You Cannot Download this book untill you login but you can read it .

---

Login Register

response shiyasa ta girgizata tace"hajiya wai lafiya kuwa? naga kinyi zurfi cikin tunani? me kike tunani haka? hajiya ladidi taja ajiyar zuciya kana tace" nafisa Ina tunanine akan yaron nan da kikace sunansa abdallah, ina tunanin Anya kuwa Alhaji dafar ba da wata manufa ya kawo dansa gidannan ba?nafisa ta danyi Jim kana tace tabbas hajiya na dade ina wannan tunanin kamar da kamshin gaskiya a maganarki Amma kina ganin kai wannan yarinyar zahra da kikace bazai bamu wata dama ta bincikar abinda suke nufi ba tunda kinga shine jigon wanda zatayiwa aiki kuma zata iya samun kusanci dashi inaga kamar zamu jefi tsuntsu biyu da dutse daya fa hajiya!'hajiya ladidi batasan sanda ta rungumo aunty nafisa jikinta ba saboda tsabar farinciki dan kuwa da gaske abdallah ya tsole musu ido, tace"kwarai kuwa yake yata mai basira da hngen nesa Ina matukar alfahari dake Allah yay miki albarka!'aunty nafisa ta amsa cikin jin dadin ganin farincikin mahaifiyar tata, sannan tace hajiya kirawo yarinyar na ganta Amma dai tare zamu tafi ko? Hajiya ladidi tace yanzu ma kuwa me zaki zauna kiyi nan din ? bakisan da zafi ake bugar karfeba, idan kuma wani ya rugamu fa?kin san dai mafarmakan gidan Alhaji balarabe suna da yawa dan haka bazamuyi sanyin jikiba!'

Waya tayiwa baba talatu tace"kizo mun da yarinyar nan yanzu!'baba talatu ta amsa da to ranki ya dade!' batare da ta gama jin amsar talatu ba ta kife wayar.


Kwankwasa kofar da akayine ya katse musu tattaunawar da suka cigaba dayi, aunty nafisa ce ta tashi ta bude kofar wanda budewarta ke da wuya suka hada idanu da bintu dake gefen talatu cikin shigar doguwar abaya wanda tayi matukar amsarta, tamkar dan jikinta akayo rigar, zuciyar aunty nafisa ce ta shiga wani irin bugu da karfi har sai da takai hannunta ta dafe saitin kahon zuciyarta,bin bintu da Ido kawai takeyi takasa tantance halin rudanin da tashiga ita dai tasan bata taba ganin bintu ba arayuwarta, kuma basu da wata dan gantaka ta jini, to miye hakan takeji aranta?me yasa take jin wata irin fargaba akan yarinyar? hajiya ladidi tace nafisa ya kuka tsaya ku shigo ke da zahra ke kuma talatu ki koma kan aikin ki!'talatu ta amsa da to hajiya na barku lafiya tare da fita daga dakin....
💕
*KUDURAR ALLAH* 💕

*NA*


*FATIMA Y. ADAM*





_____________________________________*

*🌈🇰AINUWA 🇼RITER'S✍🏼*
*🇦SSOCIATION🤝🏻*
```{United we stand and succeed;Our ambition is to entertain & motivate the mind of readers}```
https://www.Facebook.com/kainuwawritersassociation

*_____________________________________*

Aisha Ina godiya Ina jin dadin comment dinki, dan haka wannan page din nakine Ina godiya sosai.

Yan group din KUDURAR ALLAH Ina godiya sosai Ina sonku irin sosai dinnan.



```Page 13 ```



Jiki asanyaye aunty nafisa ta karasa kan kujerar da ta tashi tare da zubawa bintu dake durkushe kan kafafunta Ido, abubuwa masu tarin yawa take kissimawa azuciyarta, sam zuciyarta taki yardan mata da bintu, sai dai kuma abun babu sauki sarayar da bukatar hajiya ladidi, hakan yana nufin dai dolenta ta zauna inuwa daya da bintu,wani zazzafan huci ta furzar, sannan ahankali ta daga kanta tana duban hajiyarta da ta zuba mata ido, tana mai karantar zuciyarta,hajiya ladidi tace"kyale ki nayi ki gama fita daga rudani da kuma kokwantan da zuciyar ki tashiga, wanda nima saida hakan ta faru dani ayayin da naci karo da wannan ko daddiyar fuskarta, sai dai kuma inaso duk wannan mu ajiyeshi agefe dan bai da wani amfani agaremu, zurfafa tunani akan zahra bashine damuwata ba, damuwata shine yadda zatayi mana aiki batare da faduwa ko samun akasi ba, ina fata kin fahimceni dakyau? ahankali aunty nafisa ta zare ta gumin da ta tafka, tare da cewa shike nan hajiya duk abinda kikace haka za ayi!' murmushi hajiya ladidi tasaki, kana ta juya tana fuskantar bintu yayin da take kara kokarin tsuke fuskarta, tace" kee" kisaurareni da kyau kiji abinda nakeso na gaya miki da farko dai zan tambayeki shin kina san rayuwar ki?afirgice bintu take duban hajiya ladidi, yayin da jikinta ya shiga rawa cikin zuciyarta tace" shike nan wayyo fafina bintunka ta shigo hannun yan yankan kai shikenan tawa takare!'wata masifaffiyar tsawa aunty nafisa ta daka mata kee" mahaukaciyar inace kinaji ana maki magana kina ji kina kallon mutane da wannan dakwalayen idanun naki masu kama da na mayu, nutsuwa zakiyi ki saurari umarnin da zamu baki, indai kuma har kina san cigaba da rayuwa aduniya, dole kibi umarninmu wannan shine ma'anar tambayar da hajiyata tayi miki, doluwa shashasha kawai!'ta karasa maganar tare da dora mata wani zazzafan kallo, mai cike da tsantsar tsana ta babu gaira ba sabar.

Hajiya ladidi ta dora mata da zaiyano mata bukatarsu akan abinda sukeso tayi musu agidan da zasu kaita aiki, wani irin gumi ne yashiga ketowa bintu tako'ina yayin da zuciyarta tashiga wani irin tsalle tamkar zata hudo kirjinta ta fito, to me hakan yake nufi? ta addanci, zuciyarta tayi saurin bata amsa,to Ina makomar rayuwarta?Ina imaninta da tausayinta? Ina addinin ta na cikakkiyar musulma? Ina makomarta awajen ubangiji?Ina burinta nasan binciko mahaifiyarta da fafinta? ina burinta nasan tarwatsa makiyansu da tona musu asiri? lallai ni Fatima bintu ina cikin tsaka me wuya,anya ba gara su kasheni ba, da na aikata wannan mummunan aiki?to yaya zanyi?meye mafita agareni? tsinkayar muryar hajiya ladidi tayi akanta tana cewa tashi ku tafi inkin gama nazarin da bazai amfanekiba!'atsorece ta dago kanta cikin wani irin kuka tace hajiya dan Allah kimin rai..kafin ta kuma samun damar bude bakinta aunty nafisa ta dauke fuskarta da wani irin gigitaccen mari, wanda take agurin ji da ganin ta, suka dauke na wasu yan dakiku,aunty nafisa ta dora da cewa, indai har kikace gaddama zaki mana
to tabbas rayuwar ki tana cikin hatsari, dan haka tun kafin na kara miki wanda yafi wannan ki goge wadannan shegun hawayen naki ki kuma shanye kukanki dan gaba zai miki amfani!'hajiya ladidi tace da kyau nafisa ni nasan ban haifi lusara ba, aikinki yanayin kyau yadda ya kamata kutafi kawai bani da haufi akan bar miki ragamar komai ahannunki!'tace karki damu hajiyata ko mai zai tafi daidai kamar yadda kikeso! bintu kuwa tun marin da aunty nafisa tayi mata tare da koro mata jawabai da manyan gargadi tayi dif sai zuciyarta dake wani irin zafi da tururi tare da wani irin tsanar aunty nafisa, sai dai tayi kokarin rarrashin zuciyarta kafin ta samarwar kanta mafita,kallo daya aunty nafisa tayi mata,aiko cikin sauri da rawar jiki tare da matsananciyar tsoron aunty nafisan ta juya ta fita daga dakin, yayin da nafisan ta bi ta abaya tana mai Jan wani dogon tsaki wanda ya shiga har tsakiyar kwakwalwar kan bintu.

Suna fita hajiya ladidi ta dannawa Alhaji munir kira, tace Alhaji kayi hakuri na zartar da hukunci ban rigaya nasanar dakaiba!'ta can bangaren cikin yanayinsa na nutsuwa yace me ya faru ladidi?tace dama nafisace tazo yanzu tace Alhaji baba yana nemanwa inno 'yar aiki shine nace tunda ga zahra kuma yarinyar tana da nutsuwa me zai hana su karbeta, to kuma nafisan tana ganin ta ta dage wai dan Allah abawa inno din, saboda yarinyar ta shiga ranta da gani zatai hankali,nace tabari ka dawo taki, tace nai maka waya!'shiru tayi tana sauraransa,yace babu damuwa indai bazata takuraba kuma babu tsangwama, shikenan sa iya tafiyar? daga haka ya yanke wayar,ta wani tabe baki tana kwaikwayonsa kamar agabanta yayi maganar,babu damuwa indai bazata takuraba, kuma bazata tsangwama ba!'taja wani dogon tsaki waikai na Allah to muma ai bamuce bazamu tuba ba amma ba yanzu ba.


Tunda suka fara tafiya bintu ta kunshe kanta tana Jan sheshsheka ahankali sabo da tsoron aunty nafisa, ahaka har suka karasa dan kareren estate din na Alhaji balarabe, ahankali bintu ta dago kanta tana bin mikakken titin dake shinfide, tamkar titin da zaikaika wani gari daban ba cikin estate ba,sunyi yar doguwar tafiya kafin su ratsa ta wani karamin titin wanda shine yasadasu da manya-manyan gidajen dake jere reras hagu da dama gwanin ban sha'awa,motar na tsayawa bintu tayi kokarin fitowa, sai kuma wani tunani ya zo mata karfa taje ba gidan bane fitowarta ya zama matsala, a'yan awannin da sukai da aunty nafisa ta fahimci jiran kiris take yi akanta, tasamu damar cimata mutumci harma da guzurin matuka, dan hakan zuciyarta cike take da tsoro dan hakika batasan me yakamata tayi ba, kafin takai ga samun mafita taji anyi mata wata kyakykyawar figa, hadi da ingizata, da kyar tasamu damar dafa jikin motar wanda shine ya taimaketa daga mummunar faduwar da take shirinyi, ahankali ta dago kanta da manyan idanunta da suka cika da ruwan hawaye, takalli aunty nafisa dake kallonta tamkar ta jawota tayi ta dukanta,cikin huci tace" mata tunda so kike na fito dake gashinan na fito dake saiki wuce muje!'jiki asalube bintu tabi bayanta zuciyarta cike da tsanar aunty nafisa, tana kuma aiyanawa aranta kome zasuyi mata sai ta gudu tunda su ba Allah bane.


Wani Abu aunty nafisa ta danna ajikin kofar, sai ga kofar falon ta bude, hauwa'u da amna da rahima ne afalon,babu wata hayaniya dasukeyi kamar da, saboda yanzu basa samun damar watayawa abangaren inno kamar da,zaman ma basosai akeyi ba, sai dai su amna din saboda jarabar da suka dorawa kansu ta mahaukaciyar soyayyar abdallah,

Sallamar aunty nafisa suka amsa tare da zubawa bayanta ido,rahima ce tace" waw aunty nafisa a'ina kika samo mana balarabiya?gaskiya wannan ko acikin larabawan ita mai kyauce!'aunty nafisa taja tsaki!' gami da cewa ke kam rahima kin ga takanki da surutu daga ganin abu sai ki fara zuba!'amna tace"kai aunty nafisa wallahi yarinyarce me kyau!'tace to aikwa barni na zauna kafin ku isheni da wadannan tambayoyin naku!'ta fada yayin da take samun gefen kujerar da hauwa'u ke zaune ta zauna, kana tace"hauwa'u Ina inno ?dan kifi wadannan taron yarintar hankali!' hauwa'u da hankalinta ke kan wayarta, tun kallo daya da tayiwa bintu bata kara daga idonta ba, tace"aunty nafisa kinsan ni ba komaine yacika yimin kyauba dan wani kyan ma ni tsoro yake bani, kamar dai wannan tayi nuni da inda bintu take atsaye har yanzu ba abata damar zama ba,aunty nafisa tayi wani kayataccen murmushi tace" yauwa yargidana duk muna gari daya kenan,amma dai yanzu bari na kira inno tukunna!'gani me akasamomin aketa nemana? inno ta fada yayin da take kawo kanta cikin falon, aunty nafisa tace" yauwa inno karaso kiga abinda nakawo miki!'karasowa tayi tana cewa to gani abani in abun dadine!'rahima tace" ke kam dadina dake shegen kwadayi to ba abun ci bane!ta fada ayayin da take juyawa gurin bintu dake kame atsaye kamar sojiya, kafafunta har sun fara rawa saboda gajiya, tace" me kyau zo ki zauna kinji Allah sarki mun barta atsaye tun dazu!'ta karasa maganar cikin tausayawa,sai alokacin inno ta lura da bintu data zauna adarare taki bari su hada idanuwa da aunty nafisa,inno tace" nafisa kar dai har kinsamo mana 'yar aikin?gashi kuwa kin gani inno!' cewar aunty nafisa,inno tace masha Allah yarinya karaso nan, meye sunanki? ahankali bintu tace" zahra!'cikin farin ciki inno tace kai masha Allah nafisa kinyi kokari yarinyar tana da nutsuwa da gani kuma zatai tarbiya,daga Ina aka samota nafisa Ina iyayenta? aunty nafisa tace inno wannan fa da kike gani marainiyace gaba da baya bata da kowa kishiyar maman tace ta kareta wai ta gaji da ciyar da ita, shine fa tazo garinnan shi kuma alhajinmu ya samota akofar gida dan ya taimaka mata!'inno ta kalli bintu tace 'yar nan kin tabbatar gaskiyar labarinki kenan? bintu ta daga kanta idanunta na zubar da hawayen tausayin kanta, inno tace" to taso ki biyoni ta dubi aunty nafisa tace" nafi bari na gabatar da ita gun babanku!' gyada kanta tayi tare da cewa to inno amma ni zan wuce gida bazaki sameni ba!'inno ta amsa mata da cewa shikenan nafi Allah yayi albarka!'ta amsa da amin!' tana mikewa dan fita alokaci daya kuma tana aunawa bintu kallon gargadi, inno tace" taho muje kinji!' ahankali tabi bayan inno cikin takunta na nutsuwa nutsuwa,

Sallama sukayi afalon Alhaji baba, sai da ya amsa kana inno ta kutsa kai tana mai cewa da bintu shigo mana kidena dar dar nan ma gidane kamar kowane irin gida!' Alhaji baba dake kashingide cikin kujerarsa, yana kallon labaran duniya yace" ke dawa ne haka kike ta surutu!'inno ta zauna akujerar dake gefensa tana nunawa bintu wajen zama,tace aiko ma meye yanzu zakajishi, ni sarkin surutu kai kuma sanjin zance!'murmushi yayi yana maida dubansa kan bintu da kanta ke sunkuye, yayin da kuma ita kadai tasan halin da zuciyarta take ciki, ahankali ta kuma yin kasa da kanta cikin matukar girmamawa ta gaida Alhaji baba,shi kuma ya amsa cikin mutuncinsa da karamcin da yasaba yiwa duk wani wanda yazo gareshi, inno ya kalla da san karin bayani, ganin haka yasa ta dan muskuta, sannan cikin nutsuwa ta zayyana masa takai taccen tarihin zahra wanda nafisa ta gaya mata, cikin tsananin tausayawa yace" da zahra zonan fadima 'yar albarka na shafi kanki!'matsawa bintu tayi tanajin wata 'yar nutsuwa na shigarta, ayayin da tasamu karramawa ta mutumci daga wannan kamilin dattijo,dora hannunsa yayi akanta yashiga sharara mata addu'a, sai da ya gama kana ya dubi inno yace" kibata daya daga cikin dakunan dake gefanki sannan kuma fadimatu ba 'yar aiki bace rukon maraya yana da matukar alfanu garayuwar dan Adam, dan hakan zamu riketa tsakani da Allah zan sanar da abdallah komai!'duban bintu yayi ya dafa kanta tare da cewa fadima kema 'yace kamar kowa agidan nan amma zan rokeki wata alfarma, inaso zaki dinga dafawa jikana abinci sai kakarku da Zaki dinga taimakawa kina kama mata wasu aiyukan, inno gatanan azaune!'bintu wani nauyi ta dinga ji azuciyarta da gangar jikinta yana da baibayeta, yanzu dama irin wadannan mutanen akeso tazo tashiga jikinsu dan ta cutar dasu?yanzu kenan wannan mutumin mai tsananin kirki da karamci akeso ta cutar?shin sun san adadin mutane nawane suke amfanuwa ta karkashinsa?ko sun san adadin mutanen da sukeci sukesha akarkashinsa? dan basai anfada mataba wannan mutumin uban marayune da marasa karfi da rashin galihu irinsu,to ta yaya za ai ta iya cutar da mutumin da ya amsheta amatsayin jika dan butulci,muryar inno ta tsinkaya tana cewa zahra ko dai bazaki iya ba kikayi shiru, idan bazaki iya ba ki fada kanki tsaye karki damu sai asamo wata!'Alhaji baba ya dora da cewa abinda yasa bazan ce anemo wataba saboda nasan halin abdallah yana da tsantsani sosai kuma kinga ke kina da tsafta, Ina ji lallai zai iya yarda da abincin ki saboda kina da tsafta!' girgiza kai bintu ta shigayi alokaci daya tana cewa, wallahi ko abinda yafi girkine sau dari zan iyayi muku, dan hakan kudena tunanin bazan iyaba zanyi biyayya ga dukkanin umarninku!'Alhaji baba yace masha Allah fadima Allah yayi miki albarka, ya baki nasara acikin rayuwar ki!'cikin san rike kukan dayake makogoran ta take amsawa da amin,yace" da inno kutafi ta kwanta ta huta zuwa gobe!'inno ta amsa da Allah ya nuna mana goben, tare da riko hannun bintu tana cewa, tashi muje fadima kinji!'

Kai tsaye dakin dake gefan nata ta kai bintu,dubanta inno tayi tace" yauwa zahra ga nan bathroom kiyi wanka ki huta zansa su rahima sukawo miki kaya!'bintu tace" na gode inno!'inno tace karki damu bari na kawo miki abinci!'ta fada tana fita daga dakin,

Juyi kawai takeyi bisa dan ma daidaicin gadon da ayanzu ya zama nata, babu abinda zuciyarta takeyi sai kaikawo da tunanin mafita, jin ko Ina nata takeyi a daddaure tarasa makama, haduwarta da wadannan dattawan kirkin yasa taji tanason taimakon su,sannan ga tata matsalar yanzu yazatayi?shin zata gujewa mutanen da suka karbeta amatsayin jika ne ko kuma zata tsaya dan taimakon su?to idan ta tsaya fafinta kuma da mamanta fa tayaya zatayi ta samosu?ga kuma asalinta zatayi ta zama ahakane batare da ta damu da yin rayuwa da danginta ba?acikin wannan yanayin wani wahalallan bacci yay awon gaba da'ita.


Maza-maza dije kizo kisameni ainda muke haduwa Ina bukatar ki cikin gaggawa karki zauna lusaranci kuma ki kula da hagunki da damanki ki tabbatar babu mai ganinki(Amma dai Allah na ganinku ehe)
kashe wayar tayi tana cigaba da sunturi awajen, ita kadai tasan irin tashin hankalin da take ciki, hannu tasa ta gyara nikabin dake fuskarta.

tsawon minti arbain saiga dije ta bullo ta wata hanya daban, da gani dai hanyar boyayyiyace, cikin sauri matar ta fizgo hannun dije saida suka dan bada ta zara da inda suke duk da bawai mutanene awajen ba, taja ta tsaya tana kallon dije cike da tashin hankali, duk da ita dijen ba ganinta takeyi ba dan haryanzu bata taba bari taga fuskarta ba,ahaka suke duk tsawon lokacin da ta dauka tanayi mata aiki, koda ace bata hada mata da barazanar idan ta fadawa wani zata kasheta ita da alhlin ta ba,bazata iya fada ba, to dame zata kwatanta ta? ko kwayar idanunta bazata iya kwatantawa ba,

Matar ta girgiza dije cikin tsawa da tashin hankali tace" dije bakya jina wai Ina magana!' dije tayi firgigigit tace inajinki ranki ya dade!'zagaye gurin ta shigayi tare da cewa, dije aiki ya dawo min baya nasa anbinciko mun komai akan Alhaji jafar da abdallah abinda akasanar dani shine, Alhaji jafar aiki ya turo abdallah yayi masa, kuma suna cikin yan adawarmu yaki suka shirya yi damu kuma suna da kyakykyawan shiri akan hakan niyarsu duk abinda na shirya su kuma su rushe, duk da nasan cewa bani kadai bace nake laluban duniya,akwai wasu hadamammu Irina sai dai bakowa nasani ba,shiyasa kikaga bana zaune akan neman burina, ada hankalina ya tashi amma cikin yan mintuna nasamo mafita, kuma wani abun burgewa shine zan jefi tsuntsu biyu da dutse daya!'wata mahaukaciyar dariya ta saki, kana ta dubi dije tace"ankawo mun nama adai-dai lokacin danake bukata, dije nifa shu'umace yadda bakya zato,basu san komai dasukeyi idanunta na kansuba, sun lullubo yarinya sun kawota dan tai musu aiki amma sun fake da cewa, sun samowa inno da abdallah mai aiki ne, to ni suka kawowa mai aiki, dije na kuma samun tsanin aiwatar da abinda nakeso, ke zaki fake abayanta, kawo kunnanki wannan bazan bari Fatima taji ba dagani saike,,rada tayiwa dije wadda akalla tadaukesu kusan minti goma tana tsara mata bukatarta,daga nan tayi mata umarni da ta wuce tatafi gida.
💕
*KUDURAR ALLAH* 💕

*NA*


*FATIMA Y. ADAM*





_____________________________________*

*🌈🇰AINUWA 🇼RITER'S✍🏼*
*🇦SSOCIATION🤝🏻*
```{United we stand and succeed;Our ambition is to entertain & motivate the mind of readers}```
https://www.Facebook.com/kainuwawritersassociation

*_____________________________________*



```Page 14 ```



Baffa hashir ya dubi Abba salisu yace"yanzu Salisu har yanzu babu wani bayani akan labarin Abubakar?nifa abunnan yana matuƙar ɗaure mun kai ni burina nasan suwaye suke da alhakin ɓatar dashi, idan ba hakaba kuwa tabbas muna cikin ruɗani baza kuma mutaɓa cimma burinmu ba, sanin mutanen nan shine samun mafita agaremu tunda kuna ganin dai yadda muke tufka ta baya tana warwarewa,Abba salisu yaja wani dogon numfashi kana yace" Baffa yanzu kafin na karaso nan maganar da muka gama da Alhaji na kenan (Alhaji nasir)kuma munyi maganganu dashi masu muhimmanci, akwai shirin da mukeyi A ƙasa, nasanar da yaya Nura komai dan haka kubamu lokaci!' Baffa Hashir yace to shikenan hakan yayi zamu saurareku muna fatan muji kyakkyawan sakamako!'daga haka sukayi sallama.



Sun kasance suna yin mitin duk ƙarshen wata,manyan mutane ne masu faɗa aji,suna yin mitin ɗin ne saboda matsalolinsu da base ankai su gaban dodo jack ba,ko kuma idan sun sami nasara A wani aikin, sai su haɗa ƙwarya-ƙwaryar liyafa dan taya junansu murna, kamar dai yadda sukayi yanzu mitin ne me haɗe da liyafa don taya junansu murna sabida wata gagarumar nasara da suke ganin sun kusa cimmawa.


Sai dai wani abin mamaki babu wanda zaka gani batare da face Mack ba duk rabin fuskar su A rufe take, ikon Allah wato abinda na fahimta kamar dai sunyi haka ne saboda sun san ina laɓe dan gano su waye daga cikin su ƴaƴan Alhaji Balarabe dan nazo nafesawa fans ɗin ƙudurar Allah, bayan Ni kuma suna tunanin da A kwai wanda zai'iya yi musu leƙen Asiri, gaskiya waɗan nan mutane sun iya takunsu.


Wani ne daga cikinsu, ya fara magana cikin salon nau'in maganar su da bazaka taɓa iya gane muryoyinsu ba, yace" ya kamata ku saurara muyi Abinda ya kawo mu kar lokaci ya tafi!' tsit falon yayi,kana cikin nuna muhimmancin maganar da zaiyi yace" yanzu dai kowa A nan yana cikin farin ciki na kasancewar nasarorin da wasu daga cikin ƴan'uwan mu suke samu na daga manyan burukansu, to gaskiya muna matukar farin ciki da wannan lamari, kuma muna fata zamu ga ƙarshen lamarin cikin nasara!' yana direwa gaba dayansu suka ruɗe da shewa da wasu maganganu na nuna farin cikinsu,sai da kowa ya nutsu, kana wani ya ɗora da cewa lallai dole ne mu kasance cikin tsananin farin ciki kamar yadda abokina ya faɗa,kamar yadda kuka sani ne A kwai muhimman Abubuwan da mukesan haɗawa A cikin matakan aiyukan mu,wanda muka daɗe muna jira har muke ganin kamar hakan bame yiwuwa bane kuma muke ganin kamar rashin nasara ne yake tun karan mu, sai dai kuma da temakon dodo jack lamarin ya sauya daga faduwa zuwa nasara,dan A halin yanzu komai ya kammala sai aiwatar da aikin wanda shine mataki na biyu da zamu shiga, amma fa karku manta wannan aikin da muke shirin tunkara yana da matuƙar wahala zamu shiga ƙalubale masu yawa A kwai yiwuwar tonuwar asiri A kwai kuma yuwawar samun nasara, amma mun fi raja'a akan samun nasarar sai dai kawai wahalar aikin, dan yaran sarrafa su shine babban haɗarin da zamu fuskanta to amma munyiwa hakan kyakkyawan shiri kuma zamu cigaba da yin shiri!'gaba falon ya daɗa ɗaukar sowarsu, nan dai aka fara ciye-ciye da shaye-shaye, basa tare da wata damuwa bare kuma tunanin makomarsu.

Alhaji Baba ne zaune shida Abdallah yana yi masa bayanin fadima da ainihin labarinta da inno ta gaya masa,da kuma irin hukuncin da ya yanke akan zaman nata, shi dai Abdallah ya amsa masa ne kawai batare da ɗaukar zancen da wani muhimmanci ba, sai dai jin cewar daga cikin estate din aka kawota dan yi masa aikin abinci, yasa yaji wani Abu can ƙasar zuciyarsa me kama da rashin yarda,duk da baisan wacece ainahin Anty nafisan ba, cikin salon maganarsa ta muskilanci da ɗaukar hankali yace" Baba Alhaji shikenan tunda ka gamsu da ita bani da matsala sai dai inaso ka haɗa ita yarinyar da dady dan ya gaya mata tsarina!'Alhaji Baba yayi murmushi irin nasu na manya, kana yace"a'a Abdallah basai na tambaye shi ba nasan abinda kake da damuwa dashi, ba dai hayaniya bane bakaso ita ma yarinyar bata da hayaniya dan abinda na fara dubawa kenan na tabbatar zaka amince da zamanta dan haka baka da damuwa da wannan, hatta da list ɗin Abincin da kake ci da lokacin da kake cinsu, da haɗin copy duk an sanar da ita fatana na gaba kawai Allah ya sa Abincin yayi maka!'jinjina kansa yayi kana ya miƙe cikin takunsa na ƙasaita da nutsuwa ya fita daga falon.


Hajiya zulaiha ce tayi sallama falon inno,inno ta amsa sallamar tana cewa Ammin rahima kece haka da yamma!' Ammi ta amsa tana ɗan sakin murmushi tace" wallahi inno daga side ɗin Hajiya Babba nake kwana biyu jikin nan ya hanani zuwa dubaku!'inno tace haba Ammin Rahima ai mune zamu zo mu dubaki dan yanzu mun fiki jin karfi ke da ba wani cikakken lafiya gareki ba da kinyi zamanki!'ammin tace"inno ai da sauki jikin daga nan ma wajen Hajjo zanyi, naje na duba Alhaji Baba shima!' inno tarike haba tare da cewa to sannunki da kokari, ya kuma karfin jikin?Ammi ta amsa da cewa da sauƙi, inno yanaji gidan naki shiru ina sabon jikan naki?inno tace"wai Abdallah kike magana wannan baya nan yana can Asibitin sa ko da yana nan ma bazaki gane ba dan basan hayaniya yakeba, su kuma yaran duk sun daina zama saboda shi!'Ammi tayi dariya tace ai kam yayi mana maganin ƙiriniya yanzu shiru kikeji kunnan mu ya huta!'

Zahra..zahra,inno tashiga ƙwala mata kira, yayin da take sanar da Ammi cewa bari na kira zahra