You Cannot Download this book untill you login but you can read it .

---

Login Register

banda bugu babu abinda k'irjinta ke mata, Uncle ke maganar auren Azeeza, toh ina alk'awarinsu da Nasaar, lallai Nasaar Zaire amsa mata, kambala'i kenan k'arya yake mata kokuwa me...? K'irjinta yaci gaba da mata zafi, lokaci guda ta fasa sauk'a k'asan ta koma d'akinta ta d'au wayarta ta shiga dialing layin Nasaar hannayenta har rawa suke sabida tsananin b'acin rai, wani kayan takaicin shine wayar Nasaar d'in a kashe take, ta kira yafi abinda yafi baya shiga, tamkar tayi jifa da wayar salular haka taji, lokaci guda ta tura masa sak'o kan su had'u gobe duk yanda za'ayi...



Haka ta zauna saman gadonta tana mai faman ci gaba da huci, duniyar tai mata zafi, tana murna Azeeza ta fice daga rayuwar Uncle sai gashi tana shirin dawowa, inaa bazata tab'a bari hakan ta kasance ba koda wasa....


***

Baisan ta yanda zai soma tuntub'ar Junaid lambar Sabi'u ba don ko kad'an baiso yayi suspecting d'insa wani abu, dabara ta fad'o masa lokaci guda ya saki murmushi da gefen bakinsa kafin ya mik'e ya fice daga parlorn, duk runtsi duk tsiya dole a yau d'in nan ya saci lambar Sabi'u ya soma aiki wa Mai gidansa Bulama muddin yana son kansa da lafiya....

***

A can Damaturu kuwa tinda ya kwanta yake mafarki da wata mata, a mafarkin nasa matar tana a matsayin matarsa ce, kyakkyawa ce sosai kuma mu'amala ta aure suke cikin baccin nasa, tinda ya farka yake jin jikinsa babu k'wari, ya jima zaune yana tunanin wannan mafarki ga kyakkyawar fuskar matar ya kasa b'acewa daga idanunsa, a hankali ya saka tafukan hannayensa ya shafe fuskarsa, agogon bango dake manne a d'akin ya d'aga kai ya kalla ya nuna k'arfe biyu da rabi na sulisin dare asubahi tanada saura, a hankali ya karanto addu'an da Baba Malam ya koyar dashi kafin ya mik'e ya d'auki tocilansa ya nufi makewayi, tsarkake jikinsa yayi ya kuma d'auro alwala kana ya dawo d'akinsa ya shiga jera nafilfili, ya jima yana sallolinsa har wajajen k'arfe uku da rabi kafin ya kuma kishingid'a wani bacci ya kuma satarsa, har saida ya kusan makara asubahi, bugun k'ofar da Hafiz ke masa ya farkar dashi, cikin sauri ya gabatar da alwala kana suka jera suka tafi masallaci tareda Hafiz d'in kaman yanda suka saba, dama kullum Alin ke tada Hafiz sai gashi yau Hafiz d'in ne ya tada shi, Baba Malam kam kasancewarsa Liman yakan rigasu isa masallacin saidai su jera su dawo gida tare bayan sun gaggaisa da mutanen unguwa a masallacin idan an ida sallah...

Yau gaba d'aya tinda suka jero suna tafiya Baba Malam ya fahimci wani abu na damun Ali, saidai yayi shiru bai tambayesa ba, shi kuwa Alin mafarkin nasa sosai ya damesa musamman da fuskar matar ya kasa b'acewa daga idanunsa, yanaso ya tambayi Baba Malam saidai nauyi da kunya bazai barsa ya masa irin wannan tambaya ba, a haka suka isa Gida suka yada zango a zaure suka shiga k'arin karatu kaman yanda suka saba duk sanda suka dawo daga sallan asuba....


***


K'arfe bakwai na safiya tayiwa Ma'ajura a gidansu Zaliha, tuni Zalihar ma ta shirya Ma'ajuran kawai take jira, tsaban zumud'i ko karyawa sun kasa tsayawa suyi wai zasuyi latti, babu yanda Ummah batayi ba kan su tsaya su saka wani abu cikinsu amma sunk'i, tuni suka fice bakin hanya yanda Yaya Safiyanu yayan Ma'ajura ke jiransu....










*SameenaAleeyou📚**FUSKA UKU🏮*



*54*





*©Sameena Aleeyou...✍🏽*





Har wajajen k'arfe 7:30am bata tashi ta shirya ba sakamakon daren jiya gaba d'aya kusan ta yisa idanunta biyu sabida abubuwan da suka faru a jiya d'in tsakanin manemanta guda biyu wato Lamid'o da kuma Junaid.... Ayiya sosai ta sha mamakin rashin ganin sauk'owar Nana A, ta sani sosai Nana A ke mutunta lokaci, idan tasan tanada abinyi toh tun kafin lokacin zata tashi tayi shirinta lalurar dake jikinta sam bai hanata yin wasu abubuwan....

Da sallama Ayiya ta shigo d'akin yanda ta hangi Nana A d'in har lokacin kwance take cikin gadonta, zama tayi gefenta fuskarta fal murmushi, tinda take a rayuwarta Yaro guda ta haifa kuma ta rasa shi tun yana k'arami, bayan wannan yaro nata data nuna masa tsan-tsan so da k'auna babu kaman Nana A, ji take tamkar ita ta haifeta tsananin soyayyar da take mata, bata tasheta ba saima gyara mata kwanciyarta da tayi sannan ta fice had'i da rufe mata k'ofan...

A can Foundation kuwa su Zulaiha tuni sun isa suna jiran isowar Nana A amma shiru bata iso ba, a dole Ma'ajura ta tafi bakin aikinta ta k'yale Zulaiha nan reception tana zaman jira, taimakon TV dake aiki a reception d'in yasa ya d'an d'ebe mata kewa, tun tana k'irga mintoci har dai ta koma k'irga awanni, nan ta soma tunanin anya kuwa matar nan zata zo, can jimawa Ma'ajura ta k'ataso wajen itama d'in izuwa lokacin rashin zuwan Nana A d'in ya dameta..

"Ma'ajura anya kuwa madam d'in nan taku zatazo, anya kodai na tafi ne gobe na dawo kinga da nayita zaman kurum a nan gwara na koma gida na taya Umma da wani aikin..." Zulaiha tace damuwa fal fuskarta

Zama gefenta Ma'ajura tayi tana mai duba agogon Gucci dake d'aure left hand d'inta kana tace "Kai Zulu dan Allah ki k'ara hak'uri nima dai rashin zuwan nata ya soma damuna amma nasan anything 11 zata iso insha Allah.."

D'an sauk'e ajiyan zuciya Zulaiha tayi ga wani fad'uwar gaba da ya addabeta tinda ta shigo foundation d'in....

"Shikenan babu matsala idan kince Haskell, Allah sa ta k'araso wllhi na k'agu tayi ta zo ban sani ba amma gabana sai fad'uwa yake tinda na shigo wajen nan..."

Murmusawa Ma'ajura tayi kana tace "It's natural, you're nervous kar ki damu zakiji dad'in aiki da foundation d'in nan insha Allah, oya tashi muje kiga yanda muke gudanar da ayyukanmu...." Ta k'arashe tana mai janyo hannun Zalihan....

***

Cikin shirinta na fita ta sauk'o parlorn, fuskar nan tasha kwalliya uwa mai zuwa gidan biki, doguwar riga ce jikinta wanda yasha tsagu, gaba d'aya sharab'arta a bud'e suke, wata 'yar k'aramar mayafi ta saka a kafad'arta wanda da gani kasan a dole ta saka shi, ga wani uwar d'auri datasha tamkar dai mai shirin yin beauty pageant, sai watsa k'amshi take tana faman kad'a d'an makullin motar ta....

K'aran high hill d'in dake k'afafunta ya sanya Ayiya fitowa daga kitchen tana kallon ikon Allah, baki sake take duban Nana H, da k'yar ta iya saita kanta kafin ta shiga tafe hannaye tana sallami had'ida mamakin wannan irin rayuwa

"Toh ke kuma ina kika nufa haka baiwar Allah...?"

Wani irin wulak'antaccen kallo Nana H ta watsa mata kafin ta tab'e baki taci gaba da tafiyarta....

Ayiya bata kuma furta komai ba sai addu'a da fatan shiriya da tayiwa Nana H cikin zuciyarta...

Daga bayansu suka jiyo muryar Ammah tana fad'in "A'ah Sweetheart sai ina da safen nan...?"

Nana H da tuni takai k'ofa juyowa tayi fuska babu walwala kana tace "Ammah I've an appointment with my Dr da safen nan, ko asibitin ma za'a hanani zuwa ne a tak'ureni a gida bayan nayi k'ok'ari nayi kwanaki sama da arba'in a hakan..."

Saurin girgiza mata kai Ammah tayi kana tace "A'a babu wanda zai hanaki ganin likita besides iddah kike ba takaba...."

Murmusawa Nana H tayi kafin ta d'an k'araso ta baiwa Ammah light hug.... "Thank you Ammah na, sai na dawo...."

Ammah na murmushi take furta "A dawo lafiya 'yar lele na... Allah shi baki lafiya...."

Ameen ta amsa dashi kafin ta yab'awa Ayiya wani irin wulak'antaccen kallo kana ta fice...

Ayiya ta dubi Ammah da tsananin mamaki kana tace "Mairo gaskiya da alama har yanzu baki canza d'abi'arki ta son rayuwa irinta yahudu ba...."

Yanda Ayiya tayi maganar saida ya haifarwa Ammah da fad'uwar gaba, rabon Ayiya ta kirawota da sunanta Mairo tun shekarun baya, wasu lokuta masu tsawo....

Cikin sauri Ammah ta janyo hannun Ayiya suka biya wata k'ofar k'irjinta naci gaba da bugu....

"Ayshatu kar ki mance alk'awarinmu, kar ki mance munyi alk'awarin bazamu tab'a bud'e sirrinmu ba, mai zai faru idan Nana Asma'u ko Nana Hafsta koma Siraj sukaji kin ambaceni da sunana abinda baki tab'a ba...."

K'uri Ayiya ta mata kana tace "Mairo kink'i amincewa ne amma ni a ganina da mun sanar dasu don na sani ko ba dad'e ko ba jima zasuji wata rana..."


I zuwa lokacin hawaye sun soma sauk'owa Ammah, cikin murya mai tsananin rawa take fad'in "Aishatu tsoro nake ji, ina tsoron rasa jikokina da kuma tilon d'ana da yayi saura... Bansan ta yanda zan fara ba....." Kuka yaci k'arfinta

Cikin sauri Ayiya ta rungumota itama hawayen na neman ciko idanunta, bata da kowa sai Mairo da iyalanta, ita kanta bazata so wannan ajiyayyen sirri ya bud'e ba, zata fi so ayita zama a haka don bazata tab'a so ta rasa Nana A ba, yarinyar da take so fiye da komai na rayuwarta, wacce take jinta tamkar nata tamkar ita ta haifeta..... Tabbas bud'uwar sirrin yana dai-dai ne da rasa Nana Asma'u a wajenta....

***

Tana fitowa ta nufi ma'ajiyar motar ta ma'aikatan gidan sai gaisar da ita suke suna mata barka da safiya, as usual ko kallon arziki basu isheta ba balle ta gaisar dasu, idan da sabo sun saba da wannan banzan d'abi'a na Nana H wannan dalili yasa suka fi son 'yar uwarta Nana A wacce ke ganin girma da darajan d'an Adam....

Motar ta na fitowa daga gidan Lamid'o ke k'ok'arin shigowa, dole ya koma da baya yayi parking gefen gidan yana jiran ficewarta

Murmushi ta saki masa kafin ta isa kusansa had'ida zuge gilashin motar ta...

"Good morning Handsome giant...!!" Ta fad'i tana mai masa fari da idanu

Sosai ta basa dariya amma ya gimtse a iya yawonsa na duniya bai tab'a cin karo da shed'aniya irin Nana H ba, kafeta yayi da idanu yana karantar ta, so yake ya fahimci wani abu gameda ita, meyasa sam mutuwar Heedj bai dameta, mai yasa bata k'aunar ayi maganar binciko 'yar uwarta Nana K, there must be something behind all this, he needs to find out, ya sani tun ba yau ba Nana H shed'aniya ce, amma idan yana so ya tabbatar da zarginsa dole yabi a sannu kaman yanda yake bin Bulama a sannu...

Lokaci guda Lamid'o ya sakar mata murmushi kana yace "Barka da safiya Mrs.... Aff sorry na mance ashe ke d'in widow ce, kodashike bakiyi kama da matar da mijinta ya rasu ba, kaman ma murna kike da mutuwar nasa maybe ya tare maki wani wajen yanzu kina shan iskan ki yanda ya kamata...." Ya k'arashe mayaudariyar murmushi saman fuskar sa...

Dukda kalaman Lamid'o sun mata zafi hakan bai hanata dannewa ba sabida cikan burinta kana ta kuma masa fari da idanu kafin ta soma fad'in "Tabbas wanda ya riga ya mutu toh fah ya mutu, amma Heedj miji ne da mancesa cikin zuciya da gangan jiki abu ne mai matuk'ar wuya, da ace Allah baya sakawa d'an Adam mantuwa tabbas da duniyar bata kawo haka ba, domin da zaran wani naka ya mutu tsananin tunani ka iya sawa kabi sahunsa...." Fasali ta d'anyi tana mai ci gaba da juya idanu makirin murmushi saman fuskarta sanda ta fito da kanta ta gilashin motar tana mai duban cikin idanun Lamid'o take ci gaba da fad'in "Na sani a rashi na ka d'aura idanu akanta yanzu da na zama single na tabbata zakafi kowa farin ciki, ina nan akan bakata.... Ko kana tunanin zan barka ka auri 'yar uwata na d'auke idanu kaman babu abinda ya tab'a faruwa.... Oh Darling hakan bazata tab'a kasancewa ba.... Bakada zab'i sai Nana H...." Ta k'arashe tana mai kashe masa idanu guda...


Banda tafarfasa babu abinda zuciyarsa keyi, Nana H ta gama dashi ta wannan fannin, tinda yaci amanar abokinsa yasan abun dole yayita bibiyarsa, ga Heedj baya nan balle ya nemi gafararsa ga tsananin soyayyar 'yar uwar abokiyar da sukayi tarayya wajen aikata sab'on Allah dake neman zautar dashi, Nana H bazata tab'a kaucewa daga hanyarsa ba har sai taga yanda ta rabasa da Nana A... Muryarta ne ya dawo dashi daga duniyar tunanin da ya tafi...

"Ka shiga ka sameta tana ciki don na tabbata wajenta kazo, ta sanar dani duk abinda ya faru sannan na bata shawari irin wacce ta dace, kar ka damu da rashin Nana A kanada Nana H kyakkyawa mai cikan halitta burin ko wani namiji lafiyayye irinka, and just a piece of advice Sweetheart, make sure ka yanke alak'ar dake tsakaninku cikin gaggawa kafin na tunk'ari shirina na gaba..." Har ta soma yunk'urin jan motar da niyyan barin wajen ta kuma dakawata tana dubansa wani murmushin saman fuskarta

"It's obvious da biyu ka tura Heedj nemo Nana K don a kashesa kai kuma ka sami chance d'in kasancewa dani... Kar ka damu your little secret is safe with me, mun saba tonawa muna bisnewa dani dakai, so wannan karanma babu wanda zaiji Sweetheart...." Tana ida fad'in haka ta hura masa kiss a tafin hannunta kafin ta finciki motarta da k'arfin gaske ta barsa a wajen tana tintsirewa da dariya had'ida maka k'atoton gilashi saman fuskarta...


Dukda sanyin AC d'in motar tasa dake dukan fatarsa bai hana jikinsa tsartsafo da zufa ba, Nana H ta wuce duk wani tunaninsa, Allah kad'ai yasan jiya mai ta sanar da Nana A, fatansa dai Allah yasa bata sanar da ita laifukan da suka aikata a baya ba cikin sauri ya kuma yin horn ma securities suka bud'e masa gate d'in....

***

"Hello ina jinka, yes yes I'm on my way, what nonsense are you talking about Nasaar,.... Just cut it out, na fad'a maka gani nan zuwa kawai ka jirani...." Daga haka tsuka ta buga had'i da wurga wayar gefen seat d'in mai zaman banza tana faman huci take damk'e steering wheel d'in... Lokaci guda take furta "Imbecile...!!! Zaka sanar dani gidan uwar daka kai wancan tsinanniyar yarinyar mai zubin aljanai ba, banda asiri da tayiwa Uncle love harma mai zai hango jikinta, bak'in fatar ko me? Na tabbata wannan na fita komai da zai kwantar da hankalinsa babu abinda bazan masa ba..." Ta kuma yin tsuka ita kad'anta sanda traffic lights ke nuno mata jan wuta alamun an tsaidata...

***


A parlor Ayiya ta masa masauk'i yayinda Blessing ta masa tayin breakfast dake bisa table....

Girgiza mata kai yayi yana mai furta "No thanks Blessing I'm OK..."

Blessing ta jinjina kai cikeda risinawa kana ta furta "Alright Sir....!" had'ida barin wajen...


Kallo yabi bayan Blessing dashi zuciyarsa naci gaba da bugawa lokaci guda yake tuna sanda ya kawota gidan a matsayin mai aiki bisa umarnin mahaifinsa Alhaji Sani Bulama.... Muryar Ammah ce ta maido dashi daga duniyar tunanin da ya tafi...

"Ammah barka da safiya...." Ya fad'i sanda yake d'an zamowa daga cikin Settee d'in...

Da fari'a Ammah ke amsa masa shi kuwa gaba d'aya ba'a sake yake ba, ya k'osa yaga sauk'owar Asma'u, Allah sa dai ta fito yayi tozali da ita ko zaiji sanyi don gaba d'aya halin da jiya ya tafi ya barta ciki baiji dad'i ba....

"Nikam nace yaya labarin Nana Khadijatun, har yanzu shiru....?" Ammah ta bid'a bayan sun ida gaisawa da Lamid'on...


K'ok'arin saita kansa ya d'anyi kana ya soma fad'in "Eh toh Ammah, dama abinda ya kawoni kenan...." Jin haka ya sanya Ammah gyara zama had'ida fad'ad'a murmushinta....

"An sameta koh, matar ta amince ta negotiating.... Fad'a min nawa take buk'ata mu bata...." Ta k'arashe cikin tsananin nuna damuwa da tashin hankali...

Lamid'o yayi k'ok'arin k'ak'aro murmushi kana yace "A'a Ammah kar ki d'aga hankalinki komai zaizo da sauk'i insha Allah kaman yanda muka tsara...."

Ammah ta jinjina kai kana tace "Toh shikenan Lamid'o Allah ubangiji yasa hakan..."

Lamid'o ya amsa da Ameen kana ya k'arada "Ammah nace Siraj d'in yana gida kuwa, don naga babu motarsa kuma daga company nake bayya can sannan wayoyinsa gaba d'aya basa shiga...."

Lokaci guda Annurin dake fuskar Ammah ta d'auke...

"Yo wayasan masa yanda yajeshi, nidai kam ina numfashi bazan barsa ya auri yarinyar can ba, banda sakarci ana zancen nemo d'iyarsa yana can yana maganar wata watsettsiyar yarinya da bama k'aunarsa take ba, ni bansan uwar mai ta zuba masa yaci ba ya daburce gaba d'aya akanta... Kaga k'yale maganar Sirajo duk zancen da ake ciki kayita dani yaje can ya k'arata, burina Jikata ta dawo cikin danginta....."

Lamid'o yayi shiru yana nazarin maganganun Ammah

D'ago kan da zaiyi yayi idanu hud'u da Asma'u, tana sanye cikin doguwar riga 'yar dubai wanda ya b'oye nakasan dake jikinta, Asma'u tanada kyau irin mai tafiya da nutsuwar nan, gaba d'aya d'ingishin nata ma sai ya zame mata tamkar ado, yanayin sanyinta zaisa kayi tunanin shiyasa take tafiya a hankali cikin tsanaki, komai nata a natse take gudanar dashi, Lamid'o ya kasa ci gaba da magana sai kafeta da idanu kurum da yayi, yama mance gaba d'aya Ammah na wajen, itako sam batama san yana parlorn ba don bata tsaya sauraren Ayiya dake cewa kada ta fice bataci abinci ba, gaba d'aya bataji dad'in lattin da tayi ba, tasan makara a barcin nata nada nasaba da rabin kwana zaunen da tayi a daren jiya ne....

Ammah takai dubanta yanda Lamid'o ya kafe idanunsa, Asma'u ta hango tana sauk'owa daga staircase, lokaci guda tausayin Lamid'o ya rufe Ammah tun bayan abinda ya faru... Badon tayi alk'awari bazatayiwa Asma'u katsalandan cikin manemanta ba da ta umarceta da ta auri Lamid'o domin kuwa tsan-tsan soyayyar jikar tata take hangowa cikin idanunsa....

"Ammah....!!" Ta ambata murya a d'an bud'e don batamayi zaton Ammahn na parlor ba.... Kafin Ammah ta sami zarafin amsawa Asmau tayi idanu hud'u da Lamid'o.. Zuciyarta ta shiga mata zogi, ta shiga tuno maganganun da Nana H ta sanar da ita, yanzu kam k'yamar Lamid'o takeji sosai domin kuwa tabbas idan har abubuwan da Nana H ta fad'i akansa gaskiya ne toh ya cancanci a k'yamacesa....

Cikin sauri ta d'auke idanunta daga barin dubansa ta k'arasa ga Ammah tana gaisheta sauri-sauri... Bata wani tsaya b'ata lokaci ba ta nufi k'ofa tana fad'in "Ammah ni na wuce foundation I'm late already..."

"Bazaki saka komai a cikin ki ba haka zaki tafi...." Ammah ta fad'i cikeda kulawa

"No Ammah babu damuwa zan samu a can..." Bata jira cewar Amman ba ta fice cikin sauri tana fad'in "Ammah sai na dawo...."

Ammah dai amsata kurum tayi had'ida mata fatan sauk'a lafiya.... Yayinda Lamid'o ya b'ace shiru a wajen, kallo guda zaka masa ka fahimci babban abu ke damunsa, baisan ya kamu da tsananin soyayyar Asma'u ba har haka, inama bawa na iya goge past d'insa tabbas da ya goge nasa... A hankali ya d'an sauk'e fuskarsa k'asa ganin Ammah ta maido da dubanta garesa...


A b'angaren Asma'u ma tinda taga Lamid'on zuciyarta bai daina bugawa ba, har suka d'auki hanya itada Malam Sile zuciyar tata na abu guda, tabbas yakishe Lamid'o cikin zuciyarta ya zame mata dole musamman da yanzu ta kuma sanin ko shid'in waye....


A can foundation kuwa Zaliha ba don taso ba ta mik'e zata tafi, duk magiyan da Ma'ajura ke mata kan cewa ta d'an k'ara hak'uri ko Madam d'in nasu zata iso hak'urin Zaliha ya gaza... A dole Ma'ajura ta mik'e domin raka Zulaiha....




*SameenaAleeyou📚**FUSKA UKU*🏮


*55*


*©Sameena Aleeyou...✍🏽*




Kasancewar Central Area ne yasa bazasu sami abin hawa kai tsaye ba, dole su sauk'a can k'asan bridge bakin tasha kafin su sami motar da zata kaisu unguwarsu.... Suna tafe suna fira Ma'ajura na mitan meyasa Zaliha bazata k'ara hak'uri ba tinda sune masu nema, kuma tasan akwai dalili mai k'arfi da ya sanya Madam yin latti koma ya hanata zuwa gaba d'aya, duba da cewa a kwanakin dama Madam d'in tasu batada lafiya cikin 'yan kwanakin....

"Yanzu sai ki koma gida kicewa Umma mai...?" Ma'ajura ta bid'a sanda suke tsallaka babban kwalta...

"Na ce mata sai gobe mana tinda yau bata zo ba, Ma'ajura bazaki gane bane wllhi nidai tsakanina da Allah tinda na shigo wannan foundation d'in naku gabana ke fad'uwa, k'irjina sai bugu yake jikina na bani wani babban Al'amari zai faru, k'ila ma idan Madam d'in taku ba d'aukata aikin zatayi ba, wllhi sam banji a jikina abin arziki zai faru a wajen nan...."

Cikeda mamaki kurum Ma'ajura ke dubanta sanda suka k'arasa bus d'in da zai kaita Suleja... Nan ta umarceta data shiga ta kuma sanar da ita duk yanda akeyi... Bus ta cika Ma'ajura bata bar wajen ba tana kallonsu har sun soma shirin barin wajen kwatsam ta hangi motar Nana A na shiga close d'in foundation d'insu.... Ai a tamanin ta soma bubbuga bus tana fad'in su tsaya.... Aiko driver na tsayawa batayi wata-wata ba cikeda murna ta shiga janyo hannun Zaliha tana fad'in "Ke gata nan ta iso, ta iso wllhi sauk'o muje...."

Jama'a sai dubanta suke uwa mai tab'in hankali, inaa itakam ko takansu bata biya ba sai k'ok'arin janyo Zaliha take, cikin sauri suka soma sassarfa suka nufi foundation d'in k'irjin Zaliha bai daina bugu ba....

***

"Ka fad'a min ina take, ina ka kaita... Ina ka b'oyeta..wllhi wllhi kaji na rantse maka bazan bar wannan shegiyar yarinyar ta kusanci Uncle d'ina ba... Wllhi bazan bari I'll do everything... I mean everything....!!!"

"Shut your crazy mouth...!!!" Nasaar ya katseta kafin yaci gaba da fad'in "Wllhi kinji na rantse maki wani abu ya sami Azeeza I won't think twice zan d'auki fansata akan Siraj... You'll never see him again, zan b'atar dashi....!!" Ya k'arashe yana tsananin huci

Murmushi Nana H keyi lokaci guda take wasa da 'yan yatsun hannunta saman fuskarsa... "Alright na jika, nasan kana k'aunarta, amma babban kuskuren da zakayi shine ka aura mata Uncle d'ina..."

Shima murmushin yake sanda yake shafa fuskarta kana ya soma fad'in "Kina tunanin ni Nasaar zan aurawa Siraj Azeeza ne, idan baki sani ba don na mallaki Azeeza cikin sauk'i na amshi ragamar aurenta, Siraj haukansa kurum yake amma ina mai tabbatar maki ranar aurensa zai nemi amaryarsa ya rasa, ya rabu da ita rabuwa ta har abada...."

Murmushi Nana H ta saki cikeda jin dad'i "Na yarda da plan d'inka but make sure babu abinda zai sami Uncle d'ina...."

"You can count on that....!!" Ya fad'i yana mai ci gaba da mata wasu salo, k'aran da wayarsa yayi ne ya katse masa hanzarinsa, ganin mai kiran nasa ya sanyasa saurin saka wayar a silent... Lokaci guda ya janyo Nana H jikinsa suka d'aura daga yanda suka tsaya...

***

Lamid'o yaci gaba da fad'in "Ammah mahaifina already yayi hiring private investigator gameda case d'in Nana K so babu abin damuwa idan Allah ya yarda, komai ya kusan zuwa k'arshe da yardar Allah...."

Mamaki ne ya cika Ammah ganin yanda Lamid'o da mahaifinsa ke k'ok'ari wajen binciko mata jikarta, Allah sarki ashe har yanzu akwai mutane masu kyakkyawar zuciya irin haka... Ita dai ko sanin mahaifin Lamid'o batayi ba amma gashi tinda ya dawo k'asar ya d'auki damuwarsu ya d'ora ma kansa... Allah sarki...

D'an muskutawa Ammah tayi kana tace "Allah sarki, da baka tak'ura mahaifinka ba wllhi sakarcin Siraj ne ya hanasa focussing kan batun nemo 'yar uwarsa,.."

Girgiza kai Lamid'o yayi kana yace "Kar ki damu Ammah, Daddy haka yake mutum ne mai son ganin an k'watarwa mutane hakkinsu, musamman da na sanar dashi matsayin Siraj a wajena da kuma family d'in Siraj, so na tabbata he would do anything he can don ganin ya ceto rayuwar Nana Khadijah..."

Ammah ta jinjina kai kana tace "Allah sarki, Allah dai ya biyaku