You Cannot Download this book untill you login but you can read it .

---

Login Register

soma yana murmushi don yasan Ayiya babu b'oyo abindake cikin ranta take fad'i

"Ayiyarmu na dai kusan kawo maki ita insha Allah..." Ya fad'i sanda yake bud'e plate d'in...

"Kai tafi can sai an laluma aji wayam ko budurwar bakada ita..." Ta basa amsa sanda take k'ok'arin had'a masa ruwan shayi....

Sam bata son zancen Ayiya da Lamid'o domin jinta take wani iri haka nan.... K'ok'arin mik'ewa ta soma tana fad'in "Ayiya I'll be upstairs .... Uncle Lamid'o sai anjima..."

Kallo ya bita dashi yanda take dafa kujera kana yace "Okay Nana A.. Ki kula da kanki...."

Bata sami zarafin amsa sa ba sabida wani irin bugu da zuciyarta tayi jin kalamansa na k'arshe, mai yake nufi ta kula da kanta, kenan ya damu da ita...? Batasan yanda zata samo amsar wannan tambaya tata ba, tana cikin tunanin taji hannun Ayiya na taimaka mata, A dai-dai stirs suka had'u da Ammah da Uncle Siraj suna sauk'owa....

***


*Tambuwal*


Yanda tayi d'aurin kallabin gefen fuskarta ga chewing gum da take faman taunawa uwa uba ga hudin hanci na kunne kuwa kusan huji hurhud'u ne, a ido zakayi tunani kilakice ta k'arshe amma duk d'an iskan da ya nemi tab'a mata mutunci ubansa takeci ta kwana lafiya, yawan kwalliya da takeyi yasa kyaunta ya kuma fitowa sosai samari da manyan mutane da dama sukan kawo mata k'ok'on baransu, amma fa bata isa tayi fira da saurayi ba sai a b'oye domin Daddanta ba bari zatayi ba... Mairo kukeji d'iyar Dadda mai dambe da k'arti....

Yauma mayafinta a kafad'a d'aurin kallabin a sama harda d'amaranta tasha ko a jikinta d'aurin zanin kuwa da kad'an ya d'an wuce k'anjinta harda su sark'an k'afa yau ta saka, Zulai na gefenta tana take mata baya...

Duk yanda suka wuce sai kaji an ambacesu... Mairo ko kan nan a sama take tafiya tana taunar chewing gum har suka iso k'ofar makarantar Malam Balarabe....

Yauma kaman kullum ya kasa ya tsare a k'ofar makarantar tasa sai muzurai yake idanunsa bisa kwalta...

Su Mairo suna isowa Malam yayi gyaran murya ya soma tsine ma karuwai yana la'anta, yana fad'in siffofin shigar da Mairo tayi....

Mairo ta janyo Zulai ta mata rad'a a kunne Zulai ta Shek'e da dariya tace "Hakan za'ayi...."

Zulai ta cire d'ankwalinta tayi wurgi dashi had'i da barbaza suma tamkar mai tab'in hankali ta fad'a ajin islamiyan Malam Balarabe tana tsalle.... Ai a d'ari yara suka soma arcewa wasu ta window wasu ta osin Malam Balarabe...

Malam yayi kan yara yana "Subhanallah... Kai ku dawo, ku tsaya nace...." Inaa ai babu yaro ko guda da ya tsaya....

Malam bai ankara ba saiji yayi an dank'wafo 'yar hularsa tashi ka faye naci.... Malam ya yar da karan hannunsa yana "Subhanallah a kawo d'auki...." Ai kafin ya ankare Mairo ta danna kansa cikin ajin yaran Zulai ta saka sakata ta rufe....

Malam ya gansa a hannun mata, Mairo ta tsaya cak gabansa rik'eda dorinar da yake dukan d'alibai...

Jiki na karkarwa Malam Balarabe yake fad'in "Wa'azi nake Mairoruwa wllhi ban kama suna ba, kumin rai....."

"Mairo ta kuma gyara tsayuwa kana tace "Haka ake wa'azin a gidan uwarka.... Kullum kana bisa kwalta idanunka kan mata ka bar aikin da iyayen yara suka biyaka kayi kana yin wanda ba'a aikeka ba koh... A gidan uwar wa kaga muna karuwancin? Ko kuma ka tab'a ganinmu cikin babbar mota a layin nan... Gacan wad'anda suke saka rigar musulunci suna aikata bad'alansu a gansu sun fito daga gida da shiga ta kamala ashe ciki panko ne babu sitira baka bisu ka la'ancesu ba sai mu koh....? Toh yau la'antar da kake mana zata koma kanka ubanka zakaci gobe zaka koyi yanda ake nasiha da wa'azin, kasan baka biyo hanyar data kamata ba...."

Malam tun na magiya har ya koma fad'in "Wllhi na tuba, Mairo ki rufa min asiri Malami ne ni.... Wayyo wllhi na bar sa ido har abada.... Kuyi hak'uri dan Allah.... Na yarda ban biyo hanya mai kyau ba, wllhi wllhi zan gyara halina, kumin rai kada ku dakeni dan Allah..."

Yanda yake magiya har yaso basu dariya....

Zulai tace "Yo ba dashi kake dukan d'iyoyin jama'a ba, tsoro na me kuma zakaji...."

"Wllhi na tuba....." Ya kuma fad'i yana duk'e gabansu sai faman tattamke hular hannunsa yake....

Zulai ta bud'e masa k'ofa tace "Maza ka fita a guje....."

Ai kaman jira yake suna bud'e k'ofar burut ya fice a guje ko waigowa bayayi... Mai zasuyi banda dariya sun san har abada sunyi maganin sa idon Malam Balarabe...

***

Barr Nasaar ya kuma kai dubansa ga Azeeza wacce keta faman shirya Taheera cikin uniform d'inta don yau Daddy ya huta tunda ga Aunty nan ta samu....

Sauk'e ajiyan zuciya yayi kafin ya maido da dubansa ga Junaid wanda ke rik'eda mug na tea tururi na tashi ciki, daga yanda suke tsaye cikin balcony d'in ya k'urawa garin Abuja idanu motoci da mutane sai safa da marwa suke, sai abinda ya k'aru bayan shekaru kusan hud'u da ya bar garin ba tareda ya kuma lek'owa ba.... Komai ya shiga dawowa kwanyarsa daki-daki.... Muryarta ya shiga yawo a dodon kunnuwarsa sanda take sanar dashi an tilasta mata auren waninsa.... Ya shiga tuna sanda yaji k'aran bindiga alamun an harbeta, sautin k'aranta na k'arshe bai daina yawo cikin kunnuwarsa ba..... Ya tuna lokacin da ya bud'e idanunsa ya tarar k'afafunsa sun zama tarihi A DUNIYAR SA..... A hankali ya lumshe idanunsa zuciyarsa da kwanyarsa na barazanar tarwatsewa.... Wani k'ara ya saki had'i da jifa da Mug d'in dake hannunsa......


Cikin sauri Barr ya tura k'ofar balcony d'in don baiso yaran su fahimci abinda ke faruwa... Mamaki bai gama cikasa ba saida yaji muryar Junaid cikin kuka yana fad'in they killed her.... Those three killed her.... Wllhi bazan huta ba sai na d'aid'aitasu gaba d'aya, sai na gansu a situation d'in da nake a yanzu.... Wllhi duk sai sun d'and'ana...." Ya k'arashe jijiyar goshinsa da take koriyar shar tana kuma fitowa....

Jin k'aran horn d'in school bus d'insu Hammad alamun ta iso yasa Barr saurin fitowa nan kuwa ya tarar Azeeza tana ratayawa yaran school bags d'insu had'i da lunch packs d'insu....

Da gudu suka k'araso suka rungumesa sunai masa waving.. Saida ya bisu da sunba had'i da addu'a kafin suka fice suna waving new Aunt d'insu Azeeza...

Har suka fice Azeeza murmushi take yayinda Barr ke faman binta da kallo...

Jikinta ne ya bata ana kallonta, aiko tana d'ago kai suka had'a idanu....

D'an sunne kanta tayi kana tace "Am... Am ina Yaya na....?"

Murmushi yayi yana jinjina yarintarta kana yace "Muna d'an magana dashi.... Idan bazaki damu ba ki k'arasa kitchen kiyi breakfast kafin mu gama koh...."

Jinjina masa kai tayi kana ta nufi kitchen d'in tana wasa da 'yan yatsunta... Har ta kai k'ofa ta jiyo muryarsa yana fad'in "Aunty Zee...." ta juyo tana dubansa cikeda mamaki ashe har yaji yanda Taheera ke kiranta...

Murmushi ya sakar mata kana yace "Thank you...."

Bata iya amsa sa ba sai sa kai da tayi ta shige kitchen d'in murmushi saman fuskarta....


***

Nana H ta kuma duban Nadiya a karo na biyu kana ta d'an sauk'e ajiyan zuciya tace "Nadiya ki sani jinki nake tamkar 'yar uwa ta jini a gareni, kuma na yarda dake hundred percent, nasan idan kinga abinda zai cutar dani bazaki bari na auka masa ba. Shin ke kin yarda dani kin yarda bazan cutar dake ba...?"

A hankali Nadiya ta jinjina kanta kana tace "Nana Hafsat wllhi na yarda dake d'ari bisa d'ari kuma nasan bazaki cutar dani ba..."

Nana H ta murmusa kana tace "Alhamdulillah da kika yarda dani..... Kuma insha Allah zaki sameni da rik'on amana...."

Nadiya ta murmusa cikeda jin dad'i....

Nana H ta kuma muskutawa kana tace "Nadiya nasan baku jima da dawowa garin nan ba, kuma nasan bakuyi k'wakk'waran bincike kan Siraj Laushi ba, koda shike koda kunyi bincike Uncle Siraj nada kyawawan d'abi'a tsakaninsa da Al'umma... Saidai abu guda tak da nake ji maki tsoro kuma mutane basa fad'i sabida gani da ake he's rich, handsome and famous.... and above all d'an babban gida.."

Nadiya ta kuma gyara zama had'i da ajiye fork d'in dake hannunta cikin plate tanai ma Nana H kallon ban fahimceki ba...

Nana H ta murmusa had'i da kuma lank'wasa k'afafu kana tace "Uncle Siraj Uncle d'ina ne wanda nafi k'auna fiyeda kowa a family na harma da 'yar uwata da muka zauna mahaifa guda..... Nadiya shin kinsan cewa duk macen data rab'i Uncle Siraj mutuwa take? Shin kinsan adadin matan da suka rasa rayuwansu ta dalilin soyayya da Uncle Siraj....? Kina so ki zama next victim.... Do you want to die at your young age....?"

Dukan tara-tara kawai k'irjin Nadiya keyi tana kallon Nana H cikeda tsoro da mamaki...

Babu alamun wasa a fuskarta taci gaba da fad'in "Nasan zakiji tsoro da mamaki toh ki sani wannan itace iyakacin gaskiyar, har yau babu wanda yasan dalilin da yasa 'yanmatan da Uncle ke nema suke mutuwa, na tabbata badon yanada dukiya ba da tunin an kullesa ko kuma an fatattakesa daga garin nan.... Amma idan baki yarda dani ba kina iya tambayan one of his friends mijina Ahidjo ko kuma Lamid'o da suke aiki company guda...." Tana kaiwa aya ta d'au coffee mug d'inta tana sipping lokaci guda take karantar Nadiya da ta koma tamkar mutum mutumi....





*SameenaAleeyou...📚*
[12/12, 6:45 PM] ‪+234 810 044 6653‬: *FUSKA UKU*🏮




*05*




*©Sameena Aleeyou....✍🏽*







A hankali Barr ya durk'usa gaban wheelchair d'in Junaid yana dubansa cikeda tsananin tausayi, yana gani cikin idanunsa tsananin zalunci da aka masa, yasha gamuwa da masu case shigen na Junaid dukda baiji cikekken tarihinsa ba, amma tabbas yasan anyi masa zalunci mafi muni A DUNIYAR SA....

"Hannu yakai ya dafe na Junaid dake zube saman cinyoyinsa... Lokaci guda Junaid ya d'ago rinannun idanunsa yana duban Barr Nasaar.....

Barr yaci gaba da fad'in "Junaid let it out.. Kayi kuka domin zai rage maka zogi da rad'ad'i..."

Junaid ya murmusa wacce tafi kama da ta takaici kana yace "Barr yau shekaru hud'u kenan ina rayuwa cikin k'unci da burin d'aukan fansa, kuma banzo nan ba saida na shafe shekaru biyu ina karantar duk wani motsi nasu...." Shiru yayi ba tareda ya ci gaba da maganar ba....

Barr ya gyara tsugunonsa had'i da yima Junaid k'uri kana yace "Junaid su waye wad'annan mutane, sannan wacece suka kashe and meye dalilin kasancewarka saman wheelchair....?" Ya k'arashe fuskarsa cikeda alamun tambaya...

Sararin samaniya Junaid ya k'urama idanu kaman bazai kuma cewa komai ba domin har Barr yacire ran cewa Junaid bazai amsa masa tambayoyinsa ba....

A hankali ya saka hannunsa bayan kekensa ta d'an k'asa kad'an ya ciro wata 'yar kati kana ya shiga warwarewa....

Barr dai k'uri ya masa yana kallon ikon Allah har ya ida warware katin dake hannunsa sai sannan Barr ya lura cewa hoto ne a hannun Junaid wanda aka duk'unk'une waje guda....

A fuskar Barr ya manna hoton wanda da gani jikin news paper aka cire....

"Kasan wad'annan FUSKOKIN...?" Ya tambayi Barr sanda yake kuma ware hoton tarr idanun Barr...

Da mamaki Barr ya kuma gyara tsugunonsa yana kuma kallon hoton wanda da gani jikin news paper aka cire, k'irjinsa naci gaba da bugu.... Tabbas yasan mutanen dake cikin hoton kuma yasan exact ranan da aka d'auki hoton.... Hoton Boss d'insa ne da aminansa, lokaci guda yaji bakinsa ya masa nauyi ya kasa furta koda kalma guda.....

Ganin yanayinsa yasa Junaid kafesa sosai da idanu kana ya sauk'o da fuskarsa dab da na Barr yace "Ka sansu ne.....?"


Kallonsa kawai Barr keyi kafin yace "Kana nufin wad'annan sune FUSKA UKU da kake shirin d'aukan Fansa akansu....?"

Shiru Junaid yayi yana nazarinsa kana yace "Ka amsa min tambayata first.. Ka sansu ne.....?"

A hankali ya shiga jinjina kai k'irjinsa naci gaba da bugu.....

"K'warai na sansu sannan na san ranar da aka d'auki hoton,.... The photo was taken a ranar aurensa sa'ilin da 'yan jarida suka masa chaa domin jin ta bakinsa da aminansa irin farin cikin da suke ciki....." Shiru yayi ya kasa ci gaba da magana yayinda k'irjin Junaid taci gaba da tafarfasa....

Hannu yasa ya damk'o kwalan Barrister yana mai ci gaba da wani irin huci yake fad'in "Tell me everything.... I mean every.....thing u know about 'em......"

Barr ya d'ago yana duban Junaid yanda fatarsa ta koma ja gaba d'aya.... A hankali yake furta "Let me go....."

"No sai ka gaya min komai ko na fara daga kanka na murmuk'usheka a nan....." Junaid ya basa amsa yana kuma shak'e masa wuya....

"Ka sake min wuya sai na sami damar sanar dakai komai...." Cewar Barr dayaji damk'a sosai....

A hankali Junaid ya soma sakar masa wuya yana watsa masa wani irin mugun kallo had'i da huci

Saida Barr ya koma ya zauna gijif had'i da zubewa jikin garu yana kuma sosa wuyarsa kafin ya d'ago yana duban Junaid da babu alamun rahama a fuskarsa....

A hankali ya soma fad'in "Siraj..... Ahidjo.... Lamid'o....." Ya kuma duban Junaid dake faman ci gaba da tururi lokaci guda Junaid ya jinjina kai kana yace "The three Bastards... Tell me. ... who are you to them....?"

Barr ya jinjina kai yana duban Junaid kana ya soma fad'in


"Ni d'aya ne daga cikin Attorneys na Laushi Group, Companyn marigayi mahaifin Siraj wanda a yanzu haka Siraj yake running..... Kaji alak'ata dasu, sannan naji mamaki matuk'a da suka kasance sanadin K'uncinka sabida a iya sani na sunada alak'a mai kyau tsakaninsu da mutane...."

Murmushi Junaid yayi sabida har cikin ransa yaji dad'in samun wanda zaiyi linking d'insa da three devils d'innan cikin ruwan sanyi kafin ya turo kekensa ya k'araso dab da Barr yace "Haka suke a Fuska, amma a bad'ini sunfi kumurcin maciji guba... A yau zan sanar dakai da su waye kake aiki, da wasu irin azzalumai ka aminta har kake aiki k'ark'ashinsu...."

Barr ya kuma gyara zamansa dirshan a k'asa yana duban Junaid da tuni ya d'aga kai sama yana kallon sararin samaniya dai-dai sanda ya soma fad'in.....


****

*Misau*



Kasa tura k'yauren tayi sabida wani irin k'ugi da cikinta keyi, ba ta yunwa bace saidai koh ta tsoro domin yau karin kummalo maiji da lafiya Innah Balki ta bata....

Tsayuwa tayi tana kuma tsuru-tsuru da idanu tana tuna yau shikenan kashinta ya bushe batasan yanda zasu kwashe da Iya Gaje ba tasan yau rai kad'an zata rage mata.....

"Wayyo Allah na... Wayyo Allah ka ceceni kasa kar Iya ta jibgeni...." Tayi addu'ar a hankali idanunta na k'ok'arin ciko k'walla....

Har zata shiga gidan taja burki ta tsaya jin yanda Gaje take salle mahaifinta uwa ta sami yaronta, dama hakan take masa bashida fad'i a gidansa sai abinda Iya Gaje tace....

"Deejo dani take wasan nan, yau zata sanar dani gidan uwar wa taje ta kwana, shegiyar yarinya hatsabibiya ta iya bajewa d'akin saurayi tayi kwana amma batasan ta kawo min sisin kwabo ba sai anyi magana tace ita saliha batasan zancen ba koh....? Kai kuma sullutu gaula da anyi magana sai kace nice zan lalatata koh, toh yanzu sai ka sanar dani a gidan uwar na lalata maka d'iya....?" Ta k'arashe tana nuni da ludayi saman fuskar sa.... Kaman daga sama suka jiyo ana bugun k'yauren gidan, ko izinin shigowa ba'a basu ba suka tokari k'ofar suka shigo... Ba kowa bane illa Lado da muk'arrabansa... Yana hura taban wiwi yake fad'iwasu Muntala.. Ku shiga lungu da sak'o na gidan ku fito min da ita....."

Jikin Gaje ya d'auki kyarma ta nufi Lado tana fad'in "Lado mai asharalle wai lafiya... Ina Dijon ba'a wajenka ta kwana bane...."

Marin da Lado ya sauk'e mata ya sanyata had'iye kalamanta tana kururuwa....

Lado yaci gaba da fad'in "Ke har kin isa kici kud'ina a dad'in rai, saida mukayi dake kan cewa na jirata hanyar islamiyarsu ashe kinsan 'yar taki 'yar akuya ce baki bata irin tarbiyar da ya kamata ki bata ba, ga abokina nan Tanimu bayansa sai an masa d'auri sabida allon makarantar ta ta dinga rabza masa yanzu haka gashi nan d'ingishi yake, bata tsaya a nan ba ta dinga lailayamu cikin garin nan har saida ta cika mana yashin k'ofar kurmi cikin idanu muka kuma nemeta muka rasa kaman aljana ta b'ace... Toh wllhi kinji na rantse ko ki nemota ko na fanshe kud'ina akanki...." Lado ya k'arashe yana k'ok'arin cazgo kallabinta...

A d'ari Gaje tayi bayan Malam Ard'o mahaifin Deejo tana kururuwa take fad'in "Malam ka agajeni kada su min fyad'e... Malam zasu tona mana asiri.... Wayyo Deejo kin cuceni babu abinda zai hanani yankaki cikin gidan nan....." Tsam ta d'ale bayan Malam Ard'o dukda ta fisa a tsaye da kuma jiki sai kururwa take....

Dai-dai lokacin Malam Sada da mai d'akinsa Innah Balki suka shigo had'i da wasu 'yan unguwa Deejo kuwa na mak'ale da Innah Balki....

Mamaki ya cika mutane jin abinda Gaje tayi akan marainiyar 'yar mijinta Deejo... Lallai duniya abin tsoro, gashi ta shanye mijin nata gaba d'aya bai iya um balle um-um....

Innah Balki kam batasan sanda k'walla suka shiga zarya a idanunta ba sam batayi zaton rashin imanin Gaje yakai nan ba, Malam Sanda kuwa sai faman girgiza kai yake cikeda mamakin yanda wasu mutanen basu san girman amanan d'a a wajensu ba.... Tabbas barin Deejo hannun wannan azzalumar mata babban had'ari ne gwara yasan yanda zaiyi ko gaban Mai gari suje idan abu ya gagara su dangana gaban sarki a canzawa Deejo uwar rik'o koda wajen dangin mahaifiyarta ne a maidata tunda yasan bazata rasa ba....

Da k'yar aka samu aka fatattaki su Lado a gidan, Gaje ta baje a k'asa kallabi a hannu tana maida numfashi, tabbas yau taga tashin hankali....

Innah Balki ta girgiza kai cikeda takaici kana tace "Toh Gaje shidai kukan kurciya jawabi ne amma fah mai hankali ne ke fahimta, kuma ki sani Deejo bata kwana d'akin ko wani gardi ba sai d'akina, gashi k'ulleliyar da kike shirin yi mata ya tasamma juyewa kanki, toh wllhi kiji tsoron Allah, dan ke Allah bai baki ba bawai ya k'iki bane sannan fad'owar Deejo hannunki alamun Allah ya baki kenan koda ba ke kika haifa ba, shin godiyar da zakiyiwa mahallicinki kenan.... Ki sake tunani Gaje ki kuma gyara halayanki tun kafin lokaci ya k'ure maki... Kuma bazan gushe ba ina sanar dake shidai d'a na kowa ne ba'a musguna masa sabida son zuciya bakisan waye zaki mora ba nan gaba, bakisan mai Allah ya ajiye tattareda wannan 'yar marainiyar Allahn ba...."
Tunda ta fara magana Gaje ke watsa mata mugun kallo.... Mik'ewa tayi had'ida shan d'amara da kallabinta kana tace "Toh kanwa uwar gami... Sai ki dake ni kawai nasan kin haifeni, banda felek'e kin wani sakani gaba uwa 'yarki kina silleni sabida makirci da munafunci irin taki... Toh sai ki gaya min idan kina kawo kwabo cikin kud'in tufatar da Deejo koko ci da ita.... Wllhi wllhi kinji na rantse ki fita daga hidiman gidana...." Ta k'arashe tana finciko hannun Deejo take fad'in "Saketa tinda ba 'yarki bace, yo ke wa ya kaiki asara kin haifawa bariki tuk'ek'en saurayi... Ahayyye abin kunya na tattare dake wllhi gwamma ni dama ban haifa ba ke kuwa kin haifa wa karuwai ya tafi ya barki...." Ihun da Deejo ta saki tana k'ok'arin k'wace hannunta daga rik'on da Gaje tai mata ya sanya Gaje dasa aya tana kuma janyo Deejo take fad'in "Nan ne gidan ubanki dan uwarki babu yanda zakije, nan ne dolenki...."

Deejo ihu take tana tsalle take fad'in "Nidai wllhi gidan Innah zan koma, ni wllhi bana son nan gidan...."

Gwab'e mata baki Gaje tayi tana fad'in "Uwarkice baki so bamu ba shegiya annoba...."

Innah Balki ta yunk'ura zata janyo Deejo Malam Sada ya rik'eta had'i da girgiza mata kai...

"Malam kagafa abinda take mata... Malam wllhi ina son Deejo...." Innah ta k'arashe cikin kuka...

Malam Sanda durk'usawa yayi gaban Malam Ard'o kana ya soma fad'in "Malam Ard'o zan rok'i alfarmanka guda d'aya.... Dan Allah kayimin ita..."

Malam Ard'o da tuni k'walla sun gama ciko idanunsa kallon Malam Sanda kawai yayi had'i da jinjina masa kai....

Malam Sanda ya d'an sami k'warin gwiwa kana yace "Dan Allah ka min izini na tafi da Deejo gidana, ba ina nufin ka bani ita ba, a'a ina nufin rik'onta ya dawo hannu na da iyalina..."

Ai bai kai aya ba Gaje ta malmalo ashariya ta watsa cikin azama ta hankad'a Deejo d'aki wacce ke faman ihu da bori.... Gaje bata fasa fad'in "Toh tsinannu munafukai annamimai baza'a baku ba kuce neman 'ya'ya kuke kota halin k'ak'a toh kace a baka auren Deejon mana kaga tinda da jini a jikinta zata haifo maka abinda matarka ta kasa baka... Kadai ga yarinya mai jini a jika kana so a baka ka dinga bin dare ko... Toh baza'a bayar....." Bata kai aya ba Innah dake faman huci ta d'aga hannu zata kwad'a mata mari Baffah ya rik'e hannun cikin sauri.... Tabbas ya yarda yanda kunya yabi toh fah Gaje bata bisa ba, dole abin abun a lallama....

"Ahayye da ka barta ta mareni yau datasan ta d'abo Gaje mai jigidan masifa da bala'i... Ku fice mana a gida kafin ranku gaba d'aya ya b'aci...."

Ta k'arashe tana hankad'e Innah Balki dake kuka shar-shar don tana jiyo sautin kukan Deejo tana fad'in "Innah dan Allah kar ki tafi ki barni... Baffah dan Allah ku d'aukeni daga gidan nan.. Innah ta dan Allah ki d'aukeni...."

Cikin sauri Malam Sanda da zauciyarsa ta karye gaba d'aya ya janyo matarsa suka fice daga gidan.... Suna jiyo Gaje yanda taci gaba da ashariya tana surfa masifa wa mijinta....

Har suka isa gida Innah bata daina kuka ba tana fad'in "Malam yanzu haka zamu barta, yanzu babu abinda zamuyi.. Malam kace min wani abu dan Allah...." Ta k'arashe cikin kuka sosai...

Baffah ya sauk'e ajiyan zuciya kana yace "Balkisu kiyi hak'uri insha Allah zamu kub'utar da Deejo daga makircin kishiyar uwarta bi iznillahi, kuma babu abinda zai cutar da ita, ki bani zuwa d'an wani lokaci...."

Jinjina masa kai kurum tayi hawaye naci gaba da ambaliya a fuskarta....


***


Junaid yaci gaba da fad'in "Kamar yanda na fad'a maka asalinmu 'yan k'asar Cameroon ne, mahaifanmu gaba d'ayansu 'yan asalin k'asar Cameroon ne birnin Yawundi.... Iyayenmu mu biyu suka haifa tak daga ni sai k'anwata Azeeza, a lokacin da muka dawo k'asar Nigeria inada kimanin shekaru 8 a lokacin Azeeza bata wuce shekara d'aya tak ba, kaga akwai ratan kusan shekaru bakwai tsakaninmu.... Lokacin da muka dawo nan k'asar Nigeria mahaifina sai ya samu aiki da wata k'aramar Company a nan birnin Abuja, ya fara aiki gadan-gadan babu kama k'afan yaro... Abinka da k'aramin ma'aikaci wanda kuma tsananin matsi yasa ya baro k'asarsa ta ainihi sai mukaji rayuwar ta mana dad'i, dai-dai gwargwado munajin dad'i muna samun duk abinda mukeso wanda baifi k'arfin mahaifinmu ba...."

Sauk'e ajiyan zuciya yayi had'i da sakin murmushi sabida tunowa da yayi da mahaifansa kana yaci gaba da fad'in "A companyn da mahaifina yake aiki, shi mutumin wanda mahaifina ke aiki a k'ark'ashinsa ya kasance yanada wata d'iya ZEENATU... Zeenatu zan girme mata da shekara biyu zuwa uku, toh a lokacin makaranta d'aya mahaifinta ya sakamu, komai tare yake mana, Shak'uwa mai tsanani ya shiga tsakanina da Zeenatu wanda ta kasance ko dawowa mukayi daga makaranta toh idan banje gidansu ba ita zatzo namu...." Murmushinsa ya k'aru wanda har takai ya kasa ci gaba da baiwa Barr labari...

Barr kuwa ya k'agu yaji ci gaban labarin...

"Umhum ina jinka mai ya sanyaka dariya haka....?"

Junaid ya kuma murmusawa kumatunsa suka lotse kana yaci gaba da fad'in "Kawai na tuna idan Momma mahaifiyata ta