You Cannot Download this book untill you login but you can read it .

---

Login Register

ya kalli Amran yace, "ta tashi ta bi shi."

Miƙe wa tayi suka fita tare da Secretary

While Hanif ya bi bayanta da kallo har sai da ta fice, sai ya ɗan sauke numfashi yana lumshe idanunsa; tare da ɗaura hannayensa saman table ya tallabo gemunsa; har a ransa ya damu da sanin halin da take ciki domin yana da tabbacin akwai wani abun da ya faru da ita, shi kansa yayi mamakin yanda yarinyar ta tsaya mishi a rai daga jiya zuwa yau,
Murmushi kawai yayi ya janye hannunsa ya ci gaba da abun da yake yi.





🔆🔆🔆🔆🔆🔆🔆🔆


 _____Sabuwar rayuwar Maryamu da ta tsinci kanta; ta soma sanjawa fiye da yanda take a baya, to ta zo wurin wayayyun mutane, shiyasa duk abun da suke yi shi take yi, duk da babu takura a cikin zamansu, amma basu da lokacin kansu sai na karatu, sai kuma idan sun fita zuwa koyon computer, duk abun da suke so ana musu

Ga shi yanzu har an shafe wasu satikai da zuwanta can,
A lokacin take jin labarin auren SHAREEF da za a yi a gobe; a bakin Ammee, duk da Ammeen ba zuwa zata yi ba kasancewar babu tariya,
Amma ta ji suna magana da Momy a waya, kuma ta ji su Aakifah suna zancen, tunda su basu san tana da auren SHAREEF a kanta ba,
Da farko ta soma manta wa dashi since bata da lokacin tunani, amma jin wannan maganar ya fama mata gyambon da ta rufe tana ƙoƙarin binne shi a ƙasan zuciyarta,
Lokaci ɗaya jikinta ya mace ta kasa yin komai, sai wani irin ciwon kai da ya kawo mata cafka, take ta haye saman gado ta rufe kanta zuciyarta na wani irin zafi kamar zata faso ƙirjinta, ta kasa jurewa sai ta fashe da kuka, kuka mai cin rai,
Shikenan tana ganin ta rasa SHAREEF na har abada; tunda ga shi zai auri wacce yake so yake ƙauna, zai yi rayuwa da wata ba ita ba, meyasa ya kasa fahimtar zuciyarta? Ko tana da laifi ne don ta so shi? Meyasa ba ya da tausayi bazai iya tausaya mata ba?
Shikenan yanzu ya kuɓuce mata ya zama na wata? Ba ta jin zata iya jurewa, mutuwa zata yi sabida tsananin kishin da ke taso mata a can ƙasar zuciyarta,
Kuka sosai take yi tunda ta samu dama babu kowa a ɗakin, daga ƙarshe sai jikinta ya rikice sabida kukan da ta dinga yi; ga kuma ciwon kai, nan da nan zazzaɓi ya sauka a jikinta,
Amma duk da haka bata sarara wa kanta ba, tana kukan baƙin ciki da tsananin kishin rasa SHAREEF, tana son ta cire sa a rai amma hakan bazai taɓa yiwuwa ba, abu ne mai matuƙar wahala ta manta SHAREEF a rayuwarta, ya zama jinin jikinta, shi zuciyarta take so, kuma tana ji a ranta sai dai ta mutu da soyayyarsa

Yusaira ta shigo dakin ta tarar da ita a haka tana gunjin kuka, sai ta taho wurin ta cikin tsananin tashin hankali tana kiran sunan ta, hannu ta sa ta yaye bargon tana cewa, "Maryam, kukan me kike yi? Ba ki da lafiya ne?"

But ina Maryamu ta kasa amsa mata, ƙoƙari take yi ta tsayar da kukan nata amma ta gaza, wani irin sabon kuka ne ya taho mata ta sake shi lokaci guda tana sake ƙanƙame idanunta, domin a lokacin wani irin azababben ciwon kai da yake kawo mata cafka ko buɗe idon bata son tayi

Yusaira kuma sai ta tsorata da halin da take ciki, da gudu ta juya ta fita ta je ta sanar da Ammee dake zaune a falo su da su Aakifah

Hakan ne yasa itama ta taso hankalin ta a tashe jin abun da Yusaira take cewa,
Tare gaba dayansu suka yo cikin ɗakin suka shiga,
Sun tarar da ita a wannan yanayin tana ta kuka tana kiran kanta

"Innalillahi wa'inna ilaihi raji'un!" Kalman da Ammee ta furta kenan tana zama tare da tallabo ta jikinta, yanayin yanda ta ga jikin nata hankalin ta yayi ƙololuwar tashi, faɗi take yi, "Maryam me ke miki ciwo? Me ya faru da ke ne? Yanzu fa kika shiga ɗakin lafiyar ki lau."

Su ma su Aakifah sai ga hawaye, sun yi tsumu sun kasa kataɓus sai kallonta suke yi cikin tsananin tausaya mata, don ko da gani tana jin azaba yanda take ta juya kai

"Yusaira, maza je ki ɗakina ki ɗauko min first eid box."

Juya wa tayi da sauri bayan ta amsa mata, ta nufi dakin Ammee ta ɗauko ɗan akwatin magungunan su

"Buɗe min ki ɗaura a kan gadon, ke kuma Aakifah dauko ruwa."

Itama Aakifah da gudu ta juya ta fita Falo

While Na'ilah tuni ta haye saman gadon tana kukan itama, ganin yanda Maryamu take kuka duk hankalin ta ya tashi; abun ka da ƙaramar yarinya

"Yi shiru Maryam, ki dena wannan kukan shi zai ƙara miki ciwo, kan kaɗai ke miki ciwo ko har da wani abun?"
Ta tambaye ta tana sake tallabo ta jikinta

But Maryamu ta kasa magana sai gunjin kukan da ta kasa bari, tana faman jujjuya kai kamar wacce zata hau iska

Bayan an kawo ruwan; lallaɓa ta Ammee tayi ta bata maganin ta sha, daƙyar ta rarrashe ta ta dena kukan,
Sai tace, "ta koma ta kwanta Insha Allahu jikin nata zai yi sauƙi."
Tunda a ganin ta zazzaɓi ne kawai ya rufe ta

Ita kuma sai ta kwanta tayi lamo sai shashsheƙan kuka take yi, ta rufe jikinta gaba ɗaya idanunta a rufe tana sauke nimfarfashi,
Yayinda wasu siraran hawaye ke ɗiga mata suna bi ta gefe da gefen kunnuwan ta,
SHAREEF kawai take iya tuna wa a halin da take ciki, fuskarsa ne a idanunta yayinda take jin wani taƙuƙi gami da kishi na ƙara hudo mata ƙirji, shikenan ta rasa sa? Idan tayi tunanin wannan kalman ji take yi kamar zata mutu, sai kuma ta kama kuka wi-wi

Dayake Ammee ta kaɗa su sun koma Falo, basu san halin da take ciki ba, amma sun tausaya mata gaba dayansu, sun gaza yin aikin ma da ke gabansu,
Sai da Ammee tace, "su je su ci gaba da aikin su kar a kira Magriba."
Sannan suka tafi jiki a sanyaye, sun rasa me ke musu dad'i tunda suka ga Maryamu a haka,
Suna fatan a ce ta samu sauƙi da wuri, domin ba ƙaramin sabo suka yi ba yanzu, komai tare suke yi, shiyasa suka ji komai ya fitan musu a rai, daƙyar suka gama aikin nasu dama girki ne suka jera a saman dining

Ita kuma Ammee tana yi tana zuwa duba Maryamu,
Sabida tuni barci ya sure ta since ta haɗa mata da maganin barci, tana cikin kukan wani wahalallen barci yayi awon gaba da ita

Almost nine o'clock before ta farka, tunda Ammee ta hana a tashe ta har sai idan ta farka da kanta, ta san ciwon zai iya sauka a jikinta,
Ai kuwa ta tashi babu zazzaɓin, sai ciwon kan kaɗan-kaɗan

Time ɗin su Aakifah na tare da ita, suna ganin ta farka Aakifah ta je ta sanar da Ammee,
Shi ne suka dawo tare cikin ɗakin

"Ya jikin naki daughter?" Ammee ta furta hakan bayan ta isa gabanta ta riƙe ta

A hankali cikin muryanta da ba ta fita ta amsa mata

"Yauwa to alhamdulillah, yanzu bari ki yi wanka sai ki ci abinci; za ki sake samun ƙarfi a jikin ki,
Yusaira haɗa mata ruwan wankan, idan tayi ku fito mata da kayan da zata sa, in kun gama sai ku fito Falo tare."

"To Ammee." Suka amsa mata a tare

While Yusaira ta shiga toilet ta haɗa ruwan

Aakifah kuma ta taya ta har ta miƙe ta cire kayan jikinta tana ɗaura towel,
Har toilet ɗin ta riƙe mata hannu suka shiga sannan ta fito,
Ta ciro mata kayan da zata saka,
Yusaira kuma ta gyara gadon nasu,
Suna nan zaune har ta fito,
A tare suka fara mata sannu da jiki

Ta amsa a sanyaye sabida gaba ɗaya ba ta jin daɗin jikinta, ƙarfin hali ne kawai duk da babu wani ciwo a tare da ita, sai kanta da ke sara mata

Sai da ta gama shirya wa suka fita a tare zuwa Falo

Time ɗin Ammee ta zuba mata abincin a plate, ta ɗauko mata magani,
Sai tace, "ta zauna ta ci."

Zama tayi, su Yusaira suka zauna a gefen ta

Ammee tace, "Aakifah zo ki ɗauki Na'ilah ki kaita ɗaki tayi barci."

"To Ammee." Ta amsa mata tana tashi; ta ɗauke ta zuwa ɗakin Ammee

Su kuma suka zauna shiru idanunsu a kan TV. While Maryamu na cin abincin a hankali

Sai can Ammee ta dube ta tace, "ki ci abincin sosai mana Maryam, ki daure haka nan ki ci sai ki sha maganin, Allah zai ba ki lafiya."
Ta ƙare maganar cikin lallami

Duk basu san me ke faruwa da ita ba, Maryamu ta shiga wannan halin ne don kawai jin auren SHAREEF da za a ɗaura a gobe asabar, shiyasa hankalin ta ya ƙi kwanciya, komai ya fita a kanta, ƙarfin hali kawai take yi, amma ji take yi kamar ta ci gaba da kukan sabida in ta tuna da maganar hankalin ta tashi yake yi, gani take yi kamar ta rasa shi har a cikin zuciyarta

Bayan ta gama sai Ammee ta bata maganin ta sha, tukun tace mata, "ta je tayi sallah sai ta kwanta."
Su ma su Yusaira ce musu tayi, "su bi bayanta daga nan su kwanta since dare yayi."

Miƙewa suka yi sukai mata sai da safe sannan suka wuce dakin su,
Kai tsaye Maryamu alwala tayi ta gabatar da Sallah before ta haye gadon kusa da su Yusaira ta kwanta,
Time ɗin suma har sun yi barci,
Amma ita sam ta kasa runtsawa, sai ma wani wahalallen kuka da ya bijiro mata, take ta toshe kanta ta dinga sharɓa kukan tana yi tana toshe bakin ta,
Ganin bata da mafita dole ta sauko daga kan gadon ta fita Falo, ko'ina duhu amma babu tsoro a tare da ita, zama tayi a kan sofa ta haɗa kai da gwiwa ta dinga rera kukan kamar zata mutu, sam barci ya ƙaurace mata, tunanin SHAREEF ne kawai a ranta, zuciyarta zafi take mata sosai kamar zata ɗaɗɗake, ta rasa me ke mata dad'i a rayuwa,
Daga ƙarshe ƙasa ta zamo ta kwanta ta rigingine; yayinda hawayenta ke zuba yana sauka a kan carfet, tsawon lokaci tana a wannan yanayin sam babu barci a tare da ita, kuma babu gajiya bare ta dena kukan da take yi,
Tuni sabon ciwon kai ya dawo mata, ɗakyar take iya buɗe idanunta tsaban azaba da raɗaɗi

Maryamu a haka ta kwana a wannan yanayin cikin wani irin halin da bata san inda kanta yake ba, illa sambatun kiran SHAREEF da take yi a bakin ta

Ammee ta fito da asuba da nufin ta tashe su, sai ta ji kamar maganganu a cikin Falon, take ta nufi wurin glop ta kunna sabida har ta ji tsoro tana tunanin ko waye ne?
Abun mamakin sai ta hangi Maryamu a tsakar ɗakin a kwance,
Da sauri ta nufi inda take tana kiran sunan ta,
Amma idanunta a rufe kuma tana ta maganganu mara sa kan gado,
Saurin duƙa wa tayi gabanta tana sake kiranta tare da kai hannu jikinta, zafi ta ji zauu kamar garwashi aka ɗoɗana mata, alamun dai zazzaɓin ne ya dawo,
Salati Ammee tayi tana sake kiran sunan ta tare da jijjiga ta

Sai a lokacin Maryamu ta buɗe jajayen idanuwanta da suka gama rinewa suka fita a hayyacinsu; sun ƙara girma sun yi luhu-luhu dasu,
Kallonta take yi amma bata fahimci wace ce ba cus zazzaɓin yayi mata yawa

Sosai Ammee ta ruɗe sabida ganin halin da take ciki,
"Innalillahi wa'inna ilaihi raji'un! Maryam."
Sai kuma ta sanya hannu tana tallabo ta jikinta cikin tsananin damuwa da tashin hankali,
Jin tana ambaton kamar sunan SHAREEF; shiyasa ta ɗan kasa kunnen ta tana jiyo me take furta wa,
Cike da tsananin tausayinta take kallonta sabida jin furucin nata,
Mayar da ita tayi ta kwantar da ita, sannan ta ruga aguje ta shiga ɗaki ta dauko mayafin ta da key,
Ɗakin su Aakifah ta shiga ta tayar da su tana faɗa musu, "su yi maza suyi sallah su kula da gidan, zata je kai Maryamu asibiti ne."

Ai sai suka ruɗe kowaccen su ta soma tambayar Ammeen

Bata kula su ba ta fita a ɗakin,
Su ma sai suka take mata baya,
A can suka tarar da Maryamun a halin da take ciki, kuka suka fashe dashi sabida tashin hankali, sabida rashin sabo da ganin irin wannan ciwon nata, duk jikinsu rawa yake yi ganin yanda Maryamun take kwance a ƙasa tana juye-juye da sambatu kamar mara hankali, idanunta a buɗe sun kaɗa sun yi ja, shiyasa suka sake rikice wa da ganin halin da take ciki

Ammee ta cicciɓe ta ta fita da ita waje, suka bi ta can har wurin Motan ta,
Sai da Aakifah ta buɗe mata back sit ta saka ta, sannan ta shiga gaba tana jan musu kunne, "su yi aiki kar su zauna kafin ta dawo, kuma su shirya su tafi hadda."
Sai ta ja motan tabar haraban wurin; tare da nufan gate mai gadi ya buɗe mata, sai ta fice da gudu ta nufi asibiti.
[10/03, 7:38 pm] OumƊahirah نفيسة: 🌱🌱🌱🌱🌱

       *SHAREEF*
           _SexyBoy_
🌱🌱🌱🌱🌱


_Writer: Nafisat Isma'il Lawal_
_Wattpad: UmmuDahirah_

*SARAUNIYAR TSOKANAR PERFECT🧝*



*PERFECT WRITER'S ASSOCIATION* 🌞

```( WE AIN'T PERFECT, BUT WE'RE ALWAYS TRYING OUR BEST TO MOTIVATED AND ENTERTAIN OUR REDERS💪)```

/https://www.facebook.com/Perfect-writers-association-100452275039839/

       *P.W.A✍️*





*DATA SHARE*

Call, message or whatsap 07065334256

*MTN*
500MB 150
1gb 280
2gb. 560
3gb. 840
4gb. 1120
5gb 1400
6gb. 1700
Verlid for 30 days.












__________
*BOOK1*
_______________*FREE PAGE55*
_____Yau SHAREEF ya tashi a cikin farin ciki da zumuɗin zuwan ranan, kasancewar yau ita ce ranar da ta kasance rana mafi soyuwa a gare sa, a yau asabar zai mallaki zaɓin zuciyarsa; wanda ya daɗe yana zuwan wannan lokacin

Su kansu ƴan gidansu sun tabbatar da cewan SHAREEF yana cikin tsantsan farin ciki, kowa kallonsa yake yi da mamakin yanda ya ruɗe yana ta rawan kai

Momy dai bata ce komai ba,
Dady da Hanif ne suke tsokanarsa sabida ganin yanda ya kasa zaune ya kasa tsaye, har ya shirya tunda ƙarfe sha ɗaya na safe ne za a ɗaura auren

Wata iriyar shadda ya saka gezna mai tsananin tsada da ɗaukar ido, kalanta kalan sararin samaniya, ba ƙaramin mugun kyawu tayi masa ba, ya fito a Angon shi sak sai wani ƙyalli da kwarjini yake yi, a inda ya sha aski ya gyara sajen sa ya ƙara ƙawata face ɗin sa, ya fito fresh dashi idanun nan sun yi haske tarr, ga fara'a wanda ba kasafai ake gani a kan fuskarsa ba, shiyasa wani irin kwarjini ne da kamala ya sake fito masa,
Yayi using agogon sa da takalman sa cumbas Black color, kamar yanda aikin kayan aka yi mishi da baƙin zare, har da malin-malin ya saka, sai ya mirza baƙin hula wanda ya zauna masa ɗas, sai wani tashin ƙamshi yake yi kamar wanda ya shige cikin kwalban turaren sabida yanda yake wani sihirtaccen ƙamshi mai fizgar hankali

Dady da Hanif tare da Sadiq duk kala ɗaya suka sanya, suma wankan gezna ɗin suka yi, amma sky blue, komai nasu iri ɗaya ne; Dady ne kaɗai ya sanya malin-malin a sama,
A sanda SHAREEF ya fito sai suka tsaya kallonsa kawai suna mai mamakin irin tsantsan kyan da yayi, bakin su ya ƙi rufuwa duk yanda suka so da yin shiru

"Lallai Yaro na, wannan kyau haka? Anya na taɓa ganin kayi kyau kamar na yau?"
A cewar Dady da ya riƙe haɓa yana ƙare mishi kallo

A lokacin Momy ta fito daga kichen tana ɗan share hannunta a gefen zanin ta, ita ko kwalliyar bata yi ba, don dama tace baza ta yi ba, rigan barci ne a jikinta sai ta ɗaura zani a saman ta, fuskarta babu yabo babu fallasa duk da ta ga yanda SHAREEF ɗin yayi mugun kyau, ita kanta ta kasa ɗauke ido a kansa, tana sauraron yanda suke kwarzanta shi kamar zasu haɗiye shi suna fasa mishi kai

SHAREEF kuwa da ya hango Momy, langaɓe kai yayi yana zuba mata ido tare da cewa, "Momy ban yi kyau bane? Ke ba ki ce komai ba?"

Taɓe bakin ta tayi tare da furta, "me zan ce SHAREEF? Duk abun da zan ce sun riga Ni faɗa, cuz tun daga kichen nake jin irin yabon da suke maka, bani da abun furta wa."

Shiru ya ɗan yi, but idanunsa a kanta yana kallonta, sai dai yanda ta kawar da kai ta nuna halin ko'in kula dashi, ta koma tana yi wa su Dady magana, sai jikinsa duk yayi sanyi

Hanif ne ya matso kusa dashi yana mishi raɗa, "common Bro, kar ka ɓata fuskarka mana, ka fito da annuri kana ƙoƙarin turɓune fuska, kayi kyau sosai wlh, ban taɓa ganin kyawun ka irin wannan ba, ko don kayi shigan da baka taɓa yi bane?"

Murmushi SHAREEF yayi, shima yana bin jikinsa da kallo, cuz tunda yake bai taɓa sanya malin-malin ba, manyan kaya ma idan ba ya zama dole bane ba ya saka su, sai jifa-jifa ranan Friday

Ganin karfe sha ɗaya har tayi, shiyasa suka fita gaba ɗaya, a lokacin ma Mutane ƴan uwa duk sun hallara zuwan su kenan, dalilin da yasa Dady yace, "su fita waje su jira ko akwai saura waɗanda zasu zo, sai su wuce gaba ɗaya kawai."

Su Aunty Najwa a lokacin suma suka iso suka shigo cikin gidan,
Babu jimawa sai ga su Aunty Salma da wasu daga cikin dangin su,
Duk da Momy tace, "babu taro."
Amma hakan bai hana sun zo ba, ƴan nesa ne kawai baza su samu damar zuwa ba tunda ɗaura aure kawai za a yi, shiyasa sai dai a waya suka kira Momy suka yi mata fatan alkhairi.
***

         
_____Karfe sha ɗaya da rabi dai-dai dubban jama'a suka shaida daurin auren SHAREEF Ahmad da Amaryansa Haseena Tahir; a kan sadaki Naira na gugan Naira dubu ɗari biyar lakadan Ango ya biya

A wannan lokacin SHAREEF ya rasa inda zai saka kansa don murna, wani irin farin ciki ne a kan face ɗin sa, tamkar an yi mishi albishir da shiga aljanna, har ƙwalla ya tara a idanunsa sabida tsaban murna da daɗin mallakar abar ƙaunarsa, cus irin kaunar da yake mata baki ma bazai misalta ba, da dukkan zuciyarsa yake sonta, wannan rana tana a cikin ɗumbin ranakun da yayi a tarihin rayuwarsa mai muhimmanci, tabbas rana ce mai muhimmanci a gare sa, domin murnan sa yasa har hawaye sai da suka ɗiga mishi a kan face, handkerchief ya zaro a cikin aljihun sa ya ɗauke su nan take, yana mai ci gaba da amsar gaisuwa na daga Abokai da ƴan uwa da suke taya sa murna, bakin nan a washe ya kasa rufe shi

Hanif na gefen sa shima yana amsa gaisuwar, yanda ka san shine Angon don shima yana cikin farin cikin, cus yana taya ɗan uwansa mafi soyuwa a zuciyarsa murnan zuwan wannan rana

Direct SHAREEF da su Hanif; tare da su Mahmud, da wasu daga cikin ƴan uwan su Hanif ɗin Abokansa, can gidan su Haseena suka wuce, don dama an yi ɗaurin auren ne a ƙofar gidan Kakannin Haseena, iyayen Abbanta,
Daga nan sai suka wuce gidan su Haseena don su ɗauki hotuna kamar yanda ya zama al'ada a zamanin nan; domin barin tarihi,
Sannan akwai party da aka shirya zuwa ƙarfe huɗu, su Hanif suka shirya isu-isu Maza Abokansu, kawai za a je hotel ne a yi cima kala-kala

Koda suka isa ƙofar gidan su Haseena, SHAREEF ne ya kira ta a waya ya sanar mata da zuwan su

Hakan ne yasa tace mishi, "su shigo ciki zuwa Falon Abbansu."

Tare suka shiga gaba ɗaya zuwa cikin gidan, suma duk da babu taron biki amma gidan da yalwan mutane sosai, tunda ba baya ba suna da dangi da yawa, bare dama Ummanta irin mai shige da fice ne, tana da yawan ƙawaye, duk sun zo sun cika gidan,
Tunda suka ji an ce ga Ango nan sai duk suka fito waje ana gaisawa, wasu sun fito ne dama don su ga kalan Angon musamman ma tsirarun ƙawayen Haseena waɗanda suka yi karatu tare,
Sai fa kallo ya koma wurin ango sabida yanda yayi mugun tafiya da imanin su, babu shakka Haseena ta iya zaɓe a yanda suke furta wa kenan, iya haɗuwa ya haɗu sun ga kyakykyawar Gaye kowa sai faɗin albarkacin bakin shi yake yi

Dayake SHAREEF ba Mai son kallo ne da yawa ba, kuma ba ya son hayaniya ko kaɗan, shiyasa duk ya ji sa wani iri yanda aka zo aka yi masa caa, ɗakyar ya samu ya shige Falon Abba inda Haseena tace, "su shiga."
Sai daga baya su Hanif suka bi bayansa

Nan da nan aka cika musu gaban su da kayan motsa baki, su Hanif sun saki ciki sai kwasa suke yi

While SHAREEF kuwa ko ruwa bai sha ba, burinsa kawai ya ga Haseena ya ga irin wankan da tayi masa

Wasu daga cikin ƙawayenta tare da Haajara; su suka shigo cikin falon suka zauna ana hira da su, sai wani fi'ili suke yi suna yanga irin yanda dai ƴan mata suka saba idan sun ga Samari,
Haka suma Samarin a wajen su hakan take, sun saki baki sai hira suke yi dasu suna kashe musu murya

Da yawan Matan yanda SHAREEF ya tafi da imanin su, ji suke yi da su ne suka yi wannan Sa'an, amma ganin Hanif wanda ba shi da maraba da SHAREEF ɗin, kowa ya kalle su ya san ƴan uwa ne, tamkar twins haka suka kasance a idanunsu, sai wani shishshige mishi suke yi suna son ya tanka su, amma kuma shi dayake ya gane yanayin su, kuma babu wacce tayi masa shiyasa ya ƙi sakin musu fuska, sai suke ganin kamar dukkan su halin su ɗaya daga Hanif ɗin har SHAREEF, akwai tsare gida

Itama Haajara tunda ta ga Hanif ɗin ta san wane ne shi a wurin SHAREEF, shiyasa take ta maƙale mishi sai rawan jiki take yi dashi, miƙe wa ma tayi tace mishi, "ya zo su ɗauki hoto."

Yana taso wa sai suma ƴan matan suka taso suka shige dole da su za a yi,
Daga nan ne fa aka fara hotuna

Jin Haseena shiru bata fito ba, SHAREEF ya ƙagara da ya ganta, sai ya ɗauki waya ya tura mata text message

Babu jimawa kuwa sai ga ta ta shigo cikin falon, cikin shiganta na Arabian gown mai ruwan zuma, rigan ya tafi tun daga sama har ƙasa ya bi jikinta ya lafe gunun ban sha'awa sabida shape ɗin jikinta ya bayyana, fuskar nan nata ta sha MakeUp mai ɗaukar hankali sai wani walwali take yi tamkar tauraruwa, hill shoes ne a ƙafafunta waɗanda suka sha jan lalli, haka ma hannayenta sun sha lalli mai ban sha'awa ga wasu zaro-zaron ƙumbuna da ta sanya, wani net ta ɗaura a kanta wanda ya tsaya mata iya kafaɗunta, an yi mata design da gashin ta dana attachment yayi tsiriri kamar tayi acuci

Shigowar ta sai da SHAREEF ya miƙe tsaye tsaban yanda ya ga tayi masa mugun kyau, ya kasa bari ta iso wurin sa sai taka wa yayi ya nufe ta, yana isa ya sanya hannu ya kamo nata tare da janyo ta jikinsa suka haɗe da juna, wani irin kallo suke wa junan su mai haɗe da zallan soyayya gami da farin cikin da suke ciki, sun manta ma a inda suke sabida irin shagaltuwa da suka yi wurin kallon junan su

Cousin ɗin sa Habib, shi ya matso inda suke yana tafa hannu tare da furta, "to lovers, kallon ya isa haka kar ku cinye juna."

Hakan ne yasa sauran ma suka ankare da su, sabida hankalin su ya ɗauke wurin yin hoto,
Ai take dukkan su suka nufo wurin su suna faɗin, "wow! Wow!" Sabida mugun dacewar da suka ga sun yi musu a ido, ba ƙaramin marching suka yi da juna ba,
Take a nan su Haajara suka soma ɗaukar su pictures a yanda suke tsaye rungume da juna, hannun SHAREEF a ƙugun ta ya riƙe ta ƙam kamar za a ƙwace mishi ita, yayinda face ɗin kowannen su da yalwan murmushi haƙoransu ya bayyana a fili

"Ku tsaya mu ɗauke ku hoton kawai a haka, sai ku sauya style."
A cewar Haajara tana ci gaba da kashe su da Camera

Haka fa suka dinga daukar su hotuna kala-kala cikin styles,
Bayan sun gama su Hanif suka shiga suma aka dinga ɗaukar su tare,
Shi dai SHAREEF yana manne da Haseena ya ƙi sakin ta bare su rabu, sun manne like a chewing gum,
Haka suka dinga daukar hotunan suka ɓata lokaci a wurin.
***