You Cannot Download this book untill you login but you can read it .

---

Login Register

yace, "zai kira ta later."
Sai ya dube sa yana cewa, "ya dai na ga fuskarka a haka? Ko wani abun ne ya faru?"

Bai basa amsa ba sai da ya zauna shima ya mayar da idanunsa a kansa before yace, "lafiya ƙalau, kawai ina cikin wani yanayi ne sabida abun da ya faru da Maryam."

"Wace ce Maryam kuma?" Ya tambaye sa da mamaki sabida har ga Allah yana manta wa da Maryamu a lokaci guda idan ba ya ganta ba, kuma bai yi tunanin maganar nata bane Hanif zai yi masa a nan

Shi kansa Hanif baki ya buɗe yana kallon SHAREEF ɗin, amma duba da ya san wane ne SHAREEF kuma ya san me zai aikata; tabbas zai iya yin fiye da hakan ma, that's why yace, "kana bani mamaki wlh Brother, ina maka maganar ƙanwar mu Maryam amma kake nuna kamar baka santa ba?"

Sai kawai ya haɗe rai yana mayar da kansa jikin kujeran, yayinda ya sakar masa wani kallo ba tare da yace uffan ba

"Baka tambaye Ni me ya faru ba?"

Dogon tsaki yaja yana cewa, "to me kake so in ce maka? Ni fa bani da lokacin jin maganar yarinyar nan sabida ba ta gabana, kai baka san yanda na tsani yarinyar ba ko? Yarinyar da ta ƙulla min sharri abun da tunda nake ba a taɓa min ba, wlh I hate this girl, even in my heart I tell you this, I don't like to see her face, kuma duk ranan da na samu dama sai na ɗanɗana mata kuɗan ta." Sai ya kaɗa kansa yana jin ransa na ɓaci sabida tuna ta

Shi kansa Hanif bai san mai ya faru ba tunda ba a sanar masa ba, amma yana mamakin yanda SHAREEF ya tsani yarinyar yake ciccije baki a kanta; har yana tada jijiyar wuya, sai yace, "don Allah Brother ka sassauta mata a kan wannan ƙiyayyar da kake mata, ban yi tunanin maganar Sadiq gaskiya bane sai yanzu nake ƙara gasgata wa, Maryam yarinya ce ƙarama wacce yakamata mu jawo ta a jiki but kai ba haka ba, ko don sabida Haseena kake wannan abun?"

Haɗe fuska yayi yana aika masa da wani banzan kallo yace, "me ya sako sunanta kuma a cikin wannan zancen?"

"Sabida a kanta kake ƙin Maryam mana, Dady ya aura maka ita but ba ka son zama da ita, kuma yarinyar tana matuƙar ƙaunar ka kai baka san me ya faru da ita bane yanzu, daga an ce zata koma Abuja wajen Ammee ta zauna a can duk ta tashi hankalin ta; har sai da muka kaita wurin Malamin da ke duba ta, duk saboda kai ne fa."

"And so what? Sabida Ni take wannan haukan? Kana ganin Ni ya dace in so yarinyar nan? Har abada! Wlh never Hanif, tun kafin raina ya ɓaci ma kabar min maganar ta." Yayi maganar da tsananin ɓacin rai yana buɗe idanunsa a kan Hanif ɗin

Sai shi kuma yayi murmushi, murmushin takaici sabida har ga Allah SHAREEF ya soma ba shi haushi, ya ƙara faɗin, "taya ya zan dena maka maganar ta bayan Matarka ce? Kuma a yanzu ma haka su Momy zasu baka Matarka ka zauna da ita, don Allah Brother Maryam yarinya ce duk da na san yarinta na ɗiban ta, amma bata rasa komai ba, yarinya ce kyakkyawa komai tana dashi; and ga ta karamar yarinya, da me Haseena ta fi ta?"

"Ya ishe ka dalla, ba na son jin zancen banzan ka." Ya daka masa tsawa da faɗin haka yana firfito masa da idanuwansa da suka soma kaɗa wa

Sai Hanif yayi dariya tare da furta, "oh! Ba ka son gaskiya ko? Soyayyar Haseena ta rufe maka ido, amma abun da ka kasa gane wa Maryam ta fita komai wlh, kuma nan gaba zaka ce na faɗa maka; but dole dai ko kana so ko ba ka so sai ka zauna da ita tunda already ta zama Matarka."

"Hanif." Ya kira sunan sa cikin tsananin takaici; yana buga teburin gaban sa

Sai shi kuma ya ja tsaki yana miƙe wa, "wlh ban san irin ka ba SHAREEF, ba ka son gaskiya, kana da wani irin zuciya da babu imani a cikin ta, babu tausayi."

Da sauri SHAREEF ya miƙe ya nufo sa, sai ya shaƙo wuyansa yana ƙara zare masa ido yace, "Ni kake faɗa ma haka Hanif? A kan wannan matsiyaciyar yarinyar?"

Zagin ya shige sa ba kaɗan ba, shima haka nan ransa ya ɓaci yace, "matsiyaciya SHAREEF?"

"Eh matsiyaciya nace, ko zaka rama mata ne? Nace ko zaka rama mata ne?" Yayi maganar cikin hargagi yana ƙara shaƙo sa kamar zai kashe sa

Sai shima Hanif ya sanya hannu ya shaƙo nasa wuyan ransa a mugun ɓace yake cewa, "don baka son a faɗa maka gaskiya? Na sha ce maka halin ka ba shi da kyau SHAREEF, ka sauya hali, ban taɓa biye maka ba sabida ba na son in nuna rashin kunya a matsayin ka na Yayana, amma baka da kirki ko kaɗan; baka da mutunci, ko babu komai yarinyar ƴar uwanka ce, idan wani abu ya faru da ita..."

Bai bari ya ƙarisa maganar ba ya kwashe sa da mari, ji kake fass ya kifa masa wani bahagon marin da sai da ya fitar masa da jini a hancinsa.
[28/02, 9:13 am] OumƊahirah نفيسة: 🌱🌱🌱🌱🌱

          *SHAREEF*
               _SexyBoy_
🌱🌱🌱🌱🌱


_Writer: Nafisat Isma'il Lawal_
_Wattpad: UmmuDahirah_

*SARAUNIYAR TSOKANAR PERFECT🧝*



*PERFECT WRITER'S ASSOCIATION* 🌞

```( WE AIN'T PERFECT, BUT WE'RE ALWAYS TRYING OUR BEST TO MOTIVATED AND ENTERTAIN OUR REDERS💪)```

/https://www.facebook.com/Perfect-writers-association-100452275039839/

       *P.W.A✍️*





*DATA SHARE*

Call, message or whatsap 07065334256

*MTN*
500MB 150
1gb 280
2gb. 560
3gb. 840
4gb. 1120
5gb 1400
6gb. 1700
Verlid for 30 days.












__________
*BOOK1*
_______________*FREE PAGE44to45*
_____Shi kansa Hanif bai taɓa tunanin SHAREEF zai saka hannunsa ya mare sa ba, sabida hakan bai taɓa faruwa da su bane, basu taɓa sa'insan da yakai har da cin kwala ba, ya san SHAREEF yana da zafi da saurin fushi, kuma jefi-jefi koda cacan baki ya haɗa su bai taɓa biye wa Hanif don yana faɗa masa gaskiya a kan halayyar sa ba, ko me zai ce masa kuwa, amma yau ya sha mamakin da ya ga ya ɗauki wannan fushin har yakai ga yana cin masa kwala kuma ya mare sa

Sai da ya mare sa kuma ya sake sa yana nuna masa hanya cikin ɓacin rai da ɗaga murya, tamkar ba shi ba, tamkar ba ɗan uwan nan nasa wanda suka taso tare suke komai tare ba, ya nuna masa hanya yace, "fita min a office ko in yi ƙasa-ƙasa da kai."

Hanif da ke riƙe da kuncin sa; dauriya sosai yayi ya hana bayyanuwar hawaye a fuskar sa, amma idanunsa sun kaɗa sun yi jazur, ya kasa magana sai ɓarin baki yake yi yana son magana but ya gaza, sai kawai ya juya ya fice da saurin sa

PA da ke tsaye ya kasa zama sabida jin hayaniyar su, yana tunanin shiga don bai san me ke faruwa ba, sai ganin Hanif yayi ya fito a fusace ya bar wurin, da kallo ya bi sa yana mamakin yanda ya fita da irin wannan ɓacin ran, tabbas akwai abun da ke faruwa tunda har ya ji hayaniyar su, amma ya san Ogan sa muddin ya shiga ƙarshe zai iya mayar da abun kansa

Shi kuma Hanif kai tsaye Motan sa ya nufa da saurin sa kamar zai tashi sama, yana shiga cikin Motan sai ya saki hawayen da ya maƙale su ya kasa fitar da su a gaban SHAREEF, wai yau SHAREEF ne ya mare sa a kan kawai ya faɗa masa gaskiya? Bai taɓa zaton hakan ba, ko me yayi masa kuwa yana ganin ya fi ƙarfin mari a wurin sa,
a yanda suka taso suka shaƙu ya zama shi ne kamar tagwayen sa, Amininsa; abokin shawarar sa da komai nasa, amma yau shi ya ɗaga hannu ya mare sa? Abun ya masa zafi shiyasa ya kasa tsayar da hawayen fuskarsa, ga haɓon da yayi masa har jini ya soma ɗiga,
Sai lokacin ya san da jinin, shiyasa ya ɗauki handkerchief da sauri ya share; ya ja Motan da gudu ya fice a ma'aikatan



Yayinda SHAREEF da ke tsaye a bakin windown office din sa, yana hangen sa har yabar haraban Companin, sakin labulen yayi ya naushi bango zuciyarsa na tafarfasa da abun da ya yi wa ɗan uwansa, yau shi ya mari Hanif a karon farko a rayuwarsa? Duk sabida ita, ita ce Silan komai, tabbas ya ga ƙyallin hawaye a cikin idanuwansa; koda bai ga sun zuba ba ya tabbata Hanif yayi kuka,
Sai ya sake naushin bangon idanunsa sun kaɗa sun yi jazur tsaban ɓacin rai da tashin hankalin abun da ya yi wa Hanif, ba shi da sukuni ko kaɗan, ya gaza zama sai zagaye office din yake yi duk da yana jin wayansa tana ƙara but bai duba ba bare ya san wane ne

Ana haka sai ga Mahmud ya turo ƙofan ya shigo duk da PA ya faɗa masa, "kamar SHAREEF ba ya cikin mood mai kyau,"
ilai kuwa kallo ɗaya da yayi masa sai da ya tsorata, bai san sanda ya taho wurin sa cikin tsananin tashin hankali yana tambayar sa abun da ke faruwa dashi?

Amma ina SHAREEF kallo ɗaya yayi masa ya ɗauke kansa, fuskarsa a martuke idanunsa jawur ya wuce sa; ya je ya zauna a kan kujera cikin taƙama da nuna isa

Sai jikin Mahmud yayi sanyi sabida ganin yanda ya ƙi kula sa yayi masa banza, duk da ya san halin SHAREEF amma bai taɓa masa haka ba, shiyasa sai yayi masa uzuri yana kallon sa a inda yake a tsayen, yace, "I'm sorry, ban yi tunanin kana cikin wani hali a yanzu ba, but zan dawo sabida akwai maganar da nake so muyi da kai; kuma tana da muhimmanci."

"Zaka iya faɗa min." Yayi maganar muryansa a shaƙe yana ɗaura hannunsa saman computern sa ya soma latsa wa a hankali duk da yanayin da yake ciki na ɓacin rai

Zuwa yayi ya zauna yana kallonsa, sai kuma ya ɗan yi shiru duk da ya ƙi ɗago kai SHAREEF ɗin bare ya sake duban sa, "dama a kan maganar su Honourable Ja'e ne da Alhaji Inuwa, maganar ta jima tun sanda gobaran nan ta faru, na so in sanar maka sai dai halin da kake ciki yasa na jingirta; da kuma son samun hujja a kan su."

Jin haka yasa SHAREEF ya dakatar da abun da yake yi yana duban sa da har yanzu idanunsa a juye suke da ɓacin ran halin da yake ciki, bai yi magana ba amma ya basa hankalin sa kacokan yana jiran jin mai zai ce

Mahmud nan ya kwashe komai ya sanar masa a kan maganar da suka yi da Shuraihu, har dawowan da yayi ya sake samun sa da kuma zargin da yake musu, sannan da ɗan binciken da yayi ya samo hujjar cewa tabbas akwai hannunsu a ciki, duk da hujjar ba wata mai yawa bane, ɗaya daga cikin ma'aikatan su ne da ke tare da Mahmud ɗin, wanda suka haɗa baki tare da su Shuraihu, shi ya kama yana waya wanda hakan ne ya samu ƙwarin gwiwan tunkaran SHAREEF da maganar a yanzu yana sanar masa

Wani irin tashin hankali ne ya bayyana a kan fuskar SHAREEF, dama ga shi yana cikin tsananin ɓacin rai, sai hakan ya ƙara harzuƙa sa nan take fushin sa ya bayyana a fili, cikin wani irin yanayi yake duban Mahmud tare da furta, "meyasa tun farko baka sanar min ba sai yanzu Mahmud? Meyasa baka sanar min ba har suka ci galaba a kan mu? Meyasa?"

"Calm down! SHAREEF, ka san lokacin kana asibiti, sannan bazan so a ce na bayyana maka wannan maganar kana cikin halin rashin lafiya ba."

Wani irin buga teburin gabansa yayi yana miƙe wa yana sakin wani huci mai zafi, yayinda ya soma sintiri a tsakankanin kujeran nasa yana dukan hannunsa da ɗaya hannun, "tabbas bazan ƙyale mutanen nan ba, wlh yanda suka ja mana asara sai su ma sun yi asarar nan, inaa hakan bazai taɓa tafiya a banza ba." Sai ya juyo yana duban Mahmud tuni idanunsa sun sake rinewa sabida baƙin ciki da fushi, "kai kana ganin Shuraihu ya zame hannunsa a kan harƙallan da suka yi mishi tayi ne? Ƙarya yake yi, ya raina maka hankali ne, Ni .. Ni Shuraihu zai ci amana? Ni ko?" Yake nuna kansa yana huci

Shi kansa Mahmud hankalin sa a tashe ne sabida halin da yake ganin SHAREEF ɗin, sai yace, "Ni kaina ina kokwanto, amma duba da yanda ya roƙe Ni sai nayi tunanin da gaske yake yi, amma zai iya yiwuwa shi ya basu gudummawa, kuma duk yanda aka yi da saka hannun wasu daga cikin ma'aikatan da muka tura can wajen kula da kayan."

Tsira masa ido SHAREEF yayi yana kallonsa, tare da ƙoƙarin kokawa da ɓacin ran da ke ƙara taso masa, hannayensa biyu ya dafa a kan table ɗin yana furta, "Dady ya basu dama sun samu galaba a kaina, nayi baƙin ciki lokacin da ya sanar min abun da ke faruwa, bamu rasa kuɗin da Dady zai ƙara bada wa a shigo da wasu kayan ba amma kuma ya ƙi yin hakan, na ji baƙin ciki duk da su suka nemi alfarma a wurin sa, kuma Dady zai yi musu hakan, sun saka mu asara mutanen nan kuma daga ƙarshe sun samu abun da suke so, karon farko. A karon farko wani ya ci galaba a kaina, wlh sai na nuna musu basu isa ba kuma dole sai na ɗauki mataki a kansu, kotu zata raba mu. Mahmud." Ya kira sunan sa cikin tsananin kaushin murya, "ina son hujja, ina son hujja ko ta halin ya-ya domin gurfanar da mutanen nan gaban kotu, kuɗin mu baza su taɓa tafiya a banza ba sai sun biya mu, da duk wanda ke da hannu a cikin su, Ni ba na faɗuwa bazan taɓa yarda wani ya ci nasara a kaina ba. Shuraihu kuma daga yau ya dena aiki a Companin nan, zan nuna masa shi wulaƙantacce ne a wuri na."
Bai bama Mahmud zarafin magana ba yace, "ya je ya kira masa Shuraihu yanzu."
Har ya miƙe kuma ya zaunar da shi; ya koma ƙwala wa PA kira

Sai ga PA da sauri ya shigo cikin office ɗin yana amsa masa

"Kayi sauri ka je ka kira min Shuraihu."

Bai tsaya tambayar ba'asi ba sabida ganin yanayin Ogan nasa, sai juya wa yayi ya fita da sauri domin aikata umarnin sa

"SHAREEF don Allah ka kwantar da hankalin ka, ka san idan baka iya kama ɓarawo ba sai shi ya kama ka, a ganina koron Shuraihu a nan ba shine maslaha ba, kuma tamkar zamu basu damar da zasu hankalta da abun da muke shirin yi ne, zamu doɗe duk wata kafa na hujjar da zamu samu. Zaman Shuraihu a Companin nan shi zai kawo mana sauƙin samun hanyar da zamu gano ainihin yanda suka aikata wannan abun."

"No. Wannan karin maganar taka bata da muhalli a nan, ko Shuraihu yana nan ko ba ya nan dole zamu samo hujja, hujja kaɗai nake buƙata, kuma bazan ci gaba da bama maci amana muzuƙuni a muhalli na ba, bazai yiwu ba."

Ganin yanda yake huci da zagaye wurin yana furta kalaman; shiyasa Mahmud ya yi shiru da bakin sa don ya san a yanzu SHAREEF bazai taɓa sauraron sa ba, abun da ya ga dama shi zai yi

Bare dama a cike da ɓacin rai yake, shiyasa ko zama ya ƙi yi har sai da ya ga Shuraihu ya shigo office ɗin nasa, bai bari ya zauna masa ba ya kalle sa a wulaƙance yace, "abubuwa biyu na tsana a rayuwata, na tsani cin amana sannan na tsani faɗuwa, duk kaine ka bada damar da hakan ta kasance dani, a Matsayin ka na Managern Company na amma ka haɗa baki da wasu ku ka ci amanata? Tell me why?"

Shuraihu ya kasa yin magana illa rikice wa da yayi saboda tashin hankalin abun da ya ji SHAREEF ke tuhumar sa, ga kuma yanda ya ga ya koma masa tamkar wani Zaki idanunsa sun kaɗa sun yi jazur alamun ya kai ƙololuwar ɓacin rai, idanunsa da suka sauka a kan Mahmud ya sadakar da cewan dole shi ne ya tona masa asiri

"Will you talk to me or stand here looking at me? why did you do this to me?"

"I don't know what you are talking about, SHAREEF? What are you talking about?" Yayi maganar cikin ƙarfin hali da son ɓoye tashin hankalin da ke tattare dashi

Jin hakan yasa SHAREEF komawa mazaunin sa ya zauna, yana kallonsa a ƙasƙance cike da wulaƙanci, sai da ya ɗauki some seconds kamar bazai yi magana ba sai ɗan huci da yake fitar wa, while shanyayyun idanun nan nasa da suke buɗe da tsantsan fushi da tijaran sa ya zuba wa Shuraihu su, and he open mouth said, "I will not sit and repeat to you what you know about him, I know you know who I am and do you know what I will do? Bazan iya ci gaba da zama da maci amana irin ka ba, daga yau na kore ka daga aiki a Companin nan, ka je can ka ci gaba da yi wa karnukan farautan naka hidima, amma ka sani; ka kuma sanar musu cewan su jira abun da zan aikata musu."

"SHAREEF..."

"Shut up and leave me my office right now," he said loudly, banging on the table

Dole yasa Shuraihun yabar office ɗin cikin ɓacin rai shima, wanda sai da ya sauke wa Mahmud wani mugun kallo before ya fice a zuciye sabida irin wannan wulaƙancin da SHAREEF yayi masa, ko kusa bai taɓa tunanin hakan zata faru dashi ba, tabbas Mahmud ya shammace shi kuma zai ga abun da zai biyo baya

"Ina son daga yau; a binciko min duk mai hannu a cikin companin nan, domin suma bazan bar su su zauna min a company ba, tunda Companin ba na Uban su bane." Yayi maganar a gadarance yana ciccije wa; kai da gani ka san ran ɗan Maza yakai ƙololuwa da faɗi, dama ya lafiyar Giwa bare tayi hauka?
Hmm SHAREEF ne fa

Shi kansa Mahmud ya so ya rarrashe sa; but ya san bazai taɓa sauraron sa ba a yanda ya hau sama, shiyasa ya tashi yayi masa sallama yana fice wa

Shi kuma ya ci gaba da juya wa a kan chair ɗin sa zuciyar sa na masa zafi da baƙin cikin abun da su Alhaji Inuwa suka yi masa, tabbas bazai saurara musu ba, sannan bazai taɓa sukuni ba in har bai ɗauki mataki a kansu ba, su jirayi lokacin da zai wulaƙanta su,
Miƙewa yayi ya zuba komai nasa a Jaka ya nufi ƙofa ya fice, kallo ɗaya ya yi wa PA yana jefa masa keys ya wuce da hanzari,
Motansa ya shiga ya fice a Companin ya nufi hanyar gida, irin gudun da yake yi shiyasa nan da nan ya isa gidan

Yayi fargaban cewa zai zo ya tarar da ɓacin ran Iyayansa sabida abun da ya faru tsakanin su da Hanif, a tunanin sa Hanif zai faɗa musu abun da ke faruwa, amma sai ya ga akasin haka, babu wanda yayi masa maganar ma,
Ita dama Momy ba ta kula shi sai ta ga dama yanzu,
Shi kuma Hanif ko kallo bai samu daga wurin sa ba, tunda ya ga haka ya san cewa fushi yake yi dashi, sai jikinsa kuma yayi sanyi domin bai saba ganin sa a haka ba, in dai Hanif ne bai da ruƙo ko kaɗan, basu taɓa yin faɗa makamanciyar wannan ba, ko SHAREEF ne ya dena kula Hanif; shi sai ya kula sa bazai taɓa ƙyale sa ba,
Shaƙuwar su na ban mamaki ne, sun kasance Abokan juna na ƙut da ƙut, suna sharing damuwar su ga junan su, farin cikin su da akasin haka duk tare suke komai nasu,
Tare suke kwana, komai nasu tare ne, ko kaya tare suke siya ba sa bambanta komai nasu, idan ka ga sun rabu to tabbas ɗayan su yana makaranta ne, shaƙuwar su ya wuce misali shiyasa suka mayar da junan su Abokan juna kuma Aminai masu ba wa juna Shawara, amma yau ga yanda ta kasance, shi kansa SHAREEF ya san bai kyauta mishi ba,
A yanda suka nuna babu wanda ya fahimci halin da suke ciki, don lokacin an kira sallan magriba, duk gaba ɗaya suka tafi har Dady da Sadiq, kuma basu dawo ba sai da aka kira sallan isha'i, since wani lokacin haka suke yi,
After sun dawo suka zauna cin abinci a dining table

Har Maryamu da ke gefen Sadiq zaune, ɗaya side din ta Momy ne zaune a wurin,
Babu mai magana a cikin su sai ƙaran cokula da plates, Maryamu duk ta kasa natsuwa abincin ma ta kasa ci sosai, tunda ta yi wa SHAREEF duba ɗaya; ya sakar mata wani shegen kallo da ya firgita ta, ita kanta ta kasa gane wanne irin kallo ne, amma sai da gabanta ya faɗi, tabbas a ranta tana jin akwai abun da tayi masa, domin bata taɓa ganin irin wannan kallon mai muni kamar wannan da SHAREEF yake mata ba, kuskuren ta da ta ƙara ɗagowa still irin kallon yayi mata wanda take hango tsantsan tsana da ƙyama a cikin ƙwayar idon sa, bata ƙara marmarin kallon sa ba har suka tashi a wurin, ita dai tana zaune duk da abincin tura sa kawai take yi ba ta jin daɗin sa, haka kawai take jin babu dad'i a cikin ranta, ranta a ɓace yake musamman in ta tuna dole SHAREEF yana wannan halin ne sabida ita, ko ba a faɗa mata ba ta soma karantar yanayin farin cikin sa da akasin sa, yanda ta ga fuskarsa yau ga tsananin ja da tayi; alamun babu annuri a tare shi kuma yana cikin ɓacin rai, itama sai ta ji komai ya fita ranta, tana roƙon Allah a zuciyarta, "Allah yasa ba ita bace sanadin shigan sa wannan halin."
Ko kusa ba ta son ɓata mishi rai, tamkar ta mutu haka take ji muddin ya nuna ba ya son abu ta aikata shi, tana jin haushin kanta, ba ta son ya shiga damuwa sabida ita, a yanzu ita kanta tana mamakin wanne irin abu take ji a kan SHAREEF? Tana ganin kamar ya wuce soyayya, ji take yi kamar ta haukace wlh ko kuma ta dinga kurma ihu sabida ƙunci da baƙin cikin da take ji a cikin zuciyarta a game dashi da rashin mata magana da yake yi,
Shi yasa tunda ta ga ya shige daki bai zauna a falo ba, itama sai ta yi musu sallama ta tafi daki tunda tana jin barci sosai

Sai da Momy ta ja kunnen ta tace, "ta yi addu'o'in da ta saba yi kafin ta kwanta."

Ta amsa mata da to, sannan tayi musu sai da safe ta wuce dakin ta

Hanif kaɗai ne ya zauna da su Momy suna ɗan taɓa hira, shima ya ƙi koma wa ɗaki ne duk saboda SHAREEF, ba ya son ya je su zauna tare bayan abun da ya faru ɗazu, shiyasa yayi zaman sa suna ta hira da Dady, domin daga ƙarshe Momy ta wuce ta bar su a wurin

Kusan ƙarfe sha ɗaya suka kai, sannan Dady yace masa, "ya je ya kwanta haka nan."

Tare suka tashi suka nufi saman after Hanif ɗin ya kashe komai na Falon, suka yi wa juna goodnight sannan kowanne ya shige dakin sa

Hanif a tunanin sa SHAREEF ya jima da barci, tunda ganin ya shiga tun ɗazu ɗaki, ashe idanunsa biyu, yana zaune a gefen gado daga shi sai short wando fari babu riga a jikinsa, hannunsa rike da waya, tunda ya ji motsin Hanif ɗin ya ɗago ido ya kalle sa, sai ya mayar da kansa ya ci gaba da yin abun da yake yi,
While shi kuma Hanif toilet ya shiga yayi uzurin sa sannan ya fito, ya sauya shigan sa zuwa doguwar rigan barcin sa, sannan ya haye kan gadon yana juya bayansa yayi shiru, idanunsa a rufe amma ya kasa barcin, ko kusa ba ya jin ma barcin a idanunsa,
Bai taɓa tunanin SHAREEF zai iya ba shi hakuri a kan abun da ya faru ba, shi kansa dauriya yake yi amma yana son yin masa magana, bai san ya zai amshe sa ba ganin yanda ko walwala