You Cannot Download this book untill you login but you can read it .

---

Login Register

cewa "sai ki dauki wata mai aikin"



Ranar Monday Sakeena anhade cikin uniform din makaranta, bakinta yaqi rufuwa, qafarta cikin safa da takalmi sandal. Jiya Iya tasata ta goge kaushin qafarta ta yanke farce, kanta kuwa ta wanke mata gashinta da bai cika yawa ba ta kitse matashi. Ta riqe littatafanta a hannu.



Tafe suke ita da Mal Lawan har office din principal, bayan anwa sakeena interview dan sanin ajin daya dace da ita aka fuskanci Sakeena kanta dai empty ne domin dakyar ta iya rubuta tarihin rayuwarta a qauye da harshen hausa me cike da kura kurai. Fisa alfarmar mal lawan kasancewarsa tsohon malamin makaranta ta samu aka sakata Aji 3 (j s s 3) dan tafi qarfin aji daya da biyu tare da yimata gargadin ta dage da karatu.



Amina Lawan ta saki baki lokacin da taga babanta da principal sun rako sakeena ajinsu. Home master ya shigar da sunanta a register mal lawan yace Amina fito ga yar uwarki. Ta fito saboda ganin idon Baba ta kama sakeena ta zauna a bencin su ya qara da cewa "ki koya mata abunda akai batanan kuma ki bata littafanki tayi aikin da akai batanan"



Amina baqin ciki kamar ya kasheta sakeena bama a makarantarsu kawai ba har a ajinsu? Meyasa Baba yake haka? Mal lawan har yakai qofar ajinsu sakeena tabi bayansa da gudu ta tsuguna ta riqe qafarsa tace 'Baba nagode Allah ya saka maka da mafificin alkhairi." yana dariyar farinciki yace "amin sakeenatu ki dage da karatu sosai kinji shine gatanki"



Malamin daya shigo ajin ya buqaci ta tashi ta gabatar da kanta. Yayi mamakin ganin duk da kasancewarta baquwar yar qauye acikin aji amma ta bude baki tai bayanin kanta da sunanta kamar me fada a gidan radio.


Malamin na fita Amina ta hankadota daga kan desk din ta fadi qasa harta bata sabon farin hijabinta. Amina ta qara da cewa "ke har kin isa ki xauna guri daya dani? Banxa jaka yar qauye" yan ajin sika xagayesu suna kallo saboda sun dauka da gaske yar uwar Amina ce kamar yadda babansu ya fada. Monitor din ajin tace "ke Amina da alla ya xaki turota qasa ba gidanku daya ba?" ta yatsune fuska tare da riqe qugu tace "Allah ya sawaqe ta zama yar gidanmu, ni sunana Amina Lawan ita kuwa inaga ko sunan uba bata dashi yar aikin gidanmu ce babanmu ya sata a makaranta." monitor tace "indai kuwa hakane Babanku mutumin kirki ne, ke Sakeena koma desk din baya ki xauna tunda yar aikice ke ai bakya xauna kusa da yar masu gida ba. Wannan shine mafarin xaman sakeena a desk din qarshen aji, kuma shine dalilin daya qara dakusar da kwakwalwarta dan matsalar idonta bata bari ta iya hango rubutun da malami keyi harta kwafa.


Koda aka tashi daga skul Amina ta bawa Sakeena jakarta ta hada da tata tayi musu dakonta har gida wanda hakan shiya qara tabbatarwa yan ajin Sakeena yar aikice kamar yadda Amina tace.




A satin Sakeena na uku a gidan haduwarsu da Nura batafi sau 3 ba, dan lokacin da yake shigowa tayi bacci da safe kuma baya tashi da wuri har sai sun fita makaranta.


Nuran dai yana karatun HND ne a kano poly kamar yadda taji qannansa na yawan fada, dan gayu ne lamba daya duk da talakane liqis wanda ubansa ke hidimar karatunsa dan inganta gobensa. Kayan Nura na sakawa basufi set 6 ba amma kullum xaka sameshi tsaf dashi cikin wanki da guga ga kuma qanshin turaren da baya rabuwa dashi. A yanda sakeena ta fuskanta qannan Nura mata sunyi mutuqar dogara da wannan karatu nasa dan duk sanda ake xancen rayuwar jin dadi sakiji suna cewa ai in yaya Deni ya samu aiki yayi kudi zamuyi kaza, zamuyi kaza. Duk da duk sanda sukeyin irin wannan xancen Hajjo na yawan kwabarsu da cewa "ai ba sai lallai ya samu aiki zaiyi kudi ba, aikin gwamnati ai baya kawo kudi sai wahala. Banda abunku in Allah yasa ya auro yar gidan hamshaqin mai kudi ubanta ya buda masa harkar samun kudi ai sai mu warke" wannan shine maaunin da sakeena ta auna taga gaba daya Hajjo da yayanta sun dauki Nura a matsayin kadara wanda suka alaqanta jin dadin gobensu gareshi.


Karo na hudu da sakeena taga yaya Deni lokacin suna xaune ita da iya a kofar daki da safiyar lahadi ta bishi da kallo babu ko qiftawa kamar yadda ta saba. Baiji kunyar idon iya ba ya juyo ya doka mata tsawa tare da cewa "wai ke cutar kallo ce da kene? da alama inkina kallon mutum har manta kanki kike, to daga yau karki kuma sakewa inkamaki kina kallona" har yayi gaba kan Sakeena na sunkuye.



Iya taji haushi ta rufe Sakeena da fada, "inbanda abunki sakeena meye abun kallo a gurin mutumin da ya hanaki taba kayan gidansu? Canake saboda shi yanxu komai naki a gidannan daban yake kamar kuturwa" sakeena dai shiru tana sauraren fada iya a bangare guda kuma tana kallon Nura asace.



Adan satittikan da sakeena tayi a gidan ta fuskanci matsalolin gidan, abu na farko dai shine mal Lawan a halin yanxu driver ne a wani gidan me kudi wanda yake jigilar kai yayansa da dakkosu daga makaranta, saboda haka kudin da ake bashi dasu yake tagixawa yayi hidimar iyalansa kafin xuwan fansho a qarshen wata. Duk da abincin gidansa babu dadi amma kuma gidansa babu yunwa sam. Yawanci kudinsa kan tafi akan karatun Nura, saboda haka baya iya bawa yayansa kudin makaranta na kashe kuma shiyasa yake sakasu makarantar kusa da gida inda babu xancen kudin mota dan bashi da wannan halin. Amma kuma yana biyan school fees da sauran hidindimun littafai Hajjo ita ke bawa yayanta kudin makaranta (kudin break) wanda a duk sanda xata bayar sai tayi mita.




Wannan itace matsalar sakeena ta farko, domin iya bata da qarfin da xata dunga bawa sakeena naira 50 kullum domin cin abinci a makaranta. Dan jarin kayan miyan da take saidawa ba taka kara yayi ya karya ba. Sakeena dake gwanar hankali ce saita fuskanci matsalar kuma ta nemi shawarar Iya da ko xasu fara wata sanaar sai ta dunga fita tallah ko kuma ta dunga karbo wankau? Iya ta balbale sakeena da fada da cewa "Sakeena ki shiga hankalinki kisan inda yake miki ciwo, nan birnine ba qauyeba da xaki dunga yawan tallah da girmanki, kuma sanaar wanki ba Sana'a bace sanyi kan iya shigarki da quruciyar, ke macece baki da qarfin da xakiyi aiki dan biya kanki dukkan buqatun rayuwa ilimi shine kawai hanyar da xai kwaceki kuma shine gatanki dan haka ki dage da karatu" bayan hakan Sakeena batai zuciya ba taitabin iya da nacin su fara koda yajin siyarwa to da haka dai iya ta yadda sakeena ta daka yajin daddawa dana barkono suke siyarwa kuma ana ciniki babu laifi.



A bangaren makaranta kuwa abun babu dadi, domin sakeena ko tari bata isa tayi ba saboda Amina, ta takura mata sosai, in anfita break ita ke siyowa Amina da qawayenta abincin break ta kawo musu har aji sannam taje nata break din. Ga wani suna da suke fada mata a ajin wai me 40 (wato me shekaru 40 kafin ta waye tunda daga qauye tazo) tun bata gane abunda sunan ke nufi ba harta gane. Babu wanda ke kulata a ajin saboda qazantar dake danqare a bakinta ragowar masu tausaya mata kuma tsoron Amina ya hanasu kulata. Wata qawar Amina me suna Alawiyya ta taba fada mata cewa indai tanaso su daina takura mata to saita wanke wannan yellow din daudar dake bakinta. In antashi daga makaranta kuma a qa ida jakar data Amina ita ke dakonsu xuwa gida.


A bangaren sakeena dai ta rasa dalilin da yasa wannan dattin na haqoranta yaqi fita duk da kullum tana brush amma yaqi barinta wanda ta gane saboda shi mutane da yawa suke kyamarta. Gadai qafarta ta rabu da faso da kaushi, sannan kuma kanta ma duk sati iya na sake mata sabon kitso. Da abun ya isheta saita tambayi Iya dan Allah me xata saka a bakinta dattin ya fita? Iya ta kalleta da tausayawa tasan akwai abunda akaiwa sakeena ya sosa ranta tace "Sakeena kiyi haquri da inada yadda xanyi da munje asibiti anwanke miki haqoranki bazai wuce 2000 ba dattin dake bakinki ya farune saboda rashin wanke baki da bakyayi tun abaya sai ansa inji an kankare miki amma yanxu ta abunda xan baki kici a makaranta nake" wannan magana itace ta zaunawa Sakeena daram aranta ta quduri aniyar duk randa ta samu 2000 tata ta kanta xataje a wanke mata bakinta ta huta kyamatar da ake mata duk da tana ganin 2000 garinsu da nisa.




suna xuwa islamiyya kullum da yamma 4-6 kuma tana gane karatun sosai kodan iya tana mata bita ne a gida oho.




Bata cika wata 2 ba a makaranta akai jarrabawar qare zangon karatu na biyu (end of second term exam) wanda sakeena ta dauki ta qarshen aji kamar yadda take a bencin qarshe. Bata wani samu maki ba ko kadan har gwanda a hausa ta samu 30/100 a ragowar darussan kuma yawan kan jaki ta samu. Amina ta kwace result din sakeena da aka raba musu ta bude kowa yagani a ajin suka dunga yimata dariya suna mata ihun jakar ajin lamarin daya saka sakeena kuka haiqan. Kuma wannan yasa sakeena ta xama ware a ajin bata da qawa to a fadar Amina wazai qawa da daqiqiya?




Hajia ☺
[7/31, 2:01 PM] Reine Ghana: 🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀
🙆🏽‍♀MUQADDARI NE🙆🏽‍♀
🙆🏽‍♀2018🙆🏽‍♀
🙆🏽‍♀



4⃣

RAHMATULLAH (Hajia)



Mal Lawan ma dai baiji dadin ganin result din sakeena ba ko kadan duk da yasan bazatai abun arxiqi ba kasancewar anmata tsallaken aji har biyu sannan gashi bata da background na karatu amma kuma be zaton mata faduwa haka wanwar ba, ya bata rai sosai yace "sakeena ya haka? Ya kike nema ki bani kunya? Ana yawan fadan yayan qauye sunfi na birni kaifin basira ke ya aka samu haka daga gurunki?" ta qara qarfin kukan da takeyi tun daxu tace "Baba kayi haquri wlh duk bayanin da ake mana da turanci akeyi ni kuma banajin turanci shiyasa" dake malami ne saiya gane matsalar sakeena wato ba rashin basira bane matsalarta turanci ne matsalarta da xa ai mata da yaranta xata fahimta. Yace "to dakko littattafanki inga abunda ke ciki" ta tashi ta kawo masa, ya dunga budawa yana gani kansa a daure rubutun dake ciki tsilla tsilla wani shafunma head line ne kawai. Da mamaki yake dubanta kanta a qasa yace "yaya haka kuma? Rubutun ma baki iya kwafa?" tace "Baba a baya nake xama kuma idona yayi ta ruwa bana iya ganin rubutun dake kan allo" daya matsata saita fada masa yadda akai ta koma xaman baya. Ransa ya baci sosai, yayi mata nasiha me ratsa jiki na ta dage da neman ilimi dan ita din bata da gata saina ilimi. Daga ranar ya saka xaman karatu da xasu dungayi da sakeena duk bayan isha inta dawo daga islamiyya da suke xuwa tsakanin magrib da isha.



Hutun yayiwa sakeena dadi sosai, da safe bayan ta gama aiyukan gida takan xauna karatun da iya ke koya mata na addini. Da rana kuma suyi hidindimun gida in iyace take girki. Da yamma kuma suje islamiyya xuwa shida, da anyi magrib su kuma xuwa wata islamiyyar sai bayan isha su dawo daganan xatai sallah taci abinci lokacin mal lawan ya dawo suyi xaman karatun boko xuwa 9:30 pm. Yayi amfani da hikima da kwarewa irinta tsohon malamin makaranta yana koyawa sakeena karatu da irin method da yasan xata gane. Kuma kwalliya ta biya kudin sabulu da yake tasa ranta xata iya da kuma ciwon wulaqancin da amina tai mata. Sai dai Baba (mal lawan) kamar yadda suke kiransa ya fuskanci matsalar ido na mutuqar addabar sakeena dan insuna karatun yadda take qura ido dan ganin abunda yake koya mata ko kuma idon yayi ta ruwa, ya tausaya mata kuma yasan matsalar idon tana buqatar asibiti amma kuma shi bashi da yadda zaiyi ya temaketa. Sakeena ta dage dan so take ta fita kunyar Baba kuma tanaso akanta itama taji tana turanci.Da asuba inta idar da sallar asuba bata komawa bacci kamar yadda yan gidan keyi, takanyi bitar karatunta ne na boko dana arabi abunda taga bata ganeba takan tambayi iya ko Baba.



Iya ta fuskanci sakeena nada nasibi domin kasuwar saida kayan miya ta bude sosai. Sakeena ke mata dakan yaji, kuka kubewa da kalkashi da sauransu su quqqula su siyar kuma sanaar na rufa musu asiri babu lefi tunda har tana saiwa sakeena yan kayan gwanjo ta saka.



Yammacin lahdi suna xaune kowa a tsakar gida yayin da iya kewa sakeena kitson komawa makarantar da zasuyi gobe Monday gefe guda kuma sunajin labaran yamma a freedom "mu leqa mugano" sakeena tace "Iya, a rayuwata inaso inji ina karanta labarai a radio ko a TV" iya tana dariya tace "Allah sakeenatu? 😄 kice wata rana dai muryarki xanji a gidan radio?" tace "in shaa Allahu Iya bama muryata kadaiba har ganina sai kinyi a gidan TV" kafin Iya ta bata amsa Amina tayi caraf tace "dake cewa akai miki da irin kwakwalwarki ta kifi ake xama me karanta labarai ko?" Hadixa dake danna waya ta sheqe da dariya tace "au kice diskindarine ce" Amina tana tata dariyar tace "diskindarine lamba 1 ma kuwa" suka hadu suka dunga dariya da izgili. Hajjo na jinsu tana ganinsu amma tai bakam kamar bata gurin, Iya ma tai musu shiru hakama sakeena amma a ranta tasa cewa in shaa Allah xata dage da karatu kodan ta wuce gori.



Ranar Monday Baba har makaranta ya raka sakeena ya fadawa principal din matsalar Sakeena ta raunin ido. Suka tashi har ajin shida home master din ajin ya zabarwa sakeena gurin zama a desk din gaba inda indai akai rubutu xata gani kuma yace dokarsa ce duk wacce ta canja mata gurin xama zai koreta.




Suna bada baya cikin sakeena ya qulle dan tasan yau xataci gidansu gurin Amina gashi ita kuma Allah ya dora mata tsoron Amina kamar mala'ikan daukar rai. Aikuwa xatonta ya xama gaskiya suna fita Amina ta taso ta dungure mata kai tana cewa "sai dai azabar miki kujerar gaba amma kwakwalwa dai ta kifi ce kuma ba xaman gaba ne qoqari ba. Kiyi karatun mugani" sauran daliban dake sit din gaban suka tashi suka barwa sakeenan gun dayar tana cewa "wlh gara in haqura da xaman gaba da inxauna da wannan qazamar intai magana kota bude bakinta kamar inyi amai nake ji" daga haka sit ya zama na sakeena ita kadai dan ta rasa me xama kusa da ita, ta sakata sosai hakan ya mata dadi kuma duk aikin da akai tana qura ido ta kwafa tana kuma ganewa babu laifi.




A duk sanda Nura ya shigo gidan kuwa danyin wani abu takan sunkuyar da kanta cikin faduwar gaban data rasa dalilinta domin tun sanda yayi mata warning bata qara yadda sun hada ido ba, kuma duk sanda ya shigo jikinta zaita karkarwa ta kasa koda motsi har sai yagama abunda yakeyi ya fita.




Suna cigaba da karatu da Baba kullum wanda hakan ke tagixa mata sosai.



Wata ranar asabar da safe ta ta gama aikinta da wuri dan bata koma bacci ba, bayan tayi karatun asuba saita zarce da aikinta ta gama komai har wankinsu ita da iya, Hajjo kawai take jira ta gama saida gasara ta gyara gurin. Tai wanka taje ta shirya cikin t shirt din da iya ta sai mata da zani ta fito domin daukar dumamenta a kitchen ta tarar Amina ta kwaso uniform dinta data gama wankewa yanxu ta shanya ta watsar a qasan tsakar gidan cikin ruwan gasara acewar Aminan wai kayan sun tare mata hanyar shiga bandaki inxata wuce saita sunkuya. Hajjo na kallonta tai wannan abu amma batai magana ba.



Sakeena ta qulle sosai tace"haba Amina yanxu fa na gama wankewa kika xubamun a qasa ai da saikiyimun magana inkwashe ko" Amina daman da tayi hakan ne dan Sakeena ta tanka mata dan wani irin tsanar sakeena takeji kamar ta kasheta. Ta hayayyaqo tace "an xubar din dan ubanki, nida gidanmu har kin isa ki takurani banxa jaka akuya me kwakwalwar kifi sai aikin wankin uniform kwakwalwa bata ja" Sakeena jin anxagar mata uba batasan sanda tayi kan Amina ba, ita kuma daman Aminan abunda take jira kenan dan tafi sakeeena girma tana ganin xata daketa.



Suka fara kokawa sosai, da Hajjo taga sakeena ke jibgar Amina sai tai kururuwa wai azo sakeena xata kashe Amina wanda ihunta ne ya fito da Iya wacce ke sallar walaha da kuma Hadixa da Fiddausi wadanda ke baccin asara. Su Hadixa sukai kam sakeena da duka babu xancen raba fadan, Iya ta fara hawaye tana basu haquri amma ko gixau, ga mamakin Hajjo sai taga duk da sun rufarwa sakeenar su ukun amma basufi qarfinta ba dan fada take daga zuciyarta Amina ta qure haqurinta. Dukanta suke itama dukansu take tun qarfinta. Saddiq hayaniyarsu ta tasheshi daga bacci ya shigo cikin gidan babu bin baasin abunda ya faru ko kuma lura da cewa yan uwansa sun rufarwa sakeena ita kadai, kawai ya samu sakeenan ya kai mata wani mugun duka da qafa tai gefe guda ta fadi. Ya kuma tunkararta yayin da Hajjo ke cewa "yawwa dakarmun abar banxa inkinfi qarfin mace ai bakifi qarfin namiji ba" iya tai saurin shan gabansa da bokitin qarfe a hannunta idanta jawur taci kuka ta daga boiktin tace "wlh inka kuma dukar ya saina kwala maka wannan bokitin, kai mahaukaci ne baka gani yan uwanka sun tarar mata? Kun hadu kuna dukan marainiya"



Deni ya shigo gidan jikinsa sanye da jc ya dawo daga motsa jiki. Ya tambayi baasin meya faru yaga gidan haka a ya mutse? Iya tana kuka ta fada masa duk yadda akai, ya qara tambayar fiddausi tace suma kawai sunga sakeena da Amina na dambe suka shiga. Ya matsa ya sharewa Iya hawaye ya kama kafadarta da hannun sakeena yakaisu daki yace "Iya kiyi haquri xanyi hukunci in shaa Allah hakan baxata kuma faruwa ba kedin uwa ce a garemu sakeena kuma qanwarmu ce" ya tashi ya fita.



Sakeena dai tunda Nura ya kama hannunta, taji wani irin baqon lamari tattare da ita jikinta yayi wani irin sanyi lakwas kamar bata da laka. Haryagama maganganunsa ya fita bata tsinci ko kalma daya ba, saida saki sannan ta maida idonta kan inda ya riqe a hannunta ta dunga kallon gurin kamar Nuranne maqale a gurin.



Yana fita ya ciro USB a dakin Hajjo yayiwa su fiddausi Amina da Hadixa dukan kan me uwa da wabi, Hajjo na bashi haquri da fada masa Amina ce da lefi bai kulata ba saida yaga sun daku sosai sannan ya kyalesu tare da yi musu kashedi da jan kunnen su guji yin hayaniya a gida nan gaba ko cin zarafin sakeena take musu bautar gidansu da suka kasayi. Sannan su guji xubar hawayen Iya. Ya juya ga saddiq yace "kai kuma kana namiji maimakon ka raba dake kai wawa ne saika biye musu ko? Kaiwa kanka kuma kanka kake xubarwa da girma dan inbananan kaine babba" ya juya ya koma dakinsa dake soro.


Tun daga haka Nura ya kwatarwa Sakeena yanci a gidan suka dawo xaman lfyar dole da ita tunda itama sunji da qarfinta, sannan kuma ta dena yiwa Amina dakon jakarta. Lokacin da Aminan ta bata jakarta don ta kai mata gida ta tsaya sheqeqe ta kalli aminan tace "wannan lokaci nayi miki dakon jaka ya wuce dan nagane ke bakisan mutunci ba kuma na dena tsoronki dan kedin xakin roba ce damisar takarda" Amina tayi qus don tasan karansu da sakeena bazaiyi dadiba. Mu amalar sakeena da yan aji kuma tanan kamar da babu me kulata.


Ranar wata alhamis suna xaune babu islamiyya, Fiddausi na yiwa wata mata da tazo gurin kitso. Yaron matar dan kimanin wata 9 sai rigima yake, sakeena ta daukeshi sai jijjigashi take tana zarya ta kyar yayi shiru ta goyashi yayi bacci.



Bahijja tana lura da sakeena tun daxu tunda ta shigo gidan bata xauna ta huta ba sai kaiwa da kawowa take cikin kuzari tana aikin gidan, ta qudure wani abu a ranta. Koda aka gama mata kitson sai tace sakeena ta biyota da Waleed (sunan dan nata) ta rakata gida, gidanta babu nisa sosai layi dayane tsiransu dasu sakeena.




Gidan dan flat me kyau sosai, sai dai da alama matar gidan tana da son jiki dan kaca kaca gidan yake tiles din har ya dafe saboda qazanta. Sakeena ta sauke dan ta juya xata fita, tace "Dan dakata mana sakeena xo ki xauna magana xamuyi" sakeena ta xauna a darare gabanta na faduwa kome ya hadata da wannan yar gayun? Bahijja ta katse shirun ta fara magana "sakeena dama ba wani abu bane na lura da nutsuwarki ne shine nace indai kinaso sai kixo in daukeki aiki, duk wata in dunga biyanki." Sakeena cikin xumudi tace "to Anty xanyi amma wane irin aiki?" Bahijja cikin jin dadin ta samu baiwa a ruwan sanyi ta gyara xama tace "xaki dunga yimin shara da wanke wanke duk wata xan dunga baki 3000" sakeena tai saurin cafe xancen tace "wlh xanyi Anty, amma ina xuwa makaranta kuma xanje in fadawa Iya inta yarda sai inyi" Bahijja tace "karki damu nima ina xuwa aiki, in kin dawo makaranta nima na dawo aiki sai kixo, yanxu sai kije ki fadawa maman naki abunda tace kixo ki fadamun"


Sakeena tana rawar jiki ta zayyanawa Iya yacce sukai da Bahijja, Iya tai shiru bata tanka ba har akai sallar magrib sannan ta kira sakeena cikin nutsuwa tace "Sakeena ba hanaki neman halak xanyi ba, amma ina gudun abunda xaije ya dawo kuma kedin marainiyace wacce na dakko amanarki, xan fadawa malam abunda yace sai muji amma ki kula ban cika san harkar masu kudi ba saboda munajin yadda mazansu da yayansu ke bata yara yan aiki, ki kula ki kare mutuncinki"



Bayan dogon dauki ba dadi mal Lawan ya amince da aikin sakeena a gidan Bahijja da mai gidanta Barrister Adam, duk da yasan Barrister mutumin kirki ne amma Saida yaje da kansa ya kuma danqa musu amanar sakeena ya fada musu kuma marainiyace.


Sakeena ta fara aiki a gidan Anty kamar yadda yake kiran Bahjja tana da yaya Hudu duk maxa 3 na makaranta sai wanda take goyo. Sakeena ta fuskanci Anty irin matannanne masu kafirin lalaci wanda hakan yasa ta xama qazamar qarfi da yaji. Randa sakeena ta fara aiki a gidan babu inda bata wanke ta goge ba a gidan ta yini tana aiki gidan yayi qal.



Jadawalin aikin sakeena shine, a ranakun makaranta sai antaso daga boko take tafiya gidan Anty wato da azahar taje tayi aikinta harta taya Anty girkin rana, sai 3:30 ta dawo gida tai sallah ta tafi islamiyya tana dawowa qarfe shida xata koma gidan har xuwa lokacin tafiya islamiyya kafin lokacin xatai qoqari ta qarasa duk wani aiki da bataiba sannan ta dawo gida, in sunje islamiyya sun dawo kuma tai sallah taje karatu gurin Baba har xuwa 9:30 ta nemi makwanci wanda a lokacin ta gaji tiqis, da asuba bata komawa bacci xatai bitar karatukanta kafin tai aikin gida tai shirin makaranta. A rana kun weekend kuma takan tafi gidan Anty ne tun safe da zarar ta gama aikin gidansu wanda har yanxu ba a dauke mata ba. Hakan yasa Sakeena bata cika xaman gidan ba.



Ranar