You Cannot Download this book untill you login but you can read it .

---

Login Register

sai wajen telan su ta bashi wasu kayan kala talatin su atamfa, shadda, les da yadika masu matuƙar kyau bayan kananan kaya da ta jida mata da su doguwar riga, ya sanar dasu nan da sati zai kawo kayan ta bashi kuɗi suka tafi.
Haka rayuwa taci gaba da tafiya wa Amatullah cikin farinciki dan tuni ta mance baƙin cikin su Baffa Jibo sai dai duk kwanan duniya sai tayi kukan rashin iyayenta duk da bata bari iyalan gidan su ganta tana kuka, domin za suga kamar suna mata wani hali ne duk da ta ɓangaren Hajiya Balkisu da su Raudah tana samun tsangwama da kyara amma hakan baya damunta acewarta ƴan uwanta na jini ma sun mata abun da yafi haka kuma ta shanye balle su, hakan yasa duk abun da suke mata baya damunta, a wannan lokacin aka sanyata makarantar da su Zarah suke babban makaranta ce ta ƴaƴan manyan attajirai duk wanda ka gani a wannan makarantar to sunci sun take ne a masu kudin ma manyan su ne, duk da bata da takaddu amma anyi mata gwaji sannan Saif ya sake musu kuɗi hakan yasa ba wata wahala aka sanyata Level2 in da su Zarah suke dan dama a nan ta tsaya da zuwa makaranta.
  Haushi agun su Raudah kamar me ko da ta sanarwa Hajiya Balkisu sai da tayi ta sababi kamar bakinta zai fita Hajiya Fatima dai kanzil bata ce mata ba.
Yau ta kama Monday da wuri suka shirya su huɗu sunyi kyau sosai sai dai duk kyansu basu kamo Amatullah ba tayi kyau sosai cikin atamfa ɗinkin riga da siket Saif ne yau zai kaisu saboda driver baya nan tuni su Shamsiyya sun jima da fita har sun shiga motar da sallama suka ƙarasa gaba daya suka gaida Saif dake jingine jikin motar yana jiransu amsawa yayi cike da ƙaunar yan ƙannan nasa, cikin zolaya ya kalli Amatu yace

"Dafatan in kuka je yau baza ki sake ɓata irin na rannan ba?
Ranar da ta fara zuwa ne sunje masallaci ta fito ta nemi hanyar ta rasa kuma bata ga su Zarah ba maimakon ta yiwo waje sai ta ƙara wucewa ciki ga makarantar gari guda ce.

"Dariya tayi tana rufe fuskarta cike da kunya gaba daya suka sa dariya Ruky tace
'Yaya ai ranar ma saboda bata san hanya bane amma yanzu ai tasan ko ina"

"Yo dama ita ta sani matar da take ƙauye talakace tukuf bata taɓa zuwa dubai ba sai yanzu da Abba ya kaso mana ita ai dole tayi gidadanci ta kasa gane hanya"
Raudah ce dake daga cikin mota take jefowa Amatullah magana

Ran Saif ne ya ɓaci ya buɗe motar ya wanke Raudah da mari ya ƙara da cewa
"Shi talakan an faɗa miki banza ne da a ko da yaushe za kina fada masa duk maganar da tazo bakinki? wlh kikiyayeni dan naga kanki na mugun rawa kuma zan daidaita miki shi bana son iskancin kin nan"
Sannan ya juyo ga Amatu yace "Pls kiyi haƙuri kinji"
Murmushi kawai Amatullah tayi ta tuni lokacin da mahaifinta yana raye babu ƙasar da bata zagaya ba a faɗin duniyar nan sai dai ɗai-ɗai amma yau ita ake yiwa gori murmushi ta sake tare da girgiza kanta, Zarah ne ta kama hannunta suka isa bakin motar shamsiyya ta shiga sai Zarah ta kalli Amatullah tace
"Sis pls ki shiga gaba wajen zai mana matsi"
Jim tayi kaɗan sai kuma ta buɗe gaban ta shiga ya tada motar suka fice, har suka isa babu wanda ya ce da ɗan uwansa uffan.
5pm suka dawo a gajiya waka Amatullah tayi ta sa doguwar riga mai kawai ta shafa amma tayi kyau sosai falo ta fito domin su Zarah sun jima da fita abinci suka ci sannan Zarah ta jata suka nufi part ɗin Saif da Sallama suka shiga Nana dake zaune a falo cikin ado ta amsa musu cike da fara'a, zama sukayi suka gaisa cike da jin daɗin zuwansu tace
"Wlh kamar kunsan zaman shirun ya isheni ba abokin hira ga Yayanku sai 8 shi da ya dawo gidan nan tun ɗazu nake saƙe-saƙen na tafi part ɗinku amma na kasa dan kunyar Ammi nake ji da wannan ƙaton cikin.
Dariya Zarah tayi tace
   "Aunty meye kuma abun kunya nifa wlh cikin kin nan kyau yake min"

Ta faɗa tana rufe idonta Amatullah ne ta ɗaga mata dukan wasa tana faɗin
"Wlh Zarah baki da kunya a gaba na da gaban Aunty kike faɗin haka ko kunyar mu baki jiba.
  "Ah! toh faɗa mata dai Amatullah, cewar Aunty tana dariya.

Harara Zarah ta gallawa Amatu tace
    "Kaga ƴar rainin wayo ke zanji kunya? ashe ko na rasa wacce zanji kunya, Aunty kuma ai normal ne ta faɗa tana kanne mata ido ɗaya suka sa dariya gaba ɗaya.

✨✨✨✨✨✨✨✨✨✨✨

Mamaki ne ya kama Taufeek ganin a kwana ɗaya an gyara gidan ya zama tamkar sabo duk da dama ba wani abu yayi ba amma komai na gidan an sauya hatta penti yasan ba kowa zaiyi wannan aikin ba sai Papansa oh! wannan tsoho ya nace dai sai ya haɗani da wannan alaƙaƙan a haka ya wuce ɗaya part ɗin gidan, su Nabeeha kuma suka shiga Part ɗinta wanda ya ƙayatu da kayan more rayuwa su Aunty Maryam ƙanwar Sweetie sai santin gidan suke dan duk yadda kuka san haɗuwar gida wannan ya take su, in ka shiga gidan baza kaso ficewa ba, iskarsa ma ta musamman ce lol.
     A ɗaya daga cikin ɗakin saman suka sanyata basu wani jimaba suka juya tunda suka taho Nabeeha take kuka har yanzu kuka take kamar ranta zai fita sai yanzu take ƙara nadamar amincewa da tayi da wannan auren, gani take ta kawo kanta da kanta kabarin da za a binneta tunawa da tayi da nasihar Sweetie na duk lokacin da ta lula duniyar tunani tayi ƙoƙari tayi alwala tayi ta sallah domin korar duk wani tunani da Yazo zuciyarta, hakan yasha ta miƙe tana haɗa hanya dan wani irin yunwa da takeji rabonta da abinci tun jiya sai tea da tayi ta sha, Alwala tayi tazo ta gabatar da sallah sai da taji tana jin bacci sannan ta sallame, agogo ta duba ƙarfe 11;00pm kayan baccinta ta sanya ta kashe wuta ta kwanta duk da yunwar da take ji amma haka ta kulle idonta ko baccin zai zo amma yunwa ya hana hakan, kuka ta sanya na tausayin kanta dan tasan da a gida take Sweetie baza ta barta haka ba.
   Taufeeƙ dake ɗakin dake kusan nata har ya fara bacci cikin bacci yaji Papansa yana ƙara jaddada masa amanar da ya damƙa masa, da sauri ya miƙe ya sauƙo gadon a hankali ya fara tafiya direct ɗakin Nabeeha ya nufo kansa tsaye yana tafe yana totsan lips ɗinsa...

_Uhumm to gashi dai anyi aure ko me zai wakana a wannan gida oho!_

_Tofah me Taufeek zai je yayi a ɗakin Nabeeha?_

_Shin ko dai ya yarda da amaryar tasa ne?_

_In ko haka ne anya Nabeeha zata amince da shi?_

#Vote
#Comment
#Share
#Taufeeƙ

*ONE LOVE💞🤞🏻*
08132761212
. *TAUFEEK*

NA

*Hafsat A Garkuwa*

_On_
'''Wattpad='''
*MUM SEEYAMA*

*Episode 21&22*

*...*"Why? Papa taya zaka yanke min wannan hukuncin mai yasa zaka ɗaura alhakin kula da wacchar yarinyar a kaina mai yasa Papa? kasan bazan iya cikawa ba Papa bana son yarinyar nan na tsaneta Papa, wlh na tsaneta"
Ya faɗa tare da furzar da iska me zafi a bakinsa, da wannan ya ƙarasa ɗakin nata, buɗe ƙofar yayi ya shiga a hankali wuta ya kunna ya hangota chan tsakiyar gado sai mutstsikuku take hannunta riƙe da cikinta leɓen sa na ƙasa ya kamo yana cigaba da tsotsa kamar bazai yi magana ba sai da ya gama ƙare mata kallo chan cikin tsawa yace

"Are you okay?  ta jisa amma ko gezau batayi ba ta cigaba da juyinta tana riƙe da cikinta ransa ne ya ɓaci dan yasan sarai ta ji sa amma ta share shi ƙarasa shigowa ɗakin yayi cikin faɗa yake faɗin
"Dan ubanki ba magana nake miki ba wlh kika bari na hauro gadon nan na sameki na lahira sai ya fiki jin daɗi ban da amanarki da Papa ya damƙamin me zai dameni har inzo ina tambayarki, amma dan rainin hankali nayi magana kina jina amma kika min banza kega ƴar iska ko?

Nabeeha tunawa da tayi da halinsa yasa a hankali ta buɗe bakinta tace
"Yunwa nake ji Yaa Taufik sai kuma ta fashe da matsanancin kuka"

Iska ya kuma furzarwa tare da jan numfashi  domin ta sanya shi yayi magana bai ko kalli inda take ba ya juya yana faɗin mahaukaciyar banza, cikin harshen nasara.

Kitchen ɗin saman ya shiga ledar da ya ajiye wanda take shaƙe da kaji da kayan motsa baki ya ɗauka ya koma ɗakin yadda ya barta haka ya taddata ajiya mata ledar yayi ba ko kalli inda take ba bai kuma ce mata ƙala ba yasa kai ya fice abunsa, yana komawa ya kwanta yana maida numfashi tare da jin zuciyarsa wasai dan ya sauƙe nauyin da Papansa ya ɗaura masa.
Ta wani ɓangare na zuciyarsa kuma haushi da tsanarta yana ƙara addabar zuciyarsa, a haka bacci ya ɗaukesa
Yana fita daga ɗakin da sauri ta miƙe ta sauƙo ƙasa, ledar ta buɗe taci iya cinta tasha drinks taje ta wanke bakinta ta kwanta dan bata san ta inda zata mayar da abincin ba bata wani ɗau lokaci ba bacci ya ɗauketa
Asuba ta gari ango da amarya😹

Washegari ƙarfe goma ta tashi tun da tayi salla ta koma yanzu ma yunwa ce ya tada ta,  toilet ta shiga tayi wanka sannan ta fito ta shafa mai da powder da man baki, wani riga da wando mai laushi maroon wanda bai ɗameta sosai ba, ta yafa ɗan ƙaramin mayafi ta feshi jikinta sa turare ta fita, a hankali take bin ko ina na gidan da kallo, gidan ya mata kyau sai dai duk dube duban ta bata hango kitchen ga yunwa sai cinta yake, hakan yasa ta zauna a ɗaya kujerun dake falon ta zuba uban tagumi tare da lulawa duniyar tunani tana a haka taji ana faɗin
"Hajiya! Hajiya!! da sauri ta ɗago ganin wata wacce baza ta wuce sa'anninta ba rusine a gabanta in ka kalleta baza kace mai aiki bace dan cikin tsafta take sai dai I.D card ɗinta ne da zai bada shaidar hakan, gaisheta tayi sannan tace
"Hajiya sunana Larai nice me aikin gidan nan ni nake gyara falon nan, sannan kuma ni nake yiwa sauran ƴan aikin da jami'an tsaro girki.
"Masha Allah Larai nace ko zaki iya nuna min inda kitchen yake?

"Hajiya wani abun kike da buƙata naje na miki?

"A'a ki barshi kawai ki nuna min inda yake zanyi"
       Dan Allah Hajiya ki sanar min zan miki kar yallaɓo yazo yaga na bar matarsa tana aiki,
Dariya ma abun ya bawa Nabeeha dan ita tama mance da shi mekewa tayi tace to muje na tayaki, tare suka shiga kitchen ɗin indomie da chips da egg sukayi suna yi Larai na zuba mata zance dan macece mai surutun tsiya duk da Nabeeha ma ba baya ba amma yunwa ya hanata sakewa, basu ɗauki lokaci ba suka gama ta ɗibi nata ta zuwa Larai ma sannan  suka dawo falo duk da Larai taso ta tafi dan duk lokacin da ta gama aiki bata zama a falon
Saboda abunda Yallaɓon su ya sanar da ita kenan, sam Nabeeha taƙi barinta ta aikata hakan, suna kammalawa Larai ta tattare wajen sannan ta dawo hira taci gaba da mata sai dariya suke kamar zararru dan Larai ba dai labarin barkwanci ba, sai da aka ƙwalla ƙiran sallar azahar sannan ta tafi ita kuma ta haura sama toilet ta shiga tayi wanka ta ɗauro alwala,
mai ta shafa sannan ta zira rigar Sallarta ta gabatar da Sallah sannan ta shirya cikin atamfa doguwar riga ta yi simple makeup wayanta ta ɗauka da take ringing Samha ta gani cikin farin ciki ta ɗauka bayan sun gaisa ne take tambayarta Yaa Taufiq ɓata fuska tayi kamar Samhar tana ganinta tace
"Ina ruwana da wani Yaa Taufiq meye haɗina da shi?
Dariya Samha tayi sosai tace "gaskiya kam ba ruwan ki da shi, dan yanzu tasan tana faɗar wata magana yanzu zata iya fashe mata da kuka, hakan tasa tayi sauri ta miƙawa Huda tana gama gaisawa dasu Sweetie ta ƙirata sun jima suna wata a jere a jere tayi ya waya da ƴan gidan su tuni ta mance da a wani wuri take, dariya take ta zubawa me sauti saboda yadda Nazmar yake bata labari, sam Jawaad bai iya tsayawa sunyi doguwar hira ba, kamar daga sama taji yace

"Ke bana son hauka ba gidan mahaukata kike ba gidan masu halinki kike, kina magana cikin hankali"

A tsorace ta juya ta ganshi tsaye a bakin ƙofa fuskar nan tana nan yadda take kamar kullum
  Baki ta turo gaba tace "to ina ruwan ka da ni ai bani nace kazo min ɗaki ba bare kaji abun da nake, ta ƙarasa tare da murguɗa baki.
    A fusace yayi wo kanta bakinta ya kama ya murɗa wani ƙara ta sake saboda zafi da ya ziyarceta, a fusace yace

"Dan ubanki yaushe na fara wasa da ke?...
To bari kiji ni ba sa'anki bane wlh nafi ƙarfinki na miki fintin kau dan haka bani wayan naki, sai naga gobe da me zaki ƙira kina haukan, ya faɗa yana wacce wayar hannunta ya zira a aljihu ya wullata kan gado tare da zabga uban tsaki yabar ɗakin, ɗakinsa ya nufa dan dawowar sa kenan daga taron gaggawa da al ƙirasu yana shiga ya kashe wayar ya cillata cikin kwando wanka ya shiga ya ɗan jima sai da ya rage cikinsa sannan ya fito mai ya shafa ya sanya jallabiya ya feshe jikinsa da turare ya ɗauko kayan aikin sa ya fito falo, ba kowa a falon sai A.C da Tv da suke aikinsu zama yayi ya fara aikin dake gabansa wayasan sa ne ya fara ƙara kamar bazai ɗauka ba sai kuma chan yayi tsaki tare da ɗaukar wayan, sallama tayi daga ɗayan bangaren a hankali ya amsa yace "ya akayi?
  Cikin kissa tace
    "Haba Dear ya zaka ce haka bayan kai kace zaka ƙirani anjima ni kuma dama nasan ba ƙira za kayi ba shiyasa ni na ƙiraka, Dear me yasa kake min haka dan Allah? kasan dai ina sonka wlh bazan iya rayuwa babu kai  ba kuma…
 
"Dan Allah dakata Haseenah na dawo a gaji kuma hutawa nake son yi pls ki rabu dani na hutawa raina nace ki daina ƙirana ni zan ƙiraki duk lokacin da bukatar hakan ya taso kina dai jina ko?

Kamar za tayi kuka san ba haka taso ba tace
"Eh naji dear sorry bazan kuma ba, da kusa muke ai da na zo na maka tausa ina son…

Kit! ya kashe wayar batare da ya bari ta ƙarasa maganar ba...

_Ku taɓa ku lashe kayanku walle yadda bana samun comment a wajenku yadda nake so haka kuma baza ku samu yadda kuke so ba walle mu tafi a haka_🤷🏻‍♀️

#Vote
#Comment
#Share
#Taufeeƙ

*ONE LOVE💞🤞🏻*
08132761212
[5/15, 10:33 PM] Hafsat A garku: *TAUFEEK*

NA

*Hafsat A Garkuwa*

_On_
'''Wattpad='''
*MUM SEEYAMA*

*Episode 25&26*

*...* front seat ya buɗe mata kamar baza ta shiga ba sai da Zarah ta ɗan mintsine ta sannan ta shiga su kuma suka shiga back seat, cike da murna ya zagaya ya shiga driver seat yaja suka fice a makarantar
Raudah kunya duk ta rufeta ji tayi ina ma kasa zata tsaye da babu abun da zai hana ta shiga ta rufe da ita tsabar kunyan da take ji, Ruky ne ta yafa mata gyalen da ta cirewa Amatu sannan ta kama hannunta suka nufi inda motar gidan su take dan su Amatu suna fita shi kuma ya shigo murmushi kawai take zubawa dan ita kaɗai tasan abun da zata ƙulla musu, tuni Shamsiyya ta shiga suma shiga sukayi ganin drivern baya da niyar tafiya ne yasa cikin gadara Raudah tace
"Wai mai ya tsayar dakai haka ne ko mu bayin ka ne da zaka shanya mu?
Murmushi yayi dan ya jima sa sanin halinta juyowa yayi yana kallonta yace
"Kin san bazai yiwu na tafi na bar sauran ƴan uwanki a nan ba dole sai na jira sun fito.

  Dariya tayi sannan tace "ni bani da wasu ƴan uwa ga ƴar uwata nan My Ruky ta faɗa taba rungumar Ruky a jikinta tana dariya.
Girgiza kai kawai Shamsiyya yayi tace "kaga kawai mu tafi dan su sun tafi ƙila ma yanzu suna cikin gida.
Kallonta yayi yace "in muka tafi ba matsala ko?
"Eh ba matsalan komai ta bashi amsa.
Hakan yasa yaja motar suka wuce.

Wani katafaren eartry suka je wanda babu me zuwa sai ɗan wane da wane, zama sukayi su huɗu, sannan kowa aka kawo masa abun da yake so Amatullah samosa kawai tace a kawo mata sai drinks bata wani ci sosai ba saboda yadda Akunta ya zuba mata idanu suna kammalawa ya biya suka fice a wajen, mota suka shiga ya kalli Amatu dake gefen sa yace "ranki shi daɗi a wace anguwa suke, kamar baza tayi magana ba ta sanar dashi yaja motar suka tafi, suna tafiya yana zuba mata surutu but taƙi amsa masa sai Zarah ne da Kausar suka shiga cikin hirar, sun ɗan yi tafi sannan suka iso, mamaki ne ya kamasa ganin ƙofar gidan su abokinsa Saif suka iso, da mamaki ya jiyo yana faɗin "wai kuna nufin ku sister Saif ne.

Da mamaki Zarah take kallonsa tana faɗin "a ina kasan Yaya Saif?
Murmushi yayi yana faɗin ai aboki na nane tare mukayi karatu.

Da mamaki tace "to school din mu da kake zuwa fa, murmushi yayi sannan yace abun sirri ne tare da kanne mata ido ɗaya, horn yayi mai gadi ya wangale masa gate ya kutsa motarsa, yana gama parking Amatu kamar jira take ta fice fit! suma fitowa sukayi suna fadin mun gode Zarah tace
"Amma baka faɗa mana sunanka ba"
"Sunana Lamir ku gaida min da su Ammi wataran dai zan shigo a domin mu gaisa.
"Za taji suna shiga falo suka ga mutane cirko-cirko ana bazo musu ido

✨✨✨✨✨✨✨✨✨✨

Taufeeƙ yazo zai wuce ɗakinsa yaji abu ya faɗi dim! da sauri ya nufi ɗakin kwance ya ganta a ƙasa ganin ko motsi ba tayi yasan suma tayi dan shi kansa yasan wannan aikin ya mata yawa ganin ba sabawa tayi ba, ruwa me mugun sanyi yazo ya watsa mata tsabar mugunta, kamar an tsikareta ta miƙe, harara ya balla mata tare da faɗin
"Tsabar asaranci ɗan wannan aikin ne wai ya baki wahala har kika wani suma, tsabar sangarci,  mtsww yaja tsaki ya wuce a wajen.
Wani irin kuka ne yazo mata wanda bata tsammaci zuwansa ba, ji take zuciyarta kamar zata buga ji take baza ta juri wulaƙancinsa ba tun ba aje ko ina ba, ace amarya tun daren aurenta ta fara fuskantar wulaƙanci kuka taci sosai sannan ta miƙe a daddafe tayi bathroom ta haɗawa kanta ruwa me zafi tayi wanka hakan yasa ta ɗanji dama-dama, mai kawai ta shafa ta zira kayan bacci ta haura gado nan da nan baccin wahala ya ɗauketa.

  Tun daga wannan rana kullum cikin wannan aikin take na rana daban na dare daban, tuni ta ɗan sauya kana kallonta kasan tana aikin wahala,ga ta gefen sa da yake jifanta da muggan kalamai babu halin ramawa dan yanzu zai haɗa mata gajiya, dan akwai ranar da tayi hakan sai da ya fasa mata jiki da maruka, ta rasa wani irin tsana yake mata, ta kuma rasa me tayi masa yasa yake mata irin wannan tsanar, kuma san bata so ta sanarwa iyayensa halin da take ciki dan tasa za su iya samun matsala duba da yadda suke nuna mata ƙauna tamkar su suka haifeta, yau ma kamar kullum ta gama aiki ta gyara ko ina ta shige ɗaki tayi wanka ta sanya ƴar ƙaramar riga da ɗan wando dan sam bata son sa kayan da zai takura, sallama yayi ya shigo ɗakin a hankali ta amsa tana wasa da ƴan yatsunta, bai kalleta ba yace ki haɗa duk wani abu da kika san zaki buƙata sannan ki shirya ƙarfe bakwai ki fito kin jini dai ko?
"Eh naji Allah ya kai mu, ta faɗa muryarta a sanyaye fita yayi, a fili take faɗin
"To fa! ko ina zamuje oho gashi ba halin tambaya dan wannan fuskar nasa bazai bari ka tambaya ba, ko gida zai kai ni? Allah ma yasa gidan ne dan walle in na tafi bazan dawo kurkuku ba...

_Sanarwa! Sanarwa! Sanarwa!!_

*Ina sanar da masoya cewar zamu fara class na matsalolin ma'aurata tare da hanyar magance su, da kuma gyaran jiki da sirruka da dama sai dai fa gidan ba kunya za ayi bayani yadda kowa zai fahimta ina tabbatar miki ƴar uwa baza kiyi asarar kuɗin ki ba za mu fara ne da zaran mun shiga sabuwar shekara wato 1st January 2022… zaku iya fara biya tun daga wannan rana cikin farashi me sauƙin biya, domin ƙarin bayani ku tuntuɓi wannan number* 08132761212

_Kaɗan daga ciki_👇🏻
'''Akwai mata da yawa da basu san dadin saduwa, idan aka raba matanmu na arewa kashi ɗari da ƙyar zaka samu kashi sha biyar da zasu ce maka suna jin daɗin saduwar aure, wannan babban lamari ne sannan idan mukayi duba da hadisi da yake cewa. "Babu kunya a cikin addini, dole mu warware wannan matsalar bakin gwargwadon iyawar mu,
Da akwai dalilai da dama da kan sanya mace taji ita sam bata jin daɗi duk lokacin da mijinta ya kusance ta gashi kamar haka...'''
Insha Allahu zaku samu dalilai da kuma hanyan da zaku magance ta da kan ku hajiyata kar ki bari ayi babu ke a wannan tafiya😁

#Vote
#Comment
#Share
#Taufeeƙ

*ONE LOVE💞🤞🏻*
08132761212

*TAUFEEK*

NA

*Hafsat A Garkuwa*

_On_
'''Wattpad='''
*MUM SEEYAMA*

*Episode 23&24*

*...* Kamar daga sama suka ji yana cewa "lallai Zarah ban san baki da kunya ba sai yau, ashe kema fallalliya ce ban sani ba? ya faɗa yana riƙe da haɓansa tare da ƙarasowa cikin falon a hankali Nanah ta miƙe ta tari mijin nata tare da masa sannu da dawowa, da sauri ya riketa yana faɗin
"Baby ba na hanaki saurin tashi wajen tara na bane, bayan kinsan ga yadda kike zama da ƙyar tashi da dabara.
Murmushi Nanah tayi tace "haba Dear taya ka dawo kuma ina kallon ka bazan zo na tare ka ba ni kam gaskiya bazan iya ba kalan kaga wata ka auromin, ta ƙarashe maganar cikin sigar shagwaɓa.
Hannunsa ya ɗaura akan cikin da yayi wani uban tsini yace
"Ɗan Baka kaji dai abun da Momyn ka take faɗa ni dai bance zan ƙaro ba amma kullum maganarta kenam kayi mata faɗa ya ƙarasa maganar yana shafo mararta.
Da sauri ta buge hannunsa cikin raɗa tace "ka mance su Zarah suna wajen ne.
Zaro ido yayi dan gaba ɗaya ya mance a tare suka kalli indasu Zarah suke amma ba bu su ba alamar su, basu san tun lokacin da ya fara baɗin Baby ba na hanaki saurin tashi ba Zarah ta kama hannun Amatu suka gudu, tana godewa Allah da yasa ya mance shafinta ya koma shafin matarsa.
Murmushi Nanah tayi tace "kawai ka kunyatar ni gaban bayin Allah.
"To ai bani nace su zomin falo dai-dai lokacin da zan dawo ba ai gobe baza su sake ba, ya faɗa yana rungumarta a jikinsa.
Haka Amatullah taci gaba da rayuwa cike da farinciki, a school ɗinsu Allah ya zuba mata farin jini maza da mata hakan ya sake jawo ƙarin tsana a zuciyar su Raudah ne man hanyar da zasu kunyatata suke amma sun rasa yau Raudah tayi alƙawarin sai ta kunyata ya a idanun wanda suke kallonta da muhimmanci, zaune suke a gindin wata bishiya ta hango Amatu da Zarah da wata ƙarsu Kausar da sauri Raudah ta miƙe ta nufi inda suke tana zuwa ta wacce gyalen jikin Amatu tare da hankaɗeta da ƙarfin tsiya ta tafi luu! zata zube ƙasa kamar an jefoshi da hanzari ya tareta ta faɗi a kafaɗar shi ta lafe a jikinsa tana maida numfashi kamshin turarensa ne ya tuna tar da ita a inda take kuma sannan a jikin wani take da sauri ta miƙe yayi hanzarin fizo gyalen dake jikin Raudah ya yafawa Amatullah kallonsa tayi a hankali kyakykyawa ne ajin karshe bashi da tsayi sosai yana da haske amma ba sosai ba, fuskar nan nashi cike take da fara'a cikin cool voice tace
"Na gode fa sosai"
"Kar ki damu ai yiwa kaine amma shawaran