You Cannot Download this book untill you login but you can read it .

---

Login Register

nufi.... Kafin su ankare tuni Hanne ta gark'ame k'ofa itako Zulai tuni ta rarumo igiyan guga ganin haka yasa Dadda murmusawa don tasan mai suke shirin yi... Tuni ta yaye hujabinta daga ita sai d'aurin k'irji... 'yan hizbah suka soma rintse idanu suna a'uzubillahi Hajiya kanki d'aya.... Ai mai maganar bai ankara ba sai ji yayi an sharb'osa k'asa... Malam Balarabe na ganin haka ya nufi katanga a d'ari lawurje har tana neman kwancewa ya haye katangar... Ko waigowa bayayi fatansa kurum ya tsira...

Tuni Dadda ta zaune d'ayan tana fad'in "Hanne bani muciya a kitchen..." Hanne ta tafi a guje d'auko muciya

Mario da Zulai kuwa dorinar 'yan hizban suka amsa suka shiga kewayasu bakajin komai sai ihun k'artai..... Sai suka masu lilis da k'yar suka tsira hannun su Mairo...

"Gobe ku sake shiga gidan wasu babu bincike sai an maku fin haka, su saka rigar addini kuna tsiyarku, baku tafi bayan gari kama karuwai ba sai cikin gari tsakiyar unguwa gidan wasu... Gobe ma ku dawo..." Ta k'arashe tana jifa masu dorinar su...

Hula a hannu suka tsere suna tsinewa abokinsu Malam Balarabe, da alwashin sai sun kira ogansu na Hisbah wannan cin zarafi da aka masu bazai tafi a banza ba.....

***


*Misau*



Innah Balki tayi shiru tana duban k'awar tata Larai kana tace "Toh yanzu Larai kinaga naje gidan Malami nace amin kiranye Malam bazaice nayi shirka ba... Anya Larai kinaga babu komai.... Gaskiya ina tsoro nidai a ganina kawai muci gaba da addu'a kuna tayani har Allah yaji k'aina ya karkato da hankalinsa ya dawo gida, nidai duk turasa karatu k'asar Arna da Malam yayi shi ya jawo mana wannan musiba sam Hidjo na bai sami ishesshen karatun addini ba...."

Larai ta kuma duban Innah Balki kana tace "Balki nifa taimaka maki nakeda niyyanyi... Idan kuma baki son taimakon kinga tafiyata bariki kuma yanzu d'anki ya soma zama cikinta k'adangarun bariki na lashesa muddin bazakiyi wani hobb'asa ba.... " Ta k'arashe tana yafa mayafinta take fad'in "Ni kinga tafiyata tunda ke 'yar dad'i miji ne komai sai kin sanar dashi baki san ki tashi ki taimaki kanki ba, toh wayema yace maki kiranye shirka ne, addu'a kawai da sadaka Malam zaiyi cikin yardar Allah d'anki ya dawo amma tunda baki son taimakon ni kinga tafiyata...."

Cikin sauri Innah Balki ma ta mik'e don A DUNIYARTA babu abinda take muradi tamkar ta sami hankalin d'anta da kulawarsa....

"Larai muje kiyi hak'uri kada ki tafi...."

Larai ta kad'a kai tace "Ah toh duniyar nan kowa da kika gani na buk'atar addu'a .. Yanzu Sunusi d'an gidan Iya Dumba da yabi makiyaya da masu farauta yak'i gida ba Malam d'in bane ya masa kiranye ya dawo gida, gashi yanzu yayi aure harda 'ya'yansa, nake baiwa Malam labarinki ya tausaya maki sosai yace zai taimaka shine ke zakice baki so ko...."

Cikin sauri Innah Balki ta kuma girgiza kai tana fad'in "A'a wllhi ai nace muje, Ubangiji dai yasa mu dace.... Bara kiga na shiga d'aki na d'auko mayafi....." Ta k'arashe tana shigewa uwar d'akin

****


Zaune take saman k'aton gadon nata cikin yalwataccen d'akinta wanda ya k'unshi kayan more rayuwa da dama... Hannunta rik'eda wani k'aton hoto wanda ya k'unshi kusan mutane biyar.... Wad'anda suke daga tsaye Mace ce da kuma namiji wanda basai ance maka mata da miji bane, na zaune saman kujera kuwa 'yan mata ne yara guda uku masu fuskoki iri guda, kamanninsu d'aya tamkar an tsaga kara, a hoton yaran bazasu gaza shekaru biyu zuwa uku ba, kyawawa dasu ko wacce an kame mata sumarta da ribbon kana ganin yaran kasan sunji hutu sun gaji, ba sai ance maka 'yan uku bane ma'ana triplets ne...


Har Ayiya ta fito daga bathroom Nana A bata daina murmushi tana shafa hoton ba. A haka Ayiya ta k'araso ta sameta itama murmishi kwance saman fuskarta....


Nana A ta d'ago tana duban Ayiya da zamanta kenan gefenta, cikin sanyin muryarta tace "Ayiya insha Allah suna Aljannah..... Mummy Daddy da kuma NANA K.... Ayiya sometimes nakanji cewa da ace 'yar uwata Nana K tana raye k'ila da tayi kama irin tamu nida Nana H k'ila da yanzu FUSKA UKU iri guda ne a gidan nan.... Ina son Nana K kuma bazan tab'a kyautar da toys d'inta ba har abada ina ganin 'yar uwata a jiki......" Tana kaiwa nan ta lumshe idanunta had'ida rungume hoton...

Ayiya da tausayin Nana A ya ratsa zuciyarta batasan sanda ta rungumota ba tana share mata hawaye...


Bata jima da shigowa gidanba daga bakin k'ofar d'akin ta tsaya tana kallonsu makirin murmushi kwance saman fuskarta.... Cikin zuciyarta take fad'in _Ohh my poor crippled sis.. I wish you too didn't survive the accident so that bazan sharing Uncle Luv d'ina dake ba, na sami soyayyarsa ni kad'ai .. Daga shi har Ammah... But.... Anyways You still lost your leg... Ta d'an tab'e fuska had'i da furta "Oh oh oh What a pity ,..... I'm still the queen don munada FUSKA iri guda doesn't mean munada kyau iri guda.... and yes I still love you baby sis sabida Momy da Daddy sun tafi sun barmu saura mu biyu....._ Ta k'arashe tunanin nata tana watsawa Ayiya kallo lokaci guda ta saita kanta taci gaba da tafiya mai k'wark'wasa saman bene tana k'wallawa Ammahnta kira....



*SameenaAleeyou📚*
[12/15, 5:59 AM] ‪+234 806 231 4322‬: *FUSKA UKU*🏮




*08*




*©Sameena Aleeyou...✍🏽*






Tunda suka dawo daga gidan Malam Tsalha ta rapka uban tagumi tana tunanin ta yanda zata soma b'ullowa lamarin, Malam yace saidai ayiwa Ahidjo aure a garin muddin tana so kiranyen da za'a masa yayi tasiri, amma idandai ba aure aka masa ba kwanaki kad'an zaiyi yayi tafiyarsa.... Ko motsawa daga kujeran da take bisa Innah Balki ta kasa balle tayi tunanin d'aura sanwar miyan dare....

A haka Baffah ya shigo gidan ya taddata, abin duk ya damesa da ganin yanayin da ta shiga duk a zatonsa tunanin halin da Deejo ke ciki take, yasan halin Balkisu da saka abu a ranta yanzu haka wannan tunani shi ya hanata sukuni...

Bayan sallan isha suna zaune saman tabarmarsu ta azara suna cin tuwonsu ta surfeffiyar masara miyar busheshiyar kub'iya sai k'anshin manshanu ke tashi ga radio d'insu gefe suna sauraren zab'en dare, abinda zai baka sha'awa da wad'annan ma'aurata shine tsananin soyayyar juna da kulada juna da suke, Allah sarki saidai nasu jarabawan kan d'ansu ne, dama kowa da yanda Allah zai jarrabesa A DUNIYAR SA....

Innah ta musk tana duban Baffah dake faman santin tuwonsa tace "Nikam Malam nace ba...."

D'agowa yayi yana dubanta kana yace "Kika ce mene Inna wuro....?"

Abin duniya duk ya dami Innah gani take batabi hanyar da ya dace ba amma batada zab'i domin Ahidjo shine mata d'anga guda tak komai zata iya yi domin ta sami soyayyarsa.... Baffah ya katseta da fad'in "Ina jinki badai tunani Deejo kike ba.... Allah sarki yarinyar abin tausayi ne d'azu da zan wuce sallan magariba saida na jiyo kukan yarinyar nan, abin tausayi, na rasa ta yanda zanyi na amso yarinyar nan ta dawo hannunmu Gaje bazata tab'a bari ba... Ko gidan Mai Unguwa zan tafi gobe da sassafe...."

Ya k'arashe yana duban Innah wacce damuwa ya kuma nunawa sosai a fuskarta lokaci guda wani tunani ke shigowa zuciyarta, toh kodai hakan zatayi ne...? Bata ida tunanin nataba ta kuma jiyo muryar Baffah yana fad'in "Balkisu wai lafiyarki bakiji abinda nake fad'i ba... Wai meke damunki ne ki fad'a min Bilki na....."

Innah ta gyara zama sosai kana ta soma fad'in "Malam ina tausayin Deejo sosai ina jinta tamkar d'iyar da na haifa ta cikina, yanzu cewa da kayi ka jiyo kukanta har cikin raina naji ciwon hakan, ina fata mu cireta cikin wannan k'angi da k'unci da take ciki.... Malam nikam nace ba mai zai hana mu nema wa Yaron nan auren Deej....." Kafin ta dasa aya Baffah ya cire hannunsa daga cikin tuwon yana dubanta cikeda mamaki da gaske take maganar abinta....

"Bilki lafiyarki kuwa? Kanki d'aya...? Ta ina wannan Al'amari zai soma yuwuwa.... Deejo ta wahala a rayuwarta zata buk'aci jin dad'i a rayuwarta, bata cancanci miji irin d'anki ba... Yaron da baisan mutuncinmu ba balle na wacce za'a aura masa? ..... Ko kin mance acan barikin yanda ya tareda rayuwarsa yanada aurensa... Kawai mu d'auki Deejo don son zuciya irin tamu mu aura masa.... Haba Bilki wannan magana bata kamaceki ba...." Ya k'arashe yana jawo kwanun sha dake cikeda ruwa...

Innah ta d'an b'ata fuska had'i da yin rau-rau da idanu kana tace "Amma Malam....." Baffah yayi saurin dakatar da ita da fad'in "Bana son jin komai, wannan magana bamai yuwuwa bane ALIYU bazai auri yarinyar nan ba...."

Cikin sauri Innah ta d'ago tana dubansa domin a iya saninta rabon Malam da ya kira Ahidjo da asalin sunansa idan bata b'ata tunani ba tun sanda ya masa rad'in suna sai gashi yau ya ambato sunan b'aro-b'aro lallai tunda kaga haka tura ta kai bango.... Bata k'ara cewa komai ba har Malam ya mik'e daga saman tabarman, hankalin Innah ya kuma tashi matuk'a ta shiga tunanin wani hanyar da zata kuma bi, domin ita a ganinta dama ce ta sameta....

***


Gaba d'aya suke zaune a wargajejen dining table d'in mai k'unshe da kujeru goma sha biyu, Nana H 'yar gaban goshin Uncle Siraj hannun su mak'ale cikin na juna sai zuba masa shagwab'a da sangarta take Ammah na kuma riritata....

"Haba Uncle Luv wllhi har kunya nakeji na shiga cikin k'awaye da motata wllhi ta tsufa sosai yau fah shekara tim baka canza min ba ai k'awayena sai su rainani....." Ta k'arashe tana kuma turo baki gaba....

Daga yanda Lamid'o ke zaune ya kafeta da idanu sihirtaccen murmushi kwance saman fuskar sa.


Siraj ya ajiye fork d'in dake cakalan abincin dashi ya kaikaito sosai yana dubanta kana ya soma fad'in "Baby I'm sorry okay... You know I've been very busy kwanakin nan, nasan ya kamata a canza maki mota kiyi hak'uri please akwai noticing da za'a shigo dasu k'arshen December d'in nan sai ki d'auke wacce ta maki kinji..." Ya k'arashe yana shafa kanta kaman k'aramar Baby....

Turo baki ta kuma yi cikin da shagwab'a tace "Uncle nidai naka nake so please...."

Siraj ya dubeta cikeda mamaki kana yace "Baby nawa fah kika ce...."

Kai tsaye ta shiga gyad'a masa kai alamun eh ta k'arada idan kuma bazaka bani ba shikenan bana so...."

Siraj ya matso da kujeransa kusan nata sosai kana ya rik'e hannayenta alamun lallashi ya soma fad'in "Sweetheart bawai banason baki mota ta bace akwai important documents da na adanasu cikin different safes a cikin motar and....." Baikai aya ba sai gani yayi ta mik'e daga table d'in tana fad'in "You know Uncle I just lost my appetite..... And bana son motar ka rik'e abinka....."

Cikin fushi ta soma tafiya Ammah na kiranta...

Excusing kansa yayi yabi bayanta....

Ayiya da isowarta wajen kenan hannunta rik'eda bowl da alama wani abin zata serving d'insu baki sake take dubansu kafin ta shiga tafe hannaye take fad'in "Oh ni Bintu naga salo wannan shi ake kira SHAK'UWA SABON SALO.... Toh Allah shi kyauta ya yaye maku...." Ta k'arashe tana duban Nana A dake faman juya spoon cikin plate kana tace "'Yar Albarka na zuba maki 'ya'yan itaciyan ko...." D'an k'ak'aro murmushi Nana A tayi had'i da girgiza kai kana tace "A'a Ayiya na riga na k'oshi....." Bata kai aya ba ta jiyo muryar Lamid'o yana fad'in "Fruit is good to your health especially da dare ki sha ko kad'an ne...." Ya k'arashe murmushi kwance saman fuskar sa....

Batasan dalilin da ya sanyata amimcewa ba lokaci guda ta shiga murmusawa had'i da jinjina masa kai tana fad'in "Toh Uncle zan sha....."

Ayiya taji dad'in hakan tana lura da irin sadda kai da Nana A keyi da kuma kallon da Lamid'o ke mata murmushi mai kyau kwance saman fuskarta, itakam Allah sa hasashenta ya tabbata sai tafi kowa farin ciki domin Sarki da 'yar Albarka ba k'aramin dacewa zasuyi ba.... Ana haka Ammah da tuntuni hankalinta bai wajen tana tunanin fushin da Nana H tayi, k'ok'arin mik'ewa ta soma yi tana fad'in "Shima dai Siraj son neman fitane dashi, yanzu idan tayi fushi ta tafi sai mu shafe sati bamu ganta ba a gidan nan mai akayi akayi mota da zai hana d'iyarsa inyi.. Haba ni banason irin haka..."

Gaba d'aya kallo suka bita dashi jin irin fad'an rashin gaskiyar da take faman yi akan Nana H....

Kafin Ammah ta k'arasa mik'ewa Siraj da _Hetch_ (in Shawty's voice😂) suka dawo parlorn tana mak'ale cikin jikinsa alamun sun shirya, tuni annuri ya cika fuskar Ammah fad'i take "Hafsatu na ki kwantar da hankalinki mota ce dole ya baki...."

Murmusawa Siraj kawai yayi yana mai k'ok'arin gyarawa Nana H kujera domin zama yake fad'in "Ammah ai kinsan Baby idan ba'ayi abinda take so ba toh babu zaman lafiya...."

Nana H kuwa jin haka yasa kanta sai kuma fashewa yake, toh ta yaya ma zata bari Uncle luv yayi aure, duk wannan kulawar da yake bata wa matarsa zaike bayawarwa sannan idan yayi aure na nufin zai sami nasa 'ya'yan kenan da suka fito daga asalin tsatsonsa dole kenan duk wannan soyayya da yake mata ya tashi ya koma kan 'ya'yansa....

Wayar Ammah ne yayi k'ara ta soma yunk'urin mik'ewa Ayiya tayi sauri tace "Hajiya ki bari na kawo maki..."

Ammah tace "A'a barshi kawai Ayiya dama ina son mik'ewa..."

Ammah na barin wajen Ayiya tayi caraf ta sako zance don bataso Siraj da Nana H suci gaba da k'untatawa 'yar Albarka...

"Sarki ya kamata ka kawo min matar nan taka na saka mata albarka, don na tabbata mai hankali zaka kawo wacce ta iya zama a gida ta kula da miji ba mai gantali a saman kwalta ba kullum...."

Ai Ayiya tana kaiwa aya Nana H ta shak'a tasan ko ba'ace ba Ayiya da ita take, tak'i jinin wannan tsinanniyar mata mai suffan mayu, gashi dai tun mutuwar iyayensu take rainonsu amma ta tsaneta kaman ta fatattaketa daga gidan haka kullum takeji, bacin kinibibin Nana A da tuni ta koreta koda tsiya koda arziki, itace mutum guda dake neman tak'ura rayuwarta tun tana yarinya....

Lamid'o murmusawa kawai yayi yana shafa wuya yake fad'in "Ayiya na kusa insha Allah...."

Ayiya ta watsa wa Siraj harara kana tace "Yauwa ai ya fiye maka kada kabi na wannan abokin naka wanda aljana ta auresa ta hanasa ajiye iyali... Idan nace a kamashi aje a masa karatu shida mahaifiyarsa ba yarda zasuyi ba... Ai sai ka zauna a haka, ita wacce ka lik'e matan naga dai babu aure tsakaninku ehe, kuma dole ranar daka ajiye naka iyalin ta sarara maka dun babu macen da zata d'auki wannan iskancin... K'atuwar mata god'e-god'e da ita kullum tana mak'ale jikinka wai kai Ankul loof koh.. Toh Allah yasa wata da Zara ne ku maga ta k'arya randa kayi aure....."

Tunda ta soma magana suke dubanta, Siraj daina abinda yakeyi cikin waya yayi yana duban Ayiya yanda ta zak'e sai tsefesu take, Nana H kuwa ta kumbura sosai tamkar ta fashe, ji take kaman ta tashi ta rufe Ayiya da duka....

Burin Ayiya ya cika ta k'untata masu kaman yanda suka k'untatawa 'yar Albarka... Ganin Nana H na shirin magana yasa Nana A saurin mik'ewa tana fad'in "Ayiya zan tafi d'aki..." Don tasan k'arshe abin bazaiyi kyau ba muddin suka ci gaba da zama wajen don Nana H ba hak'uro zatayi ba yanzu zata wawwatsa wa Ayiya rashin kunya son ranta babu mai k'wabarta, ta kuma san sabida ita Ayiya tayi hakan....

"Uncle wllhi idan ba'a kori matar nan daga gidan nan ba wllhi sai ta cusawa Nana A tsanarmu kasan sakaryace batasan mai k'aunarta ba.. Uncle kaji irin maganganun da take, kaida Ammah ne kuke cewa a barta sabida Nana A wllhi da tani ce da tuni bata gidan nan tunda babu gadonta ciki...."

Ai haurawan da basuyiba kenan Ayiya ta dawo da baya ta nufi Nana H tana fad'in "Maimaita abinda kika ce dan uwarki... Fitsararriya shashasha wacce batasan darajan aure ba...."

Cikin sauri Nana A ta k'araso tana janye Ayiya yayinda Siraj ya mik'e cikeda b'acin rai yake duban Lamid'o kana yace "Na fad'a maka ka daina shiga sabgan wannan matar she's lunatic batada hankali....."

Baikai aya ba Ayiya ta katsesa da fad'in "Uwarka ce mahaukaciya ba niba kaji na fad'a maka, kuma na zame maku k'arfen k'afa a gidan nan zama dani dole, kuma ina numfashi baku isa k'untata 'yar Albarka ba... Asararru kawai...."

Tana kaiwa aya ta janyo Nana A dake zuban hawaye suka nufi sama...

Lamid'o dai shafa sumarsa yayi yana kallon show d'in lokaci guda yake zancen zuci shi kad'ai....

***

Suna shiga d'aki Nana A ta fincike hannunta cikin kuka take fad'in "Haba Ayiya haba meyasa zakiyi haka, kinsan banason a miki rashin kunya dan Allah idan don ni kike shiga hidiman Uncle da Nana H.. Dan Allah ki daina daga yau I beg of you please...." Ta k'arashe tana had'e hannayenta biyu waje guda alamun rok'o....

Banda harara babu abinda Ayiya ke aika mata, itakam tasha koyawa Nana A k'watan 'yanci tun tana k'arama amma abu ya faskara ta rasa wannan sanyin zuciya na Nana A tai yawa shiyasa 'yar uwar ke cutar da ita tun suna yara.... Bata tankata ba sai ficewa da tayi ta bar mata d'akin alamun itama tayi fushi.....

***

*Tambuwal*


Jin bugun k'ofa ya sanyasu tsame hannaye daga cin tuwon da suke a yanda suke d'in baje a tsakar gida....

Dadda ta mik'e tana tand'e hannu take fad'in "Kuyi zamanku barin duba wasu 'yan biyan bashin ne ke k'ok'arin karya mana k'yauren...."





*SameenaAleeyou📚*
[12/15, 12:10 PM] ‪+234 810 044 6653‬: *FUSKA UKU*🏮



*09*




*©Sameena Aleeyou...✍🏽*





"Waye...? Waye.... Waye mai buga mana k'ofa haka....?" Ta k'arashe tana tand'e ragowar miyar hannunta...

Tana bud'e k'ofar tayi arba dasu kusan biyar motarsu na pake gefe.... Baki sake Dadda ke dubansu kafin tace "Tohhhh! Ikon Allah bayin Allah lafiya...?" Ta tambaya tana gyara tsayuwarta jikin k'yauren...

"Baiwar Allah kin gane wad'annan..?" guda daga ciki ya tambaya yana nuna mata jami'ansu guda biyu wanda sukaji d'auri da bandage a jikinsu, ko ba'ace ba ta shaidasu jami'an hizbah ne da suka jibga bada jimawa ba.... Kafin Dadda tayi magana su Mairo da sukaji shiru suka k'araso d'aurin kallabi a gefen goshi suna fad'in "Wai yaya ne su waye ne....?"

Ai su Mairo suna isowa jami'an hizban nan suka b'oye bayan guda biyun....

Jami'i yace "Aiho wato kune hatsabiban kenan...."

"A'a a'a iya bakinka yaro kada ka kuma cema d'iyoyina hatsabibai ko a kotu ansan k'watan 'yanci ehe..... Dan haka kada ka kuma ce masu hatsabibai...." Dadda tace tana mai murje sauran miyar kukan hannunta da duka hannayenta biyu....

Kafin jami'in ya sami zarafin magana suka hango Oga da Mai Unguwa suna k'arasowa mai unguwa yana fad'in "Wllhi rankashi dad'e ni kaina.. Ni kaina na gaji da fitinan wad'annan mutane, ba'a sati bakaji sunyi fad'a da wani ba tun ina rabo har dai na gaji na daina nace kar wanda ya sake kawo min k'ararsu...."

Oga yace "Assha ai kaga tsiyan rik'on d'iya hannun mace kenan, haka nan zata tashi babu kwab'a...."

Oga bai kai aya ba Dadda ta katsesa da fad'in "K'aryarka wllhi ni nan da kake gani nafi maza dubu iya kula da d'iya, yo wasu shegun mazan masu guduwa su bar matan da d'awainiyar yaransu nawa ankayi hakan... Inyi..? Kawai don anga mutum na rufawa kansa asiri bai tambayi kowa a unguwa ba sai a nemi a saka masa idanu... Toh wllhi bazan d'auka ba ehe...." Ta k'arashe tana girgiza...

Mai Unguwa ya Kalli Ogan hizbah yana girgiza kai kurum alamun ka gani koh....

Oga kam tunda ya d'aura idanu kan kyakkyawar Fuskar Mairo wanda k'wan wuta ya haske ta kuma yin haske gaba d'aya ya kasa d'aga idanunsa daga kan Mairo, gaba d'aya jikin Oga sai yayi sanyi...

Mairo na girgiza take fad'in "Idan fah bazasu watse a nan ba wllhi Baba Mai Unguwa saidai kayi hak'uri don zamu watsar dasu..." Ta k'arashe tana kuma turo kallabinta gaban goshi...

Mai Unguwa zai soma masifa Oga yayi saurin dakatar dashi da fad'in "A'a a'a rankashi dad'e wato abi abun nan a sannu... Na lura akwai rashin fahimta a lamarin, kuma tunda nan ba gidan magajiya bace tabbas bai kamata a shigar masu huruminsu ba tareda sun bada izini ba, su Munkaila sune masu laifi da basuyi bincike ba kan lamarin...."

Tunda ya soma magana Dadda ke dubansa baki sake tana mamakin yanda ya d'auki b'angarensu lokaci guda....

Oga yaci gaba da fad'in "Wato ainihin Hajiya kuyi hak'uri da abinda ya faru, kuma insha Allah zamu hukunta jami'anmu sabida ni a tunanina da gaske gidan karuwai ne kuma tabbas ko Mai Unguwa da kansa yayi shaidan ba'a ganin maza a gidanki toh kinga kuwa tabbas an shiga huruminki... Kiyi hak'uri, idan nasiha sukayi niyyan maku ba ta nan zasu soma ba, tabbas anyi kuskure kiyi hak'uri Hajiya..."

Dadda ta yatsina fuska kana tace "Yauwa gara da Allah yasa kakeda fahimta, kuma kai Mai Unguwa tunda na hanaka auren d'iyata shikenan kaima ka saka mana karan tsana... Ko ba haka bane....?" Ta k'arashe tana duban Mai Unguwa da ya daburce lokaci guda yana fad'in "A'a nidai... Ni kuma....."

"Rufe mana baki har zaka wani ce goyon d'iya mace hannun mace had'ari ne... Toh Mairamu k'walelenka nan gani nan bari akwatin maye Dutsen Arfa sha kallo ehe....." Ta k'arashe tana gyara d'aurin zaninta...

Oga dai hak'uri ya kuma baiwasu Dadda sannan yace za'a d'au mataki kansu Malam Balarabe da jami'ansu da suka taka doka wacce shari'a ta kafa shiga hurumin da ba'a aikesu ba....


****


Sai wajajen 11:00pm ta dawo gidan babu ko mayafi a jikinta sai wani matsettsen skirt wanda yasha tsagu tun daga gwiwarta har k'asa, sam bazakace matar aure bace, ga uwar dogon takalmi tamkar ta kifa k'asa..

Da fallinta ta shigo gidan tana k'walla masa kira take fad'in "Sweet are you home....?"

Birki tayi ganinsa zaune a parlor ya had'e hannayensa biyu k'asar hab'arsa laptop ajiye gabansa..... K'uri ya mata yana kallon ikon Allah sam kaman ba matar aure ba tabbas abin nata ya soma damun sa....

K'arasowa tayi bayan ta kwab'e dogon takalmin nata ta zauna saman cinyarsa ta shiga zuba masa shagwab'a tana fad'in "Sweet I thought zaka joining d'inmu Dinner a gidan Ammah, ko baga text d'ina ba... And you know what...?" Ta d'anyi shiru tana dubansa yanda ya kanne idanu had'i da d'aga gira kurum sama yana dubanta.... Rungumesa tayi sosai had'i da d'ago masa car keys tana fad'in "Uncle luv ya bani motar sa.... Ka tayani godiya please...."

Ga mamakinta Ahidjo tureta yayi daga jikinsa bai tab'a mata hakan ba....

Nana H ta d'ago tana dubansa shaye da tsananin mamaki...

Babu alamun wasa a fuskarsa yake fad'in "A haka kika fita, a wannan shigar taki...?"

Girgiza kai take cikin rashin yarda da abinda kunnuwarta ke jiyo mata kana tace "Ban gane ba. Mai kake nufi....?"

Kallonta ya kuma yi had'i da tura laptop d'in dake bisa wooden table d'in gefe kana yace "No one ever told you how to dress up as a married woman.... Huh?"

Yatsina fuska tayi tana dubansa daga yanda yake zaune kafin ta sakar masa wata shu'uman murmushi tace "Oh Darling you should know by now that I don't follow rules.... Besides what's wrong with my clothes......?" Ta k'arashe tana dudduba jikinta tana juyi gabansa...

Ahidjo da abin ya kuma basa haushi mik'ewa tsaye yayi shima yana dubanta cikin b'acin rai yace "Oh really Hafsat... Are you asking me what's wrong with your clothes?... Take a look of your self.... Ki Kalli kanki wai ke matar aure a haka kika