You Cannot Download this book untill you login but you can read it .

---

Login Register

Tunanin gobe nake, baxance bani da damuwa amma nasan nisa da gida danayi zai rage min damuwa, sosai.

       .....Ankai Amarya gidanta dake g.r.a daga can suka ɗinguma zuwa dinner,

       A gidan Imam kuwa matarsa Zahira ce ba lafiya cikin tashin hankali suka kwasheta zuwa asibiti, inda aka ɗaura mata ruwa, shine ya zauna a gurinta da Janeesha ba zama zatayi ba,

           ****
      A gurin dinne baby tayi kokarin shigewa jikin Ramla take ta muna mata ita bata santa ba ba asalima kar abarta takaraso gurinsu, ta faɗawa Asad shi kuwa ya faɗawa Asawad tuni aka faɗawa jami'an tsaron gurin aka fitar da baby kaman kayan wanki.

          
               Koda aka fita da ita hannun ta ɗaura akai ta fasa ihu tare da kurari ni zaki ciwa amana na ɗaukoki inuwa ki azani rana, baki isa ba,

      Haka tayi ta sumbatu har lokacin tashi yayi aka fito bata samu ganin Ramla ba,

           Daga dinne gida ya wucce da ita, ya kaita har ciki, falonshi da yake cikin gidan ya kaita suka zuɓe a jikin kujeran falon cire mata ɗankalin yayi sannan ya janyota jikinshi yayi cikin wani irin yanayi ya shiga isar da sakonshi da yatanada min yau gashi yana sauke a kan wata bani ba, ajiyar zuciya ya sauke kafin yacigaba da abinda yake a hankali suka hautsina juna cikin wani irin yanayi, bugun kofar falon ya dawo dasu duniyar da suke, dakyar ya mike ya gyara babbar rigarshi.Yafita buɗe kofar yayi yaga mamani hararashi tayi cikin ɓacinrai tace.
"Toh mara kunya kajira ayi buɗan kai sai kucinye juna" raɓashi tayi tashige ciki, ganin yanda Ramla tayi tsamo-tsamo yasa Mamani sake tsuke fuska tace.
"Zoki wucce maza mara kunya ko kunya baki ji kinzo kin sake ji zaki mika masa kanki c'ommon muje."

           Simi-simi tafito, daga ɗakin kanta asunkuye,har inda kawayenta suke Mamani takaita ba karamin haushin mamani taji ba a ranta take aiyana abinda zatawa Mamani,

      A bangaren Baby kuwa sai da tayi kuka san ranta kafin tafito daga wajen taron da kafa har gidansu, kowa na bacci cikin salama amma banda Baby tuna irin abinda zataiwa Ramla.

            ****
A gidan Malam kuwa Matarsa Zahira ce ba lafiya sosai a cikin dare suka ɗauketa zuwa asibiti, inda akaita kaiwa da komowa, kafin Asuba Allah ya amshi rayuwarta, cikin tashin hankali malam ya shiga ɗakin yana kallon fuskarta, wanda ya kasance zufa na tsatsafu mata, isa kan gawanta yayi cikin zubda kwalla yake shafa fuskarta, addu'a yake son mata amma bakinshi yayi nauyi, kwalla sosai yake zuba daga idanunshi dakyar ya haɗiye kuka yayi mata addu'a sannan yayi magana da nurse ɗin suka bashi takardu ya cika sannan ya fita da gawar, aka saka a motar ɗaukar gawa, yaja motarshi suka biyoshi har gida a falonshi aka sakata,

               Suna fita ya shiga ɗakin Janeesha ya buga mata dakyar ta fito, fuskarta a yatsine tace.
"Ya jikinta dai?"

         Ta wurga masa tambaya cikin ko inkula, murmushi yayi sannan yace.
"Ta warke ga tacan a falo kizo ki ganta."

            Atakaice tace masa.
"Toh kaje tunda tana falonta ko zuwa gobe zan fito ni gaskiya bacci nake ji, kayi mata sannu da jiki."

     Tana faɗin haka ta juya ta rufe kofarta cikin jin haushi akan me zai tadda ita tunda matarshi ta warke daman ciwon karyane anyi haka ne dan a hanata baccine kuma bazata fita ba sai gari ya waye,

     Komawa falo yayi cike da takaici yana nazarin halayen matanshi dama Zahira tafi sauki al'amura toh taya zai haɗasu ma matar da yaranta ma basu dameta ba, balle wasu.Miqewa yayi ya faɗa banɗaki ya haɗa duk abinda ake bukata na wankar gawa yazo yayiwa matarshi dama shi yafi dacewa yayi mata, shi ya haɗa tsaf sannan ya koma banɗaki yayi wanka da alola ya sake kayanshi fitowa yayi da abin sallah ya tadda nafilla, bashi ya tsaya ba sai da aka kira asalatu, sai lokacin ya kira mutane yobe ya faɗa musu ai Zahira ta rasu,

         Gidansu Zahira yakira mahaifinta ya faɗa masa, nan suka rokeshi da a dakatar da sallar gawarta zuwa goma nasafe,

            Daga gidan Iyayenshi har gidansu Zahira suna idar da sallar asuba suka ɗauko hanya.

                 Bai samu bin sallar asuba a jam'i ba, masu zuwa karatune suka fara taruwa nan ya fito ya faɗa musu ai matarshi ta rasu, ta'aziya suka masa sannan suka tambayeshi yaushe za'a jana'izarta. Cikin karfin hali yace musu.
"Ƴan uwana da Mahaifinta suna hanya shi yasa suka nimi a ɗaga jana'izar zuwa goma."

       Jinjina al'amarin sukayi sannan masu zuwa aiki suka tafi, wasu kuma suka zauna zuwa goma suma masu zuwa aikin goma nayi zasu dawo a sallaceta dasu.

              ****
      Karfe goma saura kwata Abba lawan ya isa shida iyalanshi baki ɗaya, goma dai dai mutane yobe suka iso, ba'a ɓata lokaci ba wajen gudanar da salla ba aka sallaceta inda aka mikata gidanta na gaskiya.

     Duk wannan bidirin da ake Janeesha tana kwance, khalil ya tashi amma sabida tsoron jibgan uwarsa yasa yaki fitowa, gashi duk yaɓata jikinshi da fitsari, sai Ummi yar karamar yarta itama duk tadama jikinta da kashi, amma dake uwarsu ballagaza ce tana kwance tana baccin asara,

      Matar Abba lawance ta buga kofar ɗakin da karfi a firgice ta farko domin tana cikin mafarkine ga Zahira ana sakata a cikin rami, kuma tana jin muryanta tana mata gargaɗi, akan takula da rayuwarta da mijinta, kartayi wasa da damarta ta rasa shi, tana ji tana gani. Har aka rufe zahira da kasa, bata daina jin amon muryanta ba duk ta haɗa zufa,

     Jin karan buga kofar yasa tayi karamin tsaki tace.
"Wai nikan banace zanzo na dubata ba ai aikin lada ba'awa mutum dole dan kana mallam kuma sai kowa ya koma mallamin."

     Mamakine ya rufe kaltuma cikin ɓacin rai tace.
"Toh uwar marasa mutunci buɗe min kofa, wai yaushe zakiyi hankalinkanki hmm."

     Jikinta narawa ta sauko ta buɗe kofar,danna kanta da kaltuma zatayi zarnin fitsari da warin kashi yasa ta dakata tayi mata kallon raini sannan tace.
"Maza ki kintsa ɗakinki kafinsu Umma su iso mara mutunci ake har zahira ta rasu amma kike kwance sabida mutane su tafi dake kina farin ciki kishiyarki ta mutu ko? Wallahi kin zubda mutuncinki a idanun Imamu bazai taɓa ganinki da kima ba, kinrasa shi kenan, tunda wannan halin kika tsiro masa."

     Tass ta wanketa sannan ta juya tabarta cikin kuka dake bata da kunya cewa tayi.
"Miye laifina tunda kwanantane ya kare, koda ina tare da ita ai babu abinda zan iya mata, yanzun anzo ana ganin laifina, dan kawai banje na zauna ta mutu a gabana ba,"

         Cike da jin haushin kowa har da ita mamaciyar Janeesha take aikin gyara ɗakinta, inda take sauke rabin haushinta akan Khalil da ummi.

        A makabarta kuwa, ana saka gawar Zahira malam ya zube kasa sumanme,


     *Tim up* karku manta da ɗaga darajar nan wajen dannan ɗan karamin tauraro nan.....vote..
[4/26, 18:34] Me Dambu: 🅱RILLIANT WRITERS ASSO🖊
{ _pens of freedom, home of exceptional and magnificient writers_ }


🌹🌹👳
*MATAR MALAM*
🌺🌺👳




*Na:Real MaiDambu*

_Aunty Aisha, Mom Ahmad, Mom Sayeed da Hafsat shehu, tare da maɓalin zuciyata My Zahra ga sadaukarwarku nan_👌👌👌

*Page 11*

Fita da shi akayi daga cikin makabarta, bai masan inda kanshi yake ba, ana gama sakata a gidanta na gaskiya, mutane suka tsaya aka mata addu'a sannan suka fito zuwa gurin da aka ajiye motoccinsu, ba laifi ya dawo hayacinsa amma idanunshi bai daina zubda kwalla ba, har suka dawo gida, ɗakinshi aka shige dashi inda yayi ta kuka kaman yaro karami, har sai da Ummanshi ta shiga ɗakin yana cikin bargo yana rawan ɗari.

Zama tayi a bedside ta ɗan ja bargon cikin sanyi murya tace.
"Imamu gatan gawa, yau kaine kake wannan irin kukan bayan kai kake hana wasu yin haka, haba zunnuraini, hm haske biyu yau kaine kake zubda hawayenka tabbas mutuwar mace irin Zahira da zafi amma bata cancanci kuka daga gareka ba, addu'a takw bukata kaji Baba malam ɗina, tashi maxa kasha magani, kaji Allah zai maida maka da wacce tafita, ka zamanto mai juriya da hakuri, Allah yana sane dakai."

Cikin hikima da nasiha irinrta uwa, ai kuma tsakanin ɗa da uwa, sai Allah da haka ta samu kanshi.

Har yasha tea da magani yafito falo, lokacin Abbanmu yazo masa gaisuwa tare da yaya ishak,

A bangaren Jameesha fushi take tsakaninta da Allah akan me za'a takura mata, da faɗa gani take ai koda Zahira ta mutu ai ba ita takasheta ba, shi yasa taketa ta cika tana batsewa.

A cikin ranta kuwa cewa take humm Ya imamu zai zo yasame ni dani yake zance ai yafi kowa marairaicewa idan dare yayi nima zanyi maganinshi.

****
A ɓangarensu gidan biki kuwa yau za'ayi buɗan kai dan haka kan Ramla yafi nakowa rawa, dan ji take ta kusan kama Asad a hannun, ita kuwa mamani wani irin bakin cikine yake rufeta idan tayi arba da Ramla bawai dan ramla bata da kyau ko wni abu bane sai dan ƴanda lokaci guda ta birkita mata yaronta shine abinda yake bawa Mamani haushi, gurin guda aka shirya buɗar kai, kafin su fitane mamani takawo wasu daga cikin yan uwanta, da suka zo bikin har inda ramla take ta nunata,

Cikin ladabi ta gaidasu suma suka karɓeta, dan kar su gane Mamani tayita wasata a gabansu har suka fita bayan fitarsune, wata kawar ramla ta kalle sannan tace.
"Ramluv kinyi dace fa, domin mother-inlaw ɗinki tana masifar ji dake,"

Karamin tsaki tayi sannan tace.
"Wallahi bata kaunata, babu yanda ta iya danine, amma bataki ɗanta yace ya sake ni ba, ni bansa mi natsare mata ba,"

Gyara zama kawar tayi sannan tace.
"Zan baki shawara shine ki mike tsaye domin waje zatayi dake, irinsu haka suke kishi da matar ɗansu."

Kasa da murya Ramla tayi sannan tace.
" Hmm kedai bari bani da hanys ne amma ko ynx nasamu ba zanki ba."

Muskutawa kawar tayi cikin jin daɗi tasami abokiyar ɓata tace.
"Zan miki hanya amma naji dumus, kafin alkalami ayi masu faraku, shi da uwar ko a hanya ya ganta sai yasake hanya,"

Buɗe jakarta tayi ta ɗibo kuɗi, masu yawa ta mika mata har tasa hannun zata amsa taja kuɗin baya cikin munafikin murmushi tace.
"Zan iya baki yardata amma banda kimata kikayi min wasa da hankali mmmm.Basai nafa miki sauran ba."

Miqa mata kuɗin tayi sannan tacigaba da abinda take, dake yarinyar tana da tsoro take ta mike, tafita har jikinta na rawa tacewa ramla.
"Bari naje na dawo."

Fita tayi, daga gidan baki ɗaya.

......
Can wani kauye taje gurin wani bamaguje ta faɗa masa abinda Ramla take bukata, shi kuwa ba tare da ɓata lokaci ba ya buga kasa sai ga wasu kwayaye guda biyu yace.
"Gashi akai mata, tsakaninshi da Uwarshi har abada kaman yanda k'oyin nan ba zai iya fafe kanshi ba haka babu shi babu da uwarshi. Amma da sharaɗi."

Zama yarinyar tayi ta zuba masa idanun sannan tace.
"Wani sharaɗi kenan boka."

Dariya yayi sannan yace.
"Karta kuskura tabarshi yayi ido biyu da Yarinyar da yaso aura wato yar uwanta nan, matukar suka haɗu toh kallon da zasuwa junansu shi zai lalata wannan k'oyin tsafi har ya kyankyanshe kansa, jan kunne nakenan a gareku."

Gyaɗa kai tayi cikin sanyi jiki ta mike tafita da baya, har waje anan ta ajiye masa kuɗinshi, akan wani ɗan karamin gunki. Sannan tayi tafiyarta.

Koda ta isa tasamu ana buɗan kai da aka gama aka maida amarya apartmen ɗinta ta ɗauki kayan tabata sannan ta faɗa mata yanda zata ajiye abun wani irin ihu tayi sannan rungume yarinyar tayi tace.

"Fasu zan baki kyauta na musaman nagode kin gama min kome yanzun zan juya kowa son raina."

Buɗe jakarta tayi ta dunbolo kuɗi me yawa tabawa fasu tace.

"Kin zama abokiyar tafiya kiyi min dai dai, kema zaki ga dai dai dani, karki saka ha'incin ni kuma zan baki mamaki a rayuwa."

Godiya sosai yarinyar tayi sannan suka ci gaba da hiran ynd zasu kuntatawa mamani, sannan zatayi kokarin yanda zatayi kar abarni na dawo katsina.

Taɓɗijam.....

****
Gidan malam kuwa karfin hali yake, kawai amma daga zuciyarshi har gangan jikinshi baya jin daɗi, sam baya ganewa kowa, kewar zahira da rashinta suke damunshi. Gashi baya kaunar ganin jameesha dan baya jin daɗin ganinta, sam badan kar akaga baikeshi ba da turata gida,

Amma yasan yayi haka kaman yasayawa kanshi kaɗaicine, shi ƴasa ya shareta,

Wajen karfe ɗaya na rana akakawo abinci daga gidanmu, manya manya kuloli, haɗi da katun na drinka,

Abin ya basu mamaki yanda aka karmasu cikin mutuntaka, take Abbanmu yasamu mazauni a cikin zuciyarsu,

Sai addu'a suke masa na jin daɗi,abin da ya kara musu haushi yanda jameesha taki buɗe musu store suyi girki sai ga abinci daga gidanmu,

Na ranar da aka kawo bai kare sai ga abincin dare wajen karfe biyar da rabi,, Kaiii yan uwan Malam sun gaza ɓoye jin daɗinsu, har sai da suka faɗa masa irin karamcin da aka musu,


Da dare yayi gidan ya cika, dan har babu gurin kwanciya, karshe dake Innaji tazo tare da Umman malam suka tawo gidanmu. Nan innaji tashinga hidima dasu har suka kwanta,

Abinda ya burge Innaji da yanda, Umma take karatun alkur'ani, murmushi tayi cikin farin ciki da annushuwa,

.....Washi gari tun asuba, Innaji da Yaya Ishaq suka, shiga aikin kunnun gyaɗa da kosae irin na baba me kosae, tafiya masalaci yayi inda itama innaji tashiga sallah, tana idarwa tafito bakin aikinta tana cikin dama kunnun ishaq ya shigo da kulun kosai ɗin, shi ya buga mata bayan ta gama kunun ta fara sakun kosai, tana gamawa umma tana fitowa, har gurin cikin barkwace tace.
"Hajiya shine kikayi aikin baki tashe ni ba, ai bahaka ake ba."

Cikin jin kunyar Umma tace.
"Ayya Maman malam, ai bawani aiki bane, kuma yayansu mukayi kuma mun gama."

Ruwan wanka Innaji takai mata banɗakinsu ramla dake cikin ɗakin dake anan ta kwana,

Innaji tace mata.
"Maman Malam ga ruwan wankanki a bandakin,"


Duk da saura baki a gidan haka bai innaji yin kome ba, kusan ma mutane duk sun watse, sabida faruwa al'amarin.


Suna gama haɗa abin karyawa aka ɗibi na mutane gidan sannan aka kira almajirai suka kai na gidan rasuwar,

Koda Umma tafito tsaf ta shirya sannan Innaji ta gabatar mata da abin karyawa bayan ta gama suka fita tare inda tabar sauran aikn ga mutane daura,......



****
Bayan abokai sun rako Asad, suka biya kuɗin sayan baki, da kuɗin kawance,

Sannan sukayi sallama dasu,

Sabida rawan kai dakyar suka rufe gidan, sannan suka ci abinci sama sama, daga gurin cin abinci aka buge da hidima ba'a cewa kome kawai......



Share........plsss
[4/26, 18:34] Me Dambu: 🅱RILLIANT WRITERS ASSO🖊
{ _pens of freedom, home of exceptional and magnificient writers_ }

        🌹🌹
       *MATAR MALAM*
                             🌺🌺


     _Wannan shafin nakune Sister Jamila safyanu tare da Nafi Dotan Sahibata,_

*:~12*

       Hmm a gurin Asad yabarje amarcinsa, sabida yanda suka ɗaukantu da juna sai muce Allah ya basu zaman lafiya toh me zance bayan haka.

   ****
Cikin kwana uku da akayi rasuwar babu wanda bai ji ɓacin rai da Jameesha ba, dan ido da ido tafaɗa musu ita bazata basu key ɗin store su kwashe musu abinci ba, abinda ya fusata Malam kenan yafito ya fasa kofar store ɗin yace.
"ku shiga ku ɗiba abinci, ke kuma Allah yayi wadaran halinki, amma kicigaba lokacinkine sai dai kisa aranki nima Allah zai me yaye min gurbin Zahira, hmmm ba damuwa."

       Kowa yaji ɓacin rai da abinda tayi sunsan halinshi ba ma'abocin magana bane ba wai dan bayayi bane a'a shi mutum ne me baiwa kowa yancinsa, a daddafe sukayi addu'ar bakwai wanda ita kam Umma tun ranar uku ta koma, yobe, cike da kewar Innaji,.

      Bayan addu'ar bakwai iyayen zahira suka nemi kwashe kayanta dakyar ya amince aka ɗibi wasu sauran yace a bar masa, gaskiya sukansu sunsan yana cikin damuwa da kaɗaici aka suka tafi suka bar gidan, abinda ke ɗebe masa kewa yaranshi da kuma karatun da yakewa mutane a waje amma zaman gidanshi babu daɗi, ji yake kaman yana cikin wuta dalilin da yasa kenan ya shiga niman gurbin karo ilimi a kasar birtaniya ba tare da sanin kowa ba.

         ****
Hmmm rayuwata a kasar nijar ba laifi ina cikin kwanciyar hankali amma idan na tuna kome sai naji na tsani kaina har kuka nake, idan natuna irin burin da muka ɗauka nida Asad sai naji ko ina yayi min zafi, dana ga zaman gida ya ishani kawai sai na shiga niman inda zan fara karatu koda irin na computer nan ne, cikin ikon Allah nasamu, amma matsalar da yaren frence ne, amma haka na hakura nafara, inda kawu Uballe shi ya ɗauki nauyin kome Baban Neenah kuwa yabada mota kullum ana kaini ana ɗaukoni, a nan nasami raguwan damuwata sai dai nakoma shiru shiru wacce kome kashin abu sani kuka yake,

        Sam abinda bani dashi da ya zomin cikin rayuwata wato miskilanci, sam banji kome idan zan zauna na awa hudu ban tankawa kowa ba, haka yafi min kome a rayuwata ga tulin kawaye da nayi, amma haka bai ɗaga ni yananani da kasa ba, dan bana son shiga damuwar kowa, kawata ɗaya ce yar uwata, da ita nake kome haka yafi min daɗi.

             Wani sabon malami da aka kawo mana ne ya fara sani a gaba, tunda ya lura ban iya fransanci ba take yasaka min ido, inda ya shiga muzantani a gaban mutane, ban taɓa jin kome ba dan yanzun bana jin akwai abinda wani zai min ya ɓata min rai abu ɗaya kawai nasani shine idan yazo yana min haka kuka nakeyi, har ya fita,

     Neenah nafaɗawa halin da nake ciki, tabani hakuri bata ce min zata faɗawa Babanta ba sai washi gari muna cikin class sai babanta yazo har ofishin shugaban makaranta yayiwa shugaban makaranta barazana da zaisa arufe makarantar tunda malaminsu yana tozartani, sanin kowaye shi tasa duk suka shiga bashi hakuri, bayan tafiyarshi shugaban mkrnt yasa aka kira masa malamin yayi masa faɗa,

    Toh tun daga ranar nasami yancina, toh daman ba rigima nake da kowa ba balle ace ga dalili kuma ina maida hankalina sosai akaratun da nake.

     ****
Kusan watanin shida da ya tura sakonsa na niman gurbin karatu a Livepool, sai jiya da dare suka turo masa sakon sun bashi daman doctorin yake nima afanin law, kuma suka ɗaukeshi, cikin farin ciki ya tafi yobe ya, bayan isha ya sauka a gidansu, inda ya zube a falon Ummansa cikin gajiya ya gaisheta, amsawa tayi cikin farin ciki da jin daɗi, inda ta tura masa kayan abinci, sosai yaci bayan ya gama yake labarta mata, gurbin karatun ɗa yasamu addu'a ta masa, sannan tace.
"Amma da jameesha zaka tafi ai."

Eh ya ansa ba dan yaso ba, sai dan yanda tashiga maganar, hira sukayi sannan ya shige part ɗinshi.


     ***
Duniya tayiwa Ramla ɓarin gyaɗa sai morewa take, inda suka cigaba da zabgawa Asad sihiri, duk ya sussuce baya cikin hankalinshi, ta koma tankar hand bag gashi ya manta da kowa da kome, ramla ce kawai a gabanshi,


          Hankalin Mamani inyayi dubu ya tashi, sakamakon haka har jininta sai da ya hau, sabida tashin hankali.

          Akwai lokacin dataxo gidan Ramla tahana Asad fitowa, yana gaida mamani, duk yanda taso taganshi amma fir taki, cikin kuka tabar gidan tarasa inda zata tsuma ranta kawai sai tayo giɗanmu, gurin Innaji, tafaɗa mata halin da take ciki, ba karamkin kaɗuwa innaji tayi ba, bata bar maganar ba suka koma gidan koda suka zo shiga fir aka hanasu shiga, Innaji tace.
"Kacewa matar gidan Innaju ce tazo."

   Kiran Ramla yayi a waya ya faɗa mata, amma tace.
"Kace koma waye yayi hakuri"

    Wannan abu taɗaga hankalin.Innaji ba kaɗan ba jikinsu a sanyayye suka bar gidan tun daga ranar Innaji ta yafe Ramla, kuma bata gushe ba kullum sai tayi mata addu'ar Allah ya lalata auren, sabida ta shiga tsakanin ɗa da uwa.



          Shi kuwa Asad ko office idan yaje matukar aka masa wani abu toh sai yazo ya faɗa mata, Mamani bata hakura ba tabiyo shi har gurin aiki, abin takaici kiran Ramla yayi a qata ya gaya mata ga mamani nan tazo.

     Afusace tazo har ofishin tana isowa ta kama hannunshi zasu bar office din ran mamani ya ɓace cikin kuka tace.
"Sai kinyi mutuwar wulakanci, kare sai yafiki daraja a cikin alumma, hawayen da nazubda sai sun zame miki bala'i da masifa kije nabarki da hakkin shiga tsakani ma."

      

    Tana gama faɗin haka ta juya tabar garin baki ɗaya,

      Inda takira Irfan ta faɗa masa, cikin tashin hankali ya faɗawa sauran abokansa,

  Suka tsayisa shawaran a haduwa a zaria.

     *****
Kwanar malam ɗaya ya dawo inda yashiga niman visa, matarshi da yaranshi.......




     Kuyi hakuri Insha Allah goɓe akai more......



      Pls Share.....😂
[4/26, 18:34] Me Dambu: 🅱RILLIANT WRITERS ASSO🖊*
{ _pens of freedom, home of exceptional and magnificient writers_ }






 
             🌹🌹👳
        *MATAR MALAM*
                             🌺🌺👳

      *Na:Real Mai Dambu Ce*

*:•~13*

      Karfin hali kawai yake amma sam a zuciyarshi baya kaunar tafiyarshi da Jameesha, itakanta bata san da, tafiyar ba har sai da Yayarta takirata, take tayata murna sai anan tasan da batun , farin cikin da tashiga bana wasa ba, yayinda tashiga hango kanta a kasan london,


Acikin abinda bai kai sati uku ba ya kammala musu visa. Sannan ya shiga gidanmu ya faɗawa babanmu tafiyarsa, sun jima suna tattaunawa kafin yayi masa sallama.

Ranar alhamis suka bar garin katsina zuwa abuja kwanansu ɗaya suka bar kasan baki ɗaya.

****
A garin zaria kuwa dukkansu uku sun haɗu cikin jimami da jajantawa mamani, Jalal yace.
"Mamani ki kwantar da hankalinki insha Allah kome zai dai-daita babu abinda yafi karfin Allah,qoqarin kwantar mata da sukayi sannan sukayi mata sallama.

Gaskiya faɗan halin da mamani take ciki kaman wasting time ne, kuyi tunani akan tsakanin ɗa da uwa, amma haka ramla ta rabasu takai har kowa nashi ya manta,
    Ganin halin dasu jalal suka bar mamani yasa suka yanke shawaran zuwa katsina,

Sai dare suka isa a wani gidan masaukin baki suka yada zango washi gari suka dira a ofishin asad. Zuwa aka ce musu ai rabonshi da yazo aiki kusan wata biyu kenan, abin ba karamin kaɗasu yayi ba dan haka basuyi kasa agwiwa ba suka tawo gidanshi dake gateman ɗin ya musu farin sani bai kira ramla ys faɗa mata ba, kai tsayi suka shiga gidan,
   Basu damu da niman iso ba suka danna kansu falon da sallama, babu wanda ya amsa musu, sai hangoshi sukayi a rakuɓe kaman maraya, duk ya takure a gefen kujeran da take zaune, ɗago kanshi yayi ya kalleta kaman me shirin fashewa da kuka, ya marairaice fuska, yana kallonta, tsaki tayi sannan ta juya ta kallesu Irfan cikin tsiwa tace.
"Da izin wakuka danno min gida waya kiraku, ko anzo asaka mana ido ko,,,"
Juyawa tayi ta kalle Asad tace.
"Kace sufita bana son ganinsu indai baso kake cikin jikina ya zuɓe ba."
Yanda tayi maganar ko rufe bakinta batayi ba ya mike yace.
"Pls kufita bata son ganinku, don Allah"

Niman ɗaya daga cikn kujeran falon Irfan yayi ya zauna cikin isa da gadara yace.
"Inga ubanda ya isa fidani a gidan nan sai na fasa kanshi da harshashin gun ɗina,kuma kowa na kashe ba wani abu bane a gurina dan ina da lasisin taɓin hankali."

     Zaro idanun waje ramla tayi miqewa tayi tabar falon, cike da tsoron Irfan.
Juyawa yayi kan Asad wanda yake da niyyar bin bayanta, harara ya galla masa cikin bala'i yace.
"Me yake damunka Asad wani irin rayuwa kajefa kanka sabida kai Mahaifiyarka tana cikin wani irin hali sabida kai, anya zaka ga haske a alamarinka kuwa, wallahi kasake lale, wallahi kana cikin masifa bayyana nanniya, ina jiye maka tsoron fushin