You Cannot Download this book untill you login but you can read it .

---

Login Register

cikin ahlin ALHAJI BALARABE?dama shima ƙaddarar sa shigen tata ce?to shi waye ya sace masa mahaifin sa? kuma me yasa aka sace shi?wai wannan wane irin ahline masu baƙin hali? me yasa san zuciya yayi yawa cikin wannan ahlin?


Ɗagowa tayi a hankali tare da zubawa kyakykyawar fuskar sa idanun ta masu tsananin haske wanda suka suka fara sauyawa saboda halin ruɗani da take ciki, wani irin fargaba da tsorone ya kamata ganin yadda idanun sa suka sauya kala gawan nan maiƙon da yakuma tasowa wanda yake cike da zallar ɓacin rai,fuskar tayi wani irin ja,kana ganin sa kaga wanda aka tasowa da wani miki mai ɗaci,abin ya matuƙar bata tsoro,baran ma yadda yake mata wani irin kallo mai cike da tambayoyi marasa adadi.

A hankali ta shiga ja da baya, ƙoƙarin samawa kanta gurin tsira take,saboda gani take a yadda yake ɗin nan tsaf zai iya bata kashi,to me ya ɓata masa rai haka?ko zan can mahaifinsa da akayi masa ne?tana ƙoƙarin silalewa taji yayiwa hannunta wani irin riƙo wanda har sai da ta saki wani marayan ihu,kallon sa tayi idanun ta cike taf da hawaye,kawai ji tayi ya janyo ta jikin sa tare dayi mata wata iriyar runguma mai cike da jin kewar wani sashe na rayuwar sa,rungumar da yayi mata runguma ce irin wadda mutum yake buƙatar lallashi,runguma ce irin wadda take nuni da halin da mutum yake ciki,samun kanta tayi da kwanciya luf cikin jikin sa wanda har baka iya gano ta aciki saboda lulluɓin da yayi mata,wani irin ɗumi taji saman wuyanta wanda yasa ta ɗan ɗagowa ta na fuskantar fuskar sa,ga mamakin ta Abdallah ne yake hawaye,wanda hakan ya kuma kiɗimata,tabbas duk abinda zai sa Oga Abdallah hawaye ba ƙaramin abu bane,kallon fuskar sa take tamkar tana san gano amsoshin ta cikin ƙwayar idanun sa, A hankali yasa hannu ya maida fuskarta kan ƙirjin sa tare da ƙara tsaurin riƙon sa A gare ta.

"Cikin wata iriyar murya mai matukar sanyi da sanya kasala,yace"Bint!innalillahi kalmar da ta ambata kenan can ƙarƙashin zuciyarta,a yayin da taji wani irin yanayi ya lulluɓeta tare da wata iriyar kasala da wani irin sanyi da yagame dukkan sassan jiki da ɓargon ta,tunda take bata taɓa jin wanda ya kirata da wan nan suna ba,bata kuma taɓa jin wani ya kirata da wannan sigar da Abdallah ya kirata dashi ba,kuma bata taɓa shiga wani baƙon yanayi dan wani ya kirata ba sai yau, yau ɗin ma yanzu A cikin wannan lokacin,to ko dan bai taɓa kiran sunan ta bane yasa taji haka?ƙara kiran sunan ta dayayi ne yasa ta ida shiɗewa dan wannan karon kasa jurewa tayi sai da ta kuma shigewa cikin jikin sa tare dasa dukkanin hannuwan ta ta rungumo shi ta hanyar zagayo dasu ƙugun sa,ta kuma shiga murza kanta akan ƙirjin sa tana wata irin sheshsheƙa wan da ita kanta batace ga dalilin yin hakan ba,lumshe kyawawan idanun sa yayi masu kama dana mai jin bacci,cikin lokaci ƙan ƙani ya dinga jin wata nutsuwa na saukar masa abinda ya tokare masa a maƙoshi ya dinga faɗawa,sunkuyo da kansa yayi ya cusa hancin sa a wuyanta yana shaƙar wannan masifaffen ƙamshin da yake barazanar tafiya da tunanin sa,a wannan yanayin gaba ɗayan su wani nannauyan bacci mai cike da nutsuwa yayi awan gaba dasu batare da sun shiryawa hakan ba.



"Dariya yayi cike da farin ciki,kana ya dubi tsayayyen mutumin da bashi da maraba da gawa,yace"ka gani ko ABUBAKAR saina watsa farin cikin waɗan nan ƴaƴan naka masu taurin zuciya,saina gama tsorata rayuwar su da barazana da tsafi na kuma mai dasu wawaye san nan na kawo su nan na na buɗe bakin ka agaban su ka gaya min inda ajiyar take,kai kuma A gabanka zan saka kawunan su cikin injin tsafi,wanda dole hakan zai sa ka buɗe baki ka gaya min inda aka ɓoye ajiyar zan gani shin riƙe amana yafi ɗanka da ƴar ɗan uwanka?dama na gaya maka zan yi ta ajiyar ka domin akwai ranar da kai da kan ka zaka tona abinda ka binne, ƴaƴan ka sune zasu zama garkuwar da zanyi amfani da ita dan nasaka tilas ka faɗa ko kaƙi ko kaso,duk da yanzu ma inada dama amma bazan yi ba saina jagwalgwala rayuwar su da tunanin su,yaro ke nan Abdallah kun kawo kan ku da kanku inda zaku zubda hawaye,agaban idanun ku baban ka zai faɗan abinda na daɗe ina binsa ya faɗa yaƙi faɗa,kuma agaban idanunka zan ƙarasa rayuwar sa dan bashi da wani amfani an riga anman ta da babin sa na rufe tunani kowa babu mai iya furta sunan sa sai maƙiyan sa,wata dariya ya kuma sheƙewa da ita yana cewa da kyau rashi kasheku tun farko yamin rana dan dana kasheku to da Jack Bai kawo min wannan mafitar ba,akan wannan burin ban san adadin rayukan da na kashe ba ƴan mata da samari da jarirai,dan haka ina da tabbacin burina ya kusa cika na mallakar duniya.


A wannan daren baccin Dady Mansur ragaggene,dan ko mama sarah bata kaishi shiga tashin hankali ba ita da takasan ce uwa,babu irin alwashin da baici ba akan duk wanda yasamu da hannun sa akan sace masa gudan jinin sa ba,babu wanda baiyi zargi ba daga kan Baba Hashir har zuwa kan waɗannan mugayen munafukan aminan Alhaji Baba ɗin,koda yake duk tafiyar su ɗaya dasu Baba Hashir ɗin,shi yanzu tunanin sa kawai yadda zasu bashi ɗan sa batare da sun cutar masa dashi ba,tunda shi dai bashi da wani laifi ko wata masaniya akan duk wani abu da suke nema,tom dan mai zasuyi masa garkuwa da Sayyid duk yawan jikokin Alhaji Baba Amma su rasa wanda zasu ɗauka sai ɗan sa,juyawa yayi tare da ƙara gyara kwanciyar sa yana kuma Allah Allah gari ya waye dan yasan matakin da zai ɗauka tun kafin su cutar masa da yaro.



"Anty Nafisa ma kusan haka abin yake agurin ta, kai ita ko da runtse bata runtsa ba, yadda taga rana haka taga dare,ji take kamar ta janyo safiya dan ta samu damar ganawa da Bintu,ji takeyi ganawa da Bintu kamar shine mafitar matsalar ta,shawarar Bintu itace abinda take buƙata,domin kuwa shawarar Bintu ce zata bata damar tunkarar Umar da abinda ke kai kawo azuciyar ta,zuwan ta ɓangaren inno kuwa ya zama dole ko da kuwa innon zata zargeta akan yawan ganawarta da Bintun.



"Kiran sallar da aka ƙwala cikin danƙareran masallacin dake cikin ESTATE ɗin shi ya ta dashi daga baccin da ya kwashe shi batare da ya shirya ba,a hankali ya buɗe idanun sa da sukayi masa nauyi,bai sauke su ko ina ba sai kan kyakkyawar fuskar Bintu da ke ƙwaƙume cikin ƙirjin shi,zuba mata kaifafan idanun sa yayi masu matukar kyau da sheƙi,kallon abubuwan da suka faru a daren jiya yake tamkar a fai fan majigi,ganin ko mai yake tamkar shirin Film,lamarin Bintu ya matuƙar gigizashi da ɗaure masa kai,in dai har kunnen sa yaji masa dai dai ba kuma mafarki yake ba,to hakan yana nufin Bintu jikar ALHAJI BALARABE ce ƴar cikin ahlin sa kuma jinin sa mafi kusan ci da shi ƴa awajen Baffansa, Umar ƙani ga mahaifin sa,jika a wajen Hajiya Babba,to shi abinda bai gane ba dama Abba Umar ya taɓa haihuwa ne,shi dai yadda ya sani Anty Nafisa bata taɓa haihuwa ba kuma a iya sanin sa ita kaɗai ce matar da yake da'ita,dafe kan sa yayi wan da yake masa wani irin sarawa saboda tsananin ruɗani da kwan cewar tunani,ya shiga cikin duhu matuƙa da wannan al amari,ƙara kallon Bintun yayi yana ji tamkar ya tasheta yanzu ta war ware masa wannan curku ɗadɗen al'amarin,zame ta ya farayi daga jikin sa saboda yaji ana ƙoƙarin ta da Sallah,gyara mata kwanciya yayi saman faffaɗar kujerar tare da gyara mata dogon gashin ta da yarufe mata fuska,cikin hanzari ya ɗauro alwala ya fita bai nufi sashen Alhaji Baba ba dan dana yanzu ba kullum suke tafiya tare ba,a cewar Alhaji Baban wai yanzu ya zama magidanci ba zai dinga jiran sa ba dan kar ya makarar dashi,a lokacin murmushi kawai yayi yana aiyanawa a ran sa ko mai zai sa ya makara a masallaci oho, to kuma tun kan aje ko ina gashi shagwaɓɓiyar yarinyar nan tana saka shi fara makara, tun da duk ranar da ta kwana sashen sa sai dai yayi gaggawar alwala,da wannan tunanin ya isa masallacin.



A hankali ta buɗe idanun ta tare da addu'a a bakinta,falon ta shiga bi da kallo,sai alokacin ta tuna abinda ya faru da sanadin kwanan su afalon,mai da idanun ta tayi ta rufe,tanajin wata iriyar kasala da wani irin fargaba cikin zuciyarta,tabbas kalaman mutumin nan sun tsorata ta,duk da bata fahimci wasu kalaman nasa ba,,tashi tayi taje ta ɗauro alwala kana ta nufi ɗakinta,zuciyarta cike da saƙe saƙe,da neman mafita ga kuma tsoron mutumin nan da san gano ko waye,tunda har yasan ko ita wacece ya kuma san inda aka ɓoye iyayen ta dole ne ta jajirce domin yaƙi da azzalumi irin sa dolene ya fito mata da iyayen ta, tabbas ya sauƙaka mata wahala yanzune yaƙin zai fara zafi tun da ta fara sun suno hanyar da zata samu kubutar da iyayen ta,to Abdallah kuma fa?hakan yana nufin da shima akwai tashi ƙaddarar mai kama da tata ƙaddarar?to idan hakane me yasa sai su?kuma meye dangantakar ta da Abdallah? lallai tana buƙatar waɗan nan amsoshin nata daga bakin Oga Abdallah, tunda ta fuskanci matsalarsu ɗaya,kuma ya riga yaji komai babu batun yi masa ƙunbiya ƙunbiya cikin tarihinta,dama tana tsorone dan kar wani acikin baƙaken mugayen suji su farmaki rayuwar ta,to amma yanzu tana da yaƙinin bata da wata da bara illa ta tonawa Abdallah sirrin ta,tunda ta tabbatar da shine wanda fafinta ya sanar da ita zai taimaketa,oho yanzune ta gano dalilin da yasa fafi yake yawan ce mata shima yana buƙatar ta akusa dashi domin tare zasu haɗu suyi yakin warware mugun ƙullin da yake sarƙafe da rayuwar Ahlin su,da wan nan tunanin ta shiga ɗakinta dan gabar da sallar asuba,


Baiyi mamakin rashin ganin ta a falon ba,kai tsaye ɗakin sa ya shige dan shirin fita,dan baya tunanin ko karyawa zai tsaya yi,so yake yaje ya haɗu da Dady jafar ga kuma batun Sayyid duk da bai shiryawa ganawa da Sayyid ɗin yanzu ba,kuma bayajin zai sakeshi a ƴan kwanakin nan so yake ya haɗa faɗa gagarumi wanda zai kuma haska masa hanya,dan yasan abinda ya zama dole ne Dady Mansur ya tunkari wadan da bai yadda dasu ba yake kuma zarginsu da batun Sayyid, shi kuma da wannan dama zai kuma amfani dan gano mutum ƙwaya ɗaya da yafi addabar su ya kuma ɗauke mahaifinsa abin tunƙahonsa,duk da yana ganin ba lallai ne yasamu abin da yake so ta wannan ɓangaren ba,amma kuma tunanin sa ya bashi tunda duk abu ɗaya suke nema babu aibu dan yabi wannan hanyar hakan ma zai iya bashi wata hanyar ko yaya take tunda shi jam'i,in tsaro baya raina shaida ko mai ƙan ƙantar ta.


Bintu kuwa ta riga ta gama shirya masa karin sa tsaf tare da shirya masa bisa dinning table,ɗakinsa ta nufa dan kimtsawa duk da basu kwana cikin sa ba, kuma bata da tabbacin dawowar sa, sai da tayi sallama cikin siririyar muryar ta da ta bada wani sauti saboda yanayin da take ciki na damuwa,sai hakan yabawa Abdallah wani salo acikin kunnuwan sa,ganin sa A ɗakin cikin shirinsa na fita yasa ta ɗan yi turus tunda batayi tunanin yana ciki ba,ɗan duƙawa tayi ta gaida shi,amsawa yayi ba tare da ya ɗauke kaifafan idanuwan sa akanta ba,hannunta tashiga murzawa,kanta a sunkuye,gaba ɗaya jinta take atakure cikin wani yanayi saboda kallonsa gareta,batasan meyasa yake mata wannan mayataccen kallon ba,da taga dai abin bana ƙare wa bane sai ta shiga ƙoƙarin yaye bedsheet ɗin dan canzawa,ƙarar zummm zummm da sukaji shiyasa su duka waiwayawa dan kallon inda wayar take,zaro ido tayi dan ganin wayarta ake kira,ita sam ta ma manta anan bar wayar,shi kuma Abdallah da ya dawo daga masallaci ya ɗauka ya shigo da ita ɗakin,sakin bedsheet ɗin tayi tare da matsawa kusa da Abdallahn daya tsurawa wayar ido,a tsorace ta raɓa ta gefan sa tare da riƙo hannun sa dayake ƙoƙarin ɗaukar wayar dashi,ɗan dubanta yayi fuskarsa babu walwala,girgiza masa kai tayi idanunta har sun cika da ƙwallah,bai saurareta ba ya ɗauki wayar tare da danna amsa kuwa,Muryar Anty Nafisa ce ta daki kunnuwan su,wata irin ajiyar zuciya Bintu ta sauke jin ba mutumin jiya bane,miƙa mata yayi,yai mata alamun ta amsa,cikin sanyin jiki, tace"inajinki Anty Nafisa!'Haba Bintu baki san irin tashin hankalin da nashiga ba tsakanin jiya da yau na rashin samun wayar ki, ga kuma babban tashin hankalin dayake tunkarar rayuwata koma nace ya tunkara,yanzu ina son ganin ki ɓangare na da gaggawa,ki hanzari dan Allah Bintu ki taimaka min ina cikin tashin hankali!'cikin saurin baki Bintu tace"Tom yanzu zanzo Anty Nafisa karki damu gani nan zuwa!'yauwa sai kinzo!'tana kashe wayar Bintu ta samu kanta da shigewa jikin Abdallah da yake sauraran maganar su da Anty Nafisa,wani irin numfashi take saukewa mai nuni da cewa tayi matuƙar razana,lumshe idanunsa yayi,lallai wannan mutumin sai sun dage da addu'a akan sa dan ya fahimci yayi matuƙar razana Bintu,to dama duk mutumin dayake mu amala da jinnu ai ya zama abin tsoro ballantana ga yarinya ƙaramar kamar Bintu,ɗago kanta yayi tare da cewa muje na rakaki,jinjina kanta tayi tare da sakin sa,gani tayi ya buɗe wannan jakar ya zaro mata dogon hijabi kalar blue mai tsananin kyau,miƙa mata yayi ta karɓa batare da wani bincike ba dan yanzu ba wannan ne agaban ta ba,sawa tayi sai yayi matuƙar yi mata kyau da haska farar fuskar ta wanda har sai da Abdallah yaso kasa ɗauke idon sa akanta,cikin tura baki da kuma gajiya da yawan kallon sa tace"to muje mana,hararar borin kunya ya sakar mata kana yayi gaba binsa tayi da sauri suka fita daga ɗakin.


Lokacin da suka fito falon,tsayawa tayi tare da ɗan daga murya tace" baza ka karya bane?girgiza kansa kawai yayi yana cigaba da tafiya,cikin gunguni tace"kawai sai asa mutum yayi wahala kuma aƙi ci wannan ai al mubazzarancine,sarai yaji abinda tace"har zai fita sai kuma yaji ba zai iya fita bai karya ba ɗin kamar yadda ta faɗa gaskiya ne idan yayi haka yayi almu bazzaranci juyawa yayi ya nufi dinning table ɗin, zama yayi ya ɗan zuba chips kaɗan kana ya haɗa tea shima kamar na shan jariri, kallon tea din da ya haɗa tayi kana ta ɗan matsa gaban sa tare da ɗaukar ruwan zafin ta ƙara a cikin cup ɗin da ya zuba,ɗan kallon ta yayi ta gefan ido batare da yace"mata komai ba,ɗauka yayi ya ɗan sha kaɗan kana ya tura mata gami da yi mata nuni da ta ɗauka ta sha,tunawa da tayi akwai abinda ke gaban su yasa ta ɗauka ta shanye dan itama yunwa takeji,miƙewa yayi ya wuce gaba tabi bayan sa


Taufiƙa ce zaune ita kaɗai a falon kamar tana jiran wani abu,idanunta yana kan ƙofar falon Abdallah,wanda hakan ne yaba ta damar kallon su yayin da suke fitowa,dukkan su babu wanda ya lura da Taufiƙa shi yasa suna kusan tsakiyar falon Abdallah ya ɗan dakata saboda jurwayen shayin dayagani gefan bakin Bintu,tana ƙarasowa kusa dashi ya dakatar da ita ta hanyar kama kafaɗun ta ya juyo da ita ya zamana tana fuskantar sa,kallon sa takeyi cike da alamun tambaya a kan fuskarta,kafin ta gama tunanin dalilin tsayuwar tasu,taji tattausan yatsan shi saman leɓanta yana goge mata shayin da batasan da zaman sa ba,

Taufiƙa kuwa yadda kasan idanun ta zasu faɗo ƙasa saboda kallon da ta kuresu dashi,zuciyarta kuwa kamar zatayi bindiga ta faso haka takejin ta,

Bata gama fita daga wannan tashin hankalin ba, taga Abdallah ya ɗora bakin sa saman na Bintu wanda yayi hakane saboda ankara da Taufiƙan da yayi da kuma irin kallon tashin hankalin da take musu,sai hakan ya bada wani salo na musamman Bintu kuwa kamar zata shiɗe saboda tsananin firgici da mamakin abinda Abdallah yake yi mata,shi kuwa Abdallah har ya manta manufar da tasashi aikata wannan ɗan yan aiki ga Bintu,shan bakin yake tamkar wanda yasamu alewar minti,wani irin kukan baƙin cikine ya ƙwacewa Taufiƙa wanda shine sanadin dawo da Abdallah cikin haiyacin sa,ɗan tsuka yayi tare da jan hannun Bintu da ta rasa inda zata tsoma kanta saboda kunya da takaicin wannan rashin kunya ta Oga Abdallah,bata iya kallon inda Taufiƙa take ba ta bishi kamar raƙumi da alaka suka fita daga falon,suna fita ya nuna mata hanya dayi mata alamun ta ƙara sa,shi kuma yaja ya tsaya yana son yaga kulewar ta dan tuni ya fahimci yadda tsoron mutumin nan yayi tasiri a zuciyarta,tafiya take A hankali tana waigen sa har dai ta ƙure ta kai hanyar da zata kaita part ɗin Anty Nafisa.


Sai da yaga ɓacewar ta san nan ya nufi wajen motocin sa inda Yahya yake dakon jiran fitowar sa.


Taufiƙa kuwa tashin hankalin da tashiga babu misali kuka take da idanun ta, tana jin fargabar tabbatar maganganun inno wanda gashi tunkan aje ko ina ta fara gani,wai Abdallah datake tunanin ba zai taɓa kallon macen da tafi Bintu ba, amma wai shi ne yakewa Bintu irin wannan sumba mai tada hankalin lafiyayyar mace,tunda haka ta faru tabbas abinda yake faruwa cikin ɗakin yafi haka,macen da ta raina kamar Bintu itace ta samu kiss ɗin miji kamar Abdallah,me yasa inno bata ƙaunar ta?har take mata bakin da yake neman tabbata,wai shin ya zatayi da soyayyar Abdallah ne?anya kuwa ba ƙas ƙantar da kanta zatayi taje tanemi soyayyar sa ba? tunda tabi ko wacce hanya taga babu riba,kawai abinda yafi mata a yanzu shine ta gwada kissa ko zata dace,da wannan shawarar ta goge hawayen ta, tare da komawa ɗakinsu ta ɗauko wayar ta dan ƙara neman sani a kan hanyar ƙwatar saurayi ta hanyar kissa.



Tafe take tana ɗan waige waige, kasancewar safiya ce sosai shi yasa baka jin motsin kowa,sai na kukan tsintsaye,duk da cewa Bintu a tsorace take amma hakan bai hanata ƙarfin halin bi ta wajen ɗakin nan ba,kai tsaye taji tana muradin zuwa wajen koda bata shiga ciki ba ganin ƙofar ma zai iya zama abu mai muhimmanci,tafi-tafi saiga Bintu ta tsallaka inda babu mahaluƙin da yataɓa tsallakawa, wanda koda tsautsayi yasa ka tsallaka tabbas sai wani abu ya sameka,(a cewar su kenan masu gurin)ɗan dakatawa tayi agurin saboda wani abu da taga gilmawar sa kamar mutum,cike da mamaki ta fara ƙoƙarin tunkarar wajen da taga gilmawar,saboda yadda abin ya bata mamaki tunda tasan dai ance babu wanda yake iya zuwa wajen, to in dai hakane kuwa bai kamata taga wata alama ta mutum ba,da sauri tasa hannu ta toshe kunnuwan ta saboda wannan kiɗimammiyar ƙarar da ta taɓa ji a wan can karon wan nan karon ma ita ta kuma sake ji har taso tafi ta wancan karon, yayin da ta dinga ji wajen yana juyawa da ita,haka kuma tana ji tamkar ana son janta zuwa cikin wannan ɗaki ta ƙarfi,ƙara toshe kunnuwan ta tayi tana ciccijewa saboda a yanzu ta tabbatar da janta ake zuwa cikin wannan ɗakin sirrin...


Bintu Allahu Ya kareki daga sharrin masu sharri ya kuma baku ikon bankaɗo mana abin da ba ason bankaɗuwar sa,

Fatima y Adam✍🏽
💕
*KUDURAR ALLAH* 💕

*NA*


*FATIMA Y. ADAM*





_____________________________________*

*🌈🇰AINUWA 🇼RITER'S✍🏼*
*🇦SSOCIATION🤝🏻*
```{United we stand and succeed;Our ambition is to entertain & motivate the mind of readers}```
https://www.Facebook.com/kainuwawritersassociation

*_____________________________________*



```Page 39 ```


Har Yahya ya tada motar tare da fara yi mata wuta,cike da azama Abdallah ya dakatar dashi,cikin sauri ya fito daga cikin motar,haka nan yaji zuciyarsa bata amince masa da tafiyar Bintun ba,tamkar ana ingizashi haka yaji yana son ganin ta,dan jikin sa ya bashi ba lafiya ba tun daga yadda zuciyar sa take wani irin bugu da sauri da sauri,dafe saitin zuciyar sa yayi lokacin da yaji tayi wani irin bugawa da ƙarfi,ƙara ɗaga ƙafafun sa yayi dan san isah inda zuciyar sa ke kai shi,


Wata gigitacciyar ƙara Bintu ta saka lokacin da taganta gab da ƙofar ɗakin,wanda ƙarar da tayi tamkar acikin kunnen Abdallah ne,da wani irin sauri mai haɗe da gudu ya nufi inda yake jin sautin ihun na Bintu,lokacin da ya hango Bintu cikin wannan halin baƙaramin tashin hankali ya shiga ba, ƙoƙarin tsallakawa yake yi amma hakan ya gagara,(karku manta fa Bintu ce kawai take da damar shiga gefan ɗakin nan saboda fuwacewa ta Ubangiji da kuma taimakon Baffa Jauro).

Buɗe idanun ta tayi lokacin da taji yana ƙwala mata kira,cikin yanayi na tashin hankali tare da karanto duk wata addu'a data zo bakin sa,cikin ikon Allah yana ɗaga ƙafar sa sai gashi Allah ya bashi ikon shiga wajen, cikin wani irin hanzari na ƙarfaffan namiji ya finciko hannun Bintu da ake shirin turata cikin ɗakin nan,tare da ce mata maza kiyi addu'a,amma ina tuni ai Bintu ta sume masa saboda tsananin razana da tayi da wannan al'amarin,ɗaukar ta yayi cak tare da fita daga ɓangaren,yana ƙoƙarin saka Bintu a mota yaji muryar Dady Mansur yana cewa kai kam ka zama wahalalle kai kenan ɗaukar mace"a bainar jama'a,to ai ba sai ka nuna mana Kai ɗin dan zamani bane, tuni mun riga mun sani dan duk wasu alamu sun nuna atare da kai!'tsayawa Abdallah yayi tare da zubawa fuskar Dady Mansur ido,yayin da tunanika sukabi suka da baibaye zuciyar sa tare da zargi mai ƙarfi akan Mansur ɗin,me yasa yake yawan ganin sa ta wannan ɓangaren ne?me yake yi a wajen?meye kuma haɗinsa da wajen?meye ne kake kallo na haka kamar zaka cinye Ni Ni dai na fi ƙarfin duka a wajenka babu yadda zakayi dani,Tom kuma ina mai sanar da kai idan har dasa hannun ka cikin ɓatan ɗana to kayi gaggawar sakar min shi idan ba haka ba duk abinda ya faru kayi kuka da kanka!'yana gama faɗar maganar sa yayi ciki tamkar zai tashi sama,saboda fushi da kuma sauri.


A hankali Abdallah ya saka Bintu cikin motar, yana shirin shiga sai ga Anty Nafisa cikin sauri ta ƙara sa gaban sa tana cewa kamar Bintu na gani anan? me yasame ta?daƙyar kamar mai ciwon baki yace da ita,ta ɗan tsorata ne,shine ta suma!'da sauri Anty Nafisa tace"to ai ba sai an kaita asibiti ba ko ruwa aka zuba mata ya wadatar!'yahya ne yayi saurin miƙa masa gorar ruwa saboda alamar da yayi masa,ɗan zura kansa yayi ya yayyafa mata ruwan,bata wani jima ba kuwa ta sauke wata doguwar ajiyar zuciya sai dai amma a tsorace take,ganin haka yasa shi shiga cikin motar tare da tallafo kanta saman cinyar sa,shafa kanta ya shigayi A hankali, tare da ɗan hura mata iska saman fuskar ta,buɗe idanunta da suke rufe tayi,ta zubasu kan kyakkyawar fuskar sa,sai kuma ta ɗan maida su ta lumshe saboda yadda wasu maganaɗisu ke fitowa daga cikin idanun nasa suna shigewa cikin nata idan.

Anty Nafisa kuwa tana daga waje tana kallon sarautar Allah,ko tace wata iriyar ƙauna,wadda bata taɓa ji ko gani ba A tarihin rayuwar ta,ga kuma mamakin daya rufeta wai dama wannan muskilin mutumin zai iya tarairayar mace irin haka?to gashi dai ta gani da idanunta ba wai labari aka bata ba, duk da ta fahimci kamar Abdallah bai san da wannan zazzafar ƙauna da yake yiwa Bintu ba,fitowar Abdallah da Bintu ne ya katse mata tunani,bin su ta kuma yi da wani kallo saboda yadda taga Bintu tana wani narkewa Abdallah,shi kuma sai wani rirriƙeta yake duk da fuskar sa A haɗe take amma hakan bai hana damuwar halin da Bintu take ciki baiyana asaman fuskar tasa ba,ganin yana ƙoƙarin wucewa da Bintun part ɗin inno yasa tayi saurin ɗan matsawa kusa dasu tare da cewa,i can help her,ta faɗa tana duban Abdallah sama-sama batare da ta iya haɗa ido dashi ba,ci gaba yayi da tafiya batare daya kulata ba,ganin haka yasa Bintu ɗan dakatawa tare da duban sa tace"ka tafi kawai zamu ƙarasa da Anty Nafisa!'wani irin kallon yake mata wanda har saida ta kasa jurewa ta shige cikin jikin sa,ƙasa-ƙasa cikin miskilar maganar sa yace"kin tabbatar zaki iya babu wata matsala?ɗaga kanta tayi tana mai