You Cannot Download this book untill you login but you can read it .

---

Login Register

1120
5gb 1400
6gb. 1700
Verlid for 30 days










__________
*BOOK1*
_______________*FREE PAGE7*
          "Hehehe! Uban kutru yayi kaɗan, wlh mai magani na a ƙauyen nan sai ya shirya, Jamilu na fi ƙarfin Ubanka ma bare kai banzan bazara wawa jaki." Tafaɗa cikin tsiwa da rashin kunyar ta

Ai kuwa hakan ne ya harzuƙa Jamilu, ya watsa mata mari tare da ƙoƙarin fincike mata gyalen yana cewa, "daga yau baza ki sake marmarin zagin wani ƙauyen nan ba, abun da kike taƙama dashi da tashen rashin kunyar ki yau zan raba ki dashi."

Sosai Maryamu ta tsandara ihu sabida yanda marin ya shige ta. Lokaci ɗaya suka soma kokawa dashi saboda ganin yanda yake ƙoƙarin fincike mata gyale. Ihu ta dinga zuba wa ta zame ƙasa a wurin tana zagin shi

Ihun nata ne ya fito da Aunty Ummita da Mijinta, tunda babu nisa da wurin, suna jin ihun da ya karaɗe gidan su, da sauri suka fito suka ga abun da ke faruwa. Sai Mijin Aunty Ummitan ya nufe shi da sauri yana kiran sunan sa

Hakan ne yasa Jamilu ya dakata daga abun da yake shirin yi, sai huci yake yi yana haki

"Kai kana da hankali me ya faru da ka kama yarinyar mutane kana jibga haka?"


Tuni Aunty Ummita ta zo ta kama Maryamun da ke ta kuka har da su majinu, cikin tashin hankali take duba ta saboda ganin yanda gyalen ta yayi gefe har ya yaga mata gefen riga

Kafin ka ce me mutane sun taru a Wurin. Saboda yanda Maryamun ta ƙi yin shiru sai ƙara volume ɗin kukan ta take yi, tana yi tana zagin shi tare da bayyana musu cewan, "fyaɗe zai yi mata."

Shi kuma Jamilu yace, "ƙarya ne, rashin kunya tayi masa, har zagin Mahaifinsa take yi, shi kuma bazai iya jure wa ba ya duke ta."

A fusace Ummita tace, "don ta zage ka shine zaka yaga mata riga har ka cire mata gyale? Me hakan ke nufi iyee?"

Ganin abun na son zama rigima babba, shiyasa Lado Mijin Ummita yace, "a wuce kawai wurin mai gari sai a yi sulhu a can."

Tunda sosai Maryamu take kuka tana cewa, "wlh baza ta yarda ba sai an bi mata haƙƙin ta." Sai birgima take yi a wurin

Daƙyar Ummita ta rarrashe ta ta ɗaga ta aka wuce wajen mai gari

Mutanen anguwa sun taru har labari ya je wa su Inna gida

Inna tace, "baza ta je ba, tsuntsun da ya ja ruwa shi ruwa kan duka, tunda ba ta jin magana ta je tayi duk abun da zata yi."

Sai Umma Jummai ne suka fito da su Halliru zuwa ƙofar gidan mai garin

Lokacin har an kira Baba a bakin kasuwa, tunda a can yake kasuwancin sa yana da shagon provision, yanzu ya dena zuwa birni ya buɗe nasa a cikin kauyen su, dama tun farko riƙon shago yake yi a kasuwar tudun Wada, yanzu alhamdulillah Allah ya buɗa mishi ya buɗe katafaren shago, babu abun da ba ya siyar wa a ciki

An taru sosai, aka ce Maryamu ta faɗa abin da ya haɗa su

Tana kuka ta sanar musu cewan, "kawai tana tafiya ya sha gaban ta a kan wai tunda ta ƙi amsar soyayyarsa, sai yayi mata fyaɗe kowa ya guje ta ƙauyen, wai sai yayi maganin rashin kunyanta." Sai ta ƙare maganar tana ɓarke wa da sabon kuka har yanzu babu ko ɗigon hawaye a idanunta

Salati mutanen wurin suka ɗauka har da mai Garin

Jamilu kuma tuni ya soma rantse-rantsen ƙarya ne ba haka bane

Ummita tace, "wlh ranka ya daɗe! Gaskiya ce, saboda tare da Mijina muka fito muka ga yana kokawa da ita, har ta faɗi ƙasa amma bai ƙyale ta ba, ga rigan ta nan ma sheda inda ya yaga mata." Tafaɗa tana buɗe wurin da ya yage

"Innalillahi wa'inna ilaihi raji'un...! Yanzu abun kunyar da ka ɗauko mana kenan Jamilu? Wannan wanne irin baɗala ne? Abun da muke yaƙi dashi a ƙauyen shine a gidana za a samu mai yi?"

"Na rantse da Allah Baba ban aikata ba, wlh ban yi mata komai ba." Jamilun ya furta yana hawaye

"Yi min shiru mutumin banza kawai, ai dole doka ta hau kanka, kuma daga yau babu kai babu yarinyar nan, duk sanda aka ce ko magana ce ta haɗa ku zaka ga yanda zan yi maka, hukunci kuma dole zaka amshi sakamakon ka tunda baka fi kowa zane ba." Sai ya dubi Maryamun yace, "ki yi shiru kinji? Insha Allahu zamu ɗauki mataki a kansa hakan bazai sake faruwa ba. Malam Haruna muna roƙon afuwar ka a kan abun da ɗana ya yi wa ƴarka, a yi haƙuri don Allah."

"Babu komai ranka ya daɗe! Dama Yara ka haife su ne baka haifi halin su ba, idan da laifin Jamilu har da laifin Maryamun." Sai ya ɗan ja numfashi tare da cewa, "amma Allah ya ƙara tsare gaba."

"Amin ya Allah." Dattawan wurin suka amsa baki ɗaya

Kana aka sallami kowa aka watse. Inda Mai gari ya sanya a shiga da Jamilu ɗakin horo a hukunta shi

Ummita tuni ta kama hannun Maryamu; sun wuce da su Umma Jummai zuwa gidan su. Baba na biye da su a baya yana kaɗa kansa

Da shigan su, tsumagiya Baban ya ɗauka ya soma dukan Maryamun

Nan da nan ta kure gidan da ihu da kururuwa tana neman agaji

Ransa a ɓace yace, "wlh Ni baza ki ja min abun kunya a garin nan ba, uban me ya kaiki inda yake da wani abun zai haɗa ku? Maryamu ke ba kya jin magana ko? Kina son ki fi ƙarfin mu tunda kinga ina ƙyale ki ba na ɗaukar mataki a kanki." Haka yake dukan ta ya riƙe ta gam ya ƙi sakin ta, sai da ta bugu lilis sannan ya ƙyale ta

Su Umma suna tsaye cirko-cirko babu wanda yayi ƙoƙarin ƙwatan ta

Shi kuma yana gama wa ya fita gidan ransa a ɓace

Inna itama sandan ta ɗauka ta nufo ta tana cewa, "shegiyar yarinya mara jin magana, gwara da yayi miki dukan tunda ke ba a isa a saka ki a hana ki ba, kin fi so ki gagare mu a gidan, ba a taɓa yin yarinya kamar ki mara jin magana ba, ko ke kaɗai ce yarinya a gidan da kullum sai kin ɗauko mana magana iyee?" Tafaɗa tana maƙure ta sosai tana jan mata gashi

Duk da kuka da ihun da Maryamu take yi but ta ƙi sakin ta

Su Ummita suka zo ƙwatan ta amma Inna ta ƙi sakin ta, sabida ta kaita maƙura, fushi sosai Inna tayi sai jibgar ta take yi kamar an aiko mata da jaka. Daƙyar su Umma suka ƙwace ta

Da gudu Maryamun ta miƙe ta shige ɗakin su ta saka saƙata tana ta gunjin kuka

"Ai wlh sai na karya ki a gidan nan tunda kin ce abun da kika tsirfo wa kanki kenan, har in hana ki zuwa inda kika yi ninya amma ki nuna min ban isa ba, zamu zuba kuwa." Innar take faɗa cikin ɓacin rai saboda ba kaɗan ba ranta yakai ƙololuwa da ɓaci. Musamman da ta ji abun da ya faru, "yanzu da ace ƙaddara ta afka yayi miki wani abun ya zamu yi? Shikenan kin gama zubar mana da mutunci bamu da sauran ƙima a garin."

Daga Ummita har Umma Jummai haƙuri suke ba wa Inna, saboda basu taɓa ganin ta ɗauki zafi a kan Maryamun ba duk da rashin ji irin nata, kullum da akwai abun da take janyo musu, yau kuwa da alamun ta kaita maƙura tunda ta shaƙa sosai

Ƙarshe dai Ummita tafiya tayi ta bar Innar a haka tana ta masifa, sun kasa bata haƙuri tunda a tunzure take

Ita kuwa Maryamu tana ɗaki tana ta kuka tunda ba kaɗan ba ta bugu a hannun su, daga ƙarshe ma barci ne ya kwashe ta a wurin kasancewar ta mara wahalar Barci, sai lokacin ne ma ɗis-ɗis na hawaye yake zuban mata a kunci, duk wannan kukan da ta sha basu fita ba sai yanzu a karan banza da hofi.




🔆🔆🔆🔆🔆🔆🔆🔆

              Jikin SHAREEF da sauƙi sosai kamar ba shi ba, har ma ana shirin sallaman sa, Likitan ne yace, "ya ɗan zauna na kwana biyu su ga yanayin jikin." To Alhamdulillah musamman ma yau ya tashi da kuzarin sa sosai

Yanzu ma suna zaune dashi da Hanif, suna ɗan taɓa hira. Yake ce masa, "ina wayansa?"

Hanif yace, "ai tun jiya na kashe na ajiye ta, yau ma har na fito na koma na ɗauko maka, maybe you need it."

"Yeah. Miƙo min." Ya furta a hankali yana ɗan gyara zamansa ya zauna sosai

Ciro wayan Hanif yayi daga aljihun wandon sa ya miƙa masa. Sannan ya miƙe ƙafafun sa sosai yana saka earphone a kunnen sa ya mayar da hankalin sa a kan wayan sa

Shi kuma SHAREEF tuni ya kunna wayan yana jiran ta gama daidaita. Kafin wani lokaci saƙonni sun soma shigowa cikin wayan sa. Na Haseena ya soma duba wa yana kallo yana murmusawa, duk ƙorafin ta a kan rashin ɗaukar wayanta da bai yi bane, and kuma daga baya da ta kira sai ta ji wayan a kashe. Cije leɓen sa yayi yana ɗan lumshe kyawawan idanunsa, tare da buɗe su ya zuba wa Hanif su yana cewa, "meyasa ka kashe min waya?"

Ɗan ɗago kai Hanif yayi shima yana kallonsa, sai ya ware idon yace, "to me yasa zan bar shi a kunne tunda za a neme ka?"

Numfashi ya ja yana kawar da kan nasa. Kana ya soma ƙoƙarin danna wa Haseenan kira

"Oh! I forgot, na ga sweetheart ta kira, so ban san me zan ce mata ba that's why na kashe wayan, maybe sabida ita kake min ƙorafi?" Ya ƙare maganar idanunsa ƙir a kansa

Shi kuwa SHAREEF taɓe baki yayi batare da yace mishi komai ba, saboda ganin ta ɗauki wayan, sai ya kara a kunne yana sauke ƙafafun sa a ƙasa tare da zama sosai a kan gadon, That's why he turned Hanif

Daga can ɓangaren Haseena ita ta soma magana cikin tsantsan shagwaɓa; wadda alamun kuka take yi tana faɗin, "Why did he turn off the phone all this time when she was looking for him and did not see him?"

"I'm sorry sweetheart. Wayan bata hannu na."

Kuka ta fashe dashi tana cewa, "No. Kana son juya min baya ne dai, and tun kafin in yi nisa ka soma canza min, meyasa zaka kasa nema na after ka san cewa kiran ka kaɗai nake jira? Kowa ya kira Ni but ban da kai, and I called you but you hung up on me?"

Shiru yayi ya kasa magana sabida yanda yake jin kukan nata yana ratsa shi, sosai yake jin ciwo sabida ganin tana kuka, ko kaɗan ba ya jin daɗi ya ga tana cikin damuwa, yana shiga matsanancin tashin hankali. And kuma a yanzu ɗin ya kasa magana bare ya rarrashe ta

Hakan ne yasa ta ci gaba da kukan nata tana kiran sunan sa but ta kasa cewa komai

"I'm sorry sweetheart. Bani da lafiya ne... That's.. why." Ya ƙare maganar cikin ɗaiɗai tare da jan numfashi

Lokaci ɗaya sai ta rikice ta tsayar da kukan tana cewa, "shi ne baka sanar min ba? Me ke damun ka don Allah ka faɗa min kar zuciyata ta buga?"

"Realise sweetheart. Na ji sauƙi, babu komai ciwon ciki ne kawai, amma na fi son ki yafe min don ba na son ranki yana ɓaci haka."

Cikin shagwaɓa tace, "ai tun farko idan na san baka da lafiya bazan yi maka ƙorafi ba, at least ko text sai kayi min ba wai ka bar Ni a haka ba, dole hankalina ya tashi."

Murmushi yayi cike da ƙaunarta yace, "to shikenan, nayi kuskure amma bazan sake ba, ya school ɗin?"

"Alhamdulillah. Amma ka ji sauƙi ko? Ba na son komai ya same ka hankali na ya tashi."

"No. Ba abun da zai same Ni Sweetheart, na ji sauƙi sosai, and ko dambe zamu iya yi da ke tunda na fi ki lafiya a yanzu."

Dariya take yi sosai yana taya ta

Sai ta soma mishi shagwaɓa tana cewa, "ita wlh tana jin garin babu daɗi, fuskarsa kaɗai take son ta gani ko hankalinta zai kwanta, tunda ta sauka ta kasa samun natsuwa ko fita ta kasa yi, Please dear mu yi video call in ganka, I missed you." Ta ƙare maganar tana bubbuga ƙafa tana kukan shagwaɓa

"Oh! Sweetheart za ki kashe Ni."

A rikice tace, "mene ne? Me ya faru?"

Murmushi yayi yana koma wa ya kwanta tare da lumshe idanunsa yana faman cije baki, sai dai ya kasa magana a wannan lokacin saboda yanda yake ji a jikinsa

Wanda Hanif kuwa kallonsa kawai yake yi yana mamakin ɗan uwan nasa, idan yana waya da Haseena ya kan manta kansa da wanda ke wurin ne, sosai yake jinjina tsantsan soyayyar da SHAREEF yake yi wa Haseena, wanda har ba ya iya control ɗin kansa da tsananin soyayyar nata. Numfashi kawai ya ja yana kawar da kansa domin a lokacin ma ya dena jin mai suke cewa saboda tunanin da ya faɗa. Har sai da ya gansa ya gama wayan yana ƙoƙarin shige wa toilet. Bai ce mishi komai ba sai da ya shiga ya fito sannan ya bi shi da kallo yana murmusawa

Harara ya samu daga wurin SHAREEF ɗin yana cewa, "lafiya Malam?"

"Babu komai."

Sai ya ja tsaki yana cewa, "ka ji da gulman ka, ban san saka ido wlh."

Murmushi Hanif yayi yace, "babu wani saka ido, but Ni dai shawaran da zan baka a rage wannan soyayyar tunda aure ba yanzu ba, ta yiwu ma in riga ka auren tunda na ga Sarauniyar ta gudu ta bar ka, nan kusa zaka ji nayi yi wa su Dady maganar aure."

Baki ya taɓe bayan ya zauna a saman gadon, sai ya ɗauki wayansa yana hawa WhatsApp, tare da furta, "ina ruwana to? Ka haifi Yara da yawa ma bai shafe Ni ba."

Dariya sosai Hanif yake yi. Yana cewa, "Ni dai ba ruwana, kar ka ga nayi kace zaka ɗaga hankalin ka, ina tunanin ma su Dady baza su amince in yi aure in bar ka ba, gwara ka samu solution wlh."


Shiru SHAREEF yayi masa bai ce komai ba. Ya ci gaba da latsa wayan kamar ruwa ya cinye sa

Hakan ne yasa Hanif ya canza topic ɗin. Duk da ba kasafai SHAREEF ɗin yake amsa mishi ba, jefi-jefi suke hira

Daga baya ne su Sadiq suka zo shi da Abokan sa. Shi yasa Hanif ya bar asibitin ma gaba ɗaya.




              Zuwa washe gari aka sallami SHAREEF tunda komai normal. Jikin nasa ya warware shi yasa the following day ya koma bakin aikin sa. Yayinda gefe ɗaya soyayya da shaƙuwa take ƙara gudana tsakanin SHAREEF da Haseena, tamkar zasu cinye junan su

Su Dady ko kaɗan basu yi wa SHAREEF maganar aure ba, duk da suna son su yi mishi domin ya fito da Mata kasancewar abun da Likitan yace

Ga shi yanzu kusan sati ɗaya da kwanciyar sa a asibiti. Lokacin ne kuma Hanif zai koma karatun sa. Shiyasa SHAREEF yace, "zai bi shi har can ya raka sa." Sabida so yake yi daga can ya wuce wurin Haseena

Babu wanda ya hana sa kasancewar an san shaƙuwar su da Hanif. Tamkar Abokan juna suka ɗauki kansu, babu mai kallon su yace Yaya da Kani ne saboda yanda suke gudanar da al'amuran su gunun sha'awa.
[13/01, 12:00 pm] OumƊahirah نفيسة: 🌱🌱🌱🌱🌱

      *SHAREEF*
          _SexyBoy_
🌱🌱🌱🌱🌱


_Writer: Nafisat Isma'il Lawal_
_Wattpad: UmmuDahirah_

*SARAUNIYAR TSOKANAR PERFECT🧝*



*PERFECT WRITER'S ASSOCIATION* 🌞

```( WE AIN'T PERFECT, BUT WE'RE ALWAYS TRYING OUR BEST TO MOTIVATED AND ENTERTAIN OUR REDERS💪)```

/https://www.facebook.com/Perfect-writers-association-100452275039839/

       *P.W.A✍️*





*DATA SHARE*

Call, message or whatsap 07065334256

*MTN*
500MB 150
1gb 280
2gb. 560
3gb. 840
4gb. 1120
5gb 1400
6gb. 1700
Verlid for 30 days











__________
*BOOK1*
_______________*FREE PAGE8*
               Tunda aka yi wa Maryamu dukan nan, zazzaɓi ya kwantar da ita tunda bata taɓa shan duka irin wannan ba, musamman ma Baba duk rashin jinta bai taɓa dukan ta ba, iyakan yayi musu faɗa ko ya tsawatar musu, dama Yaya Ashiru ne mai ɗan dukan nasu shima ba sosai ba, domin tunda suka ɗan soma tasawa Baba ya hana ana taɓa su. To kasancewar ta ba mai son a taɓa lafiyar jikinta ba, abu kaɗan sai ka ga ciwo ya rafkar da ita, amma sai rashin jin tsiya, domin Maryamu ba ta jin magana, ita kaɗai ta fita Zakka a gidan su, akwai ta da rashin tsoro ne; uwa uba rashin kunya da fitsara, bare tana tashen balaga jinta take yi kanta ɗaya da kowanne shege

Duk wani abu tare suke yi da Bintu duk da ita bata kaita rashin ji ba, sabida ita akwai shegen tsoro, ba kasafai take biye mata ba, sai dai idan Maryamun ta tilasta ta su yi wani abun, to a nan ne bata da yanda zata yi zata biye mata tunda komai tare suke yi, basu da ƙawaye su kaɗai ne ƙawayen juna. Tunda babu mai iyawa da halin Maryamu, kullum sai an ji ta da sa'annin su suna cacan baki ko dambe, bare yanzu duk sun yi aure sai ɗaiɗaiku


Shi yasa Baba tunda abun nan ya faru ya ƙara matsa musu sai sun fito da Miji

Amma Maryamu fir tace mishi, "ba ta son aure baza ta yi ba." Sai kuka take yi tana rigimar nata tamkar wata ƙaramar yarinya, don wani abun ma ko ƙaramin Yaro bazai yi abin da take yi ba, ko don tana ganin ita ce Auta a wurin Innar ta oho? Shiyasa a kwanakin ba ta iya fita ko ina saboda yanda jikinta ya rikice. Ta saka rigima a ranta a kan auren da Baba yace zai yi musu

Domin a lokacin har manemin Bintu ya turo tunda dama tana da tsayayye. Ɗan uwansu ne ma kuma a ƙauyen yake

Yanzu haka har an tsayar da lokaci idan Maryamu ta kawo wanda take so sai a saka rana

An yi haka da kusan sati biyu, amma Maryamu ta ƙi bin umarnin Baban ta, sai ma ci gaba da rayuwarta da take yi ba ta kula kowa in yazo, Sai cin mutunci da zage-zage da take musu, shiyasa kowa ya ɗauke ƙafa da zuwa wurin ta

Shi yasa Baba ya dinga mata faɗa yace, "tunda ta ƙi kawo wanda take so shi yana da inda zai bada ita." Nan ya yi wa Abokinsa magana saboda yana da Yaro Sule wanda yake sonta dama, kuma Baba ya san da haka saboda ba sau ɗaya ba, ba sau biyu ba; ya sha ganin sa yana zuwa ƙofar gidan wurin Maryamu. Dalilin da yasa yace, "kawai su turo sai a haɗa auren gaba ɗaya." Tunda ya yarda da tarbiyyar sa

Dama yanzu bikin su Yaya Ashiru ya rage saura wata uku ne. Suna gama jarabawar ƙarshe na B8 da suke yi, za a yi auren

Wannan maganar ba ƙaramar rikita Maryamu yayi ba. Kuka sosai ta dinga yi tana cewa, "wlh tallahi babu wanda ya isa yayi mata auren dole, ba ta son Sule baza ta taɓa auren sa ba, sai dai duk abun da za a yi a yi." A gaban Baba take furta waɗannan kalaman nata tana ta birgima da ihu, "wlh ba a isa ba baza ta aure shi ba."

Baba samun sanda yayi, yayi mata dukan tsiya yace, "shikenan zai gani idan ita ta haife shi."

Amma duk dukan nan da ta sha Maryamu ta ƙi haƙura baza ta yi auren ba. Tun abun yana ba wa su Umma haushi, har ta soma basu tausayi saboda yanda ta fige a lokaci ɗaya, bata da aiki sai kuka da nacin, "ita baza tayi aure ba, ba ta son wanda aka kawo mata."

Ranan ma da ya soma zuwa taɗi wurin ta. Dutse ta samu ta ƙwandala masa a kai tana cewa, "wlh in dai bai fasa auren ta ba sai ta fasa masa kwanya ya mutu a banza a hofi, idan kuma ya isa ya aure ta ya gani."


Haka fa Maryamu ta dawo tamkar mahaukaciya. Domin gaba ɗaya ƙauyen sai da suka taru a kanta ana ganin ikon Allah. Sun ga abun tamkar wasa sai kuma abu ya zo ya zama babba. Saboda yanda Maryamun take yi ashe wai aljanun ta ne suka tashi

Har ga Allah ƴan gidan basu taɓa tunanin tana da aljanu ba sai ranan. Kowa ya sha mamaki, amma kuma idan aka ga yanda take yi tun farko dole a saka ayar tambaya a kanta

Yaya Faisal aka kira yayi mata ruƙiya tunda yana da sani sosai a kan addini. Har koyarwa yana yi a Islamiyyar su duk da ba kullum ba, sai sati da Lahadi kasancewar aiki da yake yi a Birni, so ba ya zama sosai, lokacin an ci Sa'a yana gida shi ya zo yayi mata ruƙiya. Daƙyar aka samu ta dawo hayyacin ta

Gaba ɗaya gidan sun yi cirko-cirko har da su Aunty Indo da Aunty Ummita duk suna gidan, saboda tunda labarin abun ya faru kowa ta bazamo gida. Gaskiya hankalin su ya tashi sosai sabida basu taɓa zaton Maryamu tana da wannan laluran ba

Ga shi jikinta ya ƙi daɗi, tunda suka tashi take kwance magashiyan tana faman rawan jiki, sai zazzaɓi ya rufe ta. Dole Inna ta saka mata drip aka bata magunguna don dai aga yanda hali zai yi

Ba a samu kanta ba sai washe gari, sai dai ta tashi tana ta fushe-fushe, kowa ta ƙi kula wa a gidan, kana mata magana ma zata hau gaya maka maganganu tana zumɓure-zumɓuren baki kamar wanda zai taɓo sama

Shi yasa kowa ya shafa wa kansa lafiya tunda basu san yanda Aljanun nata suke ba, kowa ya fita harkan ta

Ƙarshe ɗaki ta shige ta kwanta ta ƙi kula kowa

Dayake suna da islamiyya. Sai Bintu ta zo tana ce mata, "ta tashi ta shirya su tafi ƙarfe huɗu saura."

Banza tayi mata ta juya kai tana kallon sillif idanunta a buɗe. Manyan idanun nan yanda ka san gauta gaba ɗaya sun rikice sun yi jazur

Bintu bata sake kula ta ba, tana gama abun da zata yi ta shirya ta fito

Umma Jummai tace mata, "ya haka kin fito ke kaɗai? Ita Maryamun baza ta je bane?"

"Ni nayi mata magana ta ƙi kula Ni shiyasa na ƙyale ta."

"To shikenan je ki, sai ki gaya wa Malamin naku bata da lafiya ne."

"To." Ta furta tana yin musu sallama sannan ta tafi

Maryamu da ake maganar a kunnen ta duk tana jin komai, miƙe wa tayi fuska a turɓune ta ɗauki Hijabin ta ta saka, cikin kayanta ta duba ta ɗauko dubu ɗaya a ciki wanda dama shikenan ya rage mata a cikin jakar. Wata shegiyar takalmi mai tsini ta ɗauka ta zura a ƙafafuwan nata sannan ta fita. Ko kallon su Inna bata yi ba tabi hanyar waje zata fice

"Ke kuma haka za ki tafi babu sallah?"

Banza ta yi wa Innar da take mata magana ta yi ficewar ta. Ta sha alwashin baza ta taɓa zama a yi mata auren dole ba, gwara ta gudu kawai ta huta da ace ta zauna a yi mata aure. Kai tsaye hanyar barin garin tayi tana ta tafiya ita kaɗai sai faman turguɗe wa take yi, a zuciyarta kuwa lissafin inda yakamata ta nufa take yi; da tunanin matakin da ta ɗauka shi ne dai-dai a wurin ta.





🔆🔆🔆🔆🔆🔆🔆🔆


         Har England SHAREEF ya raka Hanif, a lokacin da suka sauka dare yayi shiyasa ya kwana a can. Da sassafe ya soma shiri zai wuce wajen Haseena

Hanif sai tsokanar sa yake yi yana cewa, "shi gani yake yi kamar ya fi sonta a kansa, sabida ya fi bata kula wa duk yanda suke da shi, amma ace daga zuwan shi sauri-sauri yake ya tafi ya bar shi, maimakon ya ƙara ko kwana biyu ne su ɗan zagaya garin, sai ya je ya ga friends ɗin sa zasu yi farin ciki."

But SHAREEF ko kula sa bai yi ba, sai da ya gama shirya wa sannan ya jefe shi da harara yace, "common tashi ka kai Ni airport, ba na son wannan surutun."

Dole Hanif ya miƙe yana ɗaukar key, tare suka fita zuwa haraban gidan

Ganin yanda Motan tayi ƙura sosai, sai SHAREEF ɗin ya yamutsa fuska yana cewa, "kai bazan hau wannan motan ba, mu je in hau Texsi."

"Ok to." Shima Hanif ya amsa mishi suna yin waje suka fita

Har airport ya raka sa,