You Cannot Download this book untill you login but you can read it .

---

Login Register

wani zararre.


Cikin nutsuwa yayi sallama falon Alhaji Baba,wani irin ƙayataccen murmushi Alhaji Baba ya saki ganinsu Abdallahn,yace"maza ku ƙaraso ƴan albarka Allah Ubangiji ya haskaka rayuwarku dan alfarmar shugaban mu Annabi Muhammad s.w.a.atare suka amsa masa da Amin Ya Allah, bazan iya misalta muku farin cikin Bintu ba ganin tabbas maganar Oga Abdallah ta tabbata, ga wata irin ƙauna ta bawan Allah da take ƙara mamaye jinin jikinta,gaidasa sukayi cikin girmamawa wanda bai bari sun ƙara wani magana ba ya ɗauko kuɗi a ɗaure cikin wata kyakykyawar leda wanda zaka iya hango abinda ke cikin ta, yace"matso nan jikata Faɗima!'matsawa tayi gabansa ya kuma kiran Abdallah shima ya matsa gab da Bintu hannun su Alhaji Baba ya kama ya haɗa dana juna ya sarƙesu daga bisani ya miƙa wa Bintu wannan kuɗin na hannun sa tasa ɗaya hannun ta karɓa cike da wani irin faɗuwar gaba wanda bata san dalili ba lokaci ɗaya jikin ta ya hau rawa,Muryar Alhaji Baba ce ta ratsa dodon kunnuwansu,Fatima karɓi wannan, sadakin Auren ki ne da Abdallah Allah Ubangiji ya baku zama lafiya ya kawo haske cikin rayuwarku.
💕
*KUDURAR ALLAH* 💕

*NA*


*FATIMA Y. ADAM*





_____________________________________*

*🌈🇰AINUWA 🇼RITER'S✍🏼*
*🇦SSOCIATION🤝🏻*
```{United we stand and succeed;Our ambition is to entertain & motivate the mind of readers}```
https://www.Facebook.com/kainuwawritersassociation

*_____________________________________*



```Page 32 ``


Hannun tane ya fara rawa saboda tsabar ruɗanin da maganar Alhaji Baba ta saukar mata, ji tayi tamkar an ɗora mata wani gungume man dutse akanta,wai dama da gaske Alhaji Baba yake ita zai ɗaurawa Oga Abdallah?anya kuwa wannan haɗin yayi?ya zatayi da farmakin Taufiƙa? Sannan taya zatayi ta cimma burin ta alhalin da igiyar Aure akanta?shin Abdallah zai tallafa mata kamar yadda fafi yasanar da ita?idan kuwa har zai tallafa mata to kuwa dole ta haƙura da Auren sa domin shima wata babbar dama ce agareta, wannan muskilalliyar Muryar tashi me tsananin daɗi ce ta katse mata tunaninta, Alhaji Baba mun gode Allah ya ƙara girma da lafiya,in Sha Allah zamuyi maka biyayyar da zakayi alfahari damu!'kut kaji wai zamuyi wannan ai aran baki ne,wato yau darar Alhaji Baba zaiyi dan tasan wannan muskilin ba abinda ya iya banda nunƙufurci da tsirawa mutane allura,duk gungunin da take da zunɓura baki akan idanun sa dan salon kallon Abdallah abin burgewa ne amma ga Bintu wanda shi kansa bai san yanayi ba,(amma koni alƙur an kallon na bani citta)Alhaji Baba yace"to masha Allah Ubangiji ya yiwa rayuwarku albarka ya baku zuri'a me albarka, Allah yasa wannan Aure ya kasance fitila ga rayuwar ku! da Amin suka amsa kana Bintu ta miƙawa Alhaji Baba kuɗi tare da cewa, Alhaji Baba kabar kuɗin nan Ni ban san me zanyi dasu ba!'yace"a'a Bintu wannan haƙƙin kine dole ki amsa idan yaso ga mijinki nan sai kibashi ya ajiye miki!'gyaɗa kai tayi kawai batare da ta kuma cewa komai ba,har zasu miƙe Alhaji Baba yace"au na manta ban tambayeka ba zaka zauna a gidan nan ne ko zaka tafi da matarka wani gidan daban? Abdallah ya ɗan rusuna yace"zamu cigaba da zama a ɓangare na har muga abinda Allah zaiyi!'hakan yayi kyau kuje Allah Ubangiji yayi muku albarka!'suka amsa da Amin kana suka fita daga falon, murmushin farin ciki Alhaji Baba ya saki tare da binsu da kyawawan addu'oi.



Tarbar da Inno tayi mata ita tasaka kuka wanda dama a kusa yake,rungume ta tayi sosai tana ɗan bubbuga bayanta,cikin kalaman lallashi take cewa haba Batula to kuma meye na kukan bayan kina kusa dani, dan ban shiryawa rabuwa dake yanzu ba sai nayi miki biki irin na yargata amma ba yanzu ba akwai lokacin yana nan zuwa,idan kuma zan haɗa da suna ne shike nan!' Abdallah harara ya watsawa inno kana ya shigewarsa ɓangaren sa ya barta ita da sakalalliyar Bintun ta,hannun Bintun ta kama ta isa da ita har ɗakin ta da kanta ta haɗa mata ruwan wanka wanda sai da Bintu ta shiga taga kamar ba zallar ruwa bane dan sosai yake wani irin fitinan nan ƙamshi mai kama jiki da zuciyar wanda aka raɓa,sosai taji daɗin jikin ta, kwanciyar ta tayi saman tattausan gadon ta,ko minti biyu batayi ba wani nannauyan Bacci yayi awan gaba da ita.


Tunda ya shiga ya gabatar da abubuwan da suka zama farilla agareshi, har ya kwanta saboda gajiyar dake tare dashi sai kuma wata gagarumar yunwa ta motsa masa, dan sai yanzu ya tuna rabon sa da abinci me nauyi tun kan wannan abin ya faru sai ƴan kame kame da yake dan bayajin zai iya cin kowane irin abinci idan ba na Bintu ba,ɗan tsaki yayi tare da tashi zaune ya dafe kansa dake ɗan sara masa,wayarsa ya ɗauka ya danna lambar inno bata jima ba kuwa ta ɗauka tare da yin sallama,amsawa yayi kana cikin takurawa kansa da magana yace"inno kisa yarinyar nan ta dafo ko noodles ne ta kawo min yunwa nakeji sosai!'inno tace"ai inaga sai dai Ni nayi maka dan Bintu tayi bacci!'ki tasheta inno yanzun nan!' saurin dafe kansa yayi saboda shikan sa bai san ya akayi ya faɗi hakan ba cikin san kawar da waccen maganar yace"inno bana son ki wahalar da kanki kawai ki tasheta bata da magagi!'murmushi inno tayi tare da cewa to gaskiya bazan sa ta girki daga farkawar ta ba sai dai idan na dafa maka in yaso na tasheta ta kawo maka, hakan yayi maka?shike nan inno yayi!'daga haka ya kashe wayar batare da yasan irin mamakin da yabar inno dashi ba,duk wanda yaga Abdallah ko yaji kalamansa dole zai gane halin da yake ciki amma a yadda ta lura sam shi bai san yanayin duk wannan ba,bai san yadda al'amuran sa suke tona asirin zuciyarsa ba,wani ƙawataccen murmushi ta saki gami da yunƙurawa dan zuwa kiching ɗin.


Cikin bacci taji kamar ana tashin ta, cikin nutsuwa ta buɗe manyan idanunta da a yanzu suka bada wata kala ta musamman saboda baccin dake cikinsu,inno tace"yi haƙuri Bintu ta shi ki kaiwa Abdallah abinci, waya ya yimin yana jin yunwa!'tura baki tayi gami da gyara kwanciyar ta zata cigaba da baccin ta,inno tayi saurin ruƙota cikin lallami tace"haba Bintoton inno kinga fa cewa yayi na tasheki ki dafa masa amma saboda kar na tasheki sai ni nashiga kiching ɗin,kuma kin san dai halinsa tsaf zai biyoki har nan idan baki tashi ba!miƙewa tayi tana gunguni,ga bacci fal idonta amma saboda mugunta ance tana bacci wai atasheta,karɓar tiren da Inno ta zuba abincin tayi ta zura silifas saboda ba dai dai take ba sam ta manta da kayan da ke jikinta,ita kuma inno batace ta canja ba saboda taga cikin bacci take.


Wani irin kuka ne ya kufcewa Taufiƙa lokacin da taga shigarta falon Abdallah daɗin abin baƙin cikin kuma kayan baccin da suke jikin Bintu wanda ko ita mace idan tacire hassada da kishi tabbas sai ta burgeta,gashi dai kayan ba wani nuna tsiraici sukayi ba amma yadda doguwar rigar mai shegen sulɓi da wani irin shep tabi lafiyayyan dirarran jikin Bintun shine abin kallo da burgewa, Siddiqa ce tayi saurin janye ta tare da toshe mata baki suka koma cikin ɗakinsu, Siddiqa tace"sai kin kawowa kanki maganar inno wadda itace zata iya fasa ƙahon zuciyarki!'cikin kukan fitar haiyaci Taufiƙa tace"wallahi bazan iya ba bazan iya kallon wannan macijiyar tana yawo tare da abinda nafi ƙauna arayuwata ba, tabbas Bintu kin janyowa kanki rigima da tashin hankali mara karshe dan sauna salwantar da rayuwarki!'


Bintu baiwar Allah bata san ma tanayi ba, ita haushin ankatse mata baccin ta a yanzu shi yafi damunta,dan haka da haushin ta faɗa falon bata ganshi anan ba,dan haka cikin sauri ta ajiye tare da juyawa dan barin falon,cikin ƙasaitacciyar muryar sa yace"nan zaki kawo min!' ashe har yaji shigowarta kuma yana da yaƙinin abinda take shirin yi, Ai kuwa buɗe ƙofar ɗakin da yayi yaga tana sanɗar ajiyewa,da sauri ta ɗago ta ɗan dubesa kana ta duƙa ta kuma ɗauka ta biyo shi ɗakin babu abinda takeyi azuciyarta sai mita,tana shiga ta ajiye zata kuma fita nan ma dakatar da ita yayi da cewa ki tsaya ki tafi da kayan dan bazan kwana da ƙazanta ba!'ƙazanta kuma lallaima wannan mutumin wato kwanikan ne ma ƙazanta?kallonsa take cike da takaici saboda yadda ya basar kai bakace shiyayi maganarba, A hankali ta samu guri ta rakuɓe tana jira ya gama yangar cin abincin nasa.

Wucewar mintuna huɗu zuwa biyar ya ɗan saci kallon ta sai yaga ta sheme ta cigaba da baccin ta hankali kwance,samun kansa yayi da zuba mata rikitattun idanun sa wanda har baisan iya tsawon lokacin da ya ɗauka yana binta da kallon ƙurilla ba,ɗan ƙaramin bakinta ya tsirawa ido haka nan yadinga jin wani abu na ratsa zuciyarshi wani irin mutuwa jikin sa yayi har wani sanyi-sanyi ne ke ratsa cikin jikinsa, lumshe idonsa yayi daga kallonta yayin da yarasa abinda ke damunsa wanda shi dai yasan bai taɓa jin Irin wannan yanayin tare dashiba,ɗan tsuka yayi tare da tashi ya shige toilet sabon brush yayi kana ya fito ya ɗauke kayan ya fita dasu kan dining table ya ajiye,

Dawowarsa cikin ɗakin yayi dai dai da wani irin juyi da Bintu tayi, lokaci ɗaya santala santalan fararen cinyoyin ta suka baiyana,wani irin hajijiya yaji tana ƙoƙarin kada shi da sauri ya samu gefan gadon ya zauna tare da dafe kansa,ɗan satar kallonta yayi cikin sauri ya runtse idanunsa shifa sam bai saba ganin irin wannan abun ba, haka kawai tazo ta wani baje min aɗaki!'(Abdallah kaji tsoran Allah kaifa kace ta zauna tajiraka ka gama) tsakin ya kumayi kana ya yunƙura ya tashi, inda take ya ƙarasa tare da duƙawa runtse idanunsa yayi ya shiga bubbuga ƙasan carpet ɗin,amma tamkar ma nauyin baccin yake ƙara mata sai ma ƙafa da ta kuma ɗora masa a jiki,(kai dai kace bata da magagi ehe)janye ta yayi yana mamakin nauyin bacci irin nata wanda shi sam bai zaci tana dashi ba,da ƙyar ya samu ta farka amma duk da haka cikin magagi take,kamata yayi ya miƙar da ita tare da saita mata hanya,yace" tafi kije ki kwanta Sarkin bacci!'kamata yayi dan taimaka mata amma sai yaji gaba ɗaya ta yi kansa kasancewar suna tsaye ne a bakin gadon hakan yasa basu sha wahalar fadawa saman gadon ba,gaba ɗaya ta sakar masa nauyin ta saboda baccin da take sosai dan bata san komai yana faruwa ba, Bintu da shegen san jiki tuni tasa hannu ta kuma kanainaye shi tare da cusa kanta cikin ƙirjin sa tana shaƙar dadda ɗan ƙamshin jikinsa, rumtse idanun sa ya kuma yi tare da cewa ya Allah!'buɗe idan yayi tare da zubawa kyakykyawar fuskarta ido yayin da ita kuma take kwance saman jikin sa duk tabi ta duƙunƙune shi kamar wanda take tsoron kar asace shi,kasayin kataɓus yayi saboda yadda gaba ɗaya ta saukar masa da wata irin kasala da mutuwar jiki ki yayi ko ɗan yatsan sa ya kasa motsawa, kawai sai ya rabu da ita tare da ci gaba da kallon fuskarta, ko A baccin ma bakinta a ture yake saboda da haushin sa ta yi baccin samun kansa yayi da ɗan jan ɗan ƙaramin leɓenta yana mamakin rigimar Bintu ita damuwarta ta lokacin da Abu ya faru ne amma sam bata barin damuwa aranta sai dai idan A lokacin damuwar tazo ko ta tuna amma sabgoginta take hankalin ta kwance, (Abdallah ba haka bane Allah ne yabawa Bintu baiwa da wani irin hali na rashin barin damuwa tayi mata tasirin da har zata hana ta walwala, duk da tarin ƙaddarorin ta sai Allah ya sakamata tawakkali da amsar ƙaddararta a duk lokacin da ta kutso rayuwar ta) hannunsa akan tattausan lip ɗin ta wani daddaɗan bacci yayi awan gaba dashi,Abdubint asuba ta gari ayi bacci lafiya amma kar amakara sallar asuba.


Labarin da Anty Nafisa taji na dawowar Bintu yayi mata daɗi sosai tana ganin matsalarta kamar tazo ƙarshe tanayiwa Bintu kallon maganin damuwar ta,ita Auren Bintun sam bai dameta ba dan aganinta bata ga abin damuwar ba wannan muskilin yaron da ba gane gabansa da bayan sa ake ba tsaf watarana zai iya sako Bintu,kuma da ɗin da ɗawa shi ba ahlin ALHAJI BALARABE bane balle abun ya dameta,kawai dai abinda ta sani ne dole a wannan lokaci Bintu tayi mata abinda take so dan haka ita kawai take jira ta gabatar da cikin ƙaryarta,daga tasamu abinda take nema babu wanda zai kuma jin ɗuriyarta sabuwar rayuwa zata buɗe ita da sabuwar soyayyar ta.


Cikin juyi da tsananin daɗin bacci takuma shigewa jikin sa tare da ɗora kanta saman ƙirjin sa tan shaƙar dadda ɗan ƙamshinsa alokacin tuni ya farka saboda kiran sallar da aka ƙwala,shi da yake tashi kafin kiran sallar dan gabatar da nafila, amma yau shine da wannan nauyin baccin gashi idan baiyi da gaske ba zata iya sawa ya makara,a hankali yake ƙoƙarin zare ta daga jikinsa amma da ta kuma yin wani juyi sai gata gaba ɗayanta a ruwan cikin sa tare da zagaye hannuwan ta a ƙugunsa,runtse idanunsa yayi tare kiran Ya Allah!'wannan yarinyar so take ta kashe shi, bai mutu da guba ba gashi nan zata kasheshi da wannan juyin data keyi a ruwan cikin sa,daya ga dai da gasken makara yake neman yi kawai sai ya saka hannu ya ture ta kana ya miƙe,ita kuma a daidai lokacin ta farka tare da ware manyan idanunta ganin a inda take yasa tayi wata wuntsilowa daga kan gadon tare da zaro manyan idanunta, tace"na shiga uku anan na kwana?shine bai tasheni na koma ɗakina ba!' harara tabi bayansa dashi lokacin da ya fito daga toilet ya nufi ƙofa dan fita,bata daina hararar saba har ya fita daga ɗakin,tashi tayi ta ta fita, cikin sanɗa ta shige ɗakinta dan kar wani ya ganta amma Taufiƙa wadda tun daren jiya da taga Bintu ta shiga part ɗin Abdallah ta kasa ta tsare ko da rintse bata rintsa ba shi kuma wan da takeyi domin sa ma baccin sa yayi tare da matar sa hankalin sa kwance,komawa ɗakinsu tayi tare da ƙarfafa mummunan alwashinta akan Bintu.

Alhaji Mansur ne zaune a falon Hajjah sai masifa yake zubawa kamar zai aro baki ya daɗa,Hajjah cikin takaici ta dubeshi tare da cewa kai kam Mansur ban san abinda yake damunka da yaran nan ba, duk kabi ka damu kanka kashiga cikin sabgar da ba taka ba kayi kane kane,shi Abdallah n da ya fito da ita bashi taiwa laifin ba? ina ruwanka da yaran da Ako da yaushe zai iya barin cikin ahlinka babu abinda ya tare maka wanda sai kaso zaka ganshi cikin gidan nan amma duk kabi ka damu kanka,Ni bana son wannan halin naka Mansur ka canja hali na gaya maka!'shuru tayi tana maida numfashi yayin da ran nan nata idan yayi dubu ya ɓaci da lamarin ɗan nata,ta rasa inda ya dosa cikin lamuran sa amma addu'a ita kaɗai ce zatayi maganin wannan matsala,cikin damuwa yace kiyi haƙuri Hajjah amma ina kan maganata bazaki gane abinda nake nufi ba yanzu sai nan gaba!'yana gama faɗa ya tashi ya barta,yayin da tabishi da wani irin kallo wanda yay kama da kallon tausayi, Ajiyar zuciya ta sauke tare da binsa da addu'o'in shiriya.


Cikin iya taku da ƙwarewa akan aikinta Samira tace"dear gaskiya idan muna so musamu abinda muke nema sai kayi tunani akan mutanen gidan nan sosai,dan ta hakane kawai zamu iya fuskantar inda za mu ɗora aikin mu idan kuma ba haka ba zamuyi ta bulayine,kuma ina ganin hakan kamar wata sabuwar hanya ce da zamu kuma samun bayanai akan kishiyoyin ku, tunda duk abu ɗaya kuke yaƙin nema!'Alhaji Sama'ila yace"gaskiya Samira kina da fikira da ace aikin jarida kikeyi ko aikin bincike baƙarmin alfahari ma aikatarku zatayi dake ba, wannan tunanin da kikayi tunanine me kyau dan duk cikin waɗan da suke neman duniyar nan babu wanda muka sani, saboda idan mu ya rufe batasu muke ba!'Samira ta ja wani dogon numfashi kana tace"amma kunyi sake ai sanin su shine zai baku damar mallakar abinda kuke nema,saboda dolene kudinga sanin shirin su idan ba haka ba ku kuna zaune sai dai kuji sunyi nasarar mallakar koma meyene kuke son mallakan sa!'tsaye ya tashi yana zaga gurin cike da tashin hankali yace" me yasa bamu taɓa yin wannan tunanin ba? gaskiya mun tafka babban kuskure!'Samira tace"ai gyara shi ba Abune da zaiyi wuya ba tun da har munyi nasarar gane hakan yanzu tunanin mu zai juya ne kan masu nema wato kishiyoyin ku!' tafa mata yayi tare da cewa gaskiya Samira kin burgeni dolene nayi miki babbar kyauta dan haka na baki motar can da nazo da ita!'ido ta zaro cike da mamaki tace"da gaske kake Alhaji!'murmushi yayi tare cewa kin fi ƙarfin haka duk abinda nayi miki ban faɗi ba saboda kin kawo babbar gudunmawa cikin tafiyar mu!'wani murmushi ta saki kana tace"tabbas bazaka manta dani ba wanda sai nan gaba zaka kuma tabbatar da haka!' batare da ya fuskanci inda maganar ta ya dosa ba ya miƙa mata mukulli motar tare da cewa ki tafi da ita yanzu zanyi waya za'a zo a ɗauke Ni!' karɓa tayi tana cewa kamar na san da wannan babbar kyauta shiyasa ban zo da motata ba!'koda kin zo da ita har gida zansa akai miki kyautarki,daga haka ya tashi ya rakata har bakin motar kana sukayi sallama tana tayi masa godiya.


Wata irin dariya ce ta ƙwace mata wato shi dai mutum duk girman sa da wayonsa bai isa ya kara da hukumar bincike ba,ga dai yadda tayiwa Alhaji Sama'ila wayo da ta shiga jikinsa,tabbas duk ranar da yagano ta zaiyi matukar mamaki saboda tanayin komai da lura bata zaƙewa yadda zai iya saka kokwanto akanta yanzu ta gama da wannan ɓangaren saura kuma jin sirrin abinda ya haɗa wannan rikitaccen al'amarin ita kanta tanason jin koda sunan abinda suke nemane, yanzun nan kuwa zata turawa Oga Abdallah recording ɗin da tayi saboda tana so yanzu yaji irin babbar nasarar da suka taka, lallai tana ji ajikinta baza su ɗauki dogon lokaci akan wannan case ɗin ba saboda duk wata hanya da ya kamata su kama dan samun nasara sun kama saura waccen tsohuwar Abigirl ɗin wadda tuni Oga Abdallah yasa ɗan leƙen asirin su yabi sahunta duk wani motsinta akan idonsa ne,gaskiya Oga Abdallah ɗan baiwa ne Allah ya hore masa basirar sanin makamar aikin sa shiyasa duk aikin da ya tunkara sai yaga bayan sa.


Tun daga ranar da ta kwana a ɗakinsa bata kuma bari sun haɗu ba yau kwana biyu kenan da faruwar al'amarin,ta ɓangaren sa kuwa yanzu so yake ya haɗu da ita saboda manyan tambayoyin da suke ƙunshe cikin zuciyarsa,wanda a yanzu ne yake ganin ya dace ya sakata cikin wannan al'amarin,amma taƙi bari su haɗu ko meye dalilin ta oho,


Yau rana ta uku kenan rabon da yasaka Bintu cikin ƙwayar idanunsa,haka nan yakejin son haɗuwa da ita saboda aikin ɓangaren ta da yake son fara gabatar da bincike akansa(hmmm su Abdallah manya daraktan wayo kayi sake dai fans ɗin ƙudurar Allah sun gano ka)

Yau ɗin dai kamar yadda tasaba haka taje ta jera masa dinnar ɗin sa kana ta wuce tayi wanka tayi sallar isha tare da shafa'i da wuturi,wata kyakykyawar riga ta zura iya cinya mai shegen kyau wadda ta karɓi jikinta tamkar kasace ta ka gudu, dogon gashinta irin na fulani da sirkin Larabawa ta haɗa ta tufkeshi ya sauka kan bayanta fuskarta ce ta fito tayi fayau da ita yayin da jikinta yake wani irin santsi da ƙamshi mai tafiya da imanin mutum,wanda sam tunda ta dawo inno da Hajiya Babba basu ƙyaleta da kaye kaye ba, wannan ta bata wannan wannan ta bata wannan wai maganin baki ne da tsari, duk da wani maganin ma da ƙyar take iya sha,har ta kwanta sai ga kiran inno wai ta manta bata kaiwa Abdallah copy ba,ɗan tura baki tayi kana tace"Allah yasa dai bai dawo ba kalan naje ya kuma kamani ya wani riƙe ya sani kwana aɗakinsa dan iskanci kawai!'cikin wannan gungunin ta gama haɗa copy ɗin ta nufi falon,bayan ta ɗora doguwar buɗaɗɗiyar Abaya akan kayan baccin ta,tana shiga sai da ya tabbatar ta kai tsakiyar falon kana yasawa ƙofar lock batare da tasan lokacin da ya motsa daga inda yake ba,ƙin bari tayi su haɗa ido har ta ajiye masa cikin miskilar muryar sa yace"bani nan a hannuna!' miƙa masa tayi tana kawar da kanta gefe wanda hakan ne yasa taci tuntuɓe da ƙafarsa kawai sai jinta tayi cikin jikin shi batare da sanin sa ko sanin ta ba,da sauri ta ɗago dan tashi amma sai caraf fuskarta kan tasa hancinta na gogar nasa laɓɓanta na kan tattausan lip ɗinsa.
💕
*KUDURAR ALLAH* 💕

*NA*


*FATIMA Y. ADAM*





_____________________________________*

*🌈🇰AINUWA 🇼RITER'S✍🏼*
*🇦SSOCIATION🤝🏻*
```{United we stand and succeed;Our ambition is to entertain & motivate the mind of readers}```
https://www.Facebook.com/kainuwawritersassociation

*_____________________________________*



```Page 33 ```



Da sauri ta miƙe tana yi masa hararar gefan ido,bai nuna ya ganta ba sai ma cewa da yayi ki zauna inason magana dake!'zaro manyan idanunta tayi cike da tashin hankali itafa bata son zama kusa dashi saboda zazzaɓin da yake sata, dan ji take wani sanyi na ratsa ƙasusuwanta har cikin ɓargonta,ɗan zama tayi daga can nesa dashi,batare da ya kalleta ba ya kuma cewa,ina wasa dake ne?girgiza kanta tayi kana ta miƙe ta koma gefan sa a mai makon ta zauna kan kujerar sai ta zauna ƙasa kusa da ƙafafunsa tare da sun kunyar da kanta sai jajjan yatsun hannunta take zuciyarta kuwa cike take da fargabar abinda zai ce mata ga kuma zazzaɓin kusancin ta dashi,zuba mata ido yayi na ɗan wasu da ƙiƙai wanda bazaka taɓa fahimtar kallon nata yake ba sai dai ita kuma a jikin ta taji alamun idanun sa akanta dan haka ta fara ɗan motsa bakinta a hankali kuma cikin shagawaɓaɓɓiyar muryarta tace"Ni kam dai bacci nakeji!'yaji ta sarai amma sai ya basar tare da ci gaba da tafa wayar sa,sai da yagama ƙulal da Bintu, kana cikin wata irin murya mai cike da nutsuwa da san nuna mata mahimmancin maganar da zaiyi yace"

Duk abinda na tambayeki ina so ki nutsu ki bani amsa ta gaskiya idan kuma kika sake kika yimin ƙarya tabbas baza kiji daɗin hukuncin da zanyi miki ba!'ai tuni Bintu ta ruɗe iya ruɗewa dan bata shiryawa tutseyan Abdallah yanzu ba kuma bata gama shawara akan duk wani batu da zai tambayeta ba, cikin marairaice murya tace"dan Allah kayi haƙuri sai Allah ya kaimu gobe wallahi bacci nakeji sosai!'cike da alamun tashin hankali ta ƙara sa maganar,ba tare da ya dubeta ba yace"ki gaya min suwaye suka kawo ki cikin estate ɗin nan da kuma dalilin kawoki? duk da ya riga yasan wannan tun lokacin da yasa akabi masa ita tare da ɗauko masa tattaunawar su ita da Dije,amma yana buƙatar ƙarin bayani daga bakinta yana so ya tabbatar kuma yaji ko zata canja magana,ita kuwa Bintu tuni ta shiga wani hali na jin tsoran sanar da Abdallah wannan lamari duk da tanason sanar dashi amma idan ta tuna kashedin da suka yi mata duk sai taji tsoro ya kamata, fuskantar hakan da yayi ne yasa a matsayin sa na cikakken me binciken sirri kuma kwararre a wannan harkar yasa ya ɗan sassauta fuskar sa tare da muryarsa cikin tattausan harshe yace"Fatimah!'da sauri ta ɗago fuskar ta wadda take cike da fargaba ta dubeshi,saboda yanayin da kiran sunanta da yayi ya haifar mata ji tayi kamar shi ka ɗai iya kiran sunanta saboda salon da yayi amfani dashi gurin ambatar sunan,ganin tana kallon sa yasa ya kawar da fuskar sa saboda maganaɗisun da ke cikin idanunta wanda shine dalilin da yasa bai cika son kallon cikin ƙwayar idanun nataba,

Cikin basar da abinda yakeji yace"ki kwantar da hankalin ki ki nutsu ki amsa tambayoyi na ki cire tsoron da ke ranki babu abinda zai faru,ko bakyason taimakon bayin Allah n da suke cikin matsala?da sauri ta kaɗa kanta kana tace"inaso mana!'yauwa to kinga dole