You Cannot Download this book untill you login but you can read it .

---

Login Register

dole muna buƙatar keɓe wa fuska da fuska." Sai ya ɗan ja tsaiko tare da ci gaba da faɗin, "a kan maganar wannan kwangilar ne da muka kasa samun karɓuwa hannun uban gidanka, shiyasa muka ga ya dace mu nemi taimako a wurin ka tunda kai ne MD a companin, na tabbata idan muka haɗa hannu da kai zamu samu sauƙin aikin mu, shiyasa muka neme ka."

Shuraihu da ya kafa mishi ido yana sauraren shi, sai yace, "idan na fahimce ka Alhaji, in taimaka muku wajen shawo kan SHAREEF domin ya amince da taku buƙatar da ku ka zo da shi?"

Jinjina kai suka yi ba tare da sun furta komai ba

Shi kuma sai ya gyara zaman sa sosai yana haɗe hannayensa wuri ɗaya; tare da cewa, "ba na tunanin gaskiya akwai taimakon da zan iya muku tunda har ku ka kasa cin galabar shawo kansa tun a wurin meeting, wannan abun a bayyane yake ku kanku kun gama fahimtar wane ne SHAREEF, so ina ga sai dai ku haƙura ku ɗauki iya aikin da ku ka samu a wannan kwangilar, domin tunda ya dage bazai baku ba, ba na tunanin Ni zan iya shawo kansa ya amince." Sai ya girgiza kansa tare da cewan, "SHAREEF ba irin mutanen nan bane da suke da sauƙin fahimta ko bin ra'ayin wasu ba, No. Since he said the same thing, I don't think he will change his words."

"Ƙwarai mun san da haka, Yaron yana da taurin kan da zai bamu matsala matuƙa, mun so mu fara tuntuɓar Mahaifinsa a kan wannan zancen, so sai kuma muka ga mene ne bambancin dambe da faɗan? A haƙiƙanin gaskiya; ƙudirin mu babban ƙudiri ne da sai da na jikinsa zamu kai ga ci, shiyasa muka zaɓe ka don mu yi aikin nan tare. Muna fatan a ce mun bi hanyar da zamu ga mun kawar da SHAREEF'S Company daga kwangilar nan gaba ɗaya, dukkan mu burin mu ne a ce mun samu hannun jari a wannan aikin da muka daɗe muna tsimayen shi, jiran mu ba na yanzu bane, kai kanka ka san companonin mu suna ɗaya daga cikin manya-manyan companonin da suka fi kowanne a nan garin Kano har da sauran garuruwa, kuma an sanmu ana dama wa damu sosai, amma lokaci guda SHAREEF'S Company ya zo yayi mana zarra wanda har hakan yana son shafan durƙushewan ma'aikatan mu, mun jima da sanin Turawan nan zasu zo ƙasar mu Nigeria domin su bunƙasa wannan aikin nasu, sai ga shi abun da muke jira tsawon shekaru ya zo, amma muna son mu rasa komai, wanda kuma gagarumar koma-baya ne zamu samu in har bamu da kamasho a wannan katafaren Companin da zasu kafa a Abuja, baza mu taɓa bari wannan damar ta suɓuce mana ba. Ko nawa ne MD zamu baka domin mu ga mun lalata aikin SHAREEF'S Company a tafiyar nan, we want to remove the approval that the Turawa gave him, and take everything from him. Don haka muna neman taimakon ka MD."

Shiru Shuraihu yayi ya kasa magana bayan gama jin zantukan Alhaji Inuwa

Sai Honourable Ja'e yace, "ka ga Shuraihu, wannan taimakekeniya ce, kuma abun da zaka samu damu ko kwatan shi baza ka samu a  SHAREEF'S Company ba, in har ka taimaka mana haƙan mu ta kai ga ci, to, muna da babban kwamasho da zamu baka, burin mu kawai mu lalata aikin nan nashi, mu jawo musu asara sannan kuma komai ya dawo gare mu, sai da taimakon ka zamu samu damar cin galaba a kansa, yanzu idan ka amince ka haɗa hannu da mu, zamu tura maka 20 millions dollars. Wannan somin taɓi ne idan burin mu ya cika komai ya dawo hannun mu."

Jin wannan kuɗaɗen sai da murmushi mai sanyi ya bayyana a kan fuskar Shuraihu. Tabbas dama ce da zai yi amfani da shi domin nuna wa SHAREEF kuskuren sa na sauya sa da yayi wurin zana wannan sumfurin aikin. Shi yasa cike da nuna farin cikin sa a fili yace, "If so, I trust you, I will help you in this matter."

Murmushi dukkan su suka yi jin sun yi nasara a wannan fannin, tunda ko kusa basu taɓa tunanin amincewar sa cikin sauƙi ba, kawai sun yi masa tayin ne domin su gwada sa'ar su, amma abun mamaki lokaci guda sun yi nasara

Yayinda Alhaji Inuwa yace, "matuƙa mun ji daɗin amincewar ka, don haka kar ka samu damuwa in har kana tare da mu, to tamkar ka gama samun farin ciki ne, zamu yi tafiyar nan da kai kuma muna so ka nemo mana hanyoyin da zamu bi domin ganin mun ga bayan wannan companin, tare da sauran mutanen da zaka jawo mana hankalin su; su shiga cikin mu su ma, musamman ma PA na SHAREEF, don shima zai yi mana amfani a tafiyar nan, domin dana jikinka ake iya cin ka yaƙi."

Shuraihu yace, "well. you don't have any problem with that, I will help you a lot. Sai dai ina ga a nawa shawaran bai kamata a ce mun saka PA na SHAREEF a wannan zancen ba."

"Saboda me ka ce haka MD?" In ji Honourable Ja'e da ya riga furta hakan

Yayinda shi kuma Alhaji Inuwa yake ci gaba da kurɓan juice ɗin sa, while yana kafa wa Shuraihun ido da sauraron abun da zai ce musu

Shi kuma yace, "Ni ina ga kamar baza mu samu haɗin kansa ba, so kar kuma mu zo mu ɓata aikin mu, and kuma duk abubuwan da PA zai taimaka a kan tafiyan nan, babu wanda bazan iya taimakawa a kai ba, because a kaso ɗari cikin sirrukan companin, 30% shi ne wanda zamu iya sani daga Ni har shi, domin SHAREEF Mutum ne mai wayon da basira fiye da zaton ku, daga shi sai ɗan uwansa su suka san komai na sirrukan companin su, ba ya fitar da komai nashi sai idan ya san cewa Ni da PA mun sani, so kun ga babu amfanin kawo shi cikin tsarin."

Honourable Ja'e yace, "duk da haka MD, Ni ina ga PA zai yi mana amfani matuƙa, ka san shi ne yake tare da shi a koyaushe, wataƙil zai iya sanin abun da baka sani ba, duk da bamu ƙi ta taka ba, ai hanya komin ƙanƙantar sa muna buƙatar sa a tafiyar nan, dole muna bukatar PA na SHAREEF a wannan tafiyar, sauran kuma sai ka ji mana da su su ma. Ka fara tuntuɓar mana PA ɗin tare da nasa kason da muka yanke mishi 15 millions dollars in har zai ƙarba."

Jinjina kai Shuraihu yayi tare da cewa, "I will do what you want, from now on listen to Me you can always hear me."

Murmushi suka yi su dukka, suka ce, "You Are welcome MD."
Sai suka miƙa mishi hannu suka sake yin musabaha kowannen su cike da walwala da farin ciki a kan fuskarsa,
Inda suka yi sallama daga nan ya miƙe ya fita. Su kuma suka ci gaba da tattaunawa a kan matsalar tasu; suna jin daɗin yanda komai zai zo musu cikin sauƙi.






🔆🔆🔆🔆🔆🔆🔆🔆


                   Da dare lokacin suna zaune suna cin abinci a kan dinning. Dady yace ma SHAREEF, "zuwa gobe zai kai Maryamu school ɗin Abokinsa, already ya faɗa masa zai je da ita a yi mata komai, inyaso zuwa Monday sai ta fara zuwa school."

Da sauri SHAREEF ɗin ya ɗago kai yana kallon Dadyn, nan da nan ya haɗe rai yana cewa, "Ni kuma Dady? Meyasa sai Ni?"

"Sabida kai na zaɓa, kuma na ga gobe ba ka zuwa wurin aiki sai after juma'at that's the reason."

Ɓata fuska yayi yace, "Ni gaskiya bazan iya zuwa ba, Sadiq ya kaita. I don't have time to go anywhere, and tomorrow I will join the company early because we have work to do."

Murmushi Dady yayi yace, "kai nake so ka kaita, na gama magana fa."

"Dad..."

"SHAREEF, shut up, I don't want to hear from you again, kai duk yanda aka yi da kai sai ka saka gardama?"

Kallon Momyn yayi yana sake narke fuska, kana kuma ya mayar da kansa a ƙasa yana ci gaba da juya spoon ɗin hannunsa, tare da jin baƙin ciki na shigan sa nan take, meyasa Iyayensa suke son dole sai sun riƙa haɗa shi da wannan yarinyar ne? Shi fa ya tsane ta. He hates her so much, and he doesn't want to see her face, har cikin zuciyarsa yake jin haushin yarinyar haka nan. Ɗago kai yayi ya kalli inda take, sai ya ganta kuwa ta kafa mishi ido kamar mayya, zuciyarsa ne ta sake yin baƙi, ransa ya ƙara ɓaci, sai ya kafa mata nashi idanun shima kamar ya kai mata hannu ya kifa mata duka haka yake ji, amma ya san mai zai biyo baya muddin ya taɓa ta a gaban iyayen shi, musamman yanda ya ga alamun suna ji da ita. dayake tana kusan setting shi ne, shiyasa ya daidaici wurin ƙafanta ya hamɓare ta da ƙarfi

Wanda yasa Maryamu janye ƙafan nata da sauri tana sakin ihu

Dukkan su suka kalle ta, a tare kuma suka hau tambayarta cike da kula wa

Kallon da SHAREEF yake mata shiyasa tayi saurin haɗiye yawu tana ɗauke kanta, sai ta shagwaɓe fuska tace, "taune harshe nayi."

Dariya suka yi mata. Momy tace, "taune harshe kuma Maryam? Sai ki saki ihu kuma?"

Mike wa SHAREEF yayi sabida takaicin yarinyar, musamman yanda ya ga duk sun raja'a a kanta suna mata dariya. Falo ya koma ya zauna yana mayar da hankalin sa a kan wayansa, a hankali ya soma latsa wa yana hawa online tare da ƙoƙarin duba messages da suke shigo masa, yayinda ƙasan zuciyarsa kuma yana jin ɓacin rai har yanzu, maganar Dadyn ya tsaya mishi a rai matuƙa, a rasa wanda za a saka yakai kucakar yarinyar nan makaranta sai shi? Ga driver amma shi Dady zai zaɓa. Shi yasa ya kasa jure wa ya miƙe ya haura sama domin kiran Haseena a waya, don idan ya ci gaba da zama a haka ransa ƙara ɓaci yake yi, muddin yana son jin farin ciki da kwanciyar hankali, Haseena ce kaɗai zata iya sanya mishi wannan farin cikin, muryanta zai saka ya huce ya manta komai da ke ransa, shiyasa ya shige ya rufe kofar, yana faɗa wa kan gado tare da lalubo numban ta ya danna mata kira.
***

         Su Momy bayan sun gama cin abincin, su ma Falo suka koma suka yi zaman su a can. To kasancewar gobe za a kai Maryamu makaranta shiyasa tace mata, "ta je ta kwanta da wuri don ta tashi da wuri, sabida gobe kar ta makara."

Shi yasa dole Maryamun ta wuce ɗaki, tunda dama bata dogon hira sosai, yanzu suna fara hira zata ɓingire. Tana shiga ɗakin ta haye kan gado, yayinda ƙafafuwan ta suna a ƙasa tana kallon rufin ɗakin, sai kuma ta miƙe zaune tana shafo inda SHAREEF ya mare ta a ɗazu, yayinda lokaci guda ta tuna Jamilu wanda ta wanka mishi mari kawai don ya nuna yana sonta, sai ta ga tamkar ramuwa ce abun ya kasance, ga shi tana ji tana gani wani ya wanka mata mari bata da yanda zata yi bare ta rama, ya wuce da ajin ta; ya fi ƙarfin ta nesa ba kusa ba, lallai kuwa da ace wani ne ba shi ba, bata san me zai faru ba a wannan ranan, sai dai kuma har cikin zuciyarta tana jin shakka da ganin girmansa a idanunta, uwa uba kwarjinin sa da yake cika mata ido, tana ganin sam baza ta iya mishi rashin kunya ba, tunda ta ƙilla ido ta ganshi har yanzu bata samu sukuni a ranta ba, wani abu mai rauni ne yake mamaye mata zuciya domin ji take yi kamar tayi ta kurma kuka ko zata ji sanyi a ranta, tabbas ƙaunar SHAREEF ne yayi mata mugun kamun da ita kanta bata gama tantance mene ne ke damunta ba, kawai ta yarda tana sonshi amma ba wai azahiri ta san SO bane, kuma tana ganin babu mai raba ta da shi muddin tana numfashi sai ta zama Matar SHAREEF, ko me zai nuna mata zata iya jure wa har sai lokacin da ya ƙaunace ta. Miƙe wa tayi ta koma bakin mirror, sai ta saka hannu ta tuɓe doguwar rigan da ke jikinta, tana tsira wa halittar jikinta ido yayinda murmushi mai sanyi yake kwance a kyakykyawar bak'ar fuskarta, wani farin ciki ke fitowa daga ƙasar ranta sabida ganin yanda komai na cikakkiyar halittar Mace ya gama bayyana a jikinta, tabbas bata da makusa ko kaɗan, kuma ta kai Macen da zata iya zama a ɗakin Miji ba tare da tsoro ko fargaba ba, a yanda take da girman jikinta a zahiri wanda ya ganta zai yi tunanin ta haura shekaru 18, amma yanzu ne ma take shirin shiga shekara ta 16

Ƙugunta ta kama tana juya wa a hankali, daga bisani kuma ta soma magana da kanta a fili tana wani yatsina fuska cike da yanga, "Yaya SHAREEF babu mai raba Ni da kai, na zama chewing gum a cikin rayuwarka, wlh duk wanda ya sake yace zai raba mu sai na ga bayan shi nima, raba mu tamkar rasa numfashi na ne na har abada, domin babu wanda zan iya rayuwa da shi a cikin duniyar nan face kai, kai kaɗai ka dace da rayuwata, sai ka zauna da Ni ko ba ka so, zan jure komai a kanka."
Dariya ta kwashe dashi kamar wata somun hauka, sai ta ci gaba da juya wa tana ta kallon tsarin zubin halittar ta, har ta gaji don kanta sannan ta saka rigan ta koma ta kwanta. Wanda a ranan daƙyar ta samu barci ya ɗauke ta tsaban tunanin SHAREEF, gaba ɗaya ta hana kanta sukuni ta kasa barin zuciyarta ta huta a kan tunanin sa, wanda ya jawo har mafarki tayi da shi sun kasance a tare yana nuna mata madaran ƙauna tamkar zai cinye ta don so

Wannan dalilin ne yasa ta farka da safe cikin farin ciki da walwala. Ga ɗokin zasu fita tare shiyasa gaba ɗaya ta kasa sukuni, jikinta yana ta rawa, ga kuma heartbeat ɗin ta da ke ta faman buga wa tamkar zata faso ƙirjinta ta fito. Daƙyar ta iya shiryawa ta fito, shima don Momy tace mata, "tayi sauri ne ya fita waje yana jiran ta."
Tana sanye da doguwar rigan Abaya, rigan tana ɗaya daga cikin kayan da Momy ta siyo mata a jiya ne, duk da bak'a ce rigan amma bai hana yin mata kyau ba, kasancewar itama kyakkyawa ce ga manyan ido da Allah ya bata su tubarakalla, masu haske da ɗaukar hankali. Ta saka hoda a fuskarta sai ɗigon da tayi a saman goshin ta, sai ta shafa jan-baki raɗau a laɓɓanta. Gyalen kayan ta yafa wai ita zata yi irin na ƴan gayu, sai zame wa yake yi curin gashin ta da ya narke wuri ɗaya tsaban rashin gyara da samun kitso akai-akai, haka yake ta bayyana kan nata tana faman riƙe bakin wuyan ta, sai ƙafafun ta da ta sanya dogayen takalma masu igiya, since Momy ta fahimci tana son dogayen takalma shiyasa ta siyo mata masu igiya wadanda baza su kayar da ita ba, ai kuwa ɗagwas-gwas haka take tafiya da su

Su Dady sai dariya suke mata musamman yanda suka ga ta fito tana tafiyar nan, ga ɗankwalin kayan da ta yafa yana zame wa

Shi yasa Momy ta amsa tayi mata rolling ɗin sa, nan da nan baby face ɗin ta ta ƙara fitowa tayi ɗas, bakin nan sai walƙiyan jan-baki yake yi

Dady ya miƙa mata kwalin takardun ta yace, "daughter ga wannan ki tafi dashi tunda bai ɗauka ba, idan kun je can sai ki ba shi, takardun ki ne a ciki."

Sadiq ne ya amsa ya riƙe mata, suka fita a tare zai raka ta wajen, don shima mota zai hau ya wuce school

Ganin babu Motan SHAREEF a cikin gidan, sai Sadiq ya tsaya yana dube-dube da tunanin ko SHAREEF ɗin ya tafi ne. Kiran mai gadi yayi yace mishi, "ina Yaya SHAREEF?"

Mai gadi yace, "ya fita waje, yana nan yayi packing motan nasa a waje."

Kallon Maryamu yayi yace, "to yi sauri ki je ki same shi a waje kar ya gaji da jiran ki, bye sai kin dawo ƴar ƙanwata, ki kula min da kanki fa, and kin san me nace miki ko? Ki kama kanki ki ja aji ban da neman magana."

"To Yaya sai na dawo." Ta ɗaga mishi hannu tana farin ciki, ta nufi bakin gate ɗin a ƙafa

While Sadiq shima ya wuce wurin Motan sa yana shiga tare da tayar wa

Dalilin da yasa mai gadin ya ruga a guje ya buɗe mishi gate ɗin

Itama Maryamu sai ta fice ta babban ƙofan tunda already kafin takai Mai gadin ya buɗe, can gaba ta hango Motan SHAREEF a fake, alamun ita yake jira don motan ma a kunne take. Zuciyarta ne ta buga lokaci ɗaya; ɗan natsuwar da ke tattare da ita ta nema ta rasa. While she continued to have a strong heartbeat wanda yasa daƙyar take iya jan numfashi, haka ta nufi wurin Motan tana tafiya daƙyar kamar zata kife a ƙasa, sai faman zare ido take yi tana kallon Motan duk da ba ta hangen kowa a ciki.
[29/01, 8:47 am] OumƊahirah نفيسة: 🌱🌱🌱🌱🌱

      *SHAREEF*
          _SexyBoy_
🌱🌱🌱🌱🌱


_Writer: Nafisat Isma'il Lawal_
_Wattpad: UmmuDahirah_

*SARAUNIYAR TSOKANAR PERFECT🧝*



*PERFECT WRITER'S ASSOCIATION* 🌞

```( WE AIN'T PERFECT, BUT WE'RE ALWAYS TRYING OUR BEST TO MOTIVATED AND ENTERTAIN OUR REDERS💪)```

/https://www.facebook.com/Perfect-writers-association-100452275039839/

       *P.W.A✍️*





*DATA SHARE*

Call, message or whatsap 07065334256

*MTN*
500MB 150
1gb 280
2gb. 560
3gb. 840
4gb. 1120
5gb 1400
6gb. 1700
Verlid for 30 days.












__________
*BOOK1*
_______________*FREE PAGE18*
              Tsaya wa Maryamu tayi a wurin Motan; ta rasa yanda zata yi ta shiga tana ta zare ido

SHAREEF wanda ke cikin Motan, fuskarsa a matuƙar haɗe yana bin ta da kallo tun sanda ta fito, yayinda ransa ke ƙara ɓaci sabida kawai kallon fuskarta da yake yi, sai ƙare mata kallo yake yi yana ayyana wai wannan kucakar yarinyar bagidajiyar ƴar ƙauyen; ita zata shigar masa Mota? Bai san meyasa har cikin ransa yake jin mugun tsanar yarinyar ba, kwata-kwata ba ya jin ɗigon ƙaunarta a matsayin ƴar uwansa. Horn ya danna mata da ƙarfi yana kallon inda take, sai ya ga nan da nan ta firgita ta soma ƙoƙarin buɗe ƙofan gaban. A tsawace ya daka mata tsawa yana cewa, "You fool, don Ubanki ɓalla min motan za ki yi? Ko uban ki ya siya min iyee?"

Yanda yayi maganar dole yasa ta ja da baya, tana bin shi da kallo kamar zata haɗiye shi

Shi kuma wani tsawan ya daka mata yana cewa, "shegiya Jakar ƙauye, uban wa ya faɗa miki kin kai matsayin da za ki shigar min gaban mota? Common rufe min ƙofa ko in tattaka ki a nan wurin, ki ci gaba da kallo na wata rana sai na ƙwaƙule idanun." Ya ƙare maganar yana narka mata hararan da shi kansa bai san ya iya ba, don baƙin cikin da yake ji ma a lokacin, ji yake yi tamkar ya kifa mata mari

Maryamu kuwa nan da nan hawaye suka cika mata ido har sun soma ɗiga a kan dandamalin fuskarta, yayinda ta saki ƙofan da sauri tana kai hannunta saman kuncin ta tare da ƙoƙarin share su da sauri, domin ita kanta tayi mamakin zuban hawayen nata lokaci guda haka, kasancewar ta ba mai saurin kuka ba, zai yi wuya ka ga hawayen Maryamu koda kuka take yi baza su fito ba, amma kuma yanzu bata san meyasa raunin ta yake son bayyana a kan wulaƙancin da SHAREEF yake ƙoƙarin yin mata ba, zuciyarta ta kasa ɗauka, maganganun sa sun mata zafi, ta kasa jirga wa a wurin because does not know what to do next

Hakan ne ya ƙara fusata SHAREEF, sai ya fito da sauri yana kallonta, ya kasa ma magana don takaicin ganin yanda ta rufe ido tana faman hana bayyanuwar hawayen ta ƙasa. "Kee. Do you want to spend time with me? Muddin kika bari na taho inda kike wlh sai na kifa miki mari."

Har ga Allah bata san me zata yi ba tunda gani take yi ya hana ta shiga Motan, kuma bata san me yake nufi ba, shiyasa duk ta ruɗe ta kasa motsi a wurin, cikin raunin murya irin wacce ƙiris take jira ta saka kuka tace, "don Allah ka yi haƙuri, ban san me ka ce ba."

Gani yake yi kamar tana son mayar da shi mahaukaci, shi Mutum ne da zai yi wuya ka ji muryansa a sama koda faɗa yake yi, amma lokaci guda ɗan tsawan nan da yake daka mata sai da kanshi ya soma sara mishi, har idanunsa sun soma sanja kala tsaban ɓacin rai, sai ya taho kawai ya buɗe bayan motan, ya shaƙo wuyanta ya tura ta cikin Motan. And he said in a raised voice, "If you sit in my chair with this your dirty body sai na ci ubanki."

Tsaban ruɗe wa ma, bata fahimci mai yake nufi ba, shiyasa tuni ta tsoma ɗuwawun ta a kan kujerar

Ya kifa mata mari yana cewa, "sauka min a kujera, Jakar banza kawai Bagidajiya."

Kuka sosai Maryamu ta fashe dashi saboda zafin marin da ya ratsa ta, tuni ta sauka ƙasa jikinta na faman rawa ta haɗe kai da gwiwa tana sakin kuka mai tsuma rai

He had already closed the door, got back into the car, and quickly pulled forward, yanda kukanta ke ratsa mishi kunnuwa, shiyasa ya ja wawan burki, ya juya yana kallonta tare da cewa, "Shut up, or I'll throw you out."

Dole tayi shiru tana ƙara ƙudundune kanta daga tsakankanin cinyoyin ta, yayinda take ajiyan zuciya a hankali tana sake runtse ido While hawaye masu zafi suna sake zubo mata. A hankali take sauke numfashin kamar ranta zai fita a jikinta sabida yanda ta matse kanta sosai idanunta a rufe ruf, still hawaye masu zafi suna gudun tsere a kuncin ta, nan da nan kanta ya soma sara mata saboda yanda marin ya shige ta sosai, wadda bata saba ji ba, shiyasa nan da nan ta ruɗe jikinta sai rawa yake yi, tsawan da yayi mata har da shi ya ƙara ruɗa ta, lokaci ɗaya ta soma fita a hayyacin ta tunda ta hana kanta shaƙar iska sai faman kokawa da numfashinta take yi, yayinda kalaman SHAREEF ɗin suke ƙara sanya mata zafi da baƙin ciki a zuciyarta, musamman zagi da kiranta Jaka da yake yi, sai kawai wasu hawayen masu zafi suke ƙara ziraro mata tana sakin shashsheƙa a hankali

Tuni SHAREEF ya saka earphone a kunnensa, sabida ko kaɗan ba ya ƙaunar sake jin kukan nata daga cikin kunnensa, sai faman doka tsaki yake yi ransa yana ƙara ɓaci tare da jin ƙyamar ta kamar zuciyarsa zata fashe. Tsayar da Motan yayi a gefen titi ya saka face mask a fuskarsa, sannan ya feshe cikin motan da airfreshna yana yatsina fuskarsa

Just when Maryam raised her head and saw what he was doing. A hankali wasu hawayen suka ci gaba da ɗiga daga kan fuskarta, tana jin zuciyarta babu dad'i tare da jinta a muzance, sai ta mayar da kanta ta sake maida wa a kan cinyarta tana mai lumshe ido; tare da sakin nimfarfashi a hankali, a ranta tana tunanin abun da SHAREEF ɗin yayi mata a yanzu, amma duk da haka har a cikin zuciyarta wani sabon ƙaunarsa ne yake ƙara ruruwa a cikin ranta, duk da tana jin ciwon abun da yayi mata amma hakan bai sa ta sauya daga yanayin matsayin da ta ajiye sa ba, tana jin zata iya jure ko mene ne in har a kan ƙaunarsa ne, even in her heart she feels as if she will not spend time without getting his love, zata iya jure ko mene ne, soyayyarsa ita ce raunin ta, domin ji take yi kamar idan babu shi tamkar baza ta iya rayuwa ba kuma. Ɗago kai tayi ta tsira mishi ido yanda bazai fahimci tana kallonsa ba, yayinda wani sanyi da farin ciki ke ƙara huda mata zuciya a nan take, ta kasa ɗauke ido a kansa tsaban yanda ta shagaltu