You Cannot Download this book untill you login but you can read it .

---

Login Register

na sakalci tace"Mama Dije mai zan kawo miki?Dije tace"babu komai ai ba yanzu na dawoba na ɗan jima a gidan kinga kuwa ai aƙoshe nake!'inno tasa baki da cewa Dije sai dai idan baƙunta zakiyi mana, ke Bintu je ki kawo mata ko lemo ne ta jiƙa maƙoshinta!'da sauri Bintu ta koma kiching ta haɗowa Dije ƴan kayan taɓa taɓe,tana ajiye mata tace"gaskiya Mama Dije ki dinga zuwa koni na dinga kawo miki ziyara!'inno tace" idan mijinki ya baki umarni ba!'Dije da bata san da batun auren da aka yiwa Bintu ba, ta ɗan zaro ido cike da san ƙarin bayani tace"kai haba yaushe akayiwa Bintu Aure?kunya ce ta kama Bintu dan haka ta gudu kiching dan karasa aikinta tabar inno da yiwa Dije bayanin Auren gaggawar da akayi mata,Dije tayi mamaki sosai da wannan al amari lallai wannan shi ake kira da ƙudurar Allah ƴar aiki da auren ɗan gida amma dai tayi musu fatan Alkhairi tare da kumajin matsuwar keɓewar ta da Bintu,to amma tasan ayanzu dai hakan bazai samu ba tunda dai sun riga su gaisa,sai dai zuwa gobe dan bata son suja lokaci batare da sun tattauna abubuwa masu mahimmanci da ita ba..


Ɗaya bayan ɗaya saida Dady Mansur yabi su ya kare musu tanadi da kuma basu tabbacin in dai basu fito masa da ɗan sa ba zaiyi abinda zai tada hankalin kowa da kowa,mutum ɗaya ya kasa tun kara wanda kuma yasan ko amafarki ba zai taɓa iya tun karar sa da makaman ciyar maganar nan ba haka ya dinga ɓaɓatu shi kaɗai yana harbin iska,


Taufiƙa ce zaune A barandar ɓangaren inno,ta zauna ne a inda duk wanda zai shiga ko ya fita sai ta ganshi kuma ya ganta,tun bayan sallar magriba take zaune agurin,wanda ba kowa take jira ba sai Abdallah,shiga tayi take ce raini da ɗaukar magana wanda take ganin dashi zata karkato da hankalin Abdallah zuwa kanta,tun zaman yana mata daɗi har ya gundure ta,miƙewa tayi ta koma falon tana mai fatan Allah yasa inno bata nan dan dama saboda ita ta fito waje,fatanta ya tabbata dan kuwa babu inno a falon sai Bintu wanda hakan ba ƙaramin daɗi yayiwa Taufiƙa ba,aganinta tasamu hanyar da zata rama bakin cikin da ta daɗe tana ƙunsa mata akan Abdallah, saboda a yanzu dai tayi yaƙinin Abdallah ba zai taɓa kaucewa tarkonta ba,dan shigar da tayi ba irin wadda lafiyayyan namiji zai gani ya kauda kai bace,bata kula Bintu ba itama Bintun bata kulata ba,zama tayi akujerar da take dab da ƙofar shiga falon,


Cikin ƙasan maƙoshi yayi sallama tare da zuge ƙofar glace ɗin falon alokaci ɗaya yana sako dogayen ƙafafunsa kan tattausan carpet ɗin dake shimfiɗe a bakin ƙofar falon,cikin wani irin yanga da yauƙi Taufiƙa ta miƙe tare da cewa waw broth ur welcome iknow ka gaji sosai,tana faɗa tana karɓar bag ɗin laptop ɗin sa,shi bai masan wacece ba dan har ga Allah bai gane Taufiƙa bace,dan haka saboda gajiyar da yayi kawai ya sakar mata jakar tare da ƙarasawa falon sa, Bintu kuwa tana zaune tana kallon Taufiƙa da iyashegen da takewa Oga Abdallah,lokacin da taga tabishi falonsa,sai taji ta kasa jurewa,tashi tayi tabi bayan su,wanda shi Abdallah ma bai san tanayi ba dan baima san ta biyo shi ba, Taufiƙa baƙaramin kiɗemewa tayi da ganin haɗuwar falon Abdallah ba, ƙoƙarin zama take Abdallah ya ɗan juyo dan atunanin sa Bintu ce,cike da mamaki yake dubanta,yana tunanin wannan kuma wace zararriyar ce,kafin yasamu abin cewa Bintu ta shigo tana wani ciccin magani,wanda ita kanta batace ga dalilin da yasa takejin wannan yanayin ba.shigowar Bintu sai ya ɗauke masa hankali lokaci ɗaya ya tuna halin daya fita ya barta aciki,dan haka sai ya zuba mata lulu eyes ɗin sa,yana so ya tambayeta amma ya rasa ta ina zai fara, kawai sai ya ɗan ɗaga mata girar sa ɗaya,sai hakan ya bada wani salo na musamman,haka nan taji wata shagwaɓa tare ƙwalla sun cika mata idanu,ɗan duban Taufiƙa da tayi mutuwar tsaye agurin tayi tare da cewa to kace ta tafi mana,alamu yayi mata waye take nufi? da ido tayi masa nuni da Taufiƙan,ɗan duban inda take kallo yayi,lumshe manyan idanun sa yayi tare da cewa ba tare kuke ba?hararar gefan ido tayi masa kana tace"Ni ban san ta ba ma!'tafiya ya shiga yi dan shiga ɗakin sa yana cewa na gaji sosai zan ɗan huta!'daga haka ya shige ɗakin tare da kullowa, Bintu ta ɗan murguɗa ƙaramin bakin ta tare da cewa kin ji yace"zai huta,samun kanta tayi da binsa cikin ɗakin tare da yiwa Taufiƙa gwalo,


Taufiƙa hannu tasa ta ɗan goge ƙwallar da suke san fallasa tarin bakin cikin dake kwance cikin zuciyar ta,ita da taso ta sa Bintu kuka yau, amma shine reshee ya juye da mujiya,anya kuwa Bintu ba asiri tayiwa Abdallah ba?dan taga kamar ma idonsa rufewa yakeyi idan Bintun na waje,baya tuna kowa sai bayan bata nan,anya kuwa zatayi nasara a wannan gaɓar ma?tunda gashi tunkan aje ko ina ta fara sarewa,wai bai ma gane taba ga kuma ita ƴar iskar yariyar da tasamu waje,wai itama bata santa ba,wata zuciyar tace"da ita Taufiƙa kawai kiyi haƙuri da Abdallah dan tuni yayi nisa bakuma yajin kira,cikin rushewa da wani mahaukacin kuka ta fita daga falon,


A can dakin Abdallah kuwa, Bintu tana shiga taga yayi tik daga shi sai dan boxa ihu tasa gami da rufe idanun ta da duka hannuwanta,banza yayi mata bai ce mata komai ba, gashi ita kuma baza ta fita ba saboda kar Taufiƙa tace"korota yayi,ta gwammace tai ta zama da hannu saman fuska,bata buɗe idan ta ba har sai da taji shigar sa toilet ɗin kana ta saki ajiyar zuciya tare da cewa, shi mutum sam babu kunya a idanunsa, da zan shigo ba sai yace min ehemm ba sai nasan abinyi amma ya kama ya barni na shigo naga... sai kuma tayi shiru,tare da fita daga ɗakin dan tasan yanzu Taufiƙa ta gaji da zama ta fece...


Zama tayi afalon tana jiran fitowar sa,kasancewar dare ya ɗan farayi sai garin yayi tsit ga kuma yanayin damuna dake sako kai,gari sai yayi kamar hadari,yanayin tsit ɗin da gari yayi shi yaɗan fara sakawa Bintu tsoran zaman falon, ƙoƙarin guduwa ɗakinsa take sai gashi ya fito,kai tsaye ya wuce tsakiyar falon ya zauna,tare da tanƙwashe dogayen ƙafafunsa,cikin miskilar muryarsa yace"kawo min abincin nan!'A hankali tace"yau kuma gargajiyar ce ta motsa? duk da yaji ta amma bai nuna mata alamun hakan ba tara ta kawai yakeyi duk ranar da ya rutsata baza taji daɗi ba,mata ɗin cin abinci ta shimfiɗa kana ta maido komai ta jera su cikin tsari da burgewa,har zata koma mazaunin ta sai kuma tayi wani tunani,dawowa tayi ta zauna gefansa tare da savin ɗinsa,loda alkubus ɗin tayi da yawa kana ta zuba miyar ta tura masa gaban sa,ɗan duban uban abincin da tazuba masa yayi tare da yin ƙwafa aransa, A hankali ya fara cin alkubus ɗin wanda take kunnen sa ya fara motsawa,tsayawa faɗar daɗin da Abincin yayi masa ma ɓata bakine,sai gashi yana neman cinye wanda ta saka mishi,gani tayi ya janyo kular ya kuma zubawa A tunanin ta daɗa wa zaiyi,har tana masa tsiya a ranta,sai taga ya turo shi gaban ta,zaro firgitattun idanunta tayi tare da cewa me za ayi?cinyewa za ayi!'ya bata amsa ba tare da ya dubeta ba,ɗan marairaice fuska tayi,cikin son ya tausaya mata tace"ai ya ai wannan yayi yawa na cifa nida inno!'juyowa yayi yana mai tsareta da kaifafan idanunsa wanda take suka saka mata nutsuwa,batasan sanda tashiga tura alkubus ɗin abakin taba,sai gani tayi kawai ta cinye wanda ya zuba mata tass,ganin ta cinye yasa shi miƙewa dakin sa ya nufa,zaro ido Bintu tayi dan ita dai har ga Allah tsoro take ji kuma sai ya ringa barinta ita kaɗai duk sanda tajita ta ita kaɗai, dakin nan take gani yana gilmawa ta cikin idanun ta,da gudu ta tashi tabishi cikin ɗakin,tana shiga ta shiga raɓewa kamar wata ƙadangaruwa,lokacin har ya gama shirin baccin sa,

Zama yayi a gefan gadon tare dayi mata alamar da tazo,ita fa abin nan yafara damunta wai shi baya gajiya da yin magana da jiki ne?ta fahimci sam hakan baya damun shi dan tsaf zata iya irga maganar shi arana,a hankali ta ƙarasa ta zauna akasan ƙafafunsa,cikin kamar yanayin gajiya da jin bacci yace"bani labari,kallon shi ta shigayi tare da san sanin wane labari yake nufi?,katse mata tunani yayi da cewa komai nake nufi maganar ku da Matar nan da labarin rayuwarki da ko mai ma wanda ban sani ba,kuma bana son ki ɓoyen ko mai akan Asalin ki,inaso ki gayamin keɗin wacece acikin wannan ahlin?
💕
*KUDURAR ALLAH* 💕

*NA*


*FATIMA Y. ADAM*





_____________________________________*

*🌈🇰AINUWA 🇼RITER'S✍🏼*
*🇦SSOCIATION🤝🏻*
```{United we stand and succeed;Our ambition is to entertain & motivate the mind of readers}```
https://www.Facebook.com/kainuwawritersassociation

*_____________________________________*



```Page 41 ```



A hankali ta buɗe bakinta ta fara da gaya masa yadda sukayi da Anty Nafisa ba tare da ta ɓoye masa komai ba,shuru tayi bata kuma cewa ko mai ba,wanda shi kuma Abdallah so yake kawai yaji ta bashi labarin ta,


Zuba mata ido yayi yana jiran jin ta ina zata fara,dan a haƙiƙanin gaskiya ya zaƙu da yaji wacece Bintu, wanda tun jiya shine aransa so yake ya tabbatar da abinda mutumin nan ya faɗa,idan har abinda ya faɗa yazo dai dai da wanda Bintun zata faɗa masa,to kuwa tabbas dole su san duk yadda zasuyi dan janyo hankalin Anty Nafisa ta buɗe musu sirrin da take ta ɓoyo, dan yana da yaƙinin cewa sirrin baya rasa na saba da Bintun,yana ji ajikin sa Nafisa itace sanadin komai,itace mafarin dukkanin abinda ya faru,dan ga dukkanin alamu tasan da zaman ɗiyar Umar ɗin,idan ba haka ba ba yadda za ayi ace ta tashi hankalinta kamar yadda Bintu ta sanar dashi,tabbas akwai lauje cikin naɗi akwai wani ɓoyayyan al amari me girma wanda ita Anty Nafisa bata son kowa ya sani, shine kuma sirrin datake muƙu-muƙun ɓoyewa,kuma da izinin Allah su sai sun sata ta faɗa ko ma meye da bakin ta,da kanta zata ɗauki wuƙa ta bur mawa cikinta,koma ace ta burma,tunda gashi bata iya aiwatar da komai batare da shawarar Bintu ba,wanda tabbas wannan wata alama ce data ke nuni da cewa ƙarshen Anty Nafisa ya zo,


"Ganin yadda ya zuba mata ido yasa tashiga ƙif-ƙifta nata idanuwan saboda ta rasa ta ina zata fara, ita sam bata iya bada dogan labari ba,wani tunani tayi a ranta wanda yasa ta ɗan kalleshi,kana cikin sanyin muryar ta tace"zan ɗauko maka deary ɗin da fafi ya bani sai ka duba,ina ga zaifi sauƙi!'ta faɗa tana lumshe idanunta,cikin alamun nuna gamsuwa da Maganar tata yace"kije ki ɗauko yanzu ina jiranki!'ya faɗa yana ɗan kwanciya jikin makarin gadon,wanda shima faɗa kawai yayi amma yasan Bintu baza ta iya fita a wannan lokacin ba,shuru tayi a wajen batare da ta motsaba,juyowa yayi yana fuskantar ta tare da yi mata alamar me take jira?tura ɗan ƙaramin bakinta tayi batare da tace"ko mai ba,har zai share ta sai kuma yaji ba zai iya ba yana so a daren nan ya karanta labarin Bintun,dan haka ya tashi yana mai zura silifas ɗin dake bakin gadon wanda akayi shi da yadin dake shimfiɗe saman gadon,tashi muje! ya faɗa yana wucewa gaba.


A hankali take bin bayan sa, wanda hakan ma ji take kamar za a ruƙota ta baya,lokacin da suka fita falon inno ne taji kamar anabin bayanta,tun tana daurewa har dai ta kumaji kamar an taɓota ta baya,cikin wani irin razana da tsinkewar zuciya ta ruƙo hannun sa yana juyowa ta faɗa jikin sa tasa hannu ta zagaye shi ta rikeshi katamau idanunta a runtse,hannu yasa ya ɗago fuskar ta,yana mamakin abinda ya tsorata ta lokaci ɗaya haka,sam taki bashi damar ganin fuskarta saboda yadda ta shigar da fuskar cikin ƙirjin shi, dalilin kusan cin su da juna ne yasa har yana iya jiyo bugun zuciyar ta wanda suke bugawa tare da tasa zuciyar, A hankali yasa hannun sa A gadon bayan ta yana ɗan partin bayan nata a hankali dan samar mata da nutsuwa,tana manne ajikin sa ya cigaba da tafiya da ita har suka kai cikin ɗakin ta,zama yayi da ita ajikin sa,cikin san yayi calming ɗin ta yace"buɗe idanunki, ki gani ba kowa mun shigo ɗakin ki,tashi ki nunan inda littafin yake!'A hankali yake mata maganar kamar wanda yake tsoran tashin jaririn da ya rasa uwar sa tashi daga baccin da yake,a tsorace ta ɗago kan nata tana bin ɗakin da ido a sace,kana cikin ƙara maƙale shi tace"yana cikin durowar can A cikin wata baƙar jaka, idan ka buɗe jakar zaka kuma ganin wata ƴar leda baƙa to aciki yake!'duk maganar nan da takeyi tuni ta daɗe da mai da kanta ta ƙunshe cikin jikin sa,ba dan Allah yayi masa ƙarfin ji bama da ba zai ji abinda take cewa ba,saboda yadda take yin maganar ƙasa ƙasa,kuma cikin tsoro.



Zuba mata ido yayi ganin bata da alamar zata sake shi yaje ya ɗauko littafin,sai aukin yi masa kwatance da takeyi,ganin lokaci sai tafiya yake basuyi abinda ya kamata ba yasa shi fara ɗan janye ta daga jikinsa, haƙura tayi ta rabu daga jikin nasa amma bata rabu da binsa kamar jela ba,har sai da yaje ya buɗe durowar da ta kwatanta masa,ya ɗauko jakar tare da buɗeta ya ɗauko ledar itama kana ya maida su inda suke ya rufe,tana ganin haka tayi saurin matsawa jikin sa wanda dama jiran sa take ya gama abinda yakeyi ta ɗora daga inda ta tsaya,duban ta yayi cikin fuskarsa da take a haɗe yace"Bint wai wannan wane irin tsorone haka?ki rage tsoron nan yayi yawa!'ya faɗa yana ɗan janye ta daga jikin sa,ba dan taso ba ta rabu da jikinsa tare da raɓe a gefe kana ganin ta zaka gane cewa a matuƙar firgice take, durowar kayanta ya bude tare da ɗauko mata kayan bacci da hijabi, kana ya kama hannunta suka fita,har suka koma ɓangaren sa jikin Bintu bai daina ɓarin tsoro ba,wanda shi Abdallah atunanin sa kawai irin tsorone irin na Bintu,amma a haƙikanin gaskiya a kwai wani abu da shi Abdallah bai sani ba.


Suna shiga ɗakin sa yasaki hannunta tare da miƙa mata kayan da ya ɗauko mata,karɓa tayi batare da ta motsa daga inda take tsaye ba,tana ta dai jujjuya kayan a hannun ta,ganin kamar bata gane abin da yake nufi ba yasa shi cewa kije ki canja kayan jikin ki idan bazaki iya yin wankan ba!'kamar wadda ƙwai ya fashewa haka take taka ƙafaunta dan zuwa toilet ɗin, zuciyar ta kuwa kamar zatayo waje saboda tsananin tsoron da ke cikinta,ƙoƙar tawa tayi ta fara karanto addu'oi bayan tashiga toilet ɗin,haka nan takejin wata kasala a cikin kwana biyun nan wanda ta rasa da lilin hakan,bata iya yin addu'oin ta yadda ya kamata, ko da ta fara sai bacci ya kamata,ga wani irin tsoron da take yawan ji,wanda ta san da ba haka take ba,duk da cewa tasan tana da tsoro amma ba kamar yadda takeji yanzu ba,cikin san dakewa da kalato jarumta ta cire kayan jikin ta,so takeyi ta ɗan yi wankan dan bazata iya bacci batare da tayi wanka ba,da tai makon addu'ar da ta samu ta zauna abakinta tayi wankan tare da ɗaura alwala kana taja ƙaramin tawul ta ɗaura ajikin ta,tana gab da fitowa taji kamar anja tawul ɗin da ta ɗaura ajikinta ta baya,ai da wani irin gudu ta ƙara sa fitowa jikinta yana wani irin rawa,

Ganin ta yayi kawai kamar anjeho ta,da gudu ta faɗa jikin sa tare da ruƙun kumeshi,zuba mata idanunsa yayi zuciyar sa cike da saƙe saƙe,anya kuwa yariyar nan lafiya take?yasan cewa tabbas Bintu tana da tsoro amma kuma bai taɓa ganin tsoron ta kamar na wannan lokacin ba,take zuciyar shi ta fara kaikawo akan wannan al'amari,jin yadda take ta shigewa cikin jikin sane yasa shi dawowa daga nazarin al'amarin da yake,cikin nutsatstsiyar Muryar sa yace"lafiyar ki kuwa? me yake damun ki haka?alokaci ɗaya ya jero mata waɗan nan tambayoyin yana mai son ganin fuskar ta, ta hanyar ƙoƙarin ɗago da kanta da ta cusa a cikin kirjin shi,


Zuba mata narkakkun idanunsa yayi A yayin da yasamu nasarar ɗago kan nata,itama kallon shi takeyi,da idanunta da suka cika da ƙwalla,cikin taushin murya yace"Bint gayamin meke damunki?girgiza kanta tayi saiga wasu zafafan hawaye sun sauka kan kumatunta,atare suka kai hannuwan su kan fuskar ta dan share hawayen,shi yana ƙoƙarin share mata itama tana ƙoƙarin gogewa,sai ya zamana hannun sa yana saman nata,kallon juna suka cigaba dayi cikin wani irin yanayi mai wuyar fassarawa,itace tayi ƙoƙarin fara janye idonta akan sa tare da janye hannun ta,kana shi kuma cikin sanyin murya da kasalar da tausayin ta yasaka masa ya yace" da ita,faɗa min damuwar ki!'salon da yayi magana dashi shine ya kuma karya wa Bintu zuciya kawai sai ta saki wani ɗan marayan kuka cikin muryar kukan da takeyi ƙasa ƙasa, tace"bana jin daɗi tsoro nakeji zuciya ta wani irin bugu take,ban taɓa jin abin da nakeji yanzu ba na kasa yin addu'a kayi min addu'a kaji Yahh Abdallah!'ta faɗa tana saka duka hannayen ta saman funkar ta tare da girgiza kanta,wani irin tausayine wanda yake gauraye da wani irin yanayi da ba zai iya tan-tance na meye ba ya rufe shi,cikin yanayin da bai sake shi ba ya gyara kwanciyar shi sosai kana itama ya gyara mata kwanciya ajikin sa tare da sa blanket ya rufeta,kana ya shiga tofa mata addu'oi har sai da yaji ta daina jan ajiyar zuciya tare da shaahsheƙar kukan da takeyi,kana ya janyo littafin da dama yana kusa dashi ya buɗe tare da Bismillah,ya fara karantawa,


"Wani mudubi ne a gaban sa yake kallon duk abinda suke yi, amma Abdallah yana fara yiwa Bintu Addu'oi sai hotan su ya ɓace masa kamar walƙiya,dariya yayi tare da cewa,duk abin da zakayi nasara na gareni tunda har nayi nasara a kan matar ka to kai ma bazaka gagari dodo jack ba!'juyawa yayi ya dubi Alhaji Abubakar dake cikin wani irin yanayi na sihiri,yace"na gaya maka Abubakar sai nayi nasara akan ku,sai naga ƙarshen ku kaida duka zuri ar ka,wani shu'umin murmushi yayi tare da shafa ƙeyar shi da ita kawai nake gani yace"Bintu banyi niyar biyo miki ta haka ba ke kika jawo,saboda kina son ganin ƙarshe na kina son ganin bayana,koshi Abdallah baya ƙoƙarin kai kansa wannan ɗakin amma ke kullum burinki ki tona sirrin dake ɗakin,bayan kuma shine rayuwata shine garkuwa ta,bankaɗa ɗakin nan tamkar bankaɗa sirrina ne,tabbas duk ranar da nabarki ki ka samu nasara akan ɗakin nan to kamar kin samu nasara a kaina ne,wanda Ni kuma bazan taɓa baki wan nan dama ba,dan haka zan saka rayuwarki cikin wasi-wasi da halin razana, wannan tsoron da nasa miki shi ne zai rage miki ƙwarin gwiwa da tunanin tun karar ɗakin,ya kuma ƙyalƙyalewa da wata mahaukaciyar dariya yana cewa yarinya baki san wuta ba sai kin taka Ni ƙi gudune maganin sa gudu,murucin kan dutse ban fito ba sai da na shirya,ƴan jakar uba kwayi kwa gama rana ta tana nan zuwa,ranar da zan ganni gani ga burina a hannu na,Hhhhhh.



" A ɓangaren Anty Nafisa kuwa tana cikin halin ƙaƙa niƙayi,ta kasa zaune balle tsaye,burinta gari ya waye taji abinda Bintu zata kawo mata,sai dai fargaban ta ɗaya,bata so Bintu ta kuma yi mata batun san jin mafarin al'amarin tana tsoron jin hakan daga gareta,lallai wannan shi ake kira ga ƙoshi ga kwanan hanya,wani ɓangare na zuciyar ta yace"to meye ne idan kin gaya mata abinda kika sani, bake kika ce kin yadda da ita ba,ai kamar babu wani abu dan kin sanar da ita ɓoyayyen sirrin ki wanda babu wanda yasa Ni daga ke sai ALLAH da ya halicce ta,zama ta ɗan yi tare da tallafe fuskar ta,wata kuma zuciyar nayi mata gargaɗi da aikata wannan gangancin,to ita dai tafi yadda da ɓangaren dayake mata gargaɗin sanar da Bintu ɓoyayyen ƙullin da ta ƙulla tsawan shekaru batare da ta kwance shi ko warware shi ba,to amma dai yan zu bari ta jira Bintu dan jin abinda ta yanke akan shawarar da ta nema ɗin.


Tunda ya gama karanta littafin babu abinda yake yi sai tasbihi da ƙara kaɗaita Allah assamadu,tabbas ya shiga cikin ruɗani da wani irin tausayi me tsanani na gaba ɗayan su ahlin,tun daga kan Baffan sa Umar da mahaifiyar Bintu Laila da fafi da iyalan sa,sai uwa uba Bintu wadda yakejin tausayin nata har kamar zai saka shi kuka,kallon fuskar Bintun yake da take ta shaƙar baccin ta,ganin yadda take ta ɗan yatsine fuskane ya tabbatar masa da ba wai daɗin baccin take ji ba, addu'oi ya kuma tofa mata kana ya tafi duniyar tunanin yadda zaiyi ya nemo kakar Bintu wato Hajjon su Laila ita da iyalan fafi,wanda kuma yasan hakan ba zai taɓa yiwuwa ba har sai da tallafin Baffan nasa saboda ya riga ya tabbatar da cewa a yanzu haka Baffan sa Umar yasan inda suke, saboda bashi da wata hanya da zai iya sanin abinda ya faru da su Lailan sai ta hanyar su Hajjon,to ta yaya zai yi hakan batare da shi Baffan nasa yasan komai ba?wata zuciyar tace"dashi haba Abdallah sai kace" ba aikin ka ba, wannan ai ƙaramin aikine a wajen ka koda baka bi ta hanyar Baffa Umar ba zaka iya lalubo inda su Hajjo suke,da izinin mai duka da wannan tunanin ya samu ƙwarin gwiwa,to su kuma su fafin suna ina? A hannun wa suke?tunda dai ga dukkanin alamu suna raye,to ko suna wajen wannan tsinan nan da yake batun wai ba dan ba da ya faɗa musu inda su Lailan suke,lumshe idanun sa yayi yana mai jin kansa na sara masa saboda tsabar yawan tunani,cikin nutsuwa ya zame Bintu daga jikin sa ya tashi ya shiga toilet ya ɗauro al wala,har zai tashi Bintu sai kuma kawai yaji gara ya barta taɗanyi bacci,shimfiɗa sallaya yayi tare da fuskantar alƙibla dan kaiwa Allah ƙadiran ala manyasha'u kukan sa domin ya jiɓanci dukkan lamuransa na zahiri da na baɗini, Allah kabamu dacewa duniya da lahira.


Tunda ya tasheta tayi sallar asuba tana cikin yin azkar bacci ya kuma surarta,a haka ya dawo daga masallaci ya same ta,ɗan tsayawa yayi akanta yana kallon ta cike da tunanin abinda yakamata yayi,ya fara tunanin ko dai asibi zasuje aduba lafiyar ta ɗan tabbas yana tunanin akwai matsala cikin wannan sabon Al'amarin na Bintu,da wannan tunanin ya nufi toilet da tsaf tace jikin sa,


Tayi kiran wayar sau ba adadi amma duk abu ɗaya dai wannan matar ke sanar da ita,lambar bata yin aiki,cikin ɓacin rai Hajiya ladidi ta jefar da wayar can gefe tana cigaba da zabga tsakin da tayi shi yafi sau goma,yau kimanin kwana goma ke nan tana kiran mutumin nata wan da yayi mata bad da bami amatsayin wancan shu'umin mutumin,ta rasa dalilin da yasa ta kasa samun shi a waya,sai yanzu ne take ganin waw tar ta na kasa sanin komai akan sa,sai waya da nomber da ayanzu bata da wani amfani a gurin ta,to wai ita tun farko ma mai ya shiga kanta ne da ta kasa yin abinda yake daidai har ta bari wani ƙato can yana sarrafa tunanin ta?gashi ko Nafisa bata san komai akan tarayyarta da ɗaya daga cikin ahlin ALHAJI BALARABE ba,anya kuwa batayi shirme ba? ita da take neman dukiya sai gashi bata samu ko doki ba, tana nan daga zaune duk abin nan da tayi yana son tashi a banza,anya kuwa zata yadda ta tashi atutar babu?babu wan babu ƙanin,taɓ ai kuwa hakan ba zai taɓa yiwuwa ba dolene Nafisa ta cigaba dayi musu yaƙin neman dukiyar cikin ESTATE ɗin nan,tunda dai tana ji tana gani wan nan damar ta kufce mata, yanzu kuwa dole saban lale za a sake tunda suna da Bintu a hannun su,da wannan shawara ta ɗauko wayarta dan kiran ƴar tata dan su tattauna.


A hankali ta zare ta gumin da Ammin nata ta rafka,tare da zama a kusa da ita tana kuma ƙoƙarin san taga sun haɗa ido,sai dai ina hakan bai samu daga gurin