You Cannot Download this book untill you login but you can read it .

---

Login Register

ne yayi mata cikin tunda haka tace Maryamun

Sai da ya saki ɓoyayyiyar ajiyar zuciya ya sake kallon inda Maryamun ke kwance tamkar gawa, sai yace, "alal haƙiƙa abun da nake gani a nan Jinnul Ashiq ne suka shafi yarinyar nan, muddin suka kasance suna saduwa da ita dole zasu riƙa zuwa mata da siffofin mutanen da ta sani ne, wasu yana faruwar musu a mafarki ne, wasu kuma yana faruwar musu kamar zahiri, to idan har ba a dauki mataki ba abun zai ci gaba da tafiya, daga ƙarshe zasu hana kowacce Mace jin daɗin Mijinta muddin tana da aure, zasu cire mata sha'awar Miji sai wannan mafarkin da take yi shi kaɗai ne zai riƙa mata dad'i, wasu ma kafin su yi aure; daga zaran manemi ya zo wurin yarinyar, zasu yi ƙoƙarin koransa, daga nan ne fa zaka ga wasu Matan sun kasa auruwa sabida suna tare da wannan matsalar, babbar cuta kenan, ina ganin wannan ba wata matsala bace, duk da ban taɓa ganin irin nata zahiri ba. Sau da dama suna haihuwa da bil'adama amma a zahiri ba a ganin Yaran; su kaɗai suke ganin cikin sannan Yaran ma su kaɗai suka san dasu, amma kuma abun mamakin ita a zahiri abun ke faruwa, tunda ga ciki nan a fili."

Sosai bayanin Malam Abdu ya sake ɗaga musu hankali, gaba ɗaya sun yi shiru damuwa ce fal a kan fuskokinsu; yayinda zuciyoyin su ke cikin tashin hankali mara misaltuwa

Bayan ya gama musu bayanin ne; sai Dady yace, "don Allah Malam a san yanda za a yi a taimaki yarinyar nan, muna cikin tashin hankali matuƙa."

"Babu komai wlh, komai ka ga mafarin sa akwai ƙarshen sa, bare aljanu ne dole ayar Allah zai yi tasiri a kansu, don haka ku kwantar da hankalin ku, insha Allahu bi'iznillah yarinyar zata samu waraka, zan yi duk yanda zan yi wajen raba ta da su."
Nan ya saka aka kawo mishi ruwa a cup, ya soma addu'o'i tsawon lokaci bai dena ba, ya jima yana yi wanda ya ɗauke shi tsawon awanni kafin ya basu ruwan yace, "a zuba a gora a ajiye, kullum a riƙa shafa mata a cikin da saman kanta sau biyu a rana, insha Allahu ko me ke akwai da yardan Allah zamu ga sauƙin lamarin, idan ma akwai wata matsalar zan sake dawowa in Allah ya yarda, Allah ya bata lafiya."

"Amin ya Allah." Dukkan su suka amsa

Sai kuma ya sake cewa, "su samo littafi ya faɗa musu wasu addu'o'in da zata riƙa yi kullum da dare, idan baza ta iya ba ana karanta mata kowanne dare."

_Aya ta ɗaya zuwa goma cikin suratul Kahf.. sai kuma ƙarshen Suratul mu'uminun... Aya 54 zuwa ta 56 cikin suratul A'araf, sannan ta karanta wannan addu'ar kamar haka; Allahumma inni a'uzu bika min sú'i ahlami, wa'astajiruka min talaubish shaiɗan fil yaqzati wal'manàmi..._

Daga bisani Dady yayi masa godiya sosai, sai ya tashi ya raka sa bayan ya kira Sadiq yace, "ya zo ya mayar da shi gida."

Suna fita Momy ta ɗibi ruwan ta soma shafa mata a cikin nata, sannan ta cire ɗankwalin kanta shima nan ta shafa mata, but ko gezau Maryamu bata yi ba, a tunanin ta zata ga ta farka,
Shi yasa ta zauna shiru tana kallonta yayinda take ƙara jin tausayin ta,
Bayan Dady ya shigo take kallonsa da faɗin, "Alhaji hankalina ya kasa kwanciya, har yanzu bata motsa ba kuma na shafa mata ruwan."

"Deeja mu jira mu ga abun da hali zai yi, tunda Malam ya faɗa mana abun da ke damun ta; kuma kika ga ga abun da ya bayar, muyi mata abun da yace kawai, ciwo faraɗ ɗaya yake shiga; sauƙi sai a hankali, Allah zai bata lafiya."

Ta amsa mishi da Amin hankalinta na a kan Maryamun

"Yanzu abun da ya dace, sai ta koma ɗakin ki da zama don bazai yiwu mu bar ta a ɗaki ita kaɗai ba, sai ki riƙa taimaka mata addu'o'in ke ma kina mata, insha Allahu komai zai wuce."

"Allah yasa." Tayi maganar tana jan numfashi

A taƙaice dai haka suka kwana a wannan ranan cikin damuwa da zullumi, Maryamu bata farfaɗo ba tana nan a yanda take, abun duniya ya dame su matuƙa, amma sun tsaya su ga ikon Allah zuwa safiya

A washe garin ma da ta farka; jikin babu sauƙi gaskiya a yanda suka gani, tunda ko um bare um um ba ta cewa, tana kwance sai yanda aka yi da ita, shiyasa Momy ta dage da yin mata addu'o'i sosai tana shafa mata, wasu kuma ta bata, har yanzu dai jikin babu dad'i, ga zafin jiki kamar garwashin wuta, ƙarshe ma in ta rufe ido ta dinga barci ba ta farkawa sai ta jima tana barcin

Sai da Malam ya sake dawowa ya duba ta; yace, "su ci gaba babu wata matsala, a hankali zata samu sauƙi, da alamu Aljannun ba ƙananu bane; bayyanar su zai yi wuya, sun rigada sun jima a jikinta."
Ya daɗe yana mata karatu don ma ya tabbatar ya gani ko zasu bayyana; but sun ƙi bayyana, sai kuka da take yi tana ihu kamar ana yanka ta,
Har ya gaji ya dena karatun ya basu wasu addu'o'in yace, "a ci gaba da mata."

Duk wannan bidirin SHAREEF yana ganin abun da ke faruwa amma bai taɓa magana ba bare ta ba shi tausayi, don har yanzu ganin baƙin ta yake yi; tunda har ta iya masa sharri to kaɗan ma ta gani, bai taɓa jin ɓurɓushin tausayin ta ba, tuni ya koma aikin sa don ma kar ya ci gaba da zama a gidan yana ganin abun takaici, tunda yanzu Momyn ma fushi take yi dashi har yanzu ta ƙi saukowa, ko gaisuwar sa sai ta ga damar amsa mishi, Dady ne kawai bai canza mishi ba. Abun yana damun SHAREEF, shiyasa the more yana ƙara jin tsanar Maryamu a ransa ne, sanadiyyar ta mahaifiyarsa ta ɗauki tsawon wannan lokacin tana fushi dashi; babu magana mai daɗi a tsakanin su, har yanzu kuma yana nan a kan bakan shi don ya rigada ya saka a ransa bazai taɓa zama da mahaukaciya kamar ta ba, domin a yanzu kallon mara hankali yake mata, musamman ranan da ya dawo aiki ya ga Momyn ta danne ta tana mata karatu; alamun kamar aljanun nata sun tashi ne sai kuka take yi da kururuwa, tunda ya shigo ya sulale ɗaki ya garƙame ƙofa, bai fito ba sai da aka kira sallan magriba

Bayan ya dawo ne Momy ta same shi ta dinga mishi faɗa kamar zata ari baki, tace, "sabida shi ba a isa a saka shi abu yayi ba; duk halin da yarinyar nan take ciki bai taɓa kallonta yace mata sannu ba, tunda ciwon ba a jikinsa yake ba, sannan ba shi da tausayi ko kaɗan yana ganin yarinya tana a cikin lalura bazai iya ce mata ya jiki ba, wlh idan bai kuka da kansa ba wata rana sai ta ci masa mutunci tunda bai san inda ke masa ciwo ba."

Masifa sosai ta dinga mishi SHAREEF ya kasa ce mata komai, haka ta gaji tayi shiru don kanta

Shi kansa Dady abun ba ya masa dad'i, bai san wanne iri ne SHAREEF ba, me yarinyar nan ta tare mishi da ya tsane ta haka? Ba ya son ganin ta ne a rayuwa ko a gidan ne ba ya son ganin ta sun kasa gane masa?
Duk faɗan nan kuma da Momy tayi masa ya ƙi cewa komai, ƙarshe sai ya wuce ɗaki ya rufe kansa ya ƙi fitowa, ko abinci bai ci ba, su ma babu wanda ya kira sa bare ya damu dashi, ai cikin sa ne, idan ya ji yunwa zai fito.
***

            
_____Kwanaki sun soma ja kafin Maryamu ta soma samun lafiya har tana iya gane mutane, cikin nata ya koma ya ɓace ɓat, sun ga sauyi sosai, sai dai kuma rashin samun ishashshen lafiya da har yanzu babu a tare da ita, sai ya zamana ko tafiya yanzu ba ta iya yi saboda ciwon ƙafa da ya sako ta gaba, duk wanda ya kalli Maryamu a ɗan wannan lokacin zata baka tausayi saboda yanda ta koma tsaban ciwo, duk ta yanƙwane ta fita a hayyacinta gaba ɗaya, kullum bata da sana'a sai kuka saboda zafin ciwo, ga idanunta kullum a kumbure suke sun yi wani irin ja; abun ka da mai manyan ido baza ka so ka sake kallonta ba in kayi mata duba ɗaya. Tabbas ba ƙaramin jinya ta sha ba, don ma wai an tashi mata tsaye ne sosai da neman magani, ya zamana komai sai dai Momy ta yi mata ba ta iya yin komai tunda ba ta iya tafiya gaba ɗaya tana zaune wuri ɗaya, sai jikin kamar yayi dad'i sai kuma ya sake rikice mata

Su Feena da suka ji shiru ba ta zuwa school, musamman suka zo duba ta tunda a tunanin su jikinta ya tashi, ilai kuwa yanda suka yi hasashe ne; rashin lafiya ya ɓoye ta, sun yi mamaki matuƙa sanda suka zo suka iske ta cikin wannan laluran, dukkansu sai da suka zubar mata da hawaye domin duk wanda ya san Maryamu ada bazai ce ita ce yanzu ba, ta wani ƙanjame tamkar ba ta iya fahimtar wasu abubuwan ma

Su kansu su Momy sun rasa yanda zasu yi, dole suka ɓoye wa iyayenta halin da take ciki tunda baza su iya sanar musu ba, hankalin su zai tashi fiye da nasu, sai dai suna iya bakin ƙoƙarin su kasancewar akwai kuɗi duk inda suka ji mai magani suna kwatanta neman taimako wurin sa

Allah da ikonsa suka samu Malamin da ya soma basu taimako cikin ƙanƙanin lokaci sauƙi ya soma samuwar mata, shiyasa suka dage suna kaita wurin sa tunda an soma samun sauƙi. Shi kansa yayi mamakin irin baƙin aljanun da ke tare da ita, amma haka ya ci gaba da basu taimako har Allah da ikonsa ta soma samun waraka, a hankali ta soma takawa duk da ba sosai ba, jiki yayi sauki Masha Allah,
Hakan ya faranta ran su Momy, ba ƙaramin dad'i suka ji ba ganin yanzu Maryamu sosai sauƙi ke samuwa

Gefe ɗaya kuma SHAREEF tuni ya manta da wani shafin ta da ɓacin ranta a tare dashi, sabida yana tare da Haseena soyayyar su kullum daɗuwa take yi, Allah da ikonsa Abbanta har ya yarda cewan ya turo Iyayensa kamar yanda yace; idan an ɗaura auren sai bayan ta gama school sai ta tare, dama kwanaki ya rage yanzu suyi hutu, idan ta dawo sai a ɗaura auren,
SHAREEF ya rasa yanda zai yi ya sanar da Iyayensa, amma kuma yanda yake ji bazai iya jure ya bar abun a ransa ba, musamman yanzu da ba shi da buri sama da ya auri Haseena ko zai samu sassaucin abun da yake ji,
Don haka ya daure ya cije ya samu Dadyn nasu da zancen maganar auren; da kuma yanda yake so a nema masa auren ta daga baya sai ta tare after ta gama karatun ta.
[23/02, 8:43 am] OumƊahirah نفيسة: 🌱🌱🌱🌱🌱

          *SHAREEF*
               _SexyBoy_
🌱🌱🌱🌱🌱


_Writer: Nafisat Isma'il Lawal_
_Wattpad: UmmuDahirah_

*SARAUNIYAR TSOKANAR PERFECT🧝*



*PERFECT WRITER'S ASSOCIATION* 🌞

```( WE AIN'T PERFECT, BUT WE'RE ALWAYS TRYING OUR BEST TO MOTIVATED AND ENTERTAIN OUR REDERS💪)```

/https://www.facebook.com/Perfect-writers-association-100452275039839/

       *P.W.A✍️*





*DATA SHARE*

Call, message or whatsap 07065334256

*MTN*
500MB 150
1gb 280
2gb. 560
3gb. 840
4gb. 1120
5gb 1400
6gb. 1700
Verlid for 30 days.












__________
*BOOK1*
_______________*FREE PAGE39*
_____Dady da tsananin mamaki yake kallon SHAREEF ɗin ya kasa cewa komai

Shi kuma ya sunkuyar da kansa gabansa na faɗuwa yana tunanin hukuncin da zai biyo baya, musamman da ya ga akwai Momy a wurin

Amma wani abun mamakin ko uffan Momy bata ce ba, sai ma miƙe wa da tayi tabar wurin ta tafi yin aikin ta

Dady kuma da ke faman kallonsa sai yace, "yanzu SHAREEF ita yarinyar dama karatu take yi bata a ƙasan ma ashe?"

Ɗan ɗago kai yayi kaɗan yana margaya kai alamun eh ya gaza yin magana

"Lallai kam! Shikenan, tunda haka ka zaɓa, na ga alamun in bamu bar ka kayi auren nan ba komai zaka iya yi, ba komai abun da ka zaɓa shi zamu yi ma, amma ka sani auren ka da Maryam koyaushe yana nan, zan bar ka kayi wannan auren ne ba don komai ba sai don ita Maryam har yanzu ƙaramar yarinya ce; sannan ba da amincewar ka tabbas muka yi auren ba, dalilin da yasa zamu bar ka ka auri zaɓin ka gudun tauye maka haƙƙi sai ka haɗa su su biyu. Zan duba maganar naka mu gani, tashi ka tafi." Ya ƙare maganar yana harɗe ƙafafunsa tare da mayar da hankalin sa a kan kallonsa

Hakan ne yasa jiki a sanyaye SHAREEF ya mike ya haura sama ya wuce ɗakin sa ransa babu dad'i, kenan dai har yanzu auren yarinyar da ya tsana yana nan a kansa? Uhmm

Bayan tafiyar sa babu jima wa Momy ta dawo wurin ta zauna

Sai Dady yace, "kina jina da ɗanki ba ki ce komai ba kin tashi?"

"Me zan ce to Alhaji? Ni yanzu bani da abun cewa in dai a kan SHAREEF ne, ya fi ƙarfin mu, tunda haka ya zaɓa mu bar sa kawai yayi auren sa, domin Ni yanzu na rigada na yanke hukuncin Maryam baza ta taɓa shiga gidan sa a haka ba; don haka bamu da wani zaɓi face mu bar sa yayi auren ko don abun da Likita yace mana."

Gyara zama Dady yayi still yana kallonta da cewan, "ban gane inda maganar ki ta dosa ba Deejah, ki yi min bayani mana."

"Abun da nake nufi, idan har muka ba shi Maryam a yanzu mun san abun da zai biyo baya tunda muna ganin yanda SHAREEF yake nuna mata; babu ko ɓurɓushin tausayin ta a ransa, ka duba yanda take wannan ciwon amma bai taɓa buɗe baki yayi mata sannu ba, bai taɓa nuna damuwarsa a kanta ba, Maryam yarinya ce bazan so ta tare a ɗakin SHAREEF face ta mallaki hankalin kanta ba, don haka in har zaka bi ta shawarata; zan so a ce Maryam ta koma wurin Ƙanwata Surayya, ta zauna a can ta ci gaba da karatun ta, hakan ne zai sa hankalin ta ya kwanta ta manta dashi har ta mayar da hankali a kan karatun ta, idan ba haka ba a nan zata ci gaba da zama cikin ƙunci ne, shi kansa SHAREEF da ba ya son ganinta idan muka nesanta su ka ga tsanar da yake mata zai sassauta mata."

Shiru Dady yayi duk da ya gamsu da maganar ta, amma bai son Maryamu tayi nesa da su, don haka yace, "ban ƙi ta taki ba Deejah, amma taya ya samu nesanta ta da mu bayan amanarta aka bani? Sannan ma muna ta mata wasa da karatun ta; a can ma ta fara karatun ne na dawo da ita nan, yanzu kuma ga shi karatun nasu yayi nisa za a gama zangon karatu na farko; kuma ga shi zamu sake cire ta again."

"To ai Alhaji kuɗi ke aiki, haka nan zamu nema mata alfarma ta ci gaba daga inda ta tsaya, kuma abun da yasa na fi sha'awar ta zauna a wurin Surayya saboda tana da Yara sa'annin ta, zata fi jin daɗin zama a can fiye da nan, ka duba maganata don Allah, na fi son Maryam ta samu karatu ta zama Mace fiye da yanda SHAREEF yake tunani, ko don wulaƙancin da yake mata."

Murmushi Dady yayi yace, "Deejah kenan! Akwai ɗaukar zafi."

Fuskarta a ɗan turɓune tace, "ƙwarai kuwa, domin abun da na ga ɗanka yake tunani kenan, raini da wulaƙanci irin nasa yasa yake ganin Maryam bata kai ta zama Matarsa ba, sai wannan mai buɗaɗɗiyar idanun; idanunsa sun rufe a kanta ita kawai yake hange, to kwanyar sa ta faɗa tunda yanzu mun ba shi damar ya Aure ta, ga shi ga ta nan."

Ajiyar zuciya ya sauke tare da furta, "Allah dai yasa mu dace, amma ba yanzu zata tafi ba ko? Domin dole sai ta sake samun sauƙi, kuma kinga akwai bikin ƴan uwanta da zamu je, ya kamata mu tafi da ita don ta ga ƴan uwa."

"A'a Alhaji, bai kamata mu je da ita ba ko don halin da take ciki, kana ganin yanda ta rame ta zabge ɗin nan; baza su ji dad'i ba idan suka ga ƴar su a haka, mu bari dai wata rana sai ta je, duk ranan da ta dawo hutu daga Abuja sai ta je can tayi musu hutu, su kuma sai mu faɗa musu karatu yasa bamu zo da ita ba mun bar ta a gidan mu."

"To Shikenan, Allah yasa hakan shi ya fi alkhairi."

Da wannan hiran nasu suka rufe caftan

Yayinda Momy tuni ta kira Ƙanwarta Autar su da ke aure a Abuja; ta sanar mata da komai, sabida dama babu wanda ya san cewa an ɗaura auren Maryamu da SHAREEF; dukka Momy ta ɓoye musu har su da suke ɗakin su ɗaya, sai yanzu da take sanar da Surayya

Ita Surayya dama bata da wata matsala; Mace ce mai kirki da sanin yakamata, kuma ma'aikaciyar gwamnati ne, Mijinta kuma Babban Soja ne ba ya zama a gidan ma, yana ɗaukar watanni bai dawo gidan ba, Yaranta uku ne dukka Mata, Yusaira ita ce babbar ƴarta, sai Aakifah wacce ita ce Sa'ar Maryamu, sai kuma Auta Na'ilah yarinya ce da bata fi shekaru shidda ba.
***

    
_____Dayake a satin Hanif zai yi graduation; shiyasa Dady yace, "SHAREEF da Sadiq su shirya su je masa." Since shi bazai samu damar zuwa ba, in fact ma shi yake zuwa Abuja wurin aikin kwangilar da suke yi, duk da akwai ma'aikatan su a can

SHAREEF ya samu abun da yake so; tunda ya samu damar zuwa wurin Haseena, don haka da zasu tafi sai da ya gargaɗi Sadiq, "in ya sake ya sanar da su Dady inda ya wuce sai yayi mugun saɓa mishi."

Sadiq na tura baki yace, "I won't tell them."

Bai bi ta kansa ba, suna zuwa airport suka rabu, Sadiq ya soma wuce wa ya hau Flight da zai kaisa England,
While SHAREEF sai da ya jira zuwa 12 ya samu Flight na Australia ya wuce.
***

_____After Sadiq yayi landing, Hanif ya saka ran zai gansu su biyun, but sai ya ga Sadiq shi kaɗai, that's why da mamaki yake kallon Sadiq yace, "wai ina Brother ɗin? Aina ya tsaya?"

Faɗa wa kan kujera Sadiq yayi yana furta, "wash Allana! Wlh Yaya na gaji; rabo na da tafiya irin wannan na jima, duk gaɓoɓi na suna min ciwo."

"Ina tambayarka kana min wannan rakin naka? ina SHAREEF ɗin ko ba tare ku ka zo ba?"
Yayi maganar yana tsare sa da ido

Sai ya tsuke fuska cike da jin haushin yanda Hanif ya ƙi damuwa da damuwar sa, ciki- ciki yace, "ya wuce Australia wai, and Ni ban san me zai yi a can ba."

"Australia?" Hanif ya furta a matuƙar mamaki, wato yarinyar can ta fi sa? Har ya iya wuce wa wurin ta ya ƙi zuwa wurin sa, bai san wanne irin so SHAREEF yake yi wa wancan yarinyar ba; da har zai iya barin sa ya wuce wurin ta, ransa sosai ya sosu; don haka bai bar abun a cikin sa ba sai da ya samu ya kira sa, da farko bai samu layin sa ba, sai daga baya, lokacin SHAREEF ya sauka yana cikin texi zai wuce gidan Haseena. Yana amsa call ɗin yace, "abun da kayi min ka kyauta kenan ko? Meyasa sai a lokacin da nake buƙatar ka zaka wuce wurin wannan yarinyar? And you know this is my time, why would you do this to me?"

"Oh! Ko dai zaka bige Ni ne kake min shouting a kunne?"

"No bazan buge ka ba, but ban ji dad'i ba, kuma zan sanar da Dady tunda abun da kayi min kenan." Ya furta da ɓacin rai yana kashe wayan ba tare da ya jira cewar sa ba

Inda SHAREEF ya bi wayan da kallo, sai kuma ya ajiye ba tare da ya kira sa ba; tunda ya san bazai taɓa kiran Dadyn ba, kuma a ransa bai ji dad'i ba sabida ya san tunda Hanif ya nuna ɓacin ransa; yau da gasken ya ɓata mishi rai ne, kasancewar sa Mutum mara saurin ɗaukar zafi, bai yi ninyar zuwa ba; but dole ya sauya shawaran zuwa gobe zai bi jirgi ya je wurin sa; since a goben ne za a yi taron

Mai Taxi ɗin yana tsayar da Motan ya fito tare da ɗan ƙaramin trolly ɗin sa. Bayan ya sallame sa sai ya nufi bakin gate ɗin yana danna door bell, but shiru ba a buɗe masa ba, dama bazata yake son yin ma Haseena, tunda bai sanar mata ba. But da ya ji shiru bata buɗe ba tsawon lokaci, dole ya nemo contact ɗin ta ya soma ƙoƙarin kiran ta,
Sai ga wata bak'ar Mota ta zo ta faka a wurin, hakan ne yasa ya dakata daga duban wayan nasa yana bin Motan da kallo, ba ya kallon na ciki kasancewar glasses ɗin ɓaki ne

Daga ciki kuwa Nana ce tare da Haseena suka dawo,
Haseena wacce bata yi tunanin ganin SHAREEF ba; suna shanyo kwanan wurin; kyakkyawar fuskarsa ta soma hango wa, shiyasa cikin ruɗu da tashin hankali tace wa Nana, "ta tsayar da Motan a wurin."

Hakan yasa Nana ta dakatar tana kallonta da mamaki, before tace, "lafiya mene ne?"
Ganin inda take kallo sai itama ta bi wurin da kallo, sai a lokacin ma ta kula da SHAREEF da ke tsaye wanda tuni ya mayar da kansa yana latsa wayansa

Ƙaran wayanta ya zaburar da ita, ta duba wayan ta ga zahiri shi ne, sai tayi saurin duban Nana tace, "sorry Honey, go now because I have a guest, I will not be happy to see us together."

Wani kallo Nana ta sauke mata tace, "Is that the guy you're talking about? Meyasa zai zo a wannan lokacin and kuma ba ki sanar min ba?"

Marairaice fuska tayi tace, "nima ban san zai zo ba, yanzu nake ganin sa, I never thought it would come to this moment."

Ɗan taɓe baki tayi before tace, "ok zan tafi, but let's go and see him, I want to know him."

Hannunta tayi saurin riƙe wa tana girgiza kanta, before tace, "nop please, ba na son ya san da ke..."

"Because of what?" Ta katse ta da furta hakan

Shiru Haseena tayi tunda bata san yanda zata yi mata bayani ba, ta san halin SHAREEF kuma baza ta so ya san suna da connection da Nana ba, musamman a yanzu da tayi irin wannan shigan, bata da maraba da tsirara, ga wani shegen gashi da ta sanya red colour a kanta, yatsun hannunta zara-zara sun sha penti da zobuna, kallo ɗaya ma yayi mata zai fahimci wace ce ita, cuz a fuska ma ga hujin hanci ga na baki, kuma duk ta zuba dogayen ɗinkunne tayi ado na ban mamaki, sai wani shegen eyelashes da ta sanya ta danƙara MakeUp a face ɗin ta

"Is ok. Na fahimta." Nana ta furta tana cije baki cike da murmushin nan nata da bai rabo a kan face ɗin ta, sai ta sake cewa, "ok zan yi kewar ki, yakamata muyi goodbye romance, duk da ya katse min jin dad'ina da yawa, ba haka naso ba." Sai ta yatsina fuska tana zura hannunta a saman cinyan Haseena ta soma shafawa, yayinda ta matso sosai ta tallabo wuyanta tana zura bakin ta cikin nata

Duk da Haseena bata cikin kwanciyar hankali, amma haka nan ta cafke bakin Nana ta biye mata, kamar abun wasa sai da suka ɗauki tsawon lokaci suna manne da juna cikin wani irin yanayin da kowaccen su burinta ta nuna wa ƴar uwanta soyayya. Haseena har ta manta da wanzuwar SHAREEF a wurin sai da ta ji wayanta ta ƙara yin ring before ta ankare. A kasalance ta zame bakin ta daga tsotson da Nana take mata, sai dai bata sauka a jikinta ba ta manne mata idanunta a rufe tana mayar da numfashi, wani irin tsantsan sha'awarta take jin yana taso mata kamar ana ingiza ta, don bata yin awanni ba sa tare da juna tsaban yanda take jin wutar sha'awar ta kamar su dauwama a tare, amma babu yanda ta iya, dole ne yasa zasu rabu yanzu, ga