You Cannot Download this book untill you login but you can read it .

---

Login Register

ƙasss ƙasss,cikin sanɗa suka shiga ƙoƙarin barin falon sai dai hakan bata samu ba saboda jin sautin muryar Abdallah cikin wani irin yanayi,yana cewa kar wanda ya sake ya bar falon nan!'kamar ansa inji an tsayar dasu haka duk suka koma suka ƙame A guri ɗaya,Nabil ne yayi ƙarfin halin yi masa bayanin abinda ya faru,jin yayi shiru tare da zubawa Bintu lulu eyes ɗinsa shiya basu ƙwarin gwiwar,cigaba da rattaba masa bayani,Bintu kallonsa itama ta shigayi da tsoratattun idanunta tana mai zubda hawaye ta rasa bakin magana komai ya ƙare daga bakinta bata da wani sauran kalami,

Ɗaga musu hannu yayi alamun su saurara masa, miƙewa yayi tsaye ya cusa hannunsa cikin aljihun wandonsa, A hankali ya shiga ta kawa cikin nutsatstsan takunsa mai kama da takun sarakai,har yazo tsakiyar falon kana cikin kakkausar murya yace"ina mai ja muku kunne da kuma babbar murya duk wanda na ƙara gani ya bugeta wallahi wallahi!' wata irin ƙwafa yayi kana ya juya yabar falon, daga su har Bintun binsa da idanu sukayi,summ summ kowannen su yabar falon jiki A sanyaye amma bawai dan sunyi na dama ba,

Bintu cikin tsamin jiki ta koma ɗakinta bayan tayi wanka tayi salla ta jawo wayar ta kira ta dannawa Hajiya ladidi,tana shiga kuwa ta ɗaga,ji tayi Bintu ta fashe mata da kuka,cikin tashin hankali tace" shikenan tamu ta ƙare Bintu me ya faru?da ƙyar ta saurara da kukan da takeyi kana ta zaiyanawa Hajiya ladidi abinda duk ya faru,cikin tsananin fusata Hajiya ladidi tace"kintabbatar dai bake bace ba ko? Bintu tace" wallahi Hajiya ban taɓa sata ba tunda nake A rayuwata!'to yi shiru ki kwantar da hankalinki,ki cigaba da walwalarki kamar da zanyi magana da inno ɗin wannan aini suke san yiwa,dan salam iskanci so suke kibar gidan kenan to dan ƙaniyarsu sai dai uwayensu da ubayensu su bar gidan amma bake ba sai mun kai ƙarshen manufar mu ina ai dasaura tukun bayanxu ba.


Cikin nutsuwa ta gama haɗa masa break , zama tayi har ya gama karyawa yana sane da ita amma yayi kamar bai sanda ruwanta A gurin ba, A hankali ya tashi bayan ya kammala karyawarsa, zuwa yayi zai wuce ta, da sauri ta tare sa cikin kukan dayake son kufce mata tace"Dan Allah kayi haƙuri!'cike da mamaki yake duban ta,ganin kamar bai fahimci abinda take nufi ba yasa ta kuma marai raice fuska cike da san ya fahimceta tace' nifa banice na ɗauka ba, wallahi bantaɓa sata ba Ni bani bace"ta ƙarasa faɗa cikin sanyin muryar ta da haryanzu bata dawo daidai ba saboda kukan da tasha,dafa kansa yayi yanajin shikam baƙaramin takura masa akayi da zaman gidan nan ba, abinda baya cikin halinsa an sashi yinsa yanzu,shida bai damu da kowa ba bai damu da shiga sabgar kowa ba, amma tunda tazo gidan take sashi waɗan nan ɗabi'un,kome yasa ma yake yawan tausaya mata oho, amma dai yana ganin fita zaiyi daga sabgarsu suje koma me zasuyi mata suyi mata,dan A gaskiya yana takura da wannan sabuwar ɗabi'ar ta yawan magana tunda shi bai saba ba,(Malam Abdallah kenan A hakan shine kana yawan magana)kaucewa yayi zai fita,cikin kukan ta tace kaima baka yadda dani ba,inno bata yadda dani ba Rahima bata yadda dani ba duk masu sona basu yadda dani ba to Ni ya zanyi?ɗan dakatawa yayi kana cikin gajiyawa yace" sai kiyi yadda kikeso,ba dole su miki haka ba me inno tarageki dashi da za ki ɗunguma mata gagarumar sata haka? yana gama maganarsa yayi saurin barin falon gaba ɗaya.

Wani irin yarfa hannu tayi gami da zubewa A gurin, hannunta tasa tashi ga mussike idanunta dasuka ƙi daina zubar ruwa,haka nan takejin wani mugun tashin hankali,to wai meyasa bata bi bayan inno ba sai shi? meyasa takeji A ranta yaddarsa kawai take buƙata A halin yanzu?kukan ta kuma fashewa dashi tana murza ƙafafuwan ta bisa tattausan carpet ɗin dake malale A tsakiyar falon,cikin dasashshiyar muryarta da babu sauti take cewa,kai kam meyasa ba A fahimtar zuciyarka bazakamin magana kafahimtar dani ba?Ni bazan iya gane abinda yake ranka ba,dan Allah-dan Allah meyasane? A nan bacci yayi awan gaba da ita batare data shiryawa hakan ba.



Cikin kuka Rahima ke zaiyanawa Hajiya Babba dukkanin abinda ya faru, ta ƙare da cewa, Hajiya Babba yaza ayi Bintu tayi min haka? nakasa mantawa ina sonta sosai tausayinta nakeji wallahi!'Hajiya Babba ta shafa kan Rahima kana cikin nutsuwa da taushin murya tace"Rahima bakyason Bintu!'da sauri Rahima ta tashi zaune tare da cewa kamar ya bana sonta Hajiya? yanzu fa na gama gaya miki amma sai kice banason Bintu!'Hajiya Babba tayi murmushin su na manya masu hangen nesa tace"Ai da kinason Bintu da bazaki yadda da abinda ya faruba, domin Hausawa sunce so hana ganin laifi koda an aikatashi kuwa,dan haka ko Ni ɗin nan nafiki son Bintu tunda ban yadda da abinda A kace ta aikata ba,ko da kuwa A hannunta A kasamu sarƙar, kinga Ni ba tare nake da ita ba zuwa kawai takeyi shima zuwan ba sosai ba amma nayi mata yaddar da koke banyi wa ita ba,tana can ina nan amma da ita nake kwana nake tashi,inno bata kyauta ba in dai har ta yadda cewa Bintu zata iya yi mata sata,saboda watannin da tayi tare da ita yaci ace takaranci halayyar Bintu,wanda A cikin abinda nasani dan gane da ita nasan imaninta bazai iya barinta ta ɗauki abin wani ba Abu na biyu tausayinta san nan tsoro,dan haka Rahima ki je ki koyi yadda ake aminta ta gaskiya da amana kafin kiyi ƙawance da Bintu domin nasan idan itace baza ta taɓa yi miki haka ba!'daga haka bata kuma cewa komai ba ta maida hankalinta kan casbahar da takeja,Rahima kuka tasa tana mai jin tsananin kunyar haɗuwa da Bintu bata san da wane baki zata bata haƙuri ba, cikin sanyin jiki ta tashi ta shiga ɗakinta tana mai jin nadamar abinda tayi.


Nafisa wai meye amfanin ki A cikin gidan nan indai har kina kallo wasu banzaye daga can gefe zasu wargaza mana shiri,kin riga da kin san dai Bintu itace idon mu yanzu A gidan nan tun ba mu cimma abubuwan da mukesan cimmawa ba a keson A koreta!'Anty Nafisa tace"nifa Hajiya ban san meke faruwa ba saboda nima kwana biyu bana jin daɗi ban shiga ɓangaren inno ba dan haka bani da masaniya A kan komai dake faruwa!'Hajiya ladidi tace"shike nan amma inaso daga yanzu kisaka mana idanu akan masu kawowa burinmu farmaki!'Anty Nafisa tace"to Hajiya nayi miki alƙawarin bazan bari ƙananan maƙiya suyi tasiri A kan Bintu ba har sai mun cimma burinbu!'suna A jiye wayar Aunty Nafisa ta miƙe daga saman gadon ta, A fili tace"dole shirina bazai tafi yadda ya kamata ba sai da sa hannun Amintacce, kuma ba kowa bace sai Bintu ita kaɗai ce zan iya haɗa wannan al amarin da ita batare da fargaba ba, saboda Ni nakawo ta gidan nan Ni na buɗe mata ido, dan haka babu wadda ta can canta da Bintu ta zauna a ƙarƙashin ta face Ni, kuma tsari na baze yuwu Ni kaɗai ba dole sai da sa hannu dan haka yanzu lokaci yayi Bintu da zakiyi min amfani, bani da shakku akan ke ɗin zaki rufan asiri duk da tarin tsanarki me zafi ta dake ƙunshe cikin raina amma babu yadda zanyi dole na danneta A wannan karon.


A hankali ta zauna gaban inno dake kan sallaya hannunta riƙe da ɗan ƙaramin ƙur'ani,Bintu ta zuba mata ido har ta ida karatun ta kana ta ajiye shi gefenta cikin nutsuwa,ƙara matsawa gabanta Bintu tayi tare da ruƙo hannunta cikin san haɗa ido da innon tace" inno kiyi haƙuri nasan ban kyauta miki ba da nakasance ɓarauniya A gareki duk da tarin halaccin ki A gareni!'hawayenta ne suka gangaro daga cikin idanunta tanajin zafin karɓar laifin da bata aikatashi ba, amma kuma tana ganin haka shine mafita A gareta,A hankali inno tasa hannu ta share mata hawayen, kana cikin taushin kalami tace"Bintu meyasa kike bani haƙuri? meyasa kika zaɓi karɓar laifin da baki aikata shi ba?da sauri Bintu ta kuma runtse hannun inno dake cikin nata,inno ta ciga da cewa,ba komaine yasa nakasa duban ki ba Bintu abu biyune, dalili na farko shine banaso na nunawa waɗanda suka saka miki sarƙa A cikin ɗakinki ban yadda ke kika ɗauka ba domin yin hakan shi zai basu damar cigaba dayi miki ƙullin da kowa zai iya tsanar ki koda kuwa Ni na yadda dake A banza wata rana abun zaiyi girman da ko Alhaji ba zai saurara miki ba,na biyu kuma shine tsananin kunyar ki kasancewar A cikin ahlina A kasamu waɗan da suka shirya miki wannan tuggun,amma wallahi Bintu ban taɓa zargin ki da zaki aikata wa wani ma mugun hali ba balle kuma Ni,Bintu ina ji A jikina ke ɗin wata fitila ce da tazo daga wata duniya dan haska mana abin da mu bama gani, dan haka ki saki ranki da zuciyar ki kici gaba da walwalarki Allah Ubangiji yana tare dake,sai dai ina mai sanar dake zaki ga canji A tare dani indai muna cikin jama'a saboda kawar da idon maƙiya A kanki!'wata kyakykyawar runguma Bintu tayiwa inno ta shiga sun batar ta tako ina tana cewa inno ilove U ina sonki da yawa ina yi miki son so inno, Allah ya barminke nasan idan ina tare dake bazaki bari hawayena su zubaba kece farin cikina garkuwa ta Allah Ubangiji yaja min kwananki domin kika ga ƙudurar Allah da idanunki!'A hankali inno tasa hannu ta sharewa Bintu hawaye itama tayi dabara ta goge nata ƙwallar kana tace"tashi kije Allah yayiwa rayuwarki Albarka!'Buntu ta amsa da Amin tana mai kuma sunbatar hannun inno,bayan ta fita inno tabita da kallon tausayi tana mai addu'ar Allah Ubangiji ya dafawa rayuwar Bintu baiwar Allah.

Kafin wani lokaci Bintu ta shiga walwalarta tare da ƙwarin gwiwar inno mace da babu kamarta A wajen ta sai dai kuma can ƙasan zuciyarta tana jin A kwai sauran abinda ya daƙile farin cikinta na samun yardar inno, tana jin kamar hanyanzu A kwai sauran yaddar datake nema, zuciyarta ce ta rayamata Rahima, a'a ba ita bace ta kuma canja tunani,can kuma ta kuma yin wani tunanin Hajiya Babba tabbas tasan Rahima ta gayawa Hajiya Babba komai dan haka dole taje ɓangaren Hajiya Babba ko dan gano matar datake matuƙar ƙauna,
cikin nutsuwa ta ɗauki ƙatan hijabinta ta saka har ƙasa kana ta nufi ɓangaren Hajiya Babba...


Fatima y Adam✍🏽
💕
*KUDURAR ALLAH* 💕

*NA*


*FATIMA Y. ADAM*





_____________________________________*

*🌈🇰AINUWA 🇼RITER'S✍🏼*
*🇦SSOCIATION🤝🏻*
```{United we stand and succeed;Our ambition is to entertain & motivate the mind of readers}```
https://www.Facebook.com/kainuwawritersassociation

*_____________________________________*



```Page 23 ```



Lokacin da tashiga falon inno babu kowa dan haka kai tsaye ta nufi hanyar ɗakinta,tana dab da shiga ɗakin taji daga bayan ta ance, wata satar kikazo ki kumayi A nan?da sauri ta juya Sayyid ta gani tsaye da alama yanzu shima ya shigo kamar ma ita ya biyo,ya tako ya ƙara so inda take, kana cikin san cimma wata manufa yace" dama zuwa kikayi na taimaka miki, da ki dinga yawan bin ɗaukar sarƙoƙin kakannin mu dan nasan yanzu ma zuwa kikayi ko zaki dace A nan tunda ta can ta suɓuce miki!'Bintu kallonsa kawai takeyi tana aiyanawa A ranta anya kuwa Sayyid baya daga cikin annobar gidan nan? to idan ba haka ba me tai masa meye haɗin ta dashi? meyasa ya uzzurawa rayuwarta? to lallai kuwa ya jawa kansa matsala domin tasaka masa ayar tambaya, tabbas da A kwai abinda zata iya samu ta ɓangaren sa Sayyid bai kai yayiwa kansa wani tanadi ba sai dai ayi amfani dashi haƙiƙa A kwai wani abu A ƙasa kuma da sannu zata bincikosa,yatsan sa yasa ya ƙyasta mata A kan fuska,bin hannun nasa tayi da wani irin kallo tamkar A cikinsa zata gano amsarta,murmushi yayi kana yace"kina tunanin yadda zaki samu kuɗi A gurinane? to indai wannan ne karki damu Ni ba matsala bace A wajena!'daddagewa tayi ta tattaro duk wani miyau dake cikin bakinta ta tofa masa A fuska tare da jan wani ƙaƙƙarfan tsaki tayi shigewarta ɗakin Hajiya Babba ta barshi tsaye yana binta da mugun kallo yana mai raya mugayen manufofinsa A kanta wanda babu wanda ya san manufar sai shi sai mai ƙudura da irada.


Cikin sallama ta shiga ɗakin,Hajiya Babba dake jera kayan guga A kwabarta, ta amsa fuskarta cike da mabayyanin farinciki tare da saurin A jiye kayan hannun ta ta janyo Bintu jikinta wadda take shirin duƙawa, cikin ƙaunar yarinyar Hajiya Babba tace"Bintu na ina kika ɓuya kwana biyu ina ta cigiyarki? Bintu tayi ɗan murmushi tana aiyana wa A ranta wato Rahima bata gayawa Hajiya Babba komai ba kenan, Hajiya Babba ta katse ta da cewa Bintu ki daina dogon tunani ke yarinyace mai ƙananan shekaru idan kika bari yawan tunani ya aure ki zai iya haifar miki da wata babbar matsalar dan haka ki manta da abinda ya faru Ni nasan bazaki taɓa aikatawa ba,tashi maza ki gaya min inno ta yadda da satar da aka laƙa miki? da sauri ta girgiza kanta yayin da ƙwallar ƙaunar bayin Allan nan take ƙoƙarin zubo mata, Hajiya Babba tace"a'a Bintu bana son kuka fa ai komai ya wuce,zan cigaba dayi miki addu'ar neman tsari daga sharrin dake cikin gidan nan insha Allah babu abinda zai sameki kema ki dage da addu'a kinji? Bintu ta rungume Hajiya Babba amma takasa furta komai a kan harshen ta,wani littafi Hajiya Babba ta janyo dake kusa da ita ta miƙawa Bintu tare da cewa, karɓi wannan Bintu zai tai makeki duniya da lahira,Bintu ta karɓi littafin tana duba sunansa DA HAKA NA GAGARA shine sunan littafin,Hajiya Babba tace"kije ki duba kiyi wata addu'a tana nan A shafi na goma sha tara sunan addu'ar GAYAWA JINI NA WUCE bazan gaya miki komai ba sai kinje kin gwada Allah Ubangiji ya taimaki rayuwar ki!'Bintu ta buɗe baki zatayi magana sai ga Rahima ta shigo da sauri tazo ta rungume Bintu, tana cewa dan Allah Bintu ki gafarceni nayi nadamar abinda da aikata miki saida Hajiya Babba ta fahimtar dani san nan hankalina ya dawo jikina dan Allah kiyi haƙuri!'Bintu tayi murmushin ta mai sanyi tanajin farin ciki har cikin ranta ta kuma samu salama cikin zuciyar ta, tace"Anty Rahima na fahimceki!'tura baki Rahima tayi ta harari Bintu tare da cewa, ai gashi nan kin rama tunda kince min Anty!'dariya suka saka gaba ɗaya kana suka fita suka nufi ɓangaren inno.


Duk da haka dai wannan abin yana zaune cikin ƙasan ranta,tanaji har yanzu A kwai wanda yayi saura ya fahimceta,tanajin rashin daɗi can ƙasan zuciyarta ɗan tura bakinta tayi cikin gunguni tace"shi wannan miskilin bazai yi maka alama ba kuma bazai fahimtar da kaiba,ji tayi kamar zatayi ƙwalla saboda bata sani ba ko kallon ɓarauniya yake mata,ko shima ya fahimceta oho,wata zuciyar tace da ita ya fahimceki kawai bazai nuna miki ba saboda karkiyi farin ciki,ɗan murguɗa ƙaramin bakinta tayi kamar yana ganinta,to ma meyene ta wani damu yaje can da halinsa tunda inno da Hajiya Babba da Rahima sun fahimceta to ai bata da wata sauran damuwa.


Duban samuyal Abdallah yayi kana ya nuna masa gidan da yake ɗan nesa dasu yace"inaso nasan wan can gidan na waye kuma suwaye suke zaune A cikin sa?samuwal yace"don sir!: kana ya kuma cewa daga yau zuwa gobe nake buƙatar komai!'daga nan Yahya yaja motar, ɗan juyowa yayi yace sir ina muka nufa asibiti ko gida? yace"office ɗin sirri!' ok sir"



Baba nura ya dubi Alhaji Salisu kana cikin tashin hankali yace,me mutanen nan suke nufi ne Salisu? kaga fa yaron nan ashe jami in sirrine, Alhaji sama ila ya ɗan ciza yatsa kana yace kun san abinda nayi tunani?gaba ɗaya suka zuba masa ido suna sauraren sa, ya ɗan ja ajiyar numfashi kana yace" inaga fa leƙen asiri yaron nan yazo yi!"Alhaji rufa'i (Babban yaron Alhaji Balarabe dake zaune akano yana auren sakina ƴar wajen Hajjah)takanas yazo har A buja saboda wannan zaman da zasuyi,gyara zaman sa yayi kana cikin nutsuwa ya fara magana,Ni ina ganin ba wannan dalilin ne ya kawoshi ba akwai dai babban dalili ta can ɓangaren Alhaji jafar!' wannan karon Alhaji Salisu ne yayi magana yace"duk abinda muke bibiya har yanzu bamu kai gacin nasarar tafiyarmu ba Ni dai aganina kama ta yayi mu maida hankali kan abinda ke gabanmu!'Alhaji Sama'ila yace tabbas maganarka haka take yanzu munajiran baya nai ne daga gurin Baffa Hashir daga nan zan bawa su ligidi aikin zasu yi shi batare da matsala ba!'


Dady jafar, ya kalli Abdallah tare da cewa yanzu wa kake gani acikin ma aikatanka mata zaka danƙawa ragamar shiga rayuwar Alhaji salisu? Abdallah yace" Dady Anty Samira zan dan ƙawa aikin nan saboda kaga ita bazawarace kuma tana da hikimar aiki zamu tura ta wajen Alhaji Salisu,nasan zata ɗauko mana dukkan bayanan da muke buƙata!' yauwa Alhamdulillah masha Allah,sai kuma batun Dadinku Mansur!' A hankali Abdallah ya ɗan kwantar da jikinsa,kana cikin nutsuwa,yace" Dady wannan bana ta tashi,Dady yace" ya kamata kasaka yariyar nan cikin tafiyar nan zata iya yi mana amfani!' runtse idanunsa yayi yana hango rigimammiyar fuskarta,can ya ɗan nisa kana yace"rabu da ita rigimammiya ce!'murmushi Dady yayi batare da ya kuma tankawa ba.


Wani irin shaƙurar ran kallo momy abigirl take bin Ayoyah dashi, tanason cewa wani abu amma ta kasa saboda maganar ta maƙale mata,can dai ta samu ta haɗiyi wani kakkauran miyau kana cikin tashin hankali tace"Ayoyah me kike nufi da wannan zan can naki? Ni kike sanarwar cewa ba gidan tiraning David ya kai Fatash ba? Ayoyah cikin tabbatar da zancanta tace"Abigirl banzo miki da maganar nan ba sai da na gama bincike, na kuma tabbatar da abinda naji kuma na gani, tabbas Abdallah yana ESTATE ɗin ALHAJI BALARABE,yana can yana rayuwa cikin musul mai yana kuma addininsa na Musulunci,hannu Abigirl ta ɗora aka ta kurma wani uban ihu, wayyo shikenan tawa taƙare asirina yana gab da to nuwa!'tashi tayi da gudu kamar mahaukaciya sabon kamu, sama ta haye bata tsaya ko ina ba sai tsakiyar ɗakinta zubewa tayi tana faman juya kanta ta rasa inda zata saka kanta saboda tsananin tashin hankali lallai idan batayi wani abuba, watan tonuwar asirinta yayi gashi nan garin neman gira zata rasa ido har da hanci da baki,zuface take keto mata ta ko ina, Abigirl tana cikin tsaka mai wuya me yasa David zai mata haka me yasa zai ci amanarta? ƙirjinta ta dafe da ƙarfi A yayin da wani tunani ya shige ta kaddai David ya gano sirrin da saninsa yake dai dai fansar rayuwar ta ?kai bai gano ba tabbas da ya gano da tuni sun daɗe da aikata lahira shi da Abdallah,to yanzu me zatayi dan cigaban rufuwar wannan mur ɗaɗɗen sirri? wani ɓangaren na zuciyarta yace mutuwar Fatash (Abdallah)runtse idanunta tayi ta na mai juyayin wannan shawara,idan kuma batayi hakan ba tabbas reshe zai juye da mujiya mutuwa biyu ce zata tabbata akanta,miƙewa tayi har zata fita sai kuma ta dakata ta ɗauki wayarta da mukullin mota ta fita.

Yau tsawon kwanaki biyu kenan yana gwada zuwa wajen amma sai ya kasa shiga ɓangaren to wai meyasa hakane? hakan yana nuni da lallai an kewaye gurin da manyan sirrika,tunda ya auna ya gani kuma ya ankare tun da yazo gidan bai taɓa ganin wata halitta ta kusanci gurin ba,sai dai wannan inuwar da yake yawan gani lokaci lokaci,to ya akayi wannan matsoraciyar yarinyar take iya tun karar wajen? meye tare da yariyar nan ne? ko dai ta bakin Dady jafar ne dole sai sun sakata cikin wannan mugun haɗarin,anya baiyi ganganci ba idan yasaka Bintu cikin haɗarin gidan nan ba? to meyasa yake tsoron sakata bayan itama tana da burin tai makon ahlin gidan?to amma dai dole ya nutsu yayi tunani akan al'amarin.


Gaba ɗayan su yau suna cikin ƙungurmin dajin da ko tafin hannun su basa gani, sai dai dake shu'umai ne su wannan shine cigaba agurinsu cikin gidan kansa din ɗin yake babu abinda kai baƙo zaka gani amma su dake sun san kansu da sirrinsu basu da wata da muwa da hakan, wutace A tsakiyar su take ci tamkar za'a babbaka mutum, wannan wutar itace idon su, dukkanin su sunyi tsit dagani zaka san cewa wani muhimmin aiki sukeyi wanda da gani yana basu wuya,cikin wata kakkausar murya shugaban nasu yace"nanu Akwai babbar matsala tunda har muka kasa hana kifanyan nan tun karar ɗakin iko,munyi nasara a kan kifin babu yadda zaiyi ya iya tsallaka wurin nan,kai ko tsuntsu ne yazo giftawa ta saman ɗakin nan sai ya fado ƙasa matacce,yanzu tashin hankalin mu kawai wannan fitinanniyar kifanyar,mafita ta ƙarshe itace..banji me sukace ba saboda ba da Yaren da nakeji yayi magana ba,daga nan kowa ya ɓace da ɗamarar sa ta fara yaƙi.


Gudu take sheƙawa kamar zata tashi sama har ta kusa dan gana da inda zata, sai kuma taja wani uban burki wanda saura ƙiris ta angije wani me napep bata kula da zagin dayake antaya mata ba ta gangara gefe tayi fakin wayar ta dake ta neman ɗauki ta raruma,ta can ɓangaren cikin muryar ƴan daba akace mata Mr Devid ya akayine naga kiranki Ina cikin ɗaukar saiti!'ajiyar zuciya ta saki kana tace"


Fire kana inane yanzu ina kan hanyar zuwa tsangayar ka!' yasa wata shegiyar dariya mai ban haushi, kana cikin maganarsa ta maye yace"hajjaju kenan kin so dakar gurbi saboda Ni yanzu bana Abuja na tafi ƙaddamar da ɗan wani aiki amma ba zan jima ba ki bani sati biyu kawai on my way!'momy Abigirl taja dogon numfashi kana tace"shike nan Fire Amma naso kana kusa saboda aikin na gaggawa ne amma babu damuwa zan jarraba wasu hanyoyin kafin dawowarka!'yauwa hajjaju sai nadawo ɗin!'kifa kanta tayi jikin sitiyarin tana maida numfashi,sai da ta ɗauki wasu ƴan mintuna kana taja motar A hankali kamar ba ita ta gama sheƙa gudu ba,


Can cikin baccinta taji kamar motsi ta bayan ɗakinta har ma da sautin magana ƙasa ƙasa,cikin sanɗa da san cire tsoro ta tashi ta nufi jikin window A hankali ta manna kunnenta, abinda taji ana faɗa shiya matuƙar tayar da hankalin ta zama tayi daɓar aƙasan ɗakin yayin da zufa take yanko mata ta ko ina tamkar babu fanka A ɗakin,kafin kace meye idanunta sun jiƙe jagab da hawaye,yadda taga rana haka taga dare sai dai bata bari daren ya tafi abanza ba saida ta rayashi da kiyamul laili.


Cikin mutuwar jiki ta gama haɗa masa karin kumallo,sai da ta gama komai ta jera,kana ta samu guri ta raɓe kamar munafuka,bata motsa daga inda take ba har ya dawo daga motsa jiki ya shiga ya shirya ya fito tsaf dashi tamkar wani fure sai ƙamshi yake zabgawa,sumar nan ta kwanta tayi luf sai ƙyalli takeyi, nan ma dai yayi mamakin ganinta amma sai ya share ta ya nufi dining,har ya gama karyawa bata tashi ba sai dai ido datake binsa dashi,ɗaki ya koma ya ɗauko jakarsa ya fito,zuwa yayi ta gabanta zai wuce, tayi saurin tashi tasha gabansa,idanunta cike taf da hawaye,tsayawa yayi yana kallonta cike da mamaki,har zai kuma wucewa sai kuma ya dakata jin ta biyoshi cikin ƙosawa da ganin yanayin da take ciki yace"lafiyarki kuwa? cikin kuka tace"karka fita zasu kasheka wallahi naji da kunnena suna faɗa jiya ta bayan ɗakina!'wani kallo yabita dashi kana A hankali ya taka ya koma ya zauna cikin kujera dubanta yayi da lumsassun idanunsa kana cikin taushin murya yace"zonan!'cikin sanyin jiki ta ƙara so inda yake ta durƙusa,A gabansa cikin nutsuwa sai dai fuskar nan a haɗe take ka tamau babu alamun ya taɓa sanin yadda ake murmushi,yace" ina jinki ki nutsu kiyi min bayani banason bana son hawayen Nan!'

Samu tayi ta dai dai ta nutsuwar ta da ƙyar kana tace"jinayi suna cewa za'a sace tayar motarka da zaka fita da ita kuma ina tunanin sun sace"saboda alokacin umarni ake badawa da aje a sace!'cikin san tabbatar wa, yace" zaki iya shaida muryoyinsu?girgiza kanta tayi tare da cewa Ni ban taɓa jin muryoyin ba!'jin jina kansa yayi tare da cewa tashi ki tafi!'ɗan kallonsa tayi amarairaice,kamar zata fashe da kuka,bai ce mata komai ba ya ɗauki