You Cannot Download this book untill you login but you can read it .

---

Login Register

juya wa da sauri ta fice. Kai tsaye dakin ta koma ta ɗauki slippers ta zura a ƙafafunta, kana ta wuce saman dining ta zauna tana buɗe babban coolern da ke wurin, shinkafa mai man gyaɗa ne da wake a ciki, kaɗan ne ma a ciki don ya kusa ƙare wa. Sai ta ɗauki plate ta shaƙe shi da abincin, sannan ta zuba salad a sama ta saka spoon ta soma haɗiya cikin sauri; sabida yunwar da ke addabar ta, ga daɗin abincin da yake motsa mata har kunne tsaban yanda testing ɗin yake kai mata,
Kamar daga sama ta hango SHAREEF yana sauko wa daga matattaƙalan benen, lokacin dai-dai ta saka wani ƙaton loma suka haɗa ido dashi,
Lokaci ɗaya ta shaƙe sabida wata uwar harara da ya jefa mata idanunta na shiga cikin nasa,
Lokaci ɗaya ta kasa riƙe kanta, nan da nan ta ƙware da abincin kamar zata shiƙa, har hawaye sun taru mata a idanun sun kaɗa sun yi ja, daƙyar ta haɗiye tana ɗaukar ruwa ta soma kwankwaɗa

SHAREEF tun wannan kallon da yayi mata ya ɗauke ido a kanta, yayinda haushi da tsanar yarinyar ya sake diran masa a rai musamman yanda ya ga tana zuba wannan uban loman. Lokaci ɗaya ya saki wani siririn tsaki yana wuce wa kichen cike da takunsa na isa kamar bazai yi ba. Sanye yake da three quartern wando pencil maroon color, sai farar t.shirt mai gajeren hannu da ta matse shi gam ta fito masa da surar jikinsa, ƙafansa kuma sanye da wasu slippers masu shegen taushi baƙaƙe,
Ya zura kai cikin kichen ɗin yana kallon Momy. A hankali ya furta, "sannu da aiki Momy."


Itama tuni ta san da zuwan shi tunda turaren sa mai shegen ƙamshi da shiga ƙwaƙwalwa ya gama baibaye ilahirin kichen ɗin. Amsa mishi tayi ba tare da ta ɗago ta kalle shi ba

Ganin haka yasa ya gane har yanzu tana fushi dashi ne, a hankali cikin sanyin muryan sa yace, "Mom I'm sorry."

"For what?"

Shiru yayi ya kasa magana sai kallonta yake yi

"Ka je ka zuba abinci ka ci, kayi min rumfa a nan ba na samun iska."

"Mom..."

"Mene ne?" Ta faɗa tana tsare shi da waɗannan manya-manyan idanunta da suke shiga jikinsa sosai

A hankali ya sauke ƙwayar idanunsa a ƙasa yana cewa, "Dady fa?"

Sai da ta ɗan ja seconni tuni ta mayar da hankalin ta a kan yankan albasan da take yi, ta ba shi amsa da faɗin, "ka duba sa ɗakin sa."

"Momy wlh nayi sallama dazu, nayi a zuciya ne kiyi haƙuri."

"Tunda ka ce baza ka ji maganata ba ba shikenan ba? Ka tafi Please kana ɓata min lokaci a nan."

Juya wa yayi ya fice cike da sanyin jiki. Yana fita ya sake haɗa ido da Maryamu wacce har yanzu tura abincin a baki take yi, sai dai a yanzu ta rage cin abincin da sauri; tana ci ne a natse gudun kar ya sake kama ta tana wannan uban loman, don ita kanta ta ji kunyar kama ta da yayi,
Yawu ya haɗiye yana ɗauke kansa, tare da ɗaure fuskarsa tamau ya nufi wurin fridge kai tsaye. Kwalin Holandia ya zura hannu ya ɗauka sannan ya juya ya haye saman

Maryamu ta bi sa da kallo kamar zata haɗiye shi, sai da ya ƙule sannan ta samu damar sauke ajiyan zuciya tana ƙarisa cin abincin, kafin ta tashi ta koma kichen

Momy tace, "har kin gama?"

"Eh Momy."

"SHAREEF yana wurin ne ko ya tafi?"

"Ai bai zauna ba, ya dauki kwalin Holandia a fridge sai ya hau sama."

"Ok, je ki tattaro min kayan wurin; ki zo ki wanke su."

"To Momy." Ta furta tana bin umarnin ta ta fice, kai tsaye kayan ta kwaso ta dawo kichen ɗin ta soma wanke-wanke,
Bayan ta gama suka ƙarisa girkin da Momy sannan suka kai saman dining suka jera

Lokacin ma an kira Magriba shiyasa Momy tayi mata umarnin, "ta je tayi sallah."

Tana tafiya Sadiq ya fito daga daki, shima yayi alwalan ne yana ƙoƙarin warware hannun rigan sa da ya nannaɗe

Duban sa Momy tayi tace, "sai yanzu ka tashi barcin kenan?"

Langaɓe kai yayi yace, "No Momy, na jima da tashi fa."

"Eh na ga alama, tunda ga idanunka nan sun yi ja."

Dariya yayi yace, "Allah Momy da gaske ba yanzu na tashi ba, nayi kusan minti talatin ma ina zaune ne ban fito ba."

"Ok, ka kira SHAREEF yana ɗaki don na san bazai fito ba sai an kira shi." Tayi maganar tana wuce wa ta haye steps din zuwa ɗakin ta

Hakan yasa Sadiq ya bi bayanta shima yana wuce wa ɗakin SHAREEF ɗin.
[02/02, 9:30 am] OumƊahirah نفيسة: 🌱🌱🌱🌱🌱

      *SHAREEF*
          _SexyBoy_
🌱🌱🌱🌱🌱


_Writer: Nafisat Isma'il Lawal_
_Wattpad: UmmuDahirah_

*SARAUNIYAR TSOKANAR PERFECT🧝*



*PERFECT WRITER'S ASSOCIATION* 🌞

```( WE AIN'T PERFECT, BUT WE'RE ALWAYS TRYING OUR BEST TO MOTIVATED AND ENTERTAIN OUR REDERS💪)```

/https://www.facebook.com/Perfect-writers-association-100452275039839/

       *P.W.A✍️*





*DATA SHARE*

Call, message or whatsap 07065334256

*MTN*
500MB 150
1gb 280
2gb. 560
3gb. 840
4gb. 1120
5gb 1400
6gb. 1700
Verlid for 30 days.












__________
*BOOK1*
_______________*FREE PAGE22*
               Sadiq ya fara dawowa daga masallaci sallan magriba da suka fita. A nan Falo ya tarar da Maryamu ita kaɗai ta tasa TV a gaba tana kallo, shigowar sa yasa ta gyara zama tana kallonsa da murmushi a face ɗin ta

Shima zama yayi gefen ta yana cewa, "har kin yi sallan ne My Ƙanwa?"

"Eh Yaya, ban ganka ba da na dawo makaranta?"

"Ina ɗaki My Ƙanwa, yau na dawo a gajiye shiyasa na shiga na kwanta after nayi sallan asar, to ya school ɗin ina fata kin yi enjoy?"

Ɗan tura baki tayi gaba, cike da sakarci tace, "wlh ba dad'i Yaya, kwata-kwata ban fahimci komai ba yau."

"Haba dai? Sabida me to?"

Ɗan yatsina fuskarta tayi tace, "to Ni dai karatun ne ba sa yi yanda zan gane, turancin ma babu dad'i."

Smile yayi yace, "kar ki damu na san rashin sabo ne My Ƙanwa, but zan riƙa koya miki in muka samu interval a hankali za ki riƙa fahimta."

Momy wacce ta sauko daga matattaƙalan benen, jin abun da Sadiq yake cewa, sai tayi murmushi tana cewa, "ai kuwa gwara dai ka riƙa mata lesson a gida hakan zai fi, ko zuwa gobe sai ku fara."
Zama tayi tana ƙara faɗin, "ina Dadyn naku basu dawo bane?"

"Eh Momy, basu shigo ba."

Miƙe wa tayi ta wuce kichen

"Yaya ka bani wayanka in kira numban Innar mu, Allah nayi kewar su."

Ciro wayan yayi a aljihu yana furta, "oushh! Na manta ma zan saka caji, tashi ki jona min a can, idan yayi sai kiyi wayan."

Amsar wayan tayi ta miƙe ta nufi wurin TV plasman ta jona

A time ɗin ne Dady and SHAREEF came in. Directly SHAREEF next to Sadiq sat with his eyes on his phone

While Dady kuma yana kallon Maryamun da ta taso daga wurin TVn, yana ƙoƙarin zama yake cewa, "ah ah.. my daughter, ya makaranta? Fatan kin yi karatun cikin kwanciyar hankali?"

Tana murmusawa tace, "eh Dady."

"Yauwa Masha Allah haka nake son ji, taho ki zauna a nan kusa da Ni, ki bani labarin makarantar ma sabida in ji yanda tayi miki daɗin."

Isowa tayi ta zauna a gefen sa cike da farin ciki, dayake yana a kan two seater ne, while su SHAREEF suna a kan three seater, kuma suna fuskantar juna. Hakan yasa Maryamun take kallon SHAREEF zuciyarta na mata sanyi

Kamar ya san tana kallon sa kuwa, sai ya ɗago suka haɗa ido da ita, ya rasa meyasa yarinyar take kafa mishi ido kamar mayya, tabbas dole ya ci uban ta ko zata shiga hankalin ta, shi a rayuwa kallo ne ba ya so, bare wannan idon yarinyar da kwata-kwata ba ya son suna haɗuwa da nashi tsaban yanda idanun suke da girma kamar na Momyn su, suna saka mishi faɗuwar gaba idan nasa idon suka shiga nata, kamar dai yanda yake jin tsoron na Momyn nasa. Abun haushin ma yanda ya kama ta tana kallonsa amma hakan bai sa ta cire idanun a kansa ba sai ma ware su da tayi sosai tana zuba mishi murmushi kamar ba ta hayyacin ta. As he opened his mouth to speak, his phone started ringing, hakan ne yasa ya miƙe tsam ya bi hanyar fita falon ma gaba ɗaya

While Maryamu ta raka shi da kallo har tana waigen sa. Sai da Dady ya taɓo ta sannan ta juya firgigit tana kallonsa

Smile Dady yayi yace, "Oh! Yayan naki ya dauke miki hankali ko sanin me nake cewa ba ki yi ba? Anya wannan kallon daughter baza a bani tukuici ba? Since haɗin da nayi ashe ba banza ba, ƴar tawa tana so."

Dariya ne ya ƙwace mata ta rufe fuskarta da sauri sabida kunya

Sadiq ma yana taya ta da cewan, "wai Dady sai yanzu ka kula da ita? Ai ta jima da faɗa wa wannan tarkon, ina tunanin sai an haɗa da addu'a nan gaba don Maryam ba ta ji ba ta gani in har a kan Yaya SHAREEF ne, nan gaba bamu san ya zata kasance ba."

Dady cike da farin cikin jin abun da Sadiq yace, sai ya murmusa yana kallonta yace, "I'm glad to hear that, ai haka ake so, dama fatana ace wannan haɗin da muka yi ya tabbata har ƙarshen rayuwar mu, bazan so a ce an tauye mata haƙƙin ta ba, abun ya zo gidan sauƙi kenan tunda itama tana da interested a kai, don har na fara tunanin yanda nan gaba komai zai kasance, to tunda haka ne daughter dole ki fara kamun ƙafa da Ni, don ɗan nawa zazzafa ne samun sa akwai wahala." Dadyn ya ƙare maganar nasa cikin barkwancin sa still da sihirtaccen murmushin sa mai kyau a kan face ɗin sa

Momy da komai tana iya juyowa daga kichen tunda ta nufo hanyar fitowa, sai tace, "ai kuwa nima ƴar tawa tubarakalla Masha Allah ne, ba cikin sauƙi za a same ta ba sai da tsayuwar dare da hailala, don haka a faɗa mana farashin sa mu ma sai mu faɗa namu farashin, muna gama biya sai a ɗaura da nata biyan."
Ta ƙare maganar tana isowa tare da zama inda SHAREEF ya tashi

Dukka dariya suka yi, while Dady yana cewa, "ban da abun ki, ai daughtern ne ta gani tana so ba ɗana ba, kinga kuwa dole sai ta wuri na zata kama ƙafa domin ta samu the handsome young guy din nan, zazzafan saurayi son kowa ƙin wanda ya rasa, kin san ɗan nawa ai?" Ya ƙare yana ɗan ɗage mata gira yana dariya

They were all laughing cike da nishaɗi, musamman yanda Dadyn yake ƙara kwarzanta SHAREEF yana nuna musu darajan shi ko a kasuwar gold.
***


              Shi SHAREEF bai san ma suna yi ba, don yana fita a gefen faranda ya samu wuri ya zauna. Lokacin da kiran har ya katse ma, shiyasa ya latsa wayan ya danna numban Haseena wacce yayi mata save da sweetheart, sai ya kai wayan saman kunnen sa yana ɗan jan numfashi a hankali tare da sauraron jin muryanta. Ai kuwa cikin shagwaɓa ya ji saukar muryanta a cikin kunnensa, hakan ne yasa ya lumshe idanunsa yana ɗan danne ƙasan laɓɓansa da ƙarfi. Ya kasa yin magana sabida yanda ya ji matuƙar kasala ta saukar masa sabida saukar sassanyan muryanta da ke matukar saka shi farin ciki da shiga wani hali, musamman in tana mishi wannan shagwaɓar mai fizgar hankali

Jin yayi shiru bai ce komai ba, sai ta ƙara shagwaɓe muryan tana cewa, "shi ne kuma kayi min shiru After I know you hear me? wai me nayi maka ne?"

Daƙyar ya iya buɗe idanunsa yana sake jan tagwayen numfashi, tare da furta, "na me fa sweetheart?"

Kukan shagwaɓa ta saka mishi lokaci guda har yana iya jin bugun ƙafafunta. Sai yayi saurin furta, "sweetheart I'm sorry, Ni ne ko? Ki yi shiru ya isa haka."

Kasa yin shiru tayi, sai ta ci gaba da kukan a hankali tana ƙara ɗan ɗaga muryanta alamun kukan da gaske take yi

"I'm sorry nace, ki yi shiru haka nan in ba so kike yi zuciyata ta buga ba. Ki faɗa min mene ne Pleaseeee?" Ya ƙare maganar yana ɗan jan ƙarshen cike da tsananin kasalar da ta saukar mishi

"Ni ban san me nayi maka ba today at all you did not call Me, and ina tambayar ka kana tambaya na bayan ka san bazan iya jure rashin ka ba, I called you twice today but you haven't peaked until now, alamu ya nuna ba na ranka ko? Or kana fushi dani?" Ta ƙare maganar da jiran amsar abun da zai ce


"Fushin me zan yi da ke sweetheart? Kuma wa ya faɗa miki ba kya raina? You are in my heart, ko second ɗaya ba ya wuce wa batare da nayi tunanin ki a cikin raina ba, you are still playing with the love I have for you, I don't know why you can't understand the love da nake miki." Sai yayi shiru yana jan numfashi. "Ina sonki Haseena, ina matuƙar ƙaunar ki, ƙiftawar ido ba ya wuce wa ba tare da kin faɗo a raina ba, duk laifin da za ki yi min Ni a wuri na na yafe miki har abada, ki ƙaddara cewa soyayyarki ƙaddarata ce, babu mai fitar da ita daga zuciyata face numfashi na ya rabu da gangar jikina ba."

Wani irin dad'i da sanyi ke ratsa zuciyar Haseena, kalaman SHAREEF sun ƙara narkan mata da zuciya har bata san wanne irin yanayi ta shiga ba, jin ta take yi tamkar wata Sarauniya wacce babu irinta a duniyar masoya. Ta kasa magana sai shiru da tayi tana sauraron yanda yake zubo mata kalamai masu dad'i tamkar don bakin sa a kayi su, ita kanta tana mamakin yanda ake yi SHAREEF yake iya irin waɗannan kalaman; after all ta san ita kaɗai ya taɓa so, a kanta ya san mene ne soyayya, amma tana mamakin yanda idan ya rikiɗe cikin magagin soyayyarta yake kwararo mata kalamai masu kwantar da hankali, da jin farin ciki da nishaɗi wanda ba ya gushe wa,
Lumshe idanu tayi ta buɗe sabida jin sassanyar muryasa yana furta

"Sweetheart kina jina kuwa?"

"Ina jinka My dear, daɗin kalaman da muryanka ne suka hana Ni yin motsin kirki bare in katse ka daga furta min su."

Murmushi yayi mai ƙara wa fuskarsa kyawu, yana ɗan shafa sajen sa yake cewa, "kiyi haƙuri a kan rashin kiran ki da ban yi ba, aiki ne yayi min yawa, kuma na so na hau WhatsApp muyi chart but ban samu dama ba, I'm very sorry."

Dariya ta ɗan yi, dariyan farin ciki, tace, "kar ka damu dear, I think maganar da nayi maka ne shi ne kake fushi da Ni shiyasa baka kira ba, kishin ka ne yasa na kasa control kaina a daren jiya, that's why na faɗa maka haka, amma bazan sake ba, kuma ba na so ka sake min irin wannan zancen."

"Ba kya laifi a wuri na ai, ko me kike so shi nake so, farin cikin ki shi ne nawa."

Murmushi tayi cike da farin ciki, sai ta matse pillown da ke ƙirjinta tana narkar da murya da kiran sunan sa, "dear."

"Um." Ya amsa ta cikin wani irin yanayi sabida jin yanda muryan nata ya ratsa shi

"I love you, ina matukar ƙaunarka, ina kuma kishin ka matuƙa, zan iya yin komai sabida kai, idan na ce komai to ina nufin komai, don ko da rana ɗaya kar ka taɓa juya min baya, ka tuna wannan zuciyar tawa a cike take da wata iriyar mahaukaciyar guguwar ƙaunarka, wadda idan ta rasa ka tamkar ta gama moruwa ce a cikin gangar jikin da ke gudana da jini da tsoka, jinin zai kwaranya sannan tsokar zata zagwanye tamkar ba a taɓa yin halitta mai kama da ita ba, idan har ka rabu da Ni to ka ƙaddara cewa mutuwa zan yi, bani da sauran wata rayuwa a cikin duniyar nan, Please dear kar ka taɓa rabuwa da Ni, don Allah ko me nayi maka a rayuwa ka yafe min, da kai kaɗai nake son na ƙarisa rayuwata..."

"SHAREEF."

Kiran da Dady yayi masa ne yasa shi yin firgigit ya ɗago kansa yana kallon su, sun fito shi da Sadiq zasu wuce masallaci

Shi yasa Dady da mamaki yace, "me kake yi a nan ne ka zauna haka?"

"Dad, waya nake yi." Yayi maganar yana zare wayan daga kunnen sa

"Ok, ka tashi ana ƙoƙarin shiga sallah."

"Ok Dad."

Wuce wa suka yi suka bi hanyar gate.
While shi kuma sai ya mayar da wayan a kunnensa yana cewa, "sweetheart bari in je in yi sallah, zan kira ki in na shiga ɗaki."

Cike da shagwaɓa tace, "Please don't leave me for a while ina faman jiran ka."

Smile yayi yace, "ok, I love you, ki kula min da kanki." Ya sakar mata kissing mai zafi

Itama sai ta mayar masa da martanin kissing tare da furta, "i love You too, bye."

Kashe wayan yayi yana miƙe wa tsaye. Kai tsaye sai ya koma cikin gidan domin sake alwala, sabida ya san dole alwalan sa ta ɓaci. Ganin babu kowa a falon sabida yayi ninyar shiga toilet ɗin falon ne, hakan ne yasa ya fasa ya haura sama da gudun sa ya shige nasa ɗakin. Sai da ya canza alwala sannan ya bi ta ƙofan bayan ya fice,
Time ɗin ma an kusa idar da sallan, domin raka'a biyu ya samu a jam'i. After an idar sai ya tashi ya ƙarisa ciko sauran, bai tsaya yayi wani addu'a ba ya fice daga Masallacin. Daga gidan su da masjid ɗin; ta zaran tafiyan mintina 5 to 6 ne. Haka ya taho ya buɗe gate ɗin ya shige gidan ko sauraron Mai gadi da ke mishi sannu bai yi ba, sai ma tsuke fuska da yayi yana kicin-kicin da ita tare da nufan cikin gidan hannayen sa zube a aljihun wandon sa

Da ya shiga ya tarar da su a saman dining suna dinner. Sabida sanin halin Momy shiyasa yayi sallama da ɗan ƙarfi yana nufan inda suke a natse

Amsa mishi suka yi su dukka, ban da Maryamu da ke ƙoƙarin cusa shinkafa a baki, wanda har ta kai cikin bakin nata ta cusa shi a ciki, ta ɗago ido tana kallonsa

Karaf kuwa idanunsa suka shige cikin nata, ransa ne ya ji yayi mugun ɓaci, wani irin kallo ya sauke mata yana jan dogon tsaki

Sai da dukka suka ɗago suna duban sa da mamakin jin wannan dogon tsakin da ya saki

Momy tace, "lafiya SHAREEF?"

Bai bata amsa ba sai da ya samu wuri ya zauna idanunsa a kan Maryamu; wacce ta ɗauke kai da sauri tana duƙar da kanta cike da tsoron da ya sakar mata. Ransa a ɓace ya nuna ta da yatsa yana cewa, "wannan yarinyar ne mana, na rasa meyasa take min wannan shegen kallon da ba ya ƙare wa, wlh na kusa nayi mata dukan tsiya a gidan nan in har bata fasa zura min ido ba, da wasu ƙwayayan idanunta kamar na mayu, wawuya mara hankali..."

"SHAREEF." Momy ta kira sunan sa da ƙarfi tana bin sa da kallo, itama ranta a ɓace

Kallon Momyn yayi yana ɗan jan numfashin fitar da hucin ɓacin ransa, don yanda yake ji ma bai san yana furta waɗannan kalaman a gaban su ba, ɗauke kansa yayi ya soma ƙoƙarin yin save da kansa

"Na ga alamun baka san inda ke maka ciwo ba SHAREEF, wannan yarinyar ƙanwarka ce amma nema kake yi ka shigo da wasu ɗabi'u na banza da hofi a cikin gidan nan, kai da wanne ido ka san tana kallonka iyee?" Tayi maganar tana jiran amsar sa. But ko ɗago kai bai yi ba bare ta sa ran zai amsa mata, sai ta ja ƙwafa tana cewa, "ka ci gaba da abun da kake yi ka ji ko? Yarinya tana baƙuwa a matsayin kanwar ku amma baza ka iya janta a jiki ba; sai ƙoƙarin nuna mata baƙin halin ka, duka-duka Maryam nawa take da kullum baka da aiki sai ƙoƙarin ka na muzanta ta? Wannan tarbiyyar muka baka?"

Dady ne ya kalle ta shima cikin rashin jin daɗin abun da ya faru, yace, "kiyi shiru haka nan Deeja, ba na son kina zafafa wa da yawa haka."
Sai ya dubi SHAREEF ɗin yana cewa, "ya maganar kuɗin da kace kana bukata? Bamu ƙarisa magana ba."

SHAREEF da kansa ke ƙasa zuciyarsa na tafarfasa sabida bakin cikin faɗan da Momy take masa a kan wannan yarinyar, ransa yayi mugun ɓaci amma ya kasa ɗago kai bare ya kalle su, har idanunsa sun soma canza kala sabida yanda yake jin ɗaci da ɓacin rai daga ƙasan zuciyarsa. Koda Dady yayi masa magana bai iya ɗago kai ba bare ya tanka sa, sai da ya sake maimaita mishi tambayar sannan a hankali muryansa na fita daƙyar yace, "30 millions muke buƙata yanzu."
Sai yayi shiru yana ɗan sauke ajiyar zuciya a hankali a hankali

"Kana ganin sun isa? Kuma yaushe ne kayan zasu iso? More explain please?"

"Gobe ne kayan zasu iso Dad, i think ma baza mu ɗauki lokacin da suka ɗiba mana ba zamu fara aikin, da zaran waɗannan kayan sun iso, kuma Dad muna buƙatar 30 millions sabida already kayan 50 millions yanzu zasu shigo, and muna da 20 a Company, shiyasa zamu fara aikin kawai, zuwa gobe zasu iso, sai a wuce da na companin can."

Jinjina kai Dady yayi tare da furta, "Masha Allah, bari mu gama cin abinci sai mu san me za a yi."

Daga nan babu wanda ya ƙara magana daga cikin su, har suka gama cin abincin wanda SHAREEF ya fara tashi, don bai ci komai ba a wurin, daƙyar ma yayi loma biyar ya miƙe sabida ƙagara da yayi ya tashi

Dady yace, "har ka gama?"

"Eh Dad." Ya furta yana jan kujerar ya wuce, kai tsaye bai tsaya ba ya nufi ɗakin sa

Sai a lokacin Maryamu ta saki ɓoyayyiyar ajiyar zuciya tana jin ranta babu daɗi; da irin faɗan da Momy ta yi wa SHAREEF, har cikin zuciyarta ta fi damuwa da ganin halin da SHAREEF yake ciki fiye da abun da yayi mata, bata so Momy tayi masa faɗa ba, amma ta kula Momyn tana da saurin zafi da faɗa, don haka dole ne ta rage kallonsa bare ta ɓata mishi rai irin haka, ga shi yanzu ya tafi yana jin haushin ta, sai ta ji duk ranta babu daɗi sabida ta san Sadiq ya faɗa mata ta riƙa yin duk abun da zai ji sanyi a ransa ya so ta, amma yanzu ga shi ta ɓata mishi rai, sabida ita an mishi faɗa, yanzu zai ƙara tsanarta kenan?...

Momy ce ta katse mata tunanin nata, tana cewa, "ki tashi in kin gama ne, ki dena wanann tunanin da bai da amfani."

Ɗago kai tayi tana kallonta, sai lokacin ma ta kula har kowa ya tashi sai ita kadai, dole ta tashi jiki a sanyaye ta nufi cikin Falon

Momy ta bi ta da kallo a ranta tana kitsima abubuwa da dama, sosai yarinyar take bata tausayi, musamman yanzu da suka kula tana matuƙar ƙaunar SHAREEF ɗin, amma shi bai san tana yi ba, illa ma nuna ƙiyayyarsa gare ta, taya ya zata iya taimaka mata wajen ganin SHAREEF ya so ta? Yarinyar abar tausayi ce, ga ta ƙarama amma wannan wahalar yana son riskar ta, ga shi already an yi musu aure,
Tashi tayi ta haɗa kan plates ɗin tare da kaiwa kitchen,
Tana dawowa tace ma Maryamun, "ta wuce ta je ta kwanta sabida kar tayi late na makaranta."

Hakan ne yasa Maryamu tayi musu sai da safe sannan ta wuce, dama barcin take ji, amma tunanin SHAREEF ya hana idanunta su runtsa, koda ta je ɗakin ta kasa barcin, tunda ta kwanta take faman juyi da tunanin sa, sai daga ƙarshe barcin ya sure ta tare da mafarkin sa da ya soma zame mata jiki,
Shi yasa ta tashi cike da farin ciki a ranan. Wanka ta soma shiga tayi, har ta gama sai kuma ta tuna maganganun Sadiq da ya faɗa mata,  "SHAREEF yana son tsafta a rayuwarsa, ba ya son ƙazanta, don haka ta dage shima mataki ne na jawo hankalin sa a gare ta."
Dalilin da yasa ta koma ciki ta sake silla wani wankan, wanka sau uku tayi sannan ta gurje bakin ta ta dinga brush har sai da ta ga bakin yana jini sannan ta haƙura, gashin kanta ta shafa ta ji yanda ya cinkushe ya