You Cannot Download this book untill you login but you can read it .

---

Login Register

Zahra batare da sanin mu ba?ji tayi daga bayan ta Alhaji munir yace" Ni ai nasani kece dai baki sani ba!'kashe wayar tayi da sauri tare da juyawa tana fuskantar sa,tace"amma dai ko gayamin ayi ko ba dan neman amincewa ta ba tunda nasan ban isa ba!'Alhaji munir yayi dariya tare da cewa to yanzu baga shi kin sani ba,miƙewa tayi ta bar falon,

Tana shiga ɗakinta ta danna masa kira bugu ɗaya ana biyu ya ɗauka, dariya kawai taji yasa tare da cewa nasan komai akan zan cen auren, ina so ki cire hannun ki daga kan wannan yaƙin dan yanzu yaƙin ya dawo na cikin gida ki zuba ido kiyi kallo yanzu wasan zai fara!'ajiyar zuciya ta sauke tare da cewa yauwa har naji sanyi da hankalina ya tashi saboda ban san yadda zaka ɗauki maganar ba!'yace"kar ki damu ai hakan shine dai dai agurin mu!'daga haka suka katse kiran,Hajiya ladidi tace"wayyo Zahra inaji ajikina kece zaki zama silar warwarewar matsalolin mu.


Ta mai maita saƙon Anty Nafisa ya kai sau goma,ta kuma karantawa A karo na sha ɗaya, Bintu har yanzu banji amsarki ba lokaci yana ƙurar mun kiyi gaggawar yiwa kanki da rayuwar ki sulhu bana son ki ƙara kwana uku ba tare da kin bani sakamakon buƙata ta ba!'share gumin da yake ta tsatstsafo mata tayi, kana ta samu guri ta zauna tare da zuba tagumi,matsalolin da suka sakata gaba sun fara neman zautar da ƙwaƙwalwar ta domin yanzu babu wani tunani dayake shiga yake fita A kan ta ko mai yatsaya mata cak,ji take kamar ta zauna tayi ta zunduma ihu,duk wata dabara ta ƙwace mata,


Rahima ta zubawa Hajiya Babba ido tana sauraran labarin da take bata wanda take jinsa kamar alamara, wai Bintu da Ya Abdallah aure, kai ita zata iya cewa ma ta daɗe bata ji zancen da yayi mata daɗi kamar wannan ba,tace"Hajiya Babba wai wane irin ƙauna kikewa Bintu ne?kai tsaye tace"mata irin wannan ƙaunar da nakewa jikokina mafi soyuwa A zuciyata!'dariya Rahima tayi tare da cewa, gaskiya keda Inno ban san wanda yafi wani ƙaunar Bintu ba,sai dai kuma dukkan ku Alhaji Baba yafiku san Bintu!'hararar wasa tayi mata, tare da cewa ai shi ta huɗu yake nema ba dole yafi mu santa ba,amma mu kuma kishiyoyine kar ki manta,Rahima tace"lallai kam Hajjah ce kawai take kishi da Bintu dan dama duk tafiku kishi!'Hajiya Babba ta riƙe baki tana kallon Rahima cike da mamaki na gaske wai har ta fahimci Hajjah ta fisu kishi kai yaran yanzu sai abarsu.


Ji tayi kawai an rufeta da duka ta ko'ina ta kasa kare kanta saboda shammatar da sukayi mata,Taufiƙa cewa take wallahi ko za'a kashe Ni sai na huce baƙin ciki na najiya akanki wannan somin taɓine na bijirewa magana ta da kikayi, sauran mataki yana gaba saikinyi namar zuwanki cikin ahlin mu saina gurgunta rayuwarki kin zama abin tausayi a idanun masu imani!'kuka take sosai Bintu dan wallahi tana buguwa,da gudu inno ta shiga kiching ɗin tare da salallami tace"amma wallahi yaran nan baku da imani uban me tayi muku zaku kashe ta?anya kuwa wannan mummunar ɗabi'ar da kuka ɗauka zata kaiku ga cin nasarar rayuwa? gaskiya ina tausaya muku nan gaba domin da hannun ku zaku shuke abinda kuka girba!'ta janyo hannun Bintu suka fita daga kiching ɗin,tana mai jaddada musu Allah saiya sakawa Bintun,ko ajikinsu dan wata uwar harara da suke ta bankawa Bintun kamar idanunsu zasu faɗo..


Bintu fa ta shiga cikin matsatsi da takurar Anty Nafisa,duk inda tayi motsi sai taji ƙarar saƙonta ya shigo mata har wata ƴar rama tayi, kana ganinta kasan tana cikin damuwa ga damuwar su Taufiƙa dan ma Rahima tana taka musu birki to yanzu Rahiman ma ba ƙyaleta sukai ba.

Sunkuye take tana saka zanin gado a danƙareren gadon Oga Abdallah,jitayi wayarta na zumm zumm da sauri ta ɗauko ta buɗe saƙon Anty Nafisa ne kamar yadda ta canja salo har da barazana yanzu take aikomata, zubawa wayar ido tayi tamkar A cikinsa zata samo mafita,ya jima tsaye A bayanta duk da bai samu ganin saƙon ba amma yaci nasarar ganin sunan Anty Nafisa saman saƙon,ji tayi kawai anzare wayar daga hannunta,wata irin zabura tayi ta juya,tuni idanunta suka shige cikin nasa take kuwa jikinta yashiga rawa tamkar wadda ake kaɗawa ganga, idanunta har sun kawo ruwan hawaye tunda dama A kusa take,cikin rawar murya tace"dan Allah kabani wayana!'ko kallon inda take baiyi ba yaci gaba da sabgar gaban sa takalmin sa na motsa jiki ya shiga kuncewa, Bintu kuwa magiya har da kuka amma yayi funfurus,ƙarshe ma banɗaki ya shiga ya barta da tashin hankalin ta,ƙarshen zance ma dai tana kallo yasa wayar gaban aljihunsa ya fita da ita batare da ya kula ta ba,zama tayi taci kukanta kana ta koma ɗakinta.

Dady jafar yace"Abdallah ya kamata mu fara zurfafa binciken mu akan Dadinku Mansur,dan gaskiya al'amarinsa akwai ayar tambaya,ko ya ka gani?ɗan kashin giɗa yayi jikin haɗaɗɗiyar kujerar sa kana cikin miskilar maganar sa yace"Dady ta manyan muke yanzu, ba tashi ba,nuna masa wayar da ya karɓa A hannun Bintu yayi tare da cewa wannan wayar zata temaka mana wajen samun abinda muke san sani, duk da ban binciki wayar ba me wayar nake san bincika domin iya waya baza ta gamsar damu komai ba!'Dady jafar yace"Abdallah dole kacire duk wani tunani A ranka game da yarinyar nan ka sako mana ita cikin al'amarin nan,kaga yanzu kana da iko A kan ta tunda ta kusa zama matarka nan da ƴan kwanaki!'ɗan lumshe idanunsa yayi kana ya fara da cewa, Dady nifa yarinyar nan zan aureta ne kawai saboda kariya ga haɗarin da nake san sakota aciki dan haka da komai ya dai-daita nan da wani ɗan lokaci zan rabu da ita ta samu mijin da yakeso ta aura idan ma Sayyid ɗin ne Ni zan tsaya mata ta aureshi tunda kaga saboda tana sonsa har Alhaji Baba takewa gaddama shine kuma zata haɗa shirinta dani ya ɗan ja tsuka tare da cewa dan haka ka daina yimin batun ta maras kunya kawai!'Dady jafar murmushi yayi tare da cewa to shike nan idan lokacin yayi ko Ni da kaina zan ne mawa Sayyid aurenta dan shine halaccin da zamu iya yimata bayan ta tai maka mana!'miƙewa yayi yana tattaro takardunsa ko yanzun ma zaka iya bashi ita!'daga haka ya fita ya bar Dadin A cikin office ɗin, murmushi Dady jafar yayi sosai tare da cewa Allah ya nunamin wannan rana.


Wasan ɓuya sukeyi domin ta riga tasan yagama bincika wayarta hankalin ta tashe yake tasan kashin ta ya bushe a wajen Oga Abdallah,shiyasa duk hanyar da tasan zasu haɗu taƙi bi acikin kwana guda,shi kansa ya fahimci haka amma ya riga ya gama shirin sa na kamata A hannu duk wannan gudun da takeyi sai dai idan bai shirya kamata ba.


Bintuna ki kwantar da hankalin ki ki natare da mai taimakon tsanin ki kuma mai tallafar rayuwarki,kuma muna nan araye Ni da mamanki gaskiya ce kawai zata baiyana mu ki dage da addu'a al'amarin gidan nan bai fi ƙarfin ƙudurar Allah ba,dan haka ina mai sanar dake ki cire tsoro ki tunkari matsalar ki,babu wanda ya isa yaga bayan rayuwarki sai lokacin ki yayi, wannan dai dayake taimaka miki cikin dukkanin matsalar da kika shiga shi zai cigaba da taimakon ki tare da taimakon Allah buwayi gagara misali,akwai ƙalubale a gaban ki Bintu karki wasa da addu'a Allah ya cigaba da taimakonki ya kuma kareki daga sharrin su!'zufa ce ta shiga keto mata buɗe idanunta tayi daga mafarkin da tayi da fafin ta tare da ambatan sunan Allah,a hankali maganganun da fafin yayi mata suka dunga dawowa cikin kunnuwanta,to me fafi yake nufi shine wa?waye wanda yake taimakonta?miƙewa tayi daga saman gadon cikin zurfafa tunani, Oga Abdallah kenan fafi yake nufi shine wanda yake yawan gaya mata zai zo dan tallafa mata?to ya akayi suka kasan ce guri ɗaya? Ƙudurar Allah kenan,duk abinda nake nema sai ya kasan ce yana tare dani kai masha Allah da ƘUDURARSA da kuma dogara dashi tabbas wanda ya maida lamuransa ga Allah zai ta ganin dai dai arayuwarsa, Allah kaine abin godiya,sai dai kuma tunani da ya sare mata gwiwa bai wuce wayar ta dake hannun sa ba,idan yaga saƙonnin dake ciki zai ɗora mata mummunan zargi,ko dai gaya masa zatayi?to kuma idan yaƙi yadda fa?tashi tayi kawai ta ɗauro alwala dan miƙa kukanta ga jallah wa'azza.


Jinta tayi sawai saboda kusan kwana da tayi tana miƙa kukanta gurin Allah assamadu,shi yasa taji ƙuncin dake ranta duk babu ta tattara komai ta barwa Allah tasan zai kawo mata mafita mai kyau arayuwarta,cikin ƙanƙanin lokaci ta gama shiryawa ogan nata kayan karin kumallo wainar masa tayi masa wadda tayi matuƙar kyau da laushi sai kunun tsamiya da suyar chips da ƙwai ta haɗa masa ruwan liptom,kana taje ta shirya komai cikin nutsuwa, cikin ɗakin ta shiga ta fara da wanke toilet,sannan ta gyara ɗakin kan kace meye ya ɗauki ƙamshi da haske tsaftar Bintu ta musamman ce saboda bata da ƙwuya ko mai a nutse take yinsa shi yasa zaka ga komai tsaf bata barin datti ko ta allura ce,
shiyasa duk ƙaƙalen Abdallah bai taɓa ganin kuskure a tsaftar Bintu ba,ya riga ya yadda da ita ta wannan ɓangaren ya bata maki ɗari bisa ɗari,ɗan dube dube ta fara so take ta gani ko zata ga inda ya ajiye wayar ta, har su ƙarƙashin gado sai da ta duba duk da gyaran ta har nan bata bari ba,me kike nema? taji muryarsa daga bayanta da sauri ta ɗago tana rarraba manyan idanuwan ta masu tamkar zaiba, tashi tayi tana son barin ɗakin,jingina yayi da ƙofar alamun dai ba zai bata hanya ba,tura ɗan ƙaramin bakinta tayi tare da cewa sharewa nayi!'ɗan ƙara girman idanunsa yayi akan ta batare da yace mata komai ba sannan kuma bai bata hanya ba,ɗan matsawa tayi daf dashi tace" zan tafi inno tana jirana!'saurin sunkuyar da kanta tayi saboda kaifin idanunsa,gaba ɗaya jikinta ya fara rawa saboda kusancin su yanayin da take shiga da zarar sun fara musayar numfashi shi yake ƙara yawa har wani sanyi takeji can cikin ƙashi da ɓargonta, da ta rasa mafitar ta tatserewa shu'uman idanunsa kawai sai ta fara sana ar tata,ɗan ɗage gira yayi yana ƙara zurfafa duban sa akanta,kana kuma ya taɓe bakinsa tare da cewa ke gyare sarkin kuka,tambayar ki nayi fa,cikin sangar tacciyar murya tace"to wuce wa zanyi!'bata hanya yayi batare da ya kuma tanka mata ba,da gudu ta fita,batare da ko waiwaye ba,jinjina kansa yayi tare da cewa lokacin kamaki ne baiyi ba.


Sai da taga fitar sa kana ta koma ɗakin cikin sauri ta shiga dubawa, cikin Sa'a kuwa tayi karo da wayar ga alamu ma manta ta yayi,ɗauka tayi ta koma ɗakinta,lambar Dije ta fara gwadawa cikin sa ar datake da ita yau, wayar ta shiga,haba mama Dije hankalina ya tashi da rashin jinki gashi bani da wata hanyar da zan ganki!' cikin nutsuwa Dije tace"Bintu muna cikin masifa matar nan ta fara ganewa muna ƙulla wani abu Ni dake, Bintu rayuwar ƴaƴana nakeji shiyasa kika ga na ƙulle hanyar haɗuwa dake!'cikin tashin hankali Bintu tace"yanzu kina nufin kin karya alƙawarin da kikayi min? Dije taja wani sheshsheƙa tare da goge zufar dake sauko mata kana tace"Bintu ban karya ba kuma bazan karya ba,ina daiyin ta katsantsan ne saboda rayuwar marayun Allah, wannan matar shu'uma ce Bintu ta iya takunta, yanzu abinda nakeso na gano shine wai shin acikin gidan nan take zaune ko kuma daga cikin ahlinsa ne wanda basa zaune a gidan nan? daga nan zamu san yadda zamuyi mugano abinda suke wannan san zuciyar akansa dan tabbas a kwai wani abu daya dan ganci dukiya me razana zuciyar mutum a cikin estate ɗin nan!'jin kamar za a shigo ɗakin dan ta manta ba tasa key ba yasa tace"to shike nan mama duk abinda ake ciki ki kirani!'tayi saurin kashe wayar tare da cusa ta cikin zanin ta.


Da wuri ta gama girkinta ta kai ta jera saboda bata san su haɗu da Oga dan tasan ita mai laifice A gurinsa,haka kawai take jin faɗuwar gaba jikinta duk a san yaye yake,shiyasa ko da Rahima tazo suka zauna A falon inno kasa gane mata tayi,tace"Bintu wai ko baki da lafiya ne duk na ganki wani iri? cikin faɗuwar gaban dake ƙara kusan tarta tace"wallahi Rahima kaina ne tun ɗazu yake sarawa kamar zai rabe biyu!'ayya sorry bari na kama maki sai kije kisha magani!'kama mata kan tayi kana ta miƙe tare da cewa bari na wuce sai Allah ya kaimu gobe!'Bintu tace"ki gaida min da Ammi na gode,daga haka sukayi sallama,zama tayi A falon ta kasa tashi har su Taufiƙa suka sameta,basu ce mata komai ba suka wuce ɗakin su, Sayyid ne ya shigo yana ganin Bintu ya fara washe mata baki zama yayi kujerar dake fuskantar ta ya shiga yi mata surutai bata tanka masa ba dan ita kaɗai tasan halin da take ciki,a haka Oga Abdallah ya shigo ya same su bai kalli inda suke ba ya wuce part ɗinsa,yana shiga ko ɗakin bai ƙara sa ba ya wuce dining dan wata muguwar yunwa ya dawo da ita,savin kansa yayi ya fara cin haɗaɗɗen tuwan farar shinkafa da miyar ɗanyen kubewa wanda taji ragargajejjen naman kaza sai ƙamshin daɗi takeyi.

Acan falo kuma Bintu ta gaji da surutun Sayyid tashi tayi ta barshi ba tare da ta tanka masa ba tun zamansa,sai da ta shige kana ya ankara da wayar ta ɗauka yayi da niyar miƙa mata saƙon dayaga ya shigo wayar ne ya saka shi da katawa tare da zaro idanu cikin tashin hankali da firgici...

Bintu kuwa tana shiga ta wuce wajen taga ta ɗaga labulen,dan samun iska ko zataji sanyi,takarda ta gani saƙale ajikin tagar da sauri ta ɗaga tare da warwareta,innalillahi'wa'inna ialaihi raji'un da gudu ta fito daga ɗakin cikin tsananin tashin hankali...

Turƙashi wani kaya sai amale,wane saƙo Sayyid ya gani A wayar Bintu?me saƙon wasiƙar Bintu ya ƙunsa da ya tayar mata da hankali haka?wane tashin hankali ne yake shirin faruwa da Bintu da har take jin faɗuwar gaba? amsar na cikin nest page insha Allah

Alƙalamin✍🏽
Fatima y Adam

More comment.....
💕
*KUDURAR ALLAH* 💕

*NA*


*FATIMA Y. ADAM*





_____________________________________*

*🌈🇰AINUWA 🇼RITER'S✍🏼*
*🇦SSOCIATION🤝🏻*
```{United we stand and succeed;Our ambition is to entertain & motivate the mind of readers}```
https://www.Facebook.com/kainuwawritersassociation

*_____________________________________*



```Page 29 ```



Karo sukayi da Sayyid sauri tayi ta ɓoye takarda hannun ta tare da yagata ƙananu, bin yagaggiyar wasikar yayi da kallo,kana cikin sanyin jiki ya miƙa mata wayar tare da wani irin kallo na tsantsan tuhuma,karɓar wayar tayi hannun ta na rawa,da sauri ta wuce shi bata re da ta tsaya duba wayar ba.

Paper da ta zubar ya tsaya ya tattara duk da bazai fahimci komai aciki ba haka yayi gaba dasu batare da nasan abinda zaiyi dasu ba.

Da gudu ta ƙara sa ta tankoɓe hannun sa dayake shirin kai wa bakinsa, kallon ta yake cike da mamaki,ita kuma abincin tabi da idanu,cikin wani irin tashin hankali da ruɗani tace"kaci abincin? cikin mamakinta yace" ke meye hak...murɗawar da cikin sa yayi shi ya hanashi ƙara sa tambayar da yaso yi mata,ƙara riƙe cikin yayi cikin jin matsanan cin ciwo, Bintu wani irin kuka tasaka mai tsuma zuciya,kafin ta ankara Abdallah ya faɗo daga kan kujerar dayake kai yana wani irin juyi na tsananin azaba,riƙe shi tayi tana cigaba da kuka cikin matsanancin kuka tace"wayyo Allah na shiga uku yazanyi da rayuwata Ni Bintu wa zai fitar dani daga wannan mugun zarge?Allah kafitar da Ni banji ba bangani ba,bani da laifin komai ga bawanka da baiyi wa kowa laifi ba suna san ganin bayansa me yasa kuke san kasheshi me yayi muku? saboda tashin hankalin da take ciki har bata san lokacin da suka baiyana a falon ba Dady Habib ne yayi saurin cicciɓar Abdallah yana cewa maza muje asibiti Yakamata mu fara kaishi kar gubar tafara aiki har tayi ajalin sa!'Dady Mansur yace"kuje Ni ina nan saboda na kira police,inno kuwa dasu Taufiƙa harda Hauwa'u da bata jima da dawowa gidan ba,Dady jafar da Dady Habib ne suka tafi dashi asibiti, Bintu kuwa gaba ɗaya kukan ma ta neme shi ta rasa, sai yaune ta tabbatar ashe duk kukan da takeyi abaya na rahmane ashe kukan ma akwai ranar nemansa? Alhaji Baba ta kalla da tunda ya shigo ya zauna ya sunkuyar da kansa ƙasa,baice uffan ba,Hajiya Babba kuwa cikin nutsuwa ta ƙarasa kusa da Bintu ta dafa kafaɗarta wanda sai alokacin Bintu ta kula da ita,tace"Bintu gaya mana abinda ya faru kinji? ki kwantar da hankalin ki!' Dady Mansur yace"haba Hajiyarmu ai ba anan zata amsa tambayoyin ba sai taje can police station tukun dan mu baza ta gaya mana gaskiya ba!'Hajjah tace" kai bana san shashanci,ka bari yarinya tayi mana bayanin abinda ya faru kafin zartar da ko wane irin hukunci!'Hajjah ce tai mata magana a wannan karon cikin taushin lafazi tace"Bintu,gaya mana abinda ya faru? rawar murya ta farayi saboda ita bata san me zata ce ba,amma dai kawai zata faɗa musu gaskiya duk da dai tasan Allah ne kawai zai ƙwaceta daga wannan mummunar zargi,cikin tashin hankali tace" wallahi ban san komai ba Hajjah ɗakina na shiga na tarar an ajiye min wasiƙa,da na duba wasikar sai naga an rubuta an saka guba A cikin abincin Abdallah wallahi shine na fito da gudu dan nazo naga ko baici abin cin ba na zubar shine na haɗu da Sayyid ya bani wayata!'Dady Mansur yace"to lauya munji wannan ƙaryar shi kuma saƙon da Sayyid ya gani anturo miki fa? cikin mamaki tace" wane saƙo Ni ba wani saƙo da aka turan,(sanadin karbar wayarta da Abdallah yayi sai tayi tunanin tunda haka ta fara faruwa gudun tsautsayi gara ta goge duk wani saƙo dake cikin wayar,shi yasa Sayyid bai ga ko wane saƙo ba sai wanda aka turo A lokacin kuma da ɓoyayyar nomban)Bintu tayi mamaki ƙwarai dan bata san ta bar wani saƙo a wayar ba, Sayyid ɗin ne yace"Hajjah A karɓi wayarta a duba in dai bata goge ba za A ga saƙon wallahi ba sharri nayi mata ba!'Hajiya Babba ce ta karɓi wayar da kanta kana ta lalubo saƙon wan da bata sha wahalar ganin sa ba saboda dama Sayyid bai fita daga kan enbox ɗin ba,ga abinda saƙon ya ƙunsa Bintu kin tabbatar kin zuba masa gubar nan? bana so yau Abdallah ya kwana a duniya,shike nan abin da aka rubuta,wani irin juwa da layi Bintu ta shiga yi kan ka ce me sai gata yaraf aƙasa babu alamun numfashi,Abin mamaki babu wanda yayi ƙoƙarin tallafawa Bintu saboda dukkanin su sun shiga shock da jin wannan al'amari mai girma,wayar Dady Mansur ce tayi ringin ɗagawa yayi tare da cewa to to gamu muna ciki bari nasa a shigo daku!'kashe wayar yayi yana cewa maza jeka Sayyid kashigo da inspector lawan,da sauri ya fita dan shigowa dasu har zuwa yanzu babu wanda aka samu d yayi wani abu kan suman da Bintu tayi, Alhaji Baba ne ya miƙe tare da fita daga falon,har haɗa hanya yake kamar zai faɗi saboda har yanzu baya cikin nutsuwarsa, Siddiqa ce tayi saurin kamashi dan ta taimaka masa ita ta raka shi har part ɗinsa,

Sai da su inspector lawan suka shigo kana Dady Mansur ya ɗauki ruwa ya sheƙawa Bintu A fuska, ajiyar zuciya ta saki kana ta buɗe idanunta da sukayi mata nauyi, Dady Mansur yace"to gata nan ku tafi da ita na gaya maka kisan kai take ƙoƙarin yi yanzu dai yaron yana asibiti bamu san halin da yake ciki ba duk abinda ya kamata zakuji daga baya!'wata ƴar sanda ce ta ƙara sa kusa da Bintu tare da kama hannun ta,batare da wata gaddama ba Bintu ta bita saboda tariga tasan bata da sauran kalamin kare kai ko da da akwai ma baza su yadda ba,suna kallo aka tafi da Bintu ba tare da sun iya dakatar wa ba,jiki A saɓule suka fita daga falon zuciyoyinsu cike da tunanika iri-iri.


Tunda suka kaita suka rufe babu wanda ya ƙara bi ta kanta,saboda baza a fara taɓa fayal ɗin ta ba har sai anji sakamakon lafiyar Abdallah tunda su dai yanzu sun tabbatar Bintu mai laifi ce,ƙarewa gurin kallo tayi wai yau itace akarufe cikin magarƙama yanzu gaba ɗaya tunanin ta yana wajen san sanin halin da Oga Abdallah yake ciki, wani irin tsorone yake kamata idan ta tuna Abdallah zai iya mutuwa,ba kuma wai dan za'a kasheta ba kawai shiɗin ne bata san yabar duniyar yanzu,to wai waye yake san ganin bayan ta ita da Oga Abdallah shi waye acikin gidan? A cikin mutanen da suke nuna mata tsana bazata iya cewa ga wanda zai aikata haka A garetaba idan tayi duba da cewa wannan karon Abdallah suke so su kashe,to ko Anty Nafisa ce'zatayi mata haka saboda taƙi karɓar tayin ta? Anya kuwa itace? mugayen gidan nan fa suna da yawa ga hajiyar Dije ma da babu wanda yasan ta,ko ita ma zata iya aikata haka,to kuma waye ya kawo mata paper ya Ajiye dan ta gani? dafe kanta tayi saboda matsanancin sarawar da yake mata bata san wazata ɗorawa wannan alhakin ba zata iya zargin wanda bashi bane kamata yayi kawai ta barwa Allah shi zai saukar da ƙudurar sa da girman ikonsa kuma shi zai kawo mata ɗauki,tayi yaƙini wannan duk jarrabawa ce A gareta dan ya gwada imanin ta kuma zatayi ƙoƙarin cinyewa insha Allah.


Likitoci ne akan sa kusan guda biyar ko wannensu da binciken da yake yi ƙoƙarin su shine suga sun fitar da gubar tun kafin tayi masa illah, to Alhamdulillah anyi nasara saboda bai kai ga cin ta da yawa ba shi yasa ma har akasamu rayuwar sa, allurori sukayi masa daga nan suka fita suka barshi dan jiran farfaɗowar sa,sunyi wa su Dady Habib bayanin komai dan haka suka samu nutsuwar da suka sami damar tattaunawa a kan al'amurin.

What Nafisa wace irin magana kike yi ne hakaguba fa kikace? Aunty Nafisa ta dubi Hajiya ladidi tace" wallahi Hajiya da gaske nake gaba ɗaya yanzu ESTATE daga jiya zuwa yau zan can da ake yi kenan, Hajiya na shiga ruɗani dalilin da yasa kika ganni da sassafen nan kenan saboda ina tunanin koke kika bawa Bintu aikin nan ban sani ba!'Hajiya ladidi tace"wallahi Nafisa bani nasa ta ba,sam ban san da wannan maganar ba, Nafisa tace"idan kuwa hakane tabbas A kwai ƙura Bintu mu zata yau dara, taura biyu ta haɗa abakinta,nasan tunanin ta bazai taɓa bata kashe Abdallah ba sai dai A sakata,zama bai kama mu ba dole mu binciki Bintu ta gaya mana wanda yasa ta aikin nan, Hajiya ladidi tace"ta yaya bayan kin ce tana can A kulle!'Hajiya ganin ta ba zai bada wahala ba!' Nafisa kinsan kuwa laifin kisa kike cewa ganin ta bazai wahala ba? sai dai kawai ki jarraba amma ki kula dan zaki iya shiga cikin zargi!'ɗan jim tayi can kuma tace"hakane fa Hajiyata hankali na ne gaba ɗaya atashe,amma dai zamu jira muga abinda zai faru,tunda sai munji sakamakon da asibiti suka bayar akan lafiyar Abdallah.


Har yanzu babu wanda yace wani abu tunda ƴansanda suka tafi da Bintu ba asami wanda yaji zai iya zuwa inda take ba bare yayi tunanin taimakon ta, shuru kake jin estate ɗin ta ɗauka sakamakon abinda ya faru,kowa kuma jira yake yaji labarin abin da yafi ƙauna a ransa,shin Abdallah ya mutu ne ko bai mutu ba?


Alhaji Baba babu wanda zai ce ga halin da yake ciki,saboda tunda ya shige ɗaki ya rufe yaƙi bari kowa ya ganshi balle asan halin da yake ciki,inno ma kusan hakane ta ɓangaren ta duk cikin su dama Hajjah ce me iya magana to itama bakinta ya mutu dan batasan me zatace ba,a ɓangaren su Rahima kuwa tunda taji labari take kuka wanda baza ta iya cewa ga taka mai mai abinda yasa ta kukan ba tasan dai ta damu da Ya Abdallah matuƙar damuwa,haka kuma zaren tunanin ta yakasa tsaida ita A guri ɗaya,Ammin ta kuwa baza ka taɓa gane me take