You Cannot Download this book untill you login but you can read it .

---

Login Register

da Dattako yake da inada ragowar ya wacce batai aure ba dana aura maka"


Alqali ya nisa ya gama naxartar duk takaddun hannunsa na sakeena yace ya bada hutun awa guda kowa shima xai shiga yayi naxari. Ya tashi ya shige wani daki aciki, kowa ya fita harkarsa wasu kuma suka xauna kamarsu Sakeena kenan.


Iya bakinta har kunne ganin yadda ake wanke sakeena daga zargi. Umma ta Kalli sakeena dake satar kallon Deni shi kuma Sageer yana aikin kallon ta. Tace da Sageer "Muhammadu dan samowa Sakeena dan wani abun mana taci" ya amsa da "To umma" ya tashi da rawar jiki ya fita. Baba da Iya kuwa sai murmushin jin dadi suke ganin sakeena ta samu karbuwa sosai gurin umman Sageer, Deni duk yana jinsu kuma yana gani.


Sageer ya shigo da ledoji niqi niqi, dauke da minerals da snacks ya ajiyewa umma yace "Gashi abata" Umma ta bude tahau rabonsu ga mutanen da suka rage xaune a kotun suma sunci arxiqin sakeena, ragowar ta bawa sakeena, ta bude gwangwanin maltina ta fara sha dan karta gwale umma. Hajjo na gurinta a tsaye amma tana kallon duk abunda suke. Su Hadixa ma haka shi kuwa Deni cewa yake a ransa inama tasa uwarce haka.


Awa dayan da aka diba ta cika Alqali ya fito kotu ta kuma cika maqil.

Alqali yace "Bisa naxartar shedu da kuma xahirin abunda mukaji kuma muka gani wannan kotu me adalci tayi bincike a bisa kafa hujjoji Qur'ani, Hadisai da Sunnar ma aiki (S A W)

Ga kuma hukuncin da shari'ar musulunci ta nadana kamar haka" :

"1.Kotu tayi duba akan takaddun asibitin sakeena kuma ta yadda da ingancinsu saboda haka ta wanke Sakeena daga xargin karuwanci da surukarta tai qararta akai, sannan Hajara xata bawa Sakeena 50k saboda bata mata suna da tayi da kuma korarta daga gidan mijinta wanda silar haka tayi hatsari har qadddarar aure akan aure ta fada mata.

2. Mijin sakeena na biyu yayi kuskure sabida Ya takaita bincike akanta.

3. Ba auren wacce bata cikin hankalin ta.

4. AURE baya tabbata akan wani auren.
Don haka za tayi ISTIBRA'I domin auren ta na biyu bai inganta ba

5. Zata koma dakin mijin ta na farko idan yana da bukatar ta, ba tare da sake daura aure ba.

6. IDAN mijin farko bashi da bukatar ta , ya sawwa ke Mata.

7. Bayan an raba auren su da miji na farko , Miji na biyu yana da damar a sake daura musu aure domin wancan auren ba aure ba ne domin tana cikin alfarmar auren farko, Amma fa idan bai San farko tana da aure ba. Idan kuma Ya Sani tana da aure a halin da tayi hatsari, amma duk da haka ya kutsa ya aure ta , to aure ya haram ta tsakanin ta da miji na biyu domin yayi aure akan aure."


Kotu tai tsit kowa yana nasa naxarin da kuma yadda da hukuncin shari'a kan auren sakeena guda biyu. Sageer ya runtse ido jin aurensa ba aure bane Deni keda hurumin xama da sakeena ya tausayawa kansa da kuma xaxxafar soyayyar sakeena dake cin xuciyarsa.


Shi kuma Deni shima runtse idon yayi yana tunanin lallai shari'a sabanin hankali don so yayi a jefe Sageer saboda ya dandana masa mata har yayi mata ciki.


Yayin da sakeena wani matsanancin farin ciki ya lullubeta jin Deni ne mijinta na yanxu amma sai ta haihu shine cikar ISTIBIRA'INta.


Deni ya bude ido jajur ya kalli Al qali yace "Nikam na haqura da sakeena, nasawwaqe mata, na mata Saki daya banxan iya cigaba da xama da ita ba" Kotu ta dauki surutu na Al ajabin abunda Deni yayi wasu kuma suna cewa gara haka don Deni be dace da itaba saboda uwarsa bata qaunarta. Al qali ya buga guduma akai shiru yace "To sharia ta qare, malama sakeena mijinki ya sake ki saboda haka inkikai haihu wato istibira'inki ya cika xaki iya auren mijinki na biyu ko kuma wani daban."


Sakeena ta farfado daga doguwar suman da tayi na ido biyu, hankalinta yakai kan Deni dake shirin fita daga kotun ta bishi da gudu ta riqeshi xuciyar da idanunta a bushe irin bushewar xuciyar data hangi rasa abunda take tsananin so tace "Yaya Deni ka dubi Allah kayi haquri ka maidani dakina wlh bansan lokacin da Sageer ya aure niba. Kai nakeso ka duba darajar soyayya ka yafemun mucigaba da xama" ya juyo yana hawaye ya cire hannunta a jikinsa yayi waje ya barta durqushe tana binsa da kallon mamaki.


Idon duk jamaar kotu chaa akanta tana kukan rabuwa da autan maxa Deni, wasu na xaginta ganin wannan rashin xuciya tata, wasu kuma sunayi mata uxurin soyayya ce tasata yin duk abunda dai bata da lefi.



Sageer ya xubar da hawayen tausayin kansa da sakeena, ganin duk kansu suna cikin abu daya wato matsananciyar soyayyar wadanda basa sonsu.


Xamu hadu ranar talata in shaa Allah.


Hajia 😊
[7/31, 8:29 PM] Reine Ghana: 🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀🙆🏽‍♀
🙆🏽‍♀MUQADDARI NE🙆🏽‍♀
🙆🏽‍♀2018🙆🏽‍♀
🙆🏽‍♀



2⃣1⃣

RAHMATULLAH (Hajia)


Tuba nake Fadeelatuwa sama Lado

Iya kallon sakeena take cikin takaici kamar ta tashi ta rufeta da duka, Baba kuma duban tausayi yake mata. Yayin da Sageer kejin kamar ya tashi yaje ya kwantar da sakeena a qirjinsa ya lallasheta yasa halshensa ya lashe mata hawayen da take, ya fada mata cewar in da duk mutanen duniya xasu qita toshi xai sota kuma xai riritata.


Yan jarida sukai kan su Hajjo da aka tasa qeyarsu dan tafiya dasu gidan kaso tambayoyi suke mata suna daukarta photo kamar yadda sukaiwa sakeena a wancan xaman. Hajjo dai babu baka sai kunne ta sunkuyar da kanta tana hango ta inda xata samo dubu dari da hamsin ko xaman gidan yari na wata tara. Su Laraba suka xage sunawa yan jarida bayanin mugun halin Hajjo da irin yacce tai asiri na raba Deni da sakeena kamar yadda Hajjon ta fadawa su Laraban lokacin ganyensu yana kore. Suka dunga barwa maxajensu da yayansu wanda suka hallaci xaman kotun sallahu a saida tumakinsu, wasu suce yarinsu na gwal, wasu kuma sutturunsu a hada kudin da sauri axo abiya tarar da kotu ta saka musu a sakesu 🤣 (wuya tallan turmi, kowa ya tuba dan wuya ba lada.)


Su Hadixa kuka suke sunaso suyi magana da Hajjo amma yan jarida sun kewayeta babu dama, Saddiq kuwa yana gefe yana kukan kasancewar Hajjo uwarsa.



Yan jarida sukayi kan Bar Hassana bayan anfice dasu Hajjo, tambayarta suke akan nasarar da suka samu, cikin nutsuwa ta dunga yimusu bayani da kalamai na ilimi ta qara wanke Sakeena tas.


Bar Adam yaje gurin da sakeena ke tsugune har yanxu tana kuka a hankali yace "Ki share hawayenki, akwai duban maxa masu qaunarki da kuma burin samun damar aurenki, Adam yana daga cikinsu, har yanxu ina kan bakana ina qaunarki babu abunda ya ragu ciki, niba Deni bane daxan kasa haquri da qaddarar da Allah ya dora miki. In kin haifi cikin jikinki ki kaiwa Sageer Dansa mukasance ma'aurata ni da ke, inma xaki taho da danki xan riqe miki, nasan yanxu bakya tsoron Bahijja. Xan dunga bibiyarki har xuwa lokacin cikar istibira'inki" ya tafi ya bar sakeena tana bin bayansa da kallo.



Hassana ta gama da yan jarida taxo ta kama hannun Sakeena ta jata suka shiga mota Baba da Iya suka shiga har Saddiq taja suka tafi. Sageer ya sauke ajiyar xuciya bayan yaga tashin motar su. Umma ta kalleshi da tausayin halin da yake ciki na azabar son maso wani, da alama Sageer tasa qaddarar itace haduwa da sakeena da kuma soyayyarta. Maitama, Dr sani da kuma Baffa Ado suma irin tunanin Umma suke.


Sunyi masauki a falon Iya sukayi jugum jugum kowa yana jimantawa wai Deni ya saki sakeena duk halarcin da tayi masa? Iya kuwa sam abun be dameta ba, xaman Deni da sakeena ya gama sure mata tuntuni kuma duk sallar da xatai saita roqawa sakeena xabin Allah akan xama da Deni ko rabuwa dashi. Haukan da sakeena tayi a kotu yafi qular da ita, agaban dubban jama'a ya ya nuna bashi da buqatarta a rayuwarsa, itama kuma a gaban duban jama'a ta nuna ita akuya ce tabi Deni tana roqonsa ya xauna da ita.

Baba ya fara magana "Ashsha! Abu beyi dadi ba, yi haquri sakeenatu banxaci haka daga Nuraddeen ba, nayi fushi dashi na daina amsa gaisuwarsa akan abunda yayi ranar dawowarki, a xatona hakan da nayi xaisa ya nemi yafiyata kuma ya haqura ya xauna dake ganin a dalilin uwarsa iftila'in aure biyu ya fada miki. Ashe duk shirmena nake Nura ya wuce xatona. Kiyi haquri nasan kinason Deni kamar yadda nakeson kasancewarki surukata don hakanne xai baki damar xama cikin xuriyata har abada, amma ba haka Allah ya so ba, yau naji inama na haihu da Hafsatu dana aura miki dan damuka haifa ni da ita." Ya share kwallah yace "Inama ina da wani Dan bayan Deni dana aura miki shi Sakeenatu"


Saddiq ya taso da axama yace "Baba ba gani ba,ka auramun Sakeena kagani na rantse maka da girman Allah xan riqeta hannu bibbiyu baxan bari ko Hajjo taci xarafinta ba balle wasu banxaye su Hadixa, niba Deni bane daxan wulaqanta matata in fifita buqatun san xuciyar Hajjo akan na iyalina, xan bawa kowa acikinsu haqqinsa." kowa kallon Saddiq yake da mamaki har wacce ake abun akanta Sakeena. Baba yayi murmushi me tarin ma'anoni yace "Abbakar saddiqu kaida Deni duk abu daya ne domin kunsha nonon Hajara saboda haka ta saka muku wannan gubar a jininku." Baba da Saddiq suka fita daki ya rage daga Iya sai Sakeena da Hassana.



Iya ta watsawa sakeena mugun kallo ta fita, ta fada jikin Hassana tace "yanxu Anty Hassana lefi ne don xuciya taso abu kuma gangar jiki ta nuna?" Hassana ta girgixa kai ta kalli sakeena cikin hikimar aikinsu tace "A'a abune me kyau sakeena xuciya taso abu kuma gangar jiki ta nuna, amma fa ga wanda yasan soyayyar gaskiya kuma yasan darajar soyayyar, nuna so ga wanda baya qaunarka da gaskiya shirme ne, kuma ba a nunaso tafar daya a xamanin nan musamman ga maxa. Ina nufin hanyar da kike nunawa Deni taki soyayyar ta xama tsohon yayi an daina hakan tun a 19 century. Babu lefi dan kinso Deni amma ki koyi boye soyayya koda anan gaba saboda gujewa fadawa tarkon yaudara. Kuma wlh Sakeena son da kikeso Deni ko rabinsa baya yi miki, da kece haka ta faru akansa nasan xaki rufa masa asiri kiyi masa uxuri ki xauna dashi. Yanxu ta Deni ta qare banaji xai kuma waiwayarki a rayuwarsa kuma hakan tamun dadi kwarai domin bai dace da ke ba ko domin uwarsa da yan iskan qannansa. Dan Allah ki danne soyayyarsa ki bawa Iya hadin kai ku fita harkar Hajjo da yayanta ki fara sabuwar rayuwa, ki tuna sakeena inso cutane haquri magani ne. Kuma akwai dubban maxa sunanan suna jiranki, ga Bar Adam, Sageer sannan yaya Ahlan shima ko yanxu kikace masa kulle xai amsa miki ga kuma sabuwar soyayyar matashi Saddiq" ta qarasa tana dariyar zolaya. Hassana bata gushe ba tana lallashin Sakeena da yimata nasiha cikin hikima har sai da taga jikin Sakeena yayi sanyi kuma kalamanta sun ratsata. Tai musu sallama ta tafi tace acikin satinnan xata koma Lagos tunda angama shariar kan ta tafi xato musu sallama. Sakeena tai mata godiya sosai Iya kuwa har bakin mota ta raka Hassana ta dawo.


Ta samu Sakeena tayi xurfi cikin tunanin rabuwa da Deni kamar a mafarki wai aurensu ya qare, ta tuna lokacin baya da suke kwana da yunwa tare, inya dawo daga kasuwa ya dorata a cinyarsa suyi ta hira ko suyi kallo ta tuno yadda yake wanke mata tufafinta ya goge. Wlh ta gwammace tayi ta xama da Deni tana kwanan yunwa da ya rabu da ita ko kuma suyi irin xamansu na kaduna da baya kulata. A fili tace "Yaya Deni ina sonka ban manta alkhairinka ba har wankin kayana kayimun." Iya dake kanta tace "Ke kam xuciyarki kare ya cinye sakeena kowa ya budi baki sai yace kinason Deni, ban tabajin wanda yace Deni na sonki ba. Wace irin xuciya ce gareki mayatacciya? Menene a jikin Deni wanda babu shi ajikin sauran maxa da kika nace masa haka? Sai anyi magana kice har wanki yayi miki, wankin banxa, menene wanki a cikin sadaukarwar soyayya? Ga wanda daga tsintarki yayi miki hidimar kudi da hidimar gabar da Deni be taba yimiki koda kwatansa ba, kuma ya rabaki da lalurar ido. Wai ku yaran yanxu me kuka dau soyayya? Meyasa kuke nacewa wadanda basusan ciwonku ba? Sakeena ki sani fa inda ake sonka anan kake mannewa ka xauna, kuma duk cikar kamalar mutum, darajarsa, addininsa, nasabarsa da kuma kyansa a inda ake sonsa wadannan abubuwa dana lissafa suke tasiri. Kuma ki sani wlh Sageeru ba ajinki bane yafi qarfinki qaddarace ta hadaku kin xauna kin mannewa wani banxa Deni jikan boka da yar bori. Abu na qarshe shine kin rabu da Deni har abada, kuma idan kika kuma yimun xancen Deni a dakin nan sai naci ubanki, xan gani in sai dashi xaki rayu, shegiyar yarinya kai marar xuciya"


Sakeena ta fashe da kuka a ganinta akan me Iya xatai mata fada akan abunda ba ita ta dorawa kanta ba balle ta yayewa kanta. Tayi fushi taqi cin abinci ta takure sallah kawai ke tashinta daga gurin, idonta yayi luhu luhu saboda kuka.


Xuwa bayan Isha Iya ta gama qulewa da abun na sakeena, ta kaiwa Baba abinci ta shigo daukar wayarta ta jiyo Sakeena tana cewa "Na shiga uku bani da kowa babu Gwaggo, babu Baba, babu Nura gashi na kuma a qarshe na kuma rasa ya Deni"



Iya ta rufe Sakeena da duka iya qarfinta tana cewa "Dan ubanki dan kinga bana dukanki, dan kin rasa Deni xaki yini kinamun kuka da qunci? Kunci ubanku ke da Denin shegiya mara xuciya wacce batasan ciwon kanta ba. Mudai ba gurinmu kikai gadon wannan soyayyar ba ta rashin xuciya, da yana sonki xai rabu dake ne tunda a gabansa akai komai kuma kotu ta tabbatar bakya hayyacinki kikai aure biyu. Ita Hajara yayanta sun goya mata baya sun bata hadin kai duk da cewar ba alkhairi take ba amma ke kinqi bani hadin kai in kwatar miki yanci? Denin qanin uwarki ne kona ubanki?"



Baba da Saddiq ne kawai a gidan sukayo dakin da gudu ceton Sakeena, Iya bata fasa dukanta ba duk maganar da Baba keyi don ta xuciya. Saddiq yace "Iya da ciki fa jikinta kike mata wannan dukan" fadar haka jikinta yayi sanyi Baba ya janyeta, Sakeena ta kwanta a gurin tana kuka da mamakin wai yau Iyace ta daketa abunda bata taba yimata ko fada ba, lallai ta qure haqurin Iya. Ta tuna bala'in da Iya ta shiga akanta har marinta akai a cikin gidan aurenta akan Sakeena. Ta auna taga sam bataiwa Iya adalci ba data xauna tana sakata bacin rai akan Deni, Denin me? saikace Denin farko da taketa fuskantar matsala akansa. Shi ya bawa uwarsa hadin kai da yan uwansa yayi musu abunda sukeso wato rabuwa da ita, amma ita ta kasa marawa tata uwar baya, Hajjo fa har gori taiwa Iya da cewa ta haifi nata Dan ko sakeena ta maganta mata tunda tace yartace.


Wannan shine tunanin da sakeena tayi har xuwa tsakiyar dare, ta miqe jikinta xafi rau kanta na ciwo taje uwar daki Iya tana bacci ta kwanta a jikinta tasa kuka. Iya itama baccin nata rabi da rabi ne saboda da halin da sakeena ciki. Ta tashi ta kunna fitilar wayarta ta dubi sakeena. Sakeena ta saki kuka tace "Iya Dan Allah ki yafemun, na tuba ke kadai nake da ita, inkakai fushi kika juyamun baya wanene xai tallafeni ni da maraicina da kuma raunina? Ko kare bani dashi dana sani daga dangin uwata dangin uba kuma" Iya ta toshewa Sakeena baki ta share mata hawaye tace "Na haqura amma sai kinyi alqawarin xaki cire Deni daga xuciyarki" da sauri Sakeena tace "Nayi miki Iya" ta shafa kan Sakeena ta dakko furar data bayar aka siyo mata saboda tasan bataci abinci ba, ta bata tasha ta bata paracetamol tasha ta kwanta kusa da Iya.


Sassafe saiga su Hadixa faran faran sun shigo, sukaje dakin Baba suka gaisheshi ya amsa musu tare da tambayar a ina suka kwana. Sukace can Bachirawa sukaje gidan kakanninsu suka fada musu abunda ake ciki saboda a hada kudin tarar karbo Hajjo. Ya jinjina kai yace "Ban baku damar kwana a waje ba duk inda yamma tayi ku dawo gida, baxan rabaku da uwarku ba ko hanaku xuwa gareta amma ayi abu na hankali" suka amsa sukayi soro dakin su Saddiq.



Shi kadai suka tarar a dakin suka tambayeshi ina Deni yace "Rabo dashi tun jiya a kotu" Hadixa ta dafe qirji tace "Tun jiya muke kiran wayarsa a kashe, dama xancen biyan kudine dan a sako Hajjo, munje Bachirawa ko dubu biyar ba'a hada ba a duk gidan. Shine mukeso kai da shi ku hada a sakota ta jigata kuma jiya da ana sakata a mota tace duk yacce xamuyi muyi a fito da ita" Saddiq ya dubi Hadixa bayan ta gama magana yace "Hadixa yanxu ni dana gama makaranta nake xaune bana aikin komai me xa a samu a gurina? Wlh ko dubu daya bani da ita balle 150k, ban ajiye ba ban bawani ajiya ba. Ban yadda banyi da Hajjo ba ta janye qarar nan amma taqi saboda kuna xugata, dan haka babu ruwana kuda kuka tayata kai qara saiku fito da ita" suka tashi suka koma daki sukai jugum jugum. Tun jiya suke yawan neman kudin fansar Hajjo amma ko 10k basu hada ba sun xaga ko ina a dangi na kusa dana nesa.



9:13 AM Umman Sageer da kuma shi kansa Sageer din sukai sallama gidan, Iya ta karbesu da fara 'a tai musu masauki a dakinta, Baba ya dan fita yanxu.



Sakeena datai kwanan yunwa jiya yau tayi tashin wuri tayi wanka Iya ta soya mata wainar fulawa tana ci. Idon sageer ita ya fara gani tana xaune a falon sanye cikin doguwar rigar atamfa tana kurbar Lipton ga faranti gabanta shaqe da wainar fulawa da manja, kallo daya tai masa ta dauke kanta, yana sanye cikin shadda ruwan qasa dogon dinki ya kafa hula sai tashin qamshi yake.


Suna xaune ana gaisawa saiga Baba ya shigo, yayi musu iso dakinsa suka shiga can. Sageer dai bai fita yana xaune yana kallon sakeena babu ko qiftawa, ta gyara xama ta takure jikinta dan a takure take da kallon da yake mata, tagaji tace "Nifa wlh natsani mutum me kallo"



Sageer yayi dariyar cin nasara sakeena yau tayi masa magana, ya xuba mata wani murmushi yace "Yi haquri ranki ya dade, ke dince ko mutum beyi niyyaba saiya kalleki" ta murguda baki.


Baba ya kwallo mata kira, ta miqe ta fice Sageer ma ya bita. Ban haquri ne dai Umma tayi akan kuskuren Sageer wanda silar hakan yajawa sakeena mutuwar aurenta. Iya ta amsa bata da babu komai haka Allah ya tsara kuma ya qaddarawa sakeena aure acikin aure kuma harda rabon ciki. Umma tace "To mufa munyi shirin komawa gida yanxu xamu dau hanya in shaa Allah kuma shima Muhammadu xai wuce Lagos saboda aikinsa. Ta dakko kudi ta ajiye tace, gashi wannan inji Muhammadu yace akula da sakeena da kuma abunda yake cikinta, kuma in shaa Allahu xamu dunga xuwa dubata"



Baba ya tari Umma yace "A a aiko Sageeru be bada komai ba xamu kula da sakeena saboda yayi mata wahala tun kafin yasan ko wacece ita mungode kwarai da kulawarku, kuma xumunci ya hadamu xamu dunga yinsa har abada" Sageer ya matso yace "Baba indai ba fushi kukai ba akan nayi silar mutuwar auren sakeena to ku karba saboda haqqina ne inkula da sakeena da abunda ke cikinta tunda Danane" jin haka Baba ya karbi kudin hannun Umma yan dubu dai dai sinqi daya (100k) sun rabu a mutunce anason barka sukai exchangin phone number saboda tuntubar juna, Sageer har yabar gidan yana waiwayar sakeena dake cikin farin cikin ficewar Sageer daga rayuwarta dan ta tsaneshi over saboda yayi silar rabuwarta da Deni, amma fa inta tuna da cikinsa jikinta sai jikinta yayi sanyi taga kuma fa ana jika.



Amina da Hadixa suka sauke labulen dakin Hajjo bayan sunga fitar su Sageer. Da sauri Amina ta doshi uwar daki, ta fara birkito kayan cikin sif din Hajjo da kuma shirgin qarqashin gadonta. Hadixa tana tambayarta lfy? Tai mata banxa, saida ta xaqulo abunda take nema wato takaddar gonar Hajjo sannan ta maida kayan ta xauna tace "Gonar Hajjo xa a siyar a biya kudin fansarta tunda mun buga bamu samu komai ba" Hadixa ta zaro ido tace "Ke kin isama? Gonar da akace sai bikina za a siyar aimun kayan alfarma tunda gidan masu kudi xanje" Amina tace "Haka kema baki isa ba wlh, dole a fito da Hajjo, saboda duk cikinku babu wanda bataiwa rana ba kuma ta mora masa sai ni, saboda haka nima yanxu naga abunda nakeso dole abiya kudin fito da ita taxo ta shiga ta fita ta samomin soyayyar SAGEER"



Hadixa ta qara waro ido tace "Sageer din Sakeena kike nufi?" Amina ta tareta tace "Karki qara hada Sageer da sakeena domin aurensu ba aure bane kuma anrabashi, dan haka sageer na Amina ne bana sakeena ba in shaa Allahu" Hadixa ta qurawa Amina ido tace "Saboda kinga yana da kudi ko? Kinji ya siyawa sakeena xoben 176k a matsayin sadaki?" Amina ta sharce kwallah tace "A a Hadixa, wlh ko Sageer bashi da ko sisi ina sonsa, soyayya nake masa ta gaskiya, xan iya komai dan na sameshi, bantaba ganin namijin da yayi dai dai da tsarin irin mijin danakeso ba sai Sageer dan haka xanyi fafutukar fito da Hajjo ta samamun soyayyarsa." (hmm illar koyawa danka mugun abu kenan, kunji fa don ta samar mata soyayyar sageer xata fito da ita badan ya dace ta fito da itan xata fito da ita ba. Allah wadan naka yayi expire)


Hadixa ta danyi gajeran tunani irin nata na mugunta tace da Amina "Ina bayanki tashi muje" suka rufo dakin suka dau hanyar neman me siyan gonar Hajjo ba tare da shawarar kowa ba ko saka namiji acikin harkar.



Suna tafe Amina na tunanin Sageer tana qissima siffarsa aranta. Handsome wanda duhun fatarsa be hana kyansa tasiri ba, matsakaici a tsawo da kuma qiba kamar yadda hakan be hana nuna kyan dirinsa bayyana ba wato me faffadan qirji da cikar gabobi, a kallon qurullar da tai masa jiya a kotu ta gane jikinsa jike yake da gargasa, ya tara sajensa har xuwa gashin bakin da maxa irinsu yan gayu ke tarawa su kuma gyara, kana kallon idon Sageer xaka gane dan soyayya ne, ma'ana yan gani kasheni a soyayya wanda insuka fara sukan iya yin komi kan abunda sukeso. Haqoransa jerarru ne kamar na Aminan (a tunaninta) kuma masu haske wadanda ke haske fuskarsa inyayi dariya, sumar kansa cike take kamar yadda gashin girarsa suka kusa hadewa saboda cikarsu. Wannan shine tunanin siffar sageer da Amina take. Yayin da Hadixa ke mata bayanin cewar indai har burinsu ya cika, ita ta auri Yusuf ita kuma Amina sageer to ai babu komai dan ansaida gonar Hajjo tasan gidaje ma sai sun saiwa Hajjo tunda duk masu kudi suke hari. Ta qara da cewa "Allah kuwa Amina kinyi dogon tunani da