You Cannot Download this book untill you login but you can read it .

---

Login Register

ciwon kai mai tsanani da yake fama dashi....

Magunguna Dr ya rubuta wanda idan ya farka za'a basa, Hafiz ya karb'i takardan yana mai rakiyawa Dr Sahal....

Har wajen da ya ajiye motarsa ya rakasa bakin lungun nasu....

"Sahal, banida abinda zan biyaka dashi saidai nace Allah ya dad'a bud'a maka a aikinka, Allah ya biyaka duniya da lahira... Hak'ik'a irinku ne likitocin da Al'umma take fatan samu a koda yaushe.... Kana cikin aiki naje na katse maka na d'aukoka kuma baka nuna min komai ba, ka yarda ka biyoni domin ka duba maras lafiyana..... Sahal wllhi banida abinda zan biyaka....."

Murmushi Dr Sahal keyi yana mai d'an sosa kunnensa da d'anmakullin motarsa kana yace "Haba Hafiz, yanzu duk abinda zanyi a rayuwar nan kana tunanin zan iya biyan Mama Azumi da Baba Malam, kar ka mance lokacin da nazo kwaleji garin nan banida iyaye sai su, kuma banida d'an uwa sai kai.... So duk abinda zanyi wllhi ban biyaku ba... Kuma tarayya dani daku mukayi akan ailing alkhairi tunda wannan bawan Allah kuma baku sanshi ba.... Allah ya biyaku da alkhairi d'aukan bare da kuke ya zama naku, ba kowa ke iya yin hakan A DUNIYAR MU ba...."

Murmushi kawai Hafiz yace "Ameen ya Rabbi.... Toh Dr sai ka kuma jina, ayita hak'uri damu...."

Tak'aitaccen murmushi Sahal keyi kana yace "Zaka sani ai, kaima karatu ya kamata ka koma, tunda ka sha na islama ka k'oshi sai ka koma b'angaren zamani ma ka karanta...."

Shima Hafiz d'in murmushin yake kana yace "Insha Allahu muna da niyyan komawa.. Amma sai mun ajiye iyali...."

Darawa sukayi irinta abokai kafin suka kuma yin sallama Sahal ya shige motarsa yayinda Hafiz ya juyo zuwa gida....


Baba Malam ya dubi Mairo yana mai gyara zamansa yace "Ina saurarenki Maryam, wannan karan mai kika gani cikin baccinki...."

Mairo ta d'an dubi Umma Marie, kafin Umma Marie ta jinjina mata kai alamun ta sanar dashi....

Take hawaye suka soma zarya a fuskar Mairo, lokaci guda ta d'an saita kanta kana ta soma fad'in "Baba kaman dai mafarkin da na saba ne wai nida 'yan uwana, wad'anda na sanar dakai a kwanakin baya.... Toh Baba wannan karan mafarki nayi d'aya daga cikin 'yan uwan nawa ta mutu kuma wai ni ce silan mutuwarta... Baba sosai hankalina ya tashi sabida itace wacce nace maka muna yawan fad'a da ita bamu jituwa.... Amma kuma wannan karan wai ta kaini bango har na kasa hak'uri na mata dukan da ya aikata lahira..... Baba tunda na tashi a wannan bacci na kasa samun sukuni don lokacin dana farka kukan gaske nake....." Ta k'arashe cikin tsananin rawar murya.....

Shiru Baba Malam yayi yana nazari, shi kansa wannan mafarki na Mairo na matuk'ar k'ulle masa kai...


***



Sanda sukayi knocking a k'ofar ofishin Nana Junaid ke k'ok'arin fitowa... Gaisar dashi sukayi ya amsa masu da sakin fuska... Lokaci guda ya kuma juyowa yana duban Nana A kana ya sakar mata murmushi, murmushin itama ta sakar masa kafin ya fice....

D'an lek'awa tayi don taga kaman Ma'ajura a bakin k'ofar kana tace "Ma'ajura lafia dai...? Shigo mana....

Zaliha sai faman rik'e hannun Ma'ajura take tana mintsilinta alamun su koma kawai....

Ma'ajura ta d'an saita kanta tana fad'in "Dama... Dama babu komai Ma'am gani mukayi kaman kina busy.... zamu koma sai kin sami free time ...."

Murmushi Nana A ta d'anyi had'i da ajiye pen d'in hannunta "Ma'ajura babu abinda nakeyi, ku shigo bismillah...."

Ma'ajura ta dubi Zaliha had'ida d'an d'aga mata gira alamun su shiga kawai tinda ta masu izini....


K'irjin Zaliha sai bugun tara-tara yake.... Daga can gefe saman couch suka zauna....

Idanun Nana A naga takardan gabanta take ci gaba da fad'in "Ina saurarenku, akwai abinda ake buk'ata ne....? Ya performance d'in d'aliban naki Zaliha dukda dai yau ce ajinku ta farko...."

Murmushi sukayi su dukan biyun kana Zaliha tace "Ai sunada k'wazo sosai kuma suna son koyon sana'ar..."

Nana A ta murmusa kana tace "Masha Allah....!"

Shiru na wasu dak'ik'ai ya d'an ratsa kana Ma'ajura ta d'an gyara zamanta ta soma fad'in "Dama Ma'am wani abu ke tafe damu....."

Lokaci guda Nana A ta rufe file d'in gabanta don taji Ma'ajuran sounds serious....

Ma'ajura taci gaba da fad'in "Ma'am wata ce muka gani mai irin kamanninku keda 'yar uwarki...."

Ai tun Ma'ajura bata kai aya ba k'irjin Nana A yayi wani irin yankewa ya fad'i.... A dai-dai kokacin kuma Nana H ta turo k'ofar office d'in ta shigo....


***

Baba Malam yaci gaba da fad'in "A gaskiya Maryam wannan mafarki naki yana tareda abubuwa na ban Al'ajabi da mamaki, amma ni abinda zan iya maki shine zan k'ara maki wasu addu'o'i kan wanda na baki a baya..... Sannan ki dinga kula da addininki sosai..... Abu na gaba da nake son tambayarki shine idan kikayi wannan mafarkin kika farka baki jin ciwo haka a jikin ki ko alamun kinyi fad'a...?"

Shiru Mairo tayi kaman mai tunani kana ta shiga jinjina kai cikin sauri tana mai fad'in "Eh Baba dama tun ina k'arama nake fama da matsanancin ciwon ciki da baya, amma duk sanda nayi mafarkin nakan farka da d'aya cikin biyun ko ciwon ciki ko baya, amma wani sa'in ko banyi bacci ba ko banyi mafarkin ba ciwon yana min...."

Baba Malam yayi shiru yana wasu 'yan nazari, abin nata yana kama da shafan shaid'anu amma kai tsaye bazaice haka ba sai ya bincika....

Jinjina kai yayi kana yace "Kin tab'a zuwa asibiti akan ciwon naki....?"

Girgiza masa kai tayi alamun a'a kana tace "Ban tab'a zuwa ba Baba, tun ina k'arama saidai Daddah ta jik'a min sabara na sha ko mu sai magani a chemist...."

Nan ma jinjina kai Baba Malam yayi kana ya d'aurada "Ya kamata kije ki tuntub'i likita akan ciwon naki, idan abin yak'i ni kuma sai na maki ruqya.... Amma yanzu kije asibiti kiji mai likita zaice... Sannan kaman yanda na fad'a maki zan k'ara maki wasu addu'o'i kuma maganar bacci da alwala kar kiyi wasa dashi, sannan idan son samu ki dinga kunna suratul baqara duk safiya kina saurare tunda bazaki iya karantawa ba, da ace kin iya d'in ki dinga yi da kanki da zaifi amma saurarenma zai wadatar insha Allah....."

Mairo ta jinjina kai cikeda tausayin kanta kafin tace "Na gode Baba kuma zan kiyaye insha Allah....."

Kafin Baba Malam ya sami zarafin magana suka jiyo muryar Mama Azumi tana k'walla masa kira tana sanar dashi Ali ya farka....


Take Baba Malam ya soma hamdala ya mik'e cikin sauri bakinsa bai daina karanto hamdala ba.... Umma Marie da Mairo suka mik'e suma da tsananin mamakin waye kuma ya farka... Cikin sauri suka takewa Baba Malam baya...


Tinda ya farka d'in yake ambato sunan Deejoh.... Baba Malam na shigowa Mairo da Umma Mari

***

*FUSKA UKU*🏮




*61*





*©Sameena Aleeyou...✍🏽*




Ganin Nana H sosai ya haifarwa Zaliha da fad'uwan gaba, sai tafi ganin kamanninsu da Mairo fiyeda Nana A, harta wani irin kallon da Nana H ke watsa masu Mairo takanyi irin hakan idan 'yan fad'anta suna kusa.... Wannnan abin al'ajabi da yawa yake....

K'irjin Nana A bai daina bugu ba don ko takan Nana H batabi ba ta isa ga Ma'ajura tana rik'o hannayenta hawaye na gangaro mata take fad'in "Ma'ajura ina kika ganta, ina kikaga 'yar uwarmu... A ina kuka ganta dan Allah....?" Ta k'arashe tana mai jijjiga hannayen Ma'ajuran yayinda jikin Ma'ajura yayi sanyi gaba d'aya ganin yanda hankalin Nana A ya tashi matuk'a, tabbas wannan tabbacin sunada 'yar uwar kenan....

Nana H kuwa kunnuwanta ne suka sake gaskgata mata abinda takeji, zancen 'yar uwarsu Nana K ake, lokaci guda k'irjinta ya shiga bugun tara-tara, kenan duk wani k'ofa da ta toshe don ganin Nana K bata bayyana masu ba a banza takeyi, wannan wani irin jaraba ce, maike shirin faruwa da ita, a baya duk abinda tasa gaba sai tayi nasara amma yanzu akasin haka take gani... Cikin sauri ta k'arasa tana k'ok'arin rik'o Nana A take duban Ma'ajura da Zaliha wad'anda suka zubawa sarautar Allah idanu...

Cikin taku mai cikeda isa da k'asaita Nana H ta k'araso zuwa gabansu, lokaci guda take ci gaba da watsa masu wani irin kallo kana ta soma fad'in "Nana A ina kika samo wad'annan almajiran da har zasu fad'a maki magana ki yarda, sud'in ina suka san Nana K, ina suka tab'a ganin mai kamanninta, I'm quite sure ni suka gani babu wata Nana K, sannan wad'annan kud'i suke nema k'ila sun san cewa family d'inmu sun jima suna neman Nana K.... Bari kuji na fad'a maku single scent bazaku samu daga garemu ba, we're not stupids mun jima da sanin cewa Nana K ta rasu, duk wani wanda zaizo ya kawo mana wani batu daga baya munsan kud'i kawai yake nema...."

Tunda ta soma magana zuciyar Zaliha ke tafarfasa, wannan sam ta banbanta da Mairo, fuskarsu ne kawai iri guda amma kowa da halinsa.... Bata sami zarafin magana ba ta jiyo muryar Nana A tana ci gaba da fad'in "Nana H wllhi da gaske suke, da gaske ne sun san yanda zamu sami Nana K dan Allah ki k'yalesu su sanar damu..."

Ma'ajura ta cab'i zancen da fad'in "Ma'am wllhi ba kud'i muke nema ba, kuma wllhi da gaske 'yar uwarku ce, tana kama daku tamkar an tsaga kara, ni kaina banma san kunada 'yar uwar da ta b'ace d'inba sai yanzu.... Wllhi wllhi ba k'arya bane...."

"Ke ke ke...! Da Allah daina min shouting akai, waye baisanku talakawa da iya cutan mutane ba.... Ke Nana A sai kin kwaso wa kanki abinda zaiyi ajalinki wata rana, na tabbata wad'annan irinsu ne ake amfani dasu wajen kidnapping muta...."

Zaliha da tuni zuciyarta ta kai k'ololuwa wajen tafasa, a fusace ta katse Nana H da fad'in "Kada ki sake jifarmu da mummunar kalma irin haka, dukda cewa mud'in talakawa ne amma munfi k'arfin aikata abubuwan da kika zargemu akai...." Ma'ajura nata k'ok'arin tab'a Zaliha alamun tayi shiru inaa Zaliha saima fuzge jikinta da tayi ta dubi Ma'ajura tana fad'in "Ki k'yaleni nayi magana, wllhi sam ba d'abi'ata bace na tsaya ana ci min mutunci... Kar Allah sa ta yarda mana sai me.... Idan har bayyanar Mairo ba alhari bane a gareku ina rok'on Allah kada ya bayyana maku ita, domin wllhi wannan zasu kwashi 'yan kallo ne kawai da Mairo muddin ta kawo mata rainin hankali...."

Ta k'arashe Ma'ajura na k'ok'arin janyeta don su fice daga office d'in... Saidai ambato Mairo da tayi ya kuma tabbatar masu cewa tabbas Nana K d'in ce, tinda irin sunan da Lamid'o ya ambata kenan...

Kafin su fice Nana A tabi bayansu cikin sauri yayinda k'irjin Nana H yaci gaba da tafarfasa, wai ita wannan k'azama kucakar ta ida gayawa magana... Lallai kuwa batasan da wacce take ba.... Cikin sauri itama ta take masu baya...

****

Sosai ya rik'eta yana mai ci gaba da fad'in "Deejoh... Ashe zaki nemeni, Deejoh nayi kewarki sosai, Deejoh ki sanar dani wanene ni dan Allah.... Wllhi iyakacin abinda nake iya tunawa kenan inada mata kuma matar kece, kullum sai na ganki cikin baccina Deejoh.... Deejoh nid'in wanene....?" Ya k'arashe hawaye na gangarowa daga udanunsa...

Tsananin mamaki da tausayi ya hanasu Malam katab'us, harta Umma Marie mamaki ya hanata motsawa, ita kanta Mairon ko mosti k'wakk'wara ta kasa sai kallon ikon Allah da takeyi, a ina wannan mutumin ya santa, ita ko mai irin kamanninsa bata tab'a gani ba gashi yana ambaton ta da matarsa, ya rad'a mata wani suna wanda ko mai irinta bata tab'a sani ba saidai mai shigenta..... Hafiz dake gefe k'wallan da yake rik'ewane suka shiga zubo masa, shikenan ta faru ta k'are, ya tabbata hakan ka iya zama sanadiyan k'ulla soyayya tsakanin Yayansa Ali da Mairo, mai yasa yayi nauyin baki, mai yasa bai sanar da ita tuntuni ba, mai yasa bai sanar da Yayansa Ali tuntuni ba, toh koma ya sanar dashi ai ba sanin Mairo yayi ba, yauce ranar farko da suka had'u kuma ta kasance haka, tabbas a 'yan kwanakin Ali yana yawan yin mafarki da wata mace, toh kodai Mairo yake gani cikin baccinsa... Innalillahi wa Inna'ilaihi raji'un... Kalmar da Hafiz ya iya furtawa kenan.... Muryar Ali ya kuma katse masa tunanin nasa sanda yaci gaba da fad'in

"Deejoh... Talk to me please, ki min magana, kin daina sona ne,.... Yaya akayi kika sameni... Ki sanar dani asalin sunana da kuma yanda na fito kinji Deejoh...." Har lokacin hawaye basu daina zarya saman fuskarsa ba.... Ga tsananin mamakin mutanen dake wajen hawaye suka hango cikin idanun Mairo, sosai wannan bawan Allah ya bata tausayi, itakam ko d'aya batasan maganar da yake ba bata fahimci komai ba....

Baba Malam ne yayi k'ok'arin k'arasowa kusansu ya soma janye Ali daga rik'on da yayiwa Mairo "Ali saketa wannan ba matarka bace...."

Bai saketan ba saima k'ara rik'ota da yayi ya damk'e mata hannaye sosai tamkar mai tsoron kada a rabasu.. "Baba wllhi itace, wllhi Matata ce, Baba itace kullum nake gani cikin baccina, itace kullum take zuwa min... Sannan a zahiri ma na tuna fuskarta... Baba wannan matata ce Deejoh.... Deejoh dan Allah kada ki sake tafiya ki barni kinji...." Ya k'arashe yana kallon fuskar Mairo wanda tuni hawaye ya wanke....

K'ok'arin k'watan hannayenta ta shigayi amma ta kasa, gaba d'aya kowa yayi iyaka k'ok'arinsa ya raba Mairo da Ali abu yaci tura... Innalillahi kawai suke ambata, abin nasa ya koma tamkar tab'in hankali, suna murna ya farka k'ila ya farka da tunaninsa saiga akasin haka, Allah kenan buwayarsa ya wuce tunanin bawa, idan zai gudanar da al'amransa baya shawartan kowa, kuma dole duk yanda ya turo maka k'addara ka amsa hannu bibbiyu...

Ganin Ali bazai saki Mairo ba yasa Baba Malam umartan Hafiz da maza ya kira Dr Sahal...

***

Har saida suka kai bakin gate Nana A ta cimmasu, saurin tare gabansu tayi hawaye bai daina zubo mata ba take ci gaba da fad'in "Ma'ajura dan Allah ku sanar dani yanda 'yar uwata take... Wllhi na yarda daku, na yarda d'ari bisa d'ari...." Ta k'arashe tana had'e hannayenta biyu waje guda alamun rok'o...

Shiko Junaid tinda yaga fitowarta daga office tana biye da wasu 'yan mata ga kuma Nana H a bayansu ya sanyasa fitowa daga nashi office d'in shima....

Ganin irin hawaye da Nana A keyi tana rok'onsu ya sanya jikin Ma'ajura yin sanyi, sosai zuciyarta ta karaya da ganin irin kukan da Nana A keyi, tabbas sun jima ba tareda 'yar uwar tasu ba....

Da k'yar Ma'ajura ta shawo kan Zaliha dake faman fizga kan ita tafiya zatayi babu abinda zata tsaya tayi a wajen nan....

"Ma'am shikenan tinda kin amince damu kuma kin yarda bazamu maki k'arya ba.... Zaliha da kike gani aminiyar wacce muke zargi cikon ta ukunku ce...."

Nana A tayi saurin kai dubanta ga Zaliha wacce ke faman huci tana watsawa Nana H muguwar kallo, wannan da take rainon madara da k'wai ta tabbata da a lokutan baya ne sanda take tareda aminyarta Mairo wannan kallon banza bazata masu ba.... Bata ida tunanin nata ba taji hannayen Nana A saman nata, cikin murya irinta mai kama da wanda ke kuka taci gaba da fad'in "Zaliha take me to her please... Take me to my sister... I want to see her... Please take me to her....!" Ta k'arashe tana jijjiga hannayen Zaliha....

Ma'ajura ta d'an kamo hannayen Nana A kana tace "Ma'am a halin yanzu Zaliha bata tareda Mairo... Amma sunyi zaman gari guda...." Muryar Nana H ce y katse ta...


"Wani proof kuke dashi da zai tabbatar mana cewa 'yar uwarmu ce kuke magana akai....?"

"Ba lallai ki amince ba sabida ba dake dama muke magana ba... Da wacce tasan darajan d'an Adam muke bake ba.... Kuma idan sai mun nuna maki wani abu ki amince kar Allah yasa ki amince domin dama ba amincewar taki muke nema ba...."

Tunda Zaliha ta soma magana Nana H ke dubanta, she really had no clue who she was messing with..... Murmushi tayi a karon farko ba tareda ta furta ba....

Nana A tayi saurin rik'e hannayen Nana H tana mai k'ak'aro murmushi take duban Zaliha lokaci guda take furta "no no kar ki damu basai kin nuna mana komai ba, mun yarda, babban burinmu shine ki sanar damu yanda zamu sameta....."

"Ma'am babu damuwa zamu nuna maku proof...." Ta k'arashe tana k'ok'arin ciro wayar Zaliha cikin jaka..


Cikin sauri Zaliha ta soma rik'e jakarta tana mai duban Ma'ajuran take fad'in "Meye haka Ma'ajura, ki sakar min jakka ai dai kinji abinda suka ce, kuma sanin kanki ne ni a halin yanzu banma san yanda zan sami Mairo ba...."

Ko saurarenta Ma'ajura bata tsaya yi ba tayi k'ok'arin ciro wayar, itadai kawai damuwarta Nana H ta yarda ba k'arya suke ba...

Duk iya k'ok'arin k'wace wayarta da Zaliha keyi Ma'ajura ta hana har saida tayi nasaran shiga gallery ta nemo folder d'in da hotnan Mairo ke ciki... Lokaci guda ta hasko hoton Mairo b'aro-b'aro take ta shiga nuna masu a fuskokinsu....


Tsananin shock ya kama Nana A da Nana H, tabbas Nana K ce, cikon ta ukun su, koda akazo cirosu cikin mahaifiyarsu Nana A aka soma cirowa sannan Nana H sai kuma wacce aka cirota daga k'arshe Nana K wacce take a matsayin autarsu.... Fuska irin tasu ce ta bayyana, hawayen Nana A ya k'aru, jikinta yasha bata 'yar uwarta na raye kuma wataran Allah zai had'asu ...Allah sarki ashe da gaske Nana K na raye tana nan a raye..... Hannayenta na rawa ta amshe wayar daga hannun Ma'ajura tana mai ci gaba da zuban hawaye ta k'urama wayar idanu tana mai shafa screen d'in, lokaci guda murmushi ya cika fuskarta dukda hawaye dake kwaranya mata.... "Itace... Wllhi itace, Nana K ce.... Our baby sis.... She's alive.... She's not dead, Nana K is alive... Our sister is alive Nana H, kin ganta....." Ta k'arashe tana nunawa Nana H da tuni tayi mutuwar tsaye screen d'in wayar, wani irin farin ciki ne ya wanzu saman fuskar Nana A yayinda Nana H ta kasa koda motsawa sai kallon hoton Mairo da take wanda kyakkyawar fuskarta ya bayyana jikin screen d'in wayar..... Bata amshi wayar ba sai yatsina fuska da tayi tana kallon Nana A dake faman murna da kuma hawaye kana tace "No no hold the phone, kinsan ban iya rik'e irin wad'an nan wayoyin ba sai ya Jimin ciwo... Rik'e daga hannunki ma ina iya kallo.... K'warai Nana K ce, your beloved sister Nana A, she's alive.... Tana raye..." Ta kuma d'ago idanu tana duban su Zaliha dake faman binta da kallon mamaki abin kaman bai dameta ba... Lokaci guda take fad'in "So how can we find her..... Ku sanar damu....."

Zaliha dake faman d'aga gira sai sannan ta gyara tsayuwarta

"Kaman na sanar daku bansan yanda za'a sameta ba....."

Ma'ajura ta d'an dubi Zaliha kana tace "Zulu kiyi hak'uri ki duba lamarin, wannan taimako ne...."

Kallon Ma'ajura kurum tayi kana tace "Kema kinsan iyakacin gaskiyata kenan.... Mairo da Daddah hijira suke wa gari wa gari, wa yasan yawan garuruwan da suka canza bayan barinsu Tambuwal....."

Nana A kam duk wannan zance da ake bama saurarensu take ba kallon hotunan Nana K kurum take tana kuma shafa screen d'in, gani take tamkar ta ganta a gabanta, ta girma itama kaman su kuma ga dukkan alamu budurwa ce mai cikeda farin ciki....

"Ki karb'a min wayata ni zan tafi....." Zaliha ta fad'i tana faman waige-waige don gani take tamkar Daddah na hangota abinda take....

Har saida Ma'ajura ta amshi wayar hannun Nana A kafin hankalinta ya dawo garesu....

Cikin sauri Nana A ta soma fad'in "Nana H call Uncle, ki kirasa ki sanar dashi idan yaso sai a soma bincike tun yanzu.... Zaliha don Allah ki tura min hoton Nana K nakai gida wasu Ammah...."

Bata ida rufe baki ba wayarta ta soma ruri... Ayiya ce mai kiranta, da murnarta ta d'aga wayar da niyyan sanar da Ayiya daddad'an labarin saidai yanayin da taji Ayiya ciki yayi masifar tayar mata da hankali....

Murya na rawa Nana A ke fad'in "Ayiya Ammah ta... Ayiya mai ya sameta, ina kuke yanzu.... OK ok gamu nan zuwa...." Cikin sauri ta dubi Nana H dake sak'e-sak'en next move d'in da zatayi cikin zuciyarta kana tace "Nana H it's Ammah.... Tana asibiti unconscious..." Ganin irin kukan da Nana A keyi ne ya sanyata rungumota ba wai sanar da ita ciwon Ammah da tayi ba don tasan a halin da ta tafi ta bar Ammah ciki hakan ka iya faruwa...

Cikeda tashin hankali tamkar gaskiya Nana H ke fad'in "Muje, muje Asma'u..... Oh no we can lose our grandmother...."

Basu kuma bin takan su Zaliha ba suka nufi motar Nana H cikeda tashin hankali, itakam Zaliha tafiyarsun ya fiye mata don dama gaba d'aya jinta take tamkar wacce take aikata abu maras kyau tana tsoron a ganta, batasan dalilin da yasa Daddah ke guduwa da Mairo gari zuwa gari ba shiyasa ma gaba d'aya sai take ji tamkar Daddah na hangota....

Cikin sauri itama ta janyo hannun Ma'ajura tace su fice daga foundation d'in....


Daga yanda Junaid ke lab'e yana sauraren duk abubuwan da suka faru, wani tunani ne ya shiga bugawa a kwanyarsa, yaga reaction d'in Nana H, yagani daga k'wayar idanunta yanda sam bata k'aunar a samo 'yar uwarsu, yaji irin abubuwan da take fad'i.... Baisani ba amma yaji yana son taimakon Nana A yaji a jikinsa akwai wani babban Al'amari dake faruwa a family d'insu Nana A, yana son sanin ko menene wannan abun, yana son sanin komai... Cikin sauri shima ya fice ya tari cab ya umarci mai cab d'in da subi bayan motar can.... Ya masa nuni da taxi d'in dasu Ma'ajura suka shige.....

***

Da k'yar aka samu Ali ya saki hannayen Mairo amma bai daina ambaton ita d'in matarsa bace, duk yanda suka so fahimtar dashi abu yak'i cin tura, itako Umma Marie hankalinta gaba d'aya a tashe yake sanin cewa Daddah ta dawo gida zuwa wannan lokacin.... Turk'ashi wannan shine ana wata ga wata, sunje gidan Baba Malam kan matsalan Mairo saiga wani matsalan ya kunno kai, ikon Allah shi kuwa wannan k'ila jinyar k'aramar hauka yake da ita, amma sam baiyi kama da mahaukacin ba, duk wannan tunani cikin adaidaita take yinsa, itama a b'angarenta Mairon ta kasa yak'ishe tunanin cikin zyciyarta, da fari ta razana sosai da lamarin mutumin damin itama tafi basa matsayin mai tab'in hankali saidai har yanzu tana jin alamun hannunsa cikin nata, tunda take a tarihin rayuwarta tsawon shekarunta a duniya babu namijin da ya tab'a koda tab'a mata 'yar yatsa ne, don idanma taga take taken ka kenan tuni zata ci maka mutunci idan bakaiyi sa'a ba ma kasha ruwan duwatsu, a lokacin tana Mairon Daddah kenan.... Wai ita ce yau namiji ya rik'e mata hannaye ta kasa masa komai saima wani irin tausayinsa da takeji, ga tsikar jikinta da ya dinga tashi, wannan wani irin mutum ne ? Mai yasa ya ambaceta da matarsa.....





*SameenaAleeyou📚**FUSKA UKU*🏮


*62*



*©Sameena Aleeyou...✍🏽*



Tak'ure take jikin garu kaman dai yanda ta saba, idanunta duk sunyi luhu-luhu, gaba d'aya ta koma abin tausayi, ita a halin yanzu tafi tausayin halin da Siraj ka iya kasancewa ciki fiyeda ita, wayasan wani mugun abu Yayanta Junaid da kuma Nasaar zasu masa, tabbas idan wani abun ya sami Siraj itama mutuwa zatayi, gwara kawai su kasheta itama ta huta,