You Cannot Download this book untill you login but you can read it .

---

Login Register

dogaro dashi,
Afra tana SS 1 ne, inda Salma take JS 2, sai dai karatun nasu ya tsaya cak a yanzu tunda basu da kuɗin biya, wannan hutun da aka tafi basu da damar komawa yanzu ko an koma; sabida basu da kuɗin da zasu biya, tunda basu kai ga biyan schoolfees ba, a cewar Babansu, "zai biya musu idan sun shiga second time." tunda a wannan lokacin bai da kuɗi already ya biya kudin karatun Amra har da bashi ake bin sa, kuma yanzu bashin yake biya bazai samu damar biya musu ba since an matsa mishi. Ana haka ga shi har Allah ya dauke abun sa daga ciwon sati guda

Ganin yanda suka shiga damuwa dukkan su, sai Mama tayi ƙoƙarin kawar musu da halin da suke ciki, tace ma Amra, "ta ci abincin tayi sauri ta gama."

Dayake ɗumamen tuwo ne wanda suka ɗumama da safe, amma ita bata ci ba tsaban zumuɗi zata je wurin samun aiki, duk yanda Mama tayi nacin ta ci abincin kar ta tafi a haka, but ta ƙi tace mata, "sai ta je ta dawo."

Afra ta soma miƙe wa a wurin tunda dama sharan ɗaki zata yi, sai ta wuce ta nufi ɗakin ta soma share wa

Ita kuma Mama ta ci gaba da yin wanke-wanken. Bayan Amra ta gama da kwanon tuwon, sai ta amsa ta haɗa dashi tace musu, "su shiga ɗaki su zauna tana zuwa."

Ɗaki suka wuce, sai sa'ilin Amra ta cire hijabin da ke jikinta tana ninke wa, ta ɗaura a kan Ghana-most go na kayanta, sannan ta zauna tana kallon Ƙannin nata tare da musu albishir, "idan har ta samu albashin ta na farko; su zasu fara koma wa makaranta su ci gaba, don ta fi son su ƙarisa karatun su zai fi."

Sai murna kuwa suke yi, sun tasa ta a gaba tana ta basu labarin abubuwan da zata siya musu in ta fara ɗaukar albashi, har islamiyya zasu koma, daga ƙarshe ta soma basu labarin girman Companin da ta samu aikin a can

Har Mama ta gama ayyukan ta; ta zo ta zauna aka ci gaba da hiran da ita,
Suna nan zaune har rana tayi, sai suka dauko garin kwaki suka tsuma suka sha haka nan babu sigar; tunda basu dashi,
Bayan sun gama suka je suka yi sallah

Daga baya Amra ta shige ɗakin su, wanda suke kwana a ciki ta kwanta sabida huce gajiya, ga kuma barci da take ji wanda bata samu tayi ba a daren jiya tsaban zullumin zata je neman aiki,
Ita kanta bata san iya adadin lokutan da ta ɗauka a kwance a wurin ba, sai jin murya sama- sama tayi a kanta, wanda lokaci guda ta wartsake sabida gane mamallakin muryan

Ilai kuwa shi ta gani a tsaye a kanta tamkar zai faɗo mata, yana kiran sunan ta kamar zai tsaga ɗakin,
"Lallai ma ƴar shilan nan; kin samu duniya kina nan kina raɓashe wa amma aka ce min ba kya gidan? Don tsaban munafurci ko?"








🔆🔆🔆🔆🔆🔆🔆🔆

_____Around five o'clock suka tashi a aikin a tare,
Hanif shi ya soma zuwa office din SHAREEF ya jira sa har ya ƙarisa aikin nasa, sai suka fito a tare suka shiga Mota,
While wannan time ɗin ma Hanif ke tuƙa su,
Shi kuma Gogan yana hakimce a gefe ya ɗauki kiran Haseena wacce tayi masa a yanzu; suna shan soyayyarsu

Hanif tsam yayi yana sauraron ɗan uwan nasa cike da mamakin yanda ba ya jin kunyarsa muddin in yana waya da Haseena ne. Shiru yayi bai ce komai ba sai tuƙin da ya ci gaba da yi idanunsa a kan titi

Har sai da SHAREEF ya gama wayan before ya dubi Hanif ɗin; ganin yayi shiru kamar babu shi a motan, fahimtar da yayi kamar ma ba ya a cikin hayyacin sa ya faɗa tunani, sai ya taɓo sa yana cewa, "Mr. Man, lafiyar ka?"

Ɗago kai yayi ya zuba mishi ido, sai ya ɗan ɗage kafaɗa tare da furta, "mai ka gani?"

"Na ga ka tafi wata duniyar ne, me ke damun ka?"

"Nothing Bro."

Shiru SHAREEF yayi yana duban wayansa, sai kuma can ya sake cewa, "wai kai yaushe ne zaka kawo Budurwan ka kaima kayi aure ne?"

Kallonsa Hanif yayi, sai kuma ya taɓe baki da cewan, "aure kuma?"

"Yeah, aure. Ko maganar da ka taɓa faɗa min wasa ne?"

Murmushi Hanif yayi yace, "Nop, ba wasa bane, ai na so in riga ka yin aure fa, amma kuma yanzu tunda ka shawo kan Gimbiyyar taka i know zaka riga Ni, yanzu Ni ban ma da budurwan tunda Jamila ta yaudare Ni."

Tsaki SHAREEF ya ja yana cewa, "wannan banzan yarinyar Sha-sha-sha? dama wa zai bari ka aure ta?"

Sai Hanif ya kwashe da dariya har da dukan sitiyarin Motan, yace, "wlh ka san abin da na tuna? Kai lokacin fa mun yi rayuwa a BUK; tamkar baza mu rabu da Jamcy ba."

"Shege, ai kaima ka taɓa iskancin ka, lokacin ma Ni ban ma san da wata soyayya ba, ka riga Ni fitsare wa." SHAREEF yayi maganar shima yana dariyan,
Domin ya tuna lokacin da suka yi karatun su a BUK ne, inda wata mayyar yarinya ta liƙe wa Hanif har kuka take mishi tsaban yanda take mutuwar sonsa,
Ya gwara kanta ba kaɗan ba; daga ƙarshe kuma kamar wasa suka soma soyayya, ashe Hanif duk na ƙarya ne kawai ya biye mata ne tsaban iskanci, don lokacin shima kansa yana hayaƙi,
Lokaci ɗaya ya ɗauke mata bayan ya tafi Masters ɗin sa England, sanadin rabuwar su kenan,
Har wannan lokacin bai ƙara ganin Jamila ba tunda ya katse alaƙar su gaba ɗaya, ita kuma bata san gidan su ba; itama asalin ta ba ƴar nan bace, tana Jahar Bauchi take karatu a nan

"Hmm! Rayuwa kenan! Har yanzu gani nake yi kamar alhakin Jamila zai bi Ni, wlh yarinyar nan ta so Ni fiye da tunani, Ni kuma na cuce ta, a yanda na nuna mata soyayya ko Romeo albarka; ashe duk ƙarya ne."

"Ita kuma Jakar bata gane ba." SHAREEF ya furta yana dariyan mugunta; tare da duba wayansa jin ƙaran saƙo

Numfashi Hanif ya ja lokaci guda yana tuna fuskar Amra, sai ga murmushi a kan face ɗin sa, ya kalli SHAREEF yace, "ka san wani abu?"

Girgiza masa kai yayi ba tare da ya dube sa ba, hankalin sa na a kan wayansa

"Wani abun mamaki na gani yau, waɗanda nayi musu interview har da Kurma a cikin su."

"Kurma kuma?" SHAREEF ya maimaita yana kallonsa

Shi kuma sai ya jinjina masa kai da murmushi a kan face ɗin sa yace, "wlh kuwa, abun ya bani mamaki, yarinya ce wacce a tunanina baza ta fi 20years to 21 ba. Ita na fara ma interview, ta burge Ni wlh sabida ban taɓa ganin wata Mace kamar ta ba, Naƙasa bai sa ta dagushe rayuwarta ba, tayi ilmi har tana neman aiki."

Taɓe baki SHAREEF yayi domin maganar bai burge sa ba, sai yace, "to meye amfanin karatun nata da neman aikin tunda bazai mata amfani ba? Babu inda za a ɗauke ta kuwa in har a haka ne."

"Ni kuma sai na ga hakan ba wata matsala bace, since yarinyar tana jin me ake cewa, magana ce dai bata yi, kuma ka ga hakan babu wata matsala, already ma na ɗauke ta."

"What..! A hakan ka ɗauke ta aikin?"

Kai ya gyaɗa masa da faɗin, "Yes, don ta cancanta ne, ba wai don wani abu ba."

Tsaki ya ja yace, "baka da hankali wlh, bazai yiwu tayi aiki a Companin mu ba, gwara ma tun wuri ka sallame ta since bata da gurbi a wurin. Kurma fa?".
[09/03, 9:39 am] OumƊahirah نفيسة: 🌱🌱🌱🌱🌱

          *SHAREEF*
               _SexyBoy_
🌱🌱🌱🌱🌱


_Writer: Nafisat Isma'il Lawal_
_Wattpad: UmmuDahirah_

*SARAUNIYAR TSOKANAR PERFECT🧝*



*PERFECT WRITER'S ASSOCIATION* 🌞

```( WE AIN'T PERFECT, BUT WE'RE ALWAYS TRYING OUR BEST TO MOTIVATED AND ENTERTAIN OUR REDERS💪)```

/https://www.facebook.com/Perfect-writers-association-100452275039839/

       *P.W.A✍️*





*DATA SHARE*

Call, message or whatsap 07065334256

*MTN*
500MB 150
1gb 280
2gb. 560
3gb. 840
4gb. 1120
5gb 1400
6gb. 1700
Verlid for 30 days.












__________
*BOOK1*
_______________*FREE PAGE53*
_____"Itama ai Mutum ce kamar kowa Bro, bai kamata ace don tana Kurma mu ƙi ɗaukar ta aiki ba tunda ta cancanta..."

"Wanne cancanta kake faɗi a nan? A hakan ne zamu ɗauke ta bayan ba ta magana? Da me zata yi abun da ya dace? ko ka fi son ta jawo mana asara ne? Look Hanif, any thing that will bring us back in our company; mu yi asara a cikin Company, bazan yarda dashi ba."

"Please, let's give her opportunity, if we find her wrong, we will send her away, har zuciyata ina jin tausayin ta bazan ji daɗi a kore ta ba; bayan nace mata mun ɗauke ta aiki, already yanzu tana can cikin farin ciki tana saka rai, yanzu kuma mu kore ta, i promise you idan bata yi abun da ya dace ba sai mu sallame ta."

Wani kallo SHAREEF ya watsa mishi, sai yace, "every day we find her guilty, kai zaka amshi laifin, tunda ka matsa."

Murmushi yayi yace, "yeah, na amince."

Daga nan basu sake maganar ba, har suka isa gida; don SHAREEF ya mayar da hankalinsa kacokan a kan wayansa bai da lokacin hiran da Hanif yake masa.





🔆🔆🔆🔆🔆🔆🔆🔆

_____Da sauri Mama ta shigo cikin ɗakin, domin dama tana toilet ne ta jiyo muryan su Afra da Jabir suna faɗa mishi, "babu Amra a gidan," amma ya wuce su ya shige ciki yana faɗin, "idan ƙarya ne sai ya karya su."
Jin abinda yake faɗa ne shiyasa ta hanzarta ta fito don ta san ba mutunci ne dashi ba, ilai kuwa har ya shige ciki ya soma ƙunduma wa Amran zagi kamar yanda ya saba,
Tana shiga ta kira sunan sa tana cewa, "wai me kake yi ne haka Jabir? Kanka ɗaya kuwa?"

"Ke kai nawa kika gani a tare dani? In banda iskanci don na zo gun yarinyar nan ne har kuke min ƙarya ba ta ciki? To wannan wace ce?"
Ya nuna Amra da yatsa wacce take zaune duk ta tsorata da ganin sa

Tsaki Mama ta ja tace, "to wai meye haɗin ka da ita da kake son ka muzguna mata? Mu ji da wanne wai? Yarinyar nan lalura ce da ita amma tsaban rashin tausayi baza ka barta ta ji da abun da ke kanta ba, Ni fa wlh na gaji, idan baka ƙyale ta ba zan sanar da Mahaifinka don a yi mana tsakani."

Cikin rashin mutunci irin nasa ya karkace hanci da baki yana cewa, "to kin fasa mana. Tsoron sa nake ji ne? Yarinyar naki da take naƙasashshiya? Ba abun alfahari bace don na zo wurin ta na nuna ina son ta amma har wani jan aji kuke min, na rantse da Allah idan baku bi ni a sannu ba sai na farka yarinyar nan kowa ma ya huta, don wlh tunda na tashi da kwaɗayin ta sai na cika burina, ko ku bani ita in aura in yi maneji; ko kuma in karɓa ta ƙarfi, eh Allah wlh."
Ya ƙare maganar yana layi

Tuni hawaye sun soma sintiri a kan fuskar Amra, har jikinta ya soma rawa sabida jin abun da yake furta wa

While su Afra da gudu suka ƙarisa kusa da ita duk suka rungume ta; su ma cikin tsoro suka dunƙule wuri ɗaya

Ita kanta Maman ta tsorata da jin furucin Jabir, don ta san halin sa ba hankali ya cika ba, already shaye-shaye ya gusar masa da hankali komai zai iya yi, shiyasa cikin faɗa da karfin hali irin nata, ta nuna masa hanya tace, "zo ka wuce ka bamu wuri tunda ba gidan ku bane."

"Amma ai gidan Ubana ne ko? Babu wanda ya isa ya kore Ni, kuma Yaran nan Ƙannina ne ba mai raba mu, Amra tawa ce a haka nake sonta sai na ɗanɗana ta wlh, gwara ma tun wuri ki yanke hukunci kafin in sake juyo wa kanku."
Sai yakai duban sa wurin su Amra yana fito tare da turo bakin nan nasa da yayi baƙi tsaban jaraban shaye-shaye, "ke yar shila, zan tafi, ke ma ki yi tunani da kyau kwanan nan zan faɗa ma Babana a zo a sha biki dan ƙwal uban ku."
Ya tsitta miyau ya fice yana faman layi kamar zai tuntsire

Yana fita Amra ta fashe da kuka

Mama kallonta tayi cike da damuwa a kan face ɗin ta, sai ta taho ta zauna a gefen Katifar su tana cewa, "don Allah ki yi haƙuri Amra, ba abun da zai iya miki, insha Allah zan ɗauki mataki a kansa Ni ko ƙaransa zan kai wurin Babansa, domin na gaji da wannan cin mutuncin nasa, ki dena kukan nan don bai da amfani yanzu, kar ki ja wa kanki ciwo."

Ɗago hannunta tayi tana mata bayani cikin kuka, tare da faɗa mata, "ita ta tsorata da Jabir, kar ya zo yayi mata wani abu, don Allah ta taimaka mata."

"Babu abun da zai miki wanda Allah bai miki ba Amra, bazai ci nasara a kanki ba ki kwantar da hankalin ki, yanzu ma zan je in sanar da Mahaifinsa komai, dole a yi mana iyaka dashi."
Sai ta mike ta fita ta koma ɗakin ta, mayafi ta ɗauka ta dawo ɗakin tana sake rarrashin Amra domin har yanzu kukan take yi

Su kansu su Afra hawaye suke yi sun gaza cewa komai jikinsu sai rawa yake yi

Sai da ta ja musu kunne a kan su yi shiru before ta fita, ta saka Salma ta biyo ta ta rufe gidan, idan ta buga sai ta buɗe mata

Amra kuma ta kasa yin shiru, domin ba abun da ta tsana sama da Jabir ɗan uwanta, gaba ɗaya ya takura mata a rayuwarta, nema yake yi ya haukata ta ya saka mata tsoron sa, ko kaɗan ba ta ƙaunar ta buɗe ido ta ga bawan Allan nan, wai a hakan sonta yake yi yayi ta muzguna mata,
Domin a baya ya sha zuwa gidan yana cin mata zarafi Allah kaɗai yake tsare ta, akwai kwanakin da ya zo lokacin Babansu bai jima da rasuwa ba, ya zo ya tarar da ita a gidan; ya kusa yin mata fyaɗe daƙyar ta tsira, sai ga su Afra sun dawo gidan, su suka je suka ƙanƙame ta Afra na dukan sa da kukan ya sakar musu ƴar uwa,
Dalilin da ya dawo hayyacinsa kenan ya haƙura ya tafi yana cizon yatsa, amma ba wai don ya haƙura da ƙudirin sa ba, don a yanda yake kwaɗayin Amra komai zai iya yi, bai da mutunci ko kaɗan, ga shaye-shaye ba ya ganin mutuncin kowa, tunda Babansu ya rasu ya soma addabar rayuwarsu, yayi ta zagin Amra yana kiranta da muggan sunaye a cewar sa, "tunda naƙasashshiya ce shi zai taimaka mata yayi maneji da ita ya aure ta."

Wannan dai lokacin har gida Mama ta je ta samu Mahaifinsa ta sanar mishi, kuma an ci Sa'a yana gida,
Bayan sun gaisa da Asabe mahaifiyar Jabir, sai ta nemi iso wurin Baba Jafaru mahaifinsa, kuma ƙani wurin Baban su Amra,
Asabe ta je har ɗaki ta sanar mishi; sannan yace, "ta shigo."

Zuwa tayi ta zayyane mishi abun da ke faruwa

Amma buɗan bakin Baba Jafaru, sai yace, "ƙazafi take yi wa ɗansa, ƙarya take yi, me zai yi da Kurma? Ya rasa wacce zai bibiya sai ita? Dama ya ga take-taken ta nema take yi ta ɗaura musu sharri tun ba yau ba, an gama na rabon gado, yanzu kuma abun da ta ɓullo dashi kenan, to wlh in ta saka wasa zai amshi Yaran gaba ɗaya tunda su yakamata su riƙe su ba ita ba, bazai bari ta ɓata tarbiyyar Yaran ɗan Uwansa ba, inyaso sai ta kama gabanta ta tafi."

Kuka Mama ta saka mishi, tana cewa, "yanzu duk halin da Jabir yake nuna mana; ban taɓa kawo ƙaransa ba sai a yau, amma nema kake yi ka mayar da laifin a kanmu, don kawai na zo na faɗa maka gaskiya amma maimakon ka tsawatar mishi gani kake yi kamar ƙage nayi mishi?"

"To ƙage ne mana Shafa, taya ya kike tunanin zan yarda da maganar ki? Ƙila ma ita yarinyar ce take bibiyan shi tunda itama ƴar taki yanzu yawon ta take yi, kina ce ban san me ke faruwa bane? Kurɗa-kurɗa yanda ƴarki take yawo a gari ina jin labari, to wlh bazan lamunta ba, mun kusa mu amshi Yaran sabida baza ki ɓata mana suna a gari ba, haka kawai don wulaƙanci ki zo kina son ɗaura wa ɗana laifi? Bayan naki yarinyar ne mai laifin, ai ta isa aure meyasa baza ki nema mata Miji ba? kun zaunar da ita a gida kuna haɗa kafaɗu da ita."

Kasa jure zantukan nasa tayi, shiyasa ta miƙe tana zubar da hawaye; ta dube shi da faɗin, "shikenan Allah na gani, kuma shi zai yi mana maganin dukkan matsalolin mu, wlh na rantse da Allah idan har baka ja kunnen ɗanka yabar zuwa mana gida ba; in har ya aikata muggan abu a kan ƴata, wlh tallahi sai inda ƙarfi na ya ƙare, bazan taɓa ƙyale wa ba, kuma Yarana babu inda zasu gusa daga kusa dani, sai dai duk abun da zaku yi ku yi."

Cikin tsananin mamaki yake kallonta, tare da furta, "haka kika ce Shafa?"

"Eh haka nace." Tayi maganar a zuciye ranta na ƙuna, idanunta jawur a kansa

Shima cikin ɓacin ran yace, "to zamu gani, tunda kin ce hanyar da za ki bi kenan, mu zuba mu ga wanda zai yi nasara."

Bata ce mishi komai ba ta juya tabar Falon nasa, ta fice tana sharan hawayen ta,
Ko kafin takai gida ta gyara fuskarta yanda Yaranta baza su gane halin da take ciki ba

Amma duk da haka sai da Amra ta fahimci akwai abun da ke faruwa, domin bata yarda da abun da Maman ta sanar musu ba a kan, "ta shawo matsalar komai."
Tana ji a jikinta dole akwai matsala, sai dai bata ce komai ba haka tabar abun a ranta ta kasa sakin jikinta, ko walwala ta kasa yi,
A haka ta kwana ranan cikin damuwa, domin har ga Allah tana tsananin tsoron Jabir da abun da zai aikata mata, ba ta son suna haɗuwa sabida yana cutar da ita

Kasancewar bata yi barci ishashshe ba sabida halin da take ciki, shiyasa bata koma barci ba tunda aka yi sallan asuba, tana zaune tana lazumi har gari ya soma haske,
Sai ta tashi ta je ɗakin Mama suka gaisa sannan ta fito ta soma aiki,
Tsintsiya ta ɗauka ta soma share tsakar gidan tunda akwai ta da gazar-gazar komai ita take musu, sai idan Mama ta sanya su Afra ne sannan take haƙura,
Amma yau bata da karsashi tunda barcin da bata yi ba ya saka mata weak a jikinta, tare da ciwon kai, kaɗan - kaɗan yake ratsa ta amma bata so Mama ta fahimta, kuma ga shi tana son fita wurin aiki da wuri gudun samun matsala

Mama kamar ta san halin da take ciki, sai tace, "tabar sharan kawai su zasu yi, gwara ta shirya da wuri kar tayi latti, daga fara wa kuma a samu matsala bata je da wuri ba."
Ce mata tayi, "ta hura wuta ta saka ruwan wanka, sai ta dama musu koko su sha."

Haka kuwa Amra tayi,
Ko kafin bakwai ta gama komai har wanka tayi ta shirya cikin riga da skirt na atamfa, sai ta ɗauki baƙin Hijab ta sanya har ƙasa ba a ganin komai nata, since yanayin shiganta kenan, a rayuwa tana bala'in son baƙin abu, shiyasa yawanci hijabanta bakake ne har ƙasa, zaka ga ta saka ta rufe komi na jikinta, illa fuskarta da ake gani ko kuma idan ta fito da hannayenta, sau tari wasu da suka santa suna tunanin ƴar Shi'a ce, sabida a koyaushe da baƙin Hijab zaka ganta kuma different designs; balle kace guda ɗaya take saka wa,
Yanzu ma bayan ta gama shan kokon sai ta saka socks a ƙafarta tare da baƙin cover shoes,
Ta ɗauki Ƙaramar Jakarta na hammata ta maƙale ta, ta yi wa Mama sallama zata wuce

Mama tayi mata addu'a sosai,
Haka su ma su Afra sai murna suke yi suna mata a dawo lafiya

Naira ɗari Mama ta dauko mata ta miƙa mata,
Tace mata, "ta kula da kanta sosai tayi abun da ya kaita, Allah ya bada Sa'a."

Sai lokacin ta ɗan saki fuskarta tana kallon Maman, idanunta sun ɗan kumbura sun tasa har face ɗin ta, sallama ta sake musu sannan ta fice ta nufi hanyar titi,
Daƙyar ta samu abun hawa har hankalin ta ya soma tashi, ga shi ta fito da wuri kuma tana neman yin latti

Bayan ta isa Companin an sauke ta, sai ta biya kudin ta wuce ciki da sauri cikin rawan jiki,
Lokacin Companin ya cika sai hada-hada ake yi,
Kai tsaye office ɗin Hanif ta wuce tunda ba a nuna musu aikin da zasu yi ba bare a basu wurin zama, sai yau ne za a nuna musu offices ɗin su,
Tana zuwa kuwa ta tarar da sauran sabbin da aka ɗauka, su ma sun zauna a wurin suna jira, tunda Secretary yace, "su jira."
Itama sai ta bi sahun su bayan ta ɗaga musu hannu alamun gaisuwa

Wasu da yawa sun kalle ta amma basu ce mata komai ba, wasu kuma hankalin su ba a wurin yake ba, kowa yana harkan gabansa, itama wurin tsayuwa ta samu tana faman ayyana abubuwa a ranta

Jimawa kaɗan sai ga Secretaryn ya shigo wurin da Files a hannunsa, sai ya wuce su ya shiga office ɗin Hanif, ba a jima ba ya fito yana kallonsu, yace, "yanzu zamu wuce daku zan nuna muku inda zaku zauna, zaku fara aiki Insha Allahu."

Dukkan su sai da fara'a ya yalwata a kan face ɗin su

Sai ya sake duban su da faɗin, "wace ce Amra Abubakar?"

Da sauri ta ɗaga hannunta har jikinta na rawa jin an kira sunan ta

"Ok, ki shiga, Oga na kiran ki, ku kuma sai ku biyo NI ko?"
Ya wuce yana yin gaba; suka take mishi baya

Aka bar Amra tsaye a wurin cike da zullumi da fargaba, wanda hakan ya jawo ta kasa yin gaba bare ta shiga office ɗin, gaba ɗaya fuskarta ta nuna tashin hankali da tunanin abun da zai biyo baya; ƙila koron ta za a yi an fasa ɗaukan ta.
[10/03, 8:51 am] OumƊahirah نفيسة: 🌱🌱🌱🌱🌱

       *SHAREEF*
           _SexyBoy_
🌱🌱🌱🌱🌱


_Writer: Nafisat Isma'il Lawal_
_Wattpad: UmmuDahirah_

*SARAUNIYAR TSOKANAR PERFECT🧝*



*PERFECT WRITER'S ASSOCIATION* 🌞

```( WE AIN'T PERFECT, BUT WE'RE ALWAYS TRYING OUR BEST TO MOTIVATED AND ENTERTAIN OUR REDERS💪)```

/https://www.facebook.com/Perfect-writers-association-100452275039839/

       *P.W.A✍️*





*DATA SHARE*

Call, message or whatsap 07065334256

*MTN*
500MB 150
1gb 280
2gb. 560
3gb. 840
4gb. 1120
5gb 1400
6gb. 1700
Verlid for 30 days.












__________
*BOOK1*
_______________*FREE PAGE54*
_____Tura ƙofan tayi ta shiga ciki; sannan ta mayar da ƙofan ta rufe,
Hanif na kallonta har ta zo ta zauna sannan ta gaishe shi

Dayake bai san gaisuwar nasu ba, shi dai bai amsa ba illa murmushi da yayi mata yace, "kina lafiya?"

Kai ta ɗaga mishi itama tana Murmushin

Sai shiru ya ɗan gibta kaɗan, idanunsa a kanta suna kallon juna, mamakin yanda face ɗinta ta tasa yake yi; da kuma yanda idanunta suka kumbura suka canza launi kamar tana cikin damuwa, ko kuma tayi kuka,
Tabbas ya fahimci akwai abun da ke damunta don ba haka ya ganta jiya ba,
Amma sai bai ce komai ba ya ɗauke idanunsa a kanta ganin itama ta duƙar da kanta, sai da ya ɗan ɓata time wurin duba computern nasa ba tare da yayi magana ba bare ya kula ta

Yayinda Amra tayi tsumu har ta gaji ta ɗago tana kallon yanda yake aikin, murmushin sa a gare ta ya cire mata fargaban da take ciki, har zuciyarta ta ji sanyi domin ta sadaƙar cewan an fasa ɗaukar ta ne

"Kina jina?" Yayi maganar yana ɗago kai ya dube ta

Kai ta gyaɗa mishi da sauri tana gyara zaman ta

"A nan office ɗin za ki soma aiki Insha Allahu, idan Secretary ya zo zai nuna miki inda za ki zauna cuz za ki zama mataimakiyar sa ne, let's wait for him to come back and show you where to sit."

Smile tayi mai yalwa tana ɗaga hannunta tare da mishi godiya

Bai ce mata komai ba ya ɗauke kansa ya ci gaba da aikin gabansa,
Har sai sanda secretary ɗin sa ya shigo, sannan ya umarce sa da, "ya kaita wurin zamanta a office ɗin sa, zata zama mataimakiyar sa, since ba ta iya yin magana sai ya amshi numban wayanta ta haka zasu riƙa communicating, ya bi ya koya mata duk abun da ya dace ta sani."
Sai