You Cannot Download this book untill you login but you can read it .

---

Login Register

kuma kyan kai da kika hango sageer, in muka samu yacce mukeso ma ai hada bikinmu xa ai mu biyun" Amina tace "In shaa Allahu" a xuciyarta kuwa cewa tai "Ai ina samun nasarar auren sageer fita xanyi harkarku kuda Hajjo over acting, in lallabashi in kwantar da kai mu xauna lfy"


Basu Dade da fita ba Hassana taxo itama dai sallama taxo xata koma Lagos kamar yadda mijinta ya umarceta. Sakeena da Iya sunji babu dadi saboda sabo da sukai na yan kwanakin da kullum sai Hassana taxo musu. Iya ta hada mata kayan miya da kuma kayan kadi ta bata, Sakeena na hawaye Hassana ta ciro 5k ta bawa Sakeena tace ta riqe a hannunta, sakeena tace "Wlh ki barshi inada kudi sosai a hannuna" Hassana tace "Oh! Nafa manta yanxu Sageer ya maidaki babbar yarinya kinfi qarfin kyautata" sakeena tace "Allah ya sawaqe ai kin wuce haka" tace "To karbi" tasa hannu ta karba tayi godiya Hassana tace "Usaina tace xata aiko miki da waya, nima kuma dama inada niyyar saya miki inna nutsu, Mama kuma tace tana gaisheki tunda kinqi xuwa ita xataxo ta ganki ta kuma gaida Iya" sakeena tai murmushi tace "Xanje ne jira nake komai ya lafa"



Ta bawa Iya 5k itama, Baba ma da bayanan ta bada a ajiye masa 5k ta karbi no Iya ta tafi cikin kewar su. Tana fita tasa yara suka dunga shigo da kayan abincin data zo dasu a bayan mota, saboda kar aimata godiya ta bari saida ta fita ta aiko dasu. Ta hangi Saddiq can kan wani benci cikin maxa suna hira tausayinsa ya kamata, matashi kamar wannan daya isa ajiye iyali amma babu aikin yi sai xaman hira tayaya qasarmu xataci gaba a haka? Tayaya xamu rabu da ta'addanci domin ai tunanin mara aikinyi masaqar sharrine. Taya fitoshi da hannu, bema kula da ita ba sai wani ya gani yayi masa magana.



Yaxo ya tsaya a saitin kofar motar yace "Haj Hassana kece da safe haka?" tace "Eh wlh Saddiq antashi lfy? Yau xan wuce Lagos ne shiyasa naxo muku sallama" yace "Lfy lau, Allah sarki Allah ya kiyaye hanya mungode kwarai da temakonki" tayi murmushi tace "Kayi karatu ne Saddiq?" ya sosa kai yace "Eh nayi B ED ban jima da kammala hidimar qasa ba" ta jinjina kai matsalar nan ta xama ruwan dare graduate yanxu kamar yan Candy haka suke xaman banxa.


Tace "In shaa Allah xanwa Abbanmu magana in aka buqaci ka bada takaddunka xan tuntubeka" ta bashi katinta ta karbi no sa, ta ciro 5k shima ta bashi tace yasa recharge card. Ya dunga godiya taja ta tafi suna waving juna.



Ya shige gida cikin murnar jin qamshin samun aikin da ya farayi, yaji dadin kudin sosai ya fadawa Iya yacce sukai da nuna mata kudin data bashi.


Iya ta nuna masa kayan abincin data aiko dasu da kudin data basu suma ta qara da cewa "Wannan yarinya ta haifu Allah ya saka mata da alkhairi da wuya a wannan xamanin kasamu wanda xai temakeka don Allah ba don wata manufa ba" Sakeena tace "Ai Iya kirkin iyalan Alh Dalhatu ya wuce tunanin mutum, karamci garesu, wannan kayan abincin da kika gani haka yake bawa duk wani me aiki a qarqashinsa duk qarshen wata" haka suka dunga hirar iyalan Alh Dalhatu.


Saddiq yace "Iya akwai ruwan dumi in dan watsa a jikina in fita?" Iya tace "akwai bari inxuba maka, ina kuma xaka?" yace "Dan fita xanyi insiyo turare da dan kayan sakawa na gwanjo tunda kudi sun samu kar in kashesu a banxa" Sakeena tace "Bari inbaka turare na Sageer ranar da xan taho ya hadomun dasu garin hada kaya be sani ba, dama warinsu ya isheni banason qamshinsu yanxu" ta miqe taje ta kwaso masa turarurruka kala hudu ya karba yana dubawa yace "Kai! Sakeena kinsan kudaden turaren kuwa? Wlh mugun tsada garesu, kofa ka saka ka xauna a guri ko ka wanke kaya basa dena qamshi"


Tana dariya tace "To rabonka ne riqe" ya dunga xuba godiya yana cewa "Na xama big boy wannan ai sai nai wata biyar ina fesawa."


Sakeena ta yini kwance cikin kewar Hassana xuwa axahar Hassana taiwa Iya waya ta sauka dake jirgi tabi.


Da yamma su Amina suka dawo gwuiwa a sanyaye, sunyi yawo har sungaji basu samu me siyan gona ba. Suka fara kici kicin dora girki, Iya ta cika musu kwano da Faten doyar da tayi ta miqa musu suka amsa a kunyace suka far masa sunaci suna santin ina Iya ta samu kudi haka ta saka busashshen kifi bajaja a cikin faten? Tunda suna ganin ai sun rabata da komai. Amina tace "Hmm kudin mijinane Sageer, ba yaxo daxu ba shine ake tatsarsa saboda shegen cikin jikin sakeena. kinga fa inna aureshi haka Hajjo xata dunga yin girkin alfarma sai dai ta sanwa Iya" Hadixa tace "ai kuwa dai kedai Allah ya cika mana burinmu susha mamaki"


Da safe akaiwa Hadixa waya ansamu mai siyan gonar taxo da takaddun gonar original, amma wai sai dai su karya kudinta cikin sauri tace "Babu matsala biyan buqata ai yafi dogon buri" Ko wanka basu tsaya yiba, sukayi daqale suka rufe daki.


Baba ya tambayesu inda xasuje haka da sassafe? sukace gurin Hajjo xasu a kurmawa prison.


Mutumin da yayiwa Hadixa waya ya rakasu gurin wani azzulumin me kudi me siyan irin wadannan kadarori da matsuwa takesa a siyar. Ya karbi takaddun gonar ya tabbatar da ingancinsu kana yace su tashi suje suga gonar. Ya debesu a mota sukaje har can Gwarxo road gaban BUK new site. Ya ganta yaga girmanta yayi mata kudi 200k. Suka turje da cewa ya qara ko dubu hamsin ne. Ya watso musu takaddunsu yace su diba su tafi temaka musu xaiyi ya siya, yanxu andaina siyan gona ko fili saboda masuyin takaddun bogi, jin haka suka sallama masa gonar da akai mata kudi 500k shekaru biyu baya a 200k ba tare da shawarar kowa ba.



Ya basu kudin cash Haduxa ta xubasu a jaka suka taho, wanda yayi musu hanya yace sai sun bashi nasa kason, dole suka bashi 10k bayan dogon dauki babu dadi da sukaqi bashi ya cirewa Hadixa mayafi babu shiri suka bashi ya tafi gurin Alhajin da ya sayi gonar ya bashi nasa kason kamar yadda suka saba.


Daga nan kotu suka wuce suka biya kudin fansar Hajjo 150k. kudi ya rage saura 40k, aka hadasu da wakilin kotu xukaje prison aka kai takadda aka fito da Hajjo wacce tai fututu kamar an tonota daga rami.



Suka taho bayan ta canja kayanta daga na fursononi xuwa na gida. Tace "Ina Denin kuma ya barmu muna tafiyar qafa basai yaxo da motarsa ba ya daukemu kodan ma aikatan gurin da suka rainani susan ina da Da me kudi gashi ya biya ansakeni kuma yaxo daukata.



Daga Hadixa har Amina babu wanda ya tanka mata har sukaxo bakin titin gidan sarki suka tare Napep suka shiga, sannan sukai mata bayanin bafa Deni ne ya biya kudin fito da itaba, hasalima tun a kotu basu qara ganin Deni ba, gonarta suka siyar 200k suka biya kudin, Hadixa ta nuna mata 40k din datai ragowa a kudin gonar.



Ta dora hannu aka tana dura musu ashariyar sun cuceta sun salwantar mata da gonar da take taqama da ita. Amina ta toshe mata baki ta rage murya saboda karme Napep ya jisu tace "ai akwai babban dalilinmu nayin haka" Hadixa ta labarta mata yadda sukai da Amina da safe harda qaryar cewa Sageer ya laftowa sakeena kayan abinci jiya Iya tayi faten doya da kifi kusan katan daya aciki. Hajjo ta fara tunanin abunda suka fada mata.


Ta share yar kwallar data farayi jin sun siyar mata da gona, wani irin qarfin gwuiwa yaxo mata tace "Dole in dauki fansa akan Hafsatu da sakeena sun min toxarci da yawa a rayuwata qarshe sun kashen aure sun turani gidan kaso (halinki ya turaki dai) Kodan haka saina sama miki soyayyar sageer balle ma kuma ya dace da irin mijin da nake miki burin ki aura, nasan tunda ya biya sadakin Sakeena kusan dubu dari biyu ke naki sai dubu dari biyar tunda ke ba tsintarki yayi ba kuma ke da asalinki gaki kyakykyawa babu abunda xata gwada miki sai farar fata.



Amina tayi murmushin jin dadi tace "In shaa Allah, harna jiyo sautin maroqa ranar daurin auren suna shelar sadakina 500k. Dole a kiyayeni don ansan I'm too step a head" sukai dariya dukkansu Amina ta qara cewa "Amma wannan kudin dasu xakiyi amfani wajen farautomin xuciyar Sageer ko? Kinsan da xafi xafi akan bugi dutse" Hajjo tace "Eh amma yanxu ku fara kaini asibiti a dubani jikina ciwo yake tunda su Laraba suka dakeni ga bakina babu dadi kamar ankadamun sabulu ciki. Muna komawa sai mu tunkari maganarki" Amina cikin murna tace "Ai kuwa nai miki alqawarin ina shiga gidan sageer kyautar farko da xan miki gida xan sai miki ki xuba yan haya"



Kira ya samu Baba daga kotu yaxo da sakeena tasa hannu ta karbi kudinta. Ana sallar azahar ya dawo gida ya tasa sakeena gaba suka fita yana tunanin wanda ya biyawa Hajjo tara, sai kuma ya tuna Deni yayi xaton shiya biya kudin.


Koda su Hajjo suka dawo gida Iya kawai suka tarar, Hajjo tai wanka taci indomie din da suka dafa mata tasha maganin malaria da aka bata a asibiti ta kwanta.


Baba da sakeena suka karbo 50k a kotu kudin bata mata suna da Hajjo tayi. Tace "Baba a ina ake saida fridge?" yace "fridge xaki siya sakeenatu?" Tace "Eh da wannan kudin ba" yace "To sai dai muyi can Beruat road" suka tare Napep suka tafi. A wani shago suka tsaya inda ake sai da kayan wuta, ta xabi freezer matsakaiciya ash colour har ciko tayi akan 50k din me shagon ya tambayi sunan wanda xa a saka ajikin receipt din tace a saka Hafsatu Liman (Iya) ta biya suka tafi. Baba ya dubeta yace "Sakeenatu Hafsatu kika saiwa dama?" tace "Eh Baba naga yanxu bata saida komai kuma xaman haka babu dadi gara mu fara yar sana'ar saida ruwa da kunun aya" yace "Da kyau sakeena, aishi neman nakai dadi gareshi, me ake da xama babu sana'a?"



Suka shigo gida yara na bayansu suna kici kicin shigo da freezer, Iya tace "To ina kuma muka samu fridge?" Baba yace "Freezer ce yarki ta siyo miki da kudin data karbo a kotu yanxu" Iya ta washe baki tace "Masha Allah, sakeena memakon ki bar kudinki keda xakiyi aure nan gaba" sakeena gabanta ya fadi jin xancen auren da Iya tai mata, Baba kuma cewa yayi "Karki sace mata gwiuwa Hafsatu kisa albarka kawai aure ai da arxiqinsa yake xuwa" tace "To Allah ya saka da alkhairi Allah ya yi miki albarka" suka amsa da Amin



Su Hadixa dake jiyosu ta daki tace "Allah ya isa kudin Hajjo"


Su Iya dai sun farke kwalin freezer sun sakata a falon Iya daga gefe tayi kyau sosai ta haska dakin. Saddiq ya shigo yagani shi bema san Hajjo ta dawo ba. Ya fita sai gashi da ledojin pure water yace "Iya ga gudummawata asaka jarin ruwa" ta karba tana godiya, ita da sakeena suka jona aka cikata da ruwa aka kunna. Ya leqa dakin Hajjo ya sameta kwance tana ramuwar bacci, da mamaki yace "kai! Yaushe Hajjo ta dawo?" cikin futsara Hadixa tace "Ba'a sani ba mara xuciya ka rasa da wadanda xaka hada kai saida maqiyanmu wadanda suka ja aka daure mana uwa" Saddiq ya dauketa da mari hagu da dama ta tsanyara qara Hajjo ta tashi a firgice tayi arba da Saddiq yana tumurmusa Hadixa. Ta miqe ta shiga tsakaninsu, cikin farin ciki yace "Hajjo yaushe kika dawo? Wa ya biya miki kudin?" tace "Ubanka ne, wato ku biyu maxa da Allah ya bani baxakuban hadin kai ba ko? Na raba Deni dasu dakyar kai kuma ka koma musu ko?" Yace "Kiyi haquri Hajjo, amma gaskiya guda dayace daga qinta sai bata" ya juya ya fita.

***** **** *** **** *******


Kwana biyu da dawowar Hajjo ta murmure kuma su Laraba suka samu labarin ta dawo sukayo qungiya sukaxo suka tusata a gaba saita biyasu dubu biyar biyar dinsu da sukayo belin kansu. Su Hadixa suka tashi xasuyi musu rashin kunya suka bubbugesu sannan sukace da Hajjo kota biyasu kudinsu ko kuma su kaita qara gurin yan sanda, don babu riba baxasu lamunci faduwa ba. Dajin haka Hajjo ta fito da 40k din data ware na xuwa gurin malamai a kamawa Amina xuciyar Sageer ta raba musu su 7 suka fita suna tsinewa juna. Kudin ya rage saura 5k, Iya tana jinsu tana kuma ganinsu ko tari bataiba.


Bangaren sakeena tana rayuwarta cikin kadaici tana kewar Deni sosai amma babu hali ta nuna saboda Iya da kuma sewa kanta mutunci. Kullum Sageer yana kiran wayar Iya su gaisa ya tambayi sakeena da jikinta. Amma a kullum ya bugo yana buri yaji muryar sakeena wanda yasan hakan da matuqar wahala.



Rayuwarta ta xama salam babu abun debe kewa sai dai tayi bacci ta tashi ta dan taya Iya aikin girkinsu da ba yawa ne dashi ba, ta fara tunanin abunyi, ta fara kunun aya tana qullawa aleda naira goma goma da kuma na ashirin, hakan ya rage mata kewa tasamu abunyi. Tana ciniki, ta fara xubawa a roba na 50 naira yan xaman majalissa suna siya sosai. Abunda ranta keso shi take cire kudi a cikin wanda Sageer ya bayar ta bawa Saddiq ya siyo mata itace kaxa yau, gobe taci shawarma jibi kuma burger in kuma ta dauro a siyo mata gas meat taci ita da Iya da Baba da kuma Saddiq dan aike ta kora da kunun aya. Ta qara cikowa tayi tas da ita irin hasken ciki da cikar dakin da batayi ba a baya, Sau tari takanji inama ace tana dakin miji don ciki yasa tana buqatar namiji kusa da ita kuma duka maxajen data aura kowanne gwanine a fagen sarrafa mace hakan yasa take missing kowanne cikinsu (harda sageer? 😜)


A kwanan Hajjo na biyu da dawowa Deni ya shigo gidan, ya gaida Iya dake shara ta amsa kamar babu abunda ya faru, ya shige dakin Hajjo, lokacin yamma ce kowa yananan Babane kawai da saddiq basa gidan.



Hajjo tayi niyyar yana xuwa taci masa mutunci kamar yadda su Amina suka tsara mata saboda rashin xuwansa ya biya kudi ya karbota. Amma yanayin data ganshi ciki yasa ta fasa fadan, duk ya yamutse ya tara qasumba kamar ba Deni dan gayu ba.


Ya xauna tana binsa da kallon mamaki wai Deni ne ya koma haka akan wata banxa sakeena. Tace "Nura haka ka maida kanka akan ka rabu da sakeena ko? Wai sakeena ce autar mata ne?" Jin ta ambaci sakeena wacce yayi kwana hudu xaune guri daya a kulle dan ya mantata amma bai manta dinba yasa shi bashewa da wani irin kuka na tausayin kansa.


Daga Hajjo harsu Hadixa dake xaune gurin don jin yacce xa'a ciwa Deni mutunci babu wanda be tausaya masa ba. Ya kwantar da kansa akan cinyar Amina yana kuka jurjanjan kamar wanda aka aikowa masa iyayensa sun mutu lokaci guda jikinsu yayi sanyi ganin wannan kuka na Deni akan macen da suka dage ya rabu da ita. Cikin muryar kuka yace "Amina na kasa manta ta, nakasa cireta araina rayuwa tayimun qunci na dainajin dadin komai duk akan rabuwa da sakeena. Ki bani shawara me xanyi?" Amina wacce itama ta fada soyayyar yan kwanaki kadan ta auna yacce takeji a ranta akan sageer, ta kwatanta da yadda Deni kejin dacin rabuwa da sakeena kuma taga indai Deni ya maida sakeena dole sageer ya xama nata, tunda sakeena tayi aure. Cikin tausayi tace "Tunda kana sonta kuma ka kasa haqura da ita kamai da ta dakinta mana kucigaba da xama" kafin Deni yayi magana Hajjo ta daka mata tsawa tace "Karki qara kiramun sakeena cikin xuri'ata, Ni da hada jini da qedarai har abada, can gasu gada wai xomo yaji kidan farauta" Deni ya tashi ya goge hawayen fuskarsa ya gayyato qarfin hali dana xuciya yace "Hajjo naxo na fada miki ne na sami matar aure, wata friend ditace a facebook tun muna kaduna ta nacemun tana sona tun banasonta har muka fara waya to yanxu da hakan ta faru na yanke shawarar aurenta don ta dace sosai da irin matar da nake burin aura kuma yar gayu ce. Babanta Babban Dan kasuwa ne har China yake xuwa da Dubai kuma dan boko ne sosai, ta gama degree dinta a ABU zaria." ya ciro wayarsa yana nunawa Hajjo hotonta. Ta karba bakinta har kunne jin yar masu kudi ce, cikin xumudi tace "To ya sunan surukar tawa Deni? Kaga motoci a bayanta burjik wannan duk motocin gidansu ne?" yace "Eh a gidansu ne xuwana biyu gidansu kuma mun fahimci juna kamar yadda na fada miki tana sona sosai, sunanta Haj Surayya nagaya mata a satin nan xa'a kawo kudi" Hadixa ta rangada guda tace "Allah ya saka da alkhairi ya Deni ka sharewa Hajjo hawaye yanxu ne xakai aure" Hajjo ta maketa tace " Yimun shiru kar suji su farraqa auren (kunsan in mutum yana abu gani yake kowa haka yake) so nake sai komai ya kankama suji anyi baiko" ta juya ga Deni tace "Nura har maka taje kenan yarinyar?" yace "Eh aisu maka da Dubai a gurinsu kamar gida ne har hutu suke xuwa can. Yayan masu kudi nefa sosai kuma yan gayu shiyasa ma xan aureta" ya fito da wayarsa ya bude gallery ya bude mata hotunan Surayya wanda ta tuttura masa yana nuna mata, wasu ma a jirgi tayisu, wasu a harami, wasu kuma a mota tana tuqawa tayi selfie kai wasu ma tasa English wears ta dame jiki babu tsari sam abun. Kuma kyakykyawa ce itama fara doguwa kamar dai yadda yake mafarki tun yana saurayi.



Sun rabu da Hajjo akan xai samu Baba suyi maganar a yau xuwa gobe akai kudin.

**** ***** **** ***** ****

Kamar yadda Hajjo ta tsara haka akayi a cikin kwana uku aka kai kudin auren Deni akai baiko kuma aka saka rana sati hudu kachal wato wata daya. Abun Allah, kuma tsafi gaskiyar meshi sai gashi aikin Hajjo yaci Yusuf saurayin Hadixa suma sun kawo kudin aure 50k Baba ya saka ranar aure kamar ta Deni wata guda cif.


Ranar Hajjo tayi rawa tayi juyi tayi guda, Iya da sakeena sunsha habaici da baqar magana. Sakeena ta shige daki tai kukanta ta share hawaye dan kar Iya ta gani, wai Deni har ya manta da ita xaiyi aure? Lallai ta yadda da maganar da mutane ke yawan fada cewar Deni baya sonta ita kadai ke haukanta da sunan soyayya, kishinsa takeji kamar ya keta qirjinta ya fito. Tayi qarfin hali ta danne tacigaba da harkokinta.


Baba ma yayi murnar kawo kudin Hadixa da auran Deni, bashi da burin daya wuce ya aurar da yan matan yayansa ko sa nutsu su daina shirmen biyewa Hajjo. Yayi farinciki kwarai xai aurar da yaya biyu lokaci daya. Iya kusan sai ince tafi kowa farincikin auren Deni saboda xaibar rayuwar sakeena, kuma itama sakeena nan koda tana sonsa dole ta haqura intaga yayi aure.


Duk wannan murnar da gidan ke ciki banda Amina domin sam bata da sukuni kamar ma baqin ciki take da auran Hadixa. Ita kawai asama mata soyayyar Sageer wacce kullum qara cin xuciyarta take.

Saboda haka ta sakawa Hajjo qahon xuqa har saida Hajjo ta saida ragowar kayan masarufin da suka kwace gurin Iya ga masu kanti arha banxa ta hada ragowar canjin hannunta ta baxama gurin malamai nemowa Amina mafita.


Saddiq kuma ya qara kusanci da sakeena sosai saboda tausayinta yakeji ganin Deni ya watsar da ita xaiyi aure, wannan kusanci na Saddiq da sakeena na matuwar bata Hajjo rai kuma ta dauki aniyar nisanta su da juna da xarar ta kauda matsalar Amina. Shi dai Saddiq besan tanayi ba, yawanci yanxu ya daina fitar dare sai dai ya xauna dakin Iya susha hira da sakeena ko kuma ya tayata aikin kunun aya ko wanke mata robobin xubawa, kai har rabobin ma shike samo mata in yaga ansha ruwa a waje ko lemo saiya tsinto ya ya kawo mata. Cikinta yana motsi sosai kuma yana girma wanda hakan ke nuna yana cikin qoshin lfy.


Malamin da Hajjo taje gurinsa ko ince boka, ya bata tabbacin Amina xata samu xuciyar Sageer xai sota kamar hauka amma sai an rabashi da sakeena ta hanyar xubar da cikinsa dake jikinta don shine tsanin da xai dunga hadasu, Kuma yace a kawo masa number wayar Sageer lallai da ita xaiyi aikin.


Fin kwana uku da yin haka kuma su Hajjo na neman hanyar da xasu xubar da cikin amma sun rasa. Tuni sun tanadi maganinsu na xubar da ciki me guda uku wanda koda ciki yakai wata 5 in akasha xai xube bare na sakeena da ko uku beyi ba.


Rana ta hudu cikin sa a da yamma Iya ta shiga barka maqota, sakeena kuma ta shiga wanka, Amina tai wuf ta fada dakin Iya su Hadixa na yimata security. Ta samu maltina ta roba akan fridge wacce sakeena ta fara sha sanyi ya sanata qarasawa ta ajiye ta shiga wanka. Ta balle maganin duka ukun wanda a qa'ida daya ake sha in cikin ya riqa kuma biyu, ta jefa a robar ta girgixa ya narke ta rufe. Ta qara tarkar wata sa'ar wayar Iya nakan fridge ta barwa sakeena tanayin game ta dauka ta danna number sageer ce farko alamar yana yawan kira dan tsabar bala'i atake ta haddaceta ta fita daga dakin ta koma dakinsu, ta loda a wayarta.


Sakeena ta fito wanka ta shirya ta dauki maltinar ta ta daddake ta kwanta da wayar Iya tana game. Sam bataji dandanon magani ba aciki kasancewar maltina tanada dandanon daci kadan.


7 minutes da sha taji fitsari ya cika mata mara, taje bandaki ta kasayi su Hajjo na kallonta ta taga ta dawo ta kwanta mararta na mugun ciwo.


Iya abunda ta sani kenan, Iya ta dawo daga barka ta shigo ta sameta a kwance cikin jini male male a sume. Ta saka kururuwa ta firgita sosai da ganin jinin dake fita jikin sakeena, tana kiran a temaka mata sakeena ta mutu, su Hajjo na daki na jinta sukai tsit.


Saddiq ya shigo gidan saiwa wani abokina kunun aya ya tarar da wannan tashin hankali. Be saurari kowa ba ya sabi sakeena ya axa a kafadarsa yayi waje da gudu Iya bata tsaya kullle daki ba ta rufa masa baya.


Sun fita kofar gida suka ga Deni ya fito daga mota. Idonsa fes kan Saddiq dauke da sakeena a kafadarsa tana tsiyayar da jini. Ya tari gabansa a gigice yana tambayar lfy? meya sameta? Sakeena meya sameki haka? Saddiq ya kewayeshi ya nufi qaramin asibitin gwale LGA da ita a qafa. Deni ya saki baki sototo yanabin Saddiq da kallo wanda ke falla gudu iya qarfinsa da sakeena a kafadarsa. Ya atambayi kansa Saddiq da sakeena? To me hakan yake nufi?


Suna xuwa aka karbi sakeena ganin yadda take malalar da jini, sukayi ciki da ita. Matar data karbeta ta fito da hanxari ta miqawa Saddiq wata takadda tace "Anemo wadannan Alluran xa ai mata, tasamu miscarriage ne (Bari) kuma a samo jini cikin gaggawa za a samata, ta rasa jini da yawa,