You Cannot Download this book untill you login but you can read it .

---

Login Register

ci, koda aka zuba mishi yace, "a ɗauke mishi a gabansa."

Sadiq ya dauka ya mayar ya sanar musu yace, "bazai ci ba."

Iya tace, "to ko dai a dafa mishi ko fara da mai ne ya ci? Tunda shi bazai iya ci ba don na ga alamun ɗan gayu ne Mijin Meramun tamu, dama haka tafi so ƴar tselan uwa." Ta ƙare maganar tana ɓaɓɓaka dariya

Momy tace, "a'a Iya kar ki wahalar da kanki, in dai a halin SHAREEF ne ko me aka ba shi in bai yi ninya ba bazai ci ba, don haka ki ƙyale sa cikin sa ne."

Shima Dady abun da yace kenan,
Shi yasa bata da yadda zatayi haka nan ta haƙura, amma bata ji dad'i ba duk da ta ga halin sa ya bambanta da sauran ƴan uwan nasa, da gani yana da ƙyanƙyami, amma ita hakan bai dame ta ba tunda sosai ta ji dadin ganin SHAREEF din a haka, a ganin ta Maryamu tayi dacen ɗan kyakkyawar saurayi kamar yanda take faɗa, wannan ai abun nuna wa ne da kwatance, ta san Iyayenta zasu ji daɗin ganin Surukin nasu na nuna wa Sa'a.

          Zuwa washe gari tunda ranan bikin ne, kuma karfe 10 za a ɗaura auren, safe nayi suka shirya suka wuce ƙauyen; har da Iya Samira ta bi su a motan su.
[05/03, 8:27 am] OumƊahirah نفيسة: 🌱🌱🌱🌱🌱

          *SHAREEF*
               _SexyBoy_
🌱🌱🌱🌱🌱


_Writer: Nafisat Isma'il Lawal_
_Wattpad: UmmuDahirah_

*SARAUNIYAR TSOKANAR PERFECT🧝*



*PERFECT WRITER'S ASSOCIATION* 🌞

```( WE AIN'T PERFECT, BUT WE'RE ALWAYS TRYING OUR BEST TO MOTIVATED AND ENTERTAIN OUR REDERS💪)```

/https://www.facebook.com/Perfect-writers-association-100452275039839/

       *P.W.A✍️*





*DATA SHARE*

Call, message or whatsap 07065334256

*MTN*
500MB 150
1gb 280
2gb. 560
3gb. 840
4gb. 1120
5gb 1400
6gb. 1700
Verlid for 30 days.










__________
*BOOK1*
_______________*FREE PAGE49*
 _____Sun isa ƙauyen; su Baba na ƙofar gida shi da wasu Abokansa suna ɗan tattaunawa,
Suka ga motan ta tsaya a ƙofar gidan, dayake Baba ya san da zuwan nasu shiyasa ya nufi wurin Motan tun kafin ma su fito

Dady ya soma fitowa shi da Hanif da suke baya, sai Momy da Iya Samira waɗanda su ma duk suna back sit; sabida Motan irin Jip ɗin nan ne ƙatuwa,
Sadiq ke tuƙa su; while SHAREEF na hakimce a front sit, ya ƙi ya fito bare ma ya ɗago kansa, wayansa na hannunsa yana chart da Haseena tana faɗa mishi, "yanzu haka ta hau jirgi zasu tashi."
Bai san ma mai ake yi ba sabida su Dady suna can ana gaigaisawa; har su Yaya Naziru sun fito daga gidan

Gidan suka nufa bayan sun gama gaisuwar, Baba da Dady suka fara yin gaba su Iya suka bi bayansu

Yaya Naziru da Yaya Ashiru suka ce ma su Hanif, "su shiga cikin gidan," tunda suna gefe ne sun gaisa tamkar sun saba da juna sabida yanda suka gaisa faram-faram, duk da dama an daɗe ba a haɗu bane, musamman ma Hanif dashi da SHAREEF

Hanif ne ya kula kamar babu SHAREEF, shi ne ya juya yana duban wurin Motan before yace ma Sadiq, "ina Bro ne wai?"

Sadiq shima ya bi motan da ido yana cewa, "bai fito ba fa."

Hanif kallon su Yaya Ashiru yayi yana musu murmushi yace, "bari in kira bro sai mu shiga tare."

Su ma tsaya wa suka yi suna kallonsa ya nufi wurin Motan, duk da sun fahimci maybe SHAREEF ne Mijin Maryamun su, dukkan su sai suka zaƙu da su ganshi suna ta kallon wurin Motan

Hanif ƙwanƙwasa side din sa yayi yana jiran ya buɗe mishi

Sai lokacin ma ya dawo da hankalin sa jikinsa; ya ɗago yana duban inda Hanif yake tsaye, hannu ya sanya ya zuge glass din yana faman kallonsa fuskarsa babu wata walwala, da ido yayi masa alamun mene ne? yana tsare sa da idanun

"Ka zauna duk mun fita kai ka ƙi fitowa, ko baka san mun kawo bane?"

Yatsina face ɗin sa yayi yana ɗan juya wa ya bi inda suke da kallo, har ya sauke idanunsa kan su Yaya Ashiru da suke gefe sun kafo musu ido, kallon kallo suka yi wa junan su while tuni SHAREEF ya ɗauke idanunsa a kansu, ya wani yanƙwane fuska da furta, "and so what?"

"Ka fito mana, su Momy har sun shiga ciki, kuma ka san Dady zai tambaye ka."

Gajeren tsaki ya ja yana wani haɗe fuska

Shi kuma Hanif bai bi ta kansa ba ya sanya hannu ya buɗe masa ƙofan

Kamar bazai fita ba sai wani haɗe fuska yake yi yana sake bin garin da kallo ta cikin Motan, wai ji be ƙauyen da aka kawo su haka kawai an takura masa, to taya ya zai iya zama na mintoci a wannan bahagon garin? Wani dogon tsakin ya ja yana zuro ƙafafunsa a waje, kana ya fito cike da ƙyanƙyami yana wani hura hanci

Sadiq da ya dubi su Yaya Naziru ya ga sun zuba wa SHAREEF ido, sai ya ɗan yi murmushi yana ce musu, "ga Yayanmu nan ya fito Mijin Maryam."

Murmushi suka yi su dukkan su, duk da sun san shi amma an jima rabon su dashi, don haka ba ƙaramin sauya musu yayi ba, tabbas su kansu SHAREEF ya burge su sosai, gani suke yi kamar ya fi ƙarfin Maryamu sabida yanda suka ganshi ɗan Gaye, duk da basu da bambanci da Hanif amma SHAREEF ya fi shi wayewa da hasken fata, kuma bai da sakewar fuska koda gani yanda suka ga ya fito face ɗin sa a haɗe babu annuri yana wani hura hanci; daga gani zai yi jijji da kai ne, duk wanda ya kalle sa ma zai gane hakan

Hanif ne ma yace mishi, "ga su Nazir nan baku gaisa ba Bro."


Kallo ɗaya yayi musu ya wani ɗauke kansa yana saka hannaye a cikin aljihun wando

Naziru ne ya soma ba shi hannu yana cewa, "aslm alaikum ɗan uwa, fatan kun zo lafiya?"

Kamar bazai ba shi hannun ba don har wani jan lokaci yayi, sai kuma ya ciro hannun tare da miƙa masa suka gaisa

Ko kusa basu damu da abun da yayi musu ba tunda tun farko sun soma fahimtar halin sa, tun wani zuwa da yayi aka yi faɗa dashi, amma bai dame su ba, suna gaisa wa suka rankaya suka wuce cikin gidan,
SHAREEF na take musu baya kamar bazai taka ƙasan ba, ya haɗe fuskarsa babu ko ɗigon fara'a

Can kuwa cikin gidan har an bama su Dady mazauni a ɗakin Inna, tunda gidan an cika da ƴan uwa ana ta hayaniya, suna ta kiciniyar ɗaura girki,
Labari har ya baza musu ana cewa, "mutanen Kano ne suka zo, iyayen Mijin Maryamu."
Shiyasa fa suka yi ta shiga ɗakin Inna suna gaisa wa da su Momy, kowa na son ya ga Mijin Maryamun, har wasu suna tambayar, "ko Maryamun bata zo bane?"

Iya Samira ce take basu amsa tace musu, "ba a zo da ita ba, amma Mazajen suna nan a waje zasu shigo, zasu ga Mijin Meramun da suka ƙosa su ganshi."

Ana haka sai ga su sun shigo, sai kallo ya koma kansu,
Su Hanif ne kaɗai suka samu damar gaishe da mutanen wurin cikin girmamawa,
Kowa ya ɓashe baki yana amsa musu suna baza idanu su gane wane ne Mijin Maryamun a ciki

Har dai wata Mata ta ƙare ta tambayi su Yaya Naziru da suke gaba; take cewa, "to wanne ne surukin namu?"

Yaya Ashiru ya nuna SHAREEF da ke baya ya turɓune fuska kamar zai saka kuka, ko kallon mutanen ya gaza yi sabida baƙin ciki da tsananin ƙyanƙyamin su,
Ya nuna sa yace, "ga shi nan."

Sai fa kallo ya koma kansa suna ta surutu wasu na yabon sa; wasu kuma suna mamakin ganin yanda ya haɗe fuska yayi kamar bai gansu ba

Kai tsaye dakin Innan; su Yaya Naziru suka wuce da su, suka shiga ciki gaba ɗaya

"Ina ku ka tsaya ne baku shigo ba sai yanzu?" Cewar Dady da ke kallonsu

Hanif yace, "mun tsaya gaisawa da su Nazir ne Dady."

Iya Samira da tayi tsulum tana ce ma su Inna, "ai ga ma Mijin Meramun nan sun shigo, kun ganshi ga SHAREEFUN nan, wannan kuma Mijina ne Sama'ila."
Ta nuna su tana dariya

Su Umma Jummai da Inna suka bi su da kallo fuskarsu a sake, suna amsa gaisuwar su Hanif ɗin, while idanunsu a kan SHAREEF da ke tsaye har yanzu shi bai duƙa ba, dukkan su sun zura mishi ido kamar zasu cinye sa ɗanye

Momy da ta kula da yanayin SHAREEF ɗin, sai ta dube shi tace, "ka zauna mana ka tsaya a tsaye? Kuma kana jin ana gaisuwa kai baka ce komai ba."

Sai lokacin ne fa ya samu wuri ya zauna, har yanzu rai a haɗe ya gaishe su a daƙile tamkar ba ya so

Jikin Inna yayi sanyi sosai tun sanda ta kalli SHAREEF ɗin ta fahimci wane ne shi, koda basu jima a ɗakin ba ta gane suna da bambanci sosai da su Hanif, ba halin su ɗaya ba koda gani, amma dai har a ranta tana fatan a ce ƴarta ta samu farin ciki da soyayya a wurin sa, tana mata wannan addu'ar a cikin ranta, don kallo ɗaya ta san cewa za a yi aiki da SHAREEF, ita bata damu da zancen mutane da suke ta yabon kyawun sa ba, amma ai hali ake so, yanda ta ga Hanif sai ta ji dama shine ya kasance surukin nasu

Shi kansa Baba da su Yaya Faisal haka suke kitsa wa a ransu, sabida yanda suka fahimci SHAREEF a ɗan ƙanƙanin lokaci,
Sai dai kowannen su ya bar abun a ransa suna fatan a ce Maryamu baza ta sha wahala a wurin sa ba, tunda bai dauke su da wata daraja ba, ƙyama ƙarara ya ware kansa a cikin su

Ana dawowa ɗaurin auren ma Mota ya shige yayi zaman sa,
Koda Hanif ya zo ya kira sa but ya ƙi fitowa, yace, "ya bar sa bazai iya da kayan takaici ba, duk an bi an takura masa."

Hanif shi kansa bai ji daɗin yanda SHAREEF yake yi ba, amma gudun fitina shiyasa bai yi mishi magana ba, sai ma lallaɓa shi da yake yi yace, "ya daure ya ci abincin tunda ya san bai ci komai ba, tun zuwan su Zaria bai ga ya saka komai a cikin sa ba."

Amma firr SHAREEF ya ƙi amince masa, kuma ba kaɗan ba tsananin yunwan yake ji tunda tun jiya bai ci komai ba, kallo ɗaya ma kayi masa zaka san ya jigata ba kaɗan ba, ya soma fita a hayyacinsa idanun nan sun yi zuru-zuru da su, ƙarfin hali kawai yake yi da kuma samun yanda hankalinsa ya ɗauke saboda waya da yake yi da Haseena, shiyasa ya ɗan samu ƙwarin gwiwa bai damu kansa sosai ba

Hanif kuma ya damu sosai da ɗan uwansa, ya san halin sa zai iya zama a haka in har suka ci gaba da zama a ƙauyen nan, tunda bai ci ba bazai ci bane don ya san shi da shegen tsentseni,
Hakan ne yasa ya samu Bashir yace masa, "aina zai samu shago? yana son ya siya biscuits ne da drinks in zai samu."

Bashir yace, "eh za a samu nan kusa, ko shagon Baba ma za a samu tunda ya bar Yaron shagon sa yana zaune, bari ya siyo masa a can."

Ai kuwa da sauri Hanif ya ba shi kuɗi dubu ɗaya yace mishi, "ya siyo mishi biscuits da fresh yo, ko kuma nutri milk in za a samu."

Yace masa, "to." Ya amsa ya tafi.
Jima wa kaɗan ya je ya dawo ya kawo masa dukka ya haɗo masa dashi kowanne guda bibbiyu, biscuits ɗin kuwa irin ƴan ɗari ne guda hudu ya kwaso, ya fi na kuɗin sa ma ya kwaso kayan ya ciko masa a leda

Hanif ya amsa yayi masa godiya sannan ya wuce wurin Motan ya buɗe ya shiga, kasancewar Motan ma an canza mata wurin packing can gaban gidan ne; sabida ɗaurin aure da aka yi, kuma Motan dayake baƙin glass ne da ita babu wanda yake damuwa akwai Mutum,
Yara ma sai dai su zo su shafa ta suna wasa a wurin, in su Halliru ko Bashir sun gansu su kora su

SHAREEF ganin abun da Hanif ya kawo masa; ba ƙaramin dad'i ya ji ba, don sai da ya nuna hakan a kan fuskarsa, yace, "thanks Bro."

Murmushi Hanif yayi yace, "i know na san kana jin yunwa ai, amma ƙyamƙyami ya hana ka kaci abinci ka ƙoshi, bari in shiga ciki don muna tattauanawa da su Nazir ne; tunda kai ka ƙi ƴan uwa."

Ko kallonsa bai yi ba bare ya ce uffan, sai faman cusa biscuits ɗin yake yi a bakin sa yana kora wa da fresh yo

Buɗe Motan Hanif yayi ya fita, yana ce masa, "idan Dady ya tambaye sa zai sanar mishi inda ya ɓoye."
Har ya tafi bai ce masa komai ba.
***

       
_____Sai yamma sannan suka koma cikin Zaria, tunda nan babu wurin kwana, kuma dama a gidan Iya Samira zasu koma su kwana a can, daga can ma baza su dawo ba zasu wuce shiyasa suka yi musu sallama

Momy da kanta ta nemo Bintu ta kira mata Maryamu ta bata wayan suka yi waya, tunda tayi mata alkawarin, "in dai suka je zata kira mata ita a wayanta ta haɗa su."

Bintu har da kukan ta wai, "ta ƙi zuwa mata biki, kuma ta saka rai sosai don bata fitar da ran zata zo ba."

Har da Iya Samira suka koma gidan ta tunda akwai baƙi baza ta bar su su kaɗai ba, shiyasa ta koma ta kwana gobe in sun tafi sai ta dawo

A washe gari sai karfe sha ɗaya suka bar gidan Iya Samira, daga can suka wuce Samaru gidan su Mahaifiyar Dady

Kusan ƙarfe uku suka wuce Kano,
Dama SHAREEF kamar a ƙaya yake tsaban ƙosawa da son ganin sa a gida, Allah - Allah yake yi su koma ya haɗu da Haseenan sa, sai lokacin walwalan sa ya dawo ya soma jin farin ciki a ransa

Sun isa kusan magriba, shiyasa basu wani huta sosai ba suka yi alwala suka wuce masallaci,
Dayake SHAREEF ya ƙosa ya je wurin Haseena, ji yake yi bazai iya jira ba; ana idar da sallan ya fito ya dawo gida ya bi ta ƙofan baya don kar Momy ta gansa, wanka yayi ya sauya shigansa ya saka ƙananun kaya riga da wando baƙaƙe masu kyau, sai da ya gyara jikinsa ya ƙalƙale sa kamar yanda ya saba, ya shafe ko'ina na jikinsa da turaren sa mai shegen ƙamshi, sai ya saka cover flat shoes ya ɗauki wayansa ya fita, motan sa ya shiga duk da ya ji ana ta sallah, amma bai tsaya yayi ba sai da yakai Kofar gidan su Haseena, dayake akwai ƙaramin masjid a bakin gidan su, a nan ya shiga yayi sallan isha'i before ya fito ya kira ta a waya

Tana ɗauka tace masa, "ya shigo ciki tana jiransa."

Dama in zasu yi taɗi ciki yake shiga, bai taɓa zama a waje ba sai dai idan sauri yake yi, Falon Abbanta take kaishi a can suke zuba soyayyarsu son ransu,
Yanzu ma koda ya shiga sai ya ga ƙofan Falon Abban a buɗe, alamun shi aka buɗe ma ƙofan, shiga ciki yayi yana mayar da wayansa a aljihu; ba tare da yayi sallama ba,
Babu kowa sai daddaɗan ƙamshi da ya game ko'ina na turare; da kuma ƙamshin abinci wanda aka gama jera wa a saman Centre table,
A hankali ya taka cikin takun isa ya nufi saman sofa ya hakimce yana ɗan duban Falon

Zaman sa da kamar two minutes sai ga takun sahun Haseena ta shigo

Yana ɗago kai suka haɗa ido da ita tana zuba murmushi, yayinda shi kuma ya bi ta da ido kamar zai haɗiye ta yana kallon irin wankan da ta ɗaukar masa

Sanye take cikin baƙin straight skirt mai tsagu ta baya; har zuwa kusan cinyanta, while ta sanya pink colour din shirt mai faɗin wuya, hakan ya ba saman breasts ɗin ta daman leƙowa da suka cika ƙirjin fam kamar zasu fashe tsaban yanda suka sha matsa da breziyan da ta sanya, tayi packing gashin ta da babu kitso wanda ta haɗa da attachment ya ƙara tsawo har saman kafaɗunta, sai ta ɗaure ba tare da ta sanya ɗankwali ba, ƙafafunta kuma ta sanya wani dogayen takalma baƙaƙe masu stones a sama an yi ado, fuskar nan tamkar zata je gasar kyawu sabida yadda ta ɗauki kwalliya ɗau bakin nan sai shining yake yi,
Wani irin rangwaɗa take yi tare da sauya takun tafiyarta sabida irin kallon da ta ga SHAREEF ke bin ta dashi, cikin yanga da kisisina irin na gogaggun ƴan duniyar nan da take gara musu a yanzu, ta taho zuwa inda yake; tare da samun wuri a gefen sa ta zauna face ɗin ta still da smile take kallonsa, "welcome my dear." Ta furta hakan tana narke idanunta tare da ɗan cije bakin ta cikin tsananin jan hankali

Wani irin yanayi SHAREEF ya faɗa, wanda tuni wannan kwarkwasan nata ya mugun tafiya da imanin sa, take ya ƙara jin tsananin ƙaunarta da sha'awar ta gami da tsananin kewarta ya mamaye sa, slowly ya lumshe idanunsa yana sake shaƙar ƙamshin turaren ta da ya game masa hanci, bai iya magana ba koda ya buɗe idanun ya narka mata su; illa sanya hannu da yayi ya kamo ta a hankali yana rungume ta much tare da soma shinshinar ta

Ita kuma dariya tayi kaɗan tana ƙara manne kanta a kafaɗunsa, ba ƙaramin kewarsa tayi ba, a hankali ta lumshe idanuwanta sabida maganar da ya soma mata a cikin kunne

"Wannan madaran kyau haka sweetheart; gani nake yi kamar ana sauya min ke a duk sanda zan ganki, mene ne sirrin?"
Yayi maganar slowly yana faman shinshina ta idanunsa a rufe cike da tsananin sha'awa gami da begen ta, ji yake yi tamkar ya mayar da ita a ciki, hannunsa ɗaya tuni ya ɗaura sa a jikinta ya soma sarrafa shi zuwa saman ƙirjinta yana matsa ta

Ita kuma cike da barikanci ta ɗan saki siririyar dariya tana ƙara langaɓe masa, cike da shagwaɓa tace, "ai ka fi Ni kyau dear, har ƙiba fa kayi sabida Hutu da jin daɗi."

"Ina wani ƙiba a nan sweetheart? Ke dai ki faɗa min gaskiya gaba ɗaya kin sauya, kullum ƙara miki kyau ake yi, kuma wannan gashin aina kika samo shi Ni ban sanki dashi ba? Mai kika sa gashin ki yayi tsawo haka?"
Yayi maganar yana ɗan ɗago kansa tare da taɓa gashin nata da ya sha gyara

Murmushi tayi tace, "nothing dear, kwalliya ne kawai nayi maka dashi, but ba nawa bane."

Shiru yayi yana ɗan duban kan nata, sai kuma bai ce komai ba ya sauya maganar da ci gaba da tambayarta school yana faman shafa ta kamar zai mayar da ita ciki

Sun shantake a haka a manne kamar zasu haɗiye juna sabida yanda suke faman jagula junan su,
Daga ƙarshe ya mayar da ita saman cinyansa suna facing juna, ya soma manna mata kissing a baki yana faɗa mata irin girman missing ɗin ta da yake yi, tare da bayyana mata yanda ya ƙosa ta zama tashi, a yanzu ji yake yi kamar ya haukace tsaban yanda yake tsananin bukatarta

Ita kanta ta san da haka, ta san yanda SHAREEF yake ƙaunarta, bai da buri sama da ya same ta cikin shimfiɗa, musamman yanda ta ga ya haukace mata a yanzu ya gama rikita ta, duk yanda take jin rashin sha'awarsa, yau sai da ya taso mata da ainihin feelings ɗin ta, take jin itama bata da wata buƙata sama da su mallaki juna,
Amma kuma maganganun Nana suna nan a ranta daram waɗanda tayi mata su kafin tahowar ta, sai da ta gargaɗe ta ko an yi auren kar ta sake ta bama SHAREEF kanta, domin bazai taɓa gamsar da ita kamar yanda ita take gamsar da ita ba, kuma a baƙin kishin ta zata iya yin komai a kanta, ta amince da barin ta tayi aure ne ba don komai ba don ba ta son damuwarta, amma ba wai hakan yana nufin zata bama SHAREEF kanta bane,
Itama Haseena ta amince mata, sabida babu abun da Nana zata nema a wurin ta ta rasa a yanda dai take jin ta a ranta, sun zama ɗaya duk abin da take so shi take yi, wannan ma don babu yanda za a yi ta rabu da SHAREEF ne, domin soyayyar da take mishi zai iya saka wa ta rasa ranta in har suka rabu, ta amince zata aure shi amma ba don su ji daɗin rayuwa ba, ta san auren shine maslaha tana ga kamar zata fi samun kwanciyar hankali musamman yanda SHAREEF ɗin yake matsa mata

Daƙyar ta samu ta lallaɓa shi ya ci abincin da ta kawo mishi, suka ɗan yi hira kaɗan sannan ya shiga ya gaishe da Iyayenta, har suka tattauna da Abbanta a kan zancen auren su,
Ya sake jaddada mishi a kan, "ya sanar da Dadynsa su zo a yi magana, since three weeks ne hutun Haseena, before nan da two weeks sai a ɗaura auren su."

Da farin ciki SHAREEF ya koma gida a ranan, tsaban zagwaɗi ya kasa barin maganar sai da ya samu Dady ya sanar mishi abun da Abban yace.
[06/03, 8:34 am] OumƊahirah نفيسة: 🌱🌱🌱🌱🌱

          *SHAREEF*
               _SexyBoy_
🌱🌱🌱🌱🌱


_Writer: Nafisat Isma'il Lawal_
_Wattpad: UmmuDahirah_

*SARAUNIYAR TSOKANAR PERFECT🧝*



*PERFECT WRITER'S ASSOCIATION* 🌞

```( WE AIN'T PERFECT, BUT WE'RE ALWAYS TRYING OUR BEST TO MOTIVATED AND ENTERTAIN OUR REDERS💪)```

/https://www.facebook.com/Perfect-writers-association-100452275039839/

       *P.W.A✍️*





*DATA SHARE*

Call, message or whatsap 07065334256

*MTN*
500MB 150
1gb 280
2gb. 560
3gb. 840
4gb. 1120
5gb 1400
6gb. 1700
Verlid for 30 days.













__________
*BOOK1*
_______________*FREE PAGE50*
_____Washe gari kasancewar ranan Hanif zai fara zuwa aiki, shiyasa shima ya tashi da wuri ya soma shirin sa, shi ya tashi SHAREEF ma daga baya tunda ya ƙi tashi ga time na ta wuce wa,
Sai da ya gama saka kayansa before ya isa wurin sa yana dukan pillown da ya ɗaura kansa yana kiran sunan sa, "Bro wake up mana, it's time to run, it's eight o'clock now."

Ɗan buɗe idanuwansa yayi masu cike da barci, daƙyar yake ware su yana kallon Hanif ɗin da ya koma gyara necktie ɗin sa. Ido ya tsira masa ganin yanda yayi mugun kyau a suit ɗin; cus bai taɓa saka wa ba shi yasa ya kasa ɗauke idanunsa a kansa saboda kyan da yayi masa

Hanif da ya ɗago eye balls din sa ya sauke a kan SHAREEF ɗin, sai ya murmusa yace, "ya dai Bro?"

"You look so cute."

Ɗan washe baki yayi yana murmusawa cike da farin ciki, sai yace, "Thanks, but kayi sauri zamu iya yin late, yanzu ƙarfe takwas ta wuce."
Ya ƙare maganar da ɗan duba agogon hannunsa

Miƙe wa zaune SHAREEF yayi yana jingina bayansa a kan allon gadon, tare da ɗan lumshe idanunsa yana faman hamma, a hankali ya furta, "barcin bai ishe Ni ba, ji nake yi kamar na hakura da zuwa office yau, tunda ga ka."

Dariya Hanif yayi yana zama a gefen gadon tare da ƙoƙarin zura cumbas ɗin sa, at the same time yace, "ina ga don ka ga zan fara aiki ne shiyasa zaka fara kasala, kamar ban san halin ka ba?"

Ɗan kwaɓe fuska SHAREEF yayi yace, "wlh kamar ka sani, abun da ke raina kenan, why not kai ka ci gaba da zuwa in zauna in huta na few weeks, ka ga abubuwa ma zasu yi min yawa since akwai hidimar aure a gaba na."

Ɗan kallonsa Hanif yayi, sai dai bai ce komai ba ya ɗauke kansa ya ci gaba da yin abun da ke gabansa, kuma bai tanka ba bai da alamun magana

SHAREEF yace, "ko ya ka gani? But ina son in je Abuja ma wlh, da zan iya da na bi Dady yau, su Mr. Pitter zasu shigo next time, da yiwuwar in je time ɗin."
Ya ƙare maganar da zuro ƙafafunsa ƙasa tare da miƙe wa tsaye,
Wayansa da ke gefen pillow ta soma ruri, yakai hannu ya ɗauka yana duba screen ɗin wayan; sunan Sweetheart ne ya fito ɓaro-ɓaro, take fuskarsa ta yalwata da murmushin sa mai kyau

Hanif da ke kallonsa yace, "please bro kayi sauri mana, Ni zan je in karya kar ka ɓata mana lokaci."

Hararansa yayi yana cewa, "kana ganin wasa nake maka ko? Ni fa hutu zan ɗauka wlh, yanzu lokacin ka ne."
Sai ya koma saman gadon yana zama tare da