You Cannot Download this book untill you login but you can read it .

---

Login Register

840
4gb. 1120
5gb 1400
6gb. 1700
Verlid for 30 days












__________
*BOOK1*
_______________*FREE PAGE10*
             "Sadiq."

"Na'am Dady." Ya amsa yana ƙoƙarin dawowa

"Kuma baka cinye abincin ba zaka tafi, sauri kake ko me?"

"Eh Dady, ina da text da zan yi by 10 o'clock, shiyasa nake son in shiga in duba littafina."

"Ok, kira min SHAREEF, sai ku taho tare, akwai maganar da nake so mu yi daku."

"To Dady." Ya amsa yana wuce wa upstairs

Inda shima Dadyn bai jima ba ya tashi daga saman dinning ɗin, ya koma cikin falon yana gyara malin-malin ɗin sa

Momy da ta shiga kichen domin haɗo masa coffee kamar yanda ya buƙata, sai ta kawo masa tana miƙa masa tare da cewa, "har ka gama Alhaji?"

Numfashi ya ɗan ja kaɗan yana cewa, "wlh kuwa, kin san sauri nake yi, kuma na fi son shan wannan ma."

"Dad ga shi nan fitowa, yanzu ya tashi."

"Ok zauna." Ya furta yana kallonsa, kafin ya dubi Momy yace, "zuwa gobe idan zan je Kadunan nan, ina son in wuce Zaria sabida mun kwana biyu bamu je ba, ya kamata in je in gaishe da Uwata in ga halin da take ciki, don haka zamu wuce da Yaran nan."

Momy tace, "ai ba su kaɗai ba, har Ni ya kamata mu je kuwa, tunda mun jima ɗin gaba ɗaya bamu je ba."

"Eh, abun da na so yi kenan, amma kinga ba kai tsaye can zamu wuce ba, shiyasa naga dacewar tafiya da su since Maza ne, sannan sun jima basu je ba musamman ma SHAREEF da naga alamun ba ya son zumunci."

Sadiq yana dariya yace, "Dady kamar ka san ina son zuwa, domin Ni kaina har na manta hanyar garin ma, tun lokacin bikin Aunty Ummita ban sake zuwa ba."

"Oh! Ashe zaka iya tuna wa ma? Ai kayi ƙanƙanta lokacin, domin ina ganin ko Ummitan ka gani yanzu a gabanka baza ka santa ba." Cewar Momy tana dariyan itama

Shi kuma sai ya shagwaɓe fuska yana faman faɗin, "wlh yana da wayon sa a lokacin, tsab zai gane ta, har da ma sauran ƴan uwanta, sai dai in bai gan su ba."

A lokacin SHAREEF ya sauko daga saman, cikin kayan barcin sa masu taushi farare, three quartern wando robber da ya matse sa, ita kuma rigan mai dogon hannu da V neck. Ƙafafuwan sa kuma babu takalami a haka ya iso sululu babu ƙwari jikinsa; ya zauna a gefen Sadiq yana gaishe su

Suka amsa, Momy tana cewa, "sai yanzu kenan SHAREEF? Lafiyar ka dai ko? Na ga duk yanayin ka ya sauya?"

Fuskarsa a yatsine yake cewa, "Mom, ba na jin dad'i ne, cikina ke min ciwo."

"Ka sha maganin ka kuma? Ba na son fa kana wasa da lafiyar ka SHAREEF?" Cewar Dady yana bin sa da kallo

"Eh na sha Dady, but da sauƙi fa." Ya furta da shagwaɓa

"Dama haka zaka ce, ina rasa irin ka wlh." In ji Momy tana miƙewa tare da nufan wurin dinning din. Breakfast ta haɗo masa ta kawo masa har wurin tana cewa, "yi maza ka karya ban son kana zama da wannan yunwan."

Dady na dariya yace, "wa ya ga ɗan gatan Momy, don haka ka mayar da hankali ka samu lafiya don nima ba na son ganin ka a haka, kuma ga shi gobe ina son mu tafi tare, zamu wuce Zaria gaba ɗaya don sada zumunci, musamman kai SHAREEF da har yanzu baka san ƴan uwanka sosai ba, irin hakan ne ba na so wlh tunda wata rana akwai mutuwa, zumunci yana da dad'i sosai, gwara mu tafi tare, in har ka samu lafiya gaba ɗaya tare zamu wuce."

Shiru SHAREEF ɗin yayi batare da ya furta komai ba, illa juya tea cup ɗin da ke gabansa yake yi a ransa yana tunanin hanyar da zai bi domin daƙile zuwan sa wannan garin, don shi ba Mutum bane mai son takura, kuma ba ya son wani biye-biyen dangi musamman ma na Dady ƴan ƙauyen can, don ya san dole sai sun je cikin ƙauye in har suka je Zarian, since ya san a nan Ƙanwar Dadyn take aure. Shima rabon sa da zuwa tun bikin su Ummita, lokacin da ya je har aka samu matsala ƴan ƙauyen suka kusa rotsa mishi kai sabida ya mari wani, shi harkan talauci da mu'amala da ƙasƙantattun mutane kwata-kwata bazai iya jure wa ba, dole yayi wani abun. Shi yasa gaba ɗaya ya ƙi sake wa a lokacin duk da ba ya jin wani ciwo a jikinsa, lafiyar sa lau, amma ya nuna kamar bai ji sauƙi ba, shiyasa ya ƙi fita aiki ya langaɓe ma Momy a wurin

Har Dady yace, "gwara su je asibiti a duba sa, maybe ciwon sa ne yake kokarin tashi."

Amma ya ƙi yarda, yace, "idan ya sha maganin zai sauka, kuma zazzaɓi ne ba wani abu ba".

Har washe gari SHAREEF ya ƙi fita aiki duk ya langaɓe a zuwan bai samu lafiya ba, shiyasa dole Dady suka shirya shi da Sadiq suka kamo hanyar Kaduna. A can zasu kwana daga can sai su wuce Zaria

Suna tafiya kuwa ya ware ya tafi aikin sa

Momy tace, "ka ga min ɗan ƙwal uba. Anya SHAREEF ba rashin son zuwa garin nan bane yasa ka langaɓe?"

Tura baki yayi yana shafa kansa tare da cewa, "a'a Momy, Ni fa jikina ne ya matsa min, kuma yanzu na ji sauƙi shiyasa zan leƙa kar aiki ya taru min."

"To shikenan, Allah ya taimaka ya baka Lafiya, ka kula da kanka kaji ko? Kar kuma ka yi wasa da maganin ka kamar yanda ka ji Likita ya faɗa."

"To Momy, ga shi nan ma a jaka. Sai na dawo." Yayi kissing ɗin hannunta before ya tashi ya fice; waya a hannu yana ƙoƙarin kiran Haseena.









🔆🔆🔆🔆🔆🔆🔆🔆


       "Maryamu. Fito ga tuwon-tuwon ya sauka."

"Kai Iya! Ki bari mana in ɗan yi barcin nan, kinga fa har ya soma kwashe Ni."

Tsaki Iya Samira ta ja tana cewa, "yanzu fa kika dawo kina min rangajin yunwa kike ji? Sai da na gama kuma za ki ce barci kike ji?"

Tura baki Maryamu tayi tana zuwa gaban kichen ɗin

"Ɗauka ki je ki zauna ki ci kinji ƴar albarka, kin dawo da yunwa ina kika ga barci? Idan kin ci sai ki kwanta ki huta, tunda har yanzu ba a fara zuwa islamiyyan ba ai kina da lokacin hutu."

Ɗaukar abincin tayi, wanda Iya ta sake mata a cikin robber mai faɗi sai tururi yake yi, ta koma saman tabarman bakin ƙofan Iya Samiran, tana cewa, "yauwa Iya, Ni wlh makarantar nan kwata-kwata bai yi min ba, da da hali a sauya min wata kawai, gaba ɗaya fa na ƴan Arabia ce."

Kama haɓa Iya Samira tayi tare da cewa, "au iyee! Daɗin yayi miki yawa ne har haka? To mene ne illar hakan kenan? Ina ce dai duk makaranta ce?"

Yamutsa fuska tayi tana haɗiye wanda ta zuba a bakin ta, tace, "ke ba ki ga bambancin su bane Iya? Wannan fa makarantar Larabci ne, kusan rabin ta Arabia ne, Ni kuma da nake son zama ƴar Boko zalla ina Ni ina wannan makarantar? gaskiya a canza min ba na son ta wlh, sam bata dace dani Ni ba, I can not da zama a can."

"Ai kuwa sai dai ki tattara komatsanki ki koma gidan ku tunda ba ki san abun arziki ba, eh.. gwara ki koma can a yi miki auren ƴar Jakar Uba, yanzu duk wahalar da na sha na kashe ɗan jari na amma kike cewa bai yi miki ba? Ke ba riban ki bane ace kin iya ajamin kuma kin iya Bokokon?"

Ture kwanon abincin tayi tana shura ƙafa tare da cewan, "Ni wlh Iya makarantar nan bai yi ba, shikenan kuma don ke kika sani bazan faɗi ra'ayina ba? To taya kuma zan zama ma'aikaciyar gwamnati? Wannan ai sai dai in ƙare a makarantar islamiyya ina koyar da yara, daga zuwa makaranta ban ƙaru da Yes da No ba amma sun cika Ni da na'am.. hakaza.. duk inda ka bi larabci ake yi, to ta ina zan iya turancin? Ɗan guntun da na iya ma wlh neman sa zan yi in rasa, Allah Iya don ba ki je kin ga makarantar bane."

Ƙwafa Iya Samira tayi tana cewa, "to sai dai kar ki yi makarantar nace, in har baza ki yi hakuri da inda Allah ya ajiye ki ba, miƙo min abincin tunda baza ki ci ba."

"Ni nace miki bazan ci ba? Fushi nayi wlh, amma zan ci." Sai ta jawo robbern ta ci gaba da ci, but tana cewa, "I can't believe wannan, I should be removed and put me another wani school ɗin, ya fi min wlh."

"Ƴar Jakar Uba, ke kika sani, tunda ba ki san abun arziki ba, Ni dai bazan yi wahalar kuɗina ba, in kinga baza ki iya ba ki tattara ki koma inda kika fi wayau."

"Daga an yi magana sai ki fara min gori Iya, to albashina na farko ma na fasa ba ki dukka, rabi zan ba ki tunda baza ki canza min beautiful school ba."

Iya Samira tace, "kinga Maryamu, wannan makarantar da kike gani ya fi waɗanda kike so, na san dai bazai wuce irin na arnakun nan kike so wanda za a yi ƙaryan turanci ba, amma kinga wannan riba biyu ke gare ki, duk inda kika je baza a raina ki ba, yanzu ɗan guntun turancin nan da kika yi ko za a kashe ki baza ki yi shi da larabci ba, ga harshen Annabin mu amma kike gudun shi?"

"Wlh Iya me I can, lá' ba'asu, na'am, sa'as'habu ilal baiti. Kin gani Iya, na iya sosai wlh." Tafada tana washe haƙora

Itama Iya Samiran tana taya ta da faɗin, "ah! Ashe Jikar tawa ƙwaƙwalwa ce da ita? Za a je da ke kuwa, nan gaba ma baza a gane ki ba in kika karya murya wlh."

Farin ciki kamar ya kashe Maryamu, sai washe baki take yi tana jin dad'i, sai ta koma kuma ta ci gaba da larabcin tana gwamutsawa da shegen turancin ta, har da su kill U, da Sa'amutu a cikin maganar, don ita wani abun faɗa kawai take yi don ta nuna wa Iya Samira ta ƙware sosai

Ana haka suka ji sallaman wasu Matasa su biyu sun ɗauko buhunan shinkafa suna shigowa da shi

Iya Samira ta amsa musu tana cewa, "ah ah! Isah daga ina kuma waɗannan kayan?"

"Wlh baƙin ki ne Iya, suna nan a waje, Alhajin ne yace mu shigo da su."

"To to.. wa kuma muka samu ye? Ku zuba a nan ne." Ta nuna musu bakin ƙofa ganin zasu wuce mata dashi ɗaki

Suna ajiye wa suka koma suka kwaso sauran, har da su galan ɗin mangyaɗa, da su katan taliya, kaya dai kala-kala na masarufi

Tuni Maryamu ta tsame hannu a cikin bushashshen tuwon da take ci, tana faman lanɗe hannu tare da bin su da kallo, sai kuma ta kalli Iya Samira wacce ta gama ma Matasan magana, tana cewa, "Wai Iya kayan waye wannan? Zamu ci dad'i ashe?"

Bata kai ga bata amsa ba, sai ga Alhaji Ahmed tare da Sadiq sun shigo gidan da sallama

Iya ta amsa tana faɗin, "maraba lale, haba! Ni dai a raina sai da na kawo ko mutan Kano ne? Ashe kuwa su ne. Maza ɗauki robbern nan Maryamu ki kai kichen." Sai ta matsa itama tana ja musu tabarman da cewa, "ku zauna mana."

Takalma suka cire suka zauna

Iya da ke duban su baki a washe tace, "har da Mijina Sama'ila aka zo yau? Gaskiya yau farar rana ce mai yaye duhu."

Dady da ke murmushi yace, "a'a Inna, Sadiq ne, Hanif yana makaranta bamu zo dashi ba."

"Ikon Allah! Wannan Abubakar ne ya zama haka? Girman ɗan Mutum babu wahala, tun yana ƙarami rabon sa da nan shiyasa na kasa gane shi, ga shi yayi tsawo kuwa, don dai na san ƙila ya kamo yayyin nashi a tsawo."

Suna dariya gaba dayansu, while Dady yace, "kamar kin sani kuwa Inna, tsawon su ɗaya."

"Masha Allah! Sannun ku da zuwa. Maryamu zo ki siyo musu ruwa a shago su sha su ji sanyi."

"Inna a bari kawai, bari mu gaisa." Ina wuni? Mun same ku Lafiya?"

"Lafiya ƙalau alhamdulillah, ya jama'ar gida? Ya su Khadijah da Yara? Ina Babban ɗan naka bai zo ba?"

"Alhamdulillah Inna, wlh bai da lafiya ne shiyasa bai zo ba, amma dashi muka so zuwa."

Cike da fuskar tausayi tace, "Allah Sarki! Allah ya ba shi lafiya, shima dai anya idan na ganshi zan gane shi? SHAREEFU ya guje mu ba ya zuwa, shi da yake babban su ma."

"Ina wuni Inna?" Cewar Sadiq yana risinar da kansa da girmamawa

Ta amsa cike da yalwan murmushi a kan fuskarta tana tsokanar sa da cewan, "ai kuwa da kai zan yi Miji Abubakar, don da alamun ka fi min su sauran, Allah yasa zaka riƙa zuwa gaishe Ni tunda su sun manta dani?"

Dariya yayi yace, "eh Inna insha Allahu, dama don makaranta ne ya ɓoye Ni, amma yanzu za ki riƙa gani na."

Sai a lokacin Maryamu da ke zuƙune kamar wacce take neman gafara, tana bin su da ido sai faman washe baki take yi, sai ta soma gaishe da Dady bakin nan a washe kamar gonan auduga

Ya amsa ta yana kallonta, sai kuma yace, "wace ce wannan mai kama da Ƙanwata?"

"Autan ta ne ai, ashe zaka gane ta?"

"Ikon Allah! Wai Maryam? Ai dayake kamar su na gani, kamar an tsaga kara, wai ita ce ta girma haka Inna?"

"Ai kuwa ita ce, ka san dayake girman ƙauye babu wahala, ga ta nan ta zama Uwar Mata."

Rufe fuska Maryamu tayi tana dariya

"To ba ki gaishe da Yayan naki ba? Ga Abubakar nan Yayanki ne, don na san ba ki sansu ba ko a fuska, shi ne Autan ɗana."

Tana dariya tace, "Iya na san Kawu mana, amma wannan ne ban sani ba."

Sai shi Sadiq ɗin yace, "ai Ni na sanki." Sai kuma ya kalli Iya Samira yace, "itama ƴar Gwaggon mu ce, ƙanwar Aunty Ummita da muka taɓa zuwa biki?"

"Eh, ita ce kuwa Abubakar."

"Ai na santa lokacin. She was young at that time, I think tana rurrufe a lokacin ne ma." Yafaɗa yana dariya

Su ma suna taya sa har ita Maryamun da dad'i ya kusa kashe ta, ta ga ƴan gayu, koda ganin su ta san ba ƙananun mutane bane, ita dai sau daya ta taɓa ganin Kawu ya zo kauyen su, aka ce Kawunta ne, to bata manta fuskarsa ba gaskiya

Dady ne yace, "ta zo miki hira ne kenan Inna?"

"A'a, wai makaranta take yi a nan, kwanan ta biyar kenan da fara zuwa, dayake Mahaifinta zai yi mata aure ne tunda ka san halin ƴan ƙauye, shine ta gudo nan wai karatu take so, Ni kuma na goya mata baya har na saka ta ma; yanzu ga shi tana zuwa."

Cikin murmusawa Dady yace, "Masha Allah! Abu yayi kyau, ki ce ƴar tawa tana son Ilmi haka? To ai shi ne rayuwar dama, ai kuwa dole in taimaka don cikan burin ta, ko can Kano sai na tafi da ita tayi karatun ta har sanda ta ji ya ishe ta, ko ƴata? Ko ba kya son mu tafi tare?"

Da sauri har tana sarƙe wa da yawu wajen amsa wa, sai ta soma tari sosai

"Ashsha! Maza ki je ki sha ruwa, sannu ko." Cewar Dady yana ɗan saka hannu ya dafa ta

Sai ta miƙe ta nufi wurin randan ruwan ta buɗe tana sha. Tana jin lokacin da Dadyn yake cewa Iya Samiran

"In har ta yarda zai tafi da ita gidan shi, sai tayi karatun a can, Khadijah ma zata ji dad'i tunda tana burin ta ga ta riƙe Mace a hannunta, zasu yi farin ciki matuƙa idan an basu Maryam sun tafi tare."

Sadiq shima yayi saurin tsulma baki yana cewa, "wlh kuwa Inna, don Allah ki bamu ita mu tafi tare, nima na samu ƙanwa."

"To ai ban ƙi ta taku ba Ahmadi, sai dai ka san tunda Mahaifinta yana raye sai da yardan sa, in ya amince ai babu komai sai ku tafi da ita."

"Dama ai Inna dole sai da amincewar sa, har ƙauyen nasu zan je in ga Ƙanwata tunda dama ina da burin zuwa can, amma sai gobe kasancewar a nan zamu kwana."

"To Shikenan ai, Allah ya rufa asiri dai, ya ƙara arziki da buɗi, muna godiya da irin ɗawainiyar da kake mana."

"Haba dai Inna, ai babu maganar godiya a tsakanin mu, ke tamkar mahaifiyata ce, babu bambanci a tsakanin ku, Umma har ta mutu tana mini wasiyyar riƙe ƙi da gaskiya, bani da kowa face ke, ke ce tushe na tunda duk inda na je na dawo da nan zan yi tutiya, kawai ki yi mana fatan gama wa da ku lafiya amma duk abun da nayi muku babu godiya."

Shi yasa Iya tayi ta masa addu'a da fatan gama wa da duniya lafiya

Sai daga baya ne Maryamu ta je ta siyo musu ruwa da lemu har da su tsire, don Iya Samira tace, "sai sun ci dole."

Bayan sun ci ne suka fita ta raka su babban gidan su don ya gaishe da jama'a

Yace mata, "bai je can Samaru gidan su Umman sa ba, zasu wuce ko zuwa dare sai su dawo tunda a nan yake da ninyar kwana."

Dayake akwai ɗakin Mahaifiyarsa wanda in har suka zo dama a nan suke kwana, komai akwai a ciki tunda ya gyara musu gidan, kuma har kayan ɗaki shi ya canza wa Iya Samira

Tare suka tafi da Maryamu tunda ta nuna sai ta bi su, sai jin dadi take yi tana maƙale musu, musamman yanda Sadiq yake jan ta a jiki kamar ƙanwar sa da suka fito ciki ɗaya, sai farin ciki take yi.
***


              Washe gari su Dady suka wuce ƙauyen su Maryamu, Kugu. Dayake Sadiq ke tuƙin; shi kuma Dady yana nuna masa hanya, suna kaiwa bakin ƙofar gidan ya dakatar da Motan. Suka fito a tare suna ɗan kallon yanayin garin, duk da babu mutane amma sai da suka jira suka samu wasu Yara

Dady yace, "don Allah su taimaka musu, su shigar da kayan nan." Dayake su ma yayi musu tsaraba suna cikin Boot

Lokacin babu su Baba suna wurin sana'a. Sai Inna da aka kira ta fito wajen, tana ganin Yayan nata murna ya cika ta, cikin farin ciki take cewa, "Yaya, kai ne a garin mu yau?"

Yana dariya yace, "wlh kuwa Hafsah, kin ganmu cikin bazata babu sanarwa."

Dariyan farin ciki tayi, sai tace, "haba dai Yaya, ai babu komai ku shigo." Sai ta kalli Sadiq kuma, bata ce komai ba sabida farin ciki tayi musu iso ciki

Umma Jummai tana ɗaki ta ji shigowar su, shiyasa itama ta fito tayi musu lale marhaban. Tare suka tarbe su aka shimfiɗa musu tabarman kaba, suka zauna sannan aka gaisa

Inna tace, "ga shi kuma Malam ba ya nan, amma yanzu zan sa a kira shi."

Umma tace, "bari Ni in kira sa, zauna Innan Ummi." Ta ƙare maganar tana mike wa da sauri tayi ɗaki

While su kuma suka sake gaisawa, Inna tana tambayar mutanen gida, sai kallon Sadiq dai take yi, sai a lokacin ma ta tambaya tana cewa, "wai wannan SHAREEF ne ko Babanmu? Ni ban gane shi ba."

Dady cikin barkwancin shi yana shafa kan Sadiq ɗin tare da cewa, "ka ganka, ka yi tsawon ƙafa duk sun kasa gane ka, to nema kake ka fi yayyin naka ma Sadiqu."

Baki a washe Inna tace, "wai yanzu Sadiq ne haka? Ikon Allah! Wlh yayi saurin girma, kamar ba sa'an su Bashir ba, Ni wlh in ka bar Ni zan iya cewa a cikin su Baba ko SHAREEF ne."

Dariya suke yi dukkan su. Inda Innan take sake cewa, "Sadiq ka yi girma da yawa, anya baza mu nema maka Mata a nan ba? Kawai ka dawo wurin mu da zama."

Sai dariya yake yi yana sussunne kai, su kuma suna taya sa Inna tana ci gaba da tsokanar sa

A haka Umma ta dawo ta sanar musu, "yana nan tafe."

"Ai da baku kira shi ba, zaku katse mishi hanzari."

"To Yaya ai dole a kira shi tunda yanzu sai magriba shi da ya dawo gidan nan, kuma ai ba nan da nisa bane, gwara ya zo ku gaisa kafin ku tafi."

Abinci suka so kawo musu, amma Dady ya hana, yace, "baza su ci komai ba su bar shi kawai."

Daƙyar ta samu suka sha ruwa, shima Sadiq ne ya sha amma Dady bai sha ba

Babu jima wa kuwa sai ga Baba ya iso.  Ya shigo suka gaisa faram-faram cikin girmamawa

A lokacin ma har Umma ta kusa gama abincin rana, shiyasa Baban yace, "a zuba musu su ci gaba ɗaya."

Bayan sun ci sun natsa ne, sai Dady ya kawo nashi bukatun, na son tafiya da Maryamu can Kano ta zauna a wurin sa

Baba dai ya kasa ƙin amince masa, amma yace mishi, "ya fi son Maryamu tayi aure ne gaskiya, saboda har ga Allah ba ya son tayi zurfi a karatu, musamman yanda ita Maryamun halin ta ya fita daban a gidan nan, kuma ka ga akwai ƴar uwanta da suka taso tare za a yi musu auren gaba ɗaya, shiyasa hankali na zai fi kwanciya Maryamu tayi aure, amma ban ƙi ta taka ba Alhaji."

Murmushi Dady yayi tare da cewan, "ai Ni nayi ninyar tafiya da Maryam, tunda naga da alamu tana da buƙatar bin mu, musamman dana kwaɗaita mata komai zurfin karatu zata yi shi, Ni zan ɗauki nauyi, don haka wannan ba wata matsala bace in har zaka bani ita sai in nema wa ɗana auren ta, kafin mu tafi sai a ɗaura mata aure da SHAREEF; hakan zai fi ko?"
[18/01, 9:58 am] OumƊahirah نفيسة: 🌱🌱🌱🌱🌱

      *SHAREEF*
          _SexyBoy_
🌱🌱🌱🌱🌱


_Writer: Nafisat Isma'il Lawal_
_Wattpad: UmmuDahirah_

*SARAUNIYAR TSOKANAR PERFECT🧝*



*PERFECT WRITER'S ASSOCIATION* 🌞

```( WE AIN'T PERFECT, BUT WE'RE ALWAYS TRYING OUR BEST TO MOTIVATED AND ENTERTAIN OUR REDERS💪)```

/https://www.facebook.com/Perfect-writers-association-100452275039839/

       *P.W.A✍️*





*DATA SHARE*

Call, message or whatsap 07065334256

*MTN*
500MB 150
1gb 280
2gb. 560
3gb. 840
4gb. 1120
5gb 1400
6gb. 1700
Verlid for 30 days.












__________
*BOOK1*
_______________*FREE PAGE11*
           Baba ya kasa yin magana sabida jin maganar da Dady ya zo mishi dashi

Sai Dadyn ne yake cewa, "kar ka damu Malam Haruna, ai yanzu mun zama ɗaya, dama ina buƙatar SHAREEF yayi aure a wannan gaɓar, kuma haƙiƙa zan ji dad'i idan har Maryam ta auri ɗaya daga cikin ƴaƴana; sabida hakan zai ƙara ƙarfafa mana zumunci, to na yaba da hankalin Maryam na san zasu dace da ɗana SHAREEF, idan ma kana wasi-wasi ne a kan haɗin, za ka iya faɗan ra'ayin ka ko kuma in turo SHAREEF ɗin ku gana sabida ku san wanda ƴarku zata aura."

"Haba dai? Wlh kar kayi wani tunani a ranka, shirun da ka ga nayi farin ciki ne ya yi min yawa wlh, na san Hafsah zata fi ni farin ciki tunda haɗin zumunci ne babba, Ubangiji Allah ya sanya albarka da alkhairi a cikin wannan auren da zamu ƙulla, gaskiya nayi farin ciki matuƙa." Cewar Baba da rawan murya, yayinda fuskarsa a washe matuƙa da murna

Shima Dady yana murmushin yake cewa, "sai dai alfarman da zan nema shi ne, zuwa gobe zamu tafi Insha Allahu, ko yau ko gobe sai a ɗaura auren su mu wuce da ita."

"To to, ai babu damuwa Alhaji, duk yanda ka ce, Maryamu dai ɗiyarka ce duk yanda kake so haka za a yi, fatana dai a ce mun ƙulla alkhairi wanda zai jawo farin ciki a zukatan mu gaba ɗaya."

Daga haka Dady yace, "a bari zuwa gobe sai a ɗaura auren su wuce, yanzu dai duk a sanar da jama'a tunda ƙurarren lokaci suke dashi".
***


         Koda Baba ya sanar da su Umma Jummai zancen auren, haƙiƙa sun yi farin ciki sun nuna murnan su, barin ma Inna domin tamkar ta zuba ruwa a ƙasa ta sha, yau ga shi ƴarta zata auri ɗan ɗan uwanta, dama a koyaushe tunanin ta da damuwar ta bai wuce inda Maryamun zata yi aure ba, sabida halayyarta na rashin haƙuri, ga rashin kunya da tsiwa, wannan idan bata yi dace da mai ƙaunarta ba a lokaci guda zata cika sa ya sake ta, Maryamu tana da ƙarancin hankali da wauta; girman ne kawai a jiki amma sai rashin jin magana, ta san idan ta je gidan ɗan