You Cannot Download this book untill you login but you can read it .

---

Login Register

kira su ku gaisa ki bama Maryam itama."

Momy tace, "to Allah ya kaimu.",
A nan kuma ta sauya alaƙar maganar nata da tambayar sa, "meyasa bazai bari Maryamu ta tare tun yanzu ba tunda yarinyar ba wata ƙarama bace sosai? Ta ishi SHAREEF su zauna lafiya a haka, saboda maganar ma Doctor da ya faɗa musu hakan zai fi, kar kuma a zo abun ya ci gaba daga baya ya fi ƙarfin sa ya faɗa halaka."

Numfashi Dady ya ja bayan da ya ajiye coffee din da ya kurɓa, tare da cewa, "nima nayi tunanin hakan, but kinga duk da haka Maryam ƙaramar yarinya ce, just she's 15years, kuma tana da son karatu sosai na kula da hakan, abun da yasa ma ta yarda ta biyo mu kenan, shi kuma auren da aka yi mata don Mahaifinta ya fi ƙaunar ta tafi da auren ta ne that's the reason da na yanke wannan hukuncin, duba da yanda doctor ya faɗa mana matsalar da ke damun SHAREEF, ba hakan kuma zai sa mu tauye wa yarinyar haƙƙin ta bane, Ni ina ga ta zauna a wurin mu ta soma fahimtar rayuwa da abun da ya kamata da ita before a kaita ɗakin Miji, yana da kyau ta samu ilmi since kinga yanda SHAREEF yake, zai iya bamu matsala musamman idan ya ganta ƴar ƙauye ce, kin san halin sa tunda mu muke zaune da shi, don haka gwara ta soma zama da mu for some time, ke ma ki riƙa koya mata wasu abubuwan da kuma abun da SHAREEF yake so, and kina kula da shi shima yanda ya ɗauki yarinyar, in kinga akwai kyakkyawar fahimta a tsakanin su fine, zamu iya ba shi Matarsa su zauna a gidan nan, before zuwa wani lokacin sai ya zaɓa gida daga cikin gidajena su koma."

Murmushi Momy tayi da cewa, "shawara mai kyau Dadyn mu."

Hakan ne yasa shima Dadyn yin murmushi yace, "yana da kyau ke ma ki bada taki gudummawar fa."

"Insha Allah, kar ka damu, Maryam ai ƴata ce, kuma a yanda nake neman ɗiya Mace Allah bai bani ba, sai ga ta a yanzu na same ta cikin sauƙi, dole zan riƙe ta kamar Ni na haife ta, don haka zuwa gobe ma zamu shiga kasuwa sai nayi mata siyayya, fatan mu dai Allah ya haɗa soyayyar su abun farin cikin kenan."

"To ai jini ba wasa ba, ko babu komai Maryam jinin sa ne bazai taɓa ƙin ta ba, nima ina ga zuwa jibi zan sa SHAREEF ɗin ya kaita school ɗin Doctor a yi mata komai a can, inyaso zuwa Monday ta fara karatu, zan kira Doctor ɗin ma muyi magana cuz makarantar ya fi min, ana koyarwa sosai, kuma kinga har da islamiyya a can."

"Lallai ƴata ƴar gata ce, I enjoyed this topic, Allah yasa hakan shi ya fi alkhairi."

Dady ya amsa mata cikin fara'a yana ƙoƙarin rufe jaridan hannunsa, sabida jin ana kiran sallah

Ita kuma sai ta dauki farantin da ta daura masa coffee a sama, duk da bai shanye ba kurɓa biyu kacal yayi, sai ta fice dashi a ɗakin ganin yace mata, "bari ya shiga toilet yayi alwala, ta wuce dashi kawai ya gama."

Tana sauka ƙasa ta ga Maryamu kwance a kan kujerar tana ta kallo, "ah ah daughter, ke kaɗai ce? Ina Sadiq ɗin ya tafi?"

Da sauri Maryamun ta tashi zaune, tana kallon Momyn da cewa, "Momy ya shiga ɗaki zai je yin alwala."

"To shikenan, ke ma taso ki je kiyi sallan tunda an kira, ki je ɗakin naki da na nuna miki ki yi sallan a can."

Tashi Maryamun tayi after ta amsa mata, sai ta nufi ɗakin da saurin ta

While Momy ta bi ta da kallo tana murmusawa, sai kuma ta juya ta nufi kitchen zuciyarta tana bijiro mata wasu tunanin na daban.
*** ***


          Tunda ya shiga ɗaki, kwanciya yayi a saman gadon ko cumbas ɗin ƙafafunsa ya kasa cire wa, idanunsa a lumshe sai sauke ajiyar zuciya yake. Ya ɗauki good 10mint a haka before ya ɗago yana faman yatsina fuska da taɓe baki, alamun gajiya ce tsantsa da yunwa da ya ci ya cinye sa, shiyasa har yana jin gefen cikin sa ya soma ƙulle wa yana mishi ciwo kaɗan-kaɗan. Hakan ne yasa yayi ƙarfin halin soma yunkurin zare cumbas ɗin daga ƙafafun sa, sai da ya cire su gaba ɗaya sannan ya zuge necktie na wuyan sa ya zazzago da shi, sai da ya kwance agogon hannunsa sannan ya cire suit ɗin yana mike wa ya nufi toilet, takalman da ke bakin ƙofan ya zura a Zara-zaran ƙafafuwan sa farare ƙal kamar zasu tsillo jini don haske da tsafta, ya shiga cikin toilet ɗin ya soma kwarara ruwa daga saman sa har ƙasa batare da ya cire sauran rigunan jikinsa ba, sai da ya jiƙa kansa da ruwan sanyi ya ji sanyi ya ratsa mishi ƙwaƙwalwa da jikinsa, wanda har tsigan jikinsa tashi suke yi tsaban sanyin ruwan, yayinda shi kuma sai faman cije laɓɓa yake yi idanunsa a lumshe. Ya ɗauki like 5mint a haka before ya tuɓe ya silla wanka kamar zai canza halitta, ko kaɗan bai damu da lokacin Sallah da ta shiga ba. Sai da ya gama tsab sannan ya yi alwala ya fito ɗaure da towel, ɗaya kuma a kansa yana goge suman kansa. A bakin mirror ya dakata yana kallon kansa yana goge jikinsa, sai da ya tabbatar ya tsane jikinsa sannan ya ɗibi lotion a hannunsa ya soma shafa wa, after ya gama ya feshe lungu da saƙo na jikinsa da turaren jiki masu sanyin ƙamshi. Ya ɓata lokaci yana abu ɗaya wajen gyara suman kansa tare da ƙalƙale jikinsa kamar bazai taka ƙasa ba, don ma wai cikin sauri yake yin komai kasancewar ya ji har an fito sallah, shiyasa ya dakata ya koma ya ciro farar jallabiya ya saka a jikinsa, itama ya feshe ta da turaren sa me shegen ƙamshi, wanda ta game ɗakin gaba ɗaya, komai nasa irin ƙamshin ne already ya bi jikinsa da komai nasa, sai da ya gama sannan ya fice, ta ƙofan baya ya bi ya sauka ƙasa ta corridorn da ɗakin Maryamu yake, ya bi ta wurin ya fice ta wata ƙofan ya nufi Masjid.
***

       Su kuma suna falo dukkan su. Dawowar su Dady kenan yake tambayar Momy, "wai ina SHAREEF ɗin ne? Ya ga motansa a waje ya dawo but bai je masallaci ba?"

"To ai Ni ban ma san ya dawo ba, tunda bai fito ba." Sai ta kalli Sadiq tace, "Sadiq duba sa a ɗaki ko wani abun yake yi."

"Ok Mom." Ya furta yana miƙe wa ya nufi upstairs ɗin

Bai jima ba ya dawo yace musu, "ina ga ya fita fa, don ba shi a cikin ɗakin."

Sai Momy ta kalli Maryamu tace, "da kika fito falo kinga Wani ya fita ne?"

Girgiza kanta tayi tace, "a'a Momy, ban ga kowa ba."


"Ok, maybe, ya fita ta ƙofan baya ne, ba shi da gaskiya ne." Cewar Momy tana kaɗa kai, don ta san halin sa sau da dama hakan yake yi musamman in ba ya son su ganshi suna zaune a falo, ko zai fita batare da sanin su ba ko kuma an yi sallah har an idar bai je ba.
[22/01, 1:31 pm] OumƊahirah نفيسة: 🌱🌱🌱🌱🌱

          *SHAREEF*
              _SexyBoy_
🌱🌱🌱🌱🌱


_Writer: Nafisat Isma'il Lawal_
_Wattpad: UmmuDahirah_

   *SARAUNIYAR TSOKANAR PERFECT🧝*



*PERFECT WRITER'S ASSOCIATION* 🌞

```( WE AIN'T PERFECT, BUT WE'RE ALWAYS TRYING OUR BEST TO MOTIVATED AND ENTERTAIN OUR REDERS💪)```

/https://www.facebook.com/Perfect-writers-association-100452275039839/

       *P.W.A✍️*





*DATA SHARE*

Call, message or whatsap 07065334256

*MTN*
500MB 150
1gb 280
2gb. 560
3gb. 840
4gb. 1120
5gb 1400
6gb. 1700
Verlid for 30 days.












__________
*BOOK1*
_______________*FREE PAGE13*
                  SHAREEF bai dawo ba sai da aka yi sallan isha'i sannan suka shigo da su Dady

Lokacin su Momy su ma suna falo ita da Maryamu, sai labari Maryamun take bata don tuni ta saki jikinta kasancewar ta mai saurin sabo, sai zuba wa Momy labarin ƴan gidan su take yi itama kuma tana shan dariya

Shigowar su ne yasa suka dakata, bayan Momy ta amsa musu sallaman sai ta bi SHAREEF da kallo; da ke ƙoƙarin wuce wa kansa tsaye wajen dining, daƙyar ma yake tafiya tsaban yanda yake jin jikinsa babu ƙarfi, ga zafi da cikinsa ke masa hakan ne yasa shi kama gefen cikin nasa. Momy da ke kallon sa ganin yanayin nasa sai tace, "SHAREEF lafiyan ka kuwa?"

Juyawa yayi ya kalle ta, sai suka haɗa ido da Maryamu da ta kafa masa na mujiya kamar zata cinye sa ɗanye, hakan ne yasa ya haɗe rai yana duban ta sosai, kafin a hankali ya furta, "Mom lafiya."

"Anya? Kuma kake riƙe ciki?"

"Wai wannan yarinyar aina ku ka samo ta ne take bin mutane da kallo kamar wata mayya?" Yayi maganar cikin ƙunan rai ganin yanda Maryamun ta ƙi ɗauke ido a kansa tamkar ma ta manta da kallonsa take yi, ta tafi wata duniyar tunanin

Dady ne yace, "mayya kuma SHAREEF? Ƴar uwanka ce fa."

Itama Momy sai tace, "to laifi ne don ta Kalle ka? Kai da wanne idon ka ga tana kallon ka?"

Ɓata fuska yayi yana dauke kai, sai ya nufo wurin su kuma ya zauna ya fasa zuwa kan Dinnig ɗin, idanunsa a kan Dady yace, "Dady, welcome back from the trvl, ina tsaraba na?"

Dady na murmushi ya Kalle shi yace, "bayan ka ƙi bin mu kuma zamu baka tsaraba? To ga tsaraban nan na kawo maka Ƙanwarka zata zauna da mu a nan, zata yi karatun ta nan, sunan ta Maryam."

Maimakon SHAREEF ya furta wata magana a kan abun da Dady yace, sai ya kawar da kai yana ciccije laɓɓa, kamar zai yi kuka kuma ya kalli Momy yace, "Mom yunwa nake ji."

"Subhanallah... Kenan baka ci abinci a wurin aikin ba ko? Don na san halin ka dama?"

Tura baki yayi yana narai-narai da ido

Momy ta kalli Maryamu da har yanzu take bin SHAREEF da ido kamar zata zalalar da yawu, ya mugun tafiya da imanin ta don ji take yi tamkar ta haɗiye sa, Allah bata taɓa ganin wanda ya taɓa mata kyau da burge ta a cikin rayuwarta irin SHAREEF ba, ji be yanda yake shagwaɓa like a small boy, har tunani take yi a ranta, "dama manya na shagwaɓa ne? Ko kuma shi wannan ne daban da saura?"


Momy ne ta taɓo ta tana cewa, "Maryam, tashi ki je ki ɗibo ma Yayanki abinci a saman Dinnig ki kawo mishi."

"No Momy, ita ce zata ɗibo min abincin?" Ya furta maganar yana ware madaidaitan idanun nasa a waje; cike da sanyin muryansa da ta ƙara low daƙyar yake iya furta zancen ma

"To mene ne a ciki don ta ɗibo maka abinci SHAREEF? Ban son fa iyayi a nan; ƙanwarka ce." Momy tayi maganar tana hararansa

Shi kuma sai ya ɓata rai yana miƙe wa da sauri ya nufi wurin dining ɗin batare da ya sake magana ba, don a yanda yake ji ba ya jin zai iya magana mai ƙarfi, kuma ga haushin yarinyar nan da ya cika sa, kallon fuskarta ma tayar masa da zuciya yake yi bare ya ga sun haɗa ido, gaskiya akwai matsala in wannan bak'ar yarinyar mai fuskar Mage a gidan su zata zauna. He hates useless things in his life, ko meye na kwashe-kwashen abar nan oho? Sai ya ja guntun tsaki yana ƙara haɗe rai tare da zama a saman dining ɗin. Batare da ya sake kallon inda suke ba ya ɗaga murya a hankali yana kiran Sadiq

Hakan ne yasa Sadiq ya miƙe ya nufi wurin da saurin sa yana amsa mishi

While su Momy kuwa, basu yi mamakin abun da SHAREEF yayi ba, tunda akwai shi da tsantseni dama. Ko masu aiki shi ya hana a kawo su gidan sabida ya dinga hantarar su kenan kamar ya ga kashi, ba ya ƙaunar ya ga wasu sun raɓe su koda ƴan uwansu ne ba ya son baƙi a gidan

Ganin akwai Maryamun a wurin shiyasa basu yi wata magana ba, sai ma Momy da ta koma tambayar ta tana cewa, "ta ci gaba da bata labarin kauyen nasu."

Kamar jira take yi kuwa, ta buɗe baki ta ci gaba da bata labari

Dady cikin barkwancin sa yace, "shikenan ma kin samu ƴar taya hira babu ruwan ki da rediyo."

Dariya suka yi gaba ɗayan su. Har Maryamu tana ɓoye fuskarta wai ta ji kunya ta liƙe idanu

Dady yace, "to a fara kawo min abinci nan mu ci da ƴata before a ci gaba da bamu labarin, ai yau bamu ba kunna TV."

"Kamar ka sani kuwa Dadyn Yara, ai Ni yanzu sharr abu na; na samu ƴar taya hira, kallon ma mun dena yanzu, tana nan tana bani labarin ƴan ƙauyen su."

"Ai nima sai a yi dani ko Maryamu na?"

Ta washe baki tana cewa, "eh Dady."

"To bari Momy ta kawo abinci idan mun gama sai a dasa sabon labarin."

Momy ta tashi ta nufi wurin dining ɗin. Lokacin har Sadiq ya gama zuba wa SHAREEF nashi abincin, sai ya soma zuba nasa. Momy da ta iso wurin sai ta ja kunnen SHAREEF ɗin tana cewa, "SHAREEF ban san lokacin da zaka girma ba wlh, dayake ba ka jin magana ɗazu ana kiran sallah but ka ƙi zuwa sai da aka idar ko?"

"Momy wa ya faɗa miki?" Yayi maganar yana narai-narai da ido

"Ƙaniyar ka ta faɗa min, ai na san halinka tunda ka bi ta baya baka fito ka tafi sallah a kan lokaci ba, kuma wlh zamu sa kafar wando ɗaya da kai tunda sallan ne ka mayar abun wasan ka."

"Momy wlh ban dawo da wuri bane, kuma na tsaya yin wanka that's why ban je nayi sallan da wuri ba."

Ranta a ɓace tace, "to dole ne kayi wankan After you see it's prayer time?"

Shiru SHAREEF yayi yana duƙar da kai

"Ka kiyaye Ni fa, ba na son wannan shirmen, idan ka je ka haɗu da Allah mai zaka ce mishi? Sallan ne zata zama abar wasan ka? Kar ka kuma aikata hakan, in ba haka ba zaka ga ɓacin raina." Ta janye hannunta a kan kunnen nasa tana ɗaukar plate ta soma zuba abincin

Dady yana jin su amma bai ce komai ba

Ita kuma Maryamu idanunta a kansu tana mamakin yanda Momyn take masa faɗa, babba kamar sa ana yin masa faɗa shiyasa ta ji mamaki tunda bata saba gani ba, har zuciyarta kuma sai ta ji tausayin sa ganin yanda yayi ya sunkuyar da kansa, "da alamu ƙila ya ji zafin kama masa kunne da tayi ne?" Take hasashe a ranta har da riƙe nata kunnen

Momy ne ta iso wurin da abincin, tace mata, "ta sauko su ci."

Shine dalilin da yasa ta dena saƙa da warwaran da take yi a ranta tana sauko wa. Abincin take ci but gaba ɗaya hankalin ta da tunanin ta suna a kan SHAREEF, jefi-jefi tana ɗago kai ta duba inda yake

Shi kam bai ma san tana yi ba tunda ba ya facing wurin da take, tuni ma ya manta da abun da ya faru since ba sabon abu bane a wurin sa in dai faɗan Momy ne, da yana jin magana ma baza a kai har wannan lokacin ana maimaita masa magana ɗaya ba, kullum sai an ji su da Momyn tana masa faɗa sai ka ce shine ƙaramin Yaro a gidan, kullum da laifin da yake yi, shi har ya manta hankalin sa yana a kan wayansa yana chart da rabin ransa. Sai zuba murmushi yake yi

Sadiq tuni ya gama ya koma Falon wurin su Momy

Yanda chart ɗin sa yayi daɗi bai san adadin lokacin da ya dauka a wurin ba, sai da ya ji muryar Dady yana cewa, "wai SHAREEF baka san dare yayi bane kake zaune? And you know you have work tomorrow?"

Ɗago kai yayi, sai kuma ya miƙe yana zura wayan a aljihu tare da yin miƙa ya nufi wurin su. Tunda ya ɗaura idanunsa a kan Maryamu da ke barci a saman Cerfet, sai ya ɗauke kai yana yatsina fuska. "Dad. We will talk about the Company. Gobe zamu yi zama a kan gwangilar da nace maka zamu amsa."

"Ok. Did you stop talking? Kun samu daidaituwa da su ne?"

"No Dady, amma gobe za a ƙarƙare since zasu zo Company, maganar ta ƙi ƙarshe but da yiwuwar gobe in sun zo everything will finish. Amma ina tunanin mu zasu siyar wa da gaba ɗaya hannun jarin."

Dady yace, "Masha Allah, haka nake son ji ai, Allah ya kaimu goben lafiya, na so in zo amma kuma gobe nima akwai inda zan je, i know zaka iya ne shiyasa na baka Companin nan ka tafiyar da shi yanda ya kamata SHAREEF, don haka ka jajirce, wannan ba kwangila bane na wasa. Allah ya bada Sa'a."

Daga Momy har shi suka amsa a tare

"Since ka ga ɗan uwanka kaɗan ya rage ya kammala, sai ya zo ya dafa maka ku ci gaba da yi, tunda Yaran nawa Jarumai ne izuwa yanzu ma ya kamata in sakar muku komai in dena fita." Ya ƙare yana dariya

Shi kuma SHAREEF murmushin gefen baki yayi yana ɗan motsa ƙafafu tunda yana tsaye ne, sai kuma yace,"Dad, Mom, zan kwanta sai da safe."

Momy tace, "af! Zo ka ɗauki Maryam ka kaita ɗakin ta tunda tayi barci, dama neman mai ɗaukar min ita nake yi."

"What! But you are kidding, Mommy?in rasa wacce zan ɗauka sai wannan ƙazamar?"

Baki suka saki gaba dayansu suna kallon ikon Allah

Yayinda Momy ta nuna ta da yatsa da cewan, "ƴar uwanka ce ƙazama? Ko don ka ga daga ƙauye ta fito?"

Buga ƙafafu ya soma yi yana faɗin, "Mom I can't gaskiya. I feel sleepy, I went to the room." Ya wuce abun sa har da wani sakin guntun tsaki cikin ƙasa da murya yake furta, "This useless girl, he will take her to the room? Never. And I hate her!" Da gudun sa ya taka steps ya wuce dakin sa

Yayinda Dady yace, "da alamu wannan Yaron naki akwai taurin kai, sai kin yi da gaske fa."

Momy cikin rashin jin daɗi tace, "Allah ba abun wasa bane wannan, zan taka mishi burki tunda nema yake yi ya zama bauɗaɗɗen Mutum, bazan ɗauki wannan sakarcin na SHAREEF ba, ko baka ga abun da yake nuna wa a kan Maryam bane?"

Dady yace, "na gani Deeja, amma ki yi masa uzuri since yau ta zo gidan, a hankali zasu saba, duk wani abu da ya shafe ta yanzu shi zamu ɗaura a kai, a hankali zai saba da ita, kin san halin ɗan naki, yanzu ɗauke ta ki kaita ɗaki mu je mu kwanta dare nayi."

Tashi Momy tayi ta soma ƙoƙarin ɗaga Maryamu. Ai kuwa sai ta tashi nan take tun kafin ma ta ɗaga ta, sai dai cikin magagin barci take, Momy ta riƙe ta tana ce mata, "su je ɗaki ta kwanta."
Bin Momyn tayi wacce ta riƙe ta tunda bata gama warware wa daga barcin ba. Suna shiga dakin sai ta kwantar da ita a saman gadon, ta rufe ta da bargo sannan ta fita after ta ja mata ƙofan

Ganin babu Dady a falon shiyasa itama ta haura sama.
***
      

          While SHAREEF yana shiga nasa ɗakin, maganin sa ya soma sha sannan ya sauya kayansa zuwa na barci, ya haye kan gado yana lumshe idanu, duk barci ne sosai a idanunsa but bazai iya ba dole sai yayi chart da Haseena. Ba ya jin ƙarfi sosai a jikinsa That's why he couldn't call her, he went online, and they continued to chat.


          The following day after ya tashi around 09:00am. Kasancewar ya makara sosai since bai samu barci ba a daren jiya, shiyasa bai ɓata lokaci ba wajen shirya wa cikin kayan sa na suit wanda koyaushe da su yake zuwa wurin aiki, shigansa kenan in har aiki zai je, yau kuma sai ya saka jan suit riga da wando, tare da farar riga mai dogon hannu a ciki, kayan sun amshe sa ƙwarai tunda farin Mutum ne, ga haiba da kamala gami da kwarjini da Allah ya zuba mishi, tsab ya feshe jikinsa da performers masu tsananin ƙamshi da ratsa zuciyan wanda ya ji, sai yayi using da white cover shoes and wrist watch. Ya gyara suman sa duk da ba gashi ne dashi ba yana aske wa, iyakan na gaban tare da siririn saje yake iya bari, zama yayi a saman gadon ya buɗe wayan sa. Nan kuwa messages suka soma shigowa cikin wayan, bai duba kowanne ba sai na Haseena wacce ta tura masa na good morning, yana smile nasa mai burge wa yake mayar mata da reply. Abun da ya rubuta kawai.

"If you wake up in good health, keep in mind that I am also in good health. idan kina lafiya tamkar ina lafiya ne, damuwar ki shi ne damuwata, Take good care of yourself, I will call you later."

Sai ya saka emoji na tsananin kewarta da ƙaunarta, yayi mata send yana cije leɓen ƙasan bakin sa, kana ya lumshe idanu tare da shafe gefen sajen sa zuwa gemun sa, ɗan sosa wa yake slowly still idanunsa a rufe ruf, shi kaɗai ya san me yake ji a wannan lokacin, bai san meyasa yanzu yake matuƙar bukatar auren su da Haseena ba fiye da baya, sai dai kuma ba ya son ɓata mata rai bare ya furta mata abun da bata so, but yana ganin kamar bazai iya jure har tsawon 2yrs yana faman jiranta sannan suyi aure ba, no bazai iya ba, dole ya san me zai yi, dole zai yanke hukunci koda aure ne su yi ta koma can ta ci gaba da karatun ta, inyaso duk sanda yake buƙatar ta sai ya je can ya same ta

Kawo nan a tunanin sa, sai ya buɗe fararen idanunsa masu madaidaitan girma da kyawu, ya zuba su a jikin bangon ɗakin yana faman murmushin sa mai kyau wanda ba kasafai ya cika yin sa ba, haka kawai yake jin farin ciki a ransa, ya tabbata in three months zasu iya samun hutu, idan ta dawo zasu zauna suyi magana ta fahimta a tsakanin su, shi karatu ba matsalar sa bane in har zata yarda suyi aure a yanzu, gwara ta tafi da auren sa zai yarda tunda dai dole ta zama mallakin sa, ita kanta abun da take buƙata kenan ya san baza ta ƙi ba, karatu kuma ta je tayi ta yin sa har sai ta ga ƙarshen Biro ma, ba shi da case da wannan

Miƙe wa yayi bayan ya duba wayansa ya ga nine fifty har tayi, da sauri ya miƙe yana ɗaukar wayansa

Kamar ana jiransa ya ɗauka sai ga kiran PA. Bai ɗauki wayan ba sai da ya je cikin wardrobe ya ɗauki maganin sa da zai sha yanzu, da wanda zai sha anjima before ya yi answering Call ɗin, time ɗin ma har ta katse ya sake kira, "I'm on my way."  Abun da ya furta kenan batare da ya tsaya jin me zai ce ba, ya katse kiran yana zuge jakarsa da ke saman gado, ya zuba maganin sannan ya ɗauka ya fito

Tafiya yake yi yana duba wayansa, ya san dole sai yayi late tunda by ten zasu yi meeting din, tsaki ya ja yana tura ƙofan ɗakin Momy, batare da ya shiga ba kuma; ya soma yin sallama a hankali cike da sanyin muryansa da a kodayaushe a haka take

Momy ta amsa mishi wacce take zaune a gaban mirror itama tana gyara fuskarta; since fita zasu yi da Maryamu su je kasuwa tayi mata siyayya. Ta ba shi iznin shigowa ciki

Ƙarisa tura ƙofan yayi yana shiga tare da nufan inda take, "Mom good morning."

"Morning ɗan albarka, ashe zaka je aikin baka fito da wuri ba?"

Tura baki yayi yace, "Mom late nayi, and kuma ina da meeting yanzu fa. Time will run out before I get there."

Murmushi tayi sabida yanda ta ga yana ta tura bakin sa, dama in yana jin tsiya haka yake yi, shiyasa sai tace, "but breakfast fa? Ka san bazan bar ka katafi haka nan batare da ka zura komai a cikin ka ba, don na ga wasa kake yi da lafiyar ka kuma ka san ba ƙoshin lafiya