You Cannot Download this book untill you login but you can read it .

---

Login Register

ta shige cikin gidan tana waiwayen sa, saida yaga shigar ta kana ya kira Daniyal,yazo su tafi,sai da suka fara tafiya kana yace"gidan sirri zaka kaini!'ok sir Daniyal ya faɗa yana ƙarawa motar gudu.


Sosai fa Anty Nafisa tasa ake mata bincike akan shiga da fitar Abba Umar, wanda garin haka ne aka binciko mata gidan su Hajjo,daga nan tace yaran da tasa su aikin su duba tanaso agano mata suwaye acikin gidan,to wannan aikin ne dai ya ɗan dauki lokaci dan har yanzu jiran sakamako take,sai kuma yau katsaham da aka tashi da gobarar wan can ɗakin da itama ta daɗe tana son kai masa ziyara dan sanin ko me aka ɓoye acikin sa,ana cikin wannan jimamin kuma sai ta samu kira daga yaran da tasa suyi mata bincike,suna tabbatar mata da cewa sunga baƙin fuska sunzo gidan har mutum uku,amma dai babu Abba Umar acikin su,cikin tashin hankali tace"wane jinsi ne?yaron ya sanar mata cewa mace guda ɗaya sai maza biyu take zuciyar ta ta hau bugu,cikin rawar baki tace"lallai kuma cikin gaggawa inaso ku turomin da fuskokin su,a yau ba sai gobe ba!'daga haka ta kashe wayar tare da yin jifa da ita,tana fitar da wani irin zazzafan hucin ta shin hankali, Allah dai yasa ba shegun nan ne suka dawo ba,duk da cewa bata tunanin hakan zai tabbata amma tana matuƙar jin tsoron faruwar hakan.


Yana yawan shiga ɓangaren inno dan kawai ya duba yaga ko su Abdallah sun dawo,sai dai kuma har yanzu da lokacin ranar ya kusa wucewa shuru kake ji babu alamar dawowar su,har inno sai da taso gane wani abu atare da shi saboda yawan shigo mata yake yi duk minti bayan minti,a shigowar sa ta wajen biyar ne inno tace" wai kai lafiyar ka kuwa ɗan nan ko dai da wani abu da kake jira ko kake nema?yace"ba wani abu inno kawai dai ina ɗan duba lafiyarki ne!'ya faɗa tare da ficewa daga falon,inno ta bishi da wani mugun kallo tare da fidda wani ɗan sauti kamar irin ƙwafa ɗin nan,a bayyane ta furta cewa komai ya kusa zuwa ƙarshe ayi dai mu gani!'


Samuyal yace"wallahi Oga tun da muka dawo taƙi yin magana daga ƙarshe ma sai ta yi suman da muka kasa gane kanta,tun jiya muke sheƙa mata ruwa amma taƙi farfaɗowa,gashi kuma tana numfashi da'a lama dai ba mutuwa tayi ba!'Safwan ne ya ɗora da bawa Abdallah labarin abinda ya faru dasu ajiya wajen tahowa da Abigirl ɗin,shuru Abdallah yayi tare da tsurawa fuskar Abigirl ɗin idanu,ɗan jin jina kansa yayi kana ya fita daga ɗakin,ɗakin Saiyyid ya shiga yaja kujera ya zauna yana fuskantar Sayyid ɗin,cikin matuƙar kaushin murya Abdallah ya shiga korawa Sayyid gargaɗi yace"wallahi Sayyid idan ka sake ka kalli inda nake Acikin estate to zakayi nadama balle kuma ka ambaci sunana,kuma bawai ina maka gargaɗi dan ina jin tsoro bane a'a sai dan kawai inason kammala aikina lafiya,zan mai dakai gidan ku amma idan kana sha'awar cigaba da zaman rashin ƴanci to ka gwada yin abinda bana so!'daga haka ya kira Daniyal tare da bashi umarnin ya ɗauki Sayyid ya maida shi ESTATE kar kuma ya bari aganshi yasan inda zai ajiye Sayyid ɗin, Daniyal ya amsa cike da girmamawa kana ya juya ya fita daga ɗakin,Yahya ya kirawo dan ya mayar dashi estate,


Hajiya zulaiha kuka take nasamun rangwamen abinda ke damun zuciyar ta,jin wannan al'amari take kamar almara wai yau Alhaji Baba da kansa ya tara mutane dan sanar musu zai sa afara neman ABUBAKAR,tabbas ta daɗe tana jiran wannan rana me ɗin bin tarihi,hakanan kuma take jin wani farin ciki tun bayan gobarar dakin can,wanda ta rasa dalilin haka, Rahima da bata jima da dawowa daga can egift wajen yayan ta ba,ta matso kusa da mahaifiyar tata,cikin tausayi irin na ƴa ga uwa tace"Ammi yauma dai har da kuka kuma duk da kince kar na kuma magana akan damuwar ki!'da sauri Ammi ta jawo ta jikin ta,tana cewa yau insha Allah zan baki labarin mahaifin ki da ɗan uwanki, alokuta da dama inason yin magana amma sai hakan ya gagara ban san meye dalilin ba, amma yanzu kamar wadda aka cirewa wata ƙaya daga cikin maƙogaro haka nake ji,amma ina fatan hakan ya zama silace ta warware mana dukkan matsalolin mu!'kuka Rahima take yi sosai kamar zata shiɗe bayan ta gama jin labarin mahaifinta da dannuwanta wanda ita a tunanin ta mahaifinta ya mutu,ta kanƙame Ammin kamar zata koma cikin ta,wayyo Ammi na dama wannan baƙar damuwar kike shaƙa shekara da shekaru ke kaɗai ban sani ba,dan Allah Ammi na ki yafe min gurguwar fahimtar da nayi miki Abaya,duk rashin sani ne wanda yafi dare duhu!'ta ƙare maganar cikin ƙara ƙanƙame Ammin,shafa kanta Ammi take cikin san lallashin ta,tace"ba laifinki bane nima kuma ba laifina bane,wan nan abinda ya sameni ba Ni kaɗai bace duk ahlin ALHAJI BALARABE ne,kamar anrufe baki da idanuwan mu babu wanda yake iya furta sunan mahaifinki acikin gidan nan,sai dai kabar damuwar ka cikin ranka tayi ta kassara lafiyar ka,dan haka yanzu godiya zamuyiwa Allah da ya bamu ikon tunawa dasu wanda hakan ma wata babbar nasara ce,a garemu,kinga zamuyi addu'a da bakunan mu mu roki Allah ya baiyana mana su aduk inda suke.


Ta gumi ta zuba ɗan duk sai taji ranta babu daɗi akan abinda Inno da Hajiya Babba sukayi ɗazu a falon Alhaji Baba,ko me hakan yake nufi kuma?dama da akwai wannan kishin tsakanin su?duk sai taji ta tsargu to me Hajiya Babba take shirin faɗa Inno ta tareta?miƙewa tayi tsaye tana cewa tabbas bazan iya haƙuri ba sai na je nasamu inno da maganar dan Ni ban iya ƙunbiya ƙunbiya da munafunci ba dan haka bazan bari ayi min ba,ta zari mayafinta tayi waje dan zuwa sashen Inno,

Daniyal yayi nasarar kawo Sayyid gida ba tare da kowa ya ganshi ba,daƙyar Sayyid ya iya ta kawa zuwa cikin estate ɗin saboda daure war da ƙafafunsa sukayi wajen zama guri ɗaya,yana shiga get ɗin farko ya cikaro da Dady Habib zai fita amota,ɗaga masa hannu yayi kasan cewar baƙin glace ne yasa shi Sayyid ɗin bai gano Dady Habib ɗin ba ya dai gane motar sa kawai,cikin sauri Dady Habib ya taka burki tare da fitowa daga cikin motar jikin sa har rawa yake saboda farin cikin ganin Sayyid, rungumo shi yayi yana duba jikin Sayyid ɗin tare da cewa Sayyidi ina fata dai kana lafiya babu abinda ya same ka suwaye suka sace ka?duk ya jero masa tambayoyin ajere, Sayyid yace"Dady nima ban san su ba,muje ciki a gajiye nake sosai!'cikin rawar jiki Dady Habib ya saka shi cikin motar kana ya zagaya ya shiga yaja suka nufi cikin estate ɗin.


Wata irin zabura Anty Nafisa tayi yayin da taci karo da hotan Bintu a kan scring ɗin wayar,jikinta da zuciyar ta babu abinda sukeyi sai rawa,zubawa hotan ido tayi tana kallon wata fuska acikin fuskar Bintu,shin WACECE BINTU,me tazo yi ESTATE kuma meye haɗin ta da waɗan nan mutanen da Umar yake zuwa wajen su, su ɗin su waye?wai mai ke shirin faruwa da Nine?yana ke ganin fuskar Bintu na juye min da wata fuska da na sani?me yasa tun farko ban fara buncikar yarinyar nan ba na yadda da ita haka?me yashiga kaina alokacin?cikin sauri ta ta danna kira,ana ɗagawa tace"cakewa kayi gaggawar buncikomin asalin mutanen da suke zaune agidan nan, da matsayin su agurin Umar bana son ɓata lokaci kamar yadda katuran hotan nan a yau shima ina so wannan ayau ka bincikon abin da nake da bukatar sani!'yace"angama Hajiya karki damu zaki samu yadda kike so!'ajiye wayar tayi tana ci gaba da kaiwa da kawowa aɗakin dan batajin yau zata iya zama batare da taji sakamakon binciken da tasa ayi mata ba.


Dady jafar ya dubi Dady Mansur cikin mamakin sa yace"dama wannan shine kiran da kayi min amma kuma me yasa kake son kasan inda Abdallah da Bintu suke,meye damuwarka da hakan, kuma me zakayi musu?Dady Mansur yace"Jafar bazaka ne komai ba yanzu amma dan Allah inaso ka taimaka kagayamin inda yake saboda ina buƙatar ganin su da gaggawa!'wani mugun kallo Dady jafar ya watsa masa kana yace"amma Mansur baka ji daɗi ba Nima ka biyoni ne dan kayi min yaudarar da kasaba yiwa mutanen gidan ku?to bari kaji na gaya maka Mansur tuntuni anyi walƙiya na ganka kuma sauran mutane ma zasu ganka insha Allah sai asirinka ya tonu a idon duniya,kuma zaka girbi abinda kake shukawa,saboda ɗan zaki ya riga ya girma shine zai cinye dukkanin mugayen kananun namun daji!'yayi wani irin murmushin takaici me ciwo ya cigaba da cewa Allah ya riga ya nufi zakaran da cara babu yadda zakuyi dashi sai dai kallo!'shuru Dady Mansur yayi saboda ayanzu dai bashi da ta cewa duk bakin sa amma yanzu ya baya iya maida magana,dan haka ne bai tankawa Dady jafar ba har yayi ya gama ya barshi awajen,

Dady Mansur yayi mamaki lokacin da ya koma gida ya samu Sayyid tsaf dashi duk gida ya ɗauka da barkar dawowar sa, sai zuwa sashen Dady mansur akeyi barka kamar wanda akayi wata haihuwa,cike da farin ciki ya rungume ɗan nasa duk da halin da zuciyar sa take ciki a yanzu na rashin walwala da tsananin damuwa amma hakan bai hana shi jin dadin ganin ɗan nasa ba,duk wanda yayiwa Sayyid tambayar waye suka sace shi,to amsar dai ɗaya ce,shima bai sani ba,dole kowa ya haƙora da tambayar ya kama sabgogin sa.

Kamar daga sama ta samu wayar uwar gidan ta, Cikin rawar jiki Dije ta ɗaga, daga can ɓangaren matar tace"Dije ya batun alƙawarin mu?ina fata dai zan samu kyakkyawan labari?cikin farin ciki Dije tace",tabbas kin kira lokacin da ya dace dan kuwa cike nake da ɗokin haduwa dake dan sanar miki abinda zai matuƙar faranta zuciyar ki!'wata dariya ta saka daga can kana tace"shi yasa nake matuƙar ji dake Dije, kuma na koma inuwa nayi zamana hankalina kwance saboda nasan ina dake,yanzu yamma tayi kuma kinga akwai al'amuran da ake dan gabatar wa a cikin gidan dan haka gobe kiyi sammakon fita zan tura miki da wajen da zamu haɗu bayan fitarki!'Dije tace"to ranki shi daɗe,Allah ya nuna mana goben da rai da lafiya,tana kashe wayar tayi wani murmushi wanda yake baiyana ƙwarin gwiwar ta tare da cewa ko ke wacece taki ta kusa ƙarewa gobe i War haka kina nan kina zaman makokin kanki da kanki.


Tun daga farkon shigowar sa gidan yasan cewa komai yana tafiya yadda suka barshi,ga wan can al amarin ga kuma dawowar Sayyid,kai tsaye ya wuce part ɗinsa dan komai dake faruwa ba baƙon sa bane,yana shiga duk sai yaji falon yayi masa faɗi har cikin jinin sa yake jin damuwar ta da kuma kewar ta,ga kuma uwa uba tausayin ta dake neman zauta zuciyar sa,cikin sanyin jiki ya gabatar da al'amuran sa na yau da kullum,wayar sa ce tayi ringin, har zai basar da kiran sai kuma yaga Dady jafar dan haka ya daga tare da yin sallama,ba tare da ya saurari gaisuwar da Abdallah yake masa ba, yace"Abdallah tun tuni na gaya maka ka saka idanu akan Mansur amma ka banzar da maganata,to yanzu umarni nake baka kasa ka ido sosai akan sa dan ina matukar zargin sa,nan ya bashi labarin yadda sukayi ɗazu da yadda ya damu sai yasan inda suka je shida Bintu,numfashi Abdallah ya fesar kana yace"Dady karka damu zan kula da komai!'kafin ya sauke wayar daga kunnen sa wani kiran ya shigo ba tare da ya duba ba ya ɗaga, dan azaton sa ko Dady jafar ɗin ne ya sake kira.


Sannu ɗan zaki to idan kana buƙatar zakanyar ka,ka taho da zakin ubanka ka fanshi zakanyar matarka,idan kuma baka buƙatar ta yanzu saina fasa kanta da bakin bindiga, zanga irin naka halaccin idan ka gama tunani zan kuma kira dan yi maka sauran bayani inda zaka same mu kuma muddin kasarwa na jami an tsaro to wallahi ina tabbatar maka da cewa sai na kashe matar ka koda za akamani, na barka lafiya kayi tunani mai kyau matar ka ko mahaifinka?daga haka ƙit aka datse kiran.

Fatimah Y Adam✍🏽
💕
*KUDURAR ALLAH* 💕

*NA*


*FATIMA Y. ADAM*





_____________________________________*

*🌈🇰AINUWA 🇼RITER'S✍🏼*
*🇦SSOCIATION🤝🏻*
```{United we stand and succeed;Our ambition is to entertain & motivate the mind of readers}```
https://www.Facebook.com/kainuwawritersassociation

*_____________________________________*



```Page 52 ```


Wani irin rawa jikin Abdallah ya shiga yi,ɓacin rai da tashin hankali shi kawai zaka iya hanga akan kyakykyawar fuskarsa,wani irin miyau yake haɗiyewa mai tsananin ɗaci da kauri,gaba ɗaya kansa ya kulle ya rasa ina zai nufa,da abinda ya kamata ya farayi yanzu,kiran Dady jafar yayi wanda tuni shi har yayi bacci,cikin yanayin bacci ya daga wayar tare da cewa lafiya dai ko Abdallah?kasa magana Abdallah yayi saboda abinda ya tokare masa aƙirji da ƙyar ya iya cewa Dady sun ɗauke Bint!'Dady jafar dake kwance bai san sanda ya miƙe tsaye ba cikin tashin hankali da kiɗima yace"kagani ko Abin da nake gaya maka,Mansur ya sace yarinyar nan,shine dama dalilin da yasa yazo yana min tambayar inda kuke? Abdallah yace"Dady yanzu ya zamuyi ban karbi lambar su Hajjo ba bare na tambaye su naji gaskiyar maganar!'Dady jafar yace"kaga Abdallah fito yanzu mu haɗu ai bamu ga ta zama ba idan ma can sulejan zamuje sai muje mu duba!'

Abdallah yana fita motar sa ya faɗa yana shirin tayar da ita,aka dallare shi da futula,kare fuskar shi ya shiga yi,ba kuma tare da ya saurari me haske shin ba ya fixgi motar da wani irin mugun guda, Dady Habib dake tsaye hannun sa riƙe da fitila ya zubawa hanyar da Abdallah yabi ido cikin tunanin inda zashi da wannan daren, sai kuma yayi tunanin ko wani aikine ya taso masa,dan haka ya juya ya koma ɓangaren sa.


Gudu yake tamkar zai tashi sama bayan ya dauki Dady jafar,magana wannan ta gagara a tsakanin su kowa da abinda yake tunani acikin ransa, zuciyar Abdallah kuwa ko shiga kayi to tabbas sai ka ƙone,saboda tsananin zafin da take masa ƙirjin sa har wani sama da ƙasa yake yi,a cikin wannan halin suka ƙara sa gidan Hajjo,ko kashe motar baiyi ba,ya fita da wani irin saurin gudu,Dady jafar ma binsa yayi dan bayajin zai iya tsayawa jiran iso,buga gidan ya shiga yi cikin wani irin sauke numfashin fargabar abinda zai tarar,daga ciki kuwa atsorace, Asma'u ta kalli Hajjo tace"Hajjo yau mun shiga uku, wannan wace irin rayuwa ce,wai yanzu idan kana da arziƙi ashe baka huta ba,idan baka dashi ma baka huta ba,ta faɗa tana fashewa da wani matsanan cin kuka,da ƙyar Hajjo tace"insha Allah babu abinda zai faru da Batula,ki duba wannan bugun ƙofar da akeyi ko da bamu buɗe ta ba za a iya ɓallata,aiko bata rufe bakinta ba, Abdallah ya saka mata karfi ya doke kofar sai ga ta aƙasa,shiga yayi ya tarar da su Hajjo atsaye cirko cirko cikin tashin hankali,zubewa yayi agaban Hajjon tare da sunkuyar da kansa ya kasa ce mata komai,Dady jafar ne ya iya cewa garin yaya haka ta faru?shin da gaske ne,an sace Bintu?ya jero musu tambayar cikin san amsar su da gaggawa,A hankali Asma'u tace"da gaske ne ku waye yasanar daku?miƙewa Abdallah yayi ya fita daga gidan ba tare da yace"kan zil ba,Dady jafar ne yayi ƙoƙarin yi musu tambayoyi ba tare da ya amsa mata tata tambayar ba,yace"ya akai haka ta faru?Hajjo da sai yanzu ta iya magana amma da tausayin kanta dana Abdallah ya hana ta cewa komai,ita kam anyi mata taleƙo ta koma,tace"bayan sallar isha babu jimawa suka zo, duk da gidan mu arufe yake amma bugun da sukayi mana cikin nutsuwa da jan hankali shine abinda ya kwashe mu har muka buɗe musu,abinda ya biyo baya ne baiyi mana daɗi ba dan kuwa ta ƙarfi suka ɗauke Bintu tare da saita ta da bindiga acewar su duk wanda ya motsa acikin mu sai sun fasa kan Bintu da bindiga!'ta faɗa tana mai ƙara fashewa da matsanancin kuka,Dady jafar yace"shike nan bari muje nasan zasu iya kara kiranmu zamu san me zamuyi ku kwantar da hankalin ku insha Allah babu abinda zai faru!'daga haka yabi bayan Abdallah,ya bar su Hajjo cikin rashin nutsuwar zuciya...

"Abdallah ya samu, ya kifa kansa da styarin motar har yanzu ko fitar numfashin sa baka jin sautin sa,Dady jafar yace"Abdallah dawo nan na tuka motar!',baiyi masa musu ba ya fito ya koma sit ɗin mai zaman banza.


Tafiya suke kawai ba tare da sun san inda zasu nufa ba gashi har yanzu sun rasa tunanin da zasuyi akan lamarin,kamar daga sama Dady jafar ya tsinkayo Muryar Abdallah yana cewa Dady na samo mafita!'Dady ya danyi slow da tuƙin,kana yace"da Abdallah mecece mafitar?lumshe idanun sa yayi tare da maida kansa ya kwantar yace"zamu kai Dady kamar yadda suka buƙata!'daga nan ban kuma jin abinda Abdallah yake cewa ba, ban ankara ba kawai sai gani nayi Dady jafar yayi ɗan murmushi tare da cewa wannan mafita ce mai kyau!'wayar Abdallah ce ta fara dan wani sauti mai daɗi, dagawa yayi tare da kaita kunnen sa,kamar yadda zuciyar sa ta raya masa wanda ya kira hakan ne ya tabbata, cikin shaƙewar muryar da kanaji kasan sauyata akayi,yace"ya dai ɗan zaki ka shirya?me kake da bukata matarka ko mahaifinka?zan kawo maka mahaifina idan shi kake buƙata,amma ina da sharaɗi!'wata dariya ya sheƙe da ita kana yace"ina jin ka ɗan zaki faɗi sharaɗinka!'Abdallah yace"karka kuskura ka taɓa Bint ko cizon sauro na samu ajikin ta baza kaji daɗin abinda zai biyo baya ba,kuma Ni zan baka lokacin da zan zo dan haka ka bani layin da kasan zan same ka!'nanu yace"lallai yau na kuma yarda ɗan zaki ya girma tunda gashi har kana shirin yi min wayo,to ban yarda da wannan sharaɗin naka na ƙarshe ba,zan kiyaye kiranka akai akai shine kawai abinda nasan zan iya yi maka!'daga haka ya kashe wayar,dan murmushi Abdallah yayi wanda yafi kuka ciwo,

Ƙara gudun motar Dady jafar yayi kana yace"tabbas Abdallah ina zargin Mansur sai dai kuma na rasa dalilin da yasa zuciyata take ƙin karɓar abun!'cikin wata irin murya wadda take cunkushe da ɓacin rai da baƙin cikin kasa kiyaye rayuwar Bintu,yace"Dady a yanzu ba mune abun tausayi ba sune abin tausayin tabbas rayuwar makafin zuciyoyin mutanen nan tana cikin hadari,nan gaba kaɗan zasu zama A baban tausayi a idanun waɗan da basu san abinda suka shuka ba!'daga nan gidan su na asali gidan Dady jafar nan suka wuce,


Washe gari da sassafe Dije ta fito daga cikin babban birnin estate,cike da ɗokin wannan rana, wadda take fatan tazo mata da nasara,wayar tace tayi haske alamar shigowar saƙo,dubawa tayi daga Hajiya ne tana sanar mata cewa taga fitowar ta ga kuma in da take so su haɗu,tana gama karanta wa ta fara kiran Bintu,sai dai kuma kash wayar akashe take,cikin cizon yatsa Dije ta juya akalar kiranta kan Abdallah,shi kam bata sha wata wuya ba ya ɗauki kiran, alokacin Dady ya tasa shi gaba da ƙyar sai ya sha koda ruwan shayi ne,da sallama ya fara,Dije ba tare da ta tsaya wata doguwar magana ba ta shiga zaiyano masa abinda ke faruwa da abinda take so su shirya ayanzu,da sauri Abdallah ya tashi tare da ce mata gashi nan zai zo yanzu,ta ce amma kayi hattara fa bana so ta ganka balle yaddar dake tsakanin mu ta rushe!'yace"insha Allah karki damu!'daga haka suka aje wayar,ɗan kallon Dady jafar yayi wanda tunda ya fara wayar yake kallon sa cike da san gano wanda yake wayar dashi,hanya ya kama zai fita yana cewa Dady yanzu sauri nake idan na dawo zanyi maka bayanin abinda ke faruwa!'jinjina kanshi Dady jafar yayi tare da cewa Abdallah fatan nasara!'yana zuwa ya shiga mota ya ja da mugun gudu,

A cikin kuma safiyar nan ne dai Anty Nafisa ta samu mugun saƙamakon da ya nemi zaucewar ta,wato yaran ta sun tabbatar mata da cewa mutanen nan daga Yola suka taso,kuma sunan Hajjo raɗau ya zauna mata da sunan Asma'u wanda bata manta su ba tun a wancan lokacin,tashin hankali wanda bazai misaltu ba agurin ta,da ta rasa yadda zatayi kawai sai ta ɗora hannun ta aka ta fasa wani gigitaccen ihu wanda yake haɗe da kukan tashin hankali,Abba Umar dake shirin fita dan tafiya gidan Hajjo,da sauri ya buɗe ƙofar dakin nata ya shigo yana cewa'lafiya dai Nafisa?meke damunki?bata iya bashi amsa ba sai wani irin mugun kallo da tabishi da shi a fakaice,tashi tayi ta wuce shi ta faɗa toilet tare da banko ƙofar,ɗage kafaɗunsa yayi tare da ficewa daga dakin,tana jin fitar sa tayi saurin fitowa tare da kiran yaran ta,yana daga wa tace"kawai kusa wa gidan wuta amma kutabbatar da cewa Umar yana gidan, ku saka masa ido dan yanzu ya fito kuma ina tunanin nan suleja zai nufo,kar ku sake kubar wata halitta da rai acikin gidan!'yaron yace"Hajiya Nafisa aikin nan ba zai yiwu da safe ba dole sai cikin dare, zamu saka wuta a gidan!'Anty Nafisa cikin tsawa tace"ni dai koma mai zakuyi ku tabbatar da cewa kun kashe mutanen nan ayau ba sai gobe ba,idan yaso shi ku kama shi a hanya ku fara kashe shi daga baya sai ku koma ku ƙona gidan!'tom ranki ya daɗe an gama in dai mu zaki bamu kuɗaɗe to baki da matsala da mu!'daga haka suka yanke wayar,

Abba Umar dake jikin ƙofar ɗakin Anty Nafisa,babu abinda yake sai zufa jikin shi kuwa wani irin kyarma yake saboda tsabar razana,wani irin tashin hankali ne ya rufe shi tare da mamaki tsanani,me hakan yake nufi?kashe su Nafisa tasa ayi shida su HAJJO?to akan me?me sukayi mata?a ina ta san su?ya akayi tasan inda suke?wai meke shirin faruwa ne?ko dai zarginsa akan Nafisa daidai ne?tabbas Nafisa itace ta salwan tar da rayuwar iyalan sa,ita ce Ummul aba'isin shigar sa wannan halin,cikin sauri ya sauka tare da wani irin gudu,motar sa ya faɗa tare da jan ta da wani irin mugun gudu.


Tunda aka dauko ta bata san inda kan ta yake ba,sai yanzu da ta farfaɗo daga suman da tayi,tun bayan shigowarta cikin ƙungurmin dajin,wanda komai akan idonta ya faru,ko rufe fuskar da ake yi wa wanda akasato basuyi mata ba,hakan ne ma ya bata damar gane cewa daji mai tsananin haɗari suka shigo,razar da tayi ne yasa ta suma,shine bata far faɗo ba sai yanzu wajen misalin ƙarfe tara na safiya, bin ɗan tsukakken dakin tayi da kallo kana ta tsaida idanun ta akan basamuden dake tsaye akanta da sunan gadi,kawar da fuskarta tayi,yayin da idanun ta suka ciko da ƙwalla,ko ya Yah Abdallah zaiyi da wannan sarƙaƙiya da aka saka shi dan komai da yafaru akunnen ta ya faru sai dai ba akan idanun ta ba tunda har yanzu batayi ido hudu da Oga kwatakwata ba,wanda ita kuma fatan ta kenan ganin wanene wannan baƙin azzzlumin,ko da daga haka ƙarshen numfashin ta yazo,yanzun ma bata karaya ba saboda tasan halin gwarzon mijin ta tasan bazai batta agurin nan ba,kuma bazai bari su kashe ta ba,indai har ba Allah ne yayi zata mutu ba,kuma tasan bazai kawo masa Dady Abubakar ba,kuma ko anan ba zata fasa ƙoƙarin ta na ganin bayan azzalumai ba,insha Allah alƙadarin su ya karye karshen zaluncin su yazo..


Ya dade da samun guri ya fake,tun daga zuwan ta har shigar ta ɗan tsukakken lungun da bai wuce kamu goma ba, duk akan idon sa,nutsuwa ya sake yi wajen miƙa hankalin sa kanta,sai da ya tabbatar ta shiga ciki kana shi kuma ya bi bayan ta cikin nutsuwa da sanɗa irin ta ɓarayi,Dije ta samu zaune akan ɗan kututturen dutsen dake girke a wajen tana saƙa da warwara,da sauri ta tashi tare da cewa ranki ya daɗe kin ƙara so?duk da bata ga fuskar matar ba ta tabbatar da cewa murmushi tayi,cikin ƙasai tacciyar Muryar ta ta isa da taƙama tace"Dije tawa Dije aikin ki na kyau yadda ya kamata,maza tashi ina saurarenki ki sanar dani inda Abubakar yake da wannan mutumin ko waye!'cikin yin ƙasa da kai Dije tace"ai ranki ya daɗe Abubakar yana hannun Mansur kuma man sur shine wannan mutumin dakike ta son sani tsawon shekaru amma hakan ya GAGARA,,daɓas taga ta zauna akan ƙasar gurin jikin ta yana