You Cannot Download this book untill you login but you can read it .

---

Login Register

tace muji nawa take buk'ata a bata ta dawo mana da Nana K sai a bata tinda ni a nawa tunanin don tayi dukiya ta saci Nana K....."

Shiru Siraj ya d'anyi na wasu lokuta kwanyarsa naci gaba da buga domin kuwa k'iris ya rage kwanyar tasa ta daina aiki sabida abubuwa da suka cika....

A hankali ya zauna saman sofa yana mai tattare naman goshinsa kana ya d'ago yana dubansu d'aya bayan d'aya....

"Shikenan yanda kuka ce, Lamid'o zamu nemi contact da matar mu negotiating muji meye take nema sannan bayan mun kub'utar da Nana K sai mu gurfanar da ita gaban hukuma ta fuskanci shari'a..."

Lamid'o ya jinjina kai kana yace "Hakan yayi Siraj, Allah ya taimake mu ya wuce mana gaba..."

Gaba d'aya hardasu Ammah suka amsa da ameen, gaba d'aya jikin Ammah yayi sanyi ita kad'qi tasan kalan tunanin da take cikin kwanyarta...


Lamid'o da Siraj ne suka soma ficewa yayinda Nana A ta janyo 'yar uwarta Nana H suka haye sama tana mai ci gaba da bata baki da kuma k'arfafa mata gwiwan cewa sun kusa had'uwa da 'yar uwarsu a duniyar nan wacce sukayi zaton bazasu sake ganinta har abada ba... Kalaman Nana A haushi kurum suke bata, don dai kawai bataso mutane su soma zarginta da wani abin ne.. Ta k'osa Nana A ta fice mata a d'aki ta kira Nasaar taji wacce irin dolanci ya aikata a ranar data turasa sa kashe Ahidjo...


Ammah ma Ayiya ce ta rakata har d'aki ta bata maganinta, lokaci guda ta sauk'o parlor tana sauk'e ajiyan zuciya... Ita kad'ai zuciyarta ke bugu domin kuwa ita kad'ai tasan kalolin tunani da suka cika mata kwanya... A hankali ta lumshe idanunta sanda ta tuna abubuwa da dama da suka faru a can shekarun baya....


A farfajiyan gidan suka tsaya, Siraj ya dubi Lamid'o kana yace "Toh wai yaya zamuyi da case d'in wancan yaron kuma.....?"


"Wani yaro kenan....?" Lamid'o ya tambaya...


Saida ya kuma tattare naman goshinsa sabida kansa dake tsananin sara masa kana yace "Yaron nan tsohon saurayin marigayiya Zeenat wanda mukayi zaton ya mutu sama da shekaru hud'u...."

Gaban Lamid'o ya kuma bugawa kafin ya d'an saita kansa yace "Shima nemansa zamuyi mu basa ko nawa ya buk'ata ya b'ace daga rayuwarmu... Na tabbata fansa ya dawo dashi.."

Siraj yayi shiru tamkar mai nazari kana yace "Idan kuwa yak'i ya negotiating damu zai iya fad'ima duniya abinda muka tassama yi masa, na tabbata family na sukaji haka zan iya rasasu gaba d'aya musamman Nana A da Ammah... Sannan yanzu ne suke tsananin buk'atata yanzu da Nana K ta tabbata bata mutu ba tana raye....."

Jinjina kai Lamid'o yayi yana mai duba agogon hannunsa kana yace "Haka ne Siraj zan wuce ni sai kaji daga gareni..."

Bai sami zarafin amsa sa ba sai jinjina masa kai kurum da yayi,... Yana nan tsaye yana kallon Lamid'o har ya shige motarsa ya tada ya fice daga gidan... A dole Siraj ya komo cikin gidan don su tattauna a nitse kan maganar Junaid shida Nana A....

***

Lamid'o na fitowa daga gidan guard d'in dake kwance bayar motar tamkar babu mutum ya mik'e had'ida saka masa bakin bindiga saitin k'eyarsa...

Gajeren tsaki yayi kana yace "Zaka iya barina nayi tuk'i cikin kwanciyar hankali ko kuwa....?"

Murya a dake mutumin yace "Sorry Sir, but I'm just following an order..."

Bai kuma cewa komai ba har saida suka iso gidan Alh Bulama wanda take underground....


Guard d'in nan na biye da Lamid'o har suka shige cikin gidan, aiko yana zaune a parlor da alama dawowar Lamid'on yake jira....

Murmushi maras rahama ne kwance saman fuskar Bulama sanda ya umarci Lamid'o ya fito da abin d'aukan magana da aka mak'ala masa cikin jikinsa... Babu musu Lamid'o ya shiga b'alle boturan rigarsa....

Take wasu guards d'in guda biyu suka shiga cire sellotape d'in da aka manne wani k'aramin recorder cikin jikin nasa...

Bulama ya kece da dariya sanda ya soma playing conversation d'in...

Banda uwar harara babu abinda Lamid'o ke aika masa....


D'agowa yayi yana duban Lamid'o kana yace "Na yarda kayi hankali, ka kuma yi duk yanda na umarceka bakayi tunanin cin amanata ba, amma wanene wannan yaron da yazo d'aukan fansa akanku, zanso saninsa..."

Cikin sauri Lamid'o ya katsesa da fad'in "Babu ruwanka, Laushi's ne a gabanka, babu ruwanka da wannan issue d'in, nayi maka aikinka burinka ya cika sunce zasu bada komai in exchange for Nana K, I'm pretty sure har kampanin zasu iya mallaka maka amma wllhi kar ka tab'a lafiyar kowa cikinsu much less Nana A...." Ya k'arashe yana tsananin huci...

Murmusawa Bulama ya kumayi kana yace "Baka gama aikin ka ba sai ranar da nayi gaba da gaba da Hajiya Mairo sannan ne zaka san makomar ka, inmma na mallaka maka Freedom d'inka ko kuma kaci gaba da zama k'ark'ashin iko na... Ku shigar dashi d'aki sai na buk'aci ku fito dashi..." Ya k'arashe yana duban guards d'in nasa... Tuni suka aiwatar da umarnin uban gidansu...


Lamid'o kuwa ba tareda an rirrik'esa ko an turasa ba ya shige don yasan hak'uri k'alilan zai k'ara shirin da yake na kub'utar da kansa da kowa nasa daga hannun wannan azzalumi ya kammala....


Mik'ewa yayi yana dogara sandarsa har ya fice daga parlorn.... Shi kad'ai yake murmushi yana tunanin ya gama d'aure Bintu babu wanda zai yarda ba sace Nana Khadija tayi ba... Zata jima a gidan yari kafin ta fice da wannan dama kuwa zai samu Mairo ta zama mallakinsa bayan ya gama da iyalan Mas'ud Laishi gaba d'aya... Ya kuma kecewa da dariya duniyar tanai masa dad'i Al'amra suna tafiya yanda yake so...

***


*Damaturu*

Yau dai har sallan magrib saida ya fita, haka yayita kallon mutane sanda ya gansa a sallan Jam'i, gani yake kaman shid'in bai tab'a shiga taron mutane irin haka ba, sosai abin ya burgesa ya kuma samun nutsuwa cikin zuciyarsa da ganin girman mahaliccinsa ganin d'inbin jama'ar dake masa sujjadah, Allahu akbar k'alilan ma ka gani daga cikin bayin Allah wanda a kullum suke sanya goshinsu a k'asa sabida bautawa Rabbil Izzah....

A haraban masallacin ya had'u da Hafiz yana shirin burka babur ya samu ya tafi wajen karatunsu can gidan Ummarsa ko nace Yayarsa Mariya...


"Malam Hafiz yau bazamuyi karatu ba kenan..." Ali ya tambaya murmushi kwance saman fuskarsa..

"A'a Yaya zamuyi amma idan na dawo, kasan nace maka akwai gidan wata Ummata da nake koyar dasu tsakanin magrib zuwa bayan lisha, jiya ma da mukayi karatun dakai ban samu naje masu bane don babur d'in babu mai..."

Ali ya jinjina kai tamkar mai tunani kana yace "Badai gidansu Mairo zakaje ba...."

Hafiz ya jinjina kai cikeda mamakin yanda Ali ya kama sunan Mairo sosai a bakinsa kana yace "Eh can na nufa...."

Ga mamakin Hafiz murmushi ya gani saman fuskar Ali kana yace "Dama na fad'a maka ina son zuwa nai mata godiya, idan babu matsala zan iya maka rakiya..?"

Murmushin Hafiz ya fad'ad'a kana yace "Da zaka zama d'an rakiyana ai da naji dad'i Yaya, dama nakan rasa abokin fira, kaga yanzu tinda kaji sauk'i na samu abokin rakiya.. Ni ne da godiya Yaya....."

Ali ya murmusa kumatunsa suka lotsa kana yace barin shiga gida na sanar da Mama kar ta nemeni..."

Cikin sauri Hafiz ya sauk'o daga babur d'in yana fad'in "A'a Yaya Ali gani nan kuma ai sai na shiga na sanar da ita...."

Nan ma murmushi kurum Alin yayi kana ya dafo kafad'un Hafiz suka nufi cikin gidan gwanin ban sha'awa..


Aiko saida Mama tayi kashediwa Hafiz kan cewa ya tafi da Babanta Ali a hankali ya kula da hanya...

Ali na murmushi yake fad'in "Mama Insha Allah zamu kiyaye...."

Koda suka zo fita daga gida saida Hafiz yayiwa Ali tunin addu'an fita daga gida da ya koya masa.. Aiko tiryan-tiryan ya karanto da alama kwanyarsa na saurin d'aukan abubuwa....

****


Zaune suke gaba d'ayansu a parlor suna jiran isowar Malamin nasu Mairo na tisa masu karatun da Malam Hafiz yace zai karb'a a daren yau d'in... Dakura sai k'ok'ari take taga ta iya domin kuwa zataso ta birge Malam Hafiz da k'wazonta... Daddah kuwa da k'yar aka kama aya biyu sai tik'i-tik'i ake, amma da alama ta soma son karatun itama, saidai fah tana jiyo sautin shirin nan da ake nunawa a gidan talabijin na Arewa24 mai taken Dad'in Kowa zata mik'e shikenan an gama karatun koda kuwa a gaban Malam Hafiz ne magana ne babu wanda ya isa yayi ta wanke mutum tass koma tayi zuciya tace ta gama karatun... Shiko Malam Hafiz tsananin kunyar Daddah yake amma bata ganewa, yo ita ina ruwanta ma shi yasan yana wani kunya, tsaf zata tsayar masa ya nemi tak'urawa rayuwarta....

Jiyo sallaman sallaman Hafiz da sukayi ya sanyasu dasa aya wa karatun nasu....








*SameenaAleeyou📚**FUSKA UKU*🏮


*50*




*©Sameena Aleeyou...✍🏽*




Da rawar jikinta takai shimfid'ar tasu da suke zama bisa, ta kuma dawowa ta amshe kujeran Malam daga hannun Mairo ta kai masa... Duk wannan rawar k'afa da Dakura keyi Daddah na hankalce da ita, ita dama burinta Malam Hafiz ya fahimci yanada matsayi sosai cikin zuciyar Dakura domin bata fatan ya sauk'e idanunsa kan d'iyarta Mairo, don ta kula tsaf da take-taken nasa, muddin hasashenta ya tabbata toh kuwa shafawa zasuyi suji sun bar garin....

A haka yauma sukayi karatun su kaman kullum Malam Hafiz yau saida yasha mamakin yanda Daddah ta kawo masa ayoyi har guda biyar babu gargada, ga kuma Dakura ma tas ta kawo nata babu wani gargada... Hakan sosai ya masa dad'i shi kad'ai yakan saci kallon Mairo yayi murmushi domin yasan wannan aikinta ne... Bayan sun ida karatun ne Hafiz ya buk'aci Mairo da ta tsaya su d'anyi wata magana... Aiko tun kan yakai aya Daddah ta taka masa birki da fad'in "A'a a'a kuyita a gabana, ko menene naji da kunnuwana ehe...."

Mairo ta wurgawa Daddah wani kallo cikeda takaici... Aiko Daddah kam ko ajikinta taci gaba da fad'in "Eh toh gwara na sanar dashi gaskiyar lamari idanma cewa zaiyi yana sonki Dakura ta jima da fad'awa kogin k'aunarsa.. Aike kinsan da hakan idan ba kuma amanar k'awarki kike son ci ba...."

Daga Hafiz har Mairo baki sake suke duban Daddah....

"Mai ya kawo maganar cin amana kuma a nan... Daddah bakifa san maganar da zai fad'a min ba.. Kuma maiyasa zakiyi wa Dakura haka bazaki bari....." Daddah ce ta kuma katseta da fad'in "Yo kar na fad'i gaskiya... Kema kinsan bakina bayya shiru... Hafizu bawan Allah kaga kayi hak'uri amma ai gaskiya na fad'i, bai dace ka nemi Mairo ba bayan Dakura yarinyar nan tana mutuwar k'aunarka, kaga duk lemun kwalban da kakan sha ma gidan nan ita da kanta take sayo maka ai kaga bai kamata kak'ita ba.. A dai duba lamarin Malam Hafizu...." Ta k'arashe tana gyara mayafinta murmushi mai bayyana hak'wara saman fuskarta... Daddah kenan Daddah case ba ruwanta ta fad'i ya maka dad'i ko kar ya maka duk kai kaji wajen...

Malam Hafiz da jikinsa yayi sanyi sosai d'an gyara tsayuwarsa yayi kana yace "A'a Daddah dama ba wannan maganar zan mata ba... Aiko bak'on nan d'an uwana da kwanaki Mairo ta basa jini shine yace na rakosa yayi godiya domin ko ranar da kukaje sab'ani kukayi.... Yanzu haka yana waje yana jira dama cewa nayi ya jirani daga waje har mu kammala karatun..."

D'an murmusawa Daddah ta kumayi kana tace "Aiko dama bai damu ba domin kuwa Mairo dan Allah ta bashi jini.... Kuje kawai abinku basai yayi godiya ba..." Ta k'arashe tana goge hak'waranta da karan dalbajiya...

Tsananin mamaki ya hana Mairo furta koda kalma, ta sani Daddah nada k'arfin iko akanta amma bata sani ba ta soma jin akwai ranar da zata iya bijirewa umarninta muddin taci gaba da irin wannan hali...

Malam Hafiz ya d'an risina kana yace "Kiyi hak'uri Daddah shikenan zan fahimtar dashi..." Daga haka sallama ya masu ya nufi hanyar fita.... Mairo dake faman huci tana duban Daddah saurin takewa Malam Hafiz baya tayi ba tareda ta furtawa Daddah koda kalma ba...

Daddah ta hangame baki tana duban ikon Allah, duk kiran da take rangad'awa Mairo bata tsaya ba saida ta fice har bakin zaure yanda babur d'in Malam Hafiz ke pake....

"Malam dan Allah kayi hak'uri..." Ya sinkayo muryar Mairo daga bayansa tana fad'i...

Juyowa Hafiz yayi murmushi kwance saman fuskar sa kana yace "Babu komai Maryam... Da kinbi umarnin mahaifiyarki kin koma gida domin su iyaye bijirewa umarninsu babban had'ari ne, ko kin mance hadisin manzo sallallahu alaihu wa sallama wanda muka karanta jiya akan wanda yafi cancanta kayi kyakkyawan zama dashi... Mahaifiya tanada daraja har guda uku kafin mahaifi.. Ai kin tuna hadisin ko.. Sannan a Alqur'ani mai girma idan Allah yace a bauta masa shi kad'ai yakance iyaye kuma a kyautata masu.. Iyaye babban jigo ne a rayuwarmu wanda sab'a masu ka iya jefa mutum cikin hasara mai girma..."

Jinjina kai Mairo tayi cikeda rusunawa kana tace "Toh Malam insha Allah zan kiyaye., dama so nake na baka hak'uri dan banji dad'in abinda tai maka ba...."

Hafiz ya d'an murmusa kana yace "Haba Maryam idan da sabo ai na saba da halin Daddah ki daina damun kanki kinji koh.... Yauwa mu k'arasa Yaya na Ali ya maki godiya tinda kin fito...."

Fuskarta d'aukeda murmushi tace "Kai haba Malam saikace nayi wani abin, ba sai ya min godiya ba, ni fah dan Allah nayi, Allah ya k'ara masa lafiya...."

Malam Hafiz ya murmusa shauk'in k'aunarta na kuma d'ibansa saidai tunowa da maganganun Daddah ya sanyasa fad'uwar gaba, don shi harga Allah bai tab'a jin soyayyar Dakura cikin zuciyarsa ba hasalima tsakanin itada Falmata bazai iya banbancesu ba don shi ko iya kallon fuskokin d'aliban nasa bai iyawa tsananin kunya irin tasa.....

"Kinga ki sanarwa Umma Marie zamu zo gobe da safe insha Allah , hakan ma zaifi..."

Sam bata son jayyaya da Malamin nata, d'an murmushi ta kuma saki kana tace "Shikenan Malam zan sanar da ita, Allah shi bamu alkhairi." Daga haka juyawa tayi ta shige cikin gidan, yayinda Hafiz ya bita da kallo zuciyarsa na bugu... Wani irin soyayya yakewa Mairo wacce bai tab'a yin irinta ba tsawon rayuwarsa, Mairo ta had'a duk wasu qualities da yake so wajen d'iya mace.. A hankali ya lumshe idanunsa ya kuma bud'e su kafin ya k'arasa ma'jiyan babur d'in nasu


"Malam Hafiz yaya na ganka kai kad'ai... Ina Mairo....?"

Yanda Yaya Ali ya kama sunan Mairo saikace ya santa ko ya tab'a ganinta...

Hafiz dai murmushi kurum yake don yau d'in ya d'anyi dogon zance da Mairo, duban Yaya Ali yayi kana yace "Mairama baiwar Allah, cewa tayi basai ka mata godiya ba tsakani da Allah tayi..."

Cikin sauri Ali ya mik'e daga saman babur d'in kana yace "Amma Hafiz kasan yanda nake son ganinta, ko babu komai jininta ne a jikina yake aiki yanzu haka.... Ni a wajena ta cancanci godiya...."

K'uri Hafiz ya masa zuciyarsa na maimaita masa kalman _Jininta ne cikin jikina yake gudu_.... Baisan daliliba amma kalaman sun masa wani iri... K'ak'aro murmushi yayi kana yace "Tuba nake Yaya kar ka damu nace ta sanar dasu Umma gobe ido na ganin ido sai muzo mu gaidasu gaba d'aya...."

Ga tsananin mamakin Hafiz wani irin ajiyan zuciya yaji Yaya Ali ya sauk'e kana yace "Shikenan Allah ya kaimu goben ai yau da gobe duk d'aya ne....."


Hafiz ya amsa da ameen kafin ya tada masu Babur d'insu suka d'au hanyar gida...

***

*Abuja*



Mik'ewa tsaye Nasaar yayi yana mai duban Junaid d'in kana yace "So finally kayi ido hud'u da Siraj Laushi...."

Jinjina kai Junaid yayi a karo na biyu kana yace "And I'm pretty sure yana nemana yanzu haka.... Nasaar banida wani zab'i da ya wuce na bud'e Azeeza su ci gaba da soyayya da Siraj tinda ta zama weak point d'insa, kaga a ranar aurensu sai na masa abinda na tanadar masa, Siraj must not know Azeeza k'anwata ce ba, kai kuma zaka ci gaba acting as her only guardian.... In short zaka basa auren Azeeza cikin gaggawa..."


K'uri Nasaar yayiwa Junaid zuciyarsa naci gaba da bugawa, mai yake nufi, ta yaya zai iya baiwa Siraj auren Azeeza ba tareda zuciyarsa ta buga ba... Lallai kuwa a ranar auren daga Siraj har Junaid zasu nemi Azeeza su rasa, lokaci guda kuma plan d'in Junaid d'in ta masa dad'i don ta haka ne kurum zai iya mallakan Azeeza ba tareda d'ayansu ya sha gabansa ba.... Yaransa kuma bazai d'aukosu daga can gidan da yakaisu ake kula dasu ba sai bayan ya d'aurawa kansa aure da Azeeza idan yaso daga baya yaje ya d'aukosu Bulama kansa nemansa zaiyi ya rasa don kuwa barin k'asar zasuyi gaba d'aya...

"Baka ce komai ba...." Muryar Junaid ya kuma katse sa..



Cikin sauri ya saita kansa kana yace "Wannan shawari naka tai dai-dai Junaid, haka ne kurum zaisa ka d'auki fansar ka cikin sauk'i akan Siraj... Yanzu sai kasan yanda zaka shawo mana kan Azeeza ta amince...."

Junaid ya jinjina kai kana yace "Kar ka damu da wannan kai kam kurum kayi aikin da na saka ka, Azeeza won't be a problem nasan yanda zanyi da ita...." Daga haka bai jira cewar Nasaar d'in ba yaci gaba da gungura wheelchair d'insa lokaci guda wayar Nana A ke shigo masa..


Kallo Nasaar ya bisa dashi yana mai shafa hab'arsa shid'inma lokaci guda wayar Nana H ke shigo masa....

***

*Misau*


Duk firan da suke tana daga d'aki tana saurarensu, Kwad'ayin kifin bakin kwalta ne wanda jiya Baffah ya kawo mata ya addabeta, shi kawai take son ci har cikin ranta... Mik'ewa tayi ta fito waje yanda ta tadda Baffah da Innar... Sosai suke kula da ita musamman yanzu da take d'aukeda laluri....

Innah na murmushi take dubanta yanda ta masu tsaye aka baki a ture, don yanzu tinda akace babu Yaya Ahidjo aka daina ganin fari'arta dukda cewa bata yarda ya rasun ba... kana tace "D'iyata yaya dai ko kina son wani abin ne...."

Langab'e kai tayi jikin gini kana tace "Innah kifin da Baffah ya sayo min jiya nake son ci...."

Innah da Baffah suka kalli juna murmushi saman fuskokinsu kana ta d'an sassauta murya tana duban Baffah tace "Toh Baffah kaji fah tinda ka sakalta d'iyar taka da kwad'ayi fitar dare ta kama ka...."

Baffah ya kuma murmusawa don yanzu kullum zai dawo daga kasuwa sai yayowa Deejoh sayayyan kayan kwad'ayi irinta masu juna biyu a talakance...

"Toh gashi kuma babur d'in babu mai, gobe ma idan Allah ya kaimu saidai na tura zuwa bakin kwalta, kiyi hak'uri suyar sassafe sai a sayo maki koh...."

"Baffah ni wllhi wllhi shi zanci, ni inba haka ba kuma zanjeni da k'afata na sayo..." Ta k'arashe tamkar mai shirin yin kuka... Duk fah wannan bidiri sam Deejoh koda wasa batasan cewa juna biyu gareta ba don har yau babu wanda ya sanar da ita tsakanin Baffan da Innar....

Ai Innah babu shiri ta mik'e tana fad'in "Yi shiru abinki karma ranki ya b'aci zan sayo maki yanzun nan...." D'aki ta nufa da niyyan d'auko mayafi yayinda Baffah ma ya mik'e yana fad'in "A'a Bilki baza'ayi haka ba ki zauna da ita a gida k'ila ta buk'aci wani abin bayan kin fita.. Ni zanje bakin kwalta d'in na sayo mata..." Ya maido da dubansa ga Deejoh da tayi zaune gefen shimfid'in nasu kana yace "Bayan kifin akwai abinda kike so... Ko kina son balangu....?"

Washe baki Deejoh tayi harda 'yar tsallenta kana tace "A'a Baffah Balangu sai gobe, amma harda lemun gora zan sha..." Baffah ya d'an murmusa kana yace "Toh an gama, ki kula ki daina tsalle-tsalle kinji koh kinga likita yace babu ishesshen lafiya jikin ki...."

Jinjina masa kai tayi cikeda farin ciki kana tace "Toh Baffah, na gode Baffah, a dawo lafiya....."

Innah ta k'araso murmushi fal fuskarta kana ta d'an dafa Deejoh tace "Duk abinda kike so ki sanar damu kinji koh..."

Nan ma Deejoh jinjina mata kai tayi kana tace "Innah yau saura wata guda Yaya na ya dawo, nayi mafarki ya sanar dani saura wata guda ya dawo.. Innah nawa ne ma wata guda a lissafe.....?" Ta k'arashe tana mai k'irge da 'yan yatsun hannunta....


Tausayinta ya cika zuciyar Innah bata iya ce mata komai ba sai d'an kauda kanta gefe da tayi tana matsan k'wallan da yazo idanunta...


A bakin layin Sabi'u ya had'u da Baffah sai sauri yake yana neman abin hawa... Hasken motarsa ce da ya haska ya fahimci Baffah ne.....





*SameenaAleeyou...📚**FUSKA UKU*🏮



*51*




*©Sameena Aleeyou...✍🏽*





Horn Sabi'u yayiwa Baffah wanda ya sanya Baffahn tsayawa yana lek'en mai masa horn d'in...

"Baba barka da dare...." Sabi'u yace daga cikin motar sanda yake zuge bak'ar glass d'in motar...

Muryarsa Baffah ya d'auko lokaci guda ya saki murmushi kana yace "A'ah barka Malam Sabi'u ashe baka koma ba....?"

Sabi'u ya jinjina kai "Eh Baba ban koma ba dama akan sai gobe idan Allah ya kaimu... Baba ina ka nufa...?"

"Bakin babban kwalta na nufa, ka k'arasa gidan yanzu zan dawo ba da jimawa ba insha Allah...."

"Baba muje na kaika mana a nan ai bazaka sami abin hawa ba duhu ya soma shigowa..." Ya k'arashe yana bud'ewa Baffah marfin d'aya b'angaren na mai zaman banza....

"A'a Malam Sabi'u kar ka damu fah zan iya zuwa...." Cewar Baffah dake tsaye b'angare guda...

"Baba dan Allah ka min izini na kaika, idanma aike ne ni zan iya zuwa maka, amma bazan iya barinka a nan haka nan ba...." Ya k'arashe uwa mutumin arzikin gaske...

Murmurshi Baffah yayi kana yace "Allah sarki D'an nan na gode k'warai dama suya kifi ne zan sayowa Deejoh bakin kwalta d'in ungo karb'i kud'in ka sayo mata...." Ya k'arashe yana zura hannu cikin aljihun gaban rigarsa yana ciro 'yan canjin da suka rage masa...

Sabi'u murmushi kurum yake yana dubansa kana ya girgiza kai yace "Baba idan dai don wannan ne babu matsala, dan Allah ka bar kud'inka ka koma gida ka huta...."

Baffah ya girgiza kai yace "A'a Malam Sabi'u baza'ayi haka ba ungo karb'i..."

Sabi'u ya kuma girgiza kai yana murmushi kana ya tada motar yana fad'in "Yanzu zan dawo Baba insha Allah..." Bai kuma jiran cewar Baffah ba ya soma tafiya da motar tasa... Ala dole Baffah ya nufi gida murmushi bai bar saman fuskar sa ba...

Haka Baffah ya shigo gida ya tadda Deejoh da Innah sai faman zuba shiriritarta take, sosai yake tausayin Deejoh da abinda ke cikinta, Allah sarki su kuma irin tasu k'addarar kenan a duniyarsu...

Ba'a d'auki wani lokaci ba Sabi'u ya dawo da kaya nik'i-nik'i, lemun goran ma sink'insa guda ya sayo, Baffah yayita masa fad'an kashe kud'in yayi yawa, k'arshe suka masa godiya shida Innah...

Deejoh kam tana ganin Sabi'u ne ya shigo tayi kicin-kicin da fuska, itakam ta tsanesa ta tsani ganinsa, gashi kaman maye ya tak'ura masu da zuwa, harga Allah dukda kyautata masu da yakeyi da zaran ta gansa take tuna shine ya kawo labarin wai Yayanta Ahidjo ya mutu... Har abada bazata tab'a yafewa wannan mutumin ba, ita koma mutuwar ne yayi da yayi zamansu bai fad'i masu ba da ya fiye mata, suyita zaman jiransa har Allah ya dawo dashi tinda dama ya saba tafiya ya jima d'in...

Koda Innah ta nuna mata suya kifin kicin-kicin tai da fuska kana tace ta k'oshi, ba tareda ta jira cewar kowa cikinsu ba ta shige d'aki abinta, Sabi'u ya sha jinin jikinsa don ya lura duk sanda yazo gidan Deejoh shigewa d'aki take rai a b'ace, anya zata yarda dashi ta amince masa wa buk'atarsa... Koda shike yarinyace shakaf shawo kanta ta amincewa buk'atarsa sam bazai masa wuya ba musamman idan ya nusar da ita cewa Ahidjo ya tafi ba dawowa zaiyi ba...

D'an risinawa yayi kana yace "Baffah ka min izini na shiga nai mata magana inaga kaman gani na ne a gidan bata so..."

Dubansa sosai Baffah yayi kana ya