You Cannot Download this book untill you login but you can read it .

---

Login Register

suke saƙale dana juna,ji take tamkar ta kashe Bintu kowa ma ya huta, lokaci yayi da ya kamata tayi wani abu akan Soyayyar Abdallah,inno kuwa kasa ɓoye murnar ta tayi, sai da ta rugumo Bintu jikinta tana mai tsananin nuna farin cikin ta,kan ta kai ga cewa wani abu wayar Abdallah tayi ƙara ɗagawa yayi cikin nutsuwa,ɗan jim yayi kana yace" to yanzu zamuzo insha Allah!'kallon inno yayi yace" Alhaji Baba ne yake kiran mu gaba ɗaya!'tace"har dani kenan!'Taufiƙa yaga tana ƙoƙarin miƙewa, batare da ya dubeta ba yace" ban daku"daga haka yay tafiyarsa,inno ta ja hannun Bintu suka nufi part ɗin Alhaji Baba,yayin da su Taufiƙa suka bisu da wani mugun kallo tamkar zasu gaɗo da ƙwayar idanuwan su,Taufiƙa tayi wata ƙwafa mai cike da fassarori.

Alƙalamin✍🏽

Fatimah y Adam
💕
*KUDURAR ALLAH* 💕

*NA*


*FATIMA Y. ADAM*





_____________________________________*

*🌈🇰AINUWA 🇼RITER'S✍🏼*
*🇦SSOCIATION🤝🏻*
```{United we stand and succeed;Our ambition is to entertain & motivate the mind of readers}```
https://www.Facebook.com/kainuwawritersassociation

*_____________________________________*



```Page 27 ```


Bayan ALHAJI BALARABE sai matansa da kuma yaransa maza wanda abin ya shafa Dady Mansur sai Dady Habib sai kuma Abba Hassan da bai jima da dawowa daga itali ba, shi kuwa dama Abba Aliyu ba A ƙasar yake ba yana can gana tare da iyalansa,sai dai yana yawan zuwa,sai kuma uban gayya Oga Abdallah da Bintu da Sayyid sai Dady jafar, dukkanin su sun nutsu suna sauraran Alhaji Baba da yafara magana cikin kamilalliyar muryarsa mai cike da hikimar zance,yace" Abdallah muna sauraren ka ka gaya mana abin da Sayyid yayi har kayi masa hukunci!'Dady Mansur da ya kasa jurewa ya ɗan zaburo yace" haba Baba,hukunci ko zalunci? wani kallo Alhaji Baba ya watsa masa wanda babu shiri ya kama bakinsa sai dai sam ransa bai gamsu da wannan salon tambayar ba,

Ɗan sunkuyar da kansa Abdallah yayi kana cikin taushin Muryar sa mai daɗin sauraro yace" Alhaji Baba bani ya kamata na fara magana ba wadda abin ya faru akan ta ita zata faɗa mana yadda ko mai ya kasance!'Dady Habib yace"hakane maganarka to ke muna saurarnki!' ya juya maganarsa ga Bintu,
cikin sanyin murya da kuma tsoron kallon da Sayyid yake ta aika mata ta buɗe baki tare da basu labarin abinda ya faru har zuwa lokacin da Abdallah yazo ya taimaketa daga hannun Sayyid,runtse idanu Alhaji Baba yayi,kana cikin rawar murya irin ta wanda yake cikin tsananin ɓaci rai yace" A cikin zuriya ta akasamu mazinaci? kaicona rayuwa baki da tabbas yanzu Sayyid kaine kake ƙoƙarin farma yarinya ƙarama marainiyar Allah?shiru yayi gami da sunkuyar da kansa ƙasa wanda shi ƙadai yasan irin takaicin da ke ƙunshe cikin zuciyarsa,Dady Mansur ya miƙe tsaye cikin yanayinsa na hargagi da rashin yin ko mai cikin nutsuwa yace" wallahi baku isah ba,kunyi kaɗan kuyiwa yarona ƙazafi, Sayyid ba mazinaci bane sai dai idan kune mazinata!'wata gigitacciyar tsawa Hajjah tayi masa tare da cewa kai me yasa baka da nutsuwa ne iye Mansur? me yasa kullum girma kake amma hankalinka yana da ɗa komawa na yara?bazaka dinga girmama mahaifinka ba yana magana kanayi duk cikin ƙannen ka gasu nan kaji wani yayi magana yayin da mahaifinsu yake magana? to akul ina yi maka gargaɗi akan wannan banzar ɗabi ar taka idan baka gyara ba zanyi mummunan saɓa maka!' ta dire maganar tana mai watsa masa kallon baƙin ciki,komawa yayi ya zauna dan duk abinsa yana shakkar mahaifiyar tasu tana da san mutane da jansu ajiki amma sam bata yadda da raini ba ko kaɗan bata ɗaukar sa,

Tsit falon yayi suna jiran jin ta bakin Alhaji Baba,can dai ya ɗago kansa fuskarsa babu wasa ya dubi inda Sayyid yake a zaune fuska duk A kunbure,yace" Sayyid abinda yarinyar nan ta faɗa hakane?cikin in ina ya fara ƙoƙarin kare kansa,amma hakan bata samu ba saboda mugun kallon da Oga Abdallah ya watsa masa mai cike da gargaɗi,ai Sayyid bai san sanda ya saki baki ya gaskata zan cen Bintu ba, Dady Habib ne ya zuba masa ido cike da mamakin sa, Abba Hassan ma kawar da fuskar sa yayi dan baya son cewa komai saboda halin yayan nasu,inno ce tace"gaskiya Sayyid baka kyauta ba na rasa Abin da Bintu tayi muku kuke neman hana ta zaman lafiya ba, gaskiya banji daɗin wannan abuba!' Hajjah kuwa ƙwafa tayi tare da cewa aini Abdallah baka burgeni ba da har kayi masa dukan da ya tashi A kwana ɗaya, aikamata yayi ace har yanzu bai san inda kansa yake ba!'Hajiya Babba kuwa Bintu take ta kallo yayinda can cikin zuciyarta take wasu irin saƙe saƙe,me yasa ake bin yarinyar nan da sharri ka kala kala ne? anya kuwa babu wani abu aƙasa amma dai zata ci gaba da yiwa Bintu addu'ar kariya, Dady jafar ne ya danyi gyaran murya kana yace"Alhaji Baba kayi haƙuri yaran ne na yanzu sai dai addu'a kawai, babu tsumi ba daabara duk abinda Ubangiji ya rubuto to tabbas babu makawa sai ya faru,yanzu kawai jan kunne za ayiwa shi Sayyid babu shi babu Bintu!'da sauri Sayyid ya matsa gaban Alhaji Baba cikin nuna na damar sa yace" dan Allah kayi haƙuri wallahi ba halina bane sharrin shaidan ne kuma insha Allah hakan baza ta kuma faruwa ba,amma dan Allah ina rokon ku wata alfarma!'duk zuba masa ido sukayi kana Alhaji Baba yace" wace alfarma kake so muyi maka? ƙara matsawa kusa da Alhaji Baba yayi kana ya riƙe hannayen sa duka biyun cikin ƙanƙar da kai yace"alfarmar ita ce ina so a bani auren Bintu!'

Shiru falon ya kuma ɗauka baka jin sautin komai sai na bugun zuciyoyi,shi kuwa Sayyid cigaba yayi da cewa dan Allah Alhaji Baba ka auramin ita wallahi santa nakeyi da gaske,zan riƙe maka ita amana ka taimaka ka bani auren ta!'yadda yake maganar babu yadda zakayi ka fahimci ainahin zuciyarsa,dan haka ko Ni ban san me Sayyid yake ciki ba a halin yanzu shin da gaske yake san Bintu yake ko kuma wani salon ne ya fito dashi na daban? wannan dai dole sai mun bibiyi Malam Sayyid tukun zamu sani.

Baza ka taɓa fahimtar halin da Oga Abdallah yake ciki ba saboda wannan dama ɗabi'ar sace, ita kuwa Bintu bata da maraba da hoto baƙaramin shock ta shiga ba saboda jin abinda Sayyid yake faɗa, wai anya kuwa ita Bintun yake nufi ko wata ce can daban mai sunanta? nutsuwa tayi ta zubawa bakin Alhaji Baba Ido dan jin abinda zai furta, Alhaji Baba ne yayi gyaran murya kana cikin zubawa Sayyid ɗin ido yace"ka tabbatar abin da kake faɗa har cikin zuciyar ka ne babu wata manufa ko yau dara? cikin sauri Sayyid ya kada kansa tare da cewa hakane har cikin zuciya ta da gaske nake ina sonta kuma zan riƙe ta amana!'wani ƙawa taccen murmushi Alhaji Baba yayi tare da cewa to Alhamdulillah Masha Allah hakan yayi kyau kayi tunani mai kyau Sayyid ka fanshi kanka daga irin mummunan hukuncin da na tanadar maka!' shiru yayi yana bin mutanen falon da kallo sannu A hankali har ya dire idanun sa kan Abdallah da kansa yake sunkuye balle na gwada ƙoƙarina ko zan gano muku halin da yake ciki,har yanzu dai babu wanda ya tanka ko Dady Mansur bai tanka ba tun lokacin da Hajjah ta ƙare mai tanadi,kowa so yake yaji abinda Alhaji Baba zai ce,kamar ya karanci zuciyoyinsu,cikin dattijan taka yace"naji daɗin maganarka Sayyid sai dai nariga nayiwa Bintu miji ɗan lokaci kaɗan nake jira na gabatar musu da juna,duk da ban nemi shawarar ta ba amma nasan faɗima bazata watsan ƙasa A ido ba,bazan baka faɗima ba Sayyid wannan yarinyar bata dace da mutum irin ka ba,sai da na daɗe ina tunanin mijin da ya dace da rayuwarta kafin hankali na ya kai kansa,zasu dace da junan su matuƙar da cewa,dan haka kaje kanemi matarka cikin gidan nan ko wacece zan aura maka ita amma banda faɗima matar tsadadden namiji!'

Wani irin ƙawa taccen murmushi ne ya shiga subcewa Hajiya Babba wanda ya fito tun daga ƙarƙashin zuciyarta, kuma ta kasa ɓoye shi kan kyakkyawar fuskarta,inno ma hakan yayi mata daɗi sosai dan ita kam tayi yaƙini cewa Sayyid ƙarya yake tunda tana sane da irin tsanar da sukayiwa Bintun,ta dai fi tunanin wani muguntar yake san shirya mata, Hajjah kuwa ita dariya tayi sosai tare da cewa haba Alhaji duk kasa fargaba ta rufeni dan kalaman ka sun fara nuni da kamar zaka amince da wannan maƙaryacin!'murmushi kawai yayi tare da cewa jafaru kayi shuru bazaka ce komai ba? ɗan muskutawa yayi kana yace"ai Alhaji Baba kaga ma faɗar komai muma abin ikonka ne barantana kuma yaran da muka haifa da kai da kaya duk mallakar wuya ne dan haka babu abinda zance sai fatan Alkhairi!'juyawa yayi ya kalli Dady Mansur da ya cika yayi fam tamkar zai fashe,yace mansur kana da magana ne? gyara zaman sa yayi dama abinda yake jira kenan samun damar magana, cikin gayyatowa kansa nutsuwa yace"nifa Baba Ina ganin gara abawa yaron nan dama tunda har yace"yayi nadama,duk wanda zaka bawa aurenta ai inaga bai kai matsayin Sayyid ba,kuma hakan babban rufin asirine A gareta tun da taimakon ta zaiyi!'Dady Habib yace"haba yaya me yasa baka tauna magana idan zaka faɗeta? ya mahaifin mu ya yanke hukunci amma ka nuna kamar baiyi dai dai ba!'a wannan karon Mansur bai tanka masa ba saboda yaga mugun kallon da Hajjah take aika masa, Alhaji Baba ba tare da yabi takan maganarsa ba yace" suje ya sallame su, Sayyid ta shi yayi yana kun bure kunbure tare da faɗar magana aciki babu wanda ya kula shi,Bintu kam ta riga kowa barin falon dan gani take kamar Alhaji Baba zai iya canja shawara yace ya bawa Sayyid aurenta,abinda bata fatan sa kenan ko da a mafarki ne,


Part ɗin sa ya wuce kai tsaye,yana shiga banɗaki ya faɗa ya sakarwa kansa shaya ya jima ruwan yana sauka A kansa kafin yayi wanka ya fito,shirya wa yayi cikin doguwar jallabiya fara ƙal wadda tayi matuƙar dacewa da tsayin sa na ingarma kuma zaki,kwanciya yayi saman gadonsa tare da lumshe idanun sa, shi kansa yanzu ba zaice ga abinda yake damunsa ba bai san halin da zuciyar sa ke ciki a kan wannan lamari ba,dan haka kawai sai ya jawo casbaha ta dannawa ya shiga ambatan Allah,


Bintu kam yanzu ta samu nutsuwar zuciyarta dan sam ita A ƙuruciyar ta bata saka maganar Alhaji Baba cikin ranta ba, ita atunanin ta ma yayi hakane dan ya kuɓutar da ita daga tarkon auren jikansa dan haka take jin mutumin har can ƙololuwar ranta,sai kuma mamakin Dady Mansur da ya kasa barinta,wato dai halinsa sak da ɗan sa babu abinda ya rabasu,a wannan lokaci fa tana buƙatar ganin Dije sosai kuma ya kamata tasan abin yi tunkan mutanen nan su cigaba da cutar da ita tare da mamaye ta ta ko ina.


A ɗakinsa ya sameta sai sintiri take, yana shigowa ta tare shi cikin sauri tare da cewa Allah yasa dai munyi nasara?kawar da kansa yayi daga kallon ta kana yace"shirin nan baiyi ba Taufiƙa Alhaji Baba ya rufe idonsa yace bazai auramin Bintu ba saboda yayi mata miji!'zaro ido tayi tare da cewa wa ya bata? yarfa hannu yayi alamun bai sani ba,kana ya ɗora da cewa Wallahi Ni dama ina son yarinyar nan ban san ina sonta ba sai da Alhaji Baba yayi wannan furucin na ya bawa wani ita yanzu me kike ganin zamuyi? Taufiƙa taja Ajiyar zuciya tace" ai Ni dama dan kar Ya Abdallah yace yana sonta ne amma tunda Alhaji Baba yayi mata miji bani da matsala yanzu sai yaƙin samo auren sa dan Ni ban damu da sai ya soni ba !'wani mugun kallo ya watsa mata tare da cewa Ni zakiwa butulci makira to yadda ban samu Bintu ba ke ma bazaki taɓa samun Abdallah ba insha Allah!'Sayyid yanzun nan mutuncin dake tsakanin mu zai watse dan aduniya bani da maƙiyi sama da wanda zai shiga tsakanin soyayya ta da Ya Abdallah dan haka kasawa bakinka linzami tun kafin na fito maka da baƙin halina!' tsaki yayi gami da shigewa banɗaki ya barta tsaye tana saƙe saƙen yadda zata ɓullo wa al'amarin.


Wayar da Anty Nafisa tayi mata ita ta tuno mata da tashin hankalin da take ciki,wayar na riƙe a hannun ta sai nombar Dije take gwadawa amma taƙi shiga to wai ta yaya zasu shawo kan matsalar nan ba yan basa haɗuwa da Dije? yanzu idan Dije yaudarar ta tayi ya zatayi kenan wa kuma zata tunkara dan ya taimaka mata?hannu tasa ta share hawayen da suke ta tsiyayowa daga idanunta, A fili take cewa fafi ina kake?ban san yaya zanyi ba al'amarin ya wuce duk yadda kake tunani,bazan iya ba,kai ne kace min zaizo ya taimakamin Amma har yanzu bai zo ba,a ina zan samo shi? Allah ka kawo min mafita cikin wannan cakuɗaɗɗen al'amari.


Ka in da na in suka shiga bincike A kan su Alhaji Nasir, yayin da Samira har ta samu sa ar kama Alhaji Sama'ila a hannun ta,cikin hikimar su ta ƙwararrun ma aikata masu himma da ƙwazo,acikin kwana biyu suka sami babban cigaba sun sami baya nai masu yawa,kuma suna da tabbacin zasuyi nasara, Abdallah ya gano a kwai wani abu guda da suke san mallakar sa acikin estate ɗin kuma wannan abun ga dukkanin alamu yana da matuƙar muhimmanci a cikin ahlin ALHAJI BALARABE,to abinda yake so ya sani shine meye wannan abun? kuma A gurin wa yake? san nan mallakin waye?yanzu abu mafi mahimmanci dayake son ganowa shine inda mahaifinsa yake da kuma sanin sirrin dakin nan da ainahin abinda ake rigimar akansa,lallai dole ne ya tashi tsaye tun da yanzu ne za a fara wasan,kowa na cikin ESTATE sai yayi bincike a kansa dan ta hanyar ne kawai zai gano annamimai kuma gurbatattun iyalan ALHAJI BALARABE.

Inno gaba ɗaya ta kasa gane kan Bintu kwana biyun nan hakanan take kallon ta kamar wadda take cikin matsala,hakan ne yasa ta sameta har ɗakinta ta ritsata da tambaya amma Bintu tayi fur tace" ita babu komai kawai dai yanayi ne, dole haka inno ta rabu da ita tare da binta da addu'a.


Acan kuma ɓangaren Abigirl har yanzu tana nan tana jiran dawowar fire,yayin da takasa yin wani kataɓus dan bata da wata hanya ta ganin bayan Abdallah sai haya killers,Bata da damar ko zuwa get ɗin estate din bare ta kaiga shiga ciki,kwata kwata hankalinta ba a kwance yake ba, kullum ta Allah gani take kamar asirinta zai tonu,mutumin nan babu Allah a ransa duk lokacin da ya gano ta ha'inceshi tabbas sai buzunta gara tun bai ankara da Abdallah a duniyar ba ta kashe shi hakan ne kawai zai samar mata da kwanciyar hankali,ko haɗuwa da mijinta ta rage yi saboda tasan zai iya gano sirrin da take ɓoye masa,wayar tace ta fara ƙara ɗagawa tayi da hanzari a tunanin ta ko fire ne ya dawo,sai dai kuma ba haka bane dan wannan lambar ma an ɓoyeta,duk da haka batayi ƙasa a guiwa ba tana sa ran shi ɗin ne,wata mahaukaciyar dariya taji ansakar mata tamkar dodon kunnen ta zai tsage har sai da tayi saurin kawar da wayar daga kunnen nata,a amsa kuwa ta sakata dan bazata iya jurar jin wannan mahaukayar dariyar A cikin kunnen ta ba,ta can ɓangaren akace mata sannu tsohuwar kafura.

A dai dai wannan lokacin kuma Daddy jafar yazo zai murɗa mariƙin ƙofar sai kuma ya dakata dan jin dariyar da ke fitowa daga cikin sifikar wayar,badan laɓe ya tsaya ba sai dan yana san gano wani abu game da matar tasa dan dama so yake ya gama kamata dumu dumu kafin ya sanar wa da Abdallah,dan yana matuƙar zarginta barin ma acikin kwana kin nan shi yasa yay matuƙar saka mata ido,

Acan cikin ɗaki me wayar ya cigaba da cewa,kin ɗauka zaki iya yau dararmu,ai base kin kasheshi bane Asirinki zai rufu Ni awaje na Asirinki a tone yake,kinyi tunanin ban san me kike ciki ba to babu abin da ban sani ba game da rayuwar da na baki dan ki salwantar da ita amma kika yau dare ni,dan haka kisa ranki a inuwa ina nan tafe gareki dan yanzu ba ta taki nake ba babban aikine agabana!' ɗif aka datse kiran,hannu Abigirl ta ɗora aka zatasa kurwa sai karaf ya buɗe ƙofar ya shiga.

Kallo yake binta dashi sai dai bai nuna mata yaji wayar da sukayi ba,cikin hikimarsa ta cikakken ɗan sanda wanda ba kowane yasan da hakan ba da gashi sai ɗan sa Abdallah,yace"lafiyar ki kuwa naga kamar zakiyi kuka, ko da wata matsalane?cikin ajiye wani wahalallan numfashi tace" dama mutuwa akayi mana A can garin mu yanzu zan shirya na tafi!' ta faɗa tana miƙewa ko ina nata rawa yakeyi saboda ruɗewa da tashin hankali, Dady jafar yace" to ai sai mu tafi tare nima na tarar da jana iza!'wata zabura ta kumayi kunsan dai yadda al'amarin su yake sam babu nutsuwa, a'a kabari zan je Ni kadai baza A bar gidan babu kowa ba!' ka faɗa ya ɗage cikin ransa yana cewa duk inda kikaje zaki dawo kitarar da tuhumar ɗanki Oga Abdallah,a fili kuma yace" shike nan amma gobe zaki dawo ko? cikin rashin san doguwar magana ta amsa masa da A,fita yayi dan yaga gaba ɗaya bata cikin hayyacinta.


Gaba ɗaya tunanin sa ya tafi akan da wa Abigirl take waya me ta ƙulla dayake shirin komawa kanta? wa kuma take san kashewa? tabbas waɗan nan amsoshin suna gurin Abigirl kuma da sannu zata tono su da kanta da bakinta.


Kwata kwata Oga Abdallah bashi da hutu yanzu,ka'in da na'in ya shiga zurfafa bincike A kan ahlin nasa, sai dai wani abu guda da yake tunani bai wuce yadda zai nemi karin bayani daga gurin Bintu ba,dan yayi yaƙinin cewa yarinyar ta san abubuwa da yawa wanda shi bai sani ba,to amma ta yaya zai saka yarinyar mutane cikin irin wannan haɗarin,anya idan yayi haka bai zalunci rayuwar ta ba bayan itama da tata matsalar ta ƴan iskan yaran gidan,to amma fa dole bashi da wata mafita sai hakan domin Bintu ita kaɗai ce zata iya keta ɗakin nan,furzar da iska yayi daga bakinsa ya zaiyi wannan ita kaɗai ce mafita agareshi amma dolene ya ɗauki matakin kare rayuwarta duk da cewa yasan Allah ne me rayuwar,amma ko mai yana da sanadi,dan haka zai jarraba.


Kiran da yasamu daga Alhaji Baba shi ya katse masa dogon tunanin da yayi zurfi acikin sa,cikin takunsa na ƙasaita yayi sallama A falon Alhaji Baba,mamakine ya kamashi ganin Dady jafar da sauran yaran Alhaji Baba wanda sukayi wan can zaman dasu, sai kuma ƙarin Taufiƙa da aka samu,gai dasu yayi cikin girmamawa,kana ya samu guri ya zauna, Taufiƙa kuwa tamkar zata cinye shi saboda kallo, ga kuma farin cikin da take ciki kasan cewar itace Ummul aba'isin haɗa wannan taron.

Abinda ya faru shine Taufiƙa ta gama yankewa kanta shawara akan tazo tasamu Alhaji Baba ta sanar dashi tana san Ya Abdallah tunda ta ga haɗa aure yake, ita dai ya haɗa ta dashi matsayin mijinta,Alhaji Baba murmushi kawai yayi tare da ɗaga waya yakira duk wanda suka san wan can zaman na Sayyid,farinciki ne fal ranta dan tasan tunda haka ta faru kamar ta samu Abdallah ta gama,kiran Bintu bai dame ta ba tunda tasan itama zai sanar da ita wanda ya zaɓa matane.

Gyaran murya Alhaji Baba yayi kana yasa Abba Hassan ya buɗe taro da addu'a,bayan sun shafa ya kuma yin gyaran murya kana yace" nasan zakuyi mamakin kiran ku da nayi cikin gaggawa,to amma ta wani ɓangaren ba abin mamaki bane idan mukayi la'akari da cewa abu yana iya taso mana batare da mun shirya masa ba,dan haka yanzu ma abinda ya faru kenan, ina so nasanar daku zan haɗa auren Taufiƙa da....

Muje nest page

Fatima y Adam✍🏽
💕
*KUDURAR ALLAH* 💕

*NA*


*FATIMA Y. ADAM*





_____________________________________*

*🌈🇰AINUWA 🇼RITER'S✍🏼*
*🇦SSOCIATION🤝🏻*
```{United we stand and succeed;Our ambition is to entertain & motivate the mind of readers}```
https://www.Facebook.com/kainuwawritersassociation

*_____________________________________*



```Page 28 ```


Da Sayyid ko bayan raina na bar wannan wasiyyar!'wani irin kallo Taufiƙa take bin Alhaji Baba dashi,maƙoshin ta kuwa ya bushe ƙamas da ƙyar take iya haɗiyar yawu,maganar da yaci gaba dayi ce ta kuma sawa take tashiga wani irin tari me ƙarfi,yayin da Alhaji Baba yaci gaba da cewa, Bintu kuwa zan bada aurenta ga Abdallah, mutanen da suka shiga shock akan maganar nan ta Alhaji Baba suna da yawa,kamar dirar mikiya haka sukaji saukar zancen yayin da Bintu ta shiga matuƙar ruɗani da mamakin wannan haɗin na Alhaji Baba ta ya wannan haɗin zaiyi dai dai? Alhaji Baba bai san irin masifar da yasakata ba, yanzu ji take har ta gwammaci auren Sayyid ɗin, A hankali ta maida dubanta kan uban gayyar, kansa A ƙasa yake bata fahimci ko mai a yanayin saba amma ta tabbatar a yanzu jiyake kamar yayi aman zuciyarsa, Alhaji Baba ne yaci gaba da cewa, wannan haɗin yayi min har cikin zuciya ta Abdallah kai kaɗai nake buƙatar jin ta bakin ka!'cikin nutsuwarsa da ba ta yadda za ai ka fuskanci halin da yake ciki,yace"Alhaji Baba ni bani da ja akan umarnin ka kai naka faɗa ne Ni kuma cikawa ce tawa,dan haka na amince da umarnin ka!'shiru falon ya ɗauka na wasu ƴan daƙiƙa kana Alhaji Baba yace"to masha Allah Allah yayi muku albarka baki ɗaya Batula ke kuma fa ko kina da abun cewa? da sauri ta gyaɗa kanta,yace to me kike buƙata?cikin tsan tsan biyayya da kawaici tace"Baba dama Anty Taufiƙa ce take son sa, Ni kuma na amince ka haɗani da Sayyid ɗin!'tunda aka fara maganar nan banga Abdallah ya kalli ɓangaren da Bintu take ba sai yanzu,amma cikin sakanni har ya janye fuskar sa ba tare da kowa ya ankara da hakan ba, Alhaji Baba yace"a'a Bintu ke Allah ya bawa itama ga wanda Allah ya bata nan!' ya nuna Sayyid da shi kam ko ajikin sa zan iya cewa laba asa a haka yanayin sa yake,cikin wani irin kuka na fitar hayyaci Taufiƙa ta shiga yiwa Alhaji Baba magiya da rokon ya warware haɗin ta da Sayyid amma ina ko saurarenta baiyi ba,inno ce ta daka mata tsawa tare da cewa ke kam wai Taufiƙa wace irin macece haka mara aji da kunya?to tashi maza kibawa mutane waje idan an kaiki gidan Sayyid ɗin kiyi duk abinda kika ga ya dace da rayuwarki shashashar banza da ta wofi!'Dady Mansur ne ya tashi fuu ya fita yayin da duk suka bishi da kallo,Dady Habib ne ya kalli Alhaji Baba tare da cewa Baba yaushe akasa ranar auren? kai tsaye Alhaji Baba yace"sati me zuwa in Allah ya kaimu!'daga nan su Hajiya Babba suka saka albarka sukayi addu'a kowa ya watse,


Tunda ta shiga ɗakinta take kuka wanda ita kanta tasan na tsorone yaza ayi ace wai Oga Abdallah shine wanda zata aura, har yanzu gani take kamar A cikin mafarki to ya zatayi da nauyin da yake kanta? tabbas tasan akwai ƙura ga Anty Hauwa'u ma da bata nan idan ta dawo tasan kashe ta zasu haɗu suyi kawai, wannan tunanin ne ya hana ta sakat duk tabi tayi sanyi,


Watsi take yi da duk abinda yazo hannun ta, Siddiqa sai haƙuri take bata amma tamkar tunzura ta takeyi cewa take wallahi sai naga bayan yarinyar nan sai dai duk kowa ya rasa,tsinanniyar yarinya ƴar mitsiyata almajira macijiyar sari ka noƙe wallahi bazan ƙyale ta ba kai kuma Sayyid ko dame kake taƙama bazan aureka ba,idan kuwa hakan ta faru sai na kasheshi na kashe kaina kowa ya huta!'Siddiqa ce ta kama ta da ƙyar tana cewa zama zakiyi munemi mafita ba wai kizo kinayi mana hauka ba, dan wannan abin da kike bashine zai rage miki raɗaɗin dake cikin zuciyar ki ba!'da wannan kalamin ta samu kan Taufiƙa ta nutsu tana maida ajiyar zuciya.


Cikin tashin hankali Hajiya ladidi ta tashi daga kashin geɗen da tayi tare da ƙara manna wayar akunnenta tace"aure kuma wani irin aure? Nafisa kina cikin hankalin ki kuwa yaza ayi maganar auren