You Cannot Download this book untill you login but you can read it .

---

Login Register

yaro karami.


Ina cikin wannan tunanin sai kawai na tsinkayi kukan yaro tamkar al mara,kasancewar daji ne sai na fara tunanin ko dai aljanu ne suke san zautani Saboda sun san laƙanin da boka ya bani,sharewa nayi na cigaba da tafiya,amma sai naji kukan yaron yaƙi tsagaitawa kamar dai anayi masa wani abu ne,dan haka sai kawai nabi kukan da sawayena,banji tsoro ba saboda na saba shiga irin dajikan nan saboda neman biyan buƙata ta,daga ɗan nesa na tsaya dalilin hangen wani mutumi da nayi da jajayen kaya na riga da wando da kuma yaro a hannun sa yana shirin yanka shi,abin ya bani mamaki har kuma lokacin ban daina tunanin ko jinnu bane,amma dake sam bani da tsoro sai kawai na tunkari gurin da niyar idan ma jinnu ne ai Ni ina da buƙatar su cikin rayuwata,ina zuwa nasa hannu na tare hannun mutumin dake shirin yanka ƙaramin yaron da bai wuce shekara uku ba,ɗagowa yayi a fusace,ganina sai kawai ya kasa magana ya tsaya yana kallona da mamakin abinda ya kawoni cikin wannan dajin,zaiyi magana ke nan na tari numfashin sa da cewa,kaiko mutum ne ko aljan? sai naga ya tuntsure da dariya tare da cewa ke kiji min da shegiyar mata,ai Ni zan tambayeki bake ZAKI TAMBAYENI ba,ko da yake ai idan aljana ce ke to tabbas zanji ajikina domin duk da cewa Ni ba aljan bane,amma ina gane su,saboda tsananin tarayyata dasu!'nace,to meyasa zaka kashe yaron nan?kai tsaye ya bani amsa da cewa saboda zai zama masifa arayuwata zaman shi tare da mu acikin ESTATE zai iya rusa duk wani burina!'sai nace masa'mai zai hana ka bani shi domin cika wani buri nawa!'girgiza kai yayi tare da cewa Ni kashe shi nake son yi,lallai sai ya mutu!'da na ga alamun dai ba zai bani shi haka nan ba kawai sai na bashi labarina da abinda yasa nake son ya bani shi ɗin,amma da na fahimci cikin gaggawa yake son mutuwar yaron, sai kawai na juya maganar mai makon nace shekara talatin da boka ya bani, sai nace shekara biyu,na kuma bashi tabbacin da nayi shekara biyu da shi zan kasheshi,a nan dai mukayi yarjejeniya,bai kuma ɓoyemin daga inda yaron yake ba har sunan kakansa sai daya sanar dani amma duk a matsayin gargadi ne,dan ya tabbatar min da cewa duk ranar da nayi kuskure cikin alƙawarin mu sai ya kasheni har lahira,da wannan batun muka rabu,da sauri na juya na koma gurin boka na na nuna masa yaron da na samu,yana ganin Abdallah sai kuwa ya zabura tare da cewa zaki iya rainin sa amma duk ranar da na bari ya karbi Musulunci shikenan duk abinda nayi ya tashi a banza, kuma shima sihirin da zaiyi min na tsawon shekara talatin ɗin duk sai ya karye,dan haka sai na kula da tarbiyyar sa da kuma waɗan da zai dinga mu'amala dasu, wannan shine sanadin zuwan ka hannu na,kuma koda na dawo gida sai nacewa David gidan marayu naje na karɓoka,dake shima san yaran ya rufe mashi ido sai kawai ya karɓe shi ba tare da bin cike ko tsaurarawa ba.

Ɗan shuru tayi kana ta cigaba da cewa,tunda nazo da yaron a cikin kwana biyu nafara fuskantar ƙalubale daga gareshi, saboda wani irin shegen taurin kai da kake dashi da baƙar zuciya,Ni kuma ganin nawa zan haifa sai kawai na shiga gallazawa rayuwarka,idan ina dukan ka kuwa tamkar na samu jikin wani ƙaton saurayin,kusan kullum sai munyi faɗa da David akan ka,da yaga naƙi dainawa ne sai yayi min barazana da zai ɗauke ka ya maida ka can gidan marayu,Ni kuma da naji haka nasan kuma ba da wasa yake ba,sai na dai nayi maka agaban sa,amma bawai dan na daina ba,a kwana a tashi da irin wannan wahalar da nake baka na gina tsanata acikin zuciyarka,a lokacin Ni duk ban damuba saboda burina kawai nake hange,mun saka ka amakaran mai tsada kayi karatunka na primary,a Turkish,Wanda anan ne kuma na fara fuskantar ɗabi unka suna kuma sauyawa kana abu kamar na Musulunci,sai hakan kuma yaɗaga min hankali na fara tasaka gaba muna tafiya choch,wanda kai kuma anan ne kake nunamin asalin taurin kai,da baƙar zuciya,Ni kuma sai abin ya haɗe min ga tsanar ka ga kuma fargabar halin da kake nunamin,hakan ne yasa na tashi tsaye haiƙam da cusgunawa rayuwarka,duk saboda kana ƙin zuwa choch,sai na saka ka aɗaki na rufe yini guda baza kaci komai ba ko da ruwa kuwa sau ɗaya nake baka, shima dan kar ka mutune,daga nan na kaika makarantar horas wa ta kiristoci,a nan ma kasha azaba iri da kala,amma duk da haka baka sauko daga kan dokin naƙin da ka hauba,Ni kuwa alokacin tuni na manta da wani wanda ya bani kai da sharaɗin sa,burina kawai naga lokaci ya cika nima na samu ɗan kaina,da naga abun ya ci tura sai kawai muka yanke shawarar kaika waje dan kayi karatu wataƙil idan kana cikin waɗan da ba Musulmi ba ka haƙura da addinin Kirista,haka kuwa akayi sai dai ban sani ba ashe tuni yaɓe nakeyi akan suminti dan alokacin ma tuni Abdallah ya riga da ya musulunta tun yana primary,sai lokacin da ya tashi dawowa Sai kawai ya dawo min da wannan guzurin da yasa na kusa zaucewa,daga baya kuma da naga yadda ya maida Ni mara amfani da kuma wani tsoransa da nakeji na tsananin kwarjini da hasken Muslunci yasa nazo ina nadama da abinda na aikata masa wanda nadanamar bata da wani amfani alokacin,daga baya na fara tunanin yi masa aure amma hakan baiyuwuba,shine daga baya David ya kawo shawarar sa ta cewa zai kaishi gidan horaswa,wanda Ni kuma bansani ba ashe cikin ahlinsa ya kawoshi,daga nan ta ɗora da labarin yadda akayi ta fara ƙoƙarin kashe shi da wayar da sukayi da mutumin da ya bata Abdallah,har kawo yanzu bata ɓoye komai ba,sai dai kuma har lokacin bata faɗi kowayeba,wanda su kuma da yawa mutanen dake cikin falon abinda suke ɗaukin ji kenan,

Tana yin shuru Dady jafar ya ɗora musu da tarihin musuluntar sa da yadda akayi ya fara zargin Abigirl, da yadda akayi suka binciko asalin Abdallah har sukayi dabarar kawoshi gidan dan aiwatar da aikin sirri,gaba ɗaya falon aka ɗauki kabbara masu share hawaye nayi masu kuka nayi,wanda da yawa labarin Abdallah ne ya ɗimauta su ya kuma gigizasu har yasa su zubda hawaye,Bintu kuwa numfashinta har ɗaukewa yake,saboda matsanancin kukan da take na tausayin rayuwar Abdallah,haka Dady Mansur da Dady Abubakar da Abba Umar da su Ammi Ummi Hajiya Babba da inno kowa kuka yakeyi da kuma Allah wadai da wannan baƙin azzzlumin can ƙarƙashin zuciyar su kuma suna jin bazasu iya yafewa mai wannan alhakin ba, Abdallah kuwa gaba daya neman kasa riƙe kansa yake saboda yadda kukan BINTU ke kiɗima tunanin shi,idanun shi suna kanta so yake kawai ta ɗago kanta daga jikin Ammi dan yasamu damar rarrashinta koda da ido ne,a jikinta taji cewar yana kallon ta hakanne yasa ta ɗago kanta a hankali ta ɗora rinannun idanunta akan kyakykyawar fuskar shi,sai kawai taga ya lumshe idanun shi haɗe da budesu duk alokaci ɗaya,kana ya shiga yi mata nuni da ta share hawayenta,yanzu lokacin kuka ya ƙare,yana gama yi mata nunin sai ya tallafe fuskarsa a cikin tafikan shi yana ci gaba da yi mata wani irin narkakken kallo,wanda tuni ya tafiyar da gajiyarta da kuma damuwarta,hannu tasa ta shiga share hawayen tana ci gaba da kallon sa ƙasa ƙasa dan bata jin zata iya shigar da idanun ta cikin nasa,kamar yadda taga alamun yanaso suyi,Muryar Alhaji Baba ce ta katse musu hirar kurman da sukeyi,cikin dishashshiyar Muryar da kanaji kasan cewa tayi kuka, yace"baiwar Allah muna sauraren ki har yanzu baki sanar damu wanda duk ya kitsa wannan munanan aiyukan ba!'a hankali ta ɗaga hannun ta tayi nuni da inda Dady Habib yake rakuɓe kamar ɓeran da mage ta tarfa....
💕
*KUDURAR ALLAH* 💕

*NA*


*FATIMA Y. ADAM*





_____________________________________*

*🌈🇰AINUWA 🇼RITER'S✍🏼*
*🇦SSOCIATION🤝🏻*
```{United we stand and succeed;Our ambition is to entertain & motivate the mind of readers}```
https://www.Facebook.com/kainuwawritersassociation

*_____________________________________*



```Page 60 ```



Kowa sai ya maida hankalinsa saitin da take nunawa, cikin fatan kar abinda yake zargi ya kasance Alhaji Baba yace"ban fahimceki ba? kiyi mana bayani sosai yadda zamu fahimta!'ya ƙare maganar tasa cikin bugawar zuciya da fargaba, Abigirl ta buɗe bakinta cikin yanayin tsoro tace"gashi nan Habibu shine mutumin da na karɓi Abdallah a wajen sa!'ɗuf falon yayi lokaci ɗaya,A hankali Alhaji Baba ya shiga jan innalillahi'wa'inna ilaihi raji'una,kansa a ƙasa yana tsiyayar hawayen da ya kasa daurewa rashin zubar su,a halin yanzu kuwa bazan iya ce muku ga misalin halin da Dady Habib da Hajjah shuke ciki ba,ƙwaƙƙwaran motsi an rasa wanda zai farayi a wajen, wannan shine ana zatan wuta a maƙera,su Baffa Hashir sunyi matuƙar girgiza da jin wannan batu,dan aduk bulayin su da hasashen su basu taɓa kawo Dady Habib a cikin mummunan tunani ba,inno da Hajiya Babba kuwa gaba ɗaya idanun su yana kan Hajjah,Dady Abubakar ne yaga gara kawai ya ƙarasa musu da abinda basu sani ba ayi ta taƙare,dama mahaifinsa kawai yakeji,amma yasan Alhaji Baba a ko da yaushe mai tawakkali ne da haƙuri da ƙaddara,dan haka cikin nutsuwa yayi gyaran murya tare da cewa, Alhaji Baba ka gafarce Ni ka kayi haƙuri kuma da duk abinda zaka ci gaba da ji har lokacin da komai zai dai-dai ta!'ɗan shuru yayi kana ya cigaba da cewa,tun tsawon lokacin da aka nemeni aka rasa agidan nan,ina kusa daku kuma A cikin gidan nan,cikin damuwa da kaicon rayuwar da ɗan uwan nasa ya saka kansa a ciki, ya basu labarin duk abinda ya faru iya wanda ya faru acikin tunanin sa, har kawo lokacin da Bintu da Abdallah sukayi nasarar fito dashi zuwa yanzu da ya dawo cikin ahalinsa,yana ajiye numfashi Dady Mansur ya ɗora da nashi labarin kamar yadda ya sanar da Hajjah,


Da ƙyar mutanen dake falon nan suke iya jan numfashi saboda tsananin mamaki da tu ajjubi,babu kama abun da su Alhaji Nasir suke faɗa kenan,sunji kakansu a san duniya,Nana ƙarama kuwa kuka take sosai da jin abinda ɗan uwanta ya aikata,da yawan ƙannen sa da kuka sukeyi da jin matsananciyar kunyar Ahlin Hajiya Babba, Alhaji Baba ne ya ɗago kansa bayan yaci nasara akan zuciyar sa da idanunsa,da kallo ya dunda bin ƴaƴa da jikokin nasa,kana kuma cikin wata irin murya mai kama da wadda aka shaƙe, yace"Alhamdulillah masha Allah,Ni kuma jarraba ta akan ka take Habibu,to wai duk akan wannan diamon ɗin ake wannan ta asar acikin ahlina ba tare da na sani ba? Ni kam wane irin uba ne?Habibu mai na rageka dashi da har kake ƙoƙarin gina jikinka da haramun kake son kashe ɗan uwanka da ɗanka?ko dan baka san zafin ɗa bane shi yasa kake raba tsaka nin iyaye da ƴaƴan su?ka rabani da ɗana shi kuma ka rabashi da ɗan sa,ita kuma Laila ka rabata da iyayen ta,ka rabata da ƴarta, duk da cewa ba kaine ka fara rabasu da farin cikinsu ba,Habibu ka bani mamaki na dade banji makamanciyar rayuwa irin taka ba!'ya ɗan tsagaita da maganar yana jan wani wahalallan numfashin da yake ne man gagarar yin shi,kana ya cigaba da cewa,Habibu me kake nema?anya kuwa diamon kaɗai ya isa ka salwantar da rayukan ƴan uwanka?

Ɗago jajayen idanun shi yayi da shi kaɗai yasan irin azabar radaɗin da zuciyar shi take mishi,girgiza kanshi yayi tare da yin magana cikin wata razanniyar murya,wadda take cike da nuna tsananin da yake ciki,yace"Alhaji Baba duk kaine ka jawo wannan ƙiyayyar da nakewa dan uwana,saboda fifita shi da kayi sannan gashi Ni ban taɓa haihuwa ba,a asalima likitoci sun tabbatar min da cewa bazan taɓa haihuwa ba, sannan tun ina yaro Nakasance mutum mai san duniya da ganin nafi kowa kuma ansoni fiye da kowa,sai dai kash duk ban samu hakan ba,dalilin da yasa na fara cusawa zuciyata neman kuɗi ta kowace irin hanya,da ɗin da ɗawa kuma ga abokai ƴaƴan manya wanda ake sakar musu da dukiya ina tare da su,a hankali burika na kullum da ɗuwa suke ina girma burina yana da ɗuwa,gan da bikina sai katsam na haɗu da abokina Saddam wanda shine sanadin duk wani arziki nawa da kuma kaucewa ta,tun da yakawo mun tayin sama ar sa,banji ko dar ba na karɓa saboda alokacin nayi nisa idanuwa na sun gama rufewa,tun daga lokacin na faɗa harkar tsafi nayi tsundum har mukami aka bani,babu wanda zai iya gane halin da zuciyata take ciki saboda na iya taku na,nasan ta kan yaudara,da wannan halin da rufe zuciyar kowa,na saka ƙaunata da yarda a zukatan dangi da ƴan uwana,na samu arziki wanda bazai kwatan tuba sai dai kuma ban bari kowa ya fuskanci daular da nake ciki ba,a hankali nake tafiyar da al amurana cikin dabara da salo na wayo,da kuma sihirin da nakeyi,sai kuma katsaham rana ɗaya na samu labarin diamon ɗin nan wanda nasan idan nasame shi na gama shahara a duniya tunda yanzu sunan da nayi a harkar tsafine kawai kuma har kar sirri ce,Ni kuma burina bai gama cika ba sai na ganni ina damawa da manyan ƙasashe da ƙusoshin masu kuɗi wanda sukayi suna a faɗin duniya,amma sama ar da nakeyi ba zaiyuwu na cika wannan burin nawa da itaba tunda arziƙin nawa ma na kasa bayyana shi saboda gudun zargi,labarin diamon kuwa da yazo kunne na,shine ya sa na fara jin cewar burina zai iya cika ta sanadin sa,dan haka banyi ƙasa a gwiwa ba,nayi duk yadda zanyi cikin shu uman cin tsafi na sace Abubakar,daga baya na sace ɗan sa Abdallah saboda,a nawa tunanin gani nake idan Abdallah ya girma zai iya gadar mahaifinsa ta wajen mallakar diamon ɗin, sam na manta da cewa yana da ƴan uwa,saboda idona ya rufe da tsanar Abubakar da ta shafeshi,sai kuma daga baya muka gano zulaihat ɗin na da wani cikin,alokacin na riga na gama shirya yadda zanyi,da sabon dan fasaha haifa sai kuma ta haifi mace, ƴaƴan Abubakar kaf ɗin su Nine sanadin tarwatsasu,saboda yadda nake razanasu tare da mahaifiyar su,akan rayuwar su,a haka suka rayuwa cikin tsoro da fargaba har dai sukayi aure,mahaifiyar su ta turasu can wata duniyar dan kar a salwantar mata dasu,kamar ma ba a haiyacin sa yake ba haka ya cikagaba da zaƙulo magana yana haɗar duk wani abu da yayi hatta da irin matan da suka kashe da ƙananan yara da sukayi aiki dasu,bai ɓoye ba sirrin su kaf na cikin ƙunya sai da ya faɗa ya daɗa da faɗar inda suke zaman mitin da sunan dajin da suke aikin tsafinsu.

Tun abin na basu mamaki har ya koma basu kuka daga nan ya koma san yayayar musu da jiki da zuciya da ƙara san miƙa wuya ga ubangijin talikai,cikin wani irin yanayi na tsananin tausayin kai da tsinkewa da al'amuran duniya, Alhaji Baba yace"Habibu a ina kaji zancen diamon?tsit falon yayi masu kuka suka tsaida kukansu masu ƙus ƙus suka tsaya da gulmarsu,sai ido da yayiwa Dady Habib yawa,shi kuwa cikin yanayin alhakin da ya fara kamashi, yace"wata rana can shekarun baya nazo zan shiga ɗakin Hajjah sai naji tana surutai cikin ɓacin rai wanda da alama anyi mata wani abu da ya bata mata rai,to har zan shiga sai kuma na dakata sakamakon abinda naji tana cewa,yanzu Alhaji har san kan nasa ya kai ya ware Hajiya Babba ita kaɗai ya gaya mata wannan sirri mai matukar muhimmanci da hatsari ba tare da mu ya nemi ɗaya daga cikin mu ba,kuma har ita da ɗan ta,ƙwafa naji ta ɗan yi kana ta ci gaba da cewa yanzu yana nufin zaice ya barwa Abubakar diamon ɗin saboda tare suka tsinta,kuma ya bashi ya ɓoye baya gudun yayi masa halin ɗan yau,inajin wannan ban bari naji wani batun ba,nayi hanzarin barin falon nata,acikin zancen ta na fahimci cewa ABUBAKAR ya san inda diamon ɗin yake,shi yasa kai tsaye na saceshi saboda na kuma samun tabbaci!'Alhaji Baba ya maida duban sa kan Hajjah wadda kanta yake ƙasa daza a buɗe zuciyar ta kuwa da anyi mamakin irin bugun da takeyi,saukar Muryar sa a kunnen ta daidai yake da wata irin tsinkewa da zuciyarta ta kumayi wanda har saida ta dafe ƙijinta da yake barazanar fasowa ya waje, Alhaji Baba ba tare da ya kula da yanayin ta ko halinda take ciki na fargaba ba,yace"Ya gana ya akayi kika san da wannan maganar alhalin nasan Ni dai ban gaya miki ba?wata irin zufa ce take ta wanke mata jiki,a haƙiƙanin gaskiya Hajja tana cikin wani irin hali wanda bata taɓa tunanin zata shiga ba,da tasan wannan rana zata zo mata da bata aikata abinda ta aikata ba,da tasan asirinta zai tonu da batayi abinda tayi ba,da tasan a kwai ranar da zata mozanta a idanun ƴaƴan ta da mutanen da suke ganin kimarta da ba tayi abinda tayi ba,maganar da Alhaji Baba ya kumayi mata cikin ɗan fusata da tsawa shine ya dawo da ɗan guntun hayyacinta kansa,yace"ba magana nake miki ba Yagana?cikin karaya da saddaƙar da cewa yau ranar dubunta ce,yau ranar banƙada da tonon sililice,yau ce ranar ƙindillanci ranar jin kunyar duniya,tace"kayi haƙuri Alhaji!'Ya gana ba haƙuri zaki bani ba so nake ki gayan yadda akayi kiji wannan sirrin da har kika jawo na kusa rasa ahlina!'cikin rawar murya da tsoron Alhaji Baba da ya kuma kamata saboda ɓacin ransa da yafito sosai,tace"kamar yadda Habibu yaji ina sambatu na Ni kaɗai to nima haka nazo naji kuna maganar kaida Hajiya Babba.

Kuka ta fashe dashi mai tsuma zuciyar wanda bai san abinda ta shuka ba,tana cewa dan Allah kugafarceni Alhaji kayi haƙuri nayi maka gagarumar laifin da banajin zaka iya yafe min amma dan Allah kayi haƙuri!'na kasance mayaudariyar mata a gareka mai fuska biyu,ban taɓa zama da matan ka da zuciya ɗaya ba,da da farko hankalina a kwance yake ganin inata haihuwa Ni kaɗai Safiya bata haihuba,amma daga baya da ta fara haihuwa kuma ta fara da namiji sai hankalina ya fara tashi,daga nan nasha alwashin Safiya bazata rayu da ɗan ta ba,dan tun yana ciki naso ɓarar da cikin Abubakar amma hakan bata samu ba,to kuma ashe nima ina da cikin Mansur alokacin ban sani ba sai daga baya na fahimta,hakan ne yasa na dakatar da kokarin zubar da cikin Safiya, na riga Safiya haihuwa dan ita sai da cikin ta ya haura wata goma, namijin da na haifane ya ɗan sanyayar min da zuciya har na ɗan fara haƙura da abuwan da nakeyiwa safiya ta bayan fage,sai dai kuma wata sabuwa,rana tsaka na kuma ganin Safiya da ciki wanda hakan ya matuƙar tada min da hankali,gashi Ni kuma bani da wani cikin kai ƙarshe ma tun a haihuwar Mansur likita ya tabbatar min da cewa mahaifata bazata ƙara iya ɗaukar ciki ba,saboda lokacin da na haihu ALHAJI ba ya nan,dan haka na ce da likita yayi shuru kar ya sake ya faɗa maka saboda hankalinka zai tashi,ya ɗauka da gaske nake hakan yasa shi yimin alkawarin ba zai taɓa sanar da kaiba,to shi yasa da safiya ta kuma samun cikin shima na shiga damuwa me tarin yawa wanda daga nan na fara saƙa mugun nufi akanta da yadda zanyi nima na samu ƴaƴa maza dan aganina soyayyar da kakewa Safiya har da dalilin yaran da ta fara haifa maka Abubakar ne,ban damu da zainab ba saboda itama kamar nice ƴaƴa mata take haihuwa naso mu haɗa kai da ita sai kuma naga kamar tafiyar ba zatayi daidai ba dan naga yadda takewa safiya biyayya abun har mamaki yake ban, duk yunƙurin da nake yi akanta da cikinta ban samu nasara ba,dan shima wannan cikin na Aliyu yaƙi barewa.

Wata rana ne na tashi da tsananin farin ciki saboda tunanin da nayi na samowa kaina mafita ta hanyar tara ƴaƴa maza ba tare da wata matsalaba a tunanina ke nan,shawarar da na bawa kaina tayi min ɗari bisa ɗari,tun daga lokacin sai nima na tsiri laulayin ciki,na fara amaye amaye da ɗan kwaɗayi irin na masu ciki,har dai Zainab ta fahimta take cemin Hajjan yara ko dai ankuma kamuwa ne na ga yanzu tsere kuke keda Hajiya Babba!'daga nan sai na samu hanya, kafin kice meye gida ya ɗauka nima ina da ciki,ban fara laulayi ba sai da na tabbatar na gama shirina kuma ya tafi yadda nake so,sai da muka zo daf da haihuwa nida Safiya ita cikin gaske Ni kuma na ƙarya,sai na ce da Alhaji dan Allah ya barni na tafi garin mu can maiduri na haihu saboda matsalar da na gaya masa na samu a mahaifa kuma a kwai buƙatar zuwa gidan a wannan lokacin,duk da Alhaji ba mai san irin wannan al ada bane,amma sai na samu nasara a wannan lokacin ya barni na hada kayana na tafi maiduguri,wanda dama duk acan na riga na kammala shirina,salamatu reza karuwar gida wadda take cin karenta a lokacin,ita najewa da buƙatata amatsayin ta na karuwa,ai kuwa tun alakocin ta sanar dani ai faduwa tazo dai dai da zama dan kuwa tayi sake a wannan karon ta ɗauki ciki,dan alokacin zubar dashi take ta faman yi yaƙi zubuwa,daga nan dai muka shirya me yuwuwa,muka tsara komai cikin dabara,dan haka lokacin da naje Maiduguri dan aihuwa,sai na sharawa mamana ƙaryar cewa a gidan mai magani zan haihu,na nuna mata ina da matsala kuma nice na samo mai maganin likitace ƙwararriya,ita zata karɓi haihuwa ta kuma ba aso haihuwar tazo babu ita akusa saboda matsalar da ka iya faruwa,ras ƙaryata ta yi tasiri azuciyar ka da na mamana,daga nan na shirya muka koma gidan da na karɓi hayar kwanaki, cikin ikon Allah kuwa sai salamatu reza ta haihu a cikin satin sai dai kuma tana haihuwa tace ga garin ku nan,duk da cewa naji mutuwar ta amma hakan bai hana Ni farin cikin cewa bani da wata sauran barazana arayuwata ba,babu wanda yasan me na shirya daga Ni sai ita sai Allah da yafimu sani,na dawo gida da yarona,daga nan kazo kayi masa huɗuba kace kuma mu zauna muyi arba'in saboda bai kamata nayi tafiya mai nisa ba,ka sakawa yaron suna Habibu!'

Innalillahi'wa'inna ialaihi raji un abinda yake fitowa daga bakuna mafi hankali kenan, daga ciki harda uban gayyar Alhaji Baba,wata irin zabura Dady Habib yayi kamar mahaukaci ya nufo Hajjah yana cewa ke muguwace Hajjah yanzu kina so kice Ni ba ɗan Alhaji Baba bane?Ni dan ban zamo ɗan ki ba ba abin damuwata bane,amma dan Allah kar kice Alhaji Baba ba mahaifina bane,duk irin mugun halina Ina fatan zama ɗan mutum na gari kamar Alhaji Baba!'sai ga Dady Habib yana zubda waye kamar ƙaramin yaro, Hajjah tace"Habibu sai dai kar a kuma domin kuwa ba kazamo ɗan Alhaji ba san nan kuma baka zamo ɗana ba,domin Allah bai bawa Alhaji gurɓataccen ɗa ba,kasancewar sa mutumin da yatsaya ga Allah,kuma ko ban fada ba dole anzo gaɓar da zaka sakawa mutane kokwanto azuciyar su,domin abinda kayi ya wuce hankali ya ɗauka cewa ɗan uwa zai iya yiwa ɗan uwan sa irin abin da kai kayi,Ni kaina habibu na ji daɗi da yakanance bani ce na haifeka ba domin mugun halinka ya zarta nawa nesa ba kusa ba!'wani irin kuka ne ya kufce mata tana mai cigaba da basu labarin abinda ta aikata ba ta ɓoye komai ba, ta ƙare da ɗurƙushewa gaban Hajiya Babba tana kukan neman gafarar ta, Alhaji Baba kuwa ya kasa cewa komai,sai kansa da yayi ƙasa dashi Allah kaɗai yasan halin da zuciyar sa take ciki,a hankali ya miƙe ya fara ratsa taron ƴaƴan sa da jikokin sa ya wuce can cikin ɗakinsa ya kulle,babu wanda yayi ƙoƙarin dakatar dashi saboda sun san a wannan lokaci dole ayi masa uzuri dan ma ya kasance mutum mai tsananin tawakkali,da juriya akan ƙaddarar da tasameshi.


Kuka Dady Habib yake da idanun sa wanda bai taɓa tunanin zaiyi shiba, wannan lamarin shi kaɗai ya karya lagon sa,tabbas idan yace ya ya taɓa jin makamancin wannan tashin hankalin yayi ƙarya, cikin kukan yake cewa Hajja kin cuceni,me yasa baki barni na taso a hannun dan gin uwa ta ba koda kuwa za a dinga yimin girin