You Cannot Download this book untill you login but you can read it .

---

Login Register

dan kwanta da taga jama'a musulmai suna hada-hadar shiga masallaci.


Sai da akayi sallar isha dayawan jama'a suka dinga fitowa daga masallacin,motace ta dallareta yayin da aka bude wawakekiyar kofar get din gidan da take rabe ajikinsa, cikin sauri ta mike saboda yadda idanunta suka mutu saboda hasken fitilar,

Bayan motar ta shige ne aka maida kofar aka rufe, sai kuma tsoro ya kamata, bintu sarkin kuka, take ta fara sana ar tata,sake bude kofar taga anyi da sauri ta zabura ganin wata girkakkiyar mata ta fito daga cikin gidan kai tsaye ta nufeta,bintu na ganin haka ta karawa kukanta sauti dan kuwa bintu matsoraciyace ta sosai, matar na zuwa ta jawo hannun bintu suka shiga cikin gidan, d'an da katawa matar tayi kana ta dubi bintu fuskarta babu yabo ba fallasa tace" kimin shiru ba wani abu zan miki ba mai gadine yasanar dani ya ganki ta CCTV tun dazu kina zaune banyi ma niyar kula kiba saida mai gidana ya dawo ya kuma yi min maganarki yace inzo na shigo dakeee...



Tofa yanzu aka fara wasan
Wai hannun wa bintu ta fadane? Shin zata samu nasarar shiga estate?idan ta shiga wace irin rayuwa take agidan ?a wane matsayin zata shiga?
Shin ya rayuwar abdallah zata kasance acikin ahlinsa? Anya kuwa abdallah zai iya zama cikin hayaniyar ahlinsa ko zai fece? Da gaske zai iya zabar abokiyar rayuwa acikin jikokin Alhaji baba? Wai kuwa Ina labarin dije?meye shirinsu Alhaji hashir ne da suke neman inda aka boye Alhaji abubakar? Ina hajiya zulaiha ta shige shin itama Bata gane gudan jinintaba abdallah?meye hakikanin zuciyar alhaji mansur ?akwai tambayoyin da bamuzo gabar yinsuba, ku biyoni Dan jin tarin amsoahinku.......


Comment.......
💕
*KUDURAR ALLAH* 💕

*NA*


*FATIMA Y. ADAM*





_____________________________________*

*🌈🇰AINUWA 🇼RITER'S✍🏼*
*🇦SSOCIATION🤝🏻*
```{United we stand and succeed;Our ambition is to entertain & motivate the mind of readers}```
https://www.Facebook.com/kainuwawritersassociation

*_____________________________________*



Wannan page din kacokan na sa daukar dashi ga yan fans din KUDURAR ALLAH ina matukar godiya gareku Allah ya bar kauna love u lodi-lodi..,..



```Page 11 ```


Tunda ya kwanta bashi ya farka ba sai da yaji kiran sallar asuba acikin kunnensa, ahankali ya bude manyan idanunsa dasuka koma wata kala mai matukar kyau da burgewa saboda baccin da bai isheshi ba, cikin yar kasala ya mike daga kan lallausan gadon nasa ya nufi hanyar toilet dan dauro alwala, yana fitowa yaji ana taba nock din dakin, ahankali ya karasa jikin kofar yana mamakin kowaye acikin wannan lokaci, ga tsananin mamakinsa Alhaji baba ya gani tsaye yana doka masa nutsatstsan murmushi wanda yake gauraye da wata irin mashahuriyar kauna,cikin tsananin kulawa yace" abdallah jikana fito mutafi masallaci ba nisa bane acikin estate dinnan yake dannasan haryanzu akwai gajiya atare dakai!'jinjina kai kawai abdallah yayi tare da kama hannun Alhaji baba yana cewa na fito, ai da kasani baka zo har nan ka wahalal da kanka ba sai mu hadu amasallacin!'Alhaji baba ya gyada kansa ayayin da suke jerawa yace" abdallah daka yanzu duk sanda kaga banzo na ta da kai mun tafi sallar asuba ba to ka kaddara aranka ba lafiya ba, dan tun daga yau na wajibtawa kaina, sai dai kuma idan baka nan ko na mutu ko kuma kayi aure kayi nesa dani!'adai-dai lokacin sukazo kofar masallacin dan haka zancen nasu ya yanke.


Ko da aka idar da sallah sun jima aciki suna karatun alkur'ani Alhaji baba ba karamin dadi yajiba da yasamu abdallah yadda yake tsammata, wato mai tsananin ilmin addini da kuma aiki dashi,saida gari ya danyi haske kana suka fito Alhaji baba har kofar dakinshi ya kuma rakashi kana ya dubeshi cike da kauna, yace"abdallah kaje ka kwanta za'akawo maka kayan karinka idan katashi nasan yanzu kana bukatar hutu!' ahankali abdallah yace"na gode!' alhaji baba bai saurareshi ba ya wuce dan komawa bangarensa.

Lumshe manyan idanunsa yayi wanda suke cike da zara-zaran eyelashes,yana mai jin kansa awata duniya ta daban, gashi dai acikin yan uwansa kuma mahaifarsa amma bayajin farinciki da walwala atare dashi, abu daya yaji tun shigowarshi gidan shine kauna da tausayin Alhaji baba sai kewa ta mahaifansa da ta lulllubeshi,yana jin kewar mahaifiyarshi saidai bazai iya haduwa da ita ba ahalin yanzu domin bazai iya jurar ganinta batare da ya nuna tsananin kewarta da dokinta agareshi ba,ko ita ma ta mantashi?ko tana tunanin sa ahalin yanzu?kwanciya yayi asaman gadonsa yana mai shafo tattausar sumar kansa da tai matukar kayatuwa wadda tai dai-dai da dan siririn sajen da ya kawata fuskarsa ma'abociyar kwarjini da haiba, rufe idanunsa yay yana mai kokarin gayyato bacci ko yasamu kansa ya daina masa ciwo.



Kaiwa take tana komowa kamar mai safa da marwa, can dai kuma ta zauna,tana mai cije bakinta ta rasa ma wani irin tunani zatayi karfa garin sanyin jiki tabari abubuwa su cakude mata, kai Ina ai haka ma baza ta taba faruwa ba,duk yakin da nakeyi shekara da shekaru amma ace lokaci daya wasu banzaye suzo sucini da yaki ina bazan taba barin haka ta faruba, sai na ga abinda ya turewa buzu nadi!' takarasa fada tana fitar da wani irin zazzafan huci.



Majalisar da take kasancewa afalon inno ce yau take ta tafka mahawara kowa da a bokin yinsa kasancewar bikin da yake ta da da matsowa dan yau sauran kwana goma afara shagalin bikin,shiyasa idan suka zauna basu da wani zance idan ba na yadda bikin zai kasance ba, amare hudu angwaye hudu sai dai dake da akwai zumunci tsakanin iyayen amaren da angwayen yasa komai za ayishi ahade dan haka suke cewa' bikin mutum takwas za'ayi 'acikin estate din na Alhaji balarabe,
Khadija da haulat yayan nana karama wadda suke kira da hajiya mama sai kuma yarinyar aunty hafsa, ita kuma suna mata lakani da maman maiduguri, ita kuma zata aurar da rukayya babbar yarta, yayan maman maiduguri gaba daya su hudun suna nan cikin estate kamar yadda duk dan da aka haifa ba daga cikin estate ba to sai yay kaura ya dawo cikin yan uwansa, shiyasa yaran gidan gaba daya suka taso awaje guda, sai Abdurrahim d'aga hajiya zulaiha yayan rahima, suna matukar ji da bikin nan kasancewar sun kwana biyu ba'ayi biki a estate din ba.

Hayaniya suke sosai sun cika falon da shegen musu, mazansu da mata kowa so yake asaurari zancensa dan haka hayaniyar tayi yawa har hawa kai takeyi, hatta inno da bata cika damuwa da harkokin hayaniyar suba yau sai da taji sun dameta,

Ahankali yake bude shanyayyun idanunsa da har yanzu suke cike taf da bacci dan ko karyawa har yanzu baiyi ba tun da suka dawo daga masallaci da Alhaji baba wani bacci mai cike da mafarkai kala-kala yay awan gaba dashi, shine bai farka ba sai yanzu da wata iriyar gigitacciyar hayaniya mai fasa kwanyar kai ta farkar dashi, hannu yasa ya dafe saman goshinsa yana jin hayaniyar har tsakiyar kokon kansa,mikewa yayi ya nufi tailed, wanka yayi kusan minti arba'i kana ya fito yana sanye da rigar wanka sai karamin towel ahannu yana tsane kanshi,.cikin mintuna talatin yagama shirinsa tsaf cikin shigar kananun kaya wanda sukabi zubin jikinshi da kyakykyawar kirarshi ta sadaukan maza, yayi matukar kyau na ban mamaki tamkar ka daukeshi ka gudu, ya feshe jikinsa da manyan hadaddun turarukansa masu kamshi, falonsa ya fita, inda ya kara jin sautin hayaniyar tamkar afalon akeyi, runtse idanunsa yayi yana mai jin wani irin zafi aranshi tare da takaici,gashi ba gwanin magaba ballentana yace zai musu magana,Amma tunda hakane abun lallai yaran nan zasuci kaniyarsu tunda ba yadda zaiyi, zaman gurin dole ya kamashi dolene ya dauki mataki idan ba haka ba babu shakka yaran nan zasu kasheshi da wannan kadadinnasu mara tushe da ma'ana,dan bai dauki hakan ako mai ba sai tsabar rashin tarbiya.


Kadan ya tattaba kayan karin da aka kawo masa, shima tea kawai ya sha, sakamakon rashin sanin daka Ina abincin suke, tashi yayi ya nufi hanyar fita babban falon cikin takunshi mai cike da nutsuwa da wata irin ta kama, kai kace sarkine amma shi bai san duk yana wannan ba, dan haka halittarshi take,


Wani irin sassanyan kamshine ya farayiwa kofofin hancinsu sallama kana ginshirarren takunsa mai cike da nutsuwa sai kuma kwarjininshi da ilhama wanda rabbi ya bashi sai kuma kyakykyawar fuskarshi mai cike da haiba, kai bazakace ya taba sanin yadda ake murmushi ba,

Tsit kakeji falon yayi ai tuni kallo ya koma sama ,mai sakin baki nayi mai zaro Ido nayi kan uban nan Allah mai kudura da irada tsarki ya tabbatar ga ubangijn da ya halicci wannan kyakykyawar surar cewar hauwa'u kenan da takasa kawadda da idanunta akan abdallah da yasamu wata kujera can nesa dasu ya zauna, zaman nasa ma kansa abin kallone, dukkanin su suka hadiye wani kakkauran miyau da ya daskare akan harshinansu,najib ne yay karfin halin cewa kai dalla dubesu duk kun wani rikice da ganinsa sai kace baku gansa jiya ba!'amna ce tai zakal tace" kai ya najib kaima ka rikice da ganinsa bare kuma mu mata, kuma jiyan ince kinbari yay aga fuskarsa tunda ya sunkuyar da ita har akatashi ataron bai dagoba!'rahima da zuciyarta take mata wani irin mugun bugu tace" kai amna baki sani ba dai irin wadannan ko kallo zasuyi basa bari afahimta, dan haka baki da hujja akan cewa bai dago ya kalli kowa ba!' abdurrahim ne ya kallesu cikin jin haushin maganganunsu yace"yanzun dan Allah wannan tarbiyace? kudinga yi da mutum agabansa kuma babu wanda yay tunanin gaidasa, karfa ku manta da jawaban Alhaji baba koma kai tsaye nace" umarninsa akan mubi Yaya abdallah domin shine babba ayanzu da zai tsawatar mana!' fa'iz ya harareshi gami da cewa to uban tsari kai yanzu gaidashin kayi? komu cewa akayi maka bazamu gaidashin ba me tarbiya!'yakarasa zancen
da mikewa kai tsaye ya nufi kujerar da abdallah yake hakimce akai, ya kwantar da kansa idanunsa alumshe tamkar bayajin muhawarar da ake tafkawa akanshi,sallamar da fa'iz yayine yasashi dan bude idanunsa, nutsuwa fa'iz ya kumayi ganin tsabar kwarjinin abdallah, amsa sallamar yayi kamar wanda yake koyan magana,dan durkusawa fa'iz yayi tare da cewa barka da asuba ya abdallah!'barka dai ya fada asaman labbah danma fa'iz din yana kallon bakinsane da tabbas cewa zaiyi bai amsa ba, ahankali kuma suka dinga tasowa daya bayan daya suna gaidashin cikin kula da taka tsantsan tamkar ansanar musu halinsa sai dai kuma atabangarensu ba komaine yasasu wannan nutsuwar ba illa tsabar kwarjini da kamala irin nasa da kuma rashin ganin fuskar wasa,

Tunda ya zauna ya hanasu sakewa karshe ma ahankali suka dinga zare jiki suna guduwa daga falon ba fada ba duka balle harara su da kansu sukaji sunyi tsarara abdallah yana zaune aguri suma suna zaune babu mai iya wannan karfin halin duk cikinsu,sai dai yan matanfa yau hirarsu ta canja zani dan gaba daya ayinin ranar hirar abdallah ce abakunansu karma amna da hauwa'u da kuma farida yar Alhaji habib suji labari...



Da dai matar nan taji bintu takiyi mata shiru sai ta kuma juyowa afusace ta kwaza mata wata azababbiyar tsawa wanda nan take bintu ta kuma rikicewa, tsoro ya kuma da baibaye zuciyarta, saboda ta kaici matar figarta tayi sukayi ciki bintu kuwa binta kawai take batare da tashiryawa hakan ba saboda matukar tsoro,suna shiga tafkeken falon mai matukar haduwa da tsaruwa,wani dattijo wanda akiyasce zai iya kaiwa shekara hamsin da bakwai,yace'haba ladidi kiyi mata ahankali mana bakya ganin yarinyace karama,kinsan da nafisa ta haihu da yanzu kina da jikan da ya girme mata sosai!'sakin hannun bintu tayi tana cewa haba Alhaji ya daga ganin yarinya akwararo zakace lallai sai munshigo da'ita kai kana ganin kafurin kyau irin na yarinyarnan kasan ba abin arziki ta fito shukawa ba dan bana raba dayan biyu karuwancine ya fito da ita sannan gaka ganinta kaga balarabiyar karuwa!'
Alhaji munir yace" ashsha haba ladidi bazaki daina aibata yayan al'umma ba kenan kullum Ina gayamiki Amma bakyaji, ki bar ganin daya kawai kika haifa...kafin ya karasa ta tari numfashinsa da cewa kaga ni banason wannan mugun bakin naka kaima dai yarkace na gani idan kayi mata baki ta lalace bani kadaice da asaraba harda kai ehe,!' jinjina kansa kawai yayi batare da yakuma cewa da 'ita komaiba, dawo da hankalinsa yayi kan bintu da kukanta ya mutu tun sa'ilin da kamilalliyar fuskar Alhaji munir tayi mata maraba,cikin nutsuwa yace yarinya ya sunanki? cikin Jan ajiyar zuciya ta wanda yaci kuka ya koshi tace"zahra ta sami kanta da canja suna wanda itama baza tace ga dalilin yin hakan ba, ya kuma cewa to zahra daga Ina kike kuma me ya zaunar dake kofar gidana kusan awanni hudu?bintu kasa tayi da kanta ganin irin buhu-buhun harar da hajiya ladidi take aikamata,tagane daga dazu zuwa yanzu matar da aka kira da hajiya ladidi bata kaunarta, itama kuma hakanan taji matar bata kwanta mata ba, Alhaji munir ne ya katse mata tunani da cewa muna jinki zahra!'hajiya ladidi tai zaraf tace"yo ba dole tayi shiruba tana kirkiro karyar da zata shimfida mana!' Alhaji munir yayi mata kallon ki kiyayeni ladidi.........
💕
*KUDURAR ALLAH* 💕

*NA*


*FATIMA Y. ADAM*





_____________________________________*

*🌈🇰AINUWA 🇼RITER'S✍🏼*
*🇦SSOCIATION🤝🏻*
```{United we stand and succeed;Our ambition is to entertain & motivate the mind of readers}```
https://www.Facebook.com/kainuwawritersassociation

*_____________________________________*

Aunty hasana (maman nuur)wannan page din nakine kiyi yadda kikeso dashi Ina kara mika dunbin godiyata agareki Allah ya kara mana zumunci Amin ya Allah

```Page 12 ```


Alhaji munir ya juya yana dada fuskantar bintu tare da cewa Ina saurarenki zahra!'bintu cikin tsoron hajiya ladidi, tace"ni marainiyace iyayena duk sun mutu kuma a bauchi muke zaune, Ina zaune wajen kishiyar mamana na tsawon shekara daya da babana ya rasu, itace cina shana duk da Ina azabtuwa ahannunta,katsaham rana daya ta tada balli akan ta gaji da wahala dani alhalin babu dangin iya bare na baba dan haka saina bar mata gida wai itama tashi zatayi ta koma garinsu, hakan yasa na bar gidan da garin ma baki daya, Ina fita na nufi tashar garinmu dake bamu da nisa sosai da kafa naje, lokacin da na isa cikin tashar naji ana cewa Abuja dan haka kawai sai na hau motar Abuja ba tare da nasan kowa ba idan nazo, wata matace ta biya min kudin mota da muka sauka take tambayata inda zani ta ragemun hanya kasancewar anzo daukarta amota, shine kawai sai sunan anguwar nan ya fadomun da suka saukeni sai ta kuma taremin napep yakaraso dani nan, akofar gidan nan ya ajiyeni shiyasa na zauna awurin tun dazu har kawo yanzu da kasa aka shigo dani!' tayi saurin yin kasa da kanta ayayin da takawo nan akaryar da tasamu kanta da iya shararowa, Alhaji munir cikin tsananin tausayawa yace" ayya zahra karki damu insha Allah zaki zauna damu na dan wani lokaci kafin muyi shawara da mai daki na akanki!' bintu ta hada hannuwanta biyu tace"Abba na gode Allah ya saka maka da alkhairin sa ya kara tsawon kwana!' cikin tsananin jin dadin addu'ar ta yace"amin amin,!'tare da juyawa gurin hajiya ladidi da tayi wani irin sakalo tana kallonsa cike da mamaki da kuma takaicin wannan abu da ya aikata batare da neman amincewarta ba, batare da ya kula da kallon takaicin da take masa ba yace ladidi dan Allah kuje kisa iya talatu tayi mata duk wani abu da ya kamata, kama daga abinci wanka dakin da zata zauna,da duk dai abinda zata bukata awannan lokacin, yanzu zansa bawa driver yaje store yasamo mata kayan da zata bukata!'ya gama maganar da dauke kansa dan baya bukatar ta kawo masa wani buwaginta akan abinda ya bukata, hajiya ladidi ta saki wani dan murmushi, wanda da gani kasan da wani abu aranta,cikin ranta take fadin haba Alhaji nice fa ladidi idan kasan wata ai bakasan wata ba, bana aikata komai sai da manufa kuma wannan abun dakayi ni kaiwa danni zai amfana,

Ganin yadda yabawa banza ajiyartane yasa ta mike ba dan ranta yasoba a fuskarta, kallon bintu tayi da wani irin kallon tsana ta rasa da lilin da yasa taji bata san yarinyar, ita kanta ta fara da sawa kanta ayar tamba tabbas akwai dalili amma babu kira mai zai kawo gawayi,ganin takiyiwa bintun magana yasa Alhaji munir yace" da bintu tashi maza diyata kuje kinji Allah yayiwa rayuwarki albarka!'bintu ta amsa da Amin tanajin kaunar mutumin da ganin girmansa da kuma mutuncinsa arayuwarta, sumi-sumi tabi bayan hajiya ladidi tamkar zakace kyat ta arta na kare.


Can side din yan aiki suka nufa,wani daki taga hajiya ladidi ta konkwasa, wata dattijuwar matace ta fito daga dakin, tana yin arba da hajiya ladidi jikinta ya fara bari, kokarin rissinawa take hajiya ladidi ta dakatar da'ita cikin takama da izza, tace" talatu ga yarinya nan kiyi mata duk abinda ya dace!' daga haka bata kara ko'alif ba ta juya tai tafiyar ta,daga bintu har talatu bin bayanta sukayi da kallo,har sai da tabacewa idanunsu kana suka juyo alokaci daya suna duban juna, ahankali bintu ta durkusa har kasa ta gaida baba talatu,baba talatu ta'amsa cike da jin dadin girmamawar da bintu tai mata,sannan tace muje ciki kiyi wanka kafin nan na kawo miki abinci,bintu tace"na gode!'kana suka shiga cikin dakin na baba talatu, bayan ta nuna mata bathroom din sai ta fita dan samo mata abinda zataci,

Zama bintu tayi akasa bayan tayi wanka ta fito ta maida kayan jikinta, tagumi tayizuciyarta cike da sake-sake da fargaba,to wai ita yanzu yaya zatayi?guduwa zatayi taje neman estate din nan Koko yaya? gashi ta manta sunan mai gidan balle tayi tambaya, to kuma idan ma tasani ta yayane zata kai ga matsayin da zata iya zama acikin gidan?rumtse manyan idanunta tayi, tana mai rokon Allah ya kawo mata mafita akan al'amuranta,bude kofar da akayine yasa tayi saurin bude idanunta, baba talatu ce ta shigo da leda ahannunta, mikawa bintu ledar tayi gami da cewa ga wannan kayane inji Alhaji sai ki cire wannan na jikinki kisaka sabbin!'karba tayi cike da ladabi tana mai yin godiya, zata shige bathroom kenan dan saka kayan, baba talatu tace a'a yar nan zo kisa kayanki anan ni fita zanyi na kawo miki abinci!"tana gama fadar haka ta juya tare da barin dakin, tashi tayi tasaka doguwar rigar wadda ta matukar amsar dirarren jikinta tabi kirarta ta cokacola tayi daram,komawa tayi ta zauna, tana zama talatu ta dawo hannun ta rike da plet shake da jolof din taliya wadda taji uban kifi kusan rabin abincin,ajiyewa tayi gaban bintu tana cewa ga abinci nan kici sai ki konta ki huta, aikinyi sallar isha'i ko?bintu ta daga kanta tare da cewa nayi sallah, baba talatu tace" to masha Allah maaza kici abincin kada ya huce!'bintu ta kuma amsawa da to na gode!'sannan ahankali ta sauko ta saka fock ta faracin jelop din supergatty, bata wani ci da yawa ba tacewa baba talatu ta koshi, baba talatu tace haba yar nan har kin koshi kenan? bintu ta jijjiga kanta batare da ta'iya cewa komaiba, da baba talatu ta fahimci dai bintu bata son yawan magana kawai sai taja bakinta ta dinke tare da dauke abincin ta fita dashi, konciya bintu tayi asaman gadon da take kai tare da lumshe idonta dan so take tayi tunanin mafitawa rayuwarta duk da bacci takeso tayi sosai.


Hajiya ladidi tana shiga bedroom dinta ta dannawa aunty nafisa kira, tana dagawa batare da ta saurari gaisuwarta ba, tace"nafisa inason ganinki gobe da sassafe, arikice aunty nafisa tace"hajiyata me ya faru?meyasa kike nemana da gaggawa? Hajiya ladidi tayi murmushi mai fidda sauti tace"na samo mana dogon tsanin da muke nema dan hawa mu kai inda mukesan kaiwa da kuma hanyar dai-daita al'amuran rayuwarmu, ke dai kawai kiyo sammakon zuwa gida agoben!'jiki asanyaye aunty nafisa tace"to Allah ya kaimu!'amin hajiya ladidi tace gami da ajiye wayar,


Zagaye dakin ta shigayi tare da cewa nafisa naga so kike ki lalata mana shirin mu da mukayi tsawon shekaru muna ginawa dan haka bazan taba barin haka ta faruba lallai so nake sai na cimma burikana bazan bari sanadin soyayya shirina ya wargaje ba domin kece tsanina awannan tafiyar to gashi yanzu na kuma samun wani tsanin, wani murmushi tayi mai cike da ma'anoni masu yawa,

Waya takuma dauka tai kiran wata nomber kana ta danyi Jim, sai kuma tasaki wata mahaukaciyar dariya, alokaci daya kuma tana saurin sa hannu akan bakinta tana mai cewa' kai agida fa nake, kasani nake wannan dariyar kalan Alhaji ya jiyoni!'dan shiru tayi tana sakin murmushi sai kuma tace albishirinka!' batare data saurari abinda na wayar zaice ba ta cigaba da cewa munsami ma'aikaciya hargida burinmu ya kusa cika, zamuyi abinda mukeso nan kusa, yarinyace karama ta kawo kanta hargida, da ita zamuyi amfani dan cika burinmu da manufarmu sai dai akwai Abu daya danake tsoro!'ta dayan bangaren aka tambayeta da cewa mekike tsoro?tace"Ina tsoro kar nafisa taki bamu hadin kai da wannan shegiyar soyayyarta ta, shiyasa nace da ita inason ganinta gobe da sassafe!'a daya bangaren akace hajiya kin tabbatar yarinyar zatayi mana abinda mukeso batare da musu ko jayayyaba? hajiya ladidi tace" na tabbatar maka babu matsala saboda yarinyar tana da matukar tsoro kuma Ina matukar jin tsanar yarinyar araina shine ma babban dalilina, na tabbatar zamu juyata yadda mukeso idan mukai amfani da tsoronta!'yace tom shikenan karki damu da matsalar nafisa ni zanji da lamarin kawai ke dai ki sanar da ita tsarinmu sannan ni da kaina zan kai yarinyar estate dama nace zan nemowa inno yar aiki!' hajiya tace yauwa kaga shikenan babu mai zarginmu akan duk abinda zai faru!' daga haka suka yanke wayar.


Alhaji baba yayi dan murmushi, lokacin da yagama sauraren maganar da dady jafar keyi masa,yace jafar indai akan samowa abdallah mai dafa masa abinci ne ni na dau wannan nauyin zansa abinciko min yarinya ko dattijuwa mai tsafta da amana saboda inno ma tana bukatar mai aikin da zata dinga gyara mata bedroom dinta, tace" jikokina dukkansu san gartattune!' yakarasa maganar yana mai fadada murmushin fuskarsa, daddy jafar shima murmushin yayi yana mai cewa' to babu damuwa baba hakan yayi Allah ya saka da alkhari!' Alhaji baba ya tari numfashinsa da cewa jafar na gaya maka kaida danka kude nai min godiya akan duk abinda yashafi abdallah saboda shima jikanane!'dady ya jinjina kansa yana jin wani abu yana taba zuciyarsa na tausayin Alhaji baba.


Hajiya wai mene ya taso haka da gaggawa kike nemana? hajiya ladidi tayi saurin Jan aunty nafisa can karshen dakinta, ta kuma komawa tasawa kofar dakin key, kana ta dawo ta zauna tana fuskantar aunty nafisa wadda ta maida hankalinta kacokan akan gajiyar.

Cikin kara san bawa maganar muhimmanci hajiya ladidi tace nafisa na samo yarinyar da zatayi mana aiki agidan Alhaji balarabe, abun nufi anan shine inason zaman zahra acikin estate saboda tadinga dauko mun duk wani abu dake faruwa acikin ahlin, sannan ni kuma ta dingayi mun duk wani abu da nasata batare da anzargeki ko anzargeni ba dan haka nake baki umarni da ki amince da wannan tsarin nawa!'ta karasa maganar da zubawa nafisar Ido, ga mamakinta sai taga nafin tayi dariya kana tace"haba hajiyata dan wannan yar maganar ne duk kikabi kika daga hankalinki bayan kinsan duk abinda kika umarceni dayi zanyi batare da musuba, karki damu akwai hanya mai sauki da zamubi batare da da wani zargi ba,!'cikin tsananin farinciki hajiya ladidi tace yauwa yar albarka shiyasa ako da yaushe nake alfahari dake amatsayin yata ta cikina, gayamun da sauri wace hanyace wannan? aunty nafisa tace"yanzu da zan fito saida na biya ta bangaren inno, shine take sanar dani wai Alhaji baba yasa anemo musu yar aiki mai tsafta da amana zata dinga da fawa wannan shegen yaron mai fi'ili da nunkufurci yawa fir.auna abinci, ita kuma inno zatana gyara mata bedroom shine tace" wai nima idan na samu ta bangarena na kawo duk sai azaba!'hajiya ladidi tai shiru tana dan wani tunani, nafisa batasan hajiya ladidi tana hada hannu da daya daga cikin yayan Alhaji balarabe ba dan haka dole ta dakatar dashi, akan cewa da yay shi zai kaiwa inno zahra, inyaso sai su mikawa nafisa wannan alhakin,firgigigit tayi lokacin da aunty nafisa ta girgizata dan tayi magana har kusan sau uku Amma no