You Cannot Download this book untill you login but you can read it .

---

Login Register

uba?yanzu duk taran mutanen nan da da suka kasance ƴan uwana yanzu na zama bare acikin su kenan?maganganun da yake yi har sai da takai da cewa wasu sun fara tausaya masa karma Dady Mansur yaji labari,dan abun shi yawa yayi masa ya mutukar razana da jin wacece Hajjah da iri n abinda ta shuka,kallon Habibu yake cike da haushi da kuma tausayi Sa dai shi kansa yasan cewa Habibu ba abin tausayi bane,saboda ya cutar da mutane masu yawa arayuwar sa,wanda kuma alhakin sune ya fara bibiyar sa,tun da gashi har ƙaddarar sa ta juya sama ta koma masa ƙasa,tabbas duk wanda bai ji tsoran Allah ba ɗaiɗaicewa tana tare da rayuwarsa,Dady Habib yana cikin halin nadama wadda ta zame masa ƙeyar baya, yaji an damƙi hannun shi yana ɗagowa yaga Safwan ne da ankwa a hannun sa da alamu dai zai koma inda ya fito ne,dan Nana ne kaɗai ya fi dacewa dashi kafin ya fara ganin sakaiyyar Allah,saboda tsananin tashin hankali da zaucewar tunani bai iya yin musu ba haka ya tashi ya bishi idanun sa na zubar da zafafan hawayen nadama.


Duk wanda ka gani afalon Alhaji Baba zakayi tunanin mutuwa akayi masa mai shiga jiki,sai dai kuma sam ba haka bane tsabar damuwa da tashin hankali da kuma tsinkewa da al'amuran duniya ne,Hajiya ladidi da akayi komai agaban idanun ta,tuni jikinta yayi sanyi nadama ta shigeta,tare da fara itgfari akan abun da taso yiwa rayuwarta,Alhajin Nafisa ne ya ɗan ja numfashi kana yace"ai wannan al'amari wanda ya shafi ahline,bai kamata kuyi kirana ba,duk da dai ban san dalilin Alhaji Baba nayin haka ba!'Alhaji Rufa'i ne ya ɗan share gumin dake saman goshinsa,kana yace"ai Alhaji kaima wannan zama ya shafeka matuƙa,kawai dai Alhaji ya ɗan shiga cikin wani yanayi ne da ya kamata ya keɓe kansa shi yasa bai iya tsayawa yayi maka bayani ba,to amma tunda wakilan sa suna nan na kuma su ai nahin waɗan da abin ya faru akansu to ai ina ganin za a iya sanar da kai komai!'ya rufe bakin sa yana mai duban inda Abdallah yake kwance idanunshi a lumshe dan bazaka taɓa iya fahimtar halin da yake ciki ba,Dady jafar ne ya karbi zancen dan yana ganin waɗan nan ahlin yanzu dole ayi musu uzuri dan suna cikin halin da a yanzu bazasu iya wata doguwar magana ba,har sai lokacin da zuciyar su ta fara mantawa da gagarumar ƙaddarar data keto cikin rayuwar su,babu wanda ya motsa ko yayi wani ƙwaƙwƙwaran tari,har sai da Dady jafar ya dire ƙarshen labarinsa da yake bawa Alhaji munir na abinda gudan jinin sa Nafisa ta aikata,sai gashi shima yabi layin kurame,dan tunda ya ɗora tafukan hannun sa akan fuskarsa,bai ce komai ba har na tsawon wasu mintuna,sai daga can ne kuma ya saki ajiyar zuciya tare da cewa,kuyi haƙuri dan Allah kuyi Allah ya huci zuciyarku,bansan da irin bakin da zan rarrashi zuciyarku ba,haƙika Nafisa tayi min ƙarshen tozarci a rayuwata,ta kuma aikata mummunan kuskuren da bazai taba kankaruwa ba!'yana maganar yana share hawayen da ya kasa hana su zubowa,miƙewa yayi ya bawa su Alhaji Hashir hannu kana ya nufi hanyar waje yana cewa Umar kayi haƙuri ka'ida dukkan iyalanka,amma bance sai ka yafewa Nafisa ba,kabbarta taje ta koyi darasin rayuwa,kuma karki sake ki nufo gida na,ki haƙura dake har abada!'wani irin kukan ihu Anty Nafisa ta saka tana magiya wa Mahaifinta da ya yafe mata ya bawa Umar hakuri,amma ina tuni shi yayi ficewar sa,yana ƙara goge ƙwallar idanunsa,Abba Umar ne yace"Abdallah ya kira Safwan ya tafi da Nafisa dan barinta ba tare da ankoya mata darasi ba hadarine, Abdallah kuwa kamar jiran umarni yake haka ya kira Samuyal,yace"yazo cikin falon,yana shigowa ya zo gaban Abdallah ya duƙa kansa a ƙasa yace"Oga kafin inyi abinda ka umarceni inaso na fara karɓar kalmar shahada a bakinka,domin naje nayi bincike akan addinin Musulunci na kuma gamsu cewa shine addinin gaskiya,dan haka ina so ka musuluntar dani!'gaba ɗaya falon ya ɗauki kabbara, Abdallah kuwa bazan iya ce muku ga halin farin cikin da ya shiga ba,ba tare da wani jinkiri ba,ya bawa Samuyal kalmar shahada,yana faɗa har saida ya maimaita sau uku,kana aka kuma yin wata kabbarar, Abdallah yace"wane suna kake so?kai tsaye yace"Abubakar!'dady ya miƙa masa hannu cikin murmushin farin ciki,yace"Alhamdulillah masha Allah, Ubangiji ya sa musulunci da musulmai su amfane ka,ya kuma baka ikon kiyaye DOKAR sa!'da Amin suka amsa kana Abdallah ya bashi umarnin ya tafi da Nafisa har sai ya nemeta.

Wannan abun da yafaru na karɓar kalmar shahadar Samuyal shi ne ya sanyaya musu zuciya har aka samu damar tattauna abinda ya faru,sai dai har yanzu babu wanda ya kula Hajjah hatta da ƴaƴan ta sunƙi duban inda take, addu'oi masu yawa aka gabatar kana kowa ya fara watsewa jiki a sanyaye,Dady jafar ne ya ciro madaukar da yasaka ya bawa Dady Mansur saboda waɗan da basa nan,domin wannan zaman yana da muhimmanci ace duk wani ahlin ALHAJI BALARABE ya san abinda ya faru acikin ESTATE ɗin sa,

Hajjah kam ta zama tamkar wata mujiya dan kaf ƴaƴan ta waɗan da suka sami halartar taron basu koma ɓangaren ta ba kowacce sai ta wuce gidan mijinta,domin a halin yanzu basa jin zasu iya fuskantar mahaifiyar tasu,duk da cewa itama Nana ƙarama da mijinta a cikin maha intan,to amma dai tanajin gwarashi tunda har ya samu yafiyar wanda suka zalunta,Abba Umar kuwa matarshi ya janye suka nufi sashen sa,Dady Abubakar ma Ammi yabi, dukkanin su suna maijin sabon farin ciki tamkar a lokacin suka mallaki junan su,inno dai itace ta wuce dasu Hajjo bangaren ta,ita kuma Hajiya Babba sai ta janye Bintu saboda dalilinta na cewa sai sunyiwa BINTU auren gata,dan haka da ga yau tabar zaman ɗakin Abdallah,Dady jafar kuwa kai tsaye yacewa da Abigirl ta san inda dare yayi mata dama shi yanzu basu da wani haɗi da ita,ya daiyi mata taimako daya ya bata kuɗin mota ta tafi garin su.
💕
*KUDURAR ALLAH* 💕

*NA*


*FATIMA Y. ADAM*





_____________________________________*

*🌈🇰AINUWA 🇼RITER'S✍🏼*
*🇦SSOCIATION🤝🏻*
```{United we stand and succeed;Our ambition is to entertain & motivate the mind of readers}```
https://www.Facebook.com/kainuwawritersassociation

*_____________________________________*



```Page 61 ```


Alhaji Baba kuwa tunda ya shige ɗakinsa ya saka fuskarsa gabas ya shiga miƙa lamuaransa ga Allah,bayaso yayi wani abu da zaisa ace ya zama daga cikin mutane marasa tawakkali da yarda da ƙaddararsu, wannan dalilin ne yasa ya tsaya tsayin daka domin nemarwa kansa nutsuwa,tabbas yasan ko bai fada ba an san cewa dole ya koka da irin wannan lamari da ya samu ahlinsa, amma kuma yanzu dole ne ya zama mai godiya ga ubangiji domin kuwa yanzu ba dabarar sa ce tasa ya warware masa matsalolin ba,yana ji cewa yanzu lokacine da ya kamata ya ƙarfafa zuciyarsa ya janyo farinciki dan farincikin iyalansa,dan kuwa yasan kasancewar sa cikin walwala shine zai basu damar mantawa da mummunar ƙaddarar da ta same su,tun da su sukayi hakuri ai yana ganin shi ba komai bane,ganin cewa su ne jigon waɗan da akayiwa laifin tare da cuta mafi muni, wannan tunanin da yayine yasa shi sakin wani ɗan murmushi tare da faɗin Alhamdulillah aka kulli halin, Allah ya karemu daga sharrin zuciya ya mana tsari da shaiɗan,ya kuma bamu farinciki mai ɗaurewa ya kuma kawar da duk wani abu da zai ƙara cutar da rayuwar iyalina!'Alhaji Baba yayi ƙoƙari sosai gurin cire abinda Hajiya Babba tayi masa a ransa tare da kitsa irin hukuncin da ya kamaceta,Habibu kuwa bashi yayiwa laifi ba Allah yayiwa laifi mai girma, laifinda ya faɗa cewa ba yayiwa bawansa a fuwa akan waɗan nan abubuwa, laifin wani akan wani laifin shirka,to shi kuma Habibu duk ya aikata waɗan nan laifukan,ba zaice yaji daɗi ba dan Habibu ya kasance ba ɗan shi ba,saboda ya riga ya sawa ranshi Habibu ɗan sa ne dan haka yanzun ma bata sauya ba,sai dai yabishi da addu'ar fatan shiriya da neman sassauci gurin Ubangiji.


Tsakanin Dady Abubakar da Abba Umar ban san wanda yafi wani dokin amarcewa ba,dan kuwa tunda suka kule a ɓangaren su babu wanda ya kuma jin ɗuriyar su,suna can suna sabunta soyayyar su,Nafisa kuwa ba zan iya misalta halin da ta shiga ba,saboda rashin tsuntsu da tarko,kuma gata a kulle cikin gurin da ko tafukan hannayen ta bata iya gani,gurin da bata taɓa tunanin zata zoshiba,(to dama Nafisa ai ƙarshen mugun abu kenan, Allah dai ya tsare mu daga masu irin halin ku)

ESTATE ɗin tayi shuru tsawon kwana biyu,kafin kuma su koma da walwalar su, Abba umar tuni ya maida su Hajjo gidan da ya kaisu kasancewar gidan babban gidane,sai ya miƙa wa Fafi takardun gidan yace"ya bar masa ya cigaba da zama da iyalan sa,ƴan biyu kuwa tunda suka ƙyalla idanu suka ga ƴar uwar su Bintu shike nan suka samu nayi duk da cewa sun girmewa Bintun,Hassan ya zama macen dole a cikin su,sunƙi barin estate ɗin gaba ɗaya sun tare anan sunce sai angama bikin Bintu zasu koma gida,fafi dai yana can shima shida ma'unsa ana sabunta soyayya.


Yayin da duk ake wannan budurin Abdallah yana can yana fama da soyayyar da a yanzu yake kokarin gasgata ta,ya rasa dalilin da yasa a ka hana Bintu dawowa sashen sa,shi kuma tsabar miskilanci ya kasa tambayar ko Ummi Laila ce,wadda a kwana biyun kusan kullum yana bangarenta,haka yake sunturin zuwa wajen Alhaji Baba ko da zaiyi masa maganar Bintu amma shuru kake ji,sai yayi tunanin ko dai baisan abinda yake faruwa bane?tun yana daurewa zuciyar sa har ya fara bin iyayen nasa maza amma,duk yawan zaman da zasuyi tare baya jin maganar Bintu abakin su,to wai me ake nufi da wannan abun ne?sai kuma ya shiga fargaba kar dai ko Dady jafar ya faɗa musu abinda yace"akan cewa da yayi idan komai ya daidaita zai saketa ta auri wanda takeso,tunawa da hakan yasa yaji zuciyar sa na bugawa da ƙarfi,kamar zata faso ƙirjinsa ta fito.

Ita kuwa Bintu tana can Hajiya Babba da Ammi da inno kai harma Hajjo da bata gidan suna faman yi mata gyaran da bata samu ba,gyaran gata wanda suke san zautar da jikan nasu a ɓangaren fadamar Bintu,tana yawan tunawa dashi tana kuma mararin ganin sa,sai dai kuma yadda su Inno suka kasa suka tsare yasa bata da hanyar ganin sa ko da daga nesa ne.


Yau kimanin kwana biyar kenan da warwarewar ƙullin dake cikin gidan Alhaji Baba,hankula sun fara kwantawa farinciki ya fara wanzuwa a zukata,yayin da wasu suke cikin halin tsaka mai wuya,kamar dai su Hajja ke nan,wadda tunda abun ya faru babu wanda ta kuma gani a ɓangaren ta,tun daga kan ƴaƴan ta har zuwa ƴaƴan kishiyoyinta da surukanta,dan kuwa Alhaji Baba yayi jan kunne mai tsauri akan kowa dake cikin estate din,duk wanda yaji koda labarin ya kalli hanyar ɓangaren Hajja to bai yafe masa ba, wannan shine hukuncin da ya fara zartarwa akanta,a halin yanzu kuwa kaf ahlin ALHAJI BALARABE babu wanda labarin abinda ya faru bai same shiba,su abdulraman da abdulshakur duk sun dawo cikin ahalinsu farin cikin ganin mahaifinsu da ɗan uwansu shi ya saka su cikin farin cikin da ya hana su alhinin abun alhinin da ya faru,kowa ya dawo da iyalan sa ya kafa sabuwar rayuwar tafarinciki tare da ƴan uwansa,a ɓangaren Taufika kuwa tunda labarin ya sameta ta rude tare da shiga wani irin hali na damuwa, wato dai yanzu ana nufin ace Ya Abdallah ya haramta a gareta,bata jin zata iya wannan jihadin hakan ne yasa ta tattaro daga ziyarar da suka kaiwa mahaifansu suka dawo Abuja cikin ESTATE.

Abdallah ya koma bakinsa,kamar yadda ya saba a baya,ya na cigaba da tafiyar da asibitin sa,amma duk wannan abun da yakeyi ƙarfin hali yake,dan dai kawai Abdallah ya kasance muskilin mutum ne,amma fa haƙika zuciyarshi tana cikin wani yanayi na rashin Bintu, wanda a kwana kin ne ya tan-tance tsakanin ƙarya da gaskiya,ko yanzu dawowar shi daga asibiti kenan,ya shiga shawagi a tsakanin part ɗin iyayen nasu ko Allah zaisa yaci karo da Bintun,sai dai har ya gaji ya yada zango a part ɗin Hajiya Babba wanda ya fi bada tabbacin cewa Bintu tana nan bai ga ko usainar fafi ba bare kuma buntu,yana kwance jikin ƙatuwar kushin ɗin falon idanunshi a lumshe kana ganin sa kasan da akwai gajiya a tare dashi gakuma ƙishin ruwan Bintu da ya addabeshi,Muryar Hajiya Babba ce tasa ya ɗan bude gajiyayyun idanun sa,kai kuma lafiyar ka kazo nan ka kwanta cikin kin kayan aiki?bai kulata ba,sai dai can kasan zuciyarsa yake cewa ina fa lafiya Hajiya Babba kun kama matar mutane kun riƙe,amma a fili sai yayi mata banza dan gaba ɗaya haushin su yake ji,bata nuna ta gane komai a tare dashi ba, tace"ai ya kamata kaje ka kwanta ka huta tunda da alama yanzu ka dawo!'tamkar ba dashi take ba,ko kallon inda take baiyi ba, sai ɗan gyara kashingiɗar shi da yayi,hakan da yayi ne yasa ta gane bai da niyar tashi,ƙwafa tayi tana cewa dani kake zan can!'ta tafi tana ƴan miticinta,bata san kunnen Abdallah da ji ba, har da su cewa ita sam bazata yadda da zaman Bintu dashi ba,dan Bintun bazata iya da wannan halin nasa ba,a saman laɓɓan shi yace"da data zauna dani har zuwa yanzu ke kika zauna mata dani?

kamar anjehota haka ta ta fado cikin falon,dawowarta kenan ko hutawa ba tayi ba,tazo ganewa idanunta abinda taji,turus tayi ganin wanda yake hakimce acikin falon,sai kuma take jikinta ya shiga rawa,har ta ma manta abinda ya kawota,itafa bata jin zata iya daina san Ya Abdallah sai dai idan mutuwa tayi,duk lokacin da ta ganshi saitaji tamkar ana ƙara mata wutar sanshi,cikin sanyin jiki ta ƙaraso tsakiyar falon,kana ta nemi guri kusa da inda yake ta zauna,tare da gaida shi cikin kiɗimewar murya,da lafiya ya amsa mata shi ma badan kallon ƙuril ɗin da take binsa dashi ba,da bazata san cewa ya amsa ba,sai kawai ta samu kanta da ƙarfin halin fara yi masa jaje akan abinda ya faru da kuma fatan Allah ya tsare gaba.

Buɗe idanun ta tayi a hankali,idanun ta nadan komawa suna lumshewa,ita kam ta rasa wannan abu na magani da meyene,gaba ɗaya nema suke su zamar da ita ƴar ƙwaya daga sun banka mata wancan sai wan Nan,wai duk maganin sanyi ake bata,a fadarsu dai,gashi wasu da yawa idan ta sha sai sun sata bacci kamar dai yanzu da wannan ya sakata baccin yamma,saida ta ɗan huta kana ta miƙe har zata shige toilet,sai kuma taji jikinta ya dauki wani sanyi,haka zuciyarta ta shiga bugawa da sauri da sauri,fasa shiga tayi ta juya akalarta zuwa ƙofar da zata maida ita falon Hajiya Babba,a hankali ta buɗe tare da cusa kanta,sai dai kuma tozalin da tayi da Taufiƙa durƙushe gaban Abdallah shi ya nemi hautsina tunaninta,da sauti ta ƙarasa fitowa,sai a sannan ya kula da abinda Taufiƙan takeyi,ruwa ne take tsiyayawa Ya Abdallah a glace cup,tana ƙoƙarin miƙa masa,da sauri BINTU ta rike cup ɗin, ɗagowa tayi dan ganin waye sai tayi ido huɗu da fararen idanun Bintu da kyakykyawar fuskarta da take wani irin glowing na tsananin gyaran da take sha, murmushi tayiwa Taufiƙa da ta daskare a gurin, tana cewa ayya Anty Taufiƙa saukar yaushe ashe kin dawo?ta faɗa tana mai shanye ruwan,yayin da idanunta suke san kallon idanun ogan nata amma sam hakan ya gagara,sai ɗan tura bakinta da tayi,wanda batayi aune ba, taji Abdallah ya sunkuceta cikin sauri sai waje,wani irin kuka Taufiƙa ta shiga yi mai tsanani da ban tausayi,ita kuwa Bintu magiya ta shiga yi masa ya sauke ta kar su haɗu da wani,ba dan hujjarta ya sauketa ba,sai dan baya son kwakwazonta ya janyo hankalin Hajiya Babba,kama hannun ta yayi suka fara tafiya wanda a da taso yi masa gardama saboda tsoran fadan Hajiya Babba,sai kuma taji baza ta iya ba,


Cikin nasara da fatan Abdallah basu tarar da inno a falonta ba,hakane ya ƙara bashi ƙwarin gwiwar jan Bintu har can cikin ƙuryar ɗakunsa,suna shiga ya juyo da ita gareshi yana fuskantar ta,sunkuyar da kanta tayi tana wasa da yatsun hannunta,a hankali ya matso daga da ita,kana ya ɗago fuskarta,ita kuma tayi saurin rintse idanunta,zubawa eye lashes ɗin ta ido yayi,yana kissima abubuwa masu yawa can kasan zuciyarsa,a jikinta taji irin kallon da yake mata,dan haka ta shiga ɗan ware idanun nata dan ganin abinda yake kallo a jikinta,idanunta ne suka shige cikin nasa,yayin da ita kuma gaba daya ta diririce,cikin sanyin murya da tura baki tace"zan tafi kar Hajiya Babba ta nemeni!'haɗe fuskar ta yayi da tashi kana ya fara magana cikin shu'umar Muryar sa,me saka lakar mutum narkewa,yace"Bint""me kuke nufi dani ne ke da kakanninki?cikin rashin fahimta tace"kamar ya?cikin tura kanshi cikin wuyanta yace"da suka ƙwace minke ke kuma kika biyesu saboda baki damu dani ba,ya kuma tura kanshi a wuyanta yana shaƙar ƙamshin ta da yake neman zauta tunaninsa,yana faɗin Ummm Bint na gaji haka bazan iya ba,bazan iya nisa dake ba,bazan iya raba makwanci dake ba,bazan iya nisan tar numfashinki ba,Ina son halinki,inason kyawunki,inason nasabarki,Bint Ina son wannan ƙamshin naki,komi naki abinso ne,ya ƙara sa faɗa yana sauke mata numfashin sa,wanda yake hadewa da ƙamshin jikinsu yana bada wani irin yanayi mai wuyar fassarawa, maganganun Abdallah sun rikitar da tunaninta sun kuma jefa ta cikin tunanika iri iri,ji tayi ya ɗago kanta cikin wani irin sanyin jiki,ya sumbaci saman lip ɗin ta,kana yace"my Bint,kije Amma ki sani zaki bar mijinki da kewarki da muwar rashinki zata iya jefani wani hali!'daga haka ya saketa ya faɗa toilet,binsa tayi da ido,tana jin wani irin abu na mata yawo a tsakar kanta,cikin mutuwar jiki ta fita daga ɗakin,tana ƙissima yawan damuwar ta akan damuwar Abdallah,


Dady Habib fa yana cikin kin tsaka mai wuya,duk inda ya motsa sai yaji kukan jarirai,babu hali bacci ya ɗan fizge shi sai yayi mafarki da wasu daga cikin ƴan mata da samarin da ya salwantar da rayuwarsu,ko ina yayi babu daɗi,ji yake inama yana da halin ta riyo rayuwar sa da yayi domin ya goge duk wasu kura kurai da ya aikata,idan ka ganshi baza kace wannan hamshaƙin mai kudin bane mai ji da dukiya,su kansu masu tsaran shi sun fara tausayawa halin da yake ciki,dan ganin tun kan aje ko ina Allah ya fara kama shi da irin abubuwan da ya shuka.


A yanzu dai Alhaji Baba ya samu nutsuwa,hankalinsa ya kwanta, duk inda ya juya ƴan uwanshi da ƴaƴan shi da jikoki ne suke walwala,babu wani abu dake damunshi sai ɗan damuwar Habibu,shi yasa yake tunanin kiran Abdallah dan afito dashi haka,a ganin Alhaji Baba ai idan aka barshi da hukuncin Allah ma ya isa,su Alhaji Nasir kuwa tuni ya yanke ma amalar a minta a tsakanin su,sai dai mutumci,har kar kasuwanci da duk wani abu da ya shafe su ya yanke,ta kanas Alhji Salisu mijin Nana ƙarama yazo ya gurfanar agaban Alhaji Baba ya roƙe shi gafara,tare da neman masa gafarar Nana ƙaramar,dan tunda suka koma gida take borin sai ya saketa tunda baya san mahaifinta shi da mahaifinsa,kuma dama ba dan Allah ya aureta ba,dan haka sai ya saketa, Alhaji Baba a take ya kira wayar Nana ƙarama ya bata baki tare da nasiha mai ratsa jiki,babu yadda zatayi dole haka tayi hakuri ta ɗan gana ta zauna a gidan mijinta,

Tun ranar da suka rabu basu kuma haduwa ba,dan kuwa sosai ake shirin bikin ƴaƴan gata dan harda su Farida da Hauwa'u sai Taufiƙa da Siddiqa har da Rahima,kowa ka kalla shirin bikin yake,gyara kuwa tamkar za a canja musu halitta,dan fatar su har wani jaja da sheƙi takeyi,duk wannan abun da akeyi BINTU da Abdallah basa cikin haiyacinsu,bukace suke da ganin juna, amma Abdallah tsabar miskilanci ya haɗa yayi fushi da kowa ya ma bar gidan gaba ɗaya ya koma wajen Dady jafar, BINTU kuwa sai tsabar damuwar da take ciki sai ana acikin yi musu gyaran jiki sai dai kawai kaga hawaye na tsiyayowa daga idanunta,kamar yauma da suke cikin tafkeken dakin da aka zuba masa kayan gyara nau'ika iri iri,Rahima ta dubeta yayin da taga tana faman goge hawaye da bayan hannunta,ƙunshe dariyar ta tayi kana tace"Ya dai yarinyar Ya Abdallahn ta,me yafaru haka?tura baki tayi tana hararar Rahima saboda taga dariyar da take yi mata,Rahima ta ƙyalƙyale da dariya tana cewa,gaskiya Batula salon nan naku na burgeni,wai amma idan an cewa mutum ya faɗa tafkin soyayya sai yace ba haka ba,hasalima shi bai san soyayya ba!'ta ƙare maganar da sheƙewa da wata muguwar dariyar tura haushi,shigowar Ammi ce ta tsayar da ita tana rufe baki da hannun ta,Ammi tace"ke Rahima bana son sakarci,wan Nan dariyar ta lafiya da meye? da sauri BINTU ta koma jikin Ammi tana ci gaba da tsiyayar hawaye, cikin san fashewa da kukan da ya tokare mata maƙogaro,tace"Ammi da take,tun ɗazu take tsokana ta!'Ammi ta kuma jefawa Rahima harara,kana ta dawo da duban ta kan Bintu cikin lallashi tace"rabu da ita mamana,jeki zauna a ƙara sa miki,idan angama kizo zan baki abun daɗi banda su oo!'tura baki Rahima tayi kana tace"da ɗin abun dai yanzu nima ina da tudun dafawa!'gwalo Bintu tayi mata,daga nan Ammi ta fita ta barsu ana ci gaba da gyara su.


Tunda taji kira daga falon Alhaji Baba taji duk bata da nutsuwa,da sassarfa ta ƙarasa falon,inda ta tarar da Abbanta da Dady Abubakar da Dady Mansur sai inno,ga kuma uban gayya Oga Abdallah a hakimce tamkar wani sarki fuskar nan a cakuɗe,sai da ta zauna sannan ta kula da Taufiƙa da ke durƙushe gaban Alhaji Baba tana ta sheshsheƙar kuka,a san yaye tace"Alhaji Baba gani!'ɗan gyara zaman shi yayi tare da gyaran murya kana yace"yauwa Alhamdulillah, Taufiƙa ga shi nan na kira duk wanda yake da ruwa da tsaki akan al'amarin aurenki dan haka ki maimaita abinda kika faɗa min kafin shigowar su!'sunkuyar da kanta kasa tayi tana fatan dacewa Allah yasa kar Bintu ta kunya tata, Allah yasa kar ta ƙarya tata, cikin kwantar da murya tace"dama naje na samu Bintu munyi magana ta fahimta nida ita,tace"ta amince na auri Ya Abdallah zamu zauna lafiya amma bazata iya zuwa ta faɗa ba,sai dai Ni nazo na sanar da kai idan yaso in aka kirata aka tambayeta zata amsa cewa ta amince!'ta ƙarasa faɗa tana mai yiwa Bintu wani irin kallo na neman ɗauki da taimako,har da hada hannayen ta biyu bata tare da kowa ya luraba,sai Bintun da takewa Taufiƙan kallon mamaki da tambayar yaushe mukayi haka dake?maganar Alhaji Baba ce ta dawo da hankalinsu kansa,yace"to kinji ke Bintu shin wannan magana gaskiyane?kuma kin amince da auren Yara uwar ki da mijinki?wani irin duka ƙirjin Bintu yake,ga kuma tashin kallon da take jinsa a jikin ta na Abdallah,wanda sai kayi da gaske zaka san cewa kallon nata yakeyi,Dady Mansur ne yace"ke muke sauraro faɗima!'sam bata san lokacin da ta shiga gyada kanta ba,idanunta kuwa sunyi jawur,ƙiris suke jira su zubar da zafafan hawayen da suke cikin su,bata gama dawowa hayyacinta ba taji Abbanta yana cewa to tunda ta amince Alhamdulillah!'shi dai Dady Abubakar kallon Bintu kawai yake cike da san ta ɗago su haɗa ido, Alhaji Baba yace"Abdallah tashi ka dauki matarka ku tafi gida na baku sati ɗaya,wanda shine ranar da za a ɗaura auren ku kaida Taufiƙa,idan yaso sai a zarce da bikin gaba ɗaya!'Dady Mansur yace"hakan yayi Allah yayi muku albarka,amma Alhaji Baba wane gida zasuje nayi zatan suma a nan cikin ESTATE zasu zauna?Alhaji Baba yace"a nan zasu zauna amma sai angama gyaran sashen nasu dan haka suje ta ɗan anyi bikin sa tare gaba ɗaya!'a hankali Abdallah ya miƙe ya ɗan rissina yayiwa Alhaji Baba rada kana ya fita,inno tace"idan tayi tsami Maji!'Dady Abubakar yace"tashi maza ƴar albarka kibi mijinki!'tashi tayi jiki a sanyaye tabi bayan Abdallah, Taufiƙa kuwa kamar zata taka kanshege da farin ciki itama ta fita burinta ya kusa cika zata auri rabin ranta,su kuma suka cigaba da tattauna abinda yake sirrinsu ne.


Tunda suka shiga motar take kuka har suka fara tafiya,shi kuwa Abdallah babu abinda yace"mata,saima wakar ɗawisu da yasaka ya shiga bi a hankali cikin sassanyar Muryar sa,mai daɗin sauraro,inda yake cewa,zana sanar miki amsar tambaya a cikin zuci babu kowa sai ke ɗaya,ɗif tayi da kukan