You Cannot Download this book untill you login but you can read it .

---

Login Register

"kun tabbata?"

"Eh, ka fad'a kawai."

Ajiyar zuciya yayi yace "kullum tana cikin qananan kaya, hakan kuma na tayar min da sha'awata, abinda za muyi kawai mu takurata ta hanyar samun biyan buk'atarmu, ta hakane kad'ai zamu iya huce abinda ta mana."

Tuni d'aya daga ciki har shaid'an ya k'awata masa abin, cewa yayi "kuma fa hakane wallahi, dan shi fyad'e idan kayiwa mace ba zata tab'a mantawa ba har abada, kaga zamu tashi 1-1 mu da ita ,ita ba zata manta ba muma ba zamu manta irin wannan cin kashin data mana ba."

Hannu ya bashi suka bige suna dariya yace "da kyau mutumina ka fahimceni daidai, kuma ma wannan yarinyar ai da gani kasan ba mune zamu fara ba, da alama wasu sun rigamu kai da gani kasan ba budurwa bace, a idone kawai muke ganin haka."

"Gaskiya ne kuma."

"To amma ni gaskiya ina d'an jin tsoro, gaskiya ban tab'a yi ba tunda nake, kuma kaga za ayi binciki akan lamarin nan idan aka ganemu, kunga fa shikenan munyi asarar rayuwarmu mun b'ata k'uruciyarmu a banza."

"Bama za'a ganemu ba, ai za muyi anfani ne da kasancewarmu sojiji miyi aiki da ilimi, insha Allah komai zai wuce babu abinda zai faru, kuma muma ai bamu tab'a yi ba."

"To ya zamuyi kenan?"

"Abu mai sauk'i, kawai za muyi anfani da gidan rawar da take zuwa duk kwana uku sai muyi komai acan, kunga ta haka zamu fita daga zargi kuma babu wani bincike, domin kuwa cikin biyu dole suyi tunanin d'aya."

"Kamar me dame kenan?"

"Na farko za suyi tunanin kodai ita da samarinta ne da suka saba shek'e ayarsu, ko kuma dai tunda wajen rawa na b'ata garine , kaga za'a ce ta had'u da marasa jine kawai suka mata fyad'e wannan shine."

Cikin dariya d'aya ya bashi hannu yana fad'in "gaskiya Musa kanka naja sosai, wannan tsarin fa yayi."

Cikin dariyar mugunta yace "ko baiyi ba dole zan fito da wani, dan burina kawai buk'atata ta biya a kanta."

Musa ne yace " ku zama cikin shiri , dan ko yau bata fita saboda abinda ya faru, watak'ila kwana uku mai zuwa ta fita."

Da wannan shawara suka tsaya akai.

_Allah ya kiyaye_👏

Tana shiga d'aki wayarta ta d'auka a saman gado k'irar IPhone XMax, kira ta aikawa manager yana d'auka cike da salon bada umarni tace "ina so cikin 5 minute ka aiko min da adreshin gidansu yaron nan tare da photonshi."

Tana gama fad'a ta kashe wayar, zaune tayi tsakiyar gadon tana jiran shigowar sak'on manager, 2 minute saiga sak'on ya shigo adreshi da kuma photonshi, a hankali ta furta sunan unguwar tasu " *Bassora*"

Take ta tuna marin daya mata, bata san lokacin data goge photon ba daga wayar saboda b'acin rai, ajiye wayar tayi a gefenta ta fara sauke nunfarfashi ita kad'ai, jin qirjinta ya fara nauyi yasa ta tashi ta bud'a coffre ta d'auki maganinta tasha sannan ta koma gado ta kwanta, bacci harya fara d'aukarta wayarta ta fara k'ara, tana dubawa taga sunan *Macho* ya fito, d'auka tayi ta d'ora a kunne tare da jan zanin rufarta ta rufe tace "hello macho."

Daga d'aya b'angaren tace "yane macho? naganki shiru, yau kin fito ne?"

"A'a macho ba zan fito ba, kawai ki tafi kuji dad'inku."

"Haba macho, me yasa to ba zaki je ba? kin ganni fa harna shirya."

"Ba zanje ba macho, kije kawai, sai gobe naje."

"To in dai hakane, nima saina bari har goben sai muje kawai."

A daqile tace "wannan kuma matsalarki ce."

Tana gam fad'a ta kashe wayarta gaba d'aya ta koma baccinta, a cikin bacci taji kamar ana tab'ata, bud'a ido tayi taga mahaifiyarta ce ke shafar kanta sai kuma mahifinta daga gefenta a tsaye, cike da masifa ta tashi zaune tace....

"Meya kawoku nan kuma a wannan dar....."

Da sauri Mama ta rufe mata baki tace "kiyi hak'uri Khairat, na yarda nayi kuskure, amma ki sani mufa iyayenki ne dole mu damu da halin da kike ciki, mun kasa bacci saboda tunanin damuwar dake damunki."

A raunane ta kalleta tana shirin fashewa da kuka tace "Mamie, ya kike so nayi? kince na daina shiga harkarki kuma na daina, yanzu me kike so nayi to?"

Shiru sukayi kafin ta sake cewa "Mamie, ki fad'a min tunda muke dake kin tab'a nuna min soyayyarki, kullum hantara kike da yimin fad'a tare da kokarin aibatani, ban tab'a yin daidai ba a wajenki idan nayi ma bakya yabawa, babu abinda kuka koya min babu abinda kuke koya min wanda zai anfane ni, da fadanku na bud'e idona kune kullum cikin fad'a da aibata junanku, duk da kunsan matsalar da hakan ya janyo min amma baku daina ba, shin so kuke sai ranar da kuka bud'e ido baku ganni a duniya sannan zaku daina?"

Kuka Mamie ta fashe dashi tace "a'a Khairat, wallahi ina sonki, kinsan babu yanda uwa za tak'i yar data haifa, ni ina so ki zama yarinyar kirki amma mahaifinki bai damu da rayuwarki ba, ina damuwa da halin da kike ciki, kawai dai akwai dalilin da suka sakani nuna miki rashin kulawa, amma ki yafe min kinji yata ba zan sake nesantarki ba."

Ta fad'a tana rumgumeta, itama rumgumeta tayi cikin kuka tace "Mamie na riga dana b'ata rayuwata."

"A'a Khairat, kar kice haka, wallahi......"

Kafin ta k'arasa uban dake tsaye yace "wato kullum laifina ne ko, kullum burinki shine ki d'ora min laifi ni kad'ai ko? to wallahi baki isa ki rabani da yata ba muguwa kawai."

Kallonshi Mamie tayi tace "eh naji, in ni muguwa ce kai kuma fa? ai kaine babban mugu tunda duk kaine ka jefamu halin da muke ciki, kuma wallahi in har baka tuba zuwa ga Allah ba sai kayi *nadama*."

Matsowa yayi kusanta a hassale yace "wallahi kika sake magana a wajen nan saina tattakaki, saboda kin rainani ina fad'a kina fad'a ko?"

"Allah yana gani bai rainaka ba kaine dai ka raina kanka, kuma nasan Allah ma ba zai kamani da laifi ba."

"Ke..." wata k'ara da Khairat tayi yasa suka maida hankalinsu kanta, saukowa tayi daga kan gadon ta kama hannayen iyayen nata ta tisa k'eyarsu suka fita daga d'akin, saida ta kallesu kafin ta rufe k'ofar tace "ba zaku tab'a gyaruwa ba, wannan shine babbar damuwata, baku damu daku tozartani ba ko a dinga yayatani ba, a duk in da kuka samu kanku fad'a ku keyi da junanku."

Tana fad'a ta rufe k'ofarta ta koma gado ta dinga kuka da takaicin rayuwar iyayenta.

_Novel hausa akace, dan haka kuyi hak'uri 'yan uwa, ba zan sake saka muku wani harshe ba insha Allah domin kowa ya fahimta._

*Shin su musa za suyi nasara akan Khairat kuw*?

*Wai me yasa iyayen Khairat suke haka*?

*Meye matsalar da Khairat ke ciki?*

_Kafin sanin amsoshin bara mu koma baya mu fara sanin tushen labarin._

_Ku biyoni😍_
06/08/2019 à 00:06 - Meerahgee❤: 💑💑💑💑💑💑💑💑💑💑
*JIHADI*
_Umar faruk_
💑💑💑💑💑💑💑💑💑💑

_NA_

_SAMIRA HAROUNA_


_DEDICATED TO_

*MA FAMILLE*

🇸🇦 *ZAMAN AMANA WRITER'S*
_(Gidan zaman lafiya da amana insha Allah)_🤜🤛


_Bismmilahir-rahman-rahim_


4⃣


*TUSHEN LABARIN*

*Alhaji Mani Bukar* babban mutum kuma mai babban dangi, asalinshi haifaffan garin *Maradi* ne kasuwancine ya kaishi *niamey* daga nan kuma harya tsunduma siyasa, mahaifinsu mutum ne daya sha boko sosai ya k'oshi, hakan yasa yake da kula da takatsantsan da yaranshi, matan mahaifinshi biyu amma gaba d'aya yaranshi guda biyar saboda tazara da ake sawa, mahaifinsu irin tsofaffin masu kud'in nan ne, hakan yasa bayan rasuwarsa yaransa suka kwashi rabonsu bayan rabon gado.

Bayan rasuwar mahaifin sai kowa ya fara abinda yaga dama, haka ma Alhaji Ousmane wanda sukafi kiranshi da *Mani*, bana ce muku mutumin kirki ne ba amma dai yana da wasu manyan halaye wanda muke da tabbacin duk mai aikatasu, to tabbas babu abinda zai iya gagararsa kuma zai iya yin komai, wannan halaye kuwa sune *zina* da shan *giya*, duk da wannan halayen amma ubangiji ya masa talala ta hanyar k'ara sakawa dukiyarsa albarka, yana cikin holewarsa tare da abokai kuma sai Allah ya had'ashi da *Na'ima*.

*Na'ima Bilal Abdallah*, yarinya mai hankali nutsuwa da kuma tarbiya, ta samu duk wannan ne a wajen iyayenta saboda yanda suke tsaye a kanta, asalinsu mutanen *Arlit* ne amma aiki ya kai mahaifinta qasashe da dama tun kafin aurenshi da kuma lokacin da yayi auren harda cikinta ma, wanda daga qarshe dai a *India* aka haifeta, bayan wasu shekaru sai mahaifin nata ya rasu, kasancewar a ma'aikatar ana kula da ma'aikatan da kuma iyalensu yasa basu bari mahaifiyar da yarinyar sunsha wahala ba, sunci gaba da zama a gidan compagnie tare da d'aukar d'awainiyarsu, a lokacin tana da shekara ashirin suka zo Arlit ganin danginsu, wanda kuma suka tarar da auren cousine d'inta wacce za'a kawota Maradi, dole tasa suka zo anan kuma qaddararta ta fad'a dan anan suka had'u da Mani.

Tunda ya d'ora ido a kanta sai Allah ya jarabceshi da sonta har cikin zuciyarshi kuma karo na farko da yaji yayi sha'awar aure, Na'ima kam tunda ta ganshi ita kuma sai taji bai mata ba, bugu da qari da taji k'awayen amarya na fad'in halinshi na son mata saiya dinga lasar baki yana maka kallon iskanci, gashi kuma Allah ya masa muni dan babu wani abun birgewa a tare dashi, bak'i k'irin yake ga kuma k'iba da yayi saboda hutu, haka ya fara nuna mata abinda ke ranshi amma bata bashi dama ba, bayan shagalin ya kammala haka ya nemi sanin komai a kanta, rana kwatsam saiga Mani Arlit kamar daga sama.

In dai tak'aice muku, abinka ga mai kud'i wanda dama zamanin nan masu kud'i suke auren kyawawan mata, haka ya shiga ya fita tare da kutsawa duk cikin wani danginta mai ruwa da tsaki a kanta har saida ya samu Na'ima, babu irin kuka da bala'in da ba tayi ba ta kuma fad'a musu ba mutumin kirki bane, amma su basu ga haka ba dan yanda ya nuna musu, a qarshe dai amarya ta tare gidanta a Maradi, bayan qalubalen data fiskanta tun daga darenta na farko har zuwa sauran darare, bayan wani lokaci kuma sai suka koma niamey da zama to tun daga shi sai dai suzo gaishe da dangi Maradi da Arlit, bayan lokacin kad'an kuma sai mahaifiyarshi ta rasu itama.


Komawarsu niamey yasa ya k'ara tandarewa babu uwa babu uba babu mafad'i sai abinda yaga dama yake yi, kuka a wajen Na'ima harya zama jiki dan a wannan lokacin baya neman mata idan ba cikin gidanshi ba bayan ya shigo a bige, abun na matuk'ar damunta sosai ga rashin sonshi ga kuma bak'in cikin da yake d'ura mata, wani abin takaici shine lokacin data gama gane halinsa saita fara masa qiyo a shinfid'a in har ya nemeta, abinka ga mashayi kuma haka zai zage qarfinshi ya daketa son ranshi idan ta jikkata sannan ya turmusheta da qarfinshi ya biya buqatarsa, yarinya mai kama da indien sai gashi ta fara fita hayyacinta ta fara lalacewa, wata uku ta d'auka a wannan rayuwa, a lokacin data rame sosai saiya fara zargin ko cikine da ita shi kuma bai shirya hakan ba yanzu, daya tambayeta sai tace bata da komai dan itama bata sani ba, domin d'aukar mataki saiya fara bata qwayoyin hana d'aukar ciki, kwana uku da fara shan maganin saita fara ciwon mara kafin kace me sai jini ya fara mata zuba, bayan zuwa asibiti aka tabbatar ta cikin jikinta ya zube sakamakon shan magani ba abisa qa'ida ba , duk da taji tayi asarar beby amma kuma taji dad'i ko ba komai bata fatan haihuwa dashi.

Wata babbar dama ce ya bata dan tun daga lokacin saita fara shan maganin ba qaqqautawa, tun bai fara saka abin a kanshi ba harya fara damuwa saboda ganin an d'auki lokaci mai tsayi, wasa wasa sai gashi ta d'auki shekara biyar ba tare da nadama ko data sanin abinda take yi ba, a lokacin ne kuma Mani ya dakatar da ita tare da cewa ya shirya haihuwa, hakan baisa ta daina ba dan ranar ya shigo a bazata ya samu za tasha maganin, a ranar dukan tsiya ya mata bana wasa ba sannan ya karb'e duka maganin, cikin ikon Allah wata biyar saita samu ciki, amma kuma mai matuk'ar had'ari da wahala.

Saboda shan maganin data dinga yi yasa mahaifarta a had'ari hakan yasa cikinta ke buk'atar kulawa dan komai zai iya faruwa da bebynta, a lokacin da cikin ya fara girma aka mata scanning aka tabbatar da macace a cikinta, take sai Mani yaji qaunar yarinyar tun ba'a haifeta ba, visa ya samar musu suka koma India tare wajen mahaifiyarta wacce tafi jin dad'in zamanta acan.

A lokacin data haihu aka tabbatar da mahaifarta ta lalace ba zata sake samun wata haihuwar ba, babu yanda ta iya dole aka cire mata mahaifar domin rage mata nauyi, Allah kuma ya jarabcesu da son *Khairat*, da k'yar Na'ima ta dawo gida niger amma zamanta gaban mahaifiyarta ya mata dad'i sosai, dan tunda suka tai bai nemeta ba, sai dai daga yanda yake fita ya jima yasa take jin ya samu wasu masu d'ebe masa kewa.


*Rayuwa bayan haihuwar Khairat* tafi mata k'unci akan kafin haihuwarta, dan a wannan lokacin ya fara harkar siyasa, baya zama gida harkoki sunsha gabanshi, harkar mata ta k'aru sai dai shan giya ya d'an ragu sai daddare kawai, duk wannan bai damunta kamar yanda idan yayi shigowar dare yake ritsata a gaban Khairat ya nemeta, duk k'ok'arin da zatayi na samun dama baya barinta, haka zai kwanta da ita a gaban Khairat duk da tana bacci, ta d'auka kodan tana qarama ne yake haka duk da ba a hayyacinshi yake ba, amma sai gashi Khairat tayi wayo da girmanta da komai zai fara k'ok'arin nemanta, yarinyar ce kawai ke barin wurin saboda tsoro.

Duk da haka Khairat na ganin soyayya a wajen mahaifinta da k'auna , babu wanda ya isa ya harareta baiga wulak'anci ba gata take samu a wajenshi sosai, sai dai duk da haka takan ji tsoronshi kuma bata zuwan wajenshi sai inshi ya zo wajenta, ta fara karatu a ecole (school) d'in da tafi kowace a garin, sai dai duk k'ok'arin Na'ima na ya barta taci gaba da zuwa makaranta amma ya k'iya saboda ta fara zuwa ranar ta dawo tace malam ya daketa, bai bari ta sake zuwa ba kuma Na'ima data fara koya mata a gida, ranar ya samu tana kuka bayan ya tambayeta tace mama ta daketa dan bata iya karatun data koya mata ba, bayan fad'a da Na'ima tasha y kuma ce karta sake shiga harkar 'yarshi, saboda b'acin rai sai yasa Na'ima yin alk'awarinba zata sake kulashi da yarshi ba, idan Allah ya nufeta da shirya ta shiryu, idan kuma akasin hakane to matsalarsu ce.

_Kash, wannan ba mafita bace, duk inda aka je aka dawo ke uwace kin fishi asara , dan ko gidan aure taje za'a ce laifin uwane._


*Ranar talata* rana ce da Khairat ta kasa mantawa da iya duk da k'arancin shekarunta, mahaifiyarta na saka mata kayan bacci ya shigo, kamar dai yanda aka saba daga yanayin bud'e k'ofar ta gane waye da kuma halin da yake ciki, ganin yana yowa kanta yasa ta fahimci komai, tsaye ta mik'e ta tura Khairat gefe tace "kije d'akinki ina zuwa."

Kallonta Khairat tayi a matuk'ar tsoro ta kalli mahaifin nata, bayan mahaifiyarta ta koma ta b'oye, lokacin kuma ya kawowa uwar cabka ya fara k'ok'arin keta rigarta, sake turata tayi ta nufi k'ofa tace "kije nace ko."

Duk da tsawar data mata baisa ta tafi ba, wani mari ya kifa mata a cikin muryar 'yan shaye shaye yace "d'iyar tawa zaki ma wannan tsawar, ita sa'arki ce, nace sa'arki ce ita, tsararki ce da zaki mata wannan tsawar?"

Duk ya k'are tambayoyin ne da marinta, belt (ceinture) d'inshi ya fiddo zai fara dukanta Khairat ta fita a guje tana kuka, bakin k'ofar d'akin ta tsaya tana sauraren kukan mhaifiyarta da kuma sambatu da kukan mahaifinta keyi, kamar abu yayi sauk'i sai taji k'arar belt d'in nan da kuma kukan mamarta, ta tabbatar itace yake duka, kasa jura tayi kawai saita shigo d'akin a hankali, ganin mahaifinta babu komai a jikinsa haka ma mahaifiyarta kawai sai tayi k'ara mai tsanani ta fad'i qasa somammiya, shine ya fara kai mata d'auki kafin uwar tasa kayanta ta nufi wajenta itama, a daren ba suyi bacci ba ko kad'an bayan sun samu Khairat ta farfad'o, daga lokacin sai abubuwa suka fara canzawa amma fa na d'an wani lokaci.

Khairat ta daina walwala a gidan mahaifinta, tafi so ta zauna shiru ko kuma tasa écouteur (hearpeas) a kunne tana sauraro, Na'ima kuma ta fita harkarta daidai da gaisuwa bata had'ata da ita, ko abinci bata ce mata fito kici ta dinga nuna mata rashin kulawa, mahaifin kad'ai ke kulata ke kuma bata farin ciki.

Khairat nada *shekara sha shida* ta fahimci abinda iyayenta keyi a kowane dare wanda kesa mahaifiyarta kuka, kowane dare da abin sauraro take saboda kar taji abinda ke faruwa a wajen iyayen nata, a hankali sai damuwa da kad'aici da kuma tsoro yayi tasiri sosai a rayuwar Khairat, hakan kuma ya janyo mata matsanancin ciwon qirki da kuma ciwon kai dake damunta duk lokacin da ta shiga b'acin rai ko damuwa, bayan Mani ya fahimci hakan saiya kaita asibiti anan aka d'orata akan magunguna, amma matsalar ba daga ita bace daga garesu ne, ganin abin ba sauk'i yasa Mani ya mayar da ita india wajen mahaifiyar Na'ima, komawarta can kuma yafi mata kwanciyar hankali da jin dad'i, gata da lele ta sake samu acan saboda ita d'in ta zama 'yar gudaliya a wajen kakar tata, sannu sannu sai Khairat ta fara zama mai tsauri da rashin kunya kuma marar qaunar talakawa mai wulak'anci gana k'asa da ita, taci gaba da karatunta acan kuma ta shiga gidan koyan rawa wanda hakan baima Na'ima dad'i ba ,amma tunda tace ta daina shiga harkarta yasa bata mata magana ba, a kwana a tashi saiga Khairat har akan je da ita wajen concert ko wani competition na rawa kuma ta zama zak'ak'urar 'yar rawa da shugabansu ke ji da ita, soyayyar data fara da wani yaro abokin rawarta mai sunan *Rajveer* yasa hankalin Na'ima ya tashi lokacin da ta zo ganin mahaifiyarta, ganin basu da shamaki sukan tab'a juna ba tare da jin wani abu ba yasa bata tafi ba sai tare da ita, duk da ita bata so ba amma haka suka tafi, yayin da Raj yaji mahaifiyar bata gyara masa ba danshi yana sonta sosai.

*Shekara d'aya* da dawowarta kuma Mani ya mallaka mata wannan compagnie nashi a matsayin kyautar anniversaire d'inta na cika shekara ashirin da biyar, a lokacin ne kuma ta fara aiki a ma'aikatar, duka duka sati uku kenan da fara aikinta, amma gashi *Umar Faruk ya b'ata mata rai.*

*Luv you guy's*😍
06/08/2019 à 00:06 - Meerahgee❤: 💑💑💑💑💑💑💑💑💑💑
*JIHADI*
_Umar faruk_
💑💑💑💑💑💑💑💑💑💑

_NA_

_SAMIRA HAROUNA_


_DEDICATED TO_

*MA FAMILLE*

🇸🇦 *ZAMAN AMANA WRITER'S*
_(Gidan zaman lafiya da amana insha Allah)_🤜🤛


_Bismmilahir-rahman-rahim_

*BILQEES*

WANNAN PAGE TAKI CE, KE KIKA FARA COMMENT.

5⃣

*CI GABAN LABARI*


A hankali ta farka daga baccinta, saida ta tashi zaune tayi hamma sannan ta d'auki wayarta ta duba agogo, 10:40 tashi tayi ta fito sai dai bata sauko ba daga sama ta dinga hangen falon harta hango d'aya daga cikin mai aikinsu, daga saman ta kwallo mata kira "Biba."

"Na'am Hajia." ta fad'a cikin ladabi tare da zubewa qasa.

Juyawa tayi kawai ta koma d'akinta ta zauna saman gado tana wasa da kitson kanta, Biba ce ta shigo ta durk'usa tace "gani Hajia."

Kanta qasa tace "ki had'a min ruwan wanka."

"To." tace ta nufi bayin.

Saida ta gama had'a mata da duk wasu turaruka da take aiki dasu sannan ta fito ita kuma ta shiga, saida ta d'auki awa d'aya sannan ta fito daga bayin, d'aya mai aikin ta samu wacce take tayata shiryawa, kamar yanda suka saba yanzu ma hakane ya faru, da taimakonta ta shirya cikin riga da siket na shadda wanda suka kama jikinta sosai suka fito da k'irarta, d'an k'aramin gyale ta d'auka sai dai a d'aya kafad'a kawai ta d'orashi tare da rik'e jaka a hannu da wayarta sannan ta fita, a falo ta samu duka iyayen nata a tsaye da alama magana suke, wucewa tayi ba tare data kallesuba tace "da alama kun tashi lafiya."

Bata jira amsarsu ba tayi gaba, Mamie ce tace "Khairat abincinki fa?"

Bata ji ba bare ta amsa saboda ta rigayi da tayi nisa, motarta ta shiga k'irar RENGE ROVER ta nufi ma'aikatarsu da tunanin had'uwarta da Umar faruk.


Ai kuwa kamar yanda ta saba da shan k'amshinta ta shigo wajen, a gadarance take kallon kowa har saida idonta ya sauka akan Faruk, murmushi ta farayi tana takowa wajenshi har saida ta tsaya gabanshi, jin tattausan k'amshin turare a bayanshi yasa ya juyo a hankali, da sauri ya mik'e tsaye gabanshi na fad'uwa dan baisan me zai biyo baya ba, dama ya zone saboda umarnin mahaifinshi, cikin rainin wayo tasa yatsarta ta shafi sajen fuskarshi tana fad'in "Umar Faruk ko?"

"Sannu jarumi, sai dai kuma nayi mamakin ganinka anan, na d'auka ai ka daina aiki, amma kuma saina ganka nan, meya faru?"

Bata bari yayi magana ta kama mab'ullin rigarshi ta fara b'alle masa tana fad'in "karka d'auka ka mareni ka ci bulus kenan, ka kula da kanka dan babu abinda zai hanani *d'aukar fansata* a kanka ba, kayi abinda ko iyayena ba suyi ba, da wannan nayi alk'awarin cin mutuncinka ko ta wace irin hanya, ina fata ka fahimta?"

Wasa wasa ashe ta cire duka mab'allan rigarshi, saida ta wuce bureau d'inta sannan ya fahimci hakan, maida mab'allanshi ya farayi yana kallon mutanen dake kallonshi, saida kowa ya fara aikinshi ya sulale ya nufi bureau d'in nata, Habiba ce ta shigo tace yana son ganinta amma tace ta fad'a masa bata son ganin kowa, rok'on alfarma yayi akan ta barshi ya shiga, a gadarance tace ta barshi ya shigo, shigowa yayi yana kallon fuskarta har ya tsaya gabanta, saida ta kallesa rai b'ace tace "kayi kuskure, kafin ka bar nan wajen zan saka wani aiki."

Kud'i ta fito dashi 'yan goma goma guda uku ta bashi tace "karb'i wannan, kaje ka samu masinger ka tambayeshi komai akan abinda yake siyo min, saika siyo min dan banyi kari ba."

Wani kallo ya mata yana lumshe ido d'aya kamar zai sake bigeta amma saiya dake ya juya ya fita, haka yaje ya samu masinger ya tambayeshi, tsaf ya fad'a masa komai sannan ya hau mashin d'inshi ya tafi.


Cikin awa d'aya ya dawo, har bureau ya kawo mata ya aje, kallonshi tayi cike da mugunta tace "kaga plateau ( plate)can d'auko ka saka min."

Kallonta yayi amma babu yanda ya isa sai d'aukowa ya zo ya zuba mata, tura mata plate d'in tayi tasa hannu ta fara ci ya fito da kud'i ya aje gabanta tare da cewa "canjinki."

Fuska a had'e tace "aini bana karb'ar canji, ka rik'e wanjenka nasan zasu maka anfani."

Ganin kamar ba zai d'auka ba yasa ta kalleshi tace "ba kaji mena ce ba?"

Dauka yayi ya rik'e a hannunshi sannan yace "dan Allah kiyi hak'uri akan abinda ya faru, wallahi kuskure ne insha Allah ba zan sake maimaita kamarsa ba."

Saida ya gama ta kalleshi tace "ka d'auko min ruwa masu sanyi a fridge."

Yanda yayi tsaye baida niyyar yin abinda tace yasa ta jingina da kujerarta ta lumshe ido, idonta ya kalla wanda sukasha mascara sai sukayi kamar fossile, fridge d'in ya nufa yana fad'i a ransa "kyawunta hallinta babu kyan hali, ina ma zaki gyara d'abi'unki da kin more kyawunki duniya da lahira."

Daukowa