You Cannot Download this book untill you login but you can read it .

---

Login Register

faɗa mishi, "by ten zata tafi airport, in ya kunna wayan ya kira ta."
Bai tsaya kiran ta ba; sai ya tashi yayi wanka ya shirya cikin ƙananan kaya da suka yi masa kyau ainun, duk da babu fara'a a tare da shi, ya haɗe fuska sosai har yanzu idanunsa da kumburin da suka yi, kuma basu washe sosai ba, kana kallonsa ka san akwai abun da ke damun sa,
Fita yayi ta ƙofan baya ya shiga Motan sa zuwa gidan su Haseena,
Koda ya je bai shiga ba sai ya tsaya a waje,
Sai dai ya kira ta ya sanar mata, "yana waje."

Bayan kamar mintina goma sai ga ta ta fito ita kaɗai da Bag ɗin ta, ta cakare cikin ƙananun kaya riga da wando, sai ta yafa mayafi a kanta, sosai tayi kyau sai taunan chewing gum take yi yanda ka san karuwa, fuskar nan ta sha MakeUp kamar zata je gasar kyau

Kallon fuskarta kaɗai da SHAREEF yayi sai da ya ji sanyi a ransa, a hankali kuma ɓacin ran da ke tare dashi ya soma raguwa, haba; taya ya zai iya barin Mace kamar Haseena ya auri Bagidajiyar yarinya rainon ƙauye? Impossible! Hakan bazai taɓa faruwa ba, ko ta halin ya ya sai ya yakice yarinyar a jikinsa, Haseena ita ce zaɓin sa, zaɓin zuciyarsa, ita ce farin cikin sa, ita yake ƙauna, ita yake fatan ya aura, ita ce komai nasa, rasa ta kamar ya rasa farin cikin sa ne na har abada, kuma zai yi yaƙi a kan haka domin ƙwato farin cikin sa

Ita kanta Haseena tayi mamakin ganin yanda mood ɗin sa ya sauya, sabida tunda take dashi bai taɓa zuwar mata a haka ba, ta san wane ne SHAREEF, ta san yanda yake matuƙar kaunarta, dole akwai wani abun da ke damun sa, duk da ya ƙi faɗa mata duk iya tambayoyin da take mishi, sai ma jeho mata nashi tambayar da yayi a kan sanar da Abbanta auren su,
Tabbas ta yi wa Abbanta maganar auren

Amma shi yace, "ba buƙatar haka gaskiya, ta lallaɓa sa ya bar zancen domin ba yanzu zai yi mata aure ba sai ta dawo daga school, idan ta gama sai a yi auren, ko kuma in ya yarda ya turo Iyayensa a yi maganar auren a saka rana; after ta gama karatun ta sai a yi auren."

Wannan bayanin da ta sanar mishi; shi ya ƙara dagula zuciyar SHAREEF, babu wasa a cikin lamarin sa ya kira sunan ta yace, "Haseena, ba bukatar ki ci gaba da ɓata min lokaci raina yana ɓaci, kinga sabida ke wata gagarumar matsala tana shirin kunno min kai, idan ban samu tabbacin auren mu a yanzu ba komai zai iya faruwa, Haseena wannan lokacin babu wasa a cikin lamari na, ki shawo kan Mahaifinki a yi mana aure kamar yanda na ce miki; ko kuma zan rabu da ke na har abada."

Yanda ya tsare ta da ido yana faɗa mata maganar, tabbas ta hango tsantsan gaskiyarsa, kuma hakan ba ƙaramin ɗaga mata hankali yayi ba har ta kasa magana ta bi sa da ido tana ɓarin baki

Shi kuma fuska a ɗaure yake kallonta duk da ba wai har zuciyarsa haka zancen yake ba, bazai taɓa iya rabuwa da ita ba, amma dole zai nuna mata da gasken yake yi domin ta dauki maganar sa da muhimmanci

Kuma tabbas ta ɗauka, ta ruɗe matuƙa da jin kalaman sa wanda bata taɓa tunanin hakan ba, ba ta jin ita kanta zata iya rayuwa babu shi a tare da ita, already ya zame mata jinin jikinta, rasa sa kamar ta rasa rayuwarta ne, tana matuƙar ƙaunar SHAREEF har cikin zuciyarta, kuma baza ta so a ce ta rasa shi ba; bare har ta ga wata Macen a tare dashi ba ita ba, never. Sai inda ƙarfin ta ya ƙare.
Kuka ta saka mishi lokacin da ya tayar da motan yana ƙoƙarin tafiya

Duk da yana jin kukan nata har ransa, amma bai tsaya ba, bai kuma kalle ta ba, sai dai ya sassauta murya sabida bazai iya ci gaba da juran jin kukan ta batare da ya rarrashe ta ba, hakan ne yasa ya kira sunan ta yana furta, "Haseena ki yi shiru haka nan bazan iya jure kukan ki ba, yana taɓa min zuciya."

"Taya ya zan yi shiru bayan ka soma furta min zaka iya rabuwa da Ni?" Tayi masa maganar tana kallonsa hawaye na ci gaba da ɗigan mata, "yanzu ashe har ka soma tunanin haka a ranka? Me nayi maka da zafi haka?"

Ɗan kallonta yayi ya kawar da kai, sai ya ci gaba da tuƙin nasa murya a sanyaye yace, "abun da yasa na furta miki haka sabida ki san halin da nake ciki ne sweetheart, na ga kamar kina wasa ne ba ki ɗauki maganar da serious ba, ina cikin tashin hankalin da zan iya rasa ki gaba ɗaya a cikin rayuwata sweetheart, idan ba ki taimake ni ba komai zai iya faruwa, kin fi son mu rasa juna ko?"
Ya ƙare maganar yana tsare ta da ido

Girgiza masa kai tayi tare da furta, "but why can't you tell me the problem? Wannan ba hujja bace, tunda har zaka iya furta min zamu rabu; kenan ba ka sona a yanzu? A nan gaba ma zaka iya rabuwa da Ni bayan ka san ba laifi na bane."

Ganin yanda ta ɗauki maganar da zafi tana ci gaba da kukan nata, sai ya tsayar da Motan ya soma rarrashinta yana jawo ta a jikinsa, daga ƙarshe sai ya zura bakin sa cikin nata yana mata wani irin zuƙa cikin salo kamar zai cinye ta, dama abun da yake buƙata kenan, nan da nan ya soma romance ɗin ta cike da wani irin shauƙi da tsananin sha'awar ta, ya kasa control din kansa haka yake sarrafa ta tuni ya ɗaura ta a jikinsa sai matsa mata boobs yake yi yana mata salon sa mai fitar da mutum a yanayi

Haseena kwata-kwata ba ta jin daɗin abun da yake mata, kawai biye masa tayi idanunta a rufe tana jan numfashin wahala; ranta babu daɗi. Sai da ta ga yana son wuce gona da iri kuma zata iya missing Flight dinta sannan ta dakatar dashi daƙyar

Idanunsa sun sake yin ja sai fitar da numfashi yake yi yana jin kamar ya haɗiye ta don so da sha'awar ta, ya kasa ma magana sai tayar da motan da yayi ya ja suka tafi, babu mai magana a cikin su sai da suka yi nisa

Daga baya Haseenan take ƙara ba shi haƙuri tare da furta masa, "zata shawo kan Abbanta ya amince."

Sai lokacin ya ji sanyi a ransa, sai ya kama hannunta ya tamke sosai yana sakar mata kallon soyayya, "i love You Sweetheart, ina son ki matuƙa, ki san da sani ke ce farin cikina, already na rigada na ba ki kaina ki kula min da zuciyata amana, Ni taki ce har abada ki saka a ranki, duk wata Mace bayan ki take. Ina sonki!"
Haka ya dinga zuba mata sambatu har suka isa can, sai da ya sake lugui-luguita ta yayi mata kissing kamar zai haɗiye ta, before ya ƙyale ta suka yi sallama, har sai da ya ga shigan ta jirgi sannan ya shiga Mota ya tafi, gaba ɗaya ɓacin ransa da ƙuncin sa ya nema ya rasa, zuciyarsa tayi sanyi sai wani irin kewa da ke shigan sa, ji yake yi kamar ya bi ta haka yake ji; don ba ya son ya koma gida ya haɗu da matsalar nan kuma daga ƙarshe a ɓata masa ɗan farin cikin sa. Sai ya juya kan Motan zuwa Company duk da bai koma ba tun bayan yin masa operation, dama gobe yake saka ran koma wa.
🔆🔆🔆

   
_____Amsar da Maryamu ta bayar; ya saka su Momy cikin tsantsan mamaki da al'ajabi, SHAREEF. SHAREEF shi ne yayi mata cikin amma yake nuna irin wannan tukuburcin; har yana iya fiffiga yana musu tsaurin ido a kan ba ya sonta? Lallai wannan Yaron, rashin kunyan nasa ya wuce tunanin su, har ya iya zagayawa ya lallaɓa yarinya ƙarama; amma a gaban idanunsu yana musu pretending don shi mara kunya ne?
Lallai sun shaƙa da yawa, barin ma Momy ba ta ɗaukar abu da wasa, tana da zafi sosai fiye da Dady, kuma ta sha alwashin sai ta ci mutuncin SHAREEF in har suka koma gida, da ita yake zancen, ƙwafa kawai tayi bata sake yi wa Maryamu maganar ba, sai ma bayan Dady ya fita ta saka ta tayi wanka ta kimtsa jikinta,
Likita bai daɗe ba ma ya zo ya basu sallama tunda jikin nata da sauƙi,
Sai suka haɗa kayan su suka wuce gida tare da Dady da ya dawo daukar su; since Sadiq yana school tun safe da ya zo duba Maryamu ya wuce

Koda suka koma gida magani Momy ta bata ta sha bayan ta ci abinci, tace mata, "ta je ɗaki ta kwanta ta huta."

Bayan ta tafi suka zauna a Falon suna tunanin matakin da zasu ɗauka

"Yanzu Alhaji ya kake ganin za a yi da SHAREEF?"

"Bari in kira sa a waya."
Ya sa hannu ya ciro wayan daga aljihun sa yana lalubo numban SHAREEF, ring take yi but bai ɗaga ba har ta tsinke

Momy kuma sai kaɗa ƙafa take yi kamar zata ƙwace wayan don takaici, sosai tayi fushi da SHAREEF ɗin don wlh sai ta nuna mishi kuskuren sa, bai taɓa ganin ɓacin ranta ba a wannan karon zai gani in har bazai bi abun da suke so ba, ba a haifi Yaron da zai gagare su ba, SHAREEF har nawa yake da zai riƙa juya su?
Miƙewa tayi ta bar wurin ta shiga kichen domin nema musu abun da zasu ci, tana ɗan kaye-kayen ta can ta ji kamar Dadyn ya gama wayan, sai ta koma ta tambaye sa, "ya ɗauki wayan?"

"Ya ɗauka, na ba shi umarnin zuwa yanzu zai zo."

"Gwara haka dai, domin gani nake yi SHAREEF yana son ya gagare mu, don Allah Alhaji kar kayi mishi da sauƙi, Ni fa bazan taɓa bari SHAREEF ya auri wannan yarinyar da ko da ganinta ka san bata da tarbiyya ba, har yaushe yayi wayon da zamu nuna masa abun da ya dace dashi; amma ya ƙetare mana? Ruɗin duniya ya soma rufe masa ido, irin waɗannan Matan kawai yake iya hango wa yana ganin su ne dai-dai da shi; sabida ya raina Maryam tunda ita ta taso a ƙauye, ya san me zata zama a nan gaba ne? Amma don shi munafiki ne har da zagaya wa ya neme ta. Wannan abun da me yayi kama? To da ace ba matarsa bace ya kenan Alhaji? Wlh raina ya ɓaci matuƙa, kuma zai zo ya same Ni sai na ci masa mutunci, ko kunya bai dashi."

"Duk da haka Deeja, mu bi komai a sannu don Allah, har yanzu SHAREEF Yaro ne, kin san Yaran zamani kuma ka haife su ne baka haifi halin su ba, tunda har SHAREEF yana da wacce yake so zai yi wuya ya ɗauki Maryam a matsayin Matarsa har yayi mana biyayya, tun farko bamu yi wannan tunanin ba; da Hanif zamu aura wa tunda shi ya fi shi sauƙin kai."

Rai a ɓace Momy tace, "dole mana ya fi shi sauƙin kai tunda ya fi shi tunani da hankali, kuma in har wannan yarinyar ce ai gwara babu da ita, don wlh bazai aure ta ba ko me zai yi, mu muka haifi SHAREEF ba shi ya haife mu ba, Maryam dole ya zauna da ita tunda har ya iya ɗirka mata ciki dan Uban shi, Ni bari in je kichen na bar abu a wuta, ina jiransa zai dawo ya same mu."
Ta juya ta wuce cikin kichen bata saurari Dady ba

Shi kuma girgiza kansa yayi yana mamakin zafi irin na Momy, ɗaukar remote yayi ya kunna TV yana neman tashan da zai kalla

Almost 20 minutes before suka ji shigowar Motan SHAREEF, daga baya sai ga shi ya shigo cikin falon fuskarsa a haɗe har yanzu da ɗan kumburin a saman fuskarsa, shigowa yayi yana ɗan motsa bakin sa alamun yayi sallama

While Dady tunda yayi masa kallo ɗaya ya ɗauke kansa, har sai da ya ƙariso wurin sa before ya kalle sa yace, "ka tsaya min ƙerere ka zauna mana zamu yi magana."

Zama yayi a saman kujerar kansa a ƙasa bai ɗago ba

Shi kuma Dady yayi banza dashi yana ci gaba da kallonsa

Sai daga baya Momy ta fito itama tunda ta ga SHAREEF ɗin zaune ta haɗe fuska, ta taho tana zama tare da ninyar yin magana

Sai Dady ya katse ta da furta, "Momyn Yara ina fruits ɗin da nace ki yanka min?"

Ta sha'afa sabida Allah - Allah take yi ta fito ta samu SHAREEF, shiyasa ta manta dasu bata ɗauka ba, "wlh na manta Alhaji, ɓacin ran da Yaron nan ya saka min na manta ban taho da shi ba."
Sai ta mike ta shiga kichen ɗauko wa

While Dady ya dubi SHAREEF yace, "ashe SHAREEF akwai ranan da zamu nemi alfarma a wurin ka ka kasa mana? Mu aura maka yarinya amma ka nuna mana bamu isa ba dole sai kayi yaƙi damu? Ko wasu suka yi maka wannan kyautar ba Iyayenka ba zaka iya watsa musu ƙasa a ido? Mu mu Iyayenka?" Ya ƙare maganar yana nuna kansa da yatsa, sai ya jinjina kansa yana jan numfashi

SHAREEF kuma yana sauraron sa but kansa a ƙasa ya kasa cewa komai

A sa'ilin Momy ta dawo ɗauke da tray ta ajiye a saman Centre table tana matso mishi dashi

"To abun da kayi yayi maka kyau, amma ka san da sani Maryam ƴar uwanka ce kuma Matarka, wlh summa tallahi babu mai raba auren nan naku dole ne ka zauna da ita ko kana so; ko ba ka so, kayi kaɗan mu zaɓa maka abu ka ƙetare mana, muna ganin abun da ya dace da kai tunda kai Yaro ne, amma nema kake yi ka nuna mana ka fi mu wayon ko? Bamu san me ya kamata da kai ba ko?"

"Alhaji ai wlh kai ka zauna kana masa magana cikin sanyin rai, kuma don kai fitsarrare ne yarinyar da ka nuna ba ƙaunarta kake yi ba; ba ka sonta amma don kinibibi ka zagaya kana neman ta har kayi mata ciki, kuma kake tunanin zaka iya tsere wa auren ta? Ai baka isa ba SHAREEF, kayi kaɗan don Ubanka, Maryam dole sai ka zauna da ita tunda ka nuna tana da amfani a wurinka har ka iya zuwa ka biya bukatar ka a wurin ta."

Cikin tashin hankali SHAREEF ya ɗago yana duban Momyn wacce take tsitsiya mishi tsiya cikin fushi da ɗaga murya, kwata-kwata bai gama fahimtar maganar nata ba don ya kasa gane cikin da take cewa yayi mata, bakin sa na rawa yake cewa, "Momy ciki kuma?"

"Ciki fa, ko zaka ce ba kai kayi bane? Ko kuma don ka ɗauki Maryam ɗin ƴar ƙauye bata da wayon da zata nuna ka tace kai kayi mata cikin ne? Ai Allah ya kama ka tunda ga shi har da result ka samu, sai ka shirya zama da ita har ƙarshen rayuwarka, ba kai ba yarinyar nan mara tarbiyya wacce basu san darajar kansu ba, ita wannan ɗin da ka tsana ita ce dole ka zauna da ita."

Da sauri ya miƙe kan ƙafafunsa duk da wani irin jirin da ke mamayan sa, cikin tsananin damuwa da tashin hankalin da ya bayyana a kan fuskarsa da still yana ɓarin laɓɓa yake cewa, "wai Momy taya ya zaku ce nayi mata ciki? Ni... Ni ne zan yi wa yarinyar nan ciki? Ta ina nayi mata cikin? Wlh ƙarya take min sharri ne bazan taɓa iya haɗa shimfiɗa da ƙasƙantacciyar yarinyar nan ba, never..."

Mari Momy ta kwaɗa masa don tsananin fushi da takaicin maganar nasa, "dan Ubanka ƙarya zata yi maka? Ko kuma Cikin da Likita ya faɗa mana karya ne ba gaske ne ba? SHAREEF kana cikin hayyacin ka kuwa mu kake son ka wulaƙanta?"

"Momy wlh ban yi mata ciki ba, Ni ban yi mata ciki ba." Ya furta hawaye na tsiyayan mishi riƙe da kuncin sa

Takaicin sa yasa Momy ta kasa magana sai kallonsa take yi kamar zata shaƙe sa, tana masa kallon mara hankali da tunani

Shi kansa Dady mamakin SHAREEF ɗin ne ya cika sa, "to idan ba kai kayi mata cikin ba waye yayi mata? Zata yi maka ƙarya ne?" Dady ya furta a ɗan hassale yana bin sa da idanu

Sai kawai SHAREEF ya fashe da kuka sabida ya kasa jure abun da ke faruwa, taya ya zai yi mata ciki yarinyar da ya tsana? Ta ina yayi mata cikin? Kawai gani yake yi suna son ɗaura masa wannan sharrin don kawai ya zauna da ita, wlh bazai taɓa zama da ita ba, ko me zai faru sai dai ya faru ba ya sonta bazai zauna da ita ba, wace ce ita da ta isa tayi mishi wannan sharrin? Sai ya karya ta ya kashe shegiya muddin ta shigo hannunsa.
[22/02, 8:57 am] OumƊahirah نفيسة: 🌱🌱🌱🌱🌱

          *SHAREEF*
               _SexyBoy_
🌱🌱🌱🌱🌱


_Writer: Nafisat Isma'il Lawal_
_Wattpad: UmmuDahirah_

*SARAUNIYAR TSOKANAR PERFECT🧝*



*PERFECT WRITER'S ASSOCIATION* 🌞

```( WE AIN'T PERFECT, BUT WE'RE ALWAYS TRYING OUR BEST TO MOTIVATED AND ENTERTAIN OUR REDERS💪)```

/https://www.facebook.com/Perfect-writers-association-100452275039839/

       *P.W.A✍️*





*DATA SHARE*

Call, message or whatsap 07065334256

*MTN*
500MB 150
1gb 280
2gb. 560
3gb. 840
4gb. 1120
5gb 1400
6gb. 1700
Verlid for 30 days.












__________
*BOOK1*
_______________*FREE PAGE38*
_____"Wlh ko kukan jini zaka yi SHAREEF sai ka amshi cikin nan a matsayin naka, kana son ka nuna mana bamu san me muke yi ba ne? Kuma yarinyar zata yi maka ƙarya ne? ko kuwa Maryam tana da wayon da har wani zai yi mata ciki sannan ta laƙaba maka ne? To ka canza tunani da dabara, babu yanda za a yi Maryam tayi maka wannan mummunar sharrin, ai dama Likita ya faɗa kana buƙatar Mace a tare da kai, sai ga shi kayi amfani da damar ka ka shiga ka titsiye yarinya ka biya baƙatun ka; sai ya zamana Allah ba azzalumin Bawan sa bane ya nuna maka Iyakan ka, sannan ita ɗin Matarka ce, kai ko ba Matarka bace tunda har ka iya keta mata mutunci dole kai zaka aure ta, tarbiyyar da muka baka kenan ko SHAREEF?" Sai ta girgiza kanta tana jin zuciyarta na zafi musamman yanda ta ga yana kukan bilhaƙƙi da gaskiyar sa, sai ta daka masa tsawa tana furta, "zaka rufe mana baki ko kuwa? Uban wa kake yi wa kuka a nan?"

"Momy wlh bani nayi mata ciki ba, yarinyar nan sharri take min, yarinyar da na tsana..." Sai kuma yayi shiru yana haɗiye yawu tare da duƙar da kansa ya ci gaba da zubar da hawaye zuciyarsa kamar zata fashe

Momy koma wa tayi ta zauna tana kaɗa kafafu cike da tsananin takaici da haushin sa, ta rasa ma me zata ce don baƙin ciki, wai ga shi ƙiri-ƙiri abu ya bayyana yana ƙaryata su, ji take yi tamkar ta fashe da kuka; idanunta tuni sun kaɗa sun yi jazur

Fahimtar hakan yasa Dady ya dube ta yace, "Kinga Deeja, ki dena irin wannan fushin kina bari ranki yana ɓaci a kan abu ƙalilan, kin san dai kina da hawan jini bai kamata kina yin abun da zai tayar miki dashi ba."

Kamar jira take yi sai ga hawaye sun soma zubo mata, sai ta rufe fuskarta da tafukan hannunta tana jan shashsheƙa, kana kuma ta buɗe lokaci guda tana kallon wurin da SHAREEF yake, tare da nuna sa da yatsa tace, "Alhaji SHAREEF yake so ya nuna mana zai gagare mu, a kan abun da bai fi ƙarfin shi yayi mana ba, ashe akwai ranan da SHAREEF zai iya bijire mana? Ashe yana mana kallon da bamu kai ba bamu isa dashi ba?..."

"Khadijah na ce ki yi shiru ko, yanzu wannan hawayen da kike zubar masa ba ki san tamkar baki bane a gare sa, ba na so ki share hawayen ki nace." Yayi maganar cikin ɗaure fuska babu wasa a tare da shi,
"Kaima ka dena kukan nan na gaji da jin sa, kayi min shiru yanzun nan." Ya daka masa tsawa

Sanin halin Dadyn nasu bai iya fushi ba, shiyasa dukka suka bi umarnin sa,
Yayinda Falon ya ɗauki shiru kamar babu kowa

SHAREEF ya kasa tashi bare ya bar wurin sabida yanda jikinsa ke faman rawa tamkar zai haɗiye zuciya ya mutu don baƙin ciki da ƙuncin da ya cinkushe masa maƙogwaro. A kanta; a kanta komai yake faruwa, ita ce sila na son ruguza masa farin cikin sa, a kanta Iyayensa suna jifan sa da muggan kalamai, a kanta Mahaifiyarsa take zubar mishi da hawaye; wanda bai taɓa ganin hakan ta kasance ba, taya ya zai ƙaunace ta? Ba ya jin zai iya yafe mata har abada

Hango Maryamu da Dady yayi shiyasa yayi shiru bai yi maganar da yake son furta wa ba; yayinda yake kallonta cike da tsantsan mamaki gami da al'ajabi, har datse baki yayi wurin ƙoƙarin sa na furta sunan ta

Hakan ne yasa da sauri Momy ta juya itama tana kallon inda yake kallo, itama mamakin ne ya kusa kashe ta tayi saurin tashi a kan ƙafafunta

Sakamakon ganin Maryamun da suka yi cikin ta ya kumbura; tamkar na mai cikin wata bakwai, ita kanta hankalinta a tashe yake shiyasa ta fito a sukwane tana ƙoƙarin kiran sunan su; but harshenta ya karye ta kasa sarrafa shi, idanunta sun kaɗa sun yi jazur; sai kawai ta zube a wurin babu ko numfashi a tare da ita

"Innalillahi wa'inna ilaihi raji'un..! Maryam." Momy ta kira sunan ta hankali a tashe ta nufi wurin ta

Haka shima Dady jiki na ɓari ya take mata baya suka nufi inda ta zube

Shi SHAREEF tunda yayi musu duba ɗaya, ya ɗauke kansa ya miƙe yana jin jiri na barazanar ka dashi, haka ya riƙe kansa da ke tsananin sara mishi kamar zai cire, hanyar ɗakin sa ya nufa batare da ya bi ta kansu ko ya damu da ganin halin da yarinyar take ciki ba; cuz Allah -Allah yake yi ya bar wurin ma sabida tsananin baƙin ciki da tsanarta da ke taso masa, burin sa kawai ya gansa a ɗakin sa ko zai samu salama daga azabar da yake ciki

Su Momy tashin hankali bai sa sun kula da SHAREEF ba, halin da Maryamun take ciki ya ɗimauta su tare da saka musu wasi-wasin ganin yanda cikin nata ya kumbura yayi ƙato

Dady ne yayi ƙarfin halin furta, "matsa in ɗauke ta mu kaita saman kujera, da alamu akwai matsala; kina ganin cikin da nake gani a jikinta?"

Momy tace, "nima abun da nake gani kenan, tabbas akwai abun da ke faruwa Alhaji, yakamata mu kira Malam ya duba ta, sabida ka san ina zargin dama tun farko tana da mutanen ɓoye."

Ɗaukar ta yayi ya kaita saman dogon kujera ya shimfiɗa ta, har yanzu ba ta motsi tamkar gawa. Sai ya dauko wayansa yayi dealing Malamin da ke bata rubutu tana sha

A sa'ilin Sadiq ya shigo gidan ya tarar da su a wannan halin, hankalin sa shima a tashe yake kallon yanda cikin Maryamun ya kumbura, a rikice ya dubi Momy yana tambayarta, "what's going on?"

Kasa ba shi amsa tayi; sai neman wuri tayi ta zauna tana kallonsa idanunta jawur but ta ƙi ce masa komai

While Dady kuma da ke wayan; bayan ya gama ya kalli Sadiq da sauri yace masa, "Sadiq maza ajiye Jakar; ka tafi gidan Malam Abdu ka ɗauko sa yanzu yana jiran ka."

"To Dady." Ya amsa mishi yana ajiye Jakar kamar yanda ya ba shi umarni, ya fita da hanzari

Su kuma suka zauna zugum-zugum kowannen su yana cike da al'ajabin wannan al'amari, sun kasa ma ƙwaƙƙwaran motsi bare su suyi wata magana a tsakanin su, sai kallon Maryamun suke yi sun zuba mata ido sun yi jigum da tunanin abun da zai biyo baya.
***

        
_____After Malam Abdu ya zo, bayan ya zauna yake kallon Maryamu, kallo ɗaya da yayi mata ya gane tabbas tana fama da mutanen ɓoye ne, amma bai ce komai ba sai da ya tambayi Dady duk abun da ke faruwa

Nan ya sanar masa tun daga result da Likitan ya basu, har kawo yanzu daga fitowar ta suka ga cikin ta a haka, da kuma zargin da suke yi a kan ɗansu