You Cannot Download this book untill you login but you can read it .

---

Login Register

so ko ta halin ƙa-ƙa sai tayi amfani da ita, she knows she won't get it easily, that's why she has to use her chance now that she got it.



_Ina jin masu ƙorafin ba na more update, abun da yasa sabida ba na ganin comments ɗin da ke faranta min bare har in ji ƙwarin gwiwa, duk yanda ku ka gani kawai._
[08/02, 11:37 am] OumƊahirah نفيسة: 🌱🌱🌱🌱🌱

      *SHAREEF*
          _SexyBoy_
🌱🌱🌱🌱🌱


_Writer: Nafisat Isma'il Lawal_
_Wattpad: UmmuDahirah_

*SARAUNIYAR TSOKANAR PERFECT🧝*



*PERFECT WRITER'S ASSOCIATION* 🌞

```( WE AIN'T PERFECT, BUT WE'RE ALWAYS TRYING OUR BEST TO MOTIVATED AND ENTERTAIN OUR REDERS💪)```

/https://www.facebook.com/Perfect-writers-association-100452275039839/

       *P.W.A✍️*





*DATA SHARE*

Call, message or whatsap  07065334256

*MTN*
500MB 150
1gb  280
2gb.  560
3gb.   840
4gb.    1120
5gb      1400
6gb.     1700
Verlid for 30 days.














__________
*BOOK1*
_______________*FREE PAGE26*
_____*NIGERIA......*
*KANO STATE*
Wani irin dokan daji ne da babu gida gaba bare baya, dokan dajin da babu mahalukin halittan da zai iya kawo kansa; sabida tsaban duhu da dogayen bishiyu masu naɗi kamar macizai, babu abin da bai tara ba ciki kuwa har da muggan namomin daji masu ban tsoro da mugun kallo a ido,
A wannan dajin da babu kyan gani Maryamu ta tsinci kanta; a saman wata murɗaɗɗiyar bishiya mai kama da zubin ƙattin Macijiya, kawai buɗe idanunta tayi ta hange ta a saman bishiyan nan wadda lokaci guda zuciyarta tayi wani irin buga wa da ƙarfi, a hankali ta soma bin dokan dajin da kallo yayinda zuciyarta take wani irin hautsine wa gami da zallan tsoron da nan take ya kawo mata mamaya, wani irin jiri ne ya soma kawo mata cafka nan take ta soma gani dishi-dishi manyan idanunta suna ƙoƙarin rufe wa, duk sabida firgici da tashin hankalin da ya riske ta nan take, har wani irin sanyi-sanyi take jin yana huda mata can cikin ɓargon ta, gami da sanya mata wani irin zafi wanda lokaci ɗaya gumin tsoro ya soma tsiyaya daga cikin gashin kanta yana gangaro wa zuwa gefe da gefen kumatun ta, tamkar a mafarki haka take ganin abun, anya ba mafarki take yi ba? Ko kuma ta mutu ne ta buɗe ido ta tsinci kanta a irin wannan wurin mai ban tsoro da ban al'ajabi?
Ina ne nan? Wane ne ya kawo ta?
Tsaban ruɗe wa da shiga halin firgici, nan take ta sulale babu numfashi a jikinta, wanda hakan ne yasa ta faɗo tim daga saman bishiyan; ta sauka a saman ganyayyakin da suka bushe suka zuba a ƙasa

A hankali bishiyar nan da ta faɗo daga kanta, nan da nan ta rikiɗe lokaci guda ta zama tsohon nan da suka kusa kaɓe wa a hanya, lokaci ɗaya ya saki wani ƙayataccen murmushi yana nufan inda Maryamu take kwance tamkar babu rai, a gabanta ya duƙa yana kallon fuskarta da idanunsa jawur babu kyan gani, girgiza yayi nan take ya koma sak SHAREEF yana ɓaɓɓaka dariyan da dukka baƙin dajin nan sai da ya amsa da sautin dariyan, hannu ya sanya ya shafa fuskar Maryamu

Nan take sai ta farfaɗo ta soma yunkurin buɗe idanunta, a hankali ta gama motsa idanun har ta ware su cikin nasa, tsira mishi ido tayi na ɗan wasu daƙiƙu; kafin daga bisani tayi wani irin zillo nan take sai ga ta zaune a kan ƙafafunta; zaro idanu waje taji tana kallon SHAREEF da tsananin mamakin bayyanar sa a gabanta, nan da nan jikinta ya soma rawa musamman yanda ta ga fuskarsa ɗauke da sihirtaccen murmushin sa mai ƙara mishi tsantsan kyau da kamala, ta kasa yin magana domin halin ruɗe wa yasa fargici da zullumi kawai ke ɗawainiya da ita

Tsawon lokaci suna wannan yanayin babu mai cewa uffan a cikin su. Ita Maryamu tsoro da tashin hankali gami da mamakin ganin SHAREEF a wurin ta, yasa ta manta da abun da yakamata tayi bare tayi tunanin tantance inda take da kuma abun da ya kawo ta

Shi kuma SHAREEF tsaya wa kawai yayi yana kallonta har yanzu da murmushin nan a kan fuskarsa bai gushe ba. A hankali ya sanya hannu ya kamo nata yana ƙoƙarin tayar da ita

Wanda hakan ne yasa jiki na rawa ta miƙe kamar yanda ya so miƙar da itan, kamar wata sokuwa haka ta bi bayansa har zuwa wani saman bishiya mai kama da kujera ya kaita wurin, sai a lokacin ta samu damar ƙare wa dokan dajin kallo, nan da nan tsoron ta ya ƙaru fiye da baya, jikinta ya ci gaba da kakkarwa wanda lokaci guda bakin ta ya buɗe, cikin tashin hankali ta kira sunan SHAREEF tana cewa, "Yaya SHAREEF don Allah ina ne nan? Wane ne ya kawo Ni? Wayyo Allah!."
Sai kawai ta fashe da kuka ta ƙi zama a inda yake ƙoƙarin zaunar da ita

Hannu yasa ya rufe mata bakin yana zare mata ido tare da furta, "shiiii!"

Lokaci guda ta shanye kukan nata tayi shiru kamar ruwa ya cinye ta

"Babu abun da zai same ki, ba gani a kusa da ke ba?"

Wannan maganar nasa tamkar an sanya mata wani irin natsuwa ne, a hankali jikinta ya rage rawan da yake yi, nan take tayi shiru tana bin sa da ido kamar ta samu TV har ya zauna a gefen ta ya zuba mata ido shima

Murmushi yayi mata ba tare da ya furta komai ba, wadda ita kanta ta matsu ta ji mai zai ce mata, kuma mene ne dalilin zuwan su nan? Taya ya ma hakan ta kasance har suka zo? Kuma ba da kowa ba sai da SHAREEF...

"Na san a yanzu kina nan kina tunani a zuciyar ki; a kan yanda aka yi kika zo nan ko?"

Da sauri ta gyaɗa mishi kai tana haɗiyar yawu in quickly, domin ita kanta ta matsu ta ji daga gare sa, tana ga kamar mafarki ne har yanzu take yi abun da ke faruwa ba gaskiya bane. Zuba masa ido tayi tana kallonsa

Hakan ne yasa ya ɗaura hannunsa a saman fuskarta yana latsa wa a hankali, baki ta saki tana bin sa da kallo, yayinda take jin jikinta tamkar ana tsotse mata ruwan jiki, wani irin sanyi ne ke ƙara huda mata can cikin jiki yana saukar mata da kasala, yayinda laɓɓanta suke kakkarwa alamun tana son buɗe baki tayi magana, amma ta gaza, kamar an saka glue an nane mata, tana kallonsa yana shafa mata fuska har zuwa wuyanta zuwa saman ƙirjin ta, yayinda ya gangaro hannunsa zuwa saman cikin ta, yanayin da ta shiga yasa ta kasa jure wa, nan ta rufe idanunta ruf tana fatan a ce idan ta buɗe su ta ga mafarki ne, "anya SHAREEF ne a gabanta ko mafarkin da ta saba yi ne? Ya soma sonta ne?"

"Eh na soma sonki ne."

Amsar da ya bata yasa ta buɗe ido da sauri tana mamakin yanda aka yi ya san mene ne a zuciyarta

"Kina mamaki ko? Yanda na san abun da ke zuciyar ki? Ba iya nan ba, komai na sani a kanki, shiyasa na ɗauko ki na kawo ki nan domin in faɗa miki wani sirrin da ba ki sani ba..."
Take a nan yayi shiru da maganar, lokaci ɗaya ya soma girgiza ya saki wani uban ihun da sai da ya firgita Maryamu ta faɗo ƙasa, kafin ta tantance me ke faruwa sai gani tayi ya soma zama wuta yana ci bal-bal

Kurma ihu tayi wanda yasa lokaci guda ta farka daga suman da tayi, tana buɗe idanunta sai ganin Momy tayi a gefen ta tana tofa mata addu'o'i, ta riƙe ta sosai, ashe fizge-fizge take yi still tana ci gaba da kwarara ihun tamkar zata tsaka falon,
Hakan ne yasa Momy ta ƙara ƙaimi wajen karanto mata addu'o'i musamman yanda ta ga ta buɗe idanunta tana motsi, hakan ne yasa hasashen ta ya soma zama gaskiya, tabbas Maryamu aljanu ne da ita, domin tun sanda Malaman makarantan suka kawo ta suka shimfiɗe ta a wurin, jikinta na rawa tayi tunanin kiran Dady since ba ya gidan, ganin wayan ta ƙi shiga babu service shiyasa ta dawo kusa da Maryamu; wacce aka shimfiɗa ta a saman dogon kujera, sai jinta tayi tana sambatu, abun mamakin har da kiran sunan SHAREEF, dalilin da yasa ta zauna ta soma karanta mata addu'o'i kenan,
Sai ga shi kuma ta farfaɗo, a hankali kuma ta dena fizge-fizgen nata, hakan ne yasa Momy ta furta alhamdulillah tana shafa fuskarta tare da kiran sunan ta

Dishi-dishi Maryamu take kallon Momyn, ga kanta da ke wani irin sara mata kamar zai ɗaɗɗake, hannu ta kai saman kan nata tana runtse idanu gam, a hankali kuma ta sake buɗe su ta zuba wa Momy, nan ƙwaƙwalwanta ta soma dawowa har ta fara tuna abun da ke faruwa, "Momy." Ta furta sunan Momyn tana ƙoƙarin tashi zaune

Saurin kama ta Momy tayi ta tayar da ita tana mata sannu

Shiru tayi tana ɗan jan numfashi a hankali, "Momy wane ne ya kawo Ni nan? Ko dai duk mafarki nake yi?"

"Ba mafarki kike yi ba Maryam, daga school aka dawo da ke gida, yanzu kika farfaɗo daga suman da kika yi."

Shiru tayi tana sake tuna wa, amma tayi mafarkin ganin ta a dokan daji, ita da SHAREEF, kenan duk mafarki ne?
A ranta take wannan saƙe-saƙen tana ci gaba da runtse ido, domin ba ƙaramin azaban ciwon kai ke damunta ba

"Sannu Maryam, yanzu me ke miki ciwo?"

Hannunta ta nuna a kanta daƙyar ta iya furta, "kaina Momy."

"Sannu, bari in kawo miki magani sai ki sha ki kwanta ki huta." Cikin tausaya wa Momyn take mata sannu, kana ta cire hannunta a jikinta tana mike wa ta nufi ɗakin ta

Runtse idanu Maryamu tayi tana sake tariyo abun da ya faru ita da SHAREEF, kenan duk mafarki ne? tabbas ta san cewa dole sai mafarki; tunda ba yau ta saba ba, amma wannan ya fita daban, meyasa take jin kamar gaske ne? Sannan mene ne dalilin kaita dokar daji ba yanda suka saba haɗuwa ba, tuna yanda ya soma cin wuta tayi, abun kamar a idanunta yanzu yake faruwa, shiyasa tayi saurin buɗe ido tana jan nimfarfashi kamar ranta zai fice, ko kusa ba ta jin iskar da ke shiga ƙofofin hancin ta tana wadatar da ita, shiyasa ta dinga fitar da nishi mai karfi kamar mai cutan asthma, cikin wani irin ƙara da ke fitowa daga kunnen ta taji ana furta mata, "zan dawo gareee ki, zan dawooo. Dole zamu kasance tare na har abada."
Zamo wa ƙasa tayi tana zare idanu sabida mamakin yanda ake mata magana a cikin kunne, duk ta firgice lokaci guda ta saka hannu a kunnuwan ta domin ta doɗe jin sautin, amma kamar ana ƙara wa sai kururuwa ake mata da dariya,
"Wayyo Allah na! Innalillahi wa'inna ilaihi raji'un! Na shiga uku na!"

Ɗif ta ji an dena mata kururuwan,
Sai kuma ta soma jin ƙaran takalman Momy tana sauko wa daga kan steps, da sauri ta ɗaga kanta tana kallon Momyn wacce take nufo wurin ta

Da mamaki Momy take bin ta da kallo ganin ta sauka ƙasa ta zauna dirshan, kuma ta takure wuri ɗaya,
Da sauri ta iso wurin ta tana kiran sunan ta, "Maryam, meyasa kika zauna a ƙasa kuma?"

Girgiza kanta ta soma yi alamun babu komai

"To tashi ki sha magani sai ki kwanta ki huta, sannu, idan jikin bai yi sauƙi ba sai mu san abun yi." Momy ta furta tana kama hannunta tare da zuba mata maganin, sai ta ɗauki ruwan Faro da ke wurin ta buɗe ta miƙa mata, yanda ta ga jikin Maryamun na rawa shiyasa duk tausayin ta ya kama ta, tana da tabbacin akwai mutanen ɓoye a kanta sabida yanda take yi duk ta wani firgice ta fita a hayyacin ta, dole hakan ya baka al'ajabi, amma kuma kasancewar Momyn tana da addu'o'i a bakin ta sosai, shiyasa ta zuba ruwa a cup ta sake yin mata wasu addu'ar, sannan ta bata ta sha, sai ta miƙar da ita tace mata, "su je ɗaki ta kwanta."
Har ɗakinta ta kaita ta kwantar da ita, sannan ta fito ta koma kichen ta soma haɗa lunch, duk da a zuciyarta halin da Maryamun ke ciki ya tsaya mata a rai

Har ta gama aikin nata ta koma ɗakin ta duba ta, still tana barci, shiyasa ta wuce ta soma gyaran falon sabida nan ne kaɗai bata gama gyara wa ba, sai da ta gama sannan ta kwaso abincin ta jera a saman dinning,
Time ɗin ƙarfe 01:20pm.
Ɗakin Maryamu ta nufa domin ta tayar da ita tayi sallah

Tana shiga ta ganta zaune a saman gadon ta tashi, yanayin da ta ganta ma kaɗai zai tabbatar mata da samun lafiyar ta, shiyasa ta washe baki tana cewa, "Maryam har kin tashi?"

Kallonta Maryamu tayi, tace, "eh Momy, amma Momy ya aka yi na dawo daga school time bai yi ba?"

Murmushi tayi ta shafa mata kai da cewan, "dawowa da ke aka yi ba ki da lafiya. Ashe duk ba ki san me ke faruwa ba? To ya jikin naki yanzu?"

"Babu abun da ke min ciwo." Tayi maganar a hankali

"Yauwa Masha Allah, yanzu tashi ki shiga bayi ki ɗaura alwala ki yi sallah, idan kin gama ki fito falo in zuba miki abinci ki ci."

"To Momy."

Bata fita ba sai da ta ga ta shiga toilet ɗin tana ɗaura alwala, shiyasa ta fita ta koma nata dakin itama don tayi sallan.
***

_____A sanda Maryamu ta fita Falo, ta tarar da Momy da Dady ne zaune suna magana, kuma duk a kan abun da ya faru da Maryamun ne take sanar mishi, tunda bai jima da dawowa ba

Ganin ta fito, shiyasa ya kira sunan ta yana kallonta, tare da bata umarnin zuwa ta zauna kusa da shi, bayan ta zauna ya kama hannunta tare da cewa, "Momyn ku tace min ba ki da lafiya? Yanzu ya jikin naki?"

"Dady alhamdulillah na ji sauki."

"Masha Allah, ina fata kina addu'a da azkar ba kya wasa da su?"

Kanta ta gyaɗa mishi

Sai yace, "to ki dage, ba na son kina wasa da addu'a, kin san miyagu sun yi yawa yanzu, kin ji my daughter ki dena wasa da addu'oi ki dage da azkar kina jina?"

"To Dady, Insha Allah zan riƙa yi."

Momy da ke sauraron su, sai ta tashi ta je ta ɗibo mata abincin a plate ta miƙa mata, tare da ajiye mata magani a saman Centre table tace mata, "in ta ci sai ta sha maganin."
Addu'a tayi a cup ta ajiye mata tace, "ta sha dashi."

Haka Maryamu ta dauki abincin ta soma ci a hankali idanunta na a kan kallo

Yayinda su kuma su Momy suke ci gaba da ɗan taɓa hira a tsakanin su, daga baya ma Dady ya tashi ya koma dakin shi,
Ya bar Momy da Maryamu a wurin; since yace, "bazai ci abincin yanzu ba sai anjima, zai je ya kwanta ya huta."

   
Babu jima wa shima Sadiq ya dawo gidan, yayi mamakin ganin Maryamun shima, shiyasa yake tambayar dalilin dawowan ta

Momy ta ba shi amsa, "bata da lafiya ne shiyasa aka dawo da ita."

"Eyya sannu my Ƙanwa, Allah ya ƙara lafiya."

"Amin yaya Sadiq, ai na ji sauƙi ma, ka bani Aron wayanka in kira su Inna."

"Dama kina neman wayan ne ba ki tambaye Ni ba? Tashi ki dauko nawa yana nan a ɗaki na na manta da ita a can, ki dauko ki yi wayan."

     
"To Momy." Ta amsa mata cikin zumuɗi tana mike wa

Tare da Sadiq suka nufi upstairs ɗin, shi ya wuce dakin sa ita kuma ta shiga dakin Momy ta dauko wayan ta dawo, kasancewar ta riƙe numban Innar su since most of the time ita take amfani da wayan ma, shiyasa layin ta kaɗai ta iya riƙe wa a kanta, da sauri ta saka ta danna mata kira, babu jima wa kuwa ta ji sallaman Innar a cikin kunnen ta, cikin farin ciki ta amsa mata tana kiran sunan ta

Daga can Inna, wacce ta tabbatar da muryan Maryamun, sai tace, "Auta ke ce?"

Kamar zata yi kuka tace, "eh Inna Ni ce, kin manta da Ni, ko kiran Dady ba kya yi bare ki ce ya bani?"

Innar Dariya ta ɗan yi, sai tace, "ashe har yanzu kina nan da shirmen ki? Ban da abun ki wacce uwa ce zata manta ƴarta? Kina nan a raina."

Hakan ne yasa Maryamu farin ciki, tace, "to Inna ya su Bintu da Umma?"

"Suna nan lafiya, yanzu Bintu ta fita zuwa gidan Indo, ita kuma Umma tana waje, bari in kira miki ita."
Mike wa Inna tayi ta fita ta kai mata wayan

Hakan ne yasa Maryamu ta jiyo muryan Umman tana kiran sunanta da faɗin, "mutanen Kano Meramun Inna."

"Ina wuni Umma?"

"Lafiya lau Maryamu, ya mutanen gidan ya kuma Kanon?"

"Kowa lafiya Umma, ina su Baba?"

"Ai duk sun tafi wajen aiki, dama yau nake ta zicci-zicci muyi maganar da Innar ki, ta kira mu ji lafiyar ki, domin mun yi kewar ki ba kaɗan ba wlh, Allah yasa an dena rashin jin a can?"

Dariya Maryamu tayi tana tura baki tace, "Kai! Umma, ina ni ina rashin ji kuma? Bayan kin manta yanzu na girma? Ai na bar ma ƴan baya su Shatima."
Tana jiyo sautin dariyan su har Inna, tunda a handsfree wayan take dukka suna jin muryanta

Itama Momy da ke zaune tana sauraron Maryamun sai murmushi take yi, duk da ba ta jin me suke cewa su can,
Sai da ta ɗan jima tana wayan sannan tace mata, "itama ta bata su gaisa."
Hakan ne yasa ta miƙa mata wayan, Momy ta gaisa da su cike da mutunta juna,
Daga karshe sai ta mayar mata wayan suka ci gaba da yi

Da zata kashe wayan tace, "zata sake kira in Bintu ta dawo sai a bata su gaisa."
After ta tsinke wayan sai ta miƙa wa Momy

Momy tace, "ki bar ta a hannun ki zuwa anjiman sai ki kira ta."

Hakan ba ƙaramin dad'i ya yi wa Maryamu ba, tana ta jin dad'i.
***

         Lokacin sallan asar nayi, suka wuce yin Sallah, toilet ɗin ɗakinta Maryamu ta shiga domin yin alwala, har ta soma sai kuma ta ji motsi kamar an shigo ɗakin, shiyasa ta dakatar da alwalan ta fice, nan idanunta suka sauka kan SHAREEF yana bakin ƙofan ɗakin yana mata murmushi, gabanta ne ya faɗi da tunanin ko dai ya soma mata fatalwa ne? Hakan ne yasa ta mitstsike idanunta ta sake kallon wurin, still tana ganin sa a wurin, zuciyarta wani irin buga wa take yi musamman yanda ta ga ya nufo wurin ta a yanzu babu wannan murmushin a kan fuskarsa, sai ma ɗaure ta da yayi murtik kamar yanda ya saba mata; ya tafi kai tsaye wurin ta.
[09/02, 8:21 am] OumƊahirah نفيسة: 🌱🌱🌱🌱🌱

      *SHAREEF*
          _SexyBoy_
🌱🌱🌱🌱🌱


_Writer: Nafisat Isma'il Lawal_
_Wattpad: UmmuDahirah_

*SARAUNIYAR TSOKANAR PERFECT🧝*



*PERFECT WRITER'S ASSOCIATION* 🌞

```( WE AIN'T PERFECT, BUT WE'RE ALWAYS TRYING OUR BEST TO MOTIVATED AND ENTERTAIN OUR REDERS💪)```

/https://www.facebook.com/Perfect-writers-association-100452275039839/

       *P.W.A✍️*





*DATA SHARE*

Call, message or whatsap 07065334256

*MTN*
500MB 150
1gb 280
2gb. 560
3gb. 840
4gb. 1120
5gb 1400
6gb. 1700
Verlid for 30 days.












__________
*BOOK1*
_______________*FREE PAGE27*
_____Tsaya wa yayi a gabanta yana faman kallonta, yanda ya zuba mata kyawawan idanun nan nasa, shiyasa duk ta diririce zuciyarta sai buga wa take yi kamar zata fito a ƙirjinta, yayinda take jin wani irin sanyi na mamaye ta tun daga can ƙarƙashin ƙafafuwan ta har zuwa cikin jikinta, take tsigan jikinta ya soma tashi sai wani irin kasala da rashin ƙwarin jiki ya mamaye ta, ƙwaƙwalwanta ta gaza ɗaukar tunanin shin SHAREEF ne a gabanta ya zuba mata ido? Ko kuma wani ne daban?
Bata gama tantance abun da zuciyarta ke saƙa mata ba, sai gani tayi ya saka hannayensa biyu ya saƙalo da su ta bayanta, yayinda ya janyo ta jikinsa yana haɗa ta sosai da body ɗin sa, sai ya hura mata iska mai sanyi a kan idanunta,
Lokaci guda ta ƙifta su tana ware idon sosai a kansa

Murmushi yayi mata mai kashe jiki, sai ya matso da fuskarsa kusa da nata ya furta mata, "kina mamakin ganina ne?"
Bai bari tayi wani motsi ba sai ɗaukar ta yayi zuwa saman gadon tare da ɗaura ta a kai ya kwantar da ita flat, tamkar sokuwa haka kuwa ta biye mishi still idanunta a ƙafe a kansa ta dena motsi sai dai shi ya motsa ta, amma tana jin yanda bugun zuciyarta ke buga wa da ƙarfi da ƙarfi alamun tsoro da firgicin abun da ke faruwa yasa ta shiga wani irin yanayin da ta kasa kataɓus, kamar an hana ta motsa kowacce gaɓa na jikinta haka take ji, yayinda wani irin barci-barci ya soma ƙoƙarin lulluɓe mata ido, take a nan ta soma ganin ɗakin ya canza launi zuwa ja, sai kuma a hankali ya soma yin duhu ko'ina na ɗakin ya yi baƙi, fuskar SHAREEF kawai take iya hango wa yana mata wannan murmushin nasa mai ƙara masa kyawu da kamala,
Daga lokacin idanunta suka rufe komai na jikinta suka dena motsa wa, amma kuma tana jin sautin muryansa a kunnen ta yana faɗa mata

"Ke Matata ce, kina ganin ban san sirrin da ake ɓoye min bane? Daga yau zan riƙa zuwa ina amsar haƙƙi na a duk sanda na so, don haka ki shirya tarbar Angon ki a kowanne hali, ina farin cikin sanar miki da cewa daga yanzu zan mayar da ke cikakkiyar Mata ta, babu mahalukin da ya isa ya mallake ki face Ni kaɗai, Ni kaɗai ne mallakin ki."

Sai ta ji wani irin sautin dariya da ke fita bibbiyu a hankali daga cikin kunnen ta, duk yanda ta so ta motsa amma abun ya faskara, abun kamar a mafarki, kamar kuma a farke take jin komai, domin tana jin lokacin da yake zame mata kayanta amma ta kasa motsa wa, duk wani motsi nasa tana jin yanda yake shafa ta babu halin magana, idanunta ma sun ƙi buɗe wa,
Abun ya faru ne kamar ƙiftawar ido, daga nan bata sake sanin inda kanta yake ba domin ta kasa jure abun da ke gudana a cikin rayuwarta, wanda bata taɓa shirya wa zuwan sa ba, abun ya zo ne a cikin wani irin rikitaccen yanayi

Momy ce ta shigo ɗakin, abun mamakin sai ta ga Maryamu kwance a saman gado tana ta shirga barci, abun ya bata mamaki, daga ta je tayi sallah sai kuma ta koma barci? Anya yarinyar nan lafiyarta?
Sanin cewa barcin yamma bai da Amfani, shiyasa Momy ta soma tayar da ita, daƙyar ta samu ta soma buɗe idanunta, amma kuma wani irin sambatu take yi mara sa kan gado, hakan ne yasa Momy ta soma karanta mata addu'o'i tana tofa mata

A hankali kuma sai ta soma natsuwa ta dena motsawan da take yi, sai kuma can ta buɗe idanunta tana sauke su a kan Momy, zumɓur ta miƙe tana kallon jikinta cikin tsananin mamakin ganin ta ba kaya sai bargo da aka rufa mata

Ita kanta Momy sai yanzu ta kula da rashin kayan a jikinta, tunda bargon ya zame, da mamaki take kallonta tace, "Maryam, daga ki je ki yi sallah sai ki hau barci? Kuma barcin ma babu kaya?"

Shiru Maryamu tayi tana zazzare ido, sai kuma ta soma ƙoƙarin kama kanta sabida wani irin sara mata da yayi, ko kusa ba ta jin ƙarfi a jikinta tamkar an yi mata dukan tsiya haka take ji, zuciyarta wani irin ƙunci da zafi take jin kamar ana rura mata, ta kasa tuno abun da ke faruwa da ita, bata iya fahimtar komai ba, sai ma wani irin firgici da ya riske ta tamkar ba ta cikin hayyacin ta, lokaci ɗaya idanunta suka soma canza kala zuwa ja, har sun soma tara ruwan hawaye, sai wani irin juye-juye take yi kamar ba ta cikin tunanin ta

Hakan ne yasa Momy ta riƙe ta tana kiran sunan ta, amma yanda ta ga tana yi tamkar ba ta jinta, sai juya kai take yi tana sauke ajiyan zuciya kamar wacce tayi tseren gudu, duk yanayin ta ya gama canza wa gaba ɗaya, kamar ba ita ba,
Kiran sunan ta Momy take yi amma ta ƙi amsa mata, da ta fahimci ba ta cikin hayyacin ta, shiyasa ta kamo hannunta ta soma mata addu'o'i cikin matuƙar tausayin ta da al'ajabin abun da ke faruwa da ita yau ɗin

Can sai ta ga tayi shiru ta dena motsa wa, kanta a saman pillow ta rufe idanunta, a hankali kuma ta buɗe su tana kallon Momyn tare da furta sunan ta

"Na'am, kin yi sallah kuwa?" Momyn ta amsa ta tana mata wannan tambayar,