne shiyasa nakeson yin wankan ko sanyin zai ragu" Tace "ai saiki bari ruwan yayi xafi sosai ki gasa jikinki amma yanxu kam ai dumi yayi."



A daddafe Sakeena ta bari ruwan yayi xafi dan ta matsu tayi wanka dan kar Nura ya dawo ya kirata hira kamar yadda yace ya sameta kaca kaca, ta fiso ya ganta tsaf. Ta salle jikinta tsaf tayi brush, tana idar da sallar magrib ta shafe kaf jikinta da mai har bayanta da cinyoyinta da Iya ke yawan shan fama ta shafa mai tanaqi yau dai albarkacin Deni ta shafa. Ta saka kwalli duk kuwa da bata sakawa saboda idonta ruwa yake ta saka jan janbaki ta dakko humrar da Anty ta bata ragowarta tun watan jiya amma bata taba sakawa ba yau ta saka a jikinta da hammata atamfarta ta sallah nouvo riga da zani da Baba yayi musu sallar data gabata ita ta saka wacce rabonta da sakawa tun a lokacin bikin sallar. Tayi daurinta me acuci ta qame guri guda ta kasa kunne kwarai tana jiran dawowar Deni ta hanyar bude kofar dakinsa.


Iya da tunda sakeena ta fara kwalliya take binta da kallo har ta gama ta magantu da cewa "tubarkallah diyata kinyi kyau, da halama dai xanyi baqon siriki kuma naga kina yidashi tunda aka dandasa masa irin wannan kwalliya. Yanxu da kina irin wannan kwalliya ai da yan matan gidannan basu miki gori ba dan basu fiki kyau ba gyara kawai suka fiki" Sakeena tayi murmushi taji kunyar maganar iya na cewa xatai baqo tace "to Iya ni ina naga lokacin kwalliya kullum ina gidan aiki inna dawo kuma dare yayi?" Iya tace "Eh to kema kina da gaskiya Allah dai ya baki miji nagari kije ki huta a dakinki"





Acan gidan Anty kuma Barrister yana dawowa daga sallar isha ya fesa wanka yasaka qananan kaya don ya boye tsufansa yana fesa turare Anty ta shigo ta toshe hanci tace "Barrister wannan turare naka bashi da dadi ko kadan" yace "yanxu ba, amma ai shi nake sakawa kike qanqameni kina shinshinata kedai kawai cikin ki yaxo da tsirfa" tace naji ina xaka haka kaci qananan kaya harda turare?" yaci gaba da taje sumarsa saida ya gama yana saka takalmi yace "inda kika aikeni" yasa kai ya fice. Ya shiga mota duk da ba wata tafiya bace ya nufi gidan su Sakeena.




Har 8:15pm tana xaman jiran dawowar Deni ko ina ya shiga haka? Ko ba a tashi ball dinbane? Yaro ya kwada sallama yace "wai ana kiran Sakeena a kofar gida" maganar taxo mata baxata hade da wata irin faduwar gaba, Iya tace da dan aiken "jekace gatanan" Sakeena tai saurin tarar Iya tace "Iya banfa san ko wanene ba, nikam babu inda xanje waya sanima ko shima dan iska ne?" Iya tayo mata daquwa tace "gidanku, canake tun magribar fari kiketa kwalliya kina xaman jiransa amma yanxu dan iya shege yaxo xakice baxaki fita ba" Sakeena tahau rantse rantsen cewar itafa bashi take jira ba. Iya ta dakko mafici ta radawa qafufan sakeena dake miqe tace "to inbashi kike jira ba ubanwa ki kaiwa wannan kwalliyar? Tashi ki fita yar qaniya" ta fito yafe da mayafi tana xunbura baki. Su fiddausi dake kallonsu ta labulen dakin Hajjo suka kwashe da dariya Amina tace "yaufa su o o andau wanka" suka kuma saka dariya.



Ta leqa dan shedawa baqon nata ya qaraso daga soro, amma bataga kowa ba sai mota dan haka ta koma soro ta tsaya da nufin ta danyi mintuna ta koma tace baqon ya tafi tunda bata ga kowa ba, a gefe guda kuma tana gudun Deni ya dawo yaganta tsaye da wani ransa ya baci.




Da sallama ya shigo soron, gabanta ya bada sautin "Dam" in kunnanta be mata qarya ba muryar Barrister taji. Ya qara tabbatar mata da hakan ta hanyar kunna hasken wayarsa ya haska fuskarsa sannan ya haska tata fuskar yace "Masha Allah sakeena wannan kwalliyar duk ni aka yiwa?" ta sunkuya ta gaisheshi amma yaqi amsawa yace "tashi ki gaisheni a tsaye, ni yanxu ba oganki bane saurayinki ne da yaxo neman aurenki" Ta ware masa manyan idanunta a fuskarta cikin kaduwa tace "Dan Allah kayi haquri ka tafi kar wani ya ganka yaje ya fadawa Anty wlh xata qonamun fuska da ruwan batir" ya qurawa sakeena ido yana mata kallon mamaki yace "well done, da abunda Bahijja ta tsorataki kenan ko? Shiyasa kike guduna?" tai shiru tana sharce kwallah, yayi qasa da murya yace "sakeenatu ko kiyi shiru ko in rungumeki in lallasheki, tun kafin ya rufe baki tayi tsit. Yayi murmushi ya qara haska fuskarta yace "in shaa Allahu haihuwarki ta farko ya mace xaki haifamun me kama dake" ta kwabe fuska xata kuma kuka ya dora yatsansa a bakinsa yace "shiiii kimun shiru, duk wani tsoro da kikeji nasanshi, Bahijja ce