You Cannot Download this book untill you login but you can read it .

---

Login Register

kan gadon tare da kecewa da wani sabon kukan, zuciyar ta cike take da ƙunci wanda bata san ranar gushe war sa ba,yau tayi da tasanin zuwa garin Abuja,

Ashe dama wannan baƙin ahlin shine ahlina da fafi yake gayamin?tabbas iya abubuwan da na gani kawai sun isa tabbatar min da abinda fafina yake gayamin, yanzu wannan bawan Allah Alhaji Baba shine kakana? to wacece kakata kuma? wane ne mahaina?ya Allah hhhh kafitar dani duhu ka kawo min ɗauki, to ita Anty Nafisa wacece"?kuma matar waye?me yaya Abdallah yayi musu suke san cutar dashi?shi ɗan waye ne? wacece mamansa?ɗakin nan mallaki waye menene A cikinsa?shin me dame ake shiryawa da waye da waye masu shiryawar ?su waye suke neman halakani?suwaye suka ɗauke min mamana da fafina?ya Allah ka kawo min agaji, yanzu ta ina zan fara fuskantar wannan gagarumin yaƙin, fafi abin ya wuce zaton ka bazan iya ba bansan ta ina zan fara ba.
💕
*KUDURAR ALLAH* 💕

*NA*


*FATIMA Y. ADAM*





_____________________________________*

*🌈🇰AINUWA 🇼RITER'S✍🏼*
*🇦SSOCIATION🤝🏻*
```{United we stand and succeed;Our ambition is to entertain & motivate the mind of readers}```
https://www.Facebook.com/kainuwawritersassociation

*_____________________________________*



```Page 16 ```


Hhhh sautin dariyar sa kawai kakeji amma baza kataɓa gane waye ba saboda yadda ya juya bayansa,waya ce kange A kunnen sa,ya kuma gyara zaman wayar yayi A kunnen sa,kana cikin wata murya me ƙarfi da wani irin sauti,yace"da kyau ɗan kaka aikin ka yanayin kyau,inaso kaci gaba da ɗora mun ladidi A kan hanya ita kuma tana ɗora mana yarinyar A saiti yadda zan samu biyan buƙatata batare da tasan mai nake shirya wa ba,kar kasake kayi abinda zata gane shirin mu A kanta!'

Daga ɗaya ɓangaren, na kaka yace"ranka ya daɗe Hajiya ladidi baza taba gane dawa take aiki ba, saboda duk wata hanya na tosheta A binda kawai nasan tasani shine tana aiki da ɗaya daga cikin ahlin ALHAJI BALARABE, amma baza ta taɓa gane da waye ba in dai ba gaya mata A kayi ba, kuma ina da tabbacin babu yadda za'ayi ta sani dan mun toshe hanyar, kaga mun jefi tsuntsu biyu da dutse ɗaya saboda mun haɗa kifayen mu A guri ɗaya, ba ƙaramar nasara nake ganowa A tafiyar nan ba,

Ogan nasa ya sheƙe da wata muguwar dariya kana yace"naga fa kifayen nan suna da matuƙar wayo yaƙin suka fito da gaske, sai dai kuma ta yaro kyau take bata ƙarko basu san suna tun karar masifa da kansu bane, mutuwarsu suke kira, dan dazarar munci moriyar ganga zamu yada gauranta,ƙit ya yanke wayar tare da cire layin ya taune,cikin alfahari da kansa da yadda yake wasa da ƙwaƙwalwar mutane yace"shi yaƙi ɗan zanba ne idan baka iyashi ba zai kife da kai.


A hankali ta tura ƙofar falon saida ta tabbatar baya ciki kana ta shiga, kimtsa falon ta farayi kamar yadda ta saba, sai da ta tabbatar da komai yayi daidai kana ta faɗa bedroom ɗinsa saida ta gama wanke toilet ta gyara ɗakin, tana cikin sharewa taji wani zumm zumm A ƙugunta,zabura tayi dan sam ta manta da wata waya A jikinta,cikin sauri ta ciro wayar ta danna ok A lokaci ɗaya tana ɗorawa A kunnen ta, muryar Hajiya ladidi ta doki kunnenta, cikin rawar murya tace" Hajiya ina kwana!'ta can ɓangaren cikin yin ƙasa da murya Hajiya ladidi tace"ke kina ina yanzu ina san zanyi magana dake? kamar zata yi kuka Bintu tace" ina falon ya Abdallah ina gyarawa!'Hajiya ladidi ta saki wani uban tsaki, tare da cewa kaji banza ƴar shishshigi A yaushe ya zama yayan naki? in dai har zaki fara tunanin ya zama yayanki ashe bazaki saki jiki kiyi mana yadda mukeso ba,to bari jiki da kyau inaso kisa A ranki wannan aikin da zakiyi shine rayuwarki gazawar ki A aikin yana daidai da ɗaukewar numfashinki, dan haka ki gaggawar fita daga inda kike zan magana dake!' tana gama faɗar haka ta kashe wayar,A dai-dai lokacin da Bintu take ƙoƙarin maida wayar ma adanarta shi kuma ya sawo kai cikin ɗakin,A matuƙar firgice Bintu take kallonsa ƙirjinta babu abinda yake sai wani irin bugu da ƙarfi tamkar zai fito waje,

Abdallah sam bai gane me Bintu take ciki ba, Amma yanayin firgici da tsoro da ya gani akan fuskarta yasa ya gane bata da gaskiya, zuba mata ido yayi yana so ya ƙara karantar yanayin ta, A yayin da Bintu tayi ƙasa da kanta tana ɗan jajjan zara zaran yatsun hannunta,jikinta kuwa da za A ɓula baza a sami jini ba,saboda tsabar fargaba, (Allah sarki Bintu Abinka da wanda bai saba aikata rashin gaskiya ba)

Cikin maganar shi ta ɗaukar hankali yace" da ita ina breakfast ɗina?wata sassanyan Ajiyar zuciya ta sauke cikin ƴan sakanni ta dawo haiyacinta,cikin shagwababbiyar muryarta tace" yanzu zan je na kawo!'cikin janye jikinsa daga bakin ƙofar yake cewa A ransa, meye wannan yarinyar take shiryawa suwaye ne suka turota? ƙwafa yayi hmm ko meyene zan kamaki da hannuna,ranar kuwa ta tabbata bata da mai ceto.

Cikin hanzari ta gama shirya masa karin ta koma ɗaki tare da sawa kofar key,sauri tayi ta zaro wayar ta dannawa Hajiya kira, ko gama ringin batayi ba ta ɗaga tare da cewa,uban me kika tsaya yi tun dazu? cikin sauri tace" Hajiya ai ya kusa kamani ina waya,kuma kinga idan na tawo ban gama masa aikin ba dole inno zatazo nemana kinga ai da ta ganni ina waya zata tambaye ni dawa nakeyi! Hajiya ladidi ta katse ta da cewa na fahimta bar dogon sharhin nan ki buɗe kun nan ki kiji Abinda zan gaya miki,Bintu tace tom Hajiya ina sauraren ki!' Hajiya ladidi tace" kinsan dije ƴar aikin matar mansur?tace ban santa ba!' Hajiya ta ɗora da cewa zaki santa kuma dole kisanta saboda so nake ki shiga jikinta ki gano mun matar da take wa aiki A cikin ESTATE ɗin ALHAJI BALARABE,shine aikinki na farko na biyu shine Abdallah lallai inaso nasan abinda suke shiryawa shida ubansa daga nan zan ɗora miki babban aiki, zahra kiyi ta ka tsantsan da aikin nan duk ranar da kika yi sakaci wani ya gano ki to shike nan kin kaɗe, dan ina tabbatar miki bazaki taɓa iya ambatar ko da harafin L ba bare ƙarshen sunana dan haka ki kula da aikinki rayuwarki ina kuma jaddada miki shine rayuwarki (dake rayuwar A hannuku take ba.)


Tunda suka gama wayar take kai kawo A cikin tsakiyar ɗakin sosai ta fara jin ƙwarin gwiwa,tana ganin Allah ne ya dubeta ya kawo mata mafita ta tsanin da zata hau dan kaita hanyar da zatabi dan binciko ƙullellen ƙulli mai cike da mugun zarge,cikin ƙarfin zuciya tace" Hajiya ladidi bani ce da kuka ba kece da kuka har da birgima kin jawo wa kanki da kanki tashin hankali shekarar tonon Asirinki dake da mabiya bayanki da sauran mutanen munafukan cikin estate ɗin nan yayi Ni ɗin nan sai na zame miki ciwon ido dake da duk wani azzalumi, ku shirya domin ƴar zakanya ta girma, gani nan gareku maƙiya Allah duk sai na binciko gaskiyar datake A binne, yanzu ne za a fara wasan.


Inno ce zaune Bintu kuma nayi mata tausa yayin da Hauwa'u da Rahima ke zaune saman kujera, Rahima hira take ta zubawa inno da Bintu Ita kuwa Hauwa'u gaba ɗaya hankalin ta da tunanin ta yana kan scring ɗin wayar ta wanda ba komai take kallo ba sai hoton Abdallah,inno tace zahra ku tashi na aike ku wajen Hajjah dama baki taɓa zuwa kun gaisa dasu ba Rahima daga nan ki rakata wajen Hajiya Babba ta gaidata!'tun kafin ta rufe bakinta Rahima ta miƙe tsaye tana cewa ku taso muje, Hauwa'u da sai yanzu hankalin ta ya dawo kansu, ta wani taɓe baki gami da cewa Ni bazani ba!Rahima itama taɓe bakin tayi tana cewa Mutum dai wallahi ya gamu da aiki A rayuwar sa,tayi saurin jan hannun Bintu suka fita inno tana kiranta basu karɓi saƙwan ba, amma ina tuni sun ƙule,inno ta riƙe baki tare da cewa oh Ni zainaba jikar mutum biyu kome zasuje su faɗa oho.


A hankali cikin nutsuwa suke ta kawa har suka kai ɓangaren Hajjah, da sallama suka shiga falon tsarinsa iri ɗaya da falon inno komai iri ɗaya ne sai dai kala ta ban banta,


Hakimar macece kanuriyar asali mai matuƙar riƙo da Al'adunsu, tun daga yanayin ƙamshi na musamman da ya cika falon, tana zaune cikin kujerar ta ta alfarma, jikinta nan naɗe da lafaya mai asalin kyau da tsada,sai kuma Dady ane (Alhaji mansur)dake zaune kan kujerar data ke fuskantar ta, ga dukkan nin Alamu dai tattaunawa suke mai muhimmanci.

Amsa sallamar sukayi A tare suna mai zubawa Bintu ido dan ganin baƙuwar fuskace A garesu,kamar yadda ya kasance ɗabi ar Bintu durƙusawa tayi har ƙasa ta gaidasu,haka Rahima itama tayi, Dady ane ne ciki yanayinsa na zafi da rashin sakin fuska, yace"ke Rahima ina kuma kika samo wannan kalar zabiyar? cikin yanayin tsoron sa da ya sabar musu Rahima tace" inno aka kawowa ita dan ta dinga taimaka mata kuma tana dafawa ya Abdallah Abinci da gyara masa sashe!'tana direwa Dady ane yasaki wata banzar dariya me ƙurar da zuciya, yana cewa ayyo haka zaki ce ƴar aikin inno ce kawai amma ba sai kinyi wani dogon bayani ba!' Hajjo ta ɗan gyara kashin giɗarta kana cikin girma da nuna isa tace" wai Mansur meyasa baka girma? wannan wane irin zance ne shi ɗan Adam ai ba abin tozartawa bane kadinga kiyaye harshen ka idan ba haka ba wataran zakayi da nasani!' dawo da hankalinta tayi kansu Bintu cikin sakin fuska tace" yarinya meye sunanki? Bintu ta amsa da cewa sunana Fatima zahra amma anfi kirana da Bintu!'Hajjah tace masha Allah Bintu suna mai daraja!'gani kawai Dady ane ya tashi fice A fusace,inno ta girgiza kai tana binsa da addu'ar shiriya,Rahima tace Hajjah bari mu kewaya sashen Hajiya Babba!'Hajjah tace"to madalla amma ku kujirani kaɗan ina zuwa,tana barin falon sai ga Yaya sagir ɗan gidan Alhaji mansur kasance war dashi da Nabil ɗan gidan Anty Asiya da take kaduna A wajen Hajjah suke, turus yayi ganin su Rahima zaune, A hankali ya ƙara so cikin falon yana da ɗa ƙure Bintu da kallo, zama yayi kana suka gaida sa,Bintu duk tabi ta takura da kallon ƙuril ɗin da yake Binta dashi, cikin ikon Allah sai ga Hajjah ta fito tana cewa na barku ku kadai ko? ko da ike ma ga Aku nan Sarkin zance zata ɗebe miki kewa!' tana mai nuni da Rahima datake ta zunɓura baki dan tasan da ita take,Ya Nabil yayi zaraf ya amshi zancen da cewa,aiko Hajjah kamar kin sani tana nan ta dami friter da shegen surutu!'gaba ɗaya suka dubeshi Rahimace tayi saurin tambayar sa wace kuma haka!'ɗage gida ɗaya yayi kana yace gatanan Bintu ko ke baki taɓa ganin kamar su ba?Rahima ta ƙyalƙyale da dariya tana cewa Wallahi kuwa Ya Sagir so saima sai dai Bintu har tafi friter kyau!' yauwa ƙanwas ashe kin gane!' Hajjah tace karɓi nan kinji faɗima idan kika biye waɗan nan bazaki taɓuka ko mai ba zani ce ta tadda mujemu!'gaba ɗaya dariya sukayi har Bintun, karbar ledar tayi tana yi mata godiya, Hajjah tace" karki damu duk wanda ya shigo Ahlinmu yazama namu Allah yayi muku Albarka!'gaba ɗaya suka amsa kana sukayi mata sallama, har Sagir ya yunƙura zai bisu Hajjah ta dakatar dashi da cewa ina kuma zaka bayan kasan neman ka nake!' dole ba dan ransa yaso ba ya koma ya zauna.

Cikin kulawa Rahima ta dubi Bintu tace"gaskiya Fatima na fahimci kina son sunan ki!' ɗan kallonta Bintu tayi, kana tace"saboda me kika ce haka? Rahima tace kawai dai nayi la'akarine da yadda idan an tambayeki sunanki kikan faɗi duk wanda yazo bakinki, Amma mu meyasa baki gaya mana ana kiranki da Bintu ba? Bintu ta saki ƙawataccen murmushin ta wanda har sai da gefan kuncinta duka suka loɓa,kana cikin sautin muryar ta me daɗi tace" kai Anty Rahima to bagashi yanzu kin saniba,kuma kin riga kin bawa kanki amsa,dan haƙiƙa inason sunayena duka ko Batula kika kirani dashi zan amsa!' ta ƙarasa maganar fuskar ta ɗauke da ƙayataccen murmushi,Rahima ma dariya tayi tare da cewa to Ai hikenan nima duk wanda yazo bakina dashi zan kira ki!'da wannan hirar suka ƙarasa sashen Hajiya Babba.


Lokacin da suka shiga kimtsetstsen falon Hajiya Babba wanda yake cike da wani mayan ƙamshi mai sanyaya zuciya, samun ta sukai zaune akan sallaya da hijabinta fari ƙal sai casbaha dake hannunta tana ja, har gabanta suka je suka durƙusa suka gaida ta, Rahima cike da soyayyar kakar tata ta raɓa jikinta ta kwanta,cikin nutsuwa Hajiya Babba tasa hannu ta jawo Bintu jikinta tana cewa' ke kam Rahima anyi babbar kobo yanzu ai bakece autar jika ba,faɗima ce!


Bintu tayi luf jikin Hajiya Babba, yayin da wata irin ƙauna me haɗe da kewa ta lulluɓe zuciyar ta tanajin kamar ta dauwama tare da wannan mata mai tsananin kyau kamala kirki da nagarta, muryar Rahima ce ta katse mata tunani da cewa kai Hajiya Babba dama nasan haka zaki min shi yasa tunda kike cewa na kawo miki Bintu naƙi kawota nasan fada zata ƙwacen A gurinki!'Hajiya Babba tayi ɗan murmushi irin nasu na manya tana ta ɗan shafa kan Bintu, yarinyar ta shiga ranta sosai tanajin shauƙin ƙaunarta tamkar su Raihana.

Sun daɗe A sashen Hajiya Babba, Bintu ta sake sosai da ita saboda yadda Hajiya ta sakar mata fuska ta nuna mata ƙauna ta zahiri da ba ɗini, haka da zasu tafi Hajiya ta Haɗa mata kayan amfani sosai kana sukayi sallama, Hajiya taji kewar yaran sosai.


Kewayawa sukeyi cikin Babban ESTATE ɗin, Raihana tana nuna mata kowane ɓangare da kuma me shi, sunzo dai dai ta wajen hanyar da zaka miƙa ka koma ta cikin wannan ɗakin, Bintu ta da kata, yayin da ta zubawa hanyar ido tana tuno abinda ya faru ranar tamkar A lokacin yake faruwa,sai da Raihana ta taɓata kana ta dawo haiyacinta tare da cewa Raihana gurin nan ya burgeni muje ta wajen mu zaga, naga kamar lambuneee......
💕
*KUDURAR ALLAH* 💕

*NA*


*FATIMA Y. ADAM*





_____________________________________*

*🌈🇰AINUWA 🇼RITER'S✍🏼*
*🇦SSOCIATION🤝🏻*
```{United we stand and succeed;Our ambition is to entertain & motivate the mind of readers}```
https://www.Facebook.com/kainuwawritersassociation

*_____________________________________*



```Page 17 ```


A tsorace Rahima take duban Bintu cikin tabbatar mata da abinda zata faɗa, tace" ke Bintu ki rufa mana Asiri kin san kuwa babu wanda yake iya bi ta wajan nan!' Bintu cikin tsananin mamaki tace" to saboda me? kuma waye ya hana zuwa gurin?Raihana tace" babu wanda ya hana, hasalima ba A taɓa yiwa kowa gargaɗi da zuwa wajen ba, nima haka nataso nagani ba wanda yake iya zuwa, sai dai ban taɓa tunanin yin tawajen ba kuma bantaɓa ganin wani yaje ba ko zancen babu wanda ya taɓa yi balle musan dalili!' tunda ta fara magana Bintu take kallon bakinta cike da maɗaukakin mamaki da tarin al'ajabi,to ya akayi ita taje wurin harma take tunanin ƙara kusan tar wurin? wai meyake faruwa A cikin gidan nan? dole ta saka ido akan ɗakin nan dan ita ɗin cikakkiyar shaida ce A kan rashin gaskiyar dake tattare A cikin ɗakin,dole tasan waye mai shi da yadda akayi aka samar da shi,

Rahima ce ta dubeta cikin nutsuwa tace"yaya dai koda matsalane? Amma idan kinji kina san zuwa zaki iya zuwa amma Ni dai bazanje ba, da sauri Bintu tace a'a nima bazani ba muje kawai.


Cikin takunsa na ƙasaita yake tun karar ƙofar da zata sadashi da office ɗin sa wayar sa dake ringin ya ɗora A kunnen sa kana ya fara magana cikin ingantacciyar muryar sa me daɗin saurare, yanzu zan shiga office ɗin inaso katuran dukkan bayanan ta cikin e-mail ɗina zan duba!' abinda yace kenan ya katse kiran, A dai-dai lokacin kuma ya ƙara so office ɗin da sauri sakatariyar sa ta tashi ta buɗe masa ƙofar tare da cewa good morning sir!' kamar dai kullum bai saurareta ba yay shigewarsa,binsa tayi da ido kana tayi ƙwafa tare da cewa kai Dr Abdallah matarka ta shiga uku da nunƙufurci,( niko nace ke kibar irin su Abdallah idan suka tashi basu iya soyayya ba)


Bayan ya ɗan yi wasu muhimman abubuwa sai kuma ya janyo laptop ɗinsa ya shiga duba baya nan da Aka turo masa,lumshe idanunsa yayi A yayinda ya gama duba duk bayanan da aka turo masa akan binciken Bintu.


Yarinyar nan kenan duk labarinta da ta bayar na ƙaryane? to me hakan yake nufi?gashi dai an binciko masa komai akanta sai dai Abu ɗaya ne basu samu ba, shine A salin inda suka fara zama,wato daga inda suka tawo,A yadda samu bayanan ance ba asan inda fafinta yayi ba kawai anwayi garine anga baya nan, daga nan ita ma Bintun ko kwana ɗaya bata ƙaraba ta gudu daga garin, hatta da gidan da suka zauna sai da aka ɗauka aka turo masa.


Jinjina kansa yayi cikin takaicin da ya tokare masa maƙoshi yace"dolene nasan koke wacece!' ƙofar office ɗin aka turo tare da yin sallama, A hankali ya buɗe idanunsa dake alumshe har sun canja kala saboda ɓacin rai,Dady jafar ne ya shigo yayin da yake ƙoƙarin zama yace"Abdallah banaso kasaka damuwa mai yawa A cikin ranka har yayi maka sanadin wata cutar,ka riga da kasani koda ba Ahlinka bane bincike yazaman maka dole tunda aikin kane, kariga da kasan cewa aikin likitacin nan kaje kayi shine musamman dan ɓatar da hankalin mutane akan ainihin aikin ka amma kuma kaga hakan yazame maka aikin lada ta ɓangarori biyu, ga ladan nemo lafiya ga na nemo gaskiya,dan haka Abdallah ina baka shawara kasaki jikinka da mutane gidan nan musamu abinda muke nema, ko ita wannan yarinyar Bintu kamata yayi ka ɗan sake mata ko yayane dan hakan shine zai bamu damar sanin abinda yake tare da ita!'

Ɗan furzar da iska yayi daga bakinsa kana yace" Dady bazan iyaba mukin dake cikin zuciya ta bazai bari ba ina jin ƙuna da gaske bazan iya sakar musu jiki ba Dady,ita kanta yarinyar mamakinta ƙara cushe min tunani yake!'Dady jafar ya dafa hannunsa kana yace"Abdallah karkayi saurin zargi dan bashi da kyau kafini sanin hakan,Ni inaji kawai kamar da abinda ya kawota gidan na daban bawai Abinda kake zargi ba,amma dai bincike shi zai nuna mana komai,bari na koma office ni!'Abdallah yace" nima fita zanyi Ni da Yahya akwai aikin da zamuje!'ok to ba damuwa sai mu fita tare kawai,


Gaba ɗaya Bintu ta saka kanta cikin tunanin yadda za ai ta san wace ce dije,zama tayi A gefan gadonta,tana mai cigaba da lalubo mafita, can kuma sai tunanin wannan matar ya faɗo mata, to ita kuma wannan ko wace?gashi tun ranar bata kuma ganin ta ba, kamar an mintsine ta haka ta miƙe da sauri,tana ganin cewa tunani daga zaune bazai yi mata ba gara ta fita ko Allah ya taimaketa taci karo da abinda zai warware mata gaddama,


Kai tsaye ta fita bayan ta sanar da inno zata ɗan zaga ta gaji da zaman guri ɗaya, har inno tana cewa ko duk kewar Ƙawarta Rahima ne ya dameta, saboda Rahiman sunje mai duguri ita da amna da Hajjah yayar amna ɗin ta haihu, murmushi kawai tayiwa inno ta fita daga ɗakin da cewa sai na dawo inno!'
tafe take tana saƙa da warwara,cikin ranta harma batasan ta bangaji mutum ba sai dai taji kalmar subhanallah,da sauri ta maida hankalinta kan matar,wani irin farin cikine ya rufeta yayin da ta haɗa ido da matar nan,wanda hakan sai da ya nuna A kan ƙawa tacciyat fuskarta,Dije ma murmushine ɗauke A kan fuskarta,cikin fara'a Bintu ta duƙa har ƙasa ta gaida Dije,cikin farin cikin girmamawar da Bintu tayi mata ta amsa tare da cewa sarkin kuka ina kukan? Bintu tayi ƙasa da kanta tana murmushi, yayin da take tunanin ga mafita Allah ya kawo mata,to' amma ta ina zata fara wannan tambaya ba tare da tayi mata wani mummunan zargi ba, Dije ta katse mata tunani da cewa ƴan mata meye sunanki? wata ɓoyayyiyar ajiyar zuciya Bintu ta sauke saboda jin tambayar da matar tayi mata,A hankali tace" sunana Bintu kuma Ni ƴar aikin inno ce,cike da gamsuwa Dije tace masha Allah duk da tariga tasan komai game da Bintun amma bata nuna mata haka ba, gabas ta duba ta dubi yamma kana cikin ta ka tsantsan dije ta miƙawa Bintun hannu kamar zasu gaisa amma sai Bintu taji ta bar mata wata yar takadda A cikin hannunta lokaci ɗaya Bintu ta fahimci Abinda Dije take nufi wato tana son isar mata da wani saƙo ne shiyasa tayi hakan,juyawa Dije tayi da niyar tafiya,Bintu tayi saurin cewa dan Allah mama meye sunanki? Sunana Dije! yayin da taci gaba da tafiya batare da ko waigeba,


Abin baƙaramin mamaki ya bawa Bintu ba, dama wannan ce Dijen da take ta nema? Ita kam wace irin me Sa'a ce da A duk lokacin da take neman Abu sai taga ashema abin yana kusa da ita ko tana tare dashi, lallai wannan shi ake kira da ƘUDURAR ALLAH.


Tana shiga ɗakinta kai tsaye toilet ta faɗa ta ɗaura alwalar azhar, bayan tayi sallah tayi addu'o'inta tare da ƙara miƙa godiyar ta ga sarki Allah jalla wa'azza mai iko buwayi gagara misali haƙiƙa tayi yaƙinin cewa Addu'ar Umminta da fafi da Baffa Jauro sune suke tasiri A kanta da kuma wadda take cigaba dayi dare da rana batare da ƙosawaba,kuma tayi yaƙinin Allah zai ci gaba da kareta da bata nasara A rayuwar ta har ta kai ga cin nasara A kan kyakkyawar manufarta,daga nan kiching ta nufa ta kama aikin shiryawa oganta Abdallah Abincinsa tanayi tana tasbihi, zuciyar ta na ƙara samun ƙarfi da nutsuwa.


A can ɓangaren Hajiya ladidi kuwa ta hana Aunty nafisa yawan zirga zirga A ɓangaren inno, duk dan kar A gano tsakaninta da Bintu dan A cewar Hajiya ladidi yawan tsanar da tayiwa Bintu ma zata iya sawa A saka musu ido tunda bata iya ɓoye tsanarta wa Bintu ba,yayin da kuma take jin daɗin yadda Bintu ta karbi aikin hankali kwance batare da ta ƙara nuna musu rashin amincewa ba yake matuƙar yi mata daɗi, har tana ganin kamar dan Bintun taje taga daula ne yasa ta canja ra'ayin ta,tana ganin indai hasashenta ya zama gaskiya to lallai nan gaba idan aikin Bintu yanayin kyau batare da wani kuskureba zata iya jawo ta cikin tafiyar, saboda ta fahimci yarinyar tana da matuƙar baiwa ta basira da kaifin tunani.



Tunda suka shigo farfajiyar gidan idanunsa suke kan hanyar ɗakin nan, in dai kuma idanunsa ba gizo sukayi masa ba sai yaga kamar giftawar inuwar mutum ta can bayan ɗakin, har Yahya ya buɗe masa ƙofa bai sani ba saida yahyan yace" sir Bismillah! kana ya zuro dogayan ƙafafuwan sa da suke sunƙe cikin wani arnan takalmi sau ciki sai sheƙi yakeyi,taku yake me cike da zallar ƙasaita kai kayi zatan sarkine, ko mai na Abdallah abin burgewane da ƙayatarwa,dai dai hanyar da zai ɓullah ya shiga ɓangaren inno sai ga Dady ane,(Alhaji mansur)kamar an jefoshi,ɗan kaucewa Abdallah yayi tare da cewa Barka da yamma Dady!' washe baki yayi tare da cewa Abdallah ne?ya naganka yau ka dawo da wuri? Abdallah bai samu damar bashi amsaba sai ga Dady nan ya ƙara so(Alhaji Habib)da murmushi A kan fuskarsa,yace"yana ganku anan ba shiga zakuyi bane?gaba ɗaya suka shiga falon inno bakunansu ɗauke da sallama,
Inno suna zaune ita da Bintu harda ma Hauwa'u,ta amsa tana cewa sannunku kamar duk tare kuke!' Alhaji Habib yace"A'a inno duk Haɗuwar ƙoface yana maganar yana zama,ga mamakin Bintu da inno kai Harma Hauwa'u da tunda ya shigo ta daina gane na kusa da ita,zama yayi shima yana gaida inno da sannu da gida, Abinda suka sanine haka kawai bai cika zaman falon inno ba idan ya shigo ƙarƙarinsa ya gaidata ya wuce part ɗinsa,mamakin bai gama sakin su ba saida yasa tsadaddiyar muryarsa yace" ke ki kaimin wannan falona!' yadda yayi maganar bazaka taɓa fahimtar da wa yake ba ko kuma kayi tsammanin idanunsa abuɗe suke, saboda kansa jingine yake A jikin kujerar