You Cannot Download this book untill you login but you can read it .

---

Login Register

ta dubi Ayiya tace "Alhamdulillah Ayiya Allah ya cika min burina, burin da ya jima yake kwance cikin zuciyata, wanda nake kwana dashi kuma nake tashi dashi...."

Ayiya ta kuma kamo hannun Nana A kana tace "Haka ne 'Yar Albarka Allah shine abin godiya... Maza mu k'arasa na tabbata isowarki kawai ake jira...."

Nana A ta kuma sakin murmushi kafin suka nufi cincirindon mutanen, securities d'in Siraj sai taimaka masu suke faman yi.....

Daga yanda yake zaune cikin wheelchair d'insa yana hangosu,.... Fuskokin da bazai tab'a mancewa dasu ba sune suka sake bayyana gabansa, fuskokin da yake kwana yake tashi dasu FUSKA UKU wad'anda yake kwana yake tashi da burin ganin bayansu, idanunsa ya soma sauk'a kan Ahidjo wanda bai mance ba shine yaga bindiga rik'e a hannunsa, gashi nan da matarsa sai raha da farin ciki suke.... Lokaci guda idanunsa suka sake sauk'a kan Lamid'o mutumin da bazai tab'a mancewa ba shi ya soma tattaka k'afarsa da iya k'arfinsa mutumin da ya soma janyo sanadi na kasancewarsa cikin nakasa, gashi a yanzu ya kuma zama k'akk'arfa fiyeda yanda yake a baya, alamun kwamciyar hankali ya dad'a samunsa.... Lokaci guda idanunsa ya sake sauk'a kan mutumin da yafi tsana gaba d'aya a cikinsu, mutumin da yayi sanadiyan rabuwarsa da farin cikinsa ZEENATU mutumin da ya janyo masa fad'awa k'uncin da yake ciki a yau wanda baya tunanin zai tab'a gushewa daga cikin zuciyarsa, baya tunanin wannan ranar tana zuwa...

Gabaki d'ayansu Junaid yake bi da kallo abubuwan da suka faru a baya na dawo masa, lokaci guda yaji zuciyarsa na masa wani irin zafi, k'aran harbin da akayima Zeenatu ihunta da maganganun da sukayi cikin waya ba daina yawo a kwanyar Junaid da kunnuwarsa ba, gaba d'aya baisan mai ake gudanarwa a taron ba sai kafe FUSKA UKU da idanu da yayi, ji yake da yanada hali ya shak'esu d'aya bayan d'aya sun daina numfashi kaman yanda suka raba Zeenatu da rayuwarta.....

****

*Misau*

A guje yauma ta shigo gidan tana ihu tana kuka hannunta yayi jajazir alamun k'una,...

Innah na surfen wake tayi jifa da tab'arya a tamanin ta nufo Deejo tana sallalami tana tafe hannu ganin yanda hannun Deejo ya d'ura ruwa yayi jazir alamun k'una....

Kuka Deejo take tana fad'in "Innah dan Allah ki ceceni kada ta kasheni, wllhi tace kasheni zatayi muddin ban amso mata kud'in Lado mai gurmi ba.... Innah dan Allah ki b'oyeni kice mata na mutu ko zan huta... Innah kiji tausayina dan Allah...." Ta k'arashe tana kuma fashewa da wani sabon kuka...

Innah ta gyara d'aurin zaninta tana kuma tafe hannaye cikeda mamakin yanda Duniya ta lalace a yau, shin har yaushe za'a daina samun matsalan kishiyar uwa a k'asar hausa? Shin yaushene addini zai wadace mutane su gane cewa shi yaro na mutum guda bane? Shin har yaushe son zuciya da son abin duniya zai bar zukatan mutane A DUNIYAR MU? Yaushe za'a daina wulak'anta d'iyoyi mata a wannan rayuwa....? Yaushene mutane zasu fahimci shi d'a a hannun marik'insa walau iyaye walau akasin haka amanace....? Tirk'ashi tabbas d'an Adam nada babban k'alubale a gabansa.....

Innah na cikin wannan tunani ta jiyo k'ara.... Krarau! An banko k'ofa an shigo, ga tsananin mamakinta Gaje ce ta taso mijinta gaba tana surfa masa ruwan bala'i tana fad'in yayi iyakawa shegiyar d'iyarsa da wannan gidan da mutanen ciki....

Ai Deejo na jinsu tuni tayi cikin rumbu ta b'oye tsakankanin buhuhuna ita kanta Innah batasan yanda akayi Deejo ta b'ace a wajen ba kawai dai bud'e idanu tayi taga babu Deejo a wajen, iyaka dai tasan Deejo na cikin gidan bazata fice ba saidai ta nemi wajen b'uya sabida jiyo sautin Gaje da tayi.....

"Toh annamimiya shugaban munafukai na duniya maza a fito mana da d'iyarmu tinda ita Allah yayi bamu sallamatawa bariki ba.... Fito mana da ita ehe....." Gaje ta k'arashe tana shan d'amara uwa 'yar wasan tashe....

Tun daga waje Baffah ke jiyo hayaniyar Gaje, yau wani ikon Allah haka kurum yaji ya baro kasuwa ya dawo gida aiko sai ga abinda ya tadda, Gaje ta yanda shiga bata nan take fita ba, sai tsine-tsine da rantsuwa take tana fad'in Innah Balki ta fito masu da d'iyarsu....

Baffah ya d'anyi gyaran murya yana duban Innah Balki kana yace "Bilkisu kin tabbata Deejo bata shigo gidan nan ba...?"

"Malam wai kaima ka yarda da maganar wannan matar ne... Idan taga Deejon ta d'auketa mana... Neman tashin hankali kawai irin nata, yarinya ana azabatar da ita yo mai kuwa zai hanata gudu...."

Mahaifin Deejo kuka yake sosai yana fad'in Deejonsa bata gudu ba Deejo tana nan bazata gudu ba.....

Baffah ya girgiza kai cikeda tausayin Malam Ard'o mahaifin Deejo, dafa kafad'ansa yayi ya soma basa baki cikin harshen fillanci Gaje kuwa bata daina bala'i tana fad'in a fito masu da d'iyarsu ba... K'arshe bincike ta shiga yi a gidan tana lek'a lungu da sak'o, harta madafi saida Gaje ta lek'a bataga Deejo ba, wani ikon Allah, Allah bai bata basiran lek'a rumbu ba... Haka suka k'araci bincikensu babu Deejo...

Yanda Baffah yaga hankalin Innah bai wani tashi ba yasan tasan wani abu gameda b'atan Deejo.... Gaje fah bataji ba bata gani ba daga gidan kad'an kan Mijinta sukayi suka nufi gidan Mai Unguwa don bata yarda ba Innah Balki bace ta b'oye Deejoh.....

***

Cikin lumana da kwanciyar hankali taron ke gudana, bayan an saurari jawabai daga b'angarori da dama aka soma raba kyaututtuka wa duk wani mai nakasa da ya halarci taron, a lokacin ne hargowa ya kuma b'arkewa sosai... Ana tsaka da wannan hidima wayar Siraj ta soma ruri, lambar Nadiya shi ya gani b'aro-b'aro ana tana kiransa, baisan dalilin fad'uwar gaban da yaji ya sauk'a masa ba sanda yaga kiran nata, yau gaba d'aya ko waya da ita baiyi ba.... A hankali ya soma k'ok'arin barin wajen dan keb'ewa yana kutsa cikin jama'a... A dai-dai lokacin Nana H da Lamid'o suka kalli juna wanda su kad'ai suka san ma'anar kallon nasu... Cikin sauri Lamid'o ya takewa Siraj baya.....


Lamid'o na isowa yanda Siraj ke tsaye yana amsa wayar ai shima sai ya tsaya cak yana duban Siraj wanda ke faman salati babu k'akk'autawa...

Cikin sauri Lamid'o ya k'arasa yana tambayarsa "Siraj lafiya... Make faruwa waye ba lafia....?" Duka tambayoyin lokaci guda Lamid'o ke jerowa Siraj.....

Cikin sauri Siraj ya katse wayar yana fad'in "Maama I'll be right there.... Zanjeni asibitin yanzu, kin kwantar da hankalinki insha Allah Nadiya zata sami sauk'i, zanjeni yanzu....."

Yana ida wayar ya soma tafiya cikin sauri yanai ma Lamid'o bayani....

"Lamid'o I've to go... Nadiya tayi accident a hanyarta na zuwa taron nan, tana asibiti unconscious, mahaifiyarta ce ta kirani yanzun nan take sanar dani....."

Wani irin bugu k'irjin Lamid'o yayi yana mai girgiza kai yake salati yana jajanta yanda lamarin ya faru....

Nana H da isowarta wajen kenan taji suna batun.... Wani irin kuka ta saki tana kuka sosai take fad'in "Uncle mai ya sami Nadiya... Dan Allah mai ya sameta kada kucemin wani abu ne ya sami k'awata... We were together yesterday har tace min zata zo ta taron Nana A da akeyi yau.... Uncle ina Nadiya take.....?" Kuka yaci k'arfin Nana H.... Saurin rungumota Siraj yayi yana lallashi dukda shima k'arfin halin kawai yake...

A hankali yake shafa kan Nana H yana fad'in "Is OK baby.... Nadiya zata sami sauk'i insha Allah... Ki daina kuka kinji koh...." Jinjina masa kai kurum take ba tareda iya furta koda kalma ba....

Sanda Lamid'o ya sanar dasu Ammah abinda ke faruwa nan suka ce basuci ta zama ba dole su tafi duba Nadiya da halin da take ciki....

Sosai hankalin Nana A ma ya tashi taso ta bisu asibitin amma Siraj ya buk'aci ta zauna a ida taron itada Ayiya, hakan kuwa akayi, Gaba d'aya Lamid'o saiji yayi tashin hankalin da Asma'u ta shiga ya d'aga masa hankali, baison ganin hawayenta sam, gaba d'aya baisan mai yake ji gameda ita ba... Kusanta ya matso sosai had'i da kwantar da murya ya soma lallashi yana bata baki "Nana....." Ya kirawo sunanta a hankali.... D'ago idanu tayi tana dubansa kafin yaci gaba da fad'in "Everything will be alright OK.... Kin kwantar da hankalinki kinji...."

Cikin nuna damuwa sosai ta shiga jinjina masa kai tana goge hawayen idanunta take fad'in "Please keep us posted Uncle Lamid'o.."

Cikeda kulawa ya jinjina kai yana fad'in "I'll insha Allah ok.... Just take care of yourself ok...." Jinajina masa kai ta kuma kafin sukayi sallama da Ayiya cikin sauri yabi bayan su Siraj

Gaba d'aya suka d'unguma suka nufi asibiti cikin tashin hankali.....

Siraj yaso Ahidjo ya wuce da Nana H gida sabida yanda hankalinta ya tashi sosai amma ta doge tace itama asibitin zata, tana son ganin Nadiya tasan halin da take ciki... Sosai ta baiwa Ahidjo tausayi ganin yanda hankalinta ya tashi dukda a kwana biyun nan ya d'auke mata gaba d'aya amma yau sai ta basa tausayi, rungumeta yayi cikin jikinsa yana kuma lallashinta yana fad'i mata Nadiya zata sami sauk'i...

Idan ka kalli Siraj dole ya baka tausayi driving kawai yake amma kasan hankalinsa baya jikinsa, shi kansa tausayin kansa yake, Allah sarki Nadiya Allah sa kar itama ta mutu ta barsa, a hankali yasa hannunsa yana goge idanunsa da yaji suna k'ok'arin kawo ruwa... Lamid'o dake zaune gefensa a hankali ya sadda kansa cikin zuciyarsa yake ji tamkar tausayin Siraj na ratsa sa tako ina.....


Tunda suka tafi hankalin Nana A bai kwanta ba gaba d'aya sai ta koma wani iri, tana wajen ne kurum amma hankalinta bai wajen.... Ma'aikatan wajen sai kai komo suke suna rabon kayan tallafin ... Gaba d'aya Nana Asma'u ji tayi bazata iya jure zaman wajen ba har a gama taron.... Haj Larai k'awar marigayiya mahaifiyarsu itace a matsayin mai kula da komai na cibiyar, dole Ayiya ta sameta ta sanar da ita zasu tafi sabida halin da Nana A ke ciki gaba d'aya tunda 'yan uwan nata suka tafi hankakinta bai kwanta ba....

Cikin sauri suka nufo waje dandatson musakai sai rapka tafi suke tunda suka hangi fitowar Nana Asma'u.....

Cikin tafiyarta wanda yafi kama da d'ingishi take takawa lokaci guda wayarta dake cikin jaka ya shiga ruri lokaci guda ta soma k'ok'arin ciro wayar daga jaka, ga jama'a sai faman mik'a mata gaisuwarsu suke... Garin kiciniyar ciro waya a jaka wayar ta fad'i k'asa...

Dai-dai ta sunkuya d'aukan wayar kenan shima ya kai hannunsa.... Wani irin bugu k'irjinta yayi ta shiga bin hannun nasa da kallo.... Lokaci guda Nana A tayi saurin d'aga hannunta tana kallon mutumin wanda ke ta faman had'a mata wayarta data tarwatse a k'asa.....

Saida ya ida had'a mata wayar tas kafin ya d'ago fuskar sa suna duban juna....




*SameenaAleeyou📚*
[12/19, 6:38 PM] ‪+234 810 044 6653‬: *FUSKA UKU*🏮



*12*




*©Sameena Aleeyou...✍🏽*




Murmushi kwance saman fuskarsa yake dubanta yanda tayi sakare tana dubansa.... Gaba d'aya tayi nisa duniyar kallon wannan gurgu dake zaune cikin kekensa a gabanta.... Muryarsa ta jiyo yana fad'in "Miss here you go....." Ya k'arashe yana mai mik'a mata wayar....

Saurin saita kanta tayi kana tasa hannu ta amshi wayar had'ida k'ak'aro murmushi saman fuskarta...

"Na gode bawan Allah....." ta fad'i still murmushi saman fuskarta

Shima murmushin yake kana yace "Babu komai, ki dinga kula sabida wayoyi irin naku faduwa k'ank'ani suke su sami matsala ga tsadan gaske...." Yana ida fad'in haka ya soma tura kekensa da niyar barin wajen...

Yanda yayi maganar cikeda kulawa ya sanyata kuma dubansa tana mai juya wayar hannunta.... Cikin sauri ta bi bayansa tana fad'in "Amm.. Nace ba....."

A hankali Junaid ya kaikaito yana dubanta....

Murmushi saman fuskarta tace "Na gode sosai...."

Da gefen bakinsa ya murmusa kana yace "Babu komai fah...."

Zai soma tafiya Asma'u ta kuma tsaida shi da fad'in "Tareda kai akayi taron nan gaba d'aya...?" ta tambaya tana dubansa

A hankali ya jinjina mata kai ba tareda ya furta komai ba....

Cikeda mamaki tace "Toh ya ban ganka da wani kyauta ba ko bai iso kanka bane....?"

Junaid ya kuma murmusawa kana yace "Kar ki damu Miss na kyautar da nawa ne ma wanda yafini buk'ata, da inada hali nayi makamancin abinda kikayi da nayi domin taimaka wa 'yan uwanmu masu lalura irin tamu, saidai dukda haka na gode ma Allah da ya bani ikon halartar wannan taro da kika gudanar, naji dad'i sosai kuma na yarda akwai mutanen kirki A DUNIYAR MU..."

Asma'u ta kuma binsa da kallon mamaki, ashe dai akwai mutane irinta da yawa, lokaci guda ta sakar masa murmushi kana tace "Niyyanka na alkhairi Allah ya biyaka, idan bazaka damu ba dan Allah inason sanin sunan ka sannan inaso kayi register da foundation d'in nan please....."

Junaid ya kuma d'an murmusawa yana dubanta yanda take maganar alamun ta gaji da tsayuwa sabida lalurar k'afarta kana yace "Da alama kin gaji da tsayuwa..."

Gyara zaman mayafin doguwar rigarta tayi tana d'an waige-waige yanda zata hango abin zama nan kuwa ta hangi wata kujera daga can gefe, cikin d'ingishi ta nufi kujeran saidai kafin ta k'arasa ga kujeran Junaid ya isa ya d'auko mata kujeran.... Ta bisa da kallo fuskarta d'auke da murmushi.....

Gyara zaman kujerar tayi tana mai furta kalmar godiya kana ta zauna bisa kujeran suna fuskantar juna...

Ta kuma gyara zaman gyalenta da iska ke faman fifitawa kana tace "Umhum ina saurarenka ka sanar dani sunanka..."

Junaid ya sauk'e hular sanyi dake kansa fuskar sa ya bayyana sosai wanda hakan saida ya kuma sanya Asma'u sabon fad'uwan gaba....

Tabbas ya lura da hakan kuma da biyu yayi hakan, yasan dalilinsa nayin hakan...

Saida ya d'an mik'e sosai cikin keken nasa kana ya soma fad'in "Sunana Junaid.... Saidai register da foundation d'inki ne bansan ko zan iya ba....."

"Junaid..." Ta maimaita a hankali kana taci gaba da fad'in "Dan Allah kar ka yanke hukunci cikin gaggawa, kayi shawari ko zaka iya register damu please... Mutane irinku mukeso a wajen nan.... Please Junaid..."

Sunansa data ambata k'arshen kalamanta saida ya sanyasa d'ago idanu yana dubanta... A hankali ya saki murmushi kana yace "Shikenan zanyi yanda kika ce Miss.. Zanyi shawari...."

Asma'u ta murmusa cikeda jin dad'i kana tace "You can call me Asma'u or Nana A haka ake kirana a gidanmu...."

Junaid ya kuma murmusawa gani she's so naive, she can trust easily, sam manipulating d'inta bazai masa wahala ba.....

"OK.... Asmah..."

Kallonsa tayi jin sunan da ya kirata dashi wanda babu wanda ya tab'a kiranta dashi... _Asmah_ ta maimaita a hankali, tabbas sunan ya mata dad'i..... Gani irin kallon da yake mata ya sanyata sadda kanta k'asa lokaci guda bugun k'irjinta ya k'aru... Sun shafe kusan minti guda babu wanda ya kuma magana har saida suka jiyo muryar Ayiya tana fad'in " 'Yar Albarka ina kika shige inata nemanki, hankalina duk ya tashi...."

Saurin mik'ewa Nana A tayi ta nufi Ayiya tana fad'in "Ayya 'yar tsohuwata I'm sorry gani nan a nan, na fad'a maki kar ki damu bazan b'ata ba...."

"Yo ba dole na damu ba, tun d'azu nida Larai muke nemanki, lafiya kikazoki nan kika zauna....?"

Sai sannan Nana A ta juyo yanda ta bar Junaid a zaune da niyyan introducing d'insa wa Ayiya saidai wayam bataga kowa ba, babu Junaid a wajen.....

Mamaki ya cikata, toh ina ya shige yanzu yanzun nan.....

Ganin tana waige-waige ya sanya Ayiya tayata dube-duben tana fad'in "Menene kam kika gani....?"

D'an sauk'e ajiyan zuciya Nana A tayi kana tace "Muje Ayiya, mu k'arasa asibitin mu duba jikin Nadiya..."


Ayiya ta jinjina mata kai kana ta rik'o hannunta suka soma tafiya, har lokacin Nana A bata dawo dai-dai ba....

***

*Tambuwal*


Wayar ce ta kuma shigo mata tana duban lambar ba tareda ta d'aga ba, tasan bazai tab'a barinsu ba, bazai tab'a bari mata Mairo har abada ba, shin ko wannnan garin zasu bari su kuma komawa wani garin, bata jin zata iya damk'a Maironta wa mutumin da tasan cutar da ita zaiyi sannan bata jin zata iya maida Mairo ga danginta tunda tasan dangin nata cikin had'ari suke rayuwa, tabbas tasan ALHAJI BULAMA bazai tab'a barin dangin Mairo ba sai yaga bayansu, itako bazata bari tanaji tana gani ta tura Mairo cikin wannan musiba ba, gwara su ci gaba da yawonsu wa gari wa gari itada Maironta, tinda dai ya mik'a mata ita a hannunta toh yayi kuskure domin Mairo ta zama d'iyarta na har abada, bazata tab'a sanar da ita cewa ba itace ta haifeta ba..... Bata ida tunanin ba wayar ta kuma k'ara....

Dadda tayiwa wayar k'uri domin babu abinda ta tsana kaman taga kira da bak'uwar lamba....

Saida aka kira sau uku a na uku tayi ta maza ta d'aga don ko babu komai tasan dai-dai da ko wani shege take....

Daga d'aya b'angaren dariya ya fashe dashi kana yace "Bintu kenan..... Ina Mairo ta... Da fatan tana lafia....?"

Kaman bazatayi magana ba sai kuma tace "Alhaji barka da rana....."

"Baki amsa min tambayata ba, Ina Mairo..?"

Kasa furta komai tayi tana tunanin ta yanda akayi Alhaji Bulama yake samun layinta..... Tabbas dole ta tattari Mairo su kuma yin hijira kafin ya cimmasu....

"Kina jina Bintu... Mairo amana ce a hannunki kuma nasan kina son Mairo fiyeda komai A DUNIYARKI kici gaba da kulamin da Mairo har na k'arashe cikita burina A DUNIYATA na auri Mairo na bata duk wani kulawa da gata da na hanata samu daga danginta...."

Dadda ta katsesa da fad'in "Alhaji yanzu a shekarunka har kana tunanin auren yarinya kaman Mairo.. Haba Alhaji dan Allah ka k'yalemu haka nan, wllhi Mairo soyayyata da duk wani kulawa tawa ya isheta, dan Allah ka....."

Dakatar da ita yayi da fad'in "Bintu kenan, ashe ke har kin isa ki sanar dani abinda zanyi...? Idan ban mance ba da hannayena na mik'a maki Mairo shekaru ashirin baya ashe kuwa kinga dawo da ita hannuna bazai maki wahala ba... Kar kiyi tunanin zaki tab'a b'ace min a fad'in k'asar nan domin kinsan duk yanda kika tafi zan cimmaki....." Daga haka bai saurari cewarta ya katse kiran....


Dadda tabi wayar da kallo tana tunanin lamarin.... Kai inaa wllhi bataga mahaluk'in da zai rabata da Mairo ba ko shi waye, duk k'arfin arzikinsa duk k'arfin mulkin sa, Mairo d'iyarta ce duk bala'in da za'ayi.... Ta k'arashe tunanin nata tana wani irin huci tamkar mai shirin taran fad'a.....


****


Cirko-cirko suka taddasu a asibitin ga mahaifiyar Nadiya sai kuka take Ammah na gefe na bata baki, Lamid'o na ganinsu ya k'araso da sauri ya taresu, Nana H kuwa tayi lamo jikin Uncle Siraj idanunta gaba d'aya sun kod'e alamun taci kuka, daga ita har Siraj d'in dole su baka tausayi... Cikin sauri Nana A ta k'arasa garesu had'i da zama b'angaren Uncle Siraj ta dama ta shiga lallashinsu daga shi har Nana H d'in... Nan Lamid'o yake sanar da Ayiya an shiga aiki wa Nadiya sabida had'arin da tayi ba k'aramin had'ari bane....

Kowa yayi cirko-cirko da kalan addu'an dake bakinsa.....

***

*Misau*



Baffah na zaune tsakar gida yana cin abinci kafin lokacin komawa kasuwa tayi ya koma yaji motsi daga cikin rumbu.... Tun yana jiyo motsin kad'an har dai yaji da gaske motsi ne.... K'uri yayima k'ofar rumbun ba tareda yaci gaba da cin abincin ba....

Kaman 'Yar kyanwa haka ya hangeta tana fitowa daga tsakankanin buhuhuna..... Mamaki ya cika Baffah, abin har yaso basa dariya... Banda yarinta irinta Deejo ya zaki shige tsakankanin buhuhuna na abinci idan tsautsayi ya auka buhu ya fad'o maki fah...? Ya d'an girgiza kai had'i da yin murmushi tana lek'e-lek'e alamun tana son fitowa kana yace "Fito abinki Deejo Gaje bata nan...."

Cikin sauri Deejo ta k'arashi fitowa, dai-dai lokacin Innah ma ta fito don taji maganar Baffah tasan da Deejoh yake.....

Itama Innah mamaki ne ya cikata ganin Deejoh ta fito daga cikin rumbu, ashe nan ta shige ta b'oye, ita kanta Innah saida Deejoh taso bata dariya...

Baffah ya lura da yanda Deejoh ke rik'eda hannunta idanunta sunyi rau-rau

"Subhanallahi Deejoh mai ya sami hannun...?" Ya tambaya cikeda kulawa....

Nan Innah ma ta k'araso tana fad'in "Haka fah hannun nata da ciwo dama ta shigo, taho mu gani Deejoh... " Ta k'arashe tana fitowa daga d'akin....

Sosai hannun Deejoh ya k'one, abin tausayi idan ka gani, Innah kaman zatayi kuka sanda Deejoh ke basu labarin k'unar.... Oh Duniya abin tsoro, kasa ruwan zafi ka k'ona d'an mutum don bakai ka haifa ba, sai kace wani kaza....

Nan Baffah ya shiga had'a mata garin magani ya barbad'a mata a wajen k'unan dama Allah yasa ya iya ire-iren wad'annan magunguna na gargajiyan.... Innah ta zuba mata abinci paten dankalin hausa taci tayi nak sai bacci yayi gaba da ita.... Har d'aki Innah ta kaita ta kwantar saman gadonta mai rumfa... Zaune tayi gefenta had'ida k'ura mata idanu tausayinta na kuma ratsa ta, a haka ta dawo tsakar gidan ta tarar da Baffah na shirin komawa kasuwa, d'an zama gefensa tayi tana dubansa...

Dubanta shima yayi kana yace "Tayi bacci koh....?"

A hankali Innah ta jinjina kai... Kana ta muskuta tana mai fad'in

"Yanzu Malam haka zamu zuba idanu ana cutar da yarinyar nan... Malam anya bazaka duba maganata ta kwanaki ba....?"

Shiru Baffah yayi yana nazarin maganar nata kana ya sauk'e ajiyan zuciya yace "Shikenan babu damuwa anjima idan na taso daga kasuwa zan sami su Malam D'alha muyi maganar, idan yaso ko gidan Mai Unguwa ne sai muje, babu damuwa na fahimceki tabbas zaman yarinyar a hannun Gaje akwai cutarwa, kuma nasan da niyyan taimako kikayi hakan, babu komai Bilki na maki alk'awari wannan karan kam da yardar Allah Deejoh bazata koma gidan Gaje ba....." Ya k'arashe yana duban matar tasa wanda farin ciki da take ciki ya gaza b'uya.... Allah na gab da cika mata burinta...


***

Kallo d'aya yayiwa Nasaar ya watsar... Sandarsa da yake dogarawa ya kama sannan ya mik'e tsaye yana kuma duban Nasaar dake zaune gabansa kana yace "Nasaar na yarda dakai d'ari bisa d'ari kuma nasan bazaka failing d'ina ba....."

Dattijo d'an kimanin shekaru 70 a duniya ya fad'i yana duban Nasaar d'in...



*SameenaAleeyou📚*
[12/26, 12:44 AM] ‪+234 810 044 6653‬: *FUSKA UKU*🏮



*14*




*©Sameena Aleeyou...✍🏽*





K'uri ya mata babu ko k'yafta idanu yanda take kan faman murmushi, shid'inma murmushi ne kwance saman kyakkyawar fuskarsa...

Asma'u ta tsargu da kalan kallon da Junaid ke faman binta dashi.... D'an ware idanunta tayi kana tace "Ya dai...?"

Junaid ya kuma murmusawa had'i da girgiza kai kana yace "Has anyone ever told you that you are so beautiful... and especially when you smile....?" Ya k'arashe kannennun idanunsa akanta....

Murmusawa ta kuma yi had'i da rufe fuskarta da tafukan hannu tace "You so funny you know.... Now is your turn ka bani labarinka kafin su soma nemanmu a ciki...."

Junaid ya d'an gyara zamansa kana yace "Would it be OK if I start calling you Beautiful...?"

Kallonsa tayi yanda yayi maganar da iyaka gaskiyansa kana ta sadda kanta k'asa...

Ganin tayi shiru tamkar mai tunani ya sanyasa matso da kekensa kusanta sosai kana ya d'an sassauta murya

"Asmah...!"

Bata d'ago ta dubesa ba bata amsa sa ba, kwantar da murya ya kuma kaman mai son yin rad'a...

"Asmah I'm sorry idan bakiji dad'in maganata ba, and I promise bazan sake ba kinji, amma ko baki k'yaleni na kiraki da Beautiful a baki ba... In my heart zan ci gaba da kiranki Beautiful...."

Wani irin yanayi takeji wanda bata tab'a tsintar kanta ciki ba, jin muryarsa take yana ratsa duk wani sassa na jikinta, ji take tamkar a wata duniyar ta daban suke.....

Junaid na hankalce