You Cannot Download this book untill you login but you can read it .

---

Login Register

shi ba saboda tsanar da yake mata amma kuma yanzu dolen ta ta haifa masa abun sa cikin dauriya ya ce
"Nabeeha….!
Da sauri ta katse sa ta hanyar ɗaga masa hannu alamar kar yace mata komai cikin kuka tace
"Yaa Taufeeq ka sani na sani ba sona kake ba taya zan haihu da kai? ya zama dole a yau kuma a yanzu a zubar da wannan cikin dan bazan taɓa iya haihuwa da kai ba kuma…
Cikin tsawa yace
"Ke! ashe baki da hankali nan sani ba? cikin nawa kike faɗar a zubar ɗana gudan jini na? to wlh in mafarki kike ki farka, dan ko da wasa wani abu ya samu cikin nan za kisha mamaki na a lokacin za ki ga asalin waye ni a lokacin za kiyi ladamar abun da kika aikata.
Wani irin kuka ta fashe da shir ta miƙe tana bubbuga ƙafa kamar ƙaramar yarinya da hasken gaske take faɗin
"Wlh ni kam bana son cikin nan sai na zubar da shi, ni dai bazan haihu da kao ba.
Ganin fa da gaske take ne yasa da sauri ya kamota don kar ta masa asara yana ji yana gani dan wannan buga ƙafar da take in tazo da tsautsayi sai cikin ya iya zubewa, haɗata da jikinsa yayi yana ɗan bubbuga bayanta alamun rarrashi cikin sanyin murya yace
"Wa ya faɗa miki bana sonki? duk wanda ya faɗa miki ya miki ƙarya, Ƴar tsana baby ni kaina ban san a yaushe ne na fara sonki ba amma ina miki wani irin so da baki na bazai iya furta shi ba kin kasance Macen da murmushinta ke haska duhun dare, macen da sautin muryarta ke sanya nutsuwa a zuciyata kin samar da farin-ciki a cikin zuciyata, kin zamo ɗaya tilo da babu kamar ta a cikin duniyata, kece kika kaini duniyar da ban taɓa tsammanin zuwanta ba gashi a yau kin bani babban kyautar da ban san da me zan biya ki ba, wannan zancen da nake miki daga cikin zuciyata take fitowa.
Ya faɗa yana me hura mata iska a wuyanta
Nabeeha tun da ya fara magana taji wani irin daɗi da shauƙi suna huɗa ƙasusuwanta suna shiga sai taji ta a wata duniya ta daban cikin gajimare tuni ta mance ɓacin dan da take ciki wani irin farin ciki maras misaltuwa ne ke ziyartar zuciyarta a hankali ta ɗago tace
"Abwaan wai da gaske kake kana sona?
Ƙayataccen murmushi ya mata tare da kama kumatun ya ɗan ja tare da faɗin
"Ai dole na so Ƴar tsana babyna ko dan shagwaɓanta da madarar da take ba ni.
Dariya tayi tare da rufe fuskanta alamun kunya tace
"Tabbas ba kowa bane ake faɗa wa sirrin zuciya sai mai cikar matsayi da cancanta kuma wanda ya dace, babu komai a cikin tawa zuciyar nima sai kai.
Hannunta ya kama wanda ta rufe fuskanta ya janye tare da faɗin
"Ashe dai Ƴar tsana babyna ta iya soyayya kamar kin san ko irin macen da nake fatan samu kenan.
Ya faɗa tare da hura mata iskar bakinsa akan fuskarta.
Da sauri ta buɗe ido cike da mamaki wai yau Abwaan ɗin ta ne suke hira da shi ba tare da ya haɗe mata fuska ba, ta wani ɓangaren kuma son sa da ƙaunarsa ne ke ƙara shiga zuciyarta.
A hankali tace 
"Abwaan yunwa nake ji!
Kallonta yayi yace 
"Sorry bari yanzu za mu wuce dan dama jira nake drip ɗin ya ƙare sai mu tafi za ki iya tafi ko na ɗagaki?
Da sauri ta rufe fuskanta tana dariya tace
"A'a zan iya mu je!
Tare suka jero yana riƙe da hannunta suka har harabar asibitin Osim yana ganin fitowarsu yazo yana gai dasu tare da yi mata sannu backseat suka shiga basu wani yi tafiya ba suka iso san basu da wani nisa,sai da ya sanar wa da Osim ya musu order sannan ya rike hannunta suka tafi, suna shiga ta zauna a kujera tana maida numfashi dan yunwa take ji sosai kamar taci babu kallonta yayi cike da kulawa yace
"Me yake damunki?
Cikin shagwaɓa tace "to ba yunwa nake ji ba.
"Baki ga na sa Osim ya kawo mana ba wannan Babyn ya gano Oum ɗinsa kenan, ya faɗa cike da zolaya
Kamar za tayi kuka tace
"Babu wani ai ni bana ci da yawa kawai shi yake sani ci.
Zai bata amsa sukaji ana danka bell tashi yayi ya bude Osim ne ya risina ya miƙa masa ya rufe ƙofar ya juyo, ajiye mata yayi yace 
"To gashi acici kar dai a cinye bari na watsa ruwa na zo.
Da "tom ta amsa masa tare da sauƙowa ta fara ci...
[5/15, 10:34 PM] Hafsat A garku: *TAUFEEK*
NA
*Hafsat A Garkuwa*
_On_
'''Wattpad='''
*MUM SEEYAMA*
*Episode 45&46*
… Juyi yake ta yi akan kujeran dake office ɗinsa idonsa a lumshe ba dan yana jin bacci ba sai dan tsananin ɓacin ran da ke addabar zuciyarsa tun lokacin da ya baro Amaa da Lamir gaba ɗaya ya rasa nutsuwarsa sai yanzu yaji da ma ya korata gida sai dai duk abun da zai faru ya faru, iska ya furzar a bakinsa me zafi ya miƙe  yanufi freezer ruwa ya ɗauko me matuƙar sanyi ya sanya a bakinsa sai da ya sha fiye da rabi sannan ya ajiye, ya ɗan ji zuciyarsa tayi sanyi kaɗan ba ta sake gaba ɗaya.
Amaa kuwa tun da ta hangi Yaa Saif ji tayi kamar ƙasa ta tsage ta shige take ji tsabar kunyarsa da take ji har lokacin da ya bar wajen da sauri tayi sallama da Lamir bata jira amsar sa ba tayi cikin gidan da sauri hada haɗawa da gudu murmushi Lamir yayi kawai ya shiga motansa ya tafi cike da farin ciki.
Tun daga wannan ranar kullum Lamir sai yazo Abba ne ya mata magana akan in tana son shi ya turo magabatansa duk da Baban Lamir abokin Abba amma bazai yi abu gaba gaɗi ba.
Tana sanar da shi kuwa cikin kwana biyu suka iso aka kammala magana aka tsaida biki nan da wata biyar tare da na Zarah za ayi tun da Mom taji ta kasa zaune ta kasa tsaye hanyar da zata warware auren ya koma kan ƴarta ko kuma a fasa gaba ɗaya kawai take nema a ƙarshe ta samu mafita guda ɗaya ai cike da ɗoki da farinciki ta shirya tare da Raudah suka nufi gidan su Lamir.
Saif kuwa da yaji haka gadan gadan ya nufo Abba cike da damu yana zuwa ya samu Abba zauna a falonsa bayan sun gaisa yace 
"Abba bai kamata a aurar da Amaa tun yanzu ba kar ka manta 'fa karatu take yi sannan ya kamata a san wani nata ko guda ɗaya ne kuma…
Da sauri Abba ya dakatar dashi tare da ɗaga masa hannu yana murmushi dan tun ba yau ba ya gama gane take-taken ɗan nasa 
"Saif ka mance me Amaa ta faɗa mana ne bata da kowa 'fa haka zalika in ban aurar da ita ba me zan mata karatu kuma ko a gidanta zata iya ƙarasasu dan haka ka bar wannan maganar kawai da addu'a za mu bi su gaba ɗaya Allah ya basu zaman lafiya.
Jiki a sanyaye ya baro part ɗin Abbansu gate ya nufa domin bazai iya zuwa wa Nana a haka ba dan dama ta kasa gane kansa a ƴan kwanakin nan gaba ɗaya ta tada hankalinta, bata san hankalin yafi tashi fiye da nasa ba shirye kansa bai san meke damunsa sa amma san baya ƙaunar yaga Amaa tare da wani wa namiji ji yake kamar zuciyarsa za ta caso daga ƙirjinsa.
Suna isa a falo suka tarar da mahaifiyar Lamir babbar macece kamar Ammy cikin shiga ta alfarma da fara'a ta karɓesu duk da basa wani shiri da Mom sun fi shiri da Ammy bayan sun gaisa ne Mom ta kalli Hajira Rabi cike da gulma da munafunci tace
"Hajiya Rabi kin san ko me yake tafe da ni?
"A'a sai kin faɗa Hajiya Balki!
"Uhum gani nayi Hajiya Rabi kuna ƙoƙarin faɗawa halaka
"Subhanallahi Halaka kuma Hajiya Balki?
Hajiya Rabi ta faɗa cike da mamaki.
"Eh mana halaka mana kina ji kina gani za kisa yaronki ya auri ƴar tsuntuwa wacce ba a san danginta ba wa ya sani ma ko cikin shege akayi aka haifeta.
Ciki da ƙosawa da maganar Hajiya Rabi tace 
"Wani irin magana kike Hajiya Balki nan 'fa gane inda maganarki ta dosa ba.
"Yo taya zaki gane tun da an rufe miki ance miki Yarinyar da Lamir zai aura Ƴar Fatima ce,ti bari kiji ba ƴar kowa bace wannan tsintacciya ce, Abbansu ne ya tsintota a chan wani gari ya kawo mana ita wlh ni har yanzu ban gama aminta da ita ba kina kallonta ma za kiga zubinta na karuwa kuma aj tambayeta danginta tace bata da kowa, taya za ayi ace baka da kowa a duniya sai kace daga sama ka faɗo ba haifarka akai ba.
Ciki da mamaki Hajiya Rabi take kallonta tace "Kina nufin yarinyar nan Amatullah ba ɗiyar Hajiya Fatima bace shine Alhaji yace min ɗiyarta ce?
Ganin Hajiya Rabi ta fara ɗaukar maganan ne Mom ta gyara zama ta inda take shiga ba ta nan take fita ba duk wani maganar da tasan zata ruguza auren sai da ta faɗawa Hajiya Rabi ta ƙara da cewa
"In banda yarinta ma irin na Lamir ga yara a gidan masu asali irin na su Raudah ya zaɓi ɗaya a cikin su mana.
Ta faɗa tana nuna Raudah da take ta yauƙi kamar wata karkashi.
Hajiya Rabi tace 
"Na gode sosai Hajiya Balki Allah ya saka miki da alheri in sha Allah in dai haka maganarki take auren nan babu shi anyi an gama wlh ni duk ɗauka na a cikin yaran Hajiya Fatima ne tunda yaranta biyu ƴan mata.
A haka Hajiya Balki suka yi sallama ranta fes ganin haƙarta zai cimma ruwa, cikin raɗa tace "dan Allah Hajiya kar kice nice na faɗa miki.ta amsa mata da to kawai.


★ ★ ★ ★ ★ ★ ★ ★ ★ ★ ★
"Shegiya mayya kawai ya faɗa a hankali dan bai son Nabeeha ta ji da mamaki take kallonsa dan ta jisa sarai tace
"Abwaan ka santa ne?
Da sauri ya ɗago ya kalleta san ba ɗabi'arsa ce ƙarya ba hakan yasa a hankali yace
"Eh na santa sunanta Haseenah.
Ya faɗa a taƙaice taɓe baki kawai tayi a haka Haseenah ta iso wajen tana wani yauƙi da karairaya tace
"Pls ki ɗan ba mu waje za mu ɗanyi magana.
Kallonta Nabeeha tayi har za tayi magana sai kuma kawai ta maida maganar tata ta wuce ta basu waje motar da aka zo ɗaukarsu ta shiga ta yima direban magana a fusace tace
"Malam wuce ka kai ni gida.
Da mamaki diraban ya juyo yana faɗin "Yallaɓan fa?
"In ka kaini sai ka dawo ka ɗauke shi ko ya shiga motar masu jiniyoyin chan ai nasa.
Bai mata musu ba yana suka bar wajen tana jin zuciyarta kamar zata fashe dan baƙin ciki

Taufeeq cike da mamaki yake kallon Nabeeha gaba ɗaya ransa yaji ya ɓaci wato ita bata son da za ta barwa wata shi dole ya tsaya tunda wacce yake karewa kansa ba ta damu da shi ba,tsayawan da yayi bai sai ya sakewa Haseenah na cikin ɓacin rai

"Uwar me zan miki da za kizo cikin jama'a kina ƙwallamin ƙira? bance duk inda kika ganni matuƙar bani na buƙaci zuwanki ba kar kizo inda nake? ke wacce kalar jarababbiya ce wawiya kawai.

Tunda ya fara maganar take ƙwalla dan Allah ya ɗora mata son Taufeeq tun suna school ita kanta bayin kanta bane cikin kuka tace

"Dan Allah kayi hakuri na ganka ne sai kuma na kasa nutsur da kaina har yasa na maka magana amma pls Dear ka jiƙaina ka amshi muradina.

Wani banzan kallo ya mata ganin ƴan jarida suna shirin taruwa ne yasa yayi saurin barin ta a wajen ya nufi mota tana tsaye tana kuka har suka wuce.

A falo ya tadda Nabeeha idanunta nan yayi ja kana kallonta za ka gane taci kuka har ta gaji murmushi yayi ya zauna a kusa da ita tare da kamo hannunta ya sanya a bakinsa yana hura mata iskar bakin cikin yatsunta

"Baby shine kika taho kika bar mata ni ko wato in ma gwaɗani za tayi ke ba ruwanki ko? duk irin nuna miki son da nake miki amma kin kasa yarda da hakan me yasa bakya kishi na Baby? Ya faɗa cike da zolaya.

Harara ta galla masa ta yadda bazai ganta ba amma bata san ya gantan ba a zuciyarta tace

"In da kasan me naji a lokacin baza ka faɗi haka ba. A fili kuwa tace

"To ni ina ruwana da kai me ya shafeni da kai da zanyi kishinka?

Dariya yayi tare da lakutan hancinta ya ɗagata yana faɗin

"Eh naji bakya kishina tashi muje muyi wanka mu huta gajiya.

Ba musu ta miƙe suka shiga ko ina fes dan a kullum sai Larai tazo ta gyara wanka sukayi a tare suka fito tare da ɗauro alwala suka rama sallan da ake binsu kwanciya sukayi rungume da juna duk da tana jin yunwa amma baza ta iya cin komai ba saboda ɓacin ran da take ji dan har yanzu zuciyarta batayi sanyi ba wani kishinsa ne yake ƙara nunkuwa a zuciyarta sai yanzu take nadamar barin su a wajen har ya fara bacci yaji tana faɗin

"Meye haɗin ka da wannan karuwar?

Yi yayi kamar bai jita ba sai kawai yaji ta fashe da kuka da sauri ya ɗagota yana faɗin

"Haba Baby me yasa za ki wahalar min da kanki wajen zubar da hawayenki ki da kika ce bakya kishina me zai dameki?

Turo baki tayi tace

"Ko ma dai miye ai ni matarka ce ya kamata nasan wace ita.

"To naji ki kwanta ki huta in muka tashi zan faɗami miki pls ya faɗa yana shafo cikinta yana jin sonta da kuma ƙaunar abun da zata haifa masa, in ya tuma ya kusa zama Baba ji yake kamar yafi kowa farin ciki a duniya dan yana matuƙar son Ƴaƴa balle kuma ace daga tsatsonsa ya fito, a haka ya samu tayi bacci. *Pls kuyi haƙuri da wannan kuyi manage soyayyar da kuke nunamin ne yasa na ɗan muku wannan ina ƙaunarku my fan's*

#Vote
#Comment
#Share
#Taufeeƙ

*ONE LOVE💞🤞🏻*
08132761212


*TAUFEEK*
NA
*Hafsat A Garkuwa*


*Episode 47&48*
… Zaune take a falo gaba ɗaya tunda suka haɗuwa da Haseena ranta baya mata daɗi duk da ya sanar da ita basu da wata alaƙa da ita amma taƙi amincewa gani take kamar kawai ƙarya ya mata, "in ƙaryar yayi miki ma ina ruwan ki tunda ba son shi kike ba? wata zuciyar ta tambayeta haka, fashewa tayi da kuka ko za taji sanyi a zuciyarta, da sauri ya fito daga kitchen jin kukanta kallonta yake da mamaki sai kuma ya zauna a musanta tare da sanyata a cikinsa jin haka ta ƙara sake wani kukan cike da damuwa yace 
"Dan Allah Baby kiyi haƙuri duk da nasan bazai wuce akan Haseena kike wannan kukan ba na 'fa sanar dake bani da wata alaƙa da ita kin san dai kuma bazan miki ƙarya ba ki daina wannan kukan ko dan saboda abun da ke cikin ki kinji!
Ya faɗa da alamun rarrashi turo baki tayi tare da harararshi dariya yayi yace
"Oh Ƴar tsana Baby ashe dai ana so ana kaiwa kasuwa ne haka kike da kishi?
Dariya tayi tare da rufe fuskanta da tafukan hannunta tana dariyar ƙasa-ƙasa shima dariyar yayi.
Bayan sun dawo da sati ɗaya ne ya fara fita office tun da ya fara fita yake jinsa wani irin kasancewar Nabeeha bata tare sa shi gaba ɗaya tunaninta ya hanada sukuni shi kansa mamakin sauyawarsa yakeyi wai a yau macen da nafi tsana a duniya ita nake mutuwar so har in bana tare da ita na kasa sukuni wai anya kuwa a da ɗin ma tsanarta nake kuwa ba sonta ne ya jawo tsanar ba? ya tambayi kansa shiyasa ba a son ɗan adam ya dinga fariya ya kuma tsauwala akan baya son mutum domin Allah zai iya jarabtarsa da wani irin so gashi a yau shima Allah ya masa wannan jarabtar dan yana jin Nabeeha a zuciyarsa ba ɗan kaɗan ba musamman in ya tuna da gudan jikinsa da ke jikinta sai ya jisa wani daban,ita kansa Nabeeha tana tsananin son mijinta matuƙar tare da wani irin kishin sa tayi alƙawari za ta fashi duk wani irin kulawar da yake buƙata tare da shimfiɗa nagartacciyar soyayya me cike da farin ciki tare da kafa tarihi cikin jadawalin soyayya, Larai taji dariya da taga Nabeeha sai da ta tuna mata da cewa da tayi ita da Abuja sai sai hanya ta biyo da ita, Nabeeha ma tayi dariya sai yanzu ta tuna da wautar da take yi a baya ta basu tsarabar su tana nan ajiye sa na su Sweetie da masoyinta Ka'aaf.
Tsaye take a kitchen ta rasa me za tayiwa Abwaan ɗinta dan sam ta gaji da sayo musu da yake bacin ita ma ta iya hakan yasa yau tace gwara ta fara musu kawai shima kuɗin sa ya huta dirty rice tace za ta musu hakan ko a kayi gashi kamar haka
Bayan ta tanadi su 
1. Niƙaƙƙen nama
2.Oil
3.Green pepper
4.Albasa, tafarnuwa
5.Rice
6.Spices
7.Salt, maggi
8.Tarugu
  Sai ta ɗaura non stick pot a wuta da ya fata zafi ta zuwa niƙaƙƙen namanya ta zuba mai ɗan kaɗan ta soya shi, sai ta zuba yankakken green pepper ɗinta da niƙaƙƙen tarugu, taci gaba da juyawa har sai da ya koma brown, sannan ta zuba albasarta wadatacce sannan ta zuba spices ɗinta wadda take da shi ta sanyi su maggi da gishiri sai ta ɗan rage wuta, sai ta ɗauko shinkafa ta juye a ciki ta ɗauko ruwan namanta da ta adana ta juye a ciki tana ruwan daɗai wanda zai dafa mata shikafarta ta rufe shi.
Ta haɗa musu lemon kwakwa ta sanya a freezer sannan ta duba dirty rice ɗinta da take ta buga ƙamshi ta samu ta nuna ta ɗauko foodflks me matuƙar kyau ta juye ta gyara ko ita daga kitchen har falo da ɗaukunansu. sannan ta kunna turare dana tsinke tuni gidan ya gauraye da ƙamshi ta nufi ɗakinta tayi wanka ko ina na lungu da saƙo na jikinta sai da ta wanke cike da shaƙi da begen mijinta take komai bayan ta fito ta tsane jikinta ta zauna gaban madubi ta shafa lotion tare da tsantsara kwalliya kao kace wani taro za taje ƙananan kaya ta ɗauko riga da wanda rigan bata iso cibiyarta ba fara ce sol storn ne jere a gaban rigar sai walwali take hannun ta ɗan gajere ne sai wandon da kaɗan ya wuce gwiwa pink ne me ratsin fari tufke gashin kanta tayi bayan ta mulke jikinta da humra sannan ta feshe jikinta da turare masu matuƙar ƙamshi flat ɗin takalmi tasa fari sanya ɗan kunne pink sai ta fito a ƴar tsana Babynta sak ƙarfe biyar ta sauƙo ƙasa taje ta cire key ɗin da ke jikin ƙofar dan ta shiryawa wannan rana a yau tayi alƙawari za su fara gina tsaftacacciyar rayuwa wanda iyayensu za suyi alfahari da su dawo tayi ta zauna a falon ta kunna data tare da shiga Whtspp nan da nan saƙonni suka fara shigowa har da na Abwaan ɗinta duk kalamai ne na irin tsantsar son da yake mata tare da jaddada mata ta kula da kanta tare da abun da ke cikinta cike da so ƙauna, bege, shauƙi take karantawa gaba ɗaya jinta take tana keta hazo tana cikin wannan yanayin ne taji an murza ƙofar falon tare da sallama, da sauri ta ɗago dan sam bataji shigowar motarsa harabar gidan ba.
Yana shigowa yaji wani irin ƙamshi ya daki hancinsa sai da ya lumshe ido domin yana matuƙar son ƙamshi bai ƙara susucewa ba sai da ya hangi Ƴar tsana Babynsa tana nufowa inda yake cikin wani irin salon taku komai na jikinta rawa yake tana zuwa ta faɗa jikinsa cikin wani irin murya da baisan tana da shiga tace Barka da dawowa My Abwaan na godewa Allah sa ya dawo min da kai gida lafiya ba tare da wani abu ya samarmin kai ba ta faɗa tare da hura masa iskar bakinta a kunnensa da sakar masa kiss a kumatunsa.
Ji yayi gaba ɗaya ƙafafuwansa sun gaza ɗaukarsa domin yarinyar ta gama kasheshi da salonta ƙara rungumeta yayi a jikinsa tamkar wani zai ƙwatar masa ita ji yake kamar ya haɗiyeta duk wani gajiya da ɓacin ran da ya taho dasu sai yaji babu su babu labarinsu ɗagata yayi ciɗak ya shigo da ita falon ya fara juyin da ita a tsakar falon aiko nan ta fara dariya ba ƙaƙƙautawa shima dariyar yake gaba ɗaya suka birkita gidan da dariya sai da sukayi me isarsu ya zauna tare da ita a jikinsa cike da ƙauna yace
"Baby ashe haka kika iya tarairaya shine ni bakya min?
Ya faɗa cike da shagwaɓa kamar yadda take masa dariya tayi cike da farinciki domin a yanzu ne zata fara biya abun da Sweetie ta koya mata tare da darasin da ta ɗauka na zaman da tayi a wajen Sweetie yadda suke gudanar da rayuwarsu da Papa hakan yasa ta kuɗira a ranta itama irin rayuwar soyayyan nan za ta gudanar a gidanta sai kuma gashi a yau lokacin yazo dariya tayi tace
"Ba gashi yau na maka ba kuma in-sha-Allahu bazan gaza ba zan cigaba da maka har ƙanshen rayuwata"
Haɗe bakinsu yayi waje guda suka fara musayar yawun bakinsu sai da suka shanye tas sannan suka saki juna yana faɗin 
" I love so so much My wife aud always will. you have filled a space no one could fill I love you more.
Allah ya miki albarka dake da abun da zaki haifa mana da saura masu zuwa.
"Amin ya rabbi"
Ta faɗa cikin sanyi miƙar da ita yayi ya miƙe yace "maza muje ki tayani nayi wanka sai naje na amsa mana abun da za muci.
Ba musu ta miƙe suka nufi ɗakinsa tana ƴar dariya a tare suka yi wanka duk da tasan tayi amma lokacin da yace dole sai ta sake bata masa gardama ba dan da ƙidira a ranta babu faɗi in faɗa tsakaninta da mijinta dan hakan yana ƙara wa juna ƙaunar juna amma mijina na faɗa kema kina faɗa sam babu girmamawa a ciki duk yadda miji yake sonki in kina haka wataran za a wayi gari ya tsaneni.
A tare sukayi wanka suka fito ta shafesa da mai shima ya shafa mata sannan ta ɗauko kasa boxer wanda ta ɗan wuce gwiwansa da singilet kallonta yayi yace
"Kina nufin da waɗan nan kayan zan fita na sayo mana abinci?
Ɓata fuska tayi tace
"Kai kan tunda na ɗauko maka ka saka mana kawai.
"Tom an gama Madam!
Ya faɗa yana dariya tare da sanyawa itama dariyar tayi ta feshe jikinsa da turare kayanta ta mayar domin bata da kaya a ɗakinsa kuma dan yanzu ta sanya su hannunsa ta kama suka fito shi dai binta kawai yake cike da mamaki dinning yaga sun nufa kula ya hango da babban jug tunani ya fara ko su Larai ne suka yi wani abun suka aiko mata dan sun san tana da cike koko dai da wannan tunanin ta zaunar da shi tare da faɗin 
"Abwaan rufe idanunka!
Hararar wasa ya mata yace
"Me za amun da zan rufe idona?
Cike da shagwaɓa tace
"Ayya dan Allah ka rufe kaaaaji!
Hannunsa ya sanya ya rufe fuskarsa yace 
"To na rufe My rigima ta!
A hankali ta zuba musu sannan ta zuba lemon kwakwan da yayi sanyi ca mug ta ɗago tace 
"Buɗe bakin ka!
Taufeeq da tun da yaji waji irin ƙamshin abinci ya bugi hancin sa ya buɗe idanunsa tare da ware hannayensa ta yadda zai iya kallon duk abun da take ba tare da ta sani ba yana kallo ta gama komai tuni ya,haɗiye miyau dan dama yunwa yake ji sosai buɗe idonsa yayi tare da buɗe bakinsa ta sa masa mug ɗin ya kurɓa wani irin daɗi da karɗi yaji ba yau ya saba shan lemon kwakwa ba amma zai iya faɗar bai taɓa shan wanda ya kai wannan daɗi ba