You Cannot Download this book untill you login but you can read it .

---

Login Register

wani irin kyarma kamar ana kaɗa mazari,shuru ne ya gifta ta ta wajen kamar babu wani halitta agurin,yayin da Abdallah ya kuma gyara tsayuwar sa yana mai kafe fuskar matar da ido zuciyar shi na dokin ganin fuskar ta ta ainahi.


Yana zuwa yasa su Hajjo suka fito da komai nasu ba tare da ya amsa musu tambayoyin da suke ta jera masa ba,sai da suka shiga mota kana yace"da Anty Asma'u ƴan biyu suna Yola ko? tace e suna can basu dawo ba!'daga haka bai kuma cewa komai ba yaja motar suka fara tafiya,tunda ya fara tafiya ya kula da motar dake binsa,kuma zuciyar shi ta aiyana mashi cewa mutanen Nafisa ne suke binsa,A hankali ya dinga rage gudun motar har ya tsaya agefan hanya,yana kallo suma sukayi fakin abayan motar tasa,Hajjo da ta kula da abinda ke faruwa tace"Umaru mai makon mu guje musu sai kuma kanemi guri ka tsaya!'yace"Hajjo da akwai abinda nake son aiwatarwa!'ƙwanƙwasa glace ɗin window sa da akayi shi ya maido da hankalin sa wajen,zuge glace ɗin yayi,yana kallon yaron da ya tsare shi da jajayen idanun sa da suka sha sukayi tatil,yaron ji yayi kawai ya kasa aiwatar da abinda yayi niya akan Abba Umar,wani irin kwarjini yayi masa,wanda har bai san sanda Abba Umar ɗin ya fito daga cikin motar ba,sai ji yayi yana cewa ɗan samari nasan abinda ya kawo ku gurina ko nace yasa kuke bina!'dafa kafaɗar sa yayi suka fara tafiya, ɗan nesa da su Hajjo suka tsaya,daga nan sukayi magana da Abba Umar wanda sam basu bari naji abinda suka ce ba,na dai ga kawai sunyi hannu da Abba Umar, da sauri, Abba Umar ya koma motar sa yaja ba tare da yayiwa su Hajjo bayanin komai ba..


Sai da taja mintuna a haka kana ta tashi ta kaɗe jikin ta,idanun ta sunyi jajur saboda yanayin firgicin da tashiga,kallon Dije tayi tare da cewa, Dije na gode da ƙoƙarin ki gareni kuma yanzu zan cika miki alƙawarin da nayi miki,daga nan ba zamu wuce ko ina ba sai inda na ajiye miki yaran ki,kuma suna nan babu abinda ya same su kamar yadda na alƙawarta miki!'Dije tace"naji wannan ranki ya daɗe saura ɗayan alƙawarin!'Hajiya tace"ina sane da wannan ma amma shi ina so kiyi min alfarmar bari muje inda yaranki suke sai na buɗe miki fuskata acan!'Dije ta jinjina kanta alamar gamsuwa,sai dai kuma Abdallah fa ya zatayi dashi?wata zuciyar tace"da ita, kema kin san kowaye Abdallah ba zai rabu da ku daga nan ba dole zai biku ko dan sanin manufar ki ta bin matar bayan ba haka kukayi ba,hakan yasa ta sauke guntuwar ajiyar zuciya,tare da bin bayan matar da ta ƙauta taga fuskar ta,


Sai dai kuma abinda Dije bata sani ba shine komai akan kunnuwan Abdallah suka faɗe shi, dan kuwa Allah ya bawa Abdallah ji tamkar maciji,dan haka yana jin haka yayi saurin fita daga inda ya ɓoye,motar sa ya koma yayi shirin bin bayan su Dije ba tare da ya bari matar ta gano shi ba.

Sai da suka ɗan yi nisa kasan cewar a Nafef suke shi yasa basuyi masa nisa ba,haka kuma ya dinga binsu cikin nutsuwa ba tare da ya bari sun kula da hakan ba,tafiya sukayi doguwa sosai,kana suka shiga wata hanya kamar hanyar da zata iya kai ka zuwa wani ɗan ƙaramin ƙauye,wajen shuru babu kowa sai gidan ƙwalli ɗaya a gefan gonakin mutane,tsayawa sukayi ta sallami mai adaidai ta sahun su kuma suka shige cikin ma daidaicin gidan, Abdallah baiyi gangan cin binsu ba sai da yaga mai Nafef ɗin ya fito kana,ya bisu bayan yayi fakin ɗin motar sa acan baya,shiga yayi gidan cikin sanɗa da kiyaye wan da zai iya ganin sa.


Duk ma aikatan da suke mata gadi acikin gidan bin ta sukayi suna girmamata tare da bata bayanai akan cigaban da akasamu na aikin da yake wakana A cikin gidan,hakan ne ya bawa Abdallah damar shiga gidan ba tare da sun ganshi ba,sai dai kuma ɗakin da suka nufa ne ya ɓace masa kamar wasu walƙiya haka suka ɓace masa,ko magan ganun su baya ji,ɗan jim yayi cike da tunanin abinda ya kamata yayi,fara tafiya yayi cikin sanɗa yana bin bango,wani ɗaki ya hango yana facin ɗinshi,ƙara sawa yayi bakin ƙofar ya ɗan kara kunnen sa ko da zaiji sautin maganar su,sai dai maimakon haka sai sautin kuka da yaji da kuma addu'oin da akeyi, Allah ina rokon ka ka kawo ƙarshen matar nan, ka kawo me kuɓutar damu daga wajen nan dan girman annabin da alƙur ani!'ji yayi kawai ya murɗa mariƙin ƙofar ga mamakin sa kuwa sai yaji ta buɗu,ba tare da tsoro ko shakka ba ya saka kansa dan ya tabbatar ba dakin su Dije suka shigo ba.

Da sauri ta ɗago kanta da yake sunkuye tana ta malalar hawaye,kallon kallo suka shiga yi tsakanin ta Abdallah,wan da shi kuma Abdallah tuni ya shiga wani irin shock mai ƙona jinin jiki,kallon fuskar matar sa Bintu yake yi acikin fuskar dake gaban sa, sai dai kawai wahala da girma su ban banta Bint da wannan matar dake gaban shi,da sauri Laila ta miƙe tana cewa zuwa kayi ka fitar damu ko? Allah ne ya turoka,maza mu tafi mu dauko yaya, dama naji ajikina yau addu'a ta zata karɓu yau Allah zai fitar damu daga cikin wannan uƙubar!'ta faɗa tana kama hannun Abdallah da ya rasa abin cewa saboda tsabar mamaki da al'ajabi,idan tunanin shi ya bashi dai dai kenan wannan itace Laila mahaifiyar bint ɗin shi,tunanin sa ne ya katse lokacin da yaji muryar ta kuma dukan dodon kunnen sa tana cewa mai ka tsaya yine ko ba mu kazo taimako ba?za fa ta iya zuwa ta same mu idan bamuyi gaggawar barin gidan nan ba!'hakan da ta faɗa ne ya zaburar da Abdallah yaja hannun ta da sauri yana cewa ina fafy yake?duk da tayi mamakin ambatar yayanta da fafi da yayi amma hakan baisa ta tsaya yi masa tambayoyi ba,cikin san ɗa suka fita daga ɗakin,A hankali suka murɗa mariƙin dakin dake kusa da na Laila,cikin ikon Allah shima suka samu A buɗe yake,da sauri suka kamo fafi da ko magana baya iya yi saboda tsananin cuta da jigata ko kansa bai san inda yake ba,sunkutar sa Abdallah yayi tare da kama hannun Laila,cikin ƙudurar Allah da nasarar dake bin rayuwar su,suka fita daga gidan ba tare da ko tsuntsu ya gansu ba..


Da gudu Dije ta ƙarasa ta rungume yaran ta da sukayi zuru zuru saboda tsabar kewa da zaman guri ɗaya, duk da dai an kwana biyu ba ayi musu wata azaba ba,sun daɗe suna kuka ita da yaran ta,yayin da su kuma su Hajiya suka tsaya suna kallon su duk da bawai tausayi ne ya sa su kallon na su ba,abin mamaki babu wanda yayi musu magana ko tsawa wanda dalilin hakane yasa suka kwashi kusan minti ashirin A haka,daga bayane Hajiyar ta kalli yaranta tare da cewa ku ba mu guri zamuyi magana,kuma ku tabbatar kun kula da ragowar Ajiyar dake gidan!'fita sukayi tare da jawo musu kofar,dan taku tayi biyu zuwa uku kana ta tsaya tare da cewa Dije ko kin san cewa mahaifiyar Bintu na cikin gidan nan?maganar ce ta zowa Dije a wani irin bazata bata gama fita daga wani shock din ba ta shiga wani, sakamakon saka hannun ta da tayi akan fuskar ta tana yaye liƙabin fuskar ta,miƙewa Dije tayi tana nuna ta da yatsa cikin tsananin firgici da kiɗima da mamaki da tashin hankali,bakinta na rawa tace"in...........


Kar ku manta ganin COMMENT ɗinku shike bani ƙarfin gwiwa...

FATIMAH Y ADAM✍🏽
💕
*KUDURAR ALLAH* 💕

*NA*


*FATIMA Y. ADAM*





_____________________________________*

*🌈🇰AINUWA 🇼RITER'S✍🏼*
*🇦SSOCIATION🤝🏻*
```{United we stand and succeed;Our ambition is to entertain & motivate the mind of readers}```
https://www.Facebook.com/kainuwawritersassociation

*_____________________________________*



```Page 53 ```


Innalillahi'wa'inna ialaihi raji'un,t faɗa tana da ɗa murza idanun ta cike da mamakin wadda ta gani,ba ƙaramin shock ta shiga ba ganin matar dake tsaye gaban ta,cikin tsananin ruɗani da mamaki gami da tashin hankali take nunata da yatsa bakinta yana rawa ta gaza furta abinda take son furtawa,zuciyar ta babu abinda take sai ta riyo mata irin karamci da Mutuncin matar,kai ita Dije ma zata iya cewa duk gidan Alhaji Baba babu macen da tafi kirki da mutunci a idanun ta kamar wan nan dake tsaye agaban ta,ta tuna lokacin da tazo gidan amatsayin mai neman masauki,itace wadda ta fara karbar ta,tare da bata masauki kafin daga baya ta haɗa ta da ɓangaren Dady Mansur,to hakan yana nufin duk shiri ne?dama da manufa tayi mata hakan?lallai kuwa idan haka ne wannan mata ta cika cikakkiyar makira kuma shu'ma,zilwaja haini,katse Dije tayi da cewa,kinyi mamaki ko Dije?to amma kuma idan kika bi ta wani fuskar ai ba wani abun mamaki bane,yanzu dai duk ba wannan ba abinda nake so dake shine ki tashi ki tattara yaranki da komatsanki zan baki kuɗin aikin ki,ki bar garin Abuja gabaki daya kiyi nesa da ita,bana buƙatar ganin ki acikin garin nan,saboda hakan shine rufuwar asirina!'Dije bata ce komai ba, sai miƙewa da tayi ta haɗa hannuwan ƴaƴan ta suka fara tafiya,matar tace"Dije baki ce komaiba me shurun ki yake nufi?Dije ta ɗan dakata ba tare da ta juyo ba tace"babu abinda shuru na ke nufi sai Alkhairi,kuma bana buƙatar komai daga gareki tunda kin riga kin cika alƙawarin da kika yi min haka ma na gode!'daga haka ta ja yaran ta suka yi waje, zuciyarta cike da baƙin cikin rashin Bintu ko Abdallah a wajen,gashi yanzu bata san yadda za ayi ta haɗu dasu har ta fayyace musu abin da ke faruwa ba.


Wata mashahuriyar dariya ta fito tanayi wadda ke nuni da tsananin farin cikin da take ciki ji take kamar ta samu Abubakar ta gama,gashi kuma ta toshe duk wata hanya da zata iya tona asirin ta,dariyar tace ta tsaya lokacin da tashiga dakin Laila,zubawa ɗakin Ido tayi cike da razani da tunanin inda Laila ta shiga,da sauri ta buɗe ƙofar toilet ɗin dake ɗakin, dubawa ta shiga yi loko da sako,amma babu Laila babu labarinta,cikin wani azababban sauri ta fito tana ƙwalawa masu tsaron su kira,cikin rawar jiki duk suka nufota yayin da ita kuma ta waɗa dakin da fafi yake ciki,ga tsananin mamakinta shi ma baya nan, babu komai aɗakin sai tarkacen kwanikan da ake basu abinci,ihu ta saka tare da zunduma musu wata iriyar gunndume miyar ashar,cikin tsawa da yanayin hauka hauka na zaucewar tunani take cewa,me kuke yi suka gudu? kuna ina aka sace su?ɗaya daga cikin sune yace"ai Hajiya lokacin da kuka shigo gidan nan daga dakin su nake na kai musu abinci!'babban cikin su ma yace"tabbas Hajiya lokacin da kuka zo gidan nan ajiyar ki suna nan,sai dai idan bayan shigar mu dakin nan ne suka gudu!'zubewa tayi agurin cikin ɗora hannu aka take cewa shike nan asirina ya tonu,ya akayi na bari haka ta faru?ya akayi akasan da gidan nan duk takatsan tsan ɗin da nakeyi?dungu yace"Hajiya anya kuwa matar nan tana da gaskiya?anya bata haɗa miki gadar zare ba?wata irin zabura tayi cikin ihu tace"ku bi Dije ku samo min ita duk inda take,ku kawo min ita nan!'ta faɗa tana sharce gumin da yake ta wanke mata fuska,da gudu suka bazama neman Dije.

To ya akayi Dije ta shammace ta haka?tabbas babu wanda ya isa yazo gidan nan sai wanda ya biyo bayan su,to waye ya biyo bayan su?wata zuciyar tace mata Dije ta riga ta shirya komai kafin haɗuwar ku,tabbas wannan shirin dagaDije ne makircin daga Dije ne,dama sun shirya yin komai ita da Bintu,to ya akayi BINTU tasan cewar iyayen ta suna wajenta?a kwai fa matukar ɗaurewar kai a cikin wannan al'amari,bata ga ta zama a wajen nan ba,dole ta tafi estate ta kasa ta tsare taga daga inda al'amarin ya ɓullo.

Dije tana fita ta ɗauki hanya, sauri suke tamkar zasu tashi sama,saida sukayi dan nisa daga gidan kana suka tsaya maida numfashin gajiya,kamar daga sama suka ga mota A gaban su,kafin ta gama mamakin yadda akai mota tazo nan,taji Muryar Abdallah yana cewa yi sauri Mama Dije ku shigo!'Dije bata tsaya sanya ba da a zama ta tura yaran ta cikin motar kusa da fafi,itama ta shiga,da wani azabar gudu Abdallah yaja motar kafin ƙiftawar ido sun bace sai ƙurar motar sa,a daidai lokacin kuma yaran Hajiya suka ƙaraso gurin basu ga mota ba sai ƙurar mota,a take kuwa zargin su ya tabbata,juyawa sukayi jiki a san yaye,dan sun san zasu sha bala'i gurin Hajiya.


Wai Abdallah har gida nawa ne dashi ne?nice nayi wa kaina wannan tambayar,ganin ya kuma kawo su Dije da Laila wani gidan mai shegen kyau, A hankali ya fito da fafy daga cikin motar,Laila ta kama hannun sa suka shiga takawa su Dije na binsu Abaya,sai da ya kai fafy har cikin daki yayi masa duk wani abu da ya kamata,kama daga karin ruwa allurai da sauran su,kana ya Umarci hafiz ɗan Dije da ya zauna a dakin tare da fafy ya dinga kula dashi,su kuma ya wuce dasu sama inda ya bawa Dije da salma ɗiyar ta daki ɗaya,daga nan kuma ya kai ummi Laila lafiyayyan ɗaki,sai alokacin yayi magana da ita,duban ta yayi cikin nutsuwa da girmamawa yace"Ummi ga nan dakin ku zauna a gidan nan gaba dayan ku,saboda kuna bukatar tsaro gaba dayan ku!'juyawa yayi zai fita sai kuma ya tsaya sakamakon jin muryar da yaji tamkar Bint ɗinsa na magana, tace"samari ya kamata kayi min bayanin ko kai waye da kuma dalilin taimakon mu da kayi? ɗan murmushi yayi wanda sai da zuciyar Ummi Laila ta buga sakamakon ganin tsananin kama da ta hanga kan fuskar sa da kuma yanayin sa da mutumin da baza ta taɓa mantawa dashi arayuwarta ba,yace"karki damu ummi yanzu kuna buƙatar hutu zakiji duk abinda kike bukatar ji,amma kiyi haƙuri yanzu da akwai babban matsalar da nake son warwarewa,yanzu zan aiko muku da abinci!'ya faɗa yana ficewa daga ɗakin,zuru tayi tana daɗa kure bayan shi da takun shi da kallo,sak Umar ɗina ta faɗa tana waɗawa toilet dan yiwa jikin ta kyakykyawan wankin da ya dade bai samu ba.


Abdallah bai bar gidan ba sai da ya tabbatar su ummi basu da wata matsala,har satar kallon ummi Laila yake saboda yadda take masa tsananin kama da Bintun sa gashi kuma tayi wanka tayi fes da ita cikin doguwar abayar da ya siyo mata,shi yasa duk damuwar sa ta karu ya ƙagu da yaga lafiyar Bint,tazo ta ga ya cika mata alƙawarin da ya ɗaukar mata akusa,yana matuƙar san ganin farin cikin ta wanda kuma hakan bazai taba samuwa ba har sai ya kuɓutar da ita daga hannun wani can azzalumin ya kuma kawo ta gaban ummin ta da fafyn ta, Daniyal ya kira ya kawo musu take away,kana ya umarce shi da ya zauna tare da su ya kula dasu A matsayin sa na namiji kuma ma aikacin tsaro,daga nan fita yayi shi kaɗai ya ɗauki Dady jafar A gida suka nufi inda suke son zuwa,tashar jirgin sama suka nufa inda suka haɗu da wani farin Bature, daga Ni ma dai ya ɗan jima yana jiran zuwan nasu,bayan dan gaisuwa ta mintuna ya miƙawa Abdallah saƙon hannun sa yana cewa gaskiya kayi sa a, sosai da samun wannan sakon a cikin kwana ɗaya da yini ɗaya! murmushi kawai Abdallah yayi ya juya suka bar tashar.


Dady jafar ya ɗan dubi Abdallah kana ya maida kansa zuwa hanyar da suke bi,yace"yanzu meye mafita ta ɓangaren samun kiran nasa,kaga mun gama shirin mu yanzu shi muke jira!'abdallah yaɗanyi slow da motar kana yace"nima tunanin da nake kenan!'bai gama rufe bakinsa ba, sai ga wayar mutumin,da sauri Abdallah ya ɗauka yana mai fatan samun nasara tunda ya gane ko waye yake kiran,ba tare da ya bari ya saurari abinda zaice ba Abdallah ya tari numfashin sa da cewa,ɗan zaki ya shirya zuwa karbar zakanyar sa!'wata irin dariyar mugunta ya sheƙe da ita kana yace"yauwa ɗan zaki ka kyauta,ke nan ka shirya zuwa inda zaka samu zakanyar ka!'yace"kai nake saurare?cewar Abdallah ke nan,da zuciyar sa ke wani irin tuƙuƙi saboda sauraran Muryar wannan baƙin ƙumurcin,nanu yace"ina mai kuma yi maka gargaɗi akan zuwa da wasu mutane ko kuma jami an tsaro,yin hakan daidai yake da rasa matar ka da mahaifinka,nayi alƙawarin kashe su koda zan rasa rawa rayuwar kuwa!'cikin ƙosawa Abdallah yace"ina jiran address wannan duk na dade da kiyaye su!'hakan yayi kyau ɗan zaki,ka kalli fuskar wayarka zata haska maka inda zaka same mu ba tare jinkiriba!' Dady jafar ya dube shi da sauri yace"maza muje mu dauko Abubakar ɗin kar lokaci ya ƙare!'cikin hikima suka karbi Dady Abubakar daga wajen Malam na zaure,daga nan kuma sai suka dauki hanya,yana tafe yana waya dasu Safwan akan shirin kama su Alhaji Hashir da Alhaji Nasir da dai duk sauran ƴan tafiyar su,

A can kuma su Abba Umar wani ɓoyayyen gidan sa ya kaisu su Hajjo,tare suka ɓoye kansu,dan gabatar da shirin da suka shirya,


Da sauri ta ɗaga wayar da tun ɗazu tana hannun ta dan ta kasa ajiye ta gani take kamar labarin wani abun zai iya wuce ta,cikin sauri tace"ya akayi ina fata dai komai ya kammala?bansan amsar da aka bata acan ɓangaren ba sai kawai ta sheƙe da dariya cike da farin cikin samun nasara akan burin rayuwarta,tace"Barka" inawa kaina Barka kafin nayi muku Barka da arzikin dake bunku yadda kuka cika min burina nima zan cika muku alƙawarin da nayi muku dan haka yanzu ina jiran shaidar kashe su da kuma asusun bankin ku!'kashe wayar tayi ta bar su da sakin baki gaba dayan su wayar suke kallo yayin da suka shiga tunanin yadda za ayi su tura mata shaidar kisan da tasaka su aikata,sai dai kuma abunka da ƴan ta adda waɗan da suka saba aikata kisa a kowane lokaci kuma su ajiye record saboda wata rana,shi yasa basu sha wuyar turawa Nafisa fake ɗin gawar Abba Umar ba,sun tura mata kuma shirin su yayi daidai da irin ƙwaƙwalwar Anty Nafisa dan bata gane komai ba tunda ita dai taga gawar mutum kuma taga ƙonannen gida bata da wata damuwa,take ita ma ta tura musu kudaden su, zuciyarta fes bata da wata sauran damuwa sai ta cin duniyar ta da tsinke.

Cikin sauri ya gaida Hajjah ba tare da ya zauna ba,hakan ne ke nuni da irin saurin da yake dan fita daga gidan, zuba masa ido Hajjah tayi ganin yadda yake ta share gumi ga kuma yawan kallon agogo da yake yi,cikin tsare shi da ido tace"wai Mansur saurin me kake yi ne haka,gaba ɗaya ka kasa zama ba daban Ni nayi kiran ka ba ma ina ga bazaka zo ba!'ta faɗa tana daɗa tsare shi da mahukuntan idanunta,cikin ɗan sosa kai yace"wallahi Hajjah da inda zani kuma zuwan yana da muhimmanci!'tace"shi wajen bashi da suna?girgiza mata kai yayi yana ƙoƙarin tashi,ba tace"masa komai ba sai ido da tabi shi da shi.


Yana fita ya shiga mota wanda da alama bashi kadai ne cikin motar,kasancewar duhu ya farayi shi yasa ban kula da wanda ke zaune a bayan motar Ba,figar ta yayi da matsiyacin gudu,itama cikin sauri ta shiga motar ta tare da figarta a tsiyace,tana cewa Mansur bazan bari ka tseremin ba dole sai na ga inda kakai Abubakar kuma sai na kwato shi a yau ba sai gobe ba!'ta faɗa tana ɗan danna wayar ta,wanda da alama kira takeyi,cikin sakanni kuwa aka daga wayar,ba tare da ta saurari wani zance ba tace"ina fatan kuna nan inda nasa ku tsaya!'daga can aka amsa mata kana tace"yauwa to gamu nan yana fitowa kubishi Abaya Ni kuma zan biyo ku kar ku sake ku bari ya tsere muku haka kuma kar ku bari ya fuskanci ana bin bayan sa!'daga haka ta kashe wayar ta ci gaba da bawa motar ta wuta.


Dady jafar ya kalli Abdallah cikin gajiya da shiga wannan uban surƙuƙin dajin,yace"anya kuwa Abdallah ba yaudarar mu yayi ba? Amma ace dan Adam ne yake shiga gurin nan babu gida gaba babu baya!'abdallah ya dage kanshi tare da cewa tunanina kawai shine halin da Bint take ciki!'daga haka basu kuma magana ba har suka zo wajen da yayi daidai da zanen kwatan cen da yake kan wayar sa,ɗan slow suka farayi tare da yin ƴan dube dube saboda ko bukka basu gani awajen ba bare gida,gashi kuma inda aka zana taswirar akwai gida a wajen,tsayawa sukayi tare da zubawa dajin ido wanda yayi tsit baka jin kukan komai sai na tsuntsaye,kamar daga sama sukaji ance, sannun ku da zuwa ɗan zaki,munayi maku maraba kaida jajirtaccen uban riƙon ka,ku fito daga cikin mota ai kun zo inda kuke nema!'daga haka gurin ya kuma ɗaukar shuru kamar yadda yake a farko,da ambatan Bismillah da addu o in tsari suka fito daga cikin motar,ga tsananin mamakin su suna fitowa suka ga tafkeken gidan da babushi a farkon zuwan su,ba tare da ɓata lokaci ba suka ɗauko Dady Abubakar dake san ƙame kamar gawa,suka shiga cikin gidan ba tare da sun tsagaita da ambatan Allah jalla wa'azza ba.

Wani fili suka fara tararwa kafin su dan gana da ƙofar da suka gani tana kallon su,itama kai tsaye suka shigeta ba tare da jin tsoro ko wani ɗar atare dasu ba,sosai suka shiga gidan da yake da wani irin zurfi ga wani irin duhu da ya mamaye gurin gaba ɗaya, da taimakon Allah kawai suke samun inda zasu jefa ƙafafunsu,gajiya sukayi da shiga inda basu sani ba kuma basu da tabbacin akwai mutane agurin,suna tsayawa haske ya gauraye wajen,bin ko ina suke da kallo cikin mamakin mutanen da suka gani agurin,kallon juna sukayi kana suka maida kallon su kan mutanen da suke zaune wasu kuma a tsaye,da wasu irin jajayen kaya ajikin su sai zane dake kan fuskar su,zasu kai kimanin su ashirin da ɗoriya,babu wanda ya tanka acikin su duka, sai daga can baya akayi magana da cewa Barka da zuwa ɗan zaki tabbas kacika ɗan halak wanda ke saka Alkhairi da halacci,ga kuma soyayya mai tsanani wanda bantaɓa jin ta ko ganin irinta ba,maza ka miko min mahaifin ka Ni kuma na miƙa maka matar ka!'Abdallah yace"ba haka mukayi da kaiba,dole sai naga lafiyar Bint kafin na baka mahaifina!'wata shegiyar dariya ya sheƙe da ita kafin yace"yaro kar ka manta fa fada ta ka shigo dan haka gaddama ba taka bace,kawai kayi abinda na saka ka inda ba haka ba zan nuna maka ƙarfin iko na,ko dake ma bar shi dama na sha alwashin ta hanyar ku zan samu cikar burina dan haka yanzu agabanka mahaifinka zai buɗi baki ya sanar dani inda suka ɓoye wannan dimon ɗin!'take ya shiga yin wasu siddabaru duk da yasan ba lallai ne yayi ba,yana kuma daga inda yake ba tare da ya fito su Abdallah sun ganshi ba,kafin ƙiftawar ido Dady Abubakar ya fara wani irin jijjiga kafin wani lokaci jikin shi ya saki yana fitar da wani irin numfashi,da sauri nanu ya fito daga inda ya ɓoye cike da mamakin farfaɗowar da ABUBAKAR yayi ba tare da yayi masa wani aiki ba dan siddabarun da yayi yanzu gwadawa kawai yayi tunda yanzu bashi da karfin siddabaru kamar da.

Cike da tsananin mamaki Abdallah ke kallon shi cikin rawar baki ya nuna shi tare da cewa"Dady Mansur kai ne dama?Dady jafar yace"haba Abdallah me na gaya maka ai Ni ban yi mamaki ba saboda duk wasu alamu sun gama nuna Mansur a fili!'
cikin wani taku irin na taƙama ya ƙaraso gaban Dady Abubakar wanda ya buɗe idanun sa tsaf yana bin Mansur da wani mugun kallo,hannu yasa ya ɗago habarsa yace"dan uwa yau fa ka dawo mutum ina tayaka murna,ya faɗa yana jifan su da wani shu'umin murmushi, Abdallah kuwa kallon da yakewa Dady Mansur hatta Dady jafar saida ya nutsu dan son gano ma'nar kallon.


Tun da suka zo suna bakin gurin sun rasa inda Mansur yashiga basu san ta hanyar da yabi ba,domin su dai basu ga gida ko wani waje dake nuna alamun da mutane a wajen ba,tashin da tashiga ba mai misaltuwa bane, wannan aishene ta tasamu yanzu kuma tana shirin ganin rashi,to ina wannan shu'umin ya shiga da