You Cannot Download this book untill you login but you can read it .

---

Login Register

tak'i sanar da ita,
sai cewa tayi kawai ya tuno mata da Momynta Zainab ne,
sama-sama sukayi hira da Doctor Jennifer, dan ba sosai Zarah ke bata amsa ba,
dan hankalita gaba d'aya baya jikinta,,
ganin da da Doctor Jennifer tayi ne yasata mik'ewa had'i dayi mata sallama.
bedroom Zarah ta shiga ta fad'a kan bed ta fasa kuka mai cin rai,,
tana tunnin abinda tayiwa Naseer akan Zainab bata kyauta ba,
shi saboda ita ya hak'ura da zafin zuciyarsa, ya kuma danne k'in dayake yiwa Zainab yasa sunanta saboda farin cikinta,,
meyasa itama bata bi zab'insa dan farin cikinsa?
meyasa bata fara tambayar shi zab'in ransa akan sunan daya san sawa yarinyar sa ba?
meyasa tayi haka?


Ta k'ara fashewa da kuka, sai da tayi kukan harta gaji sannan ta mik'e ta nufi bedroom d'insa idanuwanta duk sun kumbura sunyi ja,
a parlor ta iske shi, ya kwanta akan sofa had'i da lumshe idanuwansa yana sauraran karanta Qurani,,
a hankali ta zube a gabansa bisa gwiwoyinsa had'i da fashewa da kuka,
da sauri ya bud'e idanuwansa yace " Zarah lafiya meke damunki?
baki da lafiya ne?


Yayi maganar a lokaci d'aya, cikin kid'ima,
ta kasa yin magana sai kukan datake yi, a hankali ya d'ogota ganin idanuwanta sunyi masifar yin ja sun kumbura ne ya k'ara d'aga mai hankali,,
a rud'e ya shiga tambayarta abinda ke damunta,
a hankali cikin muryar kuka tace " I really sorry, am so sorry,
"da kikayi min me? kike bani hak'uri,
cikin kuka tace " ni dai dan girman Allah kayi hak'uri ka yafe min,
idan baka san sunan ka canja dan Allah,
rungume yayi a k'irjinsa yana sauke ajiyar zuciya had'i da bubbuga mata bayanta yana rarrashinta, kawai batare dayace komai ba,
a hankali ta d'ago kai cikin kuka tace " ka tamabayi ni har kai sun fi ka,,
wallahi duk duniya bani da kamar ka,
kai ne, uwata, kai ne ubana, ka so ni a lokacin da kowa ya k'ini,
baka tab'a juya min baya ba, kai haske ne a rayuwata, kaine, rayuwata, duniyata, farin ciki da walwala ta kai ne komai nawa,
ina sanka fiye da komai da kowa,
you are my everythings, I love you more most,
ban iya had'a ka da kowa a rayuwata,
ban iya had'a sanka da komai a duniya,
ta k'arashe maganar cikin kuka,
a hankali Naseer ya maida ita jikinsa yana murmushin jin dad'i,
cike da matsanancin farin ciki ya shiga rarrashinta,
dan shi dama a maganar babu abinda yafi b'ata masa rai sai cewa datayi bata da Mannir da Zainab a duniya,
tun da nan Zarah da Naseer suka shirya suka d'inke suka koma fiye da baya,,
suka shiga nunawa junan su tsantsar so da kulawa,
babu mai b'ata ran wani, kowa burinsa ya farantawa d'an uwansa.



BAYAN SHEKARA D'AYA



Sosai Nailah tayi, dan har ta fara tafiya da magana irin ta yara,,
yayinda sosai Dady ya matsawa Naseer akan ya dawo Nigeria,
sosai Dady da Momy suka yi masifar matsa masa lamba akan lalle sai ya dawo Nigeria,
a rana Dady da Momy sai su kira shi yakai sai 10 suna nanata mishi maganar lalle ya dawo Nigeria,
yauwa suna zaune wayar Naseer tayi ringing, a hankali ya kalli wayar sannan ya kalli Zarah,
murmushi tayi dan tasa kowaye, itama a ranta tana maaifar san komawa Nigeria musamman ma yanzu data tara iyali,
kuma tasan ganin Ikram, Momy, Dadynta, da kuma Abbanta,
da sallama a bakinsa ya d'aga wayar,
jin muryar Momy na kuka yasa Naseer saurin mik'ewa had'i da cewa " Momy lafiya dai?


Cikin kuka tace " Naseer Dadynka bashi da lafiya sosai,
sai dai a kwantar dashi a taya, ko hannunsa baya iya motsawa,
Naseer ko wanda ke kansa Alhaji baya iya ganewa ta k'ara fashewa da kuka,
ai take hankalin Naseer yayi mugun tashi, gaba d'aya jikinsa ya d'auki muguwar tsuma da kerrrma,,
ganin haka yasa Zarah mik'ewa itama tana kallansa dan tasan ba lafiya,
gabanta ya shiga fad'uwa yana dukan uku-uku addu'arta d'aya Allah yasa ba wani mummunan abun ne ya faru ba,,
cikin tashin hankali Naseer yace" Momy bashi wayar, k'ara fashewa da kuka tayi tace " tayaya zai iya amsar wayar bayan bai ma san inda kansa ba,
balle yasan wanda ke kansa, cikin kuka ta kuma cewa " dama last week da muna magana yace wata k'ila rabon ganawar mu da Naseer ne ya k'are,,
bamu da rabon sake ganin juna ido da ido,
idan na mutu ya ai dolensa yazo, Momy ta k'arasa maganar cikin rikitaccen kuka.


Cikin tashin hankali Naseer ya kashe wayar dan bazai iya jure sauraren kukan Momyn sa,
a firgice Zarah ta kalle shi tace " lafiya kuwa?


Idansa wanda ya gama yin ja ya kalle ta dasu had'i da cewa " Dady ne ba lafiya sosai, yayi maganar muryarsa na cracking,,
da hanzari yace "had'a mana kayan mu, yayi maganar yana saka kayansa,
yana gamawa ya d'auki wayarsa da key d'in mota yayi waje.


Momy na kashe wayar ta kalli Dady dake zaune gefe yana shan fruits,,
tace " nasan acikin satin nan zakaga shi, dariya Dady yayi had'i da cewa MATA!!! kenan akwai basira,,
kinga ni ai nayi na gaji amma ke kina gwadawa gashi anyi nasara,
murmushi kawai Momy tayiwa Dady batare data k'ara cewa komai ba.


Kasancewar a kwai kud'i a ranar Naseer ya gama musu komai na tafiya,,
ba shi ya dawo gida ba sai wajen 1:30am,
a parlor ya iske ta tana ta safa da marwa tana tunnin ko yana lafiya, dan bai tab'a kaiwa wannan lokacin a waje ba, gashi dama a birkice ya fita,,
ko had'a kayan ma su Warda da Rosling tasa suka shirya musu gaba d'aya kayan su dana yaran,
kayan Naseer kawai ta iya shiryawa da kanta, a waya ta kira Doctor Jennifer ta sanar da ita halin sa ake ciki,
tana ganin shi ta k'arasa da sauri tana sauke ajiyar zuciya,
sannu da zuwa tayi masa had'i da kai shi bedroom yayi wanka ya shirya, sannan ta kai mishi abinci yad'an ci kad'an,
kallanta yayi cikin sanyin murya yace " gobe around 11:00am jirgin mu zai tashi,
kai kawai ta d'aga masa,,
sai can kuma tace " ya zamuyi da su Warda?


Shiru yayi yana d'an nazari kafin yace " dole sallamar su zamuyi dan bamu san lokacin da zamu dawo ba,
tace " nima dai haka nake ganin yafi sauk'i.


Washe gari tun asuba Zarah ta tashi ta fara shi, tana k'ara kintsa komai,,
k'ara kiran Doctor Jennifer tayi ta sanar mata time d'in dazasu tashi,
itama da wuri ta shirya ta zo gidan,
tare suka gama shirya kayan,
around 10:00am Naseer ya fito bayan ya gama shirinsa sannan yasa su Warda suka kai musu gaba d'aya kayan su mota,,
bayan sun gama shirya kayan a mota ne, Naseer ya basu kud'i masu yawan gaske sannan ya sallame su,
sukayi godiya sosai had'i da bak'in cikin rabuwa da iyayen gida adalai na gari,
key d'in gidan Naseer ya bawa Doctor Jennifer yace" mata please kiyiwa mai gidan bayani sannan kice masa na saki gidan,
dan Allah kad'ai yasan ranar dawowarmu,
amsar key d'in tayi had'i da cewa "okey,
a Airport sosai Doctor Jennifer da Zarah suka sha kukan rabuwa, kamar ransu zai fita haka suka rink'a risgar kuka,
gwanin ban tausayi, har suka shiga jirga, jirgin ya d'aga Doctor Jennifer na nan tsaye tana sharar kwalla,
haka Zarah acikin jirgin taita kuka,
sai da yaran suka dameta da tambayar abinda ke damunta sannan tayi shiru.


_Dama hausawa sunce sabo turken wawa_



*NIGERIA 🇳🇬 (K'ASAR MU TA GADO)*


K'arfe 5:40 jirgin su yayi landing a Aminu Kano International Airport,
Zarah na fitowa daga cikin jirgin ta shak'i daddad'an iskar k'asarta abin alfaharinta,
ta lumshe ido had'i da sauke ajiyar zuciya mai k'arfi wacce har sai da Naseer ya kalle ta,,
murmushi tayi masa, shima ya mayar mata da martanin murmushin batare da kowa yace komai ba,
sai yaran dake ta faman surutu, Naseer ya rik'e hannun Noor da Nouwaf, Zarah na rik'e da Na'eem da Nailah,
suna fita harabar Airport d'in Naseer ya hango driver'n su,
da sauri ya nufe.


Cak Zarah ta tsaya had'i da rik'o hannunsa cikin nata tana kallansa,
shima tsayawar yayi had'i da kallanta,
cikin rawar murya tace " Sweetheart ya zamuyi dasu Noor da Nouwaf? kasan fa ba'a san dasu ba,
tun da har yanzu babu wanda yasan ni ainahin Zarah...........




MOMYN ZARAH


```GADAR ZARE!!!```

_(IT'S ABOUT DESTINY,HYPOCRITES, BETRAYALS, LIARS)_



~NA~



*HAUWA A USMAN*
_JIDDARH_



*🌈KAINUWA WRITERS ASSOCIATION✍🏻*


Facebook: Hauwa A Usman Jiddarh

Gmail: Jiddarh012@gmail.com

Wattpad: HauwaAUsmanjiddarh



*GARGAD'I*


```MATAN AURE KAWAI, BAN YARDA 'YAN MATA KO UNDER AGES, SU KARANTA BA```



~DEDICATED TO~
*AISHA A BAGUDO*



*BEST FRIEND FOREVER & EVER*
```ZAINAB ABDULWAHAB SHAGUMBA```
*~(UMMU AMAN)~*






70





Shiru Naseer yayi na d'an wani lokaci,
kafin yace " cikin biyu dole ayi d'aya ya k'arasa maganar yana kallan ta,
itama shi take kallo idanta cike da alamar tambaya,
tace " uhnnnn ina jinka,
ajiyar zuciya Naseer ya sauke sannan yace " ko dai mu sanar dasu Momy gaskiyar al'amari ko kuma mukai su Nouwaf da Noor gidan Asheer abokina,
kallansa Zarah taci gaba dayi batare datace komai ba,
"ya kuma kika yi shiru? cewar Naseer yana kallan ta,
ajiyar zuciya itama ta sauke had'i da kallan yaran tace " hmmmm kana ganin kai su gidan Asheer d'in shine mafita?


Murmushi Naseer yayi wanda ya k'ara fito da tsantsar kyan fuskarsa gami da yarintarsa,
sannan ya kalle ta yace " ni fa zab'i na baki dan ma karna yanke hukunci kai tsaye kiga kamar banyi maki adalci ba,
"to amma dai kasan halin Na'eem da shegen surutun tsiya kana ganin bazai fad'a ba?
shiru Naseer yayi yana ci gaba da kallanta,
dan ya gano manufarta, san rabuwa da yaranta ne batayi shine take ta wannan 'yan kame-kamen,
cigaba da magana Zarah tayi " kuma kasan a yadda suka saba a tsakaninsu ma babu yadda za'ayi a raba su kasan bazasu tab'a jin dad'i ba matuk'ar basa tare da junan su,
shi dai Naseer ido kawai ya zuba mata yana kallan yadda take ta faman rirrik'e su kamar wani zai kwace mata yaran.


Kwata-kwata Zarah bata kula da yadda Naseer ya zuba mata ido ba,
ta cigaba da magana " kuma ma ni banga wani amfanin b'oyewa ahalin mu gaskiyar al'amari ba,
tun da dai mai afkuwa ta rigada ta afku,
kawai mu sanar dasu gaskiya dan ina ganin hakan ne kad'ai mafita,
dan........ d'ago kanta datayi taga yadda Naseer ya zuba mata idonunsa ne ya hana ta k'arasa fad'ar abinda tayi niyya,,
hannuwanta ta hard'e a k'irjinta, ta zuba masa idanuwanta itama had'i da d'aga masa gira d'aya,
murmushi yayi had'i da cewa " oh ikon Allah wai su Zarah har an san dad'in 'ya'ya,
Oh ni Naseer yau naga ikon Allah, ya fad'a yana dariya,
cikin shagwab'a ta tab'e baki had'i da fara diddira k'afarta a k'asa,
dariya Naseer yake sosai yama kasa magana, sai Na'eem ne yace " sorry sweet Mom, Dady ne ko?


Cikin dariya Naseer ya shafa kansa had'i da cewa " no son, bani bane ku ne,
ya fad'a yana nuna sauran yaran,
Noor tace " Dad me muka yi mata?

" Sanku ne yayi mata yawa harta manta da kanta tana 'yan kame-kame,
sosai Zarah ta fara kukan shagwab'a had'i da cewa " Allah ba haka bane, kawai bana san a raba min kan yara na ne,
kuma gashi sun riga sun saba da junansu, idan aka raba su bazasu ji dad'i ba,
tayi maganar cike da shagwab'a da yarinta,
dariyarsa Naseer ya kanne ganin da gaske kukan takeyi yace " ayya na fahimce ki, I'm so sorry nine ko?
ya fad'a yana goge mata hawayen fuskarta, had'i da rungume ta a k'irjinsa,
" to yanzu dai meye mafita? tunda naga baki san rabuwa da yaranki abar maganar kai su gidan Asheer,
a sake samo mafita,
da sauri Zarah ta d'aga kanta daga k'irjinsa tace " yawwa, kasan meya kamata ayi?


"A'a Naseer yace yana kallanta,
" kawai muce yaran sister nace, shine da zamu taho suka mak'ale suka ce sai sun biyo mu,
saboda akwai shak'uwa da sabo sosai a tsakanin su da Na'eem,
kuma ko can Holland yawanci sunfi zama a gidan mu wajen Na'eem ko school d'insu d'aya kuma tare suke zuwa,
ta k'arasa maganar tana kallan kwayar idansa,
ajiyar zuciya Naseer ya sauke had'i da cewa " wow that is amazing, gaskiya wannan shawarar taki tayi,
kanki yana ja sosai, ya fad'a yana yi mata murmushi,
Zarah ta bud'e baki zatayi magana, Noor tace " I'm very tired Mom, my legs are shaking and I need to rest,
Nouwaf ma yace " I'm very hungry Dad,
da sauri Naseer da Zarah suka saki juna had'i da kama hannun yaran suka k'asara inda motar take suka shiga.


Zainab da tun ranar da Mannir ya dawo ya sanar da ita Naseer da Na'eem sun tafi batare daya samu damar d'auko mata Na'eem ba,
ta shiga cikin matsanancin hali da muguwar damuwar da suka haifar mata da ciwo
wanda kusan kullum a kwance take yau da lafiya gobe ba lafiya,
kwata-kwata bata iya cin wani abincin kirki, ta daina kwalliya, wanka kawai take yi, ko mai bata shafawa balle hoda,
dan wani lokacin ma dakyar Mannir ke matsa mata tayi wanka ta canja,
sosai tayi muguwar rama ta k'ek'ashe kallo d'aya zakayi mata ta baka mugun tausayi duk tsananin k'iyayyar da kake mata,
ga gidan ita kad'ai dan har lokacin Ikram tana gidan su Momy da Dady,
idan Mannir ya tafi aiki sai gidan ya zame mata so lonely,
duk kewar yaran ta ya dame ta, taji kamar tayi hauka,
danasani da danama ko tayi su sunfi dubu, dan ba k'aramin hauka da kuka tayi ba, har dai daga k'arshe ta dangana,
tun da Mannir ya sanar da ita Naseer zaizo da matarsa daya aura acan gabanta keta muguwar fad'uwa,
haka nan taji wani mugun tsoro da fargaba sun shigeta a lokaci d'aya.


Sosai taji hankalinta yayi mugun tashi, hankalinta yak'i kwanciya,
ranar da su Zarah zasu iso kuwa ji tai gaba d'aya jikinta ya d'auki rawa da kerrrma gami da muguwar tsuma,
haka nan taji ta shiga mugun tashin hankali, gabanta ya tsananta fad'uwa,
amma duk da haka da Mannir yace mata tazo suje gida taryar Naseer k'iyawa tayi,
saboda yadda take jin jikinta, lokaci d'aya zazzab'i da ciwon kai mai mugun zafi ya shigeta,
ta shiga rawar sanyi tana kerrrma a cikin bargo wanda ita kanta ta rasa taka mai-mai dalilin faruwar hakan,
wannan dalilin ne ya hana Mannir zuwa tarbar su Naseer ya tsaya jinyar matarsa.


Motar su Zarah nayin parking a harabar gidan gabanta yayi muguwar fad'uwa,
take ta shiga zubar da kwalla had'i da sauke ajiyar zuciya da k'arfi,
hannunta Naseer ya rik'e gam cikin nashi had'i da zuba mata idan shi cikin nata,
cikin sanyin murya ya kira sunanta " Zarah,
a hankali ta d'ago kanta ta kalle batare datace komai ba,
yayinda hawaye keci gaba da zuba daga idanta,
hannu Naseer yasa yana goge mata hawayen yace " Zarah you have to be very strong until we done our plan,
kika iya jure rashin mijinki dana d'anki na cikin ki wanda kika durk'usa kika haifa da kanki ma,
balle wasu mutane k'alilan, dan Allah ki daure ki kawar da kanki daga kan kowa,
ki jure ki bani had'in kai, kamar yadda kika jure a abaya please,
kai ta d'aga masa had'i da cewa in sha Allah I will try my best,
" yawwa my matar, ya fad'a yana goge mata hawayen ta, sai da ta saita kanta sannan suka fito suka jera rik'e da yaransu,
cike da tsokana Naseer ya kalle ta yace " yawwa ko kike fa, ai daman nasan zaki iya tunda kika iya jure rashin mijinki da kuma...... ya fad'a yana kanne mata ido d'aya had'i da d'age mata gira d'aya,
basarwa Zarah tayi itama tace " me kenan?


Dariya yayi sannan ya kalle ta yace " ai nasan kinyi mugun missing d'inta,,
"ni fa bangane abinda kake nufi ba, Zarah ta fad'a tana kallanshi ido cikin ido,
hantsar wandonsa ya kalla had'i dayi mata nuni da hannunsa yace " nan!
baki ta tab'e had'i dayin rolling lulu eye's d'inta tace " still am don't understand what you mean,
kai tsaye Naseer yace "Buret!
wani guntun murmushi Zarah tayi had'i da dafe k'irjita tace " abin amaii, ni bana so akai kasuwa,
dariya Naseer yayi sosai sannan yace " ah wallahi k'arya ne, tunda har akan bani maganin k'arfin maza saboda tsabar jaraba da kuma missing d'in buret, kina so a ci ki takai miki karo kiji ta har wuya,
aiko kin ciyu, kin had'u da jarumin jarumai,,
, zakin zakuna, ingarmar maza, gwarzon namiji tayi miki fata-fata,,
har da su zuwa hospital jinya,
cikin shagwab'a Zarah ta kai masa duka Naseer ya goce yana dariya,
dai-dai loakcin Dady da Momy suka fito.


Momy na d'ora idanta akan Zarah tayi baya zata fad'i saboda tsabar kid'ima da tsananin rud'ewa,
cikin firgici Dady ya taro ta, duk da shima kad'an ya rage ya zube k"asa wanwar, dan hankalinsa yayi mugun tashi,
daga Zarah har Naseer sun lura da yanayin dasu Dady suke ciki amma sukayi fuska kamar ba wani abu,
cikin fara'a Naseer ya nufe su Dady amma Momy tayi sauran ja da baya had'i da rik'e hannun Dady gammm cikin nata,
ganin haka yasa Naseer yin dariya had'i da cewa Momy yau kuma tsoron Naseerun ake yi?


Cikin wani irin yanayi na rashin yadda ta d'ago idanta tana kallan Naseer,
idanta cike da tuhuma, shima Dady kallan rashin yadda yake yi masa, da kwata-kwata bai yarda da shi ba,
ganin kallan da suke yi masa yasa shi yin murmushi had'i da nuna Zarah yace " Linah this is my home an my family, they're my parent,
murmushi tayi wanda ya k'ara bayyanar da ainahin kamarta ta zahiri tace " nice to meet you,
tayi maganar tana kallan Dady da Momy,
daga Dady har Momy babu wanda yace k'ala sai ido kawai da suka zuba musu suna kallan wasan kwaikwayon had'i da zunzurutun rainin hankalin da suka zo musu dashi,
cikin shagwab'a Naseer yace " Momy no missing hug, ya fad'a yana ware hannuwansa,
har lokacin babu wanda yace komai tsakanin Dady da Momy kallan Naseer da Zarah kawai suke yi,
cikin muryar kuka Nouwaf yace " Dady I'm very hungry,
da sauri Na'eem yace " me too Dad,
ita kuma Noor tace " me am so tired, ta fad'a tana dafe kanta kamar wata babba.


Sai a lokacin Dady da Momy suka lura da yaran,
fafare tass b'ul-b'ul dasu abin sha'awa,
kallan yaran Dady yayi sannan ya mayar da kallansa ga Naseer batare dayace komai ba,
Naseer ya gane kallan tambaya Dady yayi masa amma sai basar yace " oh am so sorry dears muje ciki kuyi wanka lunch sai kuyi bacci,
Nouwaf yace " no Dad is better to take our lunch first, then bath and sleep,
ok Naseer yace, had'i da rik'e hannun su yayi cikin gidan dasu,
bayansu Momy da Dady suka bi da kallo had'i da sauke nannauyar ajiyar zuciya,
direct part d'insa suka wuce dan yasan an gyara, kamar yadda ya zata hakan ne ya kasance an gyara part d'in tass an canja komai, even paint sai da aka sake,
Furniture ko sabo aka saka, even spoon sabo ne,
3 bedrooms including toilet an bathroom, an 1 parlor with kitchen an dinning area,
inda yaga an saka gadan yara da wardrobes d'in su, yakai kayan su Nouwaf & Noor da Na'eem,
bedroom d'in kusa da yaran Zarah ta kai kayanta,
shi kuma ya d'auki bedroom d'in dake can gefe,
komai na gidan neat, Zarah ta ajiye kayanta a bedroom d'inta bata ko zauna ba ta yi bedroom d'in Naseer,
iske shi tayi shima yana k'ok'arin fitowa, da sauri Zarah tasa hannu ta tura shi baya, had'i da rufe k'ofar.


Da kallan mamaki ya bita "ya naga kin shigo kuma kin rufe k'ofa, kodai jarabar ce ta motsa? yayi maganar yana sakar mata silent killer smile ,
" no ni ba wata jaraba, kawai dai ina san muyi magana ne,
" amma dai ai kinji me yaranki suka ce ko?
dan haka kibar maganar sai sun ci abinci, sun huta tukunna,
yayi maganar yana k'ok'arin barin d'akin,
da sauri ta tari gabansa had'i da cewa " amma kana ganin su Momy bazasu gane ba?


"Ya danganta da yadda kikayi reaction d'inki, yayi maganar yana barin d'akin,
direct bedroom d'in yaran ya shiga ya iske basa nan har sun koma part d'in su Dady,
da sauri shima yayi part d'in Zarah na biye dashi a baya har suka k'arasa part d'in,
iske su sukayi zaune a dinning gaba d'ayansu har da Momy da Dady,
murmushi Naseer yayi sannan ya k'arasa wajen ya zauna shima,
bayan sun gama cin abinci, Naseer da Zarah suka koma part d'in su, sukayiwa yaran wanka had'i da shiryasu, sai da sukayi bacci sannan Naseer da Zarah sukayi wanka, had'i dayin sallah,
sannan suma suka kwanta dan a gajiye suke lik'is.


Washe gari sai around 9:30am suka fito bayan sun shirya,
basu iske yaran a bedroom d'in su ba dan tuni sun tashi sun fita, har sunyi breakfast Ikram tayi musu wanka,
a parlor suka iske Momy da Dady zaune su biyu kawai suna hira,
tare suka k'arasa wajen su had'i da durk'usawa har k'asa suka gaida su,
fuska a sake Dady da Momy suka amsa kamar ba komai a ransu,
nan ko a k'agare suke ayi musu bayani dan ko bacci basuyi ba,
kwana sukayi suna alhinin abin,
Dady yace " ga breakfast d'in ku can kan dinning kuje kuci,
ba musu suka mik'e dan wata irin muguwar yunwa suke ji dan kwana akayi ana duty (kashe arna),,
bayan sun gama breakfast d'in parlor suka dawo suka zauna inda Dady da Momy ke zaune,
a hankali Naseer ya d'aga kai yana waige-waige, murmushi Momy tayi dan ta kula da yaran yake nema, tace " oh su Naseer manyaan gari har an san dad'in 'ya'ya,
ai tuni sun tashi sunyi breakfast,
tunda naga alamun yaran suna riga iyayen su tashi,
kai ya shafa yana murmushi batare dayace komai ba,
itako Zarah kanta ta sunyar k'asa saboda kunya,
Dady yace " ai su Naseer an girma an zama manya,
cikin shagwab'a Naseer ya d'ora kansa kan cinyar Momy yana cewa " Momy ai har yanzu ban girma ba ko? yaro ne still a wajenki har yanzu,
dariya Momy tayi tace " ka tab'a ganin mutum yayiwa iyayen sa girma duk tsofansa?


" ai duk tsufan mutum matuk'ar yana da iyaye jinsa yake kamar yaro k'arami musamman ma idan yana gaban iyayen nasa,
sai da sukayi wasa da dariya sosai sanann Dady ya kira sunansa "Naseer,
yanayin yadda Dady ya kira sunansa yasa Naseer sanin cewa he is serious about what he want to say,
it's an important issue, dan haka ya tashi zaune had'i da tattsara gaba d'aya nutsuwarsa ga Dady yace " na'am,
ajiyar zuciya Dady ya sauke kafin yace " Naseer ni dai a sani na, yaranka biyu ne, na farko Na'eem sai kuma Nailah,
amma yanzu na ganka da yara har hud'u wanda kallo d'aya zakayi musu asan suna da nasaba da kai,
kuma a iya sani na Zarah ta mutu dan da hannunmu muka saka ta a kabari,
amma yanzu ga Zarah a gaban mu, dan Allah Naseer ka warware mana zare da abawa,
murmushi Naseer yayi sannan yace " yaran sister Linah ne....... daga nan ya sanar dasu plan d'in da suka shirya akan yaran,
sannan yace " Dady kai ka haife ni nasan kuma shekarunka sun ninka nawa sau uku,
Dady a iya tsayin rayuwarka ka tab'a ganin wanda ya mutu ya dawo?


Murmushi Dady yayi sannan yace " a'a ban tab'a gani ko naji labarin mutum yayi mutuwar gaskiya ya dawo ba,,
amma nasha jin labari na kuma sha ganin mutum yayi mutuwar