You Cannot Download this book untill you login but you can read it .

---

Login Register

uwanta zasu riƙe ta amana, musamman ma da ta san Momy Mace ce mai matuƙar kirki da kawaici, tabbas Maryamu ta samu gidan dattako, sai dai kawai halin Mijin ne da bata sani ba har yanzu, tunda ba wai zuwa suke yi ba Yaran shiyasa baza ta iya gane halin kowannen su ba, but tana kyautata zaton samun farin ciki mai ɗaure wa ga Maryamun.




            Dangi sun yi murna, wasu kuma suna ta mamakin yanda auren ya zo a bakatatan, musamman yanda suke ganin Alhaji Ahmed shiyasa suke cewa, "dama kuɗi ai babu abun da ba ya sa wa, Malam Haruna ya siyar da ƴarsa kawai, idan ba haka ba; aure a rana ɗaya kacal? Ai wannan maganar abun duba wa ne."

Babu dai wanda ya saurare su. Don a ranan ma Sadiq da shi da Bashir da Halliru, tunda sa'annin juna ne, tare suka tafi cikin Zaria suka ɗauko Maryamu

Tun a waya Baba ya kira Iya Samira, ya shaida mata halin da ake ciki, farin cikin Iya ba ya misaltuwa, don har guɗa take ta faman yi tsaban murna

Ita kanta Maryamun har da rawa da Iya Samira ta shaida mata batun. Oh! Yau ga shi ita ce zata auri ɗan masu kuɗi? Tun kafin a je ko'ina burinta zai cika. Ko kaɗan bata damu da sanin wane ne shi ba, amma ta san tabbas shima kyakkyawa ne kamar su Sadiq, ta san ta more tunda gidan masu hannu da shuni ne, shikenan yanzu ta koma ƴar gayu, karatu kuma sai ta ture kenan?

Sai baza ɗuwawu take yi a tsakar gidan tana rawa tana gantsare wa da faɗin, "ah ha! Eh.. eh.. eh... Yau burina zai cika, na zama Amarya, gobe za a ɗaura eh... Eh... Eh.., Shikenan na zama Matar santalelen saurayi, wohh! Ni Maryamu Matar manya, kai dad'i kashe Ni, farin ciki zai kar Ni."

Iya Samira ta taka mata birki tana cewa, "amma ke kam an yi sakaryan yarinya, tsaban rashin kunya a gabana kike rawa kina wannan gantsare-gantsaren? Maimakon ki shiga damuwa sabida rabuwa da zamu yi amma kike murna?"

Dariya ta kwashe dashi tana tafa hannu da faɗin, "Ahayye Iyalle na. Wanne damuwa bayan kina ji aure zan yi gobe? Kuma ɗan guyu fa zan aura ɗan Kawuna, haba dai, ai damuwa ta kau na rantse da Allah, kar ki damu ai ba mutuwa zan yi ba, duk inda na je zanna riƙa dawowa muna gaisa wa, kai Iya ba abun farin cikin ki bane ma ki ganni Nima na zama ƴar masu kuɗi?" Sai kuma ta nufo wurin Iyan tana cewa, "amma Iya gidan su akwai bene ko? Akwai kuma teyes ko?"

"Da Allah ja can, ina ce ba zuwa gidan za ki yi ba? Ki bari idan kin je za ki gani, sakaryan yarinya kawai, ki tashi ki haɗa kayan ki ga su Sadiq nan zasu zo ɗaukar ki."

Tura baki Maryamu tayi tana taɓe shi, ta miƙe tana maganganun ta ƙasa-ƙasa, "ai sai kiyi tayi, Ni dai nayi gaba babu mai hana Ni nuna farin cikina, yo Ni ina ruwana." Ta shige ɗaki tana ci gaba da raira ma kanta waƙa, tana ta rawa da ɗuwawu tana tuttura su

Iya Samira tana jin ta amma bata ce komai ba, sai ta ci gaba da ayyukan ta, tana gama wa ta ɗauki gyale ta wuce gidan su don ta shaida musu auren

Maryamu ma bata san ta fita ba, sai da ta fito tana ta ƙwalla mata kira amma ta ji shiru, sai itama ta saka kai ta fice a gidan

Har su Sadiq suka iso bata dawo ba. Itama Iya Samira har ta haɗa kayanta tace, "zata bi su, su tafi tare, itama ta kwana a can." Duk da ta so sai gobe ne ta taho da sauran dangi da zasu je, amma kuma sai ta canza shawara gwara ta bi su kawai

Ana ta neman Maryamu sai daga baya ta dawo, nan Iya Samira ta rufe ta da masifa tana tambayarta, "ina ta je bayan ta san jiranta ake yi?"

Bashir yace, "ai Iya wannan yarinyar shegen yawo ne da ita, Allah yasa dai baza ta yi halin nata a can ba, don yanzu ba da bane, za ki tafi da auren ki ne, idan kika yi yawo a can babu wuyan an sace ki dan ubanki, sai dai ki ganki a gidan yankan kai kina ƙwalala idon nan kamar robber."

Dariya suka kwashe dashi, daga Sadiq har Halliru

Ita kuma ta zumɓuro baki tana cewa, "ka manta ne kwano ne, haushin rashi dai, kai mu ga naka robbern, da ƙwaƙulallen idonka kamar mazubin ruwa."

Ai kuwa ya biyo ta a guje, ta kwasa bayan Iya Samira tana ihu kamar zata fasa gidan tun kafin ya taɓa ta

"Don Ubanki Ni kike faɗa wa haka? Dama kwana biyu hannuna ƙaiƙayi yake yi ban bugi banza ba, amma yanzu zan fara har ki tafi zan bugi rabo na."

Iya Samira ta ture sa tana cewa, "an yi babban banza wlh Bashari, ƙaton kawai, ka rasa da wa zaka yi faɗa sai da ƙanwar ka? ai kai kake ja take raina ka ma, dalla ja can, idan ka kuma dukan ta zan saɓa maka, baza ka bari ba?"

Sai da ya ƙara ranƙwashin ta a kai, sannan ya haƙura yana ƙwafa tare da cewa, "wlh Iya ba ki san yanda yarinyar nan ta raina Ni bane, Allah yasa ma idan ta je can Yaya SHAREEF ya riƙa jibgar ta kamar Jaka."

Kafin kowa yayi magana, Maryamun ta cafe tana kuka da haki tace, "wlh ba Amin ba, ƙarya kake mugu azzalumi, kuma bakin ka ya sari ɗanyen kashi, mugu azzalumi, luluup!  Wowhowho! Yana jin haushi ne dai zan koma gidan masu kuɗi."

Yanda take maganar ne duk sai ya basu dariya

Itama kuma sai kuka take yi babu hawaye, tana ci gaba da tsiwan nata, har da yin ma Bashir ɗin gori, "wai ko ya zo can baza ta bari ya shigan mata gida ba, sai dai ya koma, kuma wlh idan ma ta zo nan itama baza ta nuna ta san shi ba, kashi ma mai ɗoyi sai ya fi shi daraja."

"Haba ƴar ƙanwar mu, ki yi shiru mana haka, mu je kinji ki ɗauki kayan ki mu wuce, kinga dare ya soma yi, ki bar wannan Yayan naki, yanzu Ni ne Yayanki ba shi ba." A cewar Sadiq da ya riƙo mata hannu yana rarrashin ta

Ita kuma sai dage wa take yi tana ƙara ƙwaƙulo kukan nata, sai a lokacin ne ma ɗan ɗiss na hawaye ya fita a idanunta

Bashir sai mata dariya yake yi, yana cewa, "zai kama ta ne, su koma gida ta ga yanda zai yi da ita, banzar yarinya mai kuka babu hawaye."

Iya Samira tace, "ga ka nan ƙaton banza, ka dena tsokanar ta ka zo ka ɗaukar mana kaya mu tafi."

Tare da Bashir da Halliru suka ɗauki jakan kayan nasu. Shi kuma Sadiq tuni ya ja Maryamu sun fita tare zuwa wajen mota. Ya shiga gaba itama ta zauna a gefen sa, su Iya Samira kuma suka zauna a baya sannan suka wuce ƙauyen.
*****


        Washe gari kamar yanda aka sanar wa da jama'a, da ƙarfe 07:00am. kowa ya shaida auren Muhammad SHAREEF Ahmad da Amaryan sa Maryamu Haruna, a cikin sadaki ƙalilan domin samun albarkan auren

Zuwa ƙarfe biyu suka yi musu sallama suka ɗauko hanyar Kano

A lokacin da suka isa, Momy ta gama shirya musu abinci tunda ta san da zuwan nasu, har labarin auren, shiyasa take ta murna, tunda ta ji diran Motan su ta fita ta tarbe su a can, hannun Maryamu ta kama tana murmusawa da cewa, "ƴata sannu da zuwa."

Maryamu na faman washe baki da sunne kai ta kasa amsa wa

Sai Momyn ta kalli Dady tace, "kuma ƴar tawa tubarakalla Masha Allah, I didn't expect to see her like this. so beautiful."

"Allah ko?" Cewar Dady yana dariya

Shi kuma Sadiq cikin farin ciki yace, "Momy sai ma kin zauna da ita, tana da shiga rai, na samu ƙanwa. In fact, I am more than happy that she is with us, I am very happy."

"To ku mu je ciki, mu dena tsayuwa a nan, kai Sadiq shigo da kayan namu kawai." Dady ya furta yana yin gaba

Momy ta bi bayansa hannunta saƙale a cikin na Maryamu

While Sadiq ya tsaya daukar Jakar su. Har ɗaya daga cikin masu aikin gidan ya zo da nufin ɗauka, but sai ya tsayar dashi yana murmushi tare da cewan, "a'a, bar shi kawai zan ɗauka." Ciro Jakar yayi, da nasu dana Maryamu da ta ɗibo kayanta kaɗan a ciki, ya nufi ciki da su

A falo ya tarar da su zaune, Maryamu na kusa da Momy ta manna ta a jikinta tana ce ma Dady, "gaskiya ya kyauta da ya yanke wannan hukuncin, don farin cikin da take ciki baki ma bazai iya misalta shi ba, musamman da ta ga Maryamun zata yi dai-dai da ra'ayin ɗanta; domin sun dace matuƙa, ita farin cikin ta ma yanda aka kawo mata ƴa, don yanzu ta samu ɗiya Mace, ko ba haka ba Maryam?" Ta ƙare maganar tana kallon Maryamu fuskarta cike da fara'a

Kai Maryamu ta ɗaga mata tana ƴar dariya sai wurga ido take yi tana kallon tsarin gidan

"Yauwa, kinga daga yau sai ki riƙe Ni a matsayin Mahaifiyar ki, kamar ƴaƴana ke ma kina kira na Momy ko?"

Sadiq da ya zauna yana cewa, "Ni kuma Momy yanzu na tashi a sahun Auta, ga Auta nan kin samu, don nima yanzu na girma, har Innanta tace zata bani Mata a can."

Baki Momy ta buɗe tana dariyan maganar sa

While Dady yayi masa daƙuwa da cewa, "ka ganka? Ashe baka da kunya kaima? A gaban mu kake furta wannan maganar?"

"I'm sorry Dady, ALLAh wasa nake yi fa."

"Shikenan, amma maganar da zan yi yanzu, ga dai Maryam ta zo gida a matsayin Matar SHAREEF, duk da ban so ta tare a wannan lokacin ba saboda karatu da nayi mata alƙawarin zata yi, but zamu jingirta tarewan ta zuwa nan da kamar 1year in ta saba damu, zata ci gaba da zama a nan batare da kowa ya san Matar SHAREEF bane, don haka kai Sadiq na san halin ka kar ka sanar da ƴan uwanka komai a kai, ka bari idan lokaci yayi sai mu sanar musu har shi SHAREEF ɗin."

"To Dady, bazan faɗa ba Insha Allahu."

Momy kuma ta so tayi magana a kan maganar, sai kuma ta fasa tana cewa, "bari in kai ƴata ɗakin ta idan tayi wanka sai mu ci abincin gaba ɗaya, tashi daughter in nuna miki dakin da za ki zauna ko."

Miƙewa Maryamu tayi bayan ta amsa da to, suka nufi ƙaramin corridor da ke nan downstairs, ɗakin da Momy ta kaita a nan ƙasa yake tunda saman babu wani ɗakin kuma. Sadiq ya biyo su da kayanta ya ajiye ya fita. Ita kuma Momy ta nuna mata komai tana cewa, "duk abun da bata gane ba sai ta tambaye ta, yanzu ta shiga tayi wanka sai ta canza kayanta ta fito suna jiranta."

Su ma su Dady sallah suka je suka yi, tunda a hanya la'asar tayi musu, sannan suka dawo suka zauna a Falon

Jin shiru Maryamu bata fito ba, sai Momy ta leƙa ta ta ganta tana ƙoƙarin saka riga

Da sauri Maryamu ta duƙa tana ɓoye jikinta sabida kunyar shigowar Momyn ta ganta a haka

Murmushi Momy tayi, bata ce komai ba sai tace mata, "har yanzu ba ki shirya ba ashe? To yi sauri ki gama, ki yi sallah sai ki fito ko?"

"To Momy." Ta furta tana zazzare ido still tana duƙe a ƙasa

Murmushi Momy tayi tana fice wa a dakin, ita kanta mamakin yarinyar take yi, ga ta ƙarama da ƙira mai kyau, mamakin saurin girman ta take yi tunda bata manta sanda suka je sunan yarinyar ba, farin ciki ne ya ƙara cika zuciyar Momyn, tana ganin kamar ɗanta ya gama dacen Mata, ƴar kyakkyawa da ita, ko ita Mace ta bata sha'awa bare namiji, wannan idan ta samu gyara ba ƙaramin ƙara direwa da kyawu zata yi ba, "hmm Allah yasa SHAREEF ya so ta." Ta furta a fili tana ci gaba da murmusawa. Wurin su Dady ta koma tana zama tare da cewa, "ga ta nan fitowa."

"Bari in je in ɗan huta a ɗaki, sabida akwai aikin da nake so in yi."

"Amma Alhaji baka ci abincin ba zaka tafi?"

"Deeja ba na jin yunwa yanzu, sai dai zuwa dare, but ki haɗa min coffee sai ki kawo min in sha."

"To Shikenan."

Shi kuma Dadyn ya wuce zuwa sama

While Momy ta kalli Sadiq tace, "Sadiq zuba abincin mana ka ci, ka dena danna wayan nan haka."

"Ok Mom." Yayi maganar yana miƙewa tare da nufan dinning ɗin, chart yake yi yana sanar da Hanif auren SHAREEF ɗin da aka ɗaura yau, yana faɗa masa, "but kar ya sanar da SHAREEF tunda Dady sai da ya gargaɗe shi."

Fitowar Maryamu daga ɗakin, shiyasa Momyn bata tafi ba, ta bi ta da kallo tana cewa, "kin yi sallan daughter?"

"Eh nayi."

"To je ki wurin Sadiq ki zauna ki ci abincin ki, ki cika cikin ki fa ba na son ganin ki da yunwa, ina zuwa."

Murmushi Maryamu tayi tace, "to Momy." Sai ta nufi wurin Sadiq ɗin da saurin ta

Ita kuma Momy ta wuce kichen

Sadiq yana ganinta ya ajiye wayan yana dariya da cewa, "ƴar ƙanwata, wannan ɗigon a goshi fa?"

Itama dariyan tayi tace, "kwalliya mana, but i forgot ban shafa hoda bane, i like ɗigon goshin."

"Wow! Kin iya turanci ashe?"

Fari tayi da ido tana tallabo kumatun ta da hannayenta dukka, sai tace, "ƙwarai kuwa, I'm sure I learn."

Dariya ne ya suɓuce masa, sai yayi kamar ta burge sa ne, yace, "wow! Wow! My dear, I'm happy fa, gaskiya kin burge Ni, to me za ki ci in zuba miki?"

Kallon plate ɗin gaban sa tayi, sai ta wani yatsina fuska tana wurga ido da cewa, "anything ma zan ci. Amma ka zuba min irin naka."

"An gama ranki ya daɗe! Matar Yaya SHAREEF." Ya furta yana ƴar dariya tare da ƙoƙarin save nata

Sai ta ɗan rage murya tana matso da fuskarta, cikin murmusawa tace, "wai Yaya Sadiq, ina Mijin nawa yake? Na ga har yanzu ban ganshi bane, zan so in ganshi wlh."

"Oh! Kar ki damu, yanzu za ki ga ya dawo ma, time ɗin tashin sa a wurin aiki yayi, za ki ga ya shigo." Sai ya nuna mata hotunan da suke can bangon falon yace, "kin ganshi can Yaya SHAREEF ɗin."

A kan pictures ɗin su, su uku idanunta suka sauka, sai kuma ta kalle shi tace, "wanne daga ciki? Na ga duk kuna kama?"

"Wancan mana, wanda yayi murmushi kaɗan na hannun dama."

Baki ta washe tsaban murna, sai kuma tace, "wlh ya haɗu shima, kenan wannan shi ne Mijina Yaya Sadiq?" Tayi maganar tana dawo da idanunta a kansa

Murmushi yayi yace, "eh mana Maryam, Yaya SHAREEF kenan, shi ne babban Yayanmu, sai Yaya Hanif, but yanzu yana school a ƙasar waje, in ya dawo zaku haɗu ai."

Farin ciki ya cika Maryamu sai kallon fuskar SHAREEF take yi

"To ki ci abincin mana kar yayi sanyi."

"Wlh mamaki nake yi Yaya Sadiq, wai a ce wannan Baturen ne Mijin dana aura. Ashe gaskiya Nima mai Sa'a ce, yana da kyau sosai, ban taɓa ganin mai kyau irin sa ba wlh, har ya shiga raina nima ina son sa sosai."

Ganin yanda take maganar cikin gaskiyar ta, sai yace, "ai ke ma mai kyau ce Maryam, ko ba ki taɓa jin an ce miki kina da kyau bane? Musamman in kika yi murmushi dimples ɗin nan naki suka fito irin na Yaya SHAREEF, suna ƙara miki kyau, ga manyan idanu kamar irin na Momy."

Dariya tayi tace, "ai haka ƴan ƙauyen mu suke cewa, shiyasa nake tsula tsiyata wlh, na ƙi kowa sai ɗan birni mai waye wa."

"Sai ga shi kin samu kuwa." Ya faɗa yana dariya. Itama tana taya sa

Lokacin Momy ta fito daga kichen ɗin, tana cewa, "wai abincin kuke ci kuwa ko surutu? Ka zuba mata abincin Sadiq?"

"Eh Momy, ga shi nan zata ci."

"Ok to, bari in kai ma Dadyn ku coffee, Maryam ga Yayanki nan sai ku zauna tare ina zuwa."

"To Momy."

Tana tafiya sai Sadiq yace, "ki ci abincin mana ki dena surutu."

Dariya tayi, sai kuma ta saka cokalin ta soma cin abincin cike da farin ciki, tana yi tana kallon fuskar SHAREEF cike da wani irin tsagwaron annashuwa. Zuciyarta fari ƙal sabida ganin wane ne Mijin nata, ai ta more kuwa in dai wannan ne Mijinta, lokaci ɗaya ta ji ta kamu da sonsa har a cikin zuciyarta, irin Mijin da take mafarkin samu sai ga shi Allah ya bata, haƙiƙa Allah na sonta, to amma shi zai so ta? Allah yasa ya so ta shima kamar yanda take jin ƙaunar sa ya ɗarsu a cikin ƙalbin ta, babu mai raba su wlh.
[20/01, 8:16 am] OumƊahirah نفيسة: 🌱🌱🌱🌱🌱

      *SHAREEF*
          _SexyBoy_
🌱🌱🌱🌱🌱


_Writer: Nafisat Isma'il Lawal_
_Wattpad: UmmuDahirah_

*SARAUNIYAR TSOKANAR PERFECT🧝*



*PERFECT WRITER'S ASSOCIATION* 🌞

```( WE AIN'T PERFECT, BUT WE'RE ALWAYS TRYING OUR BEST TO MOTIVATED AND ENTERTAIN OUR REDERS💪)```

/https://www.facebook.com/Perfect-writers-association-100452275039839/

       *P.W.A✍️*





*DATA SHARE*

Call, message or whatsap 07065334256

*MTN*
500MB 150
1gb 280
2gb. 560
3gb. 840
4gb. 1120
5gb 1400
6gb. 1700
Verlid for 30 days.












__________
*BOOK1*
_______________*FREE PAGE12*
             Daga hall da suka yi taro suka fito, kai tsaye hanyar office ya nufa cikin takunsa na ƙasaita a kuma natse. PA ɗin sa na biye da shi a baya har zuwa cikin office din sa

Shigan sa office din, sai ya kai duban sa kan agogon hannunsa yana jan tsaki, ganin har 7 ta kusa, kallon PA ɗin yayi, wanda yake ajiye masa documents a saman table. Guntun tsakin ya sake ja, cike da sanyin muryan sa yace, "What time will we have the meeting tomorrow?"

"Sir, by ten ne."

"Shikenan ku yi magana da Shuraihu a kan kayan nan, and ka sanar da Mr. Pitter by tomorrow zamu shiga meeting din."

"Ok sir, I will let him know."

Bai ce mishi komai ba ya matso bakin table ɗin, yana ɗaukar bairo ya buɗe da nufin yin sing

Shi yasa nan da nan PA ya buɗe mishi ɗaya daga cikin document din yayi sing a ciki. Yana gama wa sai ya rufe yayi masa sallama ya fice

Shi kuma SHAREEF ya tattara kayansa tare da ɗaukar ƙaramar jakarsa ya fito

Da sauri PA ya zo zai amshi jakar hannun nasa

"No leave it." Ya furta a yatsine yana yin gaba da saurin sa after ya jefa masa keys na office din sa. Kai tsaye bakin motan sa ya nufa ya buɗe ya jefa jakar, ya shiga ya ja cikin sauri sabida gaba ɗaya ya gama gajiya, yau bai tashi da wuri ba ga shi har 7 ya kusa, tun karfe 4 suke meeting a kan haɗakar kwangilar da zasu amsa da wasu Companonin, a kwanakin nan duk meeting suke yi sabida yanda zasu tafiyar da tsarin, gobe ma haka duk zasu haɗu da sauran Companyn da zasu yi haɗaka su tsayar da magana ɗaya. So yau kansa yayi zafi sosai shiyasa ko wani abu bai nema ya saka a cikin sa ba illa ruwa, shiyasa ransa duk a jagule yake

Yana isa bakin gate ɗin su, ya danna horn da ƙarfi kamar zai tashi gidan, akai-akai yake danna wa cikin sauri

In a hurry Mai gadi ya zuge mishi gate, sai ya ja motan a guje zuwa packing space. Bai ɓata lokaci ba ya fito daga motan riƙe da jakarsa yayi hanyar gidan. Kamar yanda ya saba yau ma bai yi sallama ba, tunda ba sabon shi bane sai ya ga dama, ko kuma yayi a ciki-ciki, yau kuma yanda yake jin sa a tsananin gajiye ya ƙosa ya huta. Yana shiga idanunsa suka sauka a kan su Maryamu da ke zaune a falon; ita da Sadiq suna ta hira suna dariya. Ɗan tsaya wa yayi yana kallon fuskar Maryamun cike da mamakin ganin baƙuwar fuska a gidan, ganin yanda take bin sa da kallon itama ko ƙyafta ido ba ta yi, sai ya turɓune fuska yana takowa zuwa ciki

Sadiq yace, "sannu da zuwa Yaya."

Kallon Sadiq ɗin yayi, kamar zai yi magana kuma sai ya dauke kansa ya sake mayar wa kan Maryamu. Da mamakin sa sai kuma ya ga ta washe mishi haƙora

"Sannu da zuwa Yaya SHAREEF." Ta furta cikin murna tana ɓashe baki, sai dimples ɗin ta dukka suka bayyana fili suka kara wa Black beauty face ɗin ta kyawu

"Wannan kuma daga ina?" Ya furta yana yatsina fuska

"Yaya, Maryam ce, tare muka taho da ita ƴar kanwar Dady ne."

"Oh God! what kind of frustrating is this? What will she do for us at home; and you bring her?" Sai ya ja tsaki yana yin gaba cikin sauri, har yana haɗa wa da gudu a kan matattaƙalan benen

Da kallo Maryamu ta bi bayansa dashi cikin farin ciki, har ya ƙule ta kasa ɗauke ido a kansa sabida yanda take jin tamkar ta bi bayansa, ya mugun tafiya da ruhin ta musamman yanda ta ga yana magana cikin aji da tsantsan wayewa, muryansa mai matuƙar sanyi da daɗin sauraro

Taɓo ta Sadiq yayi yace, "ai ya tafi ko?"

Kallon Sadiq ɗin tayi, sai kuma ta rufe idonta cikin kunya tace, "har ka bani kunya wlh, ban san ina kallonsa ba fa."

Dariya Sadiq yayi yace, "ikon Allah!"

"Amma fa ya haɗu Yaya Sadiq, ya fi kyau ma a fili, kuma ka ga ban san me yace ba ma da turancin."

Jin hakan sai Sadiq ya sake murmusa wa tare da cewa, "ba da ke yake yi ba ai."

Shiru ta ɗan yi, sai kuma ta ɗan ɓata fuska da cewa, "yanzu shikenan bazan faɗa masa Ni Matarsa bace? Yanzu bai san Ni Matarsa bace ba ko?"

"Eh, kin san me Dady yace ai, kar ki sanar mishi kinji ko? But da alamu kina sonsa Because I see that in your eyes?"

Kanta ta ɗaga tana yin fuskar tausayi

"Yauwa sai ki dage ke ma ki saka sonki a zuciyarsa, hakan ne zai sa kawai Yaya SHAREEF ya riƙa kallonki yana kula ki, domin shi ba irin halin ƴan gidan nan ne dashi ba, yana da wuyan sha'ani, da sannu za ki fahimci ko wane ne shi kinga sai ki riƙa kiyaye abun da ba ya so kin ji?"

Dariya tayi tace, "to Yaya Sadiq, ai nima ka ce ina da kyau, kuma Nima na san haka, baka ga daga shigowar sa ba yana ta kallona ba? Shima ya ga na burge sa ne, ya ga ina da irin wannan lotsawar na kumatun sa, bare in na zama ƴar birni ina saka kaya masu kyau da tsada." Sai ta kaɗa harshen ta da cewa, "ka bari ka ga yanda zan nuna mishi kalan tawa soyayyar, shima sai ya riƙa bi na kamar sauran Samarina na ƙauye."

Kumatu Sadiq ya tallabo yana bin ta da kallo yana dariya, da alamu ya lura yarinyar tana da wauta da ƙauyanci irin na ƴan ƙauye. sai kuma yace, "I know za ki iya ai, Mijinki ne dama ya kamata ki yi ko mene ne, Ni nan zan ba ki satar amsa a kan abubuwan da yake so da wanda bai so, amma yanzu kinga time na sallan magriba ta gabato, Let me tell you some other time."

Kaɗa masa kai tayi duk da bata fahimci mai yace a karshen ba

Sai ya miƙe yace mata, "bari ya je dakinsa zai yi alwala ne, idan Momy ta fito yana ɗaki." Sai ya kunna mata kallo yace, "ki yi kallo ya ɗebe miki kewa before a kira sallan ke ma sai ki je ki yi ko?"

"To Yaya Sadiq." Ta amsa mishi tana kallon TVn

While shi kuma ya wuce saman benen.
***

          Momy kuma da takai ma Dady coffee din, lokacin har ya gama waya da su Baban Maryamu, har Iya Samira ya kira sun gaisa ya sanar mata, "sun sauka lafiya." Ya sauke wayan kenan Momy ta shigo. Shine yake sanar mata, "ya kira Zaria ne ya faɗa musu sun sauka lafiya, sun ce a gaishe ta."

Sai da ta zauna sannan ta amsa, tana cewa, "ai da ya bari ta zo sun gaisa tunda bata samu damar zuwa ba."

Dady yace, "kuma kinga shaf na manta, dayake ƙanwata Hafsah ita ta soma kira shiyasa, amma zuwa gobe sai ki